شرح درس كتابة مناقشة فكرة الصف الرابع الابتدائي الكتابة السردية

السلام عليكم ورحمه الله وبركاته ازيكم يا شباب يا رب تكونوا بخير قبل ما نبدا في درس النهارده خليني اسالك سؤال في يوم وانت قاعد كده بتمخمخ مع نفسك جت لك فكره جامده جدا فحابب ان الفكره دي الناس كلها تنفذها في المدرسه وفي النادي وفي المنطقه عندك سواء بقى الفكره دي كانت فكره عن مساعده فقراء او ازاي نحل مشكله معينه ايا يكن الفكره اللي جت لك السؤال هنا هتعرض فكرتك على الناس ازاي عشان تقنعهم بيها ممكن تكون فكره حلوه قوي بس انت ما تعرفش تقنع الناس بيها صح ولا غلط وكمان وانت بتقنع الناس لازم تكون امين تقول لهم مميزات الفكره وعيوبها لازم تقول لهم ايه المشاكل اللي هتواجهنا واحنا بنطبق الفكره دي علشان نبقى عاملين حسابنا هنتعامل معاها ازاي فيا ترى ازاي بنكتب مناقشه فكره ده اللي هنعرفه مع بعض في درس النهارده فلو اول مره تشوفنا معاك استاذ محمود اشرف ما تنساش تشترك في القناه وتفعل زر الجرس عشان توصلك الدروس كلها اول باول ويلا بينا تعالوا مع بعض الاول نشوف العناصر اللي بيتكون منها الموضوع ونشرحهم عنصر عنصر بالتفصيل. اول حاجه لازم تدي الفكره بتاعتك اللي بتتكلم عنها عنوان والعنوان في اكت من طريقه تكتبه بيها ممكن تكتبوا العنوان بشكل مباشر يعني ايه؟ يعني لو بتتكلم عن فكره زياره مريض يبقى العنوان بتاعك زياره مريض لو بتتكلم عن فكره ممارسه الرياضه يبقى العنوان بتاعك ممارسه الرياضه بسيط خالص وممكن يبقى العنوان بتاعك احترافي لو انت بتعرف تكتب عناوين جميله زي مثلا لو هنتكلم عن زياره مريض ممكن العنوان يبقى زياره اره امل علشان انت بتدي امل للمريض اللي بتزوره ان ان شاء الله هيقوم بالسلامه لو بتتكلم عن الرياضه ممكن تقول منافسه شريفه علشان الرياضه احنا بنتنافس مع بعض منافسه شريفه فانت ليك كامل الحريه في كتابه العنوان بتاعك طب لو هتاخد رايي انت لسه طالب في رابعه ابتدائي فاكتب عنوان بسيط مباشر جميل نخش على الخطوه اللي بعدها المقدمه والمقدمه بنمهد فيها للفكره بتاعتنا الفكره بتاعتنا دي مهمه في ايه ومهمه ليه انا مثلا بفضل قدر ان احنا نبدا المقدمه بتاعتنا بسؤال او ممكن بزمان ومكان لو انت مش عارف ايه هي اشكال المقدمه اللي تقدر تعتمد عليها في البدايه لو مش بتعرف تكتب مقدمه كنا عاملين درس هنا على القناه انواع المقدمه والخاتمه تقدر تبقى ترجع تشوفه انا مثلا هنا في الموضوع بتاعي هبدا بالسؤال واقول معاه جمله او جملتين بيبينوا اهميه الفكره اللي انا عايز اناقشها بقول لكم ايه ما تيجوا نطبق عملي مع بعض عنصر عنصر عشان نفهم اكتر تعالوا نتخيل ان احنا عندنا فكره ان احنا نعمل مسابقه رياضيه ما بين الطلاب في المدرسه فكره جميله ان احنا نعمل زي يوم رياضي كده في المدرسه فتعالوا نناقش الفكره بتاعتنا دي اول حاجه هنبتدي بالعنوان زي ما اتفقنا ممكن تكتب عنوان بسيط تقول ممارسه الرياضه او الرياضه حياه او ممكن نقول منافسه شريفه كتبت العنوان بتاعي نخش على المقدمه هبدا بالسؤال هل تحب ممارسه الرياضه بتحب تلعب رياضه وممكن اقول ما هي رياضتك المفضله جميل كتبت السؤال اكتب بقى جمله او اثنين ليه الرياضه دي مهمه يعني ليه نعمل مسابقه اصلا ما بين الطلاب فاقوم قايل يحتاج الطلاب في فتره الاستراحه الى اقامه منافسات رياضيه بين الفصول في المدرسه الطلبه محتاجين يلعبوا رياضه شويه موضوع بسيط خالص جميل خلصت المقدمه بتاعتي اهم حاجه في المقدمه على قد ما تكون بسيطه على قد ما تكونش قصيره ما تخليش المقدمه بتاعتك نص سطر لا المقدمه بتاعتك ما تقلش عن سطر ونص سطرين ده اقل حاجه طيب انا كده كتبت المقدمه بتاعتي وعرفتك ان احنا عايزين نعمل مسابقه ما بين الفصول في المدرسه دي الفكره بتاعتنا نخش بقى على الموضوع الموضوع بتاعنا بيتكون من جزئين المزايا بتاعه الفكره والعيوب بتاعه الفكره بقول الفكره دي مميزاتها ايه وعيوبها ايه تعالى ناخد المزايا الاول ايه رايك في فكره ان احنا نعمل مسابقه ما بين الطلبه في المدرسه مميزاتها ايه الفكره دي هتقول ان هي بتعلمهم المنافسه الشريفه هقول لك صح ده العنوان هتعلمهم احترام القواعد اقول لك جميل اي رياضه في الدنيا بيبقى لها قواعد لازم نحترمها ا ممكن كمان بتقوي علاقه بين الطلاب بنعرف في الرياضه دي الفريق المنافس بنعرف طلبه ما شاء الله بيعرفوا يلعبوا رياضه كويس فبنتصاحب على بعض ماشي بتخليهم يحبوا المدرسه اكيد علشان يجوا المدرسه يجوا يلعبوا ويبسطوا وهم بيتعلموا حاجات كتير طيب تعالى نكتب المميزات مع بعض فهنقول من فوائد هذه المسابقه انها تعلمهم المنافسه الشريفه واحترام القواعد وتقوي العلاقه بين الطلاب وتجعلهم يحبون المدرسه. نقطه اوعى تنسى علامات الترقيم باكد عليها في كل موضوع من موضوعات التعبير الكتابي اوعى تنسى لو ما بتعرفش تستخدمها كويس كنا عاملين درس هنا على القناه بيشرح علامات الترقيم تقدر تبقى ترجع تشوفه وكمان عاملين درس ثاني اسمه فنون التعبير الكتابي او فنون الكتابه السرديه بنشرح فيه اهم الفنون اللي بيها تقدر تجيب الدرجه النهائيه في التعبير الكتابي ان شاء الله تقدر برده تبقى ترجع تشوفه كتبنا مميزات الفكره تعالى نخش على العيوب هتقول لي معلش ثواني هي ممارسه الرياضه ليها عيوب هقول لك لا انت فهمتني غلط المقصود هنا مش عيوب الرياضه نفسها عيوب الفكره بتاعتك هتقول لي يعني ايه هقول لك يعني بلاش يا سيدي نسميها عيوب علشان تفهمني اكتر تعال نسميها صعوبات ايه الصعوبات اللي هتقابلنا واحنا بنعمل الفكره ايه الصعوبات اللي هتقابلنا واحنا بنطبق الفكره فكره زي دي هتواجهنا فيها صعوبات كتير زي مثلا ان ما فيش وقت الجداول كلها مليانه والطلبه كلهم عندهم حصص فصعب ان انت تضبط مسابقه تناسب مواعيد كل الفصول اه فهمتك كده يا مستر فهمت القصد انت بتقول الصعوبات اللي هتواجهنا او العيب اللي في الفكره على حسب ان فيهم الموجود في صعوبات ثانيه هتقابلنا اه مثلا المدرسه ما فيهاش ملاعب كفايه فيها ملعب واحد فكده البطوله ممكن تاخد مننا وقت عبال ما الفريق ده يلعب الفريق ده يستناه عندك كمان ممكن ما يبقاش فيه ادوات كفايه زي مثلا لو بتلعب رياضه معينه محتاجه ادوات معينه الادوات دي مش موجوده في المدرسه مثلا وفي مشكله ثانيه هتقابل بنا ان ممكن طالبه تتصاب تتعور هتبقى تحت مسؤوليه المدرسه فهمت كده المقصود ايه بالعيوب العيوب او الصعوبات اللي هتقابلنا واحنا بنطبق الفكره فهنقول وقد نواجه بعض الصعوبات منها قله الوقت وعدم وجود ملاعب او ادوات كافيه واحيانا اصابه بعض الطلاب طبعا انت ممكن تكتب مميزات ثانيه او عيوب ثاني انا بس بوضح لك الفكره خلصت الموضوع بتاعي نخش على الخاتمه والخاتمه في التعبير الكتابي اللي زي مناقشه فكره او كتابه نص اقناعي او نص معلوماتي الحاجات اللي فيها افكار ومواضيع دي بتبقى الخاتمه غالبا افضل حاجه تكتبها انك تعمل ملخص للموضوع بتاعك بالكامل بعد كده تدعونا دعوه يلا بينا نعمل كذا او يلا بينا نبعد عن كذا يبقى الخاتمه بتاعتنا هتكون ملخص للموضوع ودعوه فهنقول في الخاتمه في الختام المسابقات الرياضيه مهمه للطلاب تجعلنا نتعلم ونستمتع في نفس الوقت اديني كده لخصت لك الموضوع الدعوه هنقول فيها ايه فهيا بنا نمارس الرياضه بينتهي الموضوع بتاعنا كتبناه بشكل منظم وشكل بسيط من غير ما نكلكع الامور ونصعبها على نفسنا اتمنى تكون فهمت هتلاقي طبعا ملف ي دي اف تدريبات على الدرس في التعليقات وفي صندوق الوصف تقدر تحمله وتحل التدريبات اللي على الدرس وهتلاقي الشرح ده كمان موجود في التعليقات في صندوق الوصف لو عايز تحمله وتذاكر منه وسؤال حلقتنا النهارده ده لو قلت لك اكتب لي موضوع مناقشه فكره عن زياره مريض او زياره مستشفى 57 357 ايه المقدمه اللي هتبدا بيها اكتبوا لي المقدمات بتاعتكم في التعليقات وانا هشوفها وصححها بنفسي بس كده درس سهل وبسيط ان شاء الله تكون استوعبته كويس هتلاقي ملف بي دي اف في التعليقات وصندوق الوصف ورقه الشرح هتلاقيها فيه وهتلاقي كمان تدريبات على الدرس معاها حلها مشي ايدك ولو لسه في درس حاسس انه صعب اكتب لنا اسمه في التعليقات وهنشرحه لك في اقرب وقت ممكن ان شاء الله ما تنساش تدوس على زر للاعجاب عشان الدرس يوصل لاكبر عدد من الناس وابعت الدرس لاصحابك على الواتساب عشان انت تستفيد وغيرك يستفيد ولو ما اشتركتش وفعل زر الجرس عشان توصل لك الدروس كلها اول باول ولو استفدت مننا ولو معلومه واحده ما تنساش تدعي لنا دعوه بظهر الغيب وانت بتصلي لعلها تكون شفيع علينا يوم القيامه والسلام عليكم ورحمه الله وبركاته ا