الموارد الاقتصادية وأنواعها شرح مبادئ الاقتصاد للمبتدئين ببساطة

اهلا بكم في الفيديو الثاني من سلسله شرح مبادئ الاقتصاد بطريقه بسيطه المره اللي فاتت اتكلمنا عن يعني ايه اقتصاد وليه هو مهم في حياته النهارده بقى هنكمل وندخل اكت في موضوع ونتعرف على اهم حاجه في علم الاقتصاد اللي هي الموارد الاقتصاديه اللي بنستخدمها عشان ننتج كل حاجه حوالينا وكمان هنتكلم عن انواع السلع والحاجات اللي الانسان بيحتاجها وهنعرف مع بعض يعني ايه نموذج المبسط للاقتصاد؟ طيب يلا بينا نبدا ونفهم كل ده بطريقه سهله ولطيفه طيب اول حاجه الموارد الاقتصاديه او ممكن نسميها عوامل الانتاج يعني ايه موارد ببساطه كده هي الحاجات اللي بنستخدمها عشان ننتج بيها السلع والخدمات تمام كده عندي بقى ثلاث انواع من الموارد موارد طبيعيه وموارد من صنع الانسان وموارد بشريه. طيب نيجي للموارد الطبيعيه. الموارد الطبيعيه دي هي الحاجات اللي ربنا خلقها لينا زي الارض الزراعيه او البترول او المعادن. بنطلق على المورد ده الارض. ماشي كده والعائد منه العائد الحاجه اللي بنستفيد منها العائد منه بيتسمى ريع او ممكن اسميه ايجار تمام كده طيب تاني حاجه بقى موارد من صنع الانسان ايه هي الحاجات اللي احنا بنعملها عشان ننتج بيها زي الالات المصانع المباني بيتقال او بيتسمى راس المال يبقى خلي بالنا من التسميات دي الموارد الطبيعيه انا بسميها عندي ارض يعني اول ما اقول مصطلح ارض يبقى نحط في بالنا على طول ان انا بتكلم عن الموارد الطبيعيه اول ما اقول مصطلح راس المال يبقى انا بتكلم على الموارد من صنع انسان لان المصطلحات دي مهم قوي نكون عارفينها عشان بعد كده هنتكلم بالمصطلحات دي طيب راس المال عندي ممكن يكون نوعين راس مال عيني يعني ايه عيني عيني زي الالات المعدات تمام كده او ممكن يكون نقدي نقدي يعني الفلوس اللي بنستخدمها نجيب بيها الحاجات دي والعائد بتاع راس المال بيتسمى ايه بيتسمى فايده او ربح ثالث حاجه الموارد البشريه الموارد البشريه ايه يعني ناس اي حد بيشتغل سواء كان الشغل ده ذهني او عضلي ماشي كده وده بنسميه العمل تمام كده والعائد بتاعه هو الاجر يبقى نلخص كده موارد طبيعيه يعني ارض بتسمى العائد بتاعها ريع الموارد صنع الانسان يعني راس مال ال العائد بتاعها بيتسمى فايده او ربح الموارد البشريه بنسميها عمل والعائد بتاعها اجر تمام كده طيب نتكلم بقى عن السلع يعني الحاجات اللي بننتجها ونستهلكها في نوعين من التقسيم انا هقسم السلع عندي لسلع اقتصاديه وسلع حره مره ومره ثانيه هنقسمها لسلع استهلاكيه وسلع استثماريه طيب نقول يعني ايه سلعه اقتصاديه؟ سلعه الاقتصاديه دي الحاجات اللي الناس عايزاها ومش وبتكون مش متوفره بكثره زي الاكل والشرب وبتحتاج مجهود عشان نحصل عليها. السلع الحره زي ايه؟ زي الهواء موجود حوالينا ببلاش مش محتاجين نبذل مجهود عشان ناخده وده ما بيدخلش عندي تبع اهتمامات علم الاقتصاد اللي بيدخل عندي في علم الاقتصاد هي السلع الاقتصاديه تمام كده طيباني تقسيم السلع الاستهلاكيه وسلع استثماريه السلع الاستهلاكيه هي ايه اللي بنستهلكها على طول زي الاكل والشرب طب بالنسبه للسلع الاستثماريه زي الالات المعدات الحاجات يعني اللي بنستخدمها عشان ننتج بيها حاجات ثانيه في المستقبل ف كلمه استثماريه يعني انا بستخدمها دلوقتي عشان انتج بيها حاجات للمستقبل طيب ثالث حاجه هنتكلم عليها الحاجات الحاجه بتاعتنا كناس ودي طبعا بتكبر مع الوقت هنيجي بقى هنا نقسمها لثلاث تقسيمات رئيسيه اول تقسيم عندي حاجات ماديه وحاجات معنويه يعني ايه كلمه ماديه؟ ماديه هي حاجه ملموسه زي الاكل الشرب اللبس السكن حاجات بقى معنويه اللي هي مش ملموسه زي التعليم زي الترفيه الثقافه تمام كده طيباني حاجه انا هقسم الحاجه بتاعتي لحاجه ضروريه وحاجه كماليه حاجه ضروريه يعني حاجه انا ما اقدرش اعيش من غيرها زي الاكل مثلا حاجه بقى كماليه هي يعني ممكن اقدر اعيش من غيرها زي السفر مثلا حاجات بنحبها بس مش ضروريه قوي طيب ثالث تقسيم عندي حاجات فرديه وحاجات جمعيه حاجات فرديه زي مثلا عندي الاكل كل واحد ليه اكله الخاص حاجه انا بس بشبع بيها حاجتي لوحدي حاجه بقى جمعيه زي مثلا الامن او التعليم دي حاجه بتفيد المجتمع كله ماشي كده دي كانت الحاجات بتاعتنا طيب نيجي بقى لرابع حاجه نموذج الاقتصاد المبسط هتلاقي النموذج ده مشهور جدا في اي في اي شرح مبادئ الاقتصاد لازم تلاقيه عندك هنبدا بقى نشوف التقسيمه اللي عندنا دي التقسيمه دي بتوضح لنا ازاي اصلا الاقتصاد شغال تمام كده طيب نبدا نقول عندنا قطاعين قطاع الانتاج وقطاع قطاع الاستهلاك قطاع الانتاج ده اللي هو ايه؟ الشركات بقى والمصانع اللي هي بتنتج لنا بقى السلعه والخدمات قطاع الاستهلاك ده بقى ايه؟ الناس اللي بتستهلك انا وانت كمان بتعمل ايه بقى ضاع الاستهلاك ده بتستهلك وكمان بتمد الشركات بعوامل الانتاج زي ما قلنا فوق زي العمل والارض تمام كده طيب نيجي بقى عايزين نربط ما بين القطاعين دول هنربط بيهم بتيارين في نوعين من التيارات يعني ايه تيار ده اصلا يعني الحركه اللي بتحصل الحركه اللي بتحصل ما بين القطعين اول حاجه عندي بنسميه التيار الحقيقي اللي هو عندي باللون الاصفر ده الناس بتقدم عوامل انتاج زي شغل زي ما ارض الارض بتاعتهم شغلهم كل ده عامل انتاج بتقدمه لمين؟ بتروح تقدمه للشركات بعد كده بتعمل ايه الشركات بتبدا ان هي تنتج الحاجه دي تنتج بيها سلع وخدمات بتروح ترجع للناس ثاني تمام كده طيب نيجي للتيار الثاني وهو اسمه التيار النقدي اللي هو باللون الاخضر ده الشركات بتدي الناس فلوس مقابل الشغل ده بيديهم الناس بتديهم شغل فشركه تروح مديه فلوس للناس مقابل شغلهم الناس دي بقى بتاخد الفلوس وتشتري بيه فيها السلع اللي الشركات عملتها يعني احنا دلوقتي بنلف دايره ما بين قطاعين اساسيين قطاع الانتاج وقطاع الاستهلاك الشركه تديني سلعه انا اشتريها تمام كده انا بروح اشتغل عند شركه فتديني فلوس اشتري بيها سلعه ثانيه تمام كده يبقى احنا زي ما شفنا كده الاقتصاد مش حاجه معقده زي ما هو بس عباره عن نظام بيمشي بين انتاج واستهلاك وكلنا جزء منه سواء كنا منتجين او مستهلكين الفيديو الجاي بقى هنتكلم عن مصطلح المشكله الاقتصاديه وانظمه حل لو عجبكم الشرح ما تنسوش تعملوا لايك وسبسكرايب وتشغلوا الجرس عشان توصل لكم الحلقات الجديده اشوفكم في الفيديو الجاي ‏Yeah.