شرح و حل اسئلة المادة وحالاتها علوم صف ثالث فصل ثاني قناة حياتنا التعليمية

اهلا وسهلا بكم جميعا هذه قناه حياتنا اور لايف نرحب بكم جميعا وندعوكم للاشتراك في قناتنا واكيد هذا الفيديو مخصص لطلاب الصف الثالث ماده العلوم وهذه بدايه الفصل الدراسي الثاني نرحب بكم جميعا وكل عام وانتم بالف خير اكيد ان شاء الله تكون سنه حلوه عليكم جميعا وفصل دراسي ثاني بنحقق فيه كل الطموحات ان شاء الله ونجيب احسن علامات اوك من الفصل الاول طيب خلينا نشوف مع بعض عننا هنا هذا الكتاب مكون من ثلاث وحدات اساسيه الصف الثالث للفصل الدراسي الثاني عننا الوحده الاولى رح تكون عن الماده الثانيه رح نحكي فيها عن الارض ومكوناتها والوحده الاخيره رح تكون عن سلامه الانسان وصحته كثير حلوه الماده وممتعه خلينا نشوف مع بعض يا ثالث نتحدث في اول درس عننا لليوم عن الماده ما هي الماده اخذنا زمان يا ثالث انه الماده عننا ثلاث اشكال او ثلاث حالات وحل وهذا الاكيد رح يتكرر معنا في الدروس اللاحقه الماده تتكون من الصلبه او قد تكون مواد صلبه او سائله او غازيه اذا عننا ثلاث حالات للماده زي ما انتم شايفين في الصوره في عندي هي الحالات الثلاثه موجوده دائما باي مكان نحن قاعدين فيه يعني مثلا عننا هون البحر زي ما انتم شايفينه شو الحاله اللي خاصه فيه شو حالته ما هو حاله البحر وهي ماده هي حاله سائله اذا قد تكون صلبه قد تكون سائله وقد تكون غازيه وهذا هو اول درس رح نحكي فيه عن حالات الماده قد تكون نقيه او مخلوط هذا الشيء رح نحكي عنه في الدرس الثاني طيب الماء اللي شايفينه هون في الصوره يا ثالث هو ماده سائله الاطفال الانسان كانسان نحن باعتبار ماده صلبه مش سائله نحن ولا نحن غاز تمام الاشجار كمان اشياء صلبه البالون من بره من بره يعني بنقدر نمسكه هو عباره عن ماده صلبه تمام اما الماده اللي جوا البالون هي ماده تعتبر شو اسمها؟ غازيه طيب نفتح مع بعض نتفرج اكثر على هي الصوره الموجوده هون عندي في عندي طفل و بطلع فقاعات من الماء من الغاز اوكي منها هي اكيد اللعبه هي كلياتنا لعبناها نحن واحنا صغار طيب بدنا نحدد شو هي المواد اللي نحن بنشوفها في الصوره وما هي حالاتها الولد صلب الشغله الصفراء هي كلياتها الاداه هي اللي بستخدمها صلبه عندكم البلالين او الاشكال هي المعلقه بالهواء هي ماده صلبه الاشجار صلبه الغاز الهواء اللي حواليه لهذا الولد هي ماده غازيه تمام الفقاعات اللي بتطلع من هون برضه هي عباره عن نفسه لما يجي ينفخ وبيكون من من النفس تبعه فقاعات من الهواء صح فاذا هذه الفقاعات تعتبر غاز طيب خلينا نتفرج جوا على العلبه اللي جوانيه هيها اللي هون شايفين هون في شويه مي فالماء الموجود جواها اسمه ماده سائله هي تجربه مش غلط انتم تعملوها بالصف مع الاستاذ او مع المسبلش مع بعض ونحكي اكثر عن الماده وحالاتها وهذا هو الدرس الاول لطلاب الصف الثالث المواد معروف تختلف بالطبيعه تمام قد تكون سائله قد تكون صلبه وقد تكون غازيه طيب هل كل المواد بالحياه متشابهه لا صح عندي حسب اللون كل واحده لون حسب الشكل شيء مثلا ممكن يكون مربع شيء ممكن يكون مستطيل زي مثلا كتاب العلوم كتاب العلوم هيه كبير وطويل مستطيل تمام عندي هذا القلم شوفوا كيف مستطيل بس طويل كثير شكله جاي كثير نحيف صح بالحجم تختلف المواد بالكتله كمان تختلف طيب اذا نحن بدنا نوصف شغله معينه عندك اياها مثلا هذا القلم نحكي لونه اصفر على اسود طويل اسطواني صحيح فاذا كل شغله بدك تصفها يا بلونها يا بشكلها يا بحجمها تمام طيب لكن هل بنقدر نصف الهواء اللي جوا الكيس هي مثلا عننا هون كيس فاضي ما فيه هواء تمام هي كيس عادي زي البلون تمام نيجي هسه بنفخه شوفوا كيف اذا هذا الكيس يا ثالث لا لون له صح يعني ما بقدر اوصفه اوه ما احلى هذا اللون رائع لا ما هو كيس اللي جواته لا يمكن وصفه هذا هو اللي جوا نحن بنسميه غاز تمام هي الحاله الثالثه من حالات الماده الغاز لا لون له فما بنقدر نحن نوصفه صح طيب خلينا نتعرف عن شغله جديده اسمها الكتله كتله الاشياء هي معناها كميه الماده الموجوده في جسم ما تمام يعني هذا الولد يشوف قد ايه وزنه خلينا نشوف شو كتلته هي الكتله راح وقف هون على الميزان زي ما انتم شايفين طلع وزنه هون تحت ال 30 بشحطتين يعني وزنه كيلوغرام تمام هذا الميزان بسميه الميزان العادي مش الكتروني يعني زي هيك بيعطينا ارقام هو ميزان عادي اوكي منزلي بسميه هذا ميزان منزلي اوك هذا الميزان هو بسنسميه الكتروني لانه بيعطيني ارقام اوك طيب خلينا نشوف اذا بدنا نحكي عن هذا الولد ال 28 هي اللي هون اللي طلعت على الميزان هي كتلته شو يعني كتله الشخص كتلتك انت يا ثالث معناها قد ايه في ماده موجوده جواتك يعني كميه الماده الموجوده في جسم ما هي تعريف الكتله حطوا عليها دائره واحفظوها يا ثالث الكتله هي كميه الماده الموجوده في جسم ما وتختلف حسب ايش الموازين كم ميزان عندك؟ عننا عده انواع ممكن يكون زي هذا الشكل اسمه الكتروني بتقيس فيه اشياء كثير صغيره زي الدبل الخواتم الذهب يعني كله بشكل عام يقاس بالميزان الالكتروني تمام لانه صغيره بالغرامات يعني بالغرام بطلعها اما في عندك شغله ثانيه اسمها الميزان ذو الكفتين اذا بتروحوا على الخضره وبدك تشتري خضره انت بدك تروح على الحسبه او على الاسواق او على المولات في عندهم بالمول ميزان الكتروني لكن بالحسبه القديمه بيكونوا في عندهم ميزان الكتروني مش ميزان الكتروني ميزان اسمه ذو كفتين هذا الميزان ذو كفتين هيه نفس هذا الشكل بالضبط تمام هون بحطوا شغله اسمها عيارات هي عيارات يعني شيء بيكون كيلو شيء بيكون نص كيلو شيء بيكون ربع كيلو بيجوا بحطوها بكفه والكفه الثانيه بيجوا بحطوا فيها اي ماده انت بدك تقيس كتلتها تمام يعني بدك تقيس هون مثلا الموز بتحط بكيس الموز هون وبالكيس الثاني بتحط العيارات الموجوده هون تمام عشان تعرف بالضبط قد ايه كتله ال كيس الخضره تمام طيب هلا قلنا لكم الذهب بنقيسه بالغرام اطلعوا هون الجي هي الجي هي عباره عن غرام جا غرام اوكي جا غرام تقاس للاشياء الصغيره اللي كتلتها بتكون صغيره كثير صغير الاشياء الكبيره نحن اذا وقفنا على الميزان اللي زي هيك هيها كتبنا هون كي جي كي جي معناها كيلوغرام هنا عننا نشاط كثير حلو بحكينا فيها عن كتله الاجسام باستخدام الميزان ذو الكفتين يعني زي انه انت بتعمل تجربه مين اكبر مين كتلته اكثر التفاحه ولا التنس شو العيارات اللي بدي استخدمها اوك زي ما قلنا لكم هذه الموازين وهذا الميزان قلنا بنحط هون كفه بنحط شيء وهون بنحط نحط مثلا العيارات المناسبه اذا السؤال اللي تحت ما انواع الموازين المستخدمه لقياس الكتله ثلاثه ذو الكفتين الالكتروني والمنزلي تمام ذو كفتين الكتروني ومنزلي نكتبهم هون مع بعض يا ثالث بنحفظهم نيجي لصفحه 14 هون بقول لنا شوي عن شغله اسمها حالات الماده اللي هي اول شغله اللي بلشتنا نا فيها بالبدايه قلنا لكم عننا ثلاث حالات رئيسيه وهذا الحكي اخذناه ونحن صغار اسمها حاله صلبه سائله وغازيه طيب هذا الشيء صلب هذا الشيء اللي بالاسفل صلب هون صلب اي شيء انا بمسكه هذا صلب الطاوله صلبه الكتاب اللي بمسكه صلبه تمام الصلبه يعني بتكون جسيمات الماده فيها الاشياء ال الذرات تبعت الماده تكون اسمها تكون متقاربه ومتراصبه ملزقه كثير وشاده على بعض وكثير متقاربه عشان هيك حجمها بيكون ثابت ما بتغير الصلبه اوكي يعني هذا القلم بشده بحاول اكسره بدنا نكسره نحن لكن هل بقدر اغير شكله اشد اشد عليه بيجي بيتغير لا ما بتغير فاذا بالتالي بنسميها حاله صلبه صلبه لانه الجسيمات اللي جواها متقاربه ومتراصه شكلها ثابت وحجمها ثابت تمام طيب نيجي على وعاء في جواته مي هي المي تفرجوا على المي الموجوده هون اخذت صار شكلها زي شكل المربع تفرجوا عليها في حين لو حطيتها بكاسه صغيره دائريه رح يصير حجمها برضه زي الدائره فاذا السائل بياخذ شكل الشغله اللي هو موجود فيها تمام اوك هون شكلها مربع اذا حطيتهم بكاسه بصير شكلهم زي الكاسه بالضبط معنى ذلك انه الجسيمات اللي جوا المء هي ليست متقاربه ومش متراصه كثير كثير فاذا اوك هي متقاربه لكنها مش ملزقه كثير شاده على بعضها كثير كثير ليست متراصه على شان هيك يا ثالث بياخذ شكلها شكل الشيء اللي هي موجوده فيه عشان هيك الشكل يتغير ليس ثابتا تمام اذا سالتكم سؤال بالامتحان ليه السائل بياخذ نفس شكل الشيء اللي هو موجود فيه بتقول لي لاننا جسيمات الماده في الحاله السائله متقاربه وغير مترا كاسه طيب هل لو حطيت هذول الميات في كاسه ثانيه هل رح يضلوا نفسهم ولا بقلوا رح يضلوا نفسهم اذا الكتله رح تظلها نفسها هي لكن اللي رح تختلف هي شكل الماده السائله تمام هي حطيناها باسطوانه صار شكلها زي الاسطوانه حطيناها بوعاء دائري زي هيك اخذت نفس شكل الوعاء حطيناها بكاسه اخذت شكل الكاسه هي الجسيمات بقول لك متقاربه وغير متراصه نتفرج على اخر حاله وهي الحاله الغازيه تكون فيها جسيمات الماده كثير متباعده اذا بتكون كثير متباعده عن بعضها البعض اوك هذا الشيء هو اللي بخليها تتخذ شكل الوعاء الذي توضع فيه وحجمه يعني الغاز يا ثالث نفس السائل بالضبط لكن لسه بتكون متباعده اكثر واكثر يعني اذا هي بس هي الاختلاف بين الغاز وبين السائل انه بتكون كثير متباعده اكثر من السائل بكثير اذا هل الغاز ماده حجمها ثابت وشكلها ثابت لا حجمها ولا شكلها فعشان هيك الشكل يتغير او سوري اه نعم الشكل يتغير وحتى حجمها يتغير الاثنين بيتغيروا مع بعض فبالتالي نقول عن الغاز بانه لا شكل ثابت ولا حجم ثابت اوكي طيب وين ممكن الاقي الغاز بتلاقيه جوا البالون هون بتلاقيه جوا العجال لما تيجي تنفخ عجال السياره مرات لما يخفت العجل او مثلا تبطل السياره تقدر تمشي لانه العجل خربان شو بسوي شو بصلحه المصلح بس بتزيد عليه هواء تمام اذا بعير عيارات صحيحه بتزيد هوائه اوك شوفوا كيف الغازات الموجوده جوا البلالين هي هي الغازات زي ما قلنا لكم كثير متباعده شوفوا كل واحد بمحل هذا الشيء هو بميز الغاز عن السائل بيكون لسه ابعد بكثير كثير عن بعضها البعض اوكي طيب السؤال اللي تحت اقارن بين الماده الصلبه والغازيه من حيث المسافه بين الجسيمات المكونه لكل منهما بنقول انه بالغازيه بتكون الجسيمات متباعده كثير اكثر من الصلبه ومن السائله طيب برضه عندي صوره التحتانيه بيقول لنا اعطيني ثلاث حالات للماده بهذا الشكل هلا الغواص عنده هي الاسطوانه الاسطوانه انا بحكي عليها من بره انها ماده صلبه اذا بدك تحكي عنها من جوا الاسطوانه هي هي بتعطيه اكسجين O2 يعني بتعطيه غاز فبالتالي اللي جوا الاسطوانه غاز اللي برا الاسطوانه هذا بس تيجي تمسكها وتحطها على حالك تلبسها هي بسنسميها ماده صلبه طيب اللي لابسهم هذول هون بجريه صلبه بتلته كلها اللي لابسها صلبه ال الخوذه اللي على راسه مع جهاز الاكسجين هذا كله صلب طيب المي اللي بيسبح فيها كلها سائله الاشياء النباتات الاعشاب البحريه هي الموجوده تحت صلبه شو كمان ظل عندي؟ اذا صلب وسائل وغاز الغاز ال زي ما قلنا لكم اللي جوا الاسطوانه خلينا نحل مع بعض اسئله الدرس صفحه 17 اول سؤال اقارن بين حالات الماده الثلاث من حيث الشكل ومن حيث الحجم شو بدنا نكتب يا ثالث؟ بدنا نكتب اول شيء الصلبه والسائله والغاز نحن هون كتبناهم بخط صغير اذا هون نكتب الحالات الحالات الماده هون نكتب نكتب صلبه هون سائله وهون غازيه تمام نحكي فوق هون الشكل وهون بنكتب الحجم طيب الصلبه معروف شكلها محدد حجمها ثابت تمام ما بغير لا الحجم ولا الشكل بضله ثابت ولا يتغير ابدا هيها اطلعوا عليها ما بدنا نطلع جوا عي طلعوا لي بره على هي الوعاء الموجود هيه مربع شديناه ضغطناه عملنا شيء ولا بتغير شكله بضله زي ما هو هي اول شغله نيجي نيجي على السائله اللي جواها هي السائله بدكم تحكوا لي انه لا شكل محدد لكن الحجم ثابت هي حجمها يعني نقلته هي المء لكاسه رح يضل الحجم زي ما هو ما بتغير لكن بتغير الشكل تمام نحن نفهمها فهم احسن يا ثالث اذا السائل غير محدد لكن الحجم ثابت اما الغاز لا شكل ولا حجم طيب اي صوره بتحكينا اكثر عن حالات الماده هي ولا هي اكيد هي فيها كل شيء فيها صلبه فيها سائله وفيها غاز السؤال اللي بعديه شايفين هي هذا اسمه الميزان شو نوعه؟ ذو الكفتين ممكن زي هيك اجيب لكم صوره ميزان واقول لكم شو نوعه بتقولوا لي ميزان ذو الكفتين هون بدنا نحط بندوره شو بدنا نحط بالجهه الثانيه بدكم تقولوا لي عيارات طيب السؤال بيحكي لك عندي ثلاث عيارات عندي عيار ال 250 غرام وال200 وال 500 هذول هول كلهم الثلاثه مسكناهم وحطيناهم هون على الجهه الثانيه رحت مسكت وحطيت البندورات اللي اشتريتهم سؤال البندورات لسه اثقل اثقل من كفه الميزان صح طيب معنى ذلك انه هي رح تكون اثقل منهم كلياتهم من ال 500 ومن ال 250 ومن ال 200 مجموعهم مع بعض تمام طيب خلينا نجمعهم كلهم مع بعض عشان اعرف انا كتله ثمار البندوره كتله الثمار راح تكون 950 50 تمام هلا هي هون نازله لانه مش محطوطات العيارات اذا حطينا العيارات الثلاثه هذول كلياتهم اللي مجموعهم 950 رح تتساوى كفتي الميزان اوك طيب السؤال اللي بعده بيقول لنا تفكير ناقد هل يمكن ان تكون كتله الجسم حجمه صغير اكبر من كتله جسم حجمه كبير طبعا كيف يعني هلا انا لو اتفرج على شغلتين يعني زي تفاحه كبيره وتفاحه صغيره دغري مباشره بتطلع بقول لانها هي التفاحه اكبر فبالتالي كتلتها رح تكون اكبر لكن لو جبت كمان بالون كبير جدا وجبنا حبه تفاحه صغيره ولا بندوره صغيره ولا خياره ولا موزه ولا اي شيء هذه الحبه هل لانه البلون كبير معنى ذلك انه وزنه او كتلته اكبر من التفاحه او من البندوره الصغيره طبعا لا فاذا لانه البلون حتى لو كان كبير مهما كان كبير الغاز اللي جواته ما راح يساوي نفس كتله البندوره او الخيا خياره او الموزه او اي تفاحه صغيره فاذا مش شرط مش كل شيء كبير بيكون كتلته اكبر من الشيء الصغير اذا بتحكوا الجواب لا اه لان بحكي جواب نعم لانه بيقول لنا هل ممكن خياره صغيره انها تكون اكبر من كتله جسم كبير زي بالون كبير طبعا كيف زي ما قلنا لكم المقارنه ما بين خياره صغيره وما بين مثلا باللون حجمه كبير طيب في هون دمجنا العلوم مع الرياضيات تحت هي حلوه بقول قول لنا عندك ال كتله القلم الواحد انت اشتريت 10 الواحد هذا مثلا كتلته طلع 10 غرام اوكي رحت اشتريت زيه خمسه قد ايه بده يكون كلياتهم كتلاتهم مجموع الكتله يعني 10 كل واحد وزنه او كتلته 10 فبالتالي بضرب ببساطه 10 ضرب الخمس اقلام اللي بدي اياهم مش 10 مش هون العشره لا نحن بدنا بس خمسه اوكي 10 في 5 50 طيب اذا نحن بهيك خلصنا يا ثالث اول درس معنا في مادتنا العلوم للفصل الدراسي الثاني مره اخرى نهنئكم ببدايه الفصل الدراسي الثاني ونتمنى لكم كل التوفيق والنجاح في حياتكم ولا تنسوا انه في بقيه المواد زي العربي والانجليزي والرياضيات موجودين على نفس قائمه التشغيل للصف الثالث الفصل الدراسي الثاني على قناتنا ولا تنسوا تخبروا اصحابكم عنا الى اللقاء ‏Oh.