شرح درس كتابة نص معلوماتي الصف السادس الابتدائي الكتابة السردية المنهج الجديد

نص معلوماتي باين من اسمه بتكتب نص توصللي فيه معلومات عن الحاجه اللي انت بتتكلم عنها يعني النهارده المستر في الفصل قال لنا اكتبوا نص معلوماتي عن الرياضه فبتبدا تجمعلي معلومات وحقائق علميه عن الرياضه اهميتها ايه دورها ايه بتعمل ايه ولو المدرس قال لك اكتب لي نص معلوماتي عن التدخين هتروح البيت تسرش على النت تجمع معلومات عن التدخين ضرره ايه بيعمل ايه العلماء قالوا في ايه بتديني معلومات مركبه كذا واهم حاجه في النص المعلومات انك تديني معلومات حقيقيه وعشان اتاكد معلوماتك حقيقيه ولا لا بتقول لي انت جبتها منين ايه المصدر اللي انت بحثت فيه عشان تجيب المعلومه بتاعتك لو جبت اي كتاب في الدنيا في معلومات هتلاقي في الاخر في فهرس بيقول لك المعلومه دي قالها العالم الفلاني المعلومه دي جبناها من الكتاب الفلاني الى اخره طب ده الموضوع ده شكله كبير احنا هنعمله ازاي يا عم ولا كبير ولا اي حاجه ركز انت بس معايا كوبايه الشاي بلبن جنبك فهمت يعني ايه نص معلوماتي تعالى مع بعض بقى نشوف هنكتبه ازاي بطريقه مبسطه وسهله وجميله ونشوف كمان العناصر بتاعته ايه وطبعا لو اول مره تشوفنا معك استاذ محمود اشرف من قناه بالضلم ما تنساش تشترك في القناه وتفعل زر الجرس عشان توصلك دروسنا كلها اول باول ويلا نخش على الدرس على طول تعالوا مع بعض نشوف العناصر اللي بيتكون منها الموضوع ونشرحهم عنصر عنصر اول حاجه العنوان وده سهل بتختار عنوان بسيط ليه علاقه بالموضوع بتاعك واتفقنا قبل كده ان العنوان بتاعنا ما يزيدش عن ثلاث اربع كلمات. ثاني عنصر معانا هو المقدمه. طيب يا استاذ محمود انا ما بعرفش اكتب مقدمه قوي هل في طريقه اقدر اكتب بيها مقدمه كويسه؟ طبعا اول حاجه ممكن تبدا الموضوع بتاعك بالسؤال انت بتتكلم هنا عن الرياضه فتسال هل مارست رياضه من قبل ما هي رياضتك المفضله هل تعرف معنى الصداقه هل تعرف اهميه النظافه الى اخره سؤال بتبدا به الموضوع بتاعك بتشد بيه انتباه اللي قدامك طيب يا ترى هنكتفي بالسؤال طبعا لا ممكن نضيف بعد السؤال حكمه زي النظافه من الايمان او العقل السليم في الجسم السليم او الماء سر الحياه ممكن كمان اضيف تعريف يعني ايه تعريف يعني لو الحاجه اللي انا بتكلم عنها دي مش واضحه اعرفها للناس زي ان انا بتكلم عن التعاون مثلا فابدا بالسؤال هل تعاونت مع اصدقائك من قبل وابدا اعرفه ايه هو التعاون التعاون هو ان يساعد الانسان اخيه الانسان الصداقه ان تحب لصديقك ما تحب لنفسك ممكن برده احط في المقدمه بتاعتي معلومه انا بتكلم عن الرياضه فاقوم قايل للرياضه انواع كثيره مثل كذا وكذا وكذا وكذا او بتكلم عن بر الوالدين وقد اوصانا الله عز وجل بالوالدين في القران الكريم اديك معلومه عن الحاجه اللي انا لسه هتكلم عنها طيب يا استاذ محمود بستخدم حاجه واحده من دول والله انت حار تقدر تضيف اين 3لا اربعه اللي انت تقدر تكتبه في المقدمه اكتبه وكنا عاملين هنا درس صغير على القناه بنشرح فيه ابسط انواع المقدمه وابسط انواع الخاتمه اللي تقدر تستخدمهم في موضوعاتك تقدر تبقى ترجع تشوفه جميل انا كتبت المقدمه بعد المقدمه بخش على الموضوع بتاعي الموضوع بتاعنا اسمه نص معلوماتي يعني بيعتمد على حقائق ومعلومات لازم تديني في الموضوع حقائق ومعلومات تقنعني بيها قد ايه الحاجه دي مهمه او قد ايه الحاجه دي ضاره فتجيب لي اثباتات علميه دراسات احصائيات حاجات العلماء اكدوها هتقول لي ثواني يا مستر اجيب الكلام ده منين؟ انا ايش عرفني انا بالدراسات العلميه ولا الاثباتات ولا الاحصاء انا هعرف انا منين انا الكلام ده اقول لك انت مستعجل ليه واحده عليا ممكن نعمل حركه جميله قوي تفكر في الحاجه اللي بتتكلم عنها دي لو هي مفيده تفكر اهميتها ايه ولو هي مضره تفكر ضررها ايه وتحط قبليها كلمه اثبتت الدراسات او كلمه اكدت الاحصائيات او كلمه اكد العلماء بس كده بقت حقيقه علميه هتقول لي والله يا مستر انا مش فاهم اي حاجه هقول لك تعال اديك مثال فتعال تعال نتخيل مثلا ان احنا هنتكلم عن الرياضه قلت لك هات لي حقائق ومعلومات انت مش عارف فاسال نفسك يا الرياضه دي مهمه طبعا طب مهمه في ايه؟ هتقول لي والله بتحمي الجسم من الامراض بترفع مستوى المناعه اا بتخليك تقدر تدافع عن نفسك لو طلع عليك بلطجيه بتخلي ثقتك في نفسك اعلى اقول لك حلو قوي الكلام ده اهو اكتب الكلام ده وقابله بقى اثبتت الدراسات واثبتت الاحصائيات واكد العلماء فتقول مثلا وقد اثبتت الدراسات ان الرياضه تقوي الجسم شفت بقت حقيقه ازاي واثبت اثبتت الاحصائيات ان من يمارس الرياضه تكون ثقته بنفسه اعلى شفت سهله كده ازاي يبقى بجيب الاهميه بتاعه الحاجه الاول في دماغي واكتب قبلها اثبتت الدراسات او اكدت الاحصائيات او اكد العلماء اللي انت عايزه سواء الحاجات دي مهمه بتكتب كده او لو مضره بتشوف الضرر برده وتعمل كده وهنطبق طبعا مع بعض دلوقتي عملي موضوع بس انا عايزك تفهم عنصر عنصر الاول طيب جميل كتبنا الموضوع بتاعنا جمعنا اهميه الحاجه او ضررها وكتبناها على هيئه دراسات علميه واحصائيات حلو قوي كده فاضل لي عنصرين اثنين العنصر اللي بعده الخاتمه والخاتمه بتتكون من جزئين ملخص بكتب سطر سطر ونص كده الخص لك فيه الموضوع كله على بعضه ومعاه دعوه عامه يعني ايه دعوه عامه يعني انا بقول للناس بقى لو الحاجه دي حلوه يلا نعملها ولو حاجه وحشه يلا نبعد عنها فمثلا لو بتكلم عن التعاون اقول لهم فهيا بنا نتعاون او لذلك عليك بالتعاون نفس الكلام فهيا بنا نترك التدخين او لذلك عليك بترك التدخين تمام كده؟ اخر عنصر معانا هو المصادر المفروض ان النص المعلوماتي ده موجود فيه حقائق ومعلومات علميه هتقول لي اه هقول لك ان المصادر والمعلومات العلميه دي مفروض ان انت كاتبها من كتاب علمي او جايبها من بحث علمي مش كاتبها من دماغك هتقول لي يا مستر ما انت لسه قايل لي الحركه ان احنا هنعمل الاهميه والضرر اقول لك ماشي ده بينا وبين بعض لكن المفروض ان الحقائق العلميه دي انت كاتبها من كتاب او جايبها من بحث او جايبها من مجله فهتقول لي بقى انت جبت المعلومات بتاعتك دي منين؟ تقول لي المصدر بتاعك ايه؟ هتقول لي يا مستر انت انت هتلبسني في حيطه كده ما حضرتك لسه قايل ان انا هكتبهم من دماغي اقول لك يا حبيبي ما احنا هنكتب مصدر كده وكده قال يعني المعلومات دي احنا جايبينها من مصدر وانا هديك مصدر او اثنين تحفظهم وتكتبهم في اي موضوع وتريح نفسك تعال نطبق عملي بقى علشان نفهم تعال نكتب موضوع نص معلوماتي عن الرياضه يلا نمشي خطوه خطوه لو وصلت لحد النقطه دي ولو لسه ما دوستش على زرار اللايك دوس عليه واشترك في القناه لو مش مشترك اول حاجه هنبدا بالعنوان انا مثلا هقول العنوان عن الرياضه الرياضه قوه ممكن واحداني يقول الرياضه حياه ممكن واحداني يقول لك الرياضه بس ويسكت ايه ده هو ينفع ينفع بس ده عنوان تعبان خالص يعني تكتبه لو ما لقيتش حاجه خالص تكتبها فانا هقول ارياضه قوه بعد كده المقدمه فهقول هل تحب ممارسه الرياضه اضيف كمان بعد السؤال حكمه فلقد قالوا قديما العقل السليم في الجسم السليم طيب المقدمه مش كبيره قوي ممكن اضيف كمان معلومه فاقوم قايل معلومه عن الرياضه وللرياضه انواع عديده منها الفرديه مثل السباحه والمصارعه ومنها الجماعيه مثل كره القدم وكره السله كده المقدمه خلصت انا افضل انك في نهايه المقدمه لو بتتكلم عن حاجه مفيده تقول دي ليها فوايد كتير ولو حاجه مضره تقول دي ليها اضرار كتير عشان تمهد للعنصر اللي بعد كده فهنقول وللرياضه فوائد عديده نقطه قبل ما ندخل على العنصر اللي بعده خدت بالك المقدمه بتاعتي ماليه مركزها ازاي ليه علشان انا دمجت اكت من حاجه مع بعض حطيت سؤال مع حكمه مع معلومه ودي ميزه ان انت تبقى عارف اكتر من شكل للمقدمه عشان تقدر تستعين بيهم كلهم لو واحد وقع منك يبقى معاك اتنين تلاته تكتبهم وقع منك واحد تاني يبقى معاك اتنين تكتبهم ما تبقاش حافظ حاجه كده خبط لزق وتكتبها في كل الموضوعات ده غلط لازم تبقى مبدع خدت بالك كمان ان السطرين اللي احنا كتبناهم او الثلاث سطور دول كلهم علامه استفهام ونقطتين تحت بعض وفاصله ونقطه علامات ترقيم كتير دي مهمه جدا وبتفرق في جوده الموضوع بتاعك وفي الدرجه اللي بتاخدها لو مش عارف تستخدم علامات الترقيم ازاي كنا عملنا درس هنا على القناه تقدر تبقى ترجع تشوفه بيتكلم عن علامات الترقيم وفنون الكتابه السرديه والتعبير الكتابي بشكل عام ازاي تجيب فيها الدرجه النهائيه خلصنا المقدمه نخش خش على الموضوع تعالى نسال نفسنا الاول الرياضه مهمه في ايه زي ما اتفقنا عشان نحولها لحقائق علميه الرياضه بتحمي الجسم من الامراض بترفع مستوى المناعه اللي بيمارس الرياضه ثقته بنفسه بتبقى اعلى بتساعدك انك تدافع عن نفسك وبتقوي عضلاتك تعالى بقى نحط قبلها ايه اثبتت الدراسات واكد العلماء و اثبتت الاحصائيات فهنقول ولقد اثبتت الدراسات ان ممارسه الرياضه تحمي الجسم من الاصابه بالامراض فاصله وترفع من مستوى المناعه كما اثبتت الاحصائيات ان من يمارسون الرياضه ثقتهم بنفسهم تكون اعلى كما انها تساعدك لتدافع عن نفسك وتقوي عضلات الجسم هتقول لي استاذ محمود انا كده خلصت كل الاهميات اللي انا عارفها بس ما اظنش الموضوع صغير كده ده كده يبقى صغير قوي مني اقول لك في طريقه ثاني ان احنا نكبر بيها الموضوع بتاعنا لو انا خلصت كل الاثباتات بتاعتي خلصت كل الاهميه اللي اعرفها او الضرر اللي اعرفه كتبته وخلصته ولسه حاسس الموضوع صغير اقدر اعمل بحركه شياكه كده ادخل نصائح في الموضوع بتاعي تخيل ان اللي قدامك ده مش بيمارس رياضه فانصحه لو يمارس رياضه يعمل ايه او لو احنا بنتكلم عن حاجه مضره مثلا واحد ا اا مدخن فانصحه لو عايز يبطل تدخين يعمل ايه او بتكلم عن النظافه فانصح اللي قدامي لو عايز يحافظ على بيئته يعمل ايه وهكذا يبقى ادخل نصائح بعد ما اخلص كل الاهميه والحقائق العلميه والمعلومات اللي معايا فاقوم قايل ايه؟ واذا لم تمارس الرياضه من قبل فاختر رياضه تحبها والزم نفسك بالذهاب للتمارين وكافئ نفسك على كل تطور تحرزه نقطه زودت في الموضوع بتاع السطرين بطريقه شيك وليها علاقه بالتفاصيل والعناصر بتاعتي يبقى لو خلصت كل الحقائق والمعلومات وعصرت دماغي ومش عارف اكتب ايهاني ادخل نصائح تعالى نخش مع بعض بقى على الخاتمه هلخص الموضوع بتاعي في سطر ونص ابدا الخاتمه في جمله في الختام في الختام او في النهايه فاقول في الختام الرياضه اصبحت شيئا مهما في زمان انتشر فيه الكسل بسبب التكنولوجيا ده الملخص وهديك نصيحه كده زياده ليك الملخص اللي ينفع يتحط في الاخر ده هو في شبه كبير قوي من المقدمه يعني المقدمه ينفع تتحط ملخص والملخص ينفع تتحط خاتمه فلو انت مش عارف تحط ملخص في الاخر تخيل انك بتكتب معلومه او حاجه عن الموضوع بتاعك في مقدمه بس تكون مقدمه طبعا مختلفه عن اللي انت كتبتها وتقوم حاططها في الاخر يعني ايه؟ يعني اعتبر نفسك بتكتب للموضوع بتاعك مقدمتين واحده في الاول وواحده في الاخر ده الملخص لو انت مش عارف يعني ايه ملخص طيب انا كتبت الملخص بتاعي اخش على الدعوه العامه فهيا بنا نمارس الرياضه اخر حاجه معانا المصادر المصدر بتاعنا مجله العلوم والابحاث العربيه دي طبعا المجله المجله اللي احنا قرينا فيها من شويه انا وانت وطلعنا كل الكلام ده منها صح ولا ايه؟ واخد بالك ماشي معايا الدنيا ممكن تستخدم المصدر ده معاك ممكن تجيب اي مصدر ثاني من اي كتاب خارجي وتحفظه وتعتمد عليه في موضوعاتك الاريح ليك يعني فما تخليش موضوع المصادر ده عائق او حاجه تستصعبها لا بالعكس وهتلاقي ملف ي دي اف في التعليقات وفي صندوق الوصف في ورقه الشرح وكمان تدريبات على الدرس تقدر تحمله وتحلها تمشي ايدك فيها بس كده الموضوع بتاعنا خلص ا شايفه سهل جدا وجميل محتاج محتاج بس فهم اتمنى تكون فهمت كويس قول لي في التعليقات الدنيا معاك كده تمام ولا لا وهسال سؤال تجاوب لي عليه في التعليقات وهصححه بنفسي لو قلت لك اكتب لي موضوع عن النظافه انا عايزك تكتب لي بس في التعليقات مش الموضوع كله عايزك تكتب لي الجزء بتاع الحقائق والمعلومات يا ترى هتكتب ايه في النظافه ابدع واكتب في التعليقات وانا هصححها بنفسي بس درس سهل وبسيط قوي ما فيهوش اي مشاكل اتمنى تكون استوعبته كويس ا اكتب لي في التعليقات يقات الدرس اخباره معاك ايه؟ ولو في حاجه مش فاهمها اكتب لنا برده في التعليقات لو في درس لسه حاسس انه صعب وعايزنا نشرحه لك اكتب لنا في التعليقات وطبعا لو لسه ما اشتركش لحد دلوقتي وفعل زر الجرس عشان توصل لك دروسنا كلها اول باول ابعت الدرس لاصحابك على الواتساب علشان انت تستفيد وغيرك يستفيد ودوس على زر الاعجاب عشان الدرس يوصل لاكبر عدد من الناس واشوفكم في درس جديد ان شاء الله ولو استفدت مننا ولو معلومه واحده ما تنساش تدعي لنا دعوه بظهر الغيب لعلها تكون شفيعه علينا يوم القيامه ان شاء الله والسلام عليكم ورحمه الله وبركاته