درس مصر نموذج تنموي في 8 دقيقة مراجعة مركزة للامتحان

الا كنتي في الثالثه اعدادي وباغي تجيب نقطه مزيانه في ماده الاجتماعيات فما عليك غير تبع معايا هذا الفيديو من الاول حى الاخر باش تفهم كلشي وما تنساش تبارطاجي الفيديو مع صحابك باش كلشي يستفد ودير ابوني وفعل هذاك الجرس باش يوصلك كل جديد بوراس هذك شنيوله سربي حيت الاكثريه ديالكم كتفرجوا ماكديروش ابوني صافي سربي ولا غادي اليوم ان شاء الله غادي نشوفوا درس جديد في ماده الاجتماعيات والرابع في مكون الجغرافيا بالدوره الثانيه واللي هو مصر ام الدنيا مصر نموذج تنموي عربي فمصر رغم عدد سكانها الكبير والمشاكل اللي كتواجهها كتحاول تبني واحد النموذج تنمو زوين وقوي من خلال نهر النيل بطبيعه الحال اللي هو الشهريان ديال الحياه ديال مصر وايضا من خلال السياحه اللي كتجيب المليارات من الدولارات والصناعه المرتكزه في ديلطا النيل شن هي هذ ديلطا النيل كلشي غادي نشوفه في هذا الفيديو فتبع معايا من الاول حتى الاخر صافي مزيان اذا اليوم غادي نكتب اتشفوا مصر كنموذج تنموي عربي خذ معايا وريقه وستيلو كيف ديما وكتب معايا جميع المعلومات اللي غادي نشرحوا في هذا الفيديو اذا نبداو على بركه الله الدرس ديالنا كينقاسم لثلاثه المحاور اساسيه اول محور مظاهر النموذج التنموي باسر وثاني محور العوامل المفسره لهذا النموذج وثالث واخر محور الاخوان هو بعض المشاكل اللي كتعيق هذا التنميه ودابا تبع معايا محور بمحور باش تضبط كل شيء مزيان صافي ناضي نبداو على بركه الله بالمحور الاول واللي هو مظاهر النموذج التنموي بمصر واول هذ المظاهر غادي نشوفوها على المستوى الفلاحي والصيد فبسبب ان مصر كتعيش على طول نهر النيل واللي كيشكل شريان الحياه ديالهاشي ساهم في تنوع المنتجات الفلاحيه بحال القمح وقصب السكر الشيء اللي ادى لارتفاع في كميه الانتاج واحتلال مصر متقدمه عالميا فيحال المرتبه 15 في العالم ديال انتاج قصب السكر وزيد عليها ان مصر كتمتلك ثروه سمكيه مهمه سواء من البحر الاحمر او البحر الابيض المتوسط او النهر النيل يعني ان الفلاحه في مصر مرتبطه ارتباط مباشر بالماء اما ثاني مظهر فكنشوفوها على المستوى الصناعي بحيث مصر عندها حتى هي صناعه متنوعه من صناعات غذائيه وصناعات نسيجيه وصناعات معدنيه اساسيه واغلبه الصناعات متركزه في ديلطا النيل حيث فيها سكان وماء لانها كطل على طول نهر النيل واراضي خصبه وبنيه تحتيه وثالثا واخيرا نشوفوا على المستوى السياحي فالسياحه هي واحده من اقوى القطاعات في مصر بحيث انها كتجيب حوالي 12 مليار دولار سنويا وكتساهم ب 12% من الناتج الداخلي الخام يعني الارباح اللي كتربحهم الدوله في العام كامل وكتخلق الاف المناصب ديال الشغل وهذاشي علاش بطبيعه الحال مصر عندها كنوز تاريخيه ما عندها حتى دوله بحالها فحال الاهرامات والمعابد الفرعونيه والبحر الاحمر وهنا كنكونوا سالينا المحور الاول لي شفنا فيه مظاهر النموذج التنموي بمصر ودابا غادي نمشي مباشره للمحور الثاني اللي هي العوامر المفسره للنموذج التنموي بمصر ولكن قبل ما نبدا بغيت نقول لك حاجه مهمه بزاف فالا كنت مهتم تجيب نقطه ممتازه في الامتحان الجهوي في اخر السنه فراه خاصك تلتحق بنا بالعرض الخاص بماده الاجتماعيات وجميع المواد اللي غادي تحتاج في الامتحان الجهوي في اخر السنه العرض اللي كنخدموا معك فيه لايفات يوميه لكل ماده طيله الاسبوع في مجموعه خاصه على الفيسبوك ومجموعه على الواتساب وكنلوحوا لكم ملخصات ابداعيه وتمارين وامتحانات تجريبيه باش نهار الامتحان الجهوي تعمر الورقه وتجيب النقطه اللي تفرح بها والديك وتفرحنا معك وتفرح راسك ايوا سربي راسك وشد بلاصتك معنا من البدايه باش ما يتجمعوش عليك الدروس وتواصل مع هذا الرقم باش يصيفطوا لك جميع التفاصيل ومرحبا بك نرجعوا دابا للدرس ديالنا فين كنا الله يرضي عليك برافو عليك العوامل المفسره للنموذج التنموي بمصر يعني شنو هي الاسباب اللي خلات مصر تقدر تحقق هذا النمو في كاع المجالات اللي ذكرنا في الاول والجواب بكل بساطه كنلقاوه في ثلاثه ديال المجالات اولها المجال الفلاحي فمن اسباب النمو الفلاحي في مصر كنلقاو المنشات المائيه الضخمه بحال السد العالي اللي كيتعتبر من اكبر سدود العالم بطاقه استيعابيه كتوصل ل 169 مليار متر مكعب اضافه لمجالات فلاحيه خسبه وواسعه على طول نهر النيل وموارد مائيه مهمه وزيد عليها يد عامله عندها واحد الارث كبير وتاريخي في الفلاحه زائد انها كتستعمل تقنيات حديثه فيحال تقنيه السقف اما ثاني عامل فكيبان لينا في المجال الصناعي بحيث ان مصر كتوفر على مصادر طاقيه متنوعه فحال الغاز والبطرول وايضا كتوفر على معادن بحال الحديد والفوسفاط وبزاف ديال بعض المواد الاوليه فكاع هذ الموارد الطبيعيه ساعدت مصر في تنميه الصناع اما ثالث واخر العوامل الخاصه بالمجال السياحي فكنلقاو الماثر التاريخيه والحضاريه وبعض المقومات الطبيعيه المتنوعه والبنيه التحتيه السياحيه القويه كالفنادق والمطارات والطرق يعني هنا مصر كتستثمر في الماضي ديالها باش تبني المستقبل ولكن للاسف سف حتى ام الدنيا حى هي بالرغم من النموذج التنموي الرائع ديالها والاهرامات والسياحه والتاريخ ماخطاوهاش المشاكل واللي فيها ما كفيها من المشاكل والمعيقات اللي كتواجه وهي اللي غنشوفوها في المحور الثالث والاخير واول المشاكل كنلقاو المشاكل الطبيعيه اللي كتبان لنا في قله التساقطات وتفاوت الامطار بين الشمال والجنوب وضيق المساحات الخضراء او المساحات الصالحه للزراعه فمصر كتعيش بالاساس على نهر النيل واي تهديد ليه كياثر مباشره عليه وهذاشي اللي شفنا على مستوى بناء نهر النهضه العظيم باثيوبيها اللي حبس الماء على مصر اللي كان غادي يادي لا قدر الله لواحد الحرب شامله في افريقيا وثاني مشكل كنلقاو المشاكل الاقتصاديه بحال ارتفاع الدين الخارجي الكبير اللي كتعاني منه مصر اضافه العجز الميزان التجاري حتى هو الكبير اللي كتعاني منه مصر يعني ان مصر كتستورد بزاف اكثر ما كتصدر وثالث مشكل هو المشاكل الاجتماعيه بحال البطاله والفقر والتزايد السكاني الكبير اللي خلا مصر تولي اكبر دوله في العالم العربي من حيث التعداد السكاني ب 110 مليون نسمه الشي اللي كيخلق واحد الضغط كبير على الشغل والسكن والتعليم واخيرا وليس اخيرا كنكونوا سالينا الدرس ولكن ولكن مازال ما ساليناش جميع الدروس فالا بغيتوني نكمل لكم السلسله بغيت هذا الفيديو يتبارطاج على اكبر عدد ممكن من التلاميذ ديال الثالثه اعدادي وخليو لي واحد التعليق زوين وشي قليب باش انني نكمل لكم وتشجعوني نكمل جميع السلسله وايضا تابونا في القناه وفعل الجرس باش يوصلك كل جديد ابوراس حتى تشنيوله راكم كتفرجوا ماكديروش ابوني ولا غادي نحبس المرقه ما كاين لا فيديوهات لا والو تابونا باش نكمل لكم هذ السلسله الزوينه وايضا الا بغيتي تدخل ميا لماده الاجتماعيات في العرض الخاص بمبادره جي تنجح ما عليك غير تواصل مع هذا الرقم هنايا الا بغيتي ننضيك في الاجتماعيات نضبط معك جميع الدروس باش نهار الامتحان الجهوي تجيب واحد 18 ولا 19 ان شاء الله وحتى لهنا كنقول لكم كان معكم سد عفتاح الكيفاني السلام عليكم ورحمه الله اي العيا ظهري تقسم شحفان راني صاي يلا الاخوان نبداو على بركه