لا تستسلم في منتصف الطريق دروس الثبات من حياة الأنبياء والعظماء مصطفى حسني

فكر في بدايه حياه كل صاحب انجاز هتلاقي ثمن كبير ادفع في البدايه وبعد كده في النهايه فتح كبير من ربنا سبحانه وتعالى وعلى فكره البدايات لها ذكريات لا تنسى من اول الانبياء ويورثهم كل واحد بعدهم اراد ينشر دعوه ربنا سبحانه وتعالى مرورا برجال الاعمال والتجاره ومن سار على خطاهم ممن اراد تحقيق انجاز مادي او عملي وصولا لاصحاب الاختراعات والاضافات للبشريه ومن سار على هداهم من المجتهدين وطلاب العلم تبدا حياه النبي عليه الصلاه والسلام ربنا يقول له ولقد نعلم انك يضيق صدرك بما يقولون وتنتهي حياه النبي اذا جاء نصر الله والفتح هنانري فورد اول عربيه صنعها كانت في مطبخ بيته بسبب ضعف الامكانيات وصعوبه الاختراع في البدايه وكسر الحيطه عشان يطلع العربيه وانتهت حياته باحد اكبر الاسماء في عالم السيارات. احمد بن حنبل الامام في بدايه رحلته حوالين العالم لجمع سنه رسول الله صلى الله عليه وسلم رهن الحذاء بتاعه بعد فناء كل امواله وانتهى بامام اهل السنه اب وام دفعوا اللي وراهم واللي قدامهم في الحمل والخلفه علشان تنتهي القصه ببكائهم بكاء الفرحه في حفل زفاف ابنهم بدايات محرقه ونهايات مشرقه ما تستخسرش لو كنت في بدايه اي حلم او هدف او حتى في منتصفه ربك بيقول لك انه من يتقي ويصبر فان الله لا يضيع اجر المحسنين وربنا سبحانه وتعالى بيقول لك وما انفقتم من شيء فهو يخلفه وهو خير الرازقين وما انفقتم من شيء اهل اللغه يقول لك تشمل العموم والتصغير لو شيء صغير من اي حاجه تنفقها انفقت مال وقت جهد تفكير ربنا سبحانه وتعالى يخلفه عليك في الدنيا او الاخره او الاثنين مع بعض لانه خير الرازقين الشيخ الشعراوي ليه خاطره جميله في تفسير الايه دي يقول لك انظر الى الارض تنفق فيها حبه القمح فتنتج سبع سنابل في كل سنبله 100 حبه هذا ما اخلفته عليك الارض وهي مخلوق فكيف بما يخلفه عليك الخالق عشان كده الايه ختمت وهو خير الرازقين وعلى فكره لو فكرت كده ساعات تلاقي الانجاز اللي حققته في الاشياء اللي اعلمتها في رحلتك مش بس في النتيجه اللي ممكن ما تتحققش بالظبط زي ما انت راسم لها فاصبر اصبر على ثمن البدايات وما تستسلمش وثابر وكمل وسعيك مش هيضيع عند ربك سبحانه وتعالى من اول شاب بيذاكر لام بتربي لموظف عايز يبني مستقبله وفكر نفسك دايما بالمعنى ده البدايات لو محرقه النهايات هتكون مشرقه وداوم على قراءه سير الناجحين والسابقين اللي تلهمك القوه وتنقل من ارواحهم لروحك الاصرار عشان كده سيدنا رسول الله صلى الله عليه وسلم في بدايه الدعوه نزلت عليه سوره هود اللي مليانه بقصص الانبياء السابقين وربنا يقول له في الاخر وكلا نقص عليك من انباء الرسل ما نثبت به فؤادك فاللهم ارزق قنا الهمه العاليه وبارك لنا يا مولانا في كل خطوه يا خير من سئل ويا اكرم من اعطى العمر قصير وبيجري والخيرات اللي الانسان ممكن يعملها كتيره والواجبات المطلوبه في الحياه ساعات بتتعارض عشان كده مهم الانسان يتعلم الاهم ثم المهم الصحابه هم اللي علمونا الفكره دي كانوا دايما يسالوا سيدنا محمد عليه الصلاه والسلام اي الايمان افضل واي الاسلام افضل واي الاعمال احب الى الله علشان يرتب لهم الاهم ثم المهم وينزل القران يعلمنا يا مؤمنين بلاش تعملوا حاجات اقل اهميه في وقت اهم حاجه بسم الله الرحمن الرحيم يا ايها الذين امنوا لا تلهكم اموالكم ولا اولادكم عن ذكر الله ذكر الله هنا الصلوات الخمسه ومن يفعل ذلك فاولئك هم الخاسر ون يعني عمل الاقل في وقت الاكبر والاعلى فيطلع باب في الشريعه اسمه باب فقه الاولويات يعني ربنا يحبني اعمل ايه الاول قبل ايه وانا النهارده هقول لكم على ثلاث اولويات مهم تتعلمها في دينك الاولويه الاولى هي اولويه العلم قبل العمل لان علم بلا عمل تعطيل معلومات متعطله لكن عمل بلا علم تضليل فلازم نتعلم الاول او على الاقل واحنا بنعمل نكون بنتعلم وبنتعلم اسرع اي حاجه هتشتغل فيها في حياتك لازم تتعلمها الاول معلومات مهمه تفك لك اشكاليات بسهوله لما تنزل لواقع الشغل تتعلم خبرات ناس مشي قابلك في الطريق ووصلوا فيسهلوه على اللي جاي بعدهم اللي هو انت فتتعلم من خبرات السابقين لو عايز تكلم الناس عن ربنا ازاي تدعو الناس الى الله وانت مش عارف امتى تقول ايه ولمين في حاجه اسمها فقه الدعوه ما تنساش ان كلمه اقرا وهي تدل على العلم نزلت قبل العمل يا ايها المدثر قم فانذر نزلت اقرا الاول وسيدنا رسول الله عليه الصلاه والسلام علمنا ان فضل العلم احب اليه عليه الصلاه والسلام من فضل العمل لان الانسان كيف يعمل والدنيا مظلمه قدامه مش شايف والعلم نور فاول اولويه سواء في الشريعه وانت بتتعلم دينك او في اي حاجه حياتيه انك تتعلم قبل ان تعمل. الاولويه الثانيه اللي تتعلمها في دينك كويس بل وفي حياتك كمان اولويه التخفيف والتيسير على التشديد والتعسير. على فكره في الحياه عموما وسيدنا رسول الله عليه الصلاه والسلام مارسها في اشرف شيء وهو الدين. سيدنا انس بن مالك بيقول ما صليت وراء امام قط اخف صلاه ولا اتم صلاه من رسول الله عليه الصلاه والسلام. اخف واتم صلاه كانت صلاه النبي عليه الصلاه والسلام ويتسال سيدنا عمر بن عبد العزيز الصوم في السفر افضل ام الفطر؟ قال افضلهما ايسرهما الايسر على قلبك اعمله اللي عايز يصوم ربنا يتقبل واللي عايز يفطر واخد بالرخصه ربنا يتقبل المهم تبقى مستريح عشان تعمل العمل باقبال على الله سبحانه وتعالى فالتيسير او التخفيف والتيسير مقدم على التشديد والتعسير الاولويه الثالثه اللي هختم بيه بيها مع حضراتكم هي اولويه العمل متعدي المنفعه على العمل قاصر المنفعه يعني العمل اللي بنفع بيه نفسي وغيري اهم من العمل اللي بنفع بيه نفسي بس سيدنا محمد عليه الصلاه والسلام بيقول كما روى الامام البخاري في كتاب الادب المفرد الا انبئكم بدرجه افضل من الصلاه والصيام والصدقه قالوا بلى يا رسول الله قال صلاح ذات البين يعني ان احنا نصالح بين الناس المتخانقه وفس فساد ذات البين هي الحالقه لا اقول تحلق الشعر بل تحلق الدين فكانه بيقول من النوافل النبي صلى الله عليه وسلم مش بيتكلم على الخمس فروض يعني لو تعارض انك بتصلح ما بين زوجين متخانقين او عيله متخانقه وج وقت النوافل الاولى اصلاح ذات البين افضل من الصيام والصلاه والصدقه ويقول صلى الله عليه وسلم الساعي على الارمله والمسكين كالمجاهد في سبيل الله وكالقائم لا يفتر والصائم لا يفطر عشان يقول لك صلى الله عليه واله وسلم اقبل على العمل المتعدي هو مش بيقول لك سيب النوافل بس لو تعارضت يبقى تقدم العمل المتعدي المنفعه يبقى ثلاث اولويات اولويه العلم على العمل حتى تعمل على بصيره ونور اثنين اولويه التخفيف والتيسير على التشديد والتعسير لاثه اولويه العمل متعدي المنفعه على عمل قاصر المنفعه ترتب اولوياتك يعني بتعبد الله على سنه رسول الله صلى الله عليه وسلم فاللهم علمنا وفقهنا بما ينفعنا واتنا الحكمه فمن اتيته الحكمه فقد اوتي خيرا كثيرا مش كل حاجه تطلع حرام او حلال هتلاقي نصها واسمها في القران لكن يقينا هتلاقي حكمها بحاجه اسمها القياس احد مصادر التشريع اللي بنتعلم منها احكام دنا القران والسنه واجماع العلماء والقياس يعني ايه قياس يعني مثلا العنب والرمان والموز دي فواكه مذكوره في القران تطلع ثمره جديده اسمها الكيوي نروح للمشايخ نقول لهم يا مولانا الكيوي دي حلال فيقولوا لنا ايه الكيوي دي نقول له فاكهه يقول لي مش كفايه ايه الفاكهه دي يعني طعمها ايه واثرها ايه على النفس فنقول له طعمها مسكر وبالتحاليل والعلم اثبتوا ان ليها فواد ومالهاش اضرار فيقول لي يا ابني تمام دي تقاس على باقي الفواكه المذكوره في القران وحكمهم زي بعض بالقياس كده فهي حلال في نبات جديد طالع اسمه القنب طب بيتعمل منه ايه النبات ده ماده اسمها الحشيش فنسال المشايخ يا مولانا هو الحشيش حلال ولا حرام ده طالع من النبات فيقولوا لنا ايه الحشيش ده فنقول له دي ماده بتخلي الانسان يشعر بالراحه والاستمتاع كده ولو كثر منه يعمل دماغ كده تشبه شويه شرب الخمره فيقول لي يا ابني دي مشاعر المسكر والمفتر قلت له يعني ايه مسكر ومفتر؟ قال لي نهى النبي صلى الله عليه وسلم عن كل مسكر ومفتر المسكر الحاجه اللي بتغيب العقل جزئيا او كليا والمفتر هي الحاجه اللي بتخلي الجسم فاتر يعني همدان شويه كده قلت له يا مولانا بس ده نبات مش خمره قال لي الخمره ليست اسم لشيء معين الخمره هي اسم لكل كل شيء يخمر العقل يعني يستره سواء يستره بازازه كامله تشربها او بكوبايه خمره لان سيدنا رسول الله صلى الله عليه وسلم قال ما اذكر كثيره فقليل وحرام يبقى بالقياس يا ابني الحشيش ده ياخد حكم الخمر لان كثير الحشيش بيؤثر على الانسان تاثير الخمر يبقى السيجاره الواحده منه تشبه كوبايه الخمر واحنا عندنا كوبايه الخمر من اكبر الكبائر لان ما اذكر كثير فقليل حرام وقال صلى الله عليه وسلم لا تشربن الخمر مش لا تذكر لا تشربن الخمر فانها راس كل شر فتدخل واحد وقال لنا بس الحشيش مش ادمان قلنا له تعال نروح نسال دكتور يفهم اكتر مني ومنك ايه يا دكتور الحشيش ادمان ولا لا فقال انتوا بتقولوا عليه مش ادمان ليه فقام قايل له انا بعرف ابطله اقدر اقعد اسبوعين وثلاثه وشهر من غير ما اشرب قال له بص ده بالظبط اللي وقع اغلب اللي انزلقت قدمه في الادمان بقى مدمن انه بدا من بوابه الحشيش وافتكره مش ادمان في ثلاث انماط يقول لك انت وقعت في الادمان ولا لا النشوه المتصاعده والاستهلاك المادي الزائد والكذب النشوه المتصاعده اول مره شربت انبسطت ولا لا اه انبسطت طب المرات اللي بعدها زودت من الجرعه ولا لا اه زودت انت بتدور على احساس اللذه الاولى كده انت ماشي خطوه خطوه تجاه النشوه المتصاعده واستهلاكك من الحشيش هيزيد. رقم اثنين الاستهلاك المادي الزائد. بتصرف فلوس زياده عن الطبيعي على الحشيش ولا لا؟ الجواب اكيد. رقم لاثه الكذب. اللي بيشوفك عينيك حمرا بتقول له اصلي مش نايم وده كذب ولا بتقول له على فكره اصل انا محشش عشان كده عينيا حمراء بيكذب. وده النمط الثالث الكذب والاستهلاك المادي الزائد والنشوه المتصاعده في الثلاث انماط دول يا جماعه علماء النفس واصحابنا المتعافين من الادمان والاطباء اجمعوا ان هو ده الاتمان بس انت بتقول انا بعرف ابطل اسبوع واثنين وثلاثه وشهر ليه؟ لان الماده الفعاله اللي في الحشيش اللي اسمها تي اتش سي تتراهيدروكانبينويدز الماده دي ما بتطلعش من الجسم الا بعد خمس 45 يوم فانت ما بتحسش باعراض الانسحاب اللي بتضايق الشخص اللي بيشرب حاجه وعايز يشرب تاني عشان ما يحسش بالاعراض دي الا بعد 45 يوم فتعرف تبطل اسبوع واثنين وشهر كمان لكن لو انت بتقول على نفسك فعلا بطلت بطلت دي ليها مقاييس عند الناس المتخصصه زي بطلت العربيه طفيت كل الانوار رفعت الازاز قفلت اللوك سكتت العربيه خالص فانت لو فعلا بطلت حشيش بطلت حشيش واسلوب بحياه الحشيش وخروجات الحشيش وصحبه الحشيش ده اللي ربنا قال عليه في القران ومن تاب وعمل صالحا فانه يتوب الى الله متابا يعني توبه كامله لا يخالط بها ما يفسدها كما يقول العلماء انت اللي نزلت فيك الايه اللي بتبشرك ان ايام الشرب دي كلها وكانت كبائر والصرف ده كله وده صرف في الحرام ربك قال الا من تاب وامن وعمل عملا صالح فاولئك يبدل الله سيئاتهم حسنات وكان الله غفورا رحيما كل لحظات السكر وكل ما ليه اتصرف في الحرام هيتبدل حسنات مبروك انت هتسبق ناس كتير لو قدرت تبطل لوحدك ربنا يتقبل منك ولو ما قدرتش مش عيب تلجا لمتخصص يساعدك حياتك غاليه انت غالي قوي على ربنا ولعل ربنا بيسمعك الكلام ده بينادي عليك على فكره من صفات القائد انه بيعرف يطلب المساعده في الوقت المناسب فسمي الله وقول يا رب واقلع عن كبيره من اكبر الكبائر وهي المخدرات اللي من خطواتها الاولى الحشيش يا رب نجينا ونجي يا رب من استحوذت عليه شهوته انك على كل شيء قدير تعالوا نتفكر مع بعض في اجابه مشايخنا على سؤال مكرر السؤال ده بيقول قول حاسس ان انا بعيد اليومين دول بعيد عن ربنا بتفوتني صلوات وعمري ما كنت كده القران تقل على قلبي جدا وعمري ما كنت كده حاسس ان في ضعف في الحبل اللي كان بيوصلني بربي وانا عمري ما كنت بعيد كده حاسس ان ربنا بعد عني وقبل كده كان اقرب ليا مبدئيا تعالوا نوصف الحاله اولا التوصيف الحمد لله رب العالمين الشعور اللي جواك ده لو انت كنت صاحب السؤال هذا شعور خواص عباد الله لما بيبتعدوا عن الحضره القدسيه بيشعر باختناق لان علاقتهم بربنا مش شيء ثانوي هامشي في حياتهم ده الهوا اللي بيتنفسوه الحضره القدسيه هي حاله بيشعر فيها العبد بالمعيه الدائمه مع الله سبحانه وتعالى ويشعر بدفء هذه معيه وهو فرحان وهو حزين وهو في الشغل وهو في الترفيه وهو نايم وهو صاحي انا في الحضره القدسيه مع الله وفي معلومه ثانيه مهمه ما فيش حاجه اسمها الله بعد عني الله مش بيبتعد ربنا قال على نفسه وهو معكم اينما كنتم احنا اللي بنبتعد وبنحجب نفسنا بغفلتنا ومعاصينا اما هو فهو على ما عليه كان قريب مجيب غفار لمن تاب ذاكر لمن ذكره سبحانه وتعالى وصبور على من عصاه وهجره حاجه مهمه جدا اللي انت فيه دلوقتي من شعور البعد اسمه الشعور بالظلمه حس انا مضلم كده من جوايا الشعور بالظلمه ده جزء متوقع من رحله سيرك الى الله اسمها مرحله الظلمه والمرحله دي الانسان لما بيعدي عليها ليها فضل كبير عليه لانك بتدرك حجم النعمه والانوار اللي انت كنت عايش فيها لما كنت قريب فترجع مليء بالشوق والتقدير لنعمه القرب من ربنا بس استنى الله قادر مهما كنت بعيد انه يعيدك الى حضرته مهما كان حياتك فيها معاصي ملي يكون الجوانب عشان كده ابن عطاء الله بيقول لك الامام الحكيم الكبير من استغرب رب ان ينقذه الله من شهوته او يخرجه من وجود غفلته فقد استعجز القدره الالهيه وكان الله على كل شيء مقتدرا يعني ما تستغربش ان ربنا ينقذك مهما كنت بعيد اوعى توصف ربنا قدرته ان فيها عجز يقدر يجيبك من ابعد مكان لاقرب مكانه ليه سبحانه وتعالى وبعدين ابن عطاء الله بيشرح لك ليه الظلمه دي في حياتك فبيقول لك ربما وردت الظلمه عليك ليعرفك قدر ما من به عليك عشان تدرك وانت حاسس بالبعد وقلبك مقبوض حجم الانوار والجمال لما كنت قريب من ربنا فترجع مليء بالشوق طب الحل الحل المنقذ من سيد الواصلين الى الله صلى الله عليه وسلم في مسند الامام احمد من حديث عبد الله بنسر واحد راح لرسول الله قال له ان شرائع الاسلام قد كثرت علي في حاجات كتيره عايز عايز اعملها فقل لي شيئا اتشبث به قال لا يزال لسانك رطبا بذكر الله فجوم علماء السلوك خدوا الحديث ده وعلمونا ادوا لنا وصفه لو عايز تواصل سيرك الى الله عندك ثلاث اذكار هم اساس سيرك الى الله وثباتك ورجوعك من بعد لا اله الا الله واستغفر الله العظيم والصلاه على رسول الله عليه الصلاه والسلام اشمعنى قالوا لان سيدنا محمد صلى الله عليه وسلم قال جددوا ايمانكم قيل يا رسول الله وكيف نجدد ايماننا؟ قال اكثروا من قول لا اله الا الله فعشان تجدد حاجه حاسس انها تعبت عند كده واتطفت قول لا اله الا الله ايمانك لا اله الا الله على الاقل 100 مره الصبح و100 مره بالليل لا اله الا الله لا اله الا الله الاستغفار في سنن ابي داوود من حديث ابن عباس قال عليه الصلاه والسلام من لزم الاستغفار يعني واضب على الاستغفار كان له من كل ضيق مخرجا ومن كل هم فرجا ورزقه الله من حيث لا يحتسب وهو في ضيق اضيق من ضيق النفس اللي الانسان بيحسه وهو بعيد عن ربنا عشان تخرج لسعه الوصال مع الله يبقى لا اله الا الله واستغفار الذكر الثالث يا من تشعر بالبعد الصلاه على رسول الله لان سيدنا رسول الله عليه الصلاه والسلام قال من صلى علي صلاه صلى الله عليه بها عشره وصلاه ربنا علينا بتخرجنا من الظلمات الى النور مش ربنا قال هو الذي يصلي عليكم وملائكته ليخرجكم من الظلمات الى النور من ظلمه المعاصي الى انوار القرب والطاعه فكثره الصلاه على رسول الله فيها اخرجنا من ظلمات البعد الى انوار القرب لكن اهم حاجه اطمن هو مش بيبعد احنا اللي بنبعد اما هو فهو معكم اينما كنتم فاللهم يا رحم نور قلوبنا بذكرك واشف ارواحنا بحبك واحفظنا من الغفله عن رؤيه قربك ثلاث اخوات ماشيين في رحله فشافوا سور كبير مكتوب عليه يفطه ممنوع الاقتراب حقل الغام اول واحد فيهم ما يعرفش يعني ايه كلمه الغام الجهل بمعنى الكلمه فافتكروا شيء قيم وصاحب الارض خايف عليه فكان عنده شغف يخش يجرب ودخل ودفع الثمن. اما الثاني فتنرفز وشاف ان ده تقييد للحريه انا امشي مطرح ما احب وعارف انا بعمل ايه حتى لو خطر برض هخش ودخل ودفع الثمن اما الثالث فكتب له على اليافطه شكرا على اهتمامك بسلامتنا ده حال العباد مع الحرام واحد عنده شغه في التجربه وواحد جريء باحث عن شهوته وواحد ممتن لربنا انه حذره من حاجه اكيد هتاذيه اللي كتب على اليافطه صاحب الارض مالوش مصلحه الا حمايتك مش تقييدا لحريتك هو عارف اللي ورا السور وانت مش عارف وده بالضبط معنى كلمه حرام اذا صدرت من الله افعال واشياء تضرك او تضر غيرك اللي خلقك عارفها الله لا ينتفع بتركك للحرام ولا يضر بفعلك للحرام يعني مثلا المخدرات متعه عقليه وجسديه لكن العواقب اللي ورا السور دمار عقلي وجسدي السرقه فلوس كتير من غير تعب السنين لكن الحقيقه اللي ورا السور ضياع لامان المجتمع وضياع لاخره اللي بيسرق الا من رحم الله انت عارف اجمل حاجه في الحرام ان تارك الحرام بينتفع في الدنيا ربك بيعوضه من حلال ويؤجر في الاخره لان تارك الحرام ماجور شوف ربك يحميك ويديك هديه وهو نفسه مش مستفيد. اما امتثالنا واحترامنا لكلمه حرام بقدر معرفتنا لحكمه ربنا ورحمته. ان واسع لا يحب التضييق. يعني كلمه حرام مش تضييق على العباد. وانه حفيظ يحب يحميك ويحميني. عشان كده ربنا قال في القران ما جعل عليكم في الدين من حرج. يعني الدين ما فيهوش مشقه. ويقول ربنا في القران ايه واضحه وتلك حدود الله ومن يتعدى حدود الله فقد ظلم نفسه ما قالش فقد ظلم الله اللي حرمها لا قال ظلم نفسه لان انا لو عملت الحرام انا اللي بدفع الثمن انا اللي لما بغتاب الناس بتفقد الثقه فيا وانا لما بنظر بشهوه بالي بينشغل بالشهوه وانا لما بقول كلمه بذيئه الملائكه بتنفر لان الملائكه تتاذى مما يتاذى منه بنو ادم ربك شايف كل الطرق في الحياه وبيقول لك امشي في ده اخرته خير وما تمشيش في ده اخرته شر ويقول لك في القران ولا تقربوا الزنا انه كان فاحشه وساء سبيلا اوله لذه واخره حزن طويل انت يا عبد مش شايف وربك شايف اخر الطريق صدقه وثق فيه ودي نظره الصحابه لكلمه الحرام لما النبي يقولها عليه الصلاه والسلام مره واحد من الصحابه لابس خاتم ذهب فسيدنا رسول الله خلعه من ايده وحطه وقال يعمد احدكم يعني يذهب احدكم الى جمره من نار فيجعلها في يده فبعد ما النبي مشي واحد قال له خد الخاتم استفيد بيه قال لا ما كنت لاخذه ابدا وقد طرحه رسول الله هو واثق ان سيدنا رسول الله مش هيحرم الا المؤذي فافهم معنى كلمه حرام مش تضييق عشان مصلحتنا وخد القرار لو في ذنب مكرر في حياتك وانت متعلق بيه قوي سمي الله واستعين بالله على نفسك وافتكر وعد ربنا والذين جاهدوا فينا لنهدينهم سبلنا وان الله لمع المحسنين مين المحسنين اللي بيحسن لنفسه بترك الحرام احسانا لنفسه محاولتك لترك الشيء اللي ربنا حرمه ده احسان للنفس في الدنيا ولما تقف ويحاسبك رقم واحد الاول قفل الابواب اصل في ابواب اصحاب واماكن بيجي لنا منهم الغلط قفل الابواب دي وادعي رقم اثنين ادعي في كل فرد بتصلي ان ربنا يحميك من نفسك بالدعاء ده اللي في سوره ال عمران ربنا لا تزغ قلوبنا بعد اذ هديتنا فلو فجر ما بيتصليش لاش او اذيه مستمره لحد حواليك او عين محتاجه تكف عن النظر للحرام او مسؤوليه في الشغل متاخره بسبب الكسل ربنا ما حرمش الحاجات دي الا علشانك فخليك واثق في ربنا اللهم اعنا ان ضعفنا وخذ بايدينا اذا تعثرنا وسامحنا يا مولانا على ما كان منا عجيب امر الامام ابو حنيفه تفهم ليه ربنا سبحانه وتعالى بيعلي شان هؤلاء كان عنده تلميذ اسمه عمر بن ذر وكانت ام الامام ابو حنيفه مش مقتنعه بعلم الامام ابو حنيفه قوي فكانت تقول له لما تحب تساله في مساله فقهيه اسال لي الشيخ عمر بن ذر اللي هو تلميذ ابو حنيفه فيروح ابو حنيفه يسال يا عمر ما حكم ربنا في المساله دي فيقول له يا امام انت بتسالني وانت الامام يقول له بس قو لي عشان امي سالتني اسالك انت فيقول له قو لي يا امام الاجابه فيقول له يا عمر اجابتها كذا يلا قو لي الاجابه بقى فيعدها عليه عمر بن ذر ويروح الامام ابو حنيفه يقول لها يا امي سالته فقال لي الاجابه كذا وكذا بس عند ناس كتير مننا على فكره ما فيش مشاكل يعني امي بتقول لي اسال فلان رايه ايه في المساله دي فمش هروح اساله هقول لها يا امي فلان بيقول من غير ما اساله ابو حنيفه ما كانش كده ابو حنيفه باحث عن مقام الصديقيه اللي ممكن ما يوصلوش بالعباده لكن يوصل له بكلمه رسول الله ولا يزال الرجل يصدق ويتحرى الصدق حتى يكتب عند الله صديقا مقام ابو بكر الصديق بسبب تحري الصدق مش هقول حاجه ما حصلتش هروح اساله واقول له يقول لي حتى لا ينطق لساني بكلمه ما حصلتش الصدق وتحري الصدق واصل منشا الصدق هو احترام علم الله ربنا شايفني فالكذب من معاصي السر لان وانا بكذب ما حدش يعرف الا الله وانا فسيدنا علي بن ابي طالب يقول لك لا تعصوا ربكم بالسر فان الشاهد اللي هو ربنا هو الحاكم اللي هيحاكمك هو اللي شاهد عليك فما تكذبش لان ده من معاصي السر الله كان مطلع عليك ومن اعلى مقامات القلوب توقير علام الغيوب وده بينقل الانسان لما يوقر ربنا من ضعيف الهمه في العباده خطاء كسائر البشر لمقام ابو بكر الصديق الصديقيه عن طريق تحري الصدق وده احترام لربنا عشان كده ربك يقول لك يا ايها الذين امنوا اتقوا الله وكونوا مع الصادقين كان ربنا بيقول لك اللي يرفع ايمانك من عبد طبيعي لصديق فالدافع الاول لتحري الصدق احترام القلوب لعلام الغيوب الدافع الثاني لتحري الصدق هو احترام الانسان لقيمه نفسه قدام نفسه انا مش هنزل من نفسي واكذب انا مش خايف وده احد الدوافع اللي اتفق عليها الغرب في تحريهم للصدق وكتبوا ده في الكتب بتاعتهم ان هم وجدوا بالابحاث والتجربه ان الهادم الاول لثقه الانسان في نفسه وثقه المجتمع فيه هو الكذب وعلى فكره الكذب لما انا بكذب اللي قدامي بيدرك ان انا كذبت من ملامح وشي غالبا وبينقبض قلبه وبيبتعد عن الثقه في من غير ما يقول لي نادرا وده كلام علماء النفس ما حد يقول لك الحق انت كذاب على فكره هو لوحده كده بيتخطف لما يشوفني بكذب ومشكله جدا انك تعرف تغير الترميز ده بعد ما تعرف عنك من وشك انك بتكذب وعلى فكره موقف واحد تتزنق فيه وما تقولش الا الصدق ابرك 1000 مره من الف اد الدعاء للتدين او دعوه لنشر الفضيله لانك بصدقك وانت مزنوق بتقول اللي حواليك ان قيمه الصدق عندي اعلى من منظري وهو انا نفسي تسوى ايه اصلا لو كانت مش صادقه والنفوس اللي حواليك قادره على التمييز انك صادق في اصعب الاوقات اللي بتمر بيها ومن اهم اختبارات الصدق انك تجهل معلومه فتقول ماارفش او انك انت تتاخر على معادك فتقول انا اسف اتاخرت من غير ما تقعد تختلق اعذار كتيره وعموما عند العتاب زاد عتاب اللي قدامك ليك تاكد انه بيحترمك لو قلت الصدق مع تحملك لمسؤوليه خطاك وانا نفسي ان احنا نساعد بعض على احترام الصدق اشكر اللي قدامك لو كان صادق حتى لو بتعاتبه على خطاه لكن حسسه انك انت مقدر صدقه بالذات لو كان ابنك وبيتعلم منك قيم الحياه واخيرا بقول لنفسي وبقول لحضراتكم انت اكرم على الله من انه يحاسبك بكره يقول لك كذبت ليه فتقول له يا رب بس انا كنت بدفع مضره كانت ممكن تقع عليا او بجلب منفعه فيقول لك اين كنت انا في قلبك وقتها الضر والنفع بايدي ما تكذبش البشر لا ينفعه ولا يضر فدايما باستمرار فكر قلبك بتوقير علام الغيوب الذي يعلم الصدق والكذب فاللهم الهمنا الصدق في القول والعمل واحشرنا في زمره الصادقين الصديقين يا ارحم الراحمين ايه من ايات العقيده في القران لو فكرت فيها وايقنت بيها هتحل لك مشاكل كتير في حياتك ربنا بيقول ما عندكم ينفد وما عند الله باق معنى الايه ان خزاين ربنا سبحانه وتعالى تكفي الجميع مافيش الحق قبل نفاذ الكميه ربنا واسع ايمانك بالمعنى ده هيخرجك من المنافسه الغير شريفه المبنيه اني لازم اهدك عشان اعرف ابني نفسي وافشلك عشان اعرف انجح انا كان ربنا سبحانه وتعالى عنده ما يكفي البعض والباقي خزاينه فضيت يا اما انا انجح يا اما انت تنجح يا اما يحبوني واخد الاهتمام في القاعده يا اما يحبوك انت ويهملوني انا يا اما انا اقول الحل ومديري يعجب بيا اما انت تقوله ويكون ماليش لازمه في الاجتماع رغم ان ربنا سبحانه وتعالى عنده من سعه الارزاق والقدره انه ينجحك وينجحني وممكن نتنافس بشرف فانت ممكن تسبق مره وسبقك ليا ده يخليني اشجع نفسي ومكسبك يبقى وقودي لتطوير تطوير نفسي بدل ما دايما انا اسبق وابقى مغرور بعد كده ممكن في الشله على فكره يحبوكي لانك طيبه ويحبوها لانها جدعه يعجبوا بيكي لانك شيك ويعجبوا بيها لانها لذيذه دي ارزاق ربنا وزعها وربك قدير سبحانه وتعالى انت في الاجتماع ممكن تقول الفكره فيعجب بيك المدير وانا هشارك وانفذها على اكمل وجه فنكمل بعض الحياه بنيت على المشاركه مش على المغالبه احنا مش في غابه وده التنافس الغير شريف اللي سيدنا محمد صلى الله عليه وسلم حذر منه وقال ان مما اتخوف عليكم اذا فتحت لكم زهرات الدنيا وزينتها فتنافسوها كما تنافسها من كان قبلكم فتهلككم كما اهلكتهم يعني نساعد بعض مش نخلص على بعض ونشارك بعض ونتعلم من بعض مش ندمر بعض لان رب العالمين سبحانه وتعالى عنده اللي يكفي الجميع لما سيدنا خالد بن الوليد قاد المسلمين وانتصر في اكث من 50 معركه فكر سيدنا عمر في عزل سيدنا خالد وارجاعه قائد عادي وتوليه سيدنا ابو عبيده بن الجراح قائد على الجيوش حتى لا يفتن الناس بانتصارات خالد فينسبوا ليه النصر وما ينسبهوش لرب العالمين سبحانه وتعالى بيقولوا فكان خالد بيعمل وهو جندي تحت امره عبيد ابو عبيده بن الجراح اجود ما كان يعمل وهو قائد للجيش فضرب سيدنا خالد مثل لارق منافسه كان بيتنافس مع نفسه في اداء نفسه وانا تابع تحت امره ابو عبيده بن الجراح هشتغل احسن من شغلي وانا قائد مش لو بقيت انت القائد انا خلاص ضعت ولازم افشلكم مسيلم الكذاب رفض دعوه رسول الله صلى الله عليه وسلم لان هو كمان مسيلمه عايز يبقى نبي كانه بيقول النبي انت مش احسن مني عليه الصلاه والسلام رغم انه كان ممكن يتبع رسول الله وينشر الهدايه في بلده فيبعث يوم القيامه مع الانبياء لكنها المنافسه الغير شريفه كم عيله اتهدمت بسبب التنافس الغير شريف على ميراث الاب لما مات والاخوات خسرت بعض كم شركه تراجعت ومشروع ما نجحش بسبب تنافس الشركاء الغير شريف على وضع كل واحد في الشركه وارباح كل واحد فاستمتع بزينه الدنيا وتنافس فيها بشرف وامانه من غير كيد ولا ايذاء ولا سلب للحقوق واعرف ان اللي عند ربنا يكفينا كلنا وما قدر لك سيصل يصل لك لا محاله رغم ضعفك وما لم يقدر لك لن تاخذه باي طريقه رغم قوتك فاللهم قوي في رضاك ضعفنا وبلغنا يا مولانا مما يرضيك امالنا علمونا مشايخ اللغه ان احنا ما نقولش ربنا عارف احنا نقول ربنا عالم لان عارف جايه من المعرفه والمعرفه يسبقها جهل اما عالم فهو دائما بكل شيء عليم احنا بنتجاوز ساعات في الكلام ونقول ربنا عارف لكن لغه عالم مش عارف وده يوضح لك معلومه ان ما فيش معلومه كانت خفيه على ربنا وبعدين عرفها هو عليم بكل شيء قبل ما انت تعمله وده معناه ان ما فيش طاعه انت بتعملها وليكن الصلاه عشان تثبت لربنا شيء هو لا يعلمه هو يعلم انت بتحبه ولا لا الله امال هو فرض الصلاه ليه؟ يعني انا متصور ان الواحد لما بيروح بدري الشغل الساعه 8: بيثبت للمدير بتاعه انه جده بيحترم الشغل طب انا لما بروح الصلاه لربنا في الوقت ان الصلاه كانت على المؤمنين كتابا موقوتا يعني فرضا بوقت معين ومحدد انا بثبت لربنا هو ما كانش يعلم ما هو يعلم انا بحبه ولا مش بحبه سبحانه وتعالى جل في علاه واضح ان في شيء اني في الصلاه لكن الحقيقه اللي يخليك تفهم ايه اللي في الصلاه طريقه النداء على الصلاه لما تفكر كده في الاذان الاذان اللي شاء ربنا سبحانه وتعالى انه يسمعه لك كل يوم خمس مرات الاذان ده في كلمات من ربنا سبحانه وتعالى كلها حب وان صح التعبير بينا وبين بعض لو انا بقول لك صيغه الاذان كاني بنده عليك مليانه عشم مليانه محبه واقبال وكلمات الاذان فيها نوع من استفزاز مشاعر المحبه للقاء الحبيب بيبدا الاذان بكلمه الله اكبر الله اكبر الله اكبر الله اكبر انت ممكن تتصور ان الله اكبر واحده كفايه ما هو كلمه الله اكبر اللي بعدها ده تكرار كفايه واحده لما بسمع الله اكبر اربع مرات بفتكر واحد صاحبي انا عايز اوصل له وعايز اكلمه وعايز اسمع صوته فافضل ارن عليه لغايه ما الجرس يقطع وافتكر حد ثاني بصراحه مش عايز اكلمه وحد زايقني فرن رنتين كده بس مره ولا مرتين بقول على فكره ما ردش ولله المثل الاعلى كان ممكن يقول لك الله اكبر واحده واللي شايف الله اكبر يجي واللي ما افتكرش ربنا من مره خلاص بلغتنا المش حلوه ان شاء الله عنه ماجي لكن ربنا يقول له الله اكبر الله اكبر الله اكبر رد رد على ربنا عشان كده سيدك النبي يقول لك اذا سمعتم المؤذن فقولوا مثل ما يقول الله اكبر اربع مرات وبعدين ربك سبحانه وتعالى يفكرك قبل ما يطلب منك حاجه يفكرك بالاتفاق بالميثاق بالعقيده وكلمه عقيده يعني شيء اتعقد زي العقده كده فما يتفكش بسهوله بعقيدتك مش انت من الناس اللي بتشهد ان لا اله الا الله مش انت من الناس اللي بتشهد ان محمدا رسول الله هو انت منهم ولا مش منهم؟ اه انا منهم طيب حي على الصلاه انت عارف لما ربنا سبحانه وتعالى يقول لك حي على الصلاه في اللغه لو فكيت الكلام ده معناها اقبل على التواصل ربك المستوي فوق العرش مالك السماوات والارض اللي بيقول على نفسه في القران ان تكفروا فان الله غني عنكم ولا يرضى لعباده الكفر ربك اللي بيقول في الحديث القدسي يا عبادي انكم لن تبلغوا نفعي فتنفعوني يعني لا تتصوروا ان بالعباده في شيء بيزيد عندي هذا الاله هو بيقول لك انا حابب اتواصل معاك حابب اسمعك حابب اكلمك بالقران اللي هتقراه حابب انك انت تقف قدامي فاقبل عليك بنوري عشان تنور قلبك ينور يعني يفهم حقائق الدنيا وبعد ما تسيبني في الصلاه تمشي في الحياه وانت قلبك منور شايف حقائق الاشياء بسبب انك انت بتقرب ممن يعلم جميع الحقائق سبحانه وتعالى حي على التواصل حي على الصلاه وبعدين بعد حي على الصلاه ربنا يقول لنا كلمه انا لو قلتها لابني وما شفت عينيه بتلمع من الفرحه هيصيبني الاحباط واحس انه مش مقدرني ربك يقول لنا حيه على الفلاح انا مش متخيل نفسي ابني بيلعب مثلا بلاي ستيشن ولا حاجه بقول له يلا يا ابني تعالى معايا هوريك حاجه تفرحك فما يبصليش يقول لي بص يا بابا عشان مشغول بس شويه كده ربنا بيقول لي وبيقول لك حي اقبل على الفلاح عرض من ربنا انك انت تفوز في الدنيا والاخره من حد لا يخلف الميعاد من حد بيملك الدنيا والاخره من حد انت متاكد وتحلف 100 يمين انه عنده حل لكل مشاكلك وعنده فلوس لكل مطالبك وامالك وبيقول لك حي على الفلاح شيء صعب جدا ان الانسان لما ربنا يقول له حي على الفلاح كانه لسان حاله بيقول له يا رب انا في ايدي حاجه دلوقتي فيها بالنسبه فلاح اكتر من ندائك وشيء لا يوصف لما ربنا يقول لواحد حي على الفلاح يقول له حي على الفلاح ويطير يقف بين يدي الله عشان كده احب الاعمال الى الله الصلاه على وقتها لانك بتقول لربنا يا رب انا فعلا مقدر ندائك ثم يختم النداء بالعقيده بيفكرك الله اكبر الله اكبر لا اله الا الله ليس لك في الكون حد يقدر يحقق لك كل رغباتك اللي الناس تعرفها والباطنيه اللي مش مطلع عليها الا الله بل ورغباتك اللي لسه ما جتش في بالك هو بيجهزها لك يعني العروسه اللي انت لما تتخرج هتحلم بيها بتتربى دلوقتي في بيت ابن ناس عشانك هو بيتوكل لك قبل ان تتوكل عليه لا اله الا الله مالكش غيره عشان كده لما تسمع الاذان قدر ان قمتك او قمتك دي للصلاه مش بتثبت لربنا حاجه انت بتقول له يا رب انا مقدرك مقدر ندائك حي على الصلاه حي على الفلاح اللهم اجعلنا من اهل الصلاه على وقتها اجعلنا من اهل الخشوع في الصلاه ونعوذ بك يا مولانا من بدن يمل من الوقفه بين يديك ومن قلب لا يشتاق اليك حكيت لنا السنه قصه جميله تبين لك قد ايه الشريعه مليئه بالامل سيدنا ابو رفاعه احد الصحابه كان بيصلي ورا رسول الله صلى الله عليه وسلم فرفع النبي صلى الله عليه وسلم راسه من الركوع وقال سمع الله لمن حمده فابو رفاعه قال ربنا ولك الحمد حمدا كثيرا طيبا مباركا فيه فلما سيدنا النبي خلص الصلاه قال مين اللي قال الكلمتين دول قلت انا يا رسول الله قال لقد رايت بضعه و3 ملك يبتدرونها بيتسابقوا ايهم يكتبها اولا دي روايه البخاري روايه مسلم ايهم يرفعها الى الله شوف الذكر ده جه في قلب الصحابي النبي ما كانش علمه الذكر ده لكن الصحابي حس بالكلمتين دول فقال لهم والنبي اقروا فتسمى سنه تقريريه وتبقى جزء من الشريعه بل وسيدنا رسول الله اخبروا بعظم الثواب ان الملائكه بتتسابق مين يكتبها ويرفعها لربنا سبحانه وتعالى فالعلماء بيعلقوا بيقولوا رب عمل صغير تعظمه النيه احساس جميل جوه قلب الصحابي بربنا فاض بيه اللسان بكلمات بسيطه لكن من قلب مستشعر ومستحضر ربنا فكان المقام الكبير والاجر العظيم ويقول لنا سيدنا رسول الله عليه الصلاه والسلام رب كلمه يقولها العبد من رضوان الله لا يلقي لها يكتب الله له بها رضوانه الى يوم القيامه كلمات بسيطه من الشكر او الثناء او الحمد الانسان يقولها فيجبر خاطر حد او يفرح حد او يقول له ربنا انا بحبك يا رب مش واخد بالك لكن كانت نيتك جميله عمل صغير عظمته النيه اللي جوه قلبك مش بس كده حتى النار ممكن تحمي نفسك من النار بعمل بسيط لكن نيتك كانت جميله فيه احد الصالحين اسمه محمد بن العباس العتبي زاره واحد من اصدقائه اسمه احمد بن عبد الرزاق فقدم له شيء كده طعمه حلو فاحمد بن عبد الرزاق قال ناولني اياها فضعها بيدك في فمي قال لماذا قال لانه يروى عن رسول الله انه من لقم اخاه لقمه حلوه وقاه الله تعالى مراره يوم القيامه لقمه حلوه حاجه مسكره تحطها في بق ابنك ولا بنتك ربنا سبحانه وتعالى يقينا مراره يوم القيامه يا نهار ابيض يوم القيامه هيبقى يوم سعيد على الناس الطيبه اللي بتعمل اعمال صغيره لكن اصحاب نيات جميله ومشاعر طيبه ساعات القضيه ما بتبقاش بكثره الاعمال يا ريت يبقى عندنا اعمال صالحه كتير لكن ساعات بتكون بعمل لما ربنا ينظر في قلبك وانت بتعمله يلاقي اقبال وحب فتفتح لك ابواب الجنه في لحظه صدق ويحفظونا مشايخنا ليست العبره بمن سبق انما العبره بمن صدق صدقه تتصدق بيها لكن بحب وابتسامه على حد غلبان فتكرمه بالمال وتكرمه بجبر خاطره كلمه شكر فيها جبر خاطر لحد تحسسه انه عمل لك حاجه كبيره والكلمه صغيره شغلانه تسلمها في شغلك لكن بضمير وتعب وممكن ما تاخدش بالك هو بالنسبه لك عمل صغير بتعمله كل يوم عظمت ظمته النيه علشان كده الصحابه واحد مثلا زي سيدنا بلال بن رباح من اوائل من اسلموا لم يفارق رسول الله صلى الله عليه وسلم كصاحب وناصر ومؤذن وسيدنا النبي دايما تقول للنبي جنبه بلال على طول صلى الله عليه وسلم ورضي الله عن بلال لكن يحصل مشهد مش عبثي مشهد اكيد ربنا بيعلمنا منه حاجه يقول النبي عليه الصلاه والسلام ما دخلت الجنه الا وسمعت خشفه بلال بين يدي خشفه يعني صوت رجلي ماشي يعني بيقول انت من اهل الجنه فقيل يا بلال بما ادركت ذلك قال لا اعلم الا اني كلما توضات صليت ركعتين انا دايما بحب ابقى متوضي ولما اتوضى اصلي ركعتين هو من جواه مش واخد باله ده عمل صغير بالنسبه لجهاده مع رسول الله واذانه وجمع الصحابه في المسجد لكن هو نفسه دايما تبقى روحه طاهره طب اطهر روحي ازاي هطهر جسدي بالوضوء العمل ده هو اللي خلاه النبي دايما يشوفه في الجنه. الست اللي دخلت على السيده عائشه فالسيده عائشه بتقول اديتها ثلاث تمرات وكان معاها عيالها الاثنين فدت كل واحد تمره منهم اكلوها بسرعه وبصوا لها في التمره اللي في ايديها بتاعتها قامت اسماها ومديه ولادها الاثنين كل حته من التمره السيده عائشه تعجبت فقال رسول الله اتعجبين منها فان الله قد رحمها برحمتها لصبيا تقريبا كل الامهات ان شاء الله مرحومه لان الامهات بتعمل اكت من كده بكتير وهم مش واخدين بالهم شايفينه عمل صغير عظموا الحب والنيه اللي كانت في قلب كل ام بتحب عيالها علشان كده اهتم بحال قلبك في اعمالك واستحضارك لربنا والحب اللي بتكرم بيه اللي حواليك حتى وانت بتقدم كوبايه ميه سيدك رسول الله صلى الله عليه واله وسلم ذكر النار فاشاح بوجهه وتعوذ منها ثم قال اتقوا النار ولو بشق تمره انت حافظ الحديث ده بس تامل فيه النار تحافظ على نفسك منها بنص تمره سيدنا النبي مش بيبالغ هو بيقول لك قد ايه الاعمال الصغيره عظيمه لو نيتك جميله تقوا النار ولو بشق تمره فان لم تجد فبكلمه طيبه طلعت من قلب حنين ايه رايك ايه رايك ما تفوتش ولا يوم الا وتعمل زاد اليوم زاد اليوم عمل صغير لكن بقلب تصبح به من السابقين فرب عمل صغير عظ عظمته النيه فاللهم ارزق قلوبنا استحضارك في الاعمال الصالحه وارزق ابداننا الخشوع بين يديك اذا ناديت علينا الشيكولاته طعمها حلو تدي طاقه وممكن تستخدم كجائزه لكن لا يمكن تبقى غذائك الاساسي اللي تعيش عليه كده هتاذي نفسك ولو شبعت منها كل مره ممكن تعمل لك مرض وكذلك اعجاب الناس واستحسانهم لافعالك جميل ان مره حد يبص لك باعجاب او ينبسط من تصرفك او يسقف لك وينبهر على وجهه نظرك لان الانسان بيشعر وقتها بقيمته وان عنده حاجه ممكن يضيفها للناس لكن تبقى مشكله ان ينقلب اعجاب الناس بيا وبارائي لغذائي الاساسي لروحي فابدا ادور عليه عشان اشبع منه واجوع واتالم لو ما حدش خد باله مني واداني لايك على افكاري وجهه نظري وتصرفي فاضي الخطوره الحقيقيه ان الانسان يسلب نفسه بنفسه شخصيته انه يحاول بس يلفت نظر اللي حواليه ويستحسنوا افعاله هم مين اصلا ما هو اذواق الناس مختلفه النهارده دول متدينين فانا معاهم متدين شخصيتي النهارده كده وبكره بتاع بتاع مزاج مع شله بتاعه المزاج بالليل وبعد بكره بتكلم من طرف مناخيري بانزحه في القاعده بتاعه النادي اللي فيها الشباب بتاعه السنيهات والسفريات انا كده شخصيتي اختفت وسيدنا رسول الله صلى الله عليه وسلم بيقدر شخصيتك فيقول لك ما تعيشش كده وما تحاولش تعمل انجاز عشان كده انت اغلى من انك انت تدور على بونبونايه تبقى غذائك اللي هي سقفه الناس ونظرات استحسانهم شوف النبي ينهى عن طلب العلم ليماري به السفهاء ويجادل به العلماء ماء ويجذب انظار الناس اليه اوعى تتعلم دينك او تتعلم حاجه في الدنيا عشان تماري به السفهاء تبقى قاعد في قاعده تتنطط على الناس بالعلم او تجادل به العلماء انك تقعد في القاعده مع العالم وتقعد تاخد وتدي ده انت جامد قوي او تصرف انظار الناس اليك تبقى قاعد في قاعده تقول معلومات في ناس تقول لك يا ده حاجه حلوه قوي اوعى يكون دي نيتك من طلب العلم الناس بيفقد الانسان قيمه نفسه عشان نظره نظره اعجاب وحد يقول يا وادي يا ظريف شوف النبي ينهاك يقول لك قال صلى الله عليه وسلم ويل للذي يكذب ليضحك الناس ويل له ثم ويل له والاصعب ان واحد يعرض حياته للخطر بس حتى عشان يقال عنه وحصلت ايام النبي عليه الصلاه والسلام من كتر العطش لثناء الناس ان واحد يخلي طاعته لربنا سلمه مش لمرضاه ربنا لكن من اجل استحسان الخلق قال صلى الله عليه وسلم اول من تسعر بهم النار قارئ ومنفق ومجاهد انت واخد بالك قارئ يؤتى به يوم القيامه فيقول له رب العالمين ماذا عملت يقول قرات القران فيك قال كذبت وانما قرات ليقال قارئ طب والثاني منفق ماذا عملت يا رب انفقت في سبيلك قال كذبت انما انفقت ليقال جواد ينهر ابيض ومجاهد عملت ايه جاهدت في سبيلك قال لا كذبت انما جاهدت ليقال شجاع فخد بالك الحل في المساله دي ان انا ما اعشش يبقى قوتي واكلي فقط انظار الناس واعجابهم انك معتقدا كده في عقيدتك تعرف ان النفعه والضر فقط بيد الله سبحانه وتعالى الراجل يخش على النبي صلى الله عليه وسلم فيحظر رسول الله يقول خد بالك ان مدحي زين وان ذمي شين قال ذلك عارف يعني ايه؟ يقول له انا لو مدحت حد ازينه في عيون الناس ولو ذميت حد انزله في عيون الناس قال ذلك الله اللي بيعمل كده هو الله اللي يمدح حد يرفعه لو ربنا ذم حد ينزل الله سبحانه وتعالى مالك الملك تؤتي الملك من تشاء وتنزع الملك ممن تشاء فبعد الحل المعتقدي انك تعرف ان النافع والضار هو الله في فلوسك ومنظرك قدام الناس واي حاجه انت عايزها خلي ليك كمان خبيئه عمل يعني عمل من اعمال السر تمرن نفسيتك انك انت تشعر بالنشوه والسعاده بس ان انت مكتفي ان ربنا هو اللي شايفك وحده سبحانه وتعالى مرن نفسك باعمال السر على كده مش لازم حد يكون شايفني انا مستغني برب العالمين استحسان الناس واعجابهم شيء جميل بس المهم مافقدش قيمي ونفسيتي بس علشان بدور على استحسانهم ونظراتهم النظرات المعجبه ده كده غذاء قاتل لروحي فاللهم يا مغني اغننا بك عن من سواك وغيبنا عن شهود انظار الخلق بشهود نظرك الينا معنى مش سهل علمه لنا المشايخ في بدايه السير الى الله لما اعلمناه فك لنا 100 اشكاليه من اكث المشاهد القاسيه اللي بتتمكن من القلب في وقت خطا الانسان انه يحس ان ربنا اعرض عنه واصبح الانسان حاسس انه مالوش مكان في رحمه ربنا ولا ان ربنا اراد انه يكون معاه في الدنيا ولا من جيران النبي في الجنه في الاخره معنى قاسي جدا بيصيب القلب لما الانسان بيعصي والسبب الرئيسي في الشعور ده هو خلل في واحد من اهم مفاهيم السير الى الله سؤال هو انت معتمد على ايه وانت ماشي في طريقك لربنا معتمد على عملك ولا معتمد على الله سبحانه وتعالى هل كلما زادت طاعتك بتشعر بالامان ولا الوقود الحقيقي في سيرك الى الله واعتمادك على عون الله ورحمه الله وعفو الله الاجابه منك هتكون سريعه وطبعا بعتمد على الله مش بعتمد على عملي والحقيقه ان الموضوع اعمق من انك انت تجاوب بسرعه لان الخدعه خفيه جدا يجي اهل الله ويدوك علامه ربنا منور بصيرتهم يدوك علامه معتمد على عملك ولا معتمد على الله يقول ابن عطاء الله من علامات الاعتماد على العمل نقصان الرجاء عند وجود الزلل يعني من علامات الاعتماد على عملك ان رجاءك في الله يقل لو غلطت يحصل حاجه اسمها قطبيه المشا قطبيه المشاعر يعني مشاعرك في اقصى اليمين قوي او في اقصى الشمال قوي مش وسط كل ما كترت الطاعه كل ما تحس ان ابواب الرحمه اتفتحت فتفرح جدا وكل ما اخطات تحس ان ابواب الرحمه اتقفلت بسبب خطاك فتحزن وتياس من رحمه الله دي من علامات الاعتماد على العمل الياس لو غلطت والحقيقه ان الفاتح والمغلق لابواب الرحمه هو الله طب وفين عملي هنا ياتي واحد من اجل العقائد الاسلاميه اي عمل ربنا بيطلبه منك هو سبب انت بتعمله لنتيجه الله بيخلقها فالله بيخلق الشفاء لما انت بتاخد الدواء الله بيخلق الرزق لما انت بتسعى الله سبحانه وتعالى بايده الجزاء لما انت بتعمل فممكن الله سبحانه وتعالى يرحمك حتى لو ما عملتش لان ربنا ربنا سبحانه وتعالى لا يتبدل ولا يتغير اذا تغيرت انت فلا تياس مش جاي اقول لكم ما تعملوش جاي اقول لك ما تياسش لو غلطت لان اعتمادك على الله مش اعتمادك على العمل اصحاب كتير ليا مروا بمرحله في حياتهم تاثرت عبادتهم قلت او سقط في ذنب هو ما كانش متوقعه فيربط على طول غلطته دي او الطاعه اللي ما بقاش بيعملها ان ربنا خلاص اعرض عني ومش عايزني فينزل النهي من الله عشان يقول لك بلاش الشعور القاسي ده انا ما بتغيرش لما انت بتتغير بسم الله الرحمن الرحيم قل يا عبادي الذين اسرفوا على انفسهم لا تقنطوا من رحمه الله ان الله زي ما هو ان الله يغفر الذنوب جميعا انه هو الغفور الرحيم الله مش بيتغير لو انت اتغيرت عشان في اللحظه دي تقوم من الكبو بتاعتك ولا تكون فريسه للشيطان شيطان الياس تعلق برحمه الله الدائمه التي وسعت جميع الذنوب وسعت الخلق جميعا ووسعت كل شيء وربك اللي قربك امبارح قادر يقربك النهارده حتى لو انت عصيت ايه قل يا عبادي الذين اسرفوا على انفسهم سيدنا عمر بن الخطاب كتبها في ورقه وبعتها لعياش بن ابي ربيعه ده كان صحابي جه يهاجر مع النبي ابو جهل قال له امك حزينه ان انت مسافر ارجع سلم عليها فرجع معاه ضربوه فتنوه عن دينه سيدنا عمر بيقول وكنا نظن ان الله لن يقبل منه صرفا ولا عدلا يعني لا فرض ولا سنه حتى نزلت هذه الايه فارسلها الى عياش فاحيا الامل في الله الذي لا يتغير اذا تغيرت انت ورجع واستقبله النبي صلى الله عليه وسلم اجمل استقبال شعره ما بين اعتمادك على الله والاعتماد على العمل في السير الى الله الا وهي رجاءك لو غلطت لا ينقص لو غلطت كن كما انت راجي في رحمه الله فرحمه الله ليست معتمده على عملك بل هي صفه لازمه في الله لا تتغير فاللهم علقنا بك ولا تعلقنا باعمالنا ويسر لنا العوده اليك مهما غرقنا في ذنوبنا ‏Ja.