شرح درس اكتب يومياتك الصف الخامس الابتدائي الكتابة السردية

السلام عليكم ورحمه الله وبركاته ازيكم يا شباب عاملين ايه؟ يا رب تكونوا بخير جربت قبل كده تكتب يومياتك او انت بشكل عام عندك نوت كده بتكتب فيها اليوميات بتاعتك النهارده حصل كذا وسوينا كذا رحت ا النهارده كنت مبسوط قوي النهارده كنت زعلان قوي جربت تكتب يومياتك قبل كده شارك معايا كده في التعليقات قول لي بتكتب يومياتك ولا لا النهارده هنتعلم مع بعض افضل طريقه تكتب بيها يومياتك لو انت ما بتكتبش يومياتك هتعرف افضل طريقه تكتب بيها ولو انت بتكتب يومياتك هتتعلم ازاي تكتبها بشكل افضل فيا ترى ايه العناصر المطلوبه وايه الخطوات اللي بنمشي عليها ده اللي هنتعلمه في درس النهارده فلو اول مره تشوفنا معك استاذ محمود اشرف من قناه بالضادي نتكلم ما تنساش تشترك في القناه وتفعل زر الجرس عشان توصل لك الدروس اول باول ويلا نبدا تعالوا نشوف مع بعض العناصر ونشرحها عنصر عنصر اول عنصر معانا في كتابه يومياتك هو العنوان بتشوف الموضوع بتاعك النهارده بيتكلم عن ايه او يومك النهارده ده كان عباره عن ايه؟ وتدي له عنوان ممكن يكون العنوان بتاعك على حسب المكان اللي انت رحته او الحاجه اللي انت عملتها يعني لو مسابقه رياضيه ممكن تكون مسابقه عظيمه ا لو انت رحت خروجه في مكان معين فتكتب اسم المكان في العنوان وممكن يكون العنوان المشاعر اللي انت مريت بيها يوم جميل يوم لا ينسى ذكرى اليمه على حسب ثاني عنصر معانا هو الزمان والمكان بتقول لي اليوميات اللي انت بتحكيها دي حصلت امتى وحصلت فين؟ بعد الزمان والمكان نروح للعنصر الثالث وهو الجمله الافتتاحيه والجمله الافتتاحيه انا بفضل ان هي تكون مشاعر يعني ايه مشاعر؟ يعني انت النهارده بتحكي لي اللي حصل في يومك فتقول لي ده كان يوم جميل قوي قوي قوي علشان عملنا فيه كذا او ده كان يوم صعب علشان تيت عيت النهارده او ده كان يوم مؤلم علشان رحنا للدكتور او كان وهكذا تمام العنصر الرابع معانا انا هو الموضوع وفي الموضوع بقى بتكتب تفاصيل اليوم بتاعك بالكامل اكنك بتحكي حدوته احنا رحنا وعملنا وسوينا وحصل وجه وراح تمام اظن دي سهله بعد ما بتخلص الموضوع بتاعك والاحداث اللي حصلت فيه بنخش على العنصر الخامس وهو الخاتمه والخاتمه سهله جدا جدا هقول لك دلوقتي هنكتبها ازاي اخر حاجه بتوقع وزي ما انت عارف بتكتب التوقيع وبتسيبها فاضيه لان انت ما بتكتبش اسمك في الامتحان او لو هو مديك اسم بتكتب الاسم اللي هو مديهول لك بتوقع وتكتب التاريخ اخر عنصر معانا التوقيع والتاريخ تعالوا مع بعض نطبق عملي تعال نتخيل انه قال لك اكتب يومياتك النهارده عن مكان رحته وانت مثلا رحت حديقه الحيوان فالعنوان بتاعنا هيكون حديقه الحيوان مش محتاجه حاجه يعني تعال نخش على الزمان والمكان هقول اليوم هو الخميس وقد ذهبنا في رحله مدرسيه الى حديقه حديقه الحيوان في الجيزه يبقى الزمان الخميس والمكان حديقه الحيوان في الجيزه بعد كده نخش على الجمله الافتتاحيه زي ما اتفقنا هنكتب في الجمله الافتتاحيه مشاعر طيب احنا ده دي حاجه حلوه ولا حاجه وحشه رحله مدرسيه دي حاجه حلوه يبقى هقول اليوم ده كان من اجمل ايام حياتي اللي انا قضيتها علشان عملنا كذا ولو كان يوم صعب زي ما اتفقنا هقول ده كان من اصعب الايام اللي مرت عليا علشان حصل كذا فهنقول لقد كان هذا اليوم من اجمل الايام التي قضيتوها مع اصدقائي خارج المدرسه. نخش على الموضوع. تعال بقى نحكي بالتفصيل. احنا ركبنا الاتوبيس بتاع المدرسه الصبح ووصلنا قعدنا طول الطريق طبعا بنغني ونلعب ولما وصلنا جنينه الحيوانات شفنا الحيوانات زي كذا وكذا وتصورنا معاهم وكلنا وقعدنا نلعب وفي الاخرنا البيت او رجعنا المدرسه واحنا مبسوطين. فهنقول ركبنا الحافله من امام المدرسه صباحا وكنا جميعا متحمسين قضينا وقتا ممتعا في الطريق نغني ونضحك وعندما وصلنا الى حديقه الحيوان شاهدنا العديد من الحيوانات مثل الاسد والقروض والزرافه والتقطنا العديد من الصور المميزه ثم تناولنا الغداء في مكان الاستراحه ثم لعبنا معا وفي النهايه ركبنا الحافله عائدين الى المدرسه سعداء يبقى انت بتديني تفاصيل يومك ايه اللي حصل فيه عملت ايه؟ طب دي كانت رحله مدرسيه فقلنا ركبنا ورحنا وسوينا طب لو كانت مسابقه هتقول ان انت صحيت الصبح جهزت شنطتك وجلت الفطار الصحي بتاعك وانت رايح كنت قلقان علشان ال مثلا الخصم بتاعك كان قوي وانت خايف تخسر منه ولكن ماما طمنتك والكابتن بتاعك طمنك وصلت لعبت ادائك ما كانش احسن حاجه في الاول بس بعد كده انا اشتغلت على نفسي الحمد لله ووثقت في ربنا ووثقت في نفسي وقمت وكسبت الماتش طب لو كان هي حاجه مثلا صعبه هتقول النهارده كان يوم صعب وصحينا الصبح عادي واليوم كان جميل وفجاه ماما تعبت اجري على المستشفى الدكتور قال لنا ان هي مجهده جدا وان هي لازم ترتاح فانا قررت النهارده ان انا اللي هطبخ واعمل الاكل ا اساعد ماما واساعد بابا فلما روحنا ماما ارتاحت انا اللي جهزت الاكل والمفاجاه ان الاكل عجبهم جدا وانبسطوا جدا جدا بالاكل بتاعي وماما قعدت تدعي لي والحمد لله ماما قامت بالسلامه ودي كانت تجربه جميله بالنسبه لي علمتني ان انا اعتمد د على نفسي وهكذا بتحكي اكنك بتحكي لي حدوده يبقى انت بتحكي في الموضوع تفاصيل الموضوع بتاعك بالكامل يومك حصل فيه ايه نخش على الجمله الختاميه الجمله الختاميه دي بقى عشان تبقى بسيطه هتقول اليوم ده كان يوم حلو ولا كان يوم صعب وتتمنى بعدها امنيه ازاي يعني مثلا حديقه الحيوان دي رحله حلوه يوم جميل فهتقول لقد كان يوما جميلا سيظل محفورا في ذاكرتي اتمنى ان يتكرر مره اخرى وبرده لو كان موقف صعب انت عديت بيه هتقول لقد كان يوما صعبا سيظل محفورا في ذاكرتي واتمنى الا يتكرر مره اخرى واخد بالك من حاجه كتابه اليوميات بيغلب عليها طابع المشاعر طول ما انت بتتكلم باين في كلامك حماس باين في كلامك سعاده باين في كلامك انبساط او العكس لو الموقف اللي انت مريض بيه صعب بيبقى باين في كلامك الحزن والضيق وقد ايه دي حاجه صعبه صعبه وتتمنى ان هي ما تتكررش ويوم مش هتنساه. المذكرات اليوميه دايما لما بتكتبها في اخر اليوم بتكتب الحاجه اللي معلقه معاك وهي دي طبيعه مذكراتك اليوميه. لو انت شخص متعود تكتب مذكراتك قو لي في التعليقات صحيح جربت تكتب مذكراتك قبل كده ولا لا؟ لو انت شخص متعود تكتب مذكراتك هتلاقي نفسك لا ارادي وانت بتكتب بتكتب الحاجه اللي علقت معاك في اليوم اكت حاجه بسطتك او اكث حاجه زعلتك فبالتالي وانت بتكتب يومياتك بتبقى مركز اكت انك تحط مشاعر سواء مشاعر بهجه وفرح وسرور او مشاعر حزن وضيق والم اخر عنصر معانا التوقيع والتاريخ بتكتب التوقيع فاصله نقط زي ما اتفقنا ما بتكتبش اسمك الا لو هو مديك اسم ساعتها بتكتبه وبعد كده التاريخ مثلا 10 10 20 24 اهم حاجه وانت بتكتب تاريخ يومياتك يكون تاريخ قديم ما تكتبش الله يكرمك في اليوميات بتاعتك تاريخ مستقبل انت احنا ما بنعرفش الغيب يا ابني هتكتب لي حاجات حصلت معاك بكره ده ازاي ده يا حبيبي خلي بالك من التاريخ قوي تكتب تاريخ فات مش تاريخ لسه هيجي عايز تريح نفسك يا سيدي تكتب تاريخ امبارح جميل كده يا نجم تعال نفنط العناصر مع بعض ادي العنوان حديقه الحيوان الزمان والمكان كان يوم الخميس في رحله مدرسيه لحديقه الحيوان في الجيزه اهي الجمله الافتتاحيه قلنا كان يوم من اجمل الايام اللي قضيناها بره المدرسه الموضوع حكيناه بالتفصيل من اول ما ركبنا لحد ما رجعنا والخاتمه لقد كان يوما جميلا ومحفور في ذاكرتي وحطينا في الاخر امنيه بعد كده التوقيع والتاريخ هديك كم ملاحظه تخلي بالك منها وانت بتكتب احنا قلنا انك بتركز على المشاعر صح كده قلنا كمان انك تعتمد في كتابتك في الموضوع على اسلوب الحكايه انت بتحكي اكنك بتحكي لي حدوتك بتلخص ليومك في شكل حدوته رحنا وجينا وسوينا وعملنا تمام كده ثاني نقطه مهمه معايا انت بتكتب يومياتك يعني الحاجات دي حصلت معاك فلازم تستخدم ضمائر متكلم سواء بقى متصله منفصله مستتره المهم تستخدم ضمائر متكلم واحنا هنا استخدمنا ضمائر متكلم كتير قلنا ركبنا ادينا المتكلمين قلت ذاكرتي تاء الملكيه اهي وصلنا شاهدنا من اجمل الايام التي قضيتها ها تاء المتكلم اهي جميل كده اخر ملحوظه معانا استخدم اسلوب سهل وكلمات بسيطه لو ركزت هتلاقي ان انا مش مكلكع الامور مش مصعبها استخدم كلمات بسيطه خالص فانت حاول تسهل الامور على نفسك وانت بتكتب يومياتك ودي اجمل حاجه في التعبير الكتابي بشكل عام انك بتعبر فيه عن نفسك وعن شخصيتك فاستخدم كلمات بسيطه بس كده خلص الدرس اتمنى تكون فهمته هتلاقي ملف ي دي اف في التعليقات وفي صندوق الوصف فيها الشرح دوت لو عايز تحتفظ بيه وتذاكره هتلاقي كمان تدريبات على الدرس تقدر تحملها وتحلها وسؤال حلقتنا النهارده لو قلت لك اكتب يومياتك عن اليوم اللي ظهرت فيه النتيجه نتيجه الامتحان بتاعتك انا مش عايزك تكتب الموضوع كله انا عايزك بس في التعليقات تكتب لي الجمله الافتتاحيه يا ترى هتقول فيها ايه طبعا اتمنى ان ده كان يوم حلو ها تكون النتيجه بتاعتك حلوه ان شاء الله هستنى اجابتكم في التعليقات وهصححها بنفسي بس كده درس سهل وبسيط ان شاء الله تكون استوعبته كويس هتلاقي ملف بي دي اف في التعليقاته في صندوق الوصف هتلاقي في الشرح والتدريبات على الدرس حلها ماشي ايدك فيها ولو اول مره تشوفنا ما تنساش تشترك في القناه وتفعل زر الجرس ودوس على زر الاعجاب عشان الدرس يوصل لاكبر عدد من الناس وابعت الدرس لاصحابك على الواتساب عشان انت تستفيد وغيرك يستفيد ولو استفدت مننا ولو معلومه واحده ما تنساش تدعي لنا دعوه بظهر الغيب لعلها تكون شفيعه علينا يوم القيامه ان شاء الله والسلام عليكم ورحمه الله وبركاته