شرح درس ماهية التنمية البشرية الصف الثاني الثانوي المستر إسلام حسن

رجالتي شباب وبنات ثانيه ثانوي حياكم الله ابطال السلام عليكم ورحمه الله يا رب تكونوا افضل حال وبصحه وعافيه تامه رجالتي اهلا بالعوده انا عارف ان انا طولتي غابت انا عارف جدا جدا والله لكن ثالثه ثانوي كانت واخده كل وقتي فمعلش انا رجعت لكم مره ثانيه نكمل بقيه شرح المنهج ونخش على طول في المراجعه الشامله بصوا يا ابطال انا عايزكم تدوني اسبوع والله العظيم بجد هو اسبوع واحد منهجكم كله هينزل فين الوحده الثانيه هتنزل في الاسبوع اللي جاي ان شاء الله كامله ومن بعدها نبدا بقى نحل في اسئله الامتحانات الشامله والمحافظات واهلك واهلك لثالثه ثانوي تمام يلا بينا نتوكل على الله النهارده احنا بنشرح درس التنميه البشريه نشرحه النص يا مستر كله بقول لك هو اسبوع خلصت لك فيه منهجك النهارده هنشرح درس ماهيه التنميه البشريه كامل يلا بينا بسم الله نبدا بدايه كده يا سيدي انت عارف ان انت الوحده الاولى كانت بتتكلم كلم عن التنميه الاقتصاديه صح والترم اللي فات كله كنا بنتكلم عن التنميه المستدامه دلوقتي بقى بنتكلم في تقريبا ثاني اهم عنصر في التنميه وهو التنميه البشريه البشر هم اللي بيعملوا لك التنميه المستدامه والبشر هم اللي بيعملوا لك التنميه الاقتصاديه في اهم عنصر اهم عنصر في دائره الانتاج هو الانسان واللي بيفرق دوله متقدمه عن دوله ضعيفه هو العناصر البشريه بمعنى لو جيت لدوله مصر هتتلاقي ان هي عندها مناخ تمام لو جيت لدوله اليابان هتلاقي مناخها وحش في ثالثه ثانوي تعرف حاجه اسمها شكل الدوله شكل دوله مصر افضل من شكل دوله اليابان ولكن رغم من كده دوله اليابان هي دوله متقدمه ودوله مصر هي دوله ناميه فانا سالتهم ليه قالوا لي علشان خاطر العناصر البشريه النهارده بنتكلم على العناصر البشريه دي فيلا بينا بدايه كده خلينا نعرف مفهوم التنميه البشريه زي ما احنا كنا بنعرف يعني ايه تنميه مستدامه ويعني ايه تنميه اقتصاديه دلوقتي يعني ايه التنميه البشريه بص بقى هي عمليه اعداد وتوجيه واستثمار مين الموارد البشريه اللي هو الانسان العناصر البشريه في كافه مجالات التعليم الاعلام الثقافه البيئه يعني من الاخر كده يكون عندي مدرسين مهندسين اطباء اعلاميين علماء طب وانا هستفاد بهم ايه؟ بهدف التحسين المستمر من رفاهيه الفرد وتحقيق اهداف المجتمع طيب كل دي من ضمن التعريفات بتاعه التنميه البشريه يعني مختصرها كده وبالبلدي هي عمليه توجيه واستثمار العناصر البشريه انا دوله عندي عدد سكاني كبير طب ما استغلهم استغلهم ازاي؟ ابدا ان انا اخد جزء احطه في مجال التعليم جزء في الاعلام جزء في الصحه جزء في البيئه كل دي هي عباره عن عمليه توجيه الافراد اشوف الشعب بتاعي واحاول اخليه هو اللي يقدم الدوله بهدف تحسينا مستمر لرفاهيه الفرد والمجتمع وبدا السكان او العالم بصفه عامه انه يهتم بالتنميه البشريه منذ العقد الاخير من القرن الع بمعنى بمعنى ان من اول 1990 التاريخ ده انت هتحتاجه في ثالثه ثانوي اكت من ابوك وامك حرفيا هتحتاج التاريخ 1990 ده لان ده تاريخ انهيار الاتحاد السوفيتي المهم العقد الاخير من القرن الع من اول 1990 من اول التاريخ ده بدا العالم يدرك ايه ده عم احمد لما مات ما بقاش حد يستخدم المكنه دي غيره هو فعلا الانسان بيفرق اقول لك اه ازاي افهمك بص يا سيدي دلوقتي العالم ادرك ان ما بقتش المكنه هي المهمه مش التنميه الاقتصاديه المهمه المهم اللي بيستخدم المكنه المهم عندي دلوقتي العناصر البشريه لاهتمام الاقتصاديين براس المال البشري اللي هو الايدي العامله الاقتصاديين بقى هدفهم اجمع اكبر عدد من المهندسين مش اكبر عدد من الفلوس ليه؟ لان المهندسين دول هيعملوا لي مكنه حديثه تجيب لي فلوس فبديه العقل البشري هيجيب الفلوس انما الفلوس ما بتجيبش عقل بشري يا مستر الحكمه دي المهم طيب تنميه الطاقات البشريه تعد اساس عمليه التنميه في اي مجتمع زي ما حكيت لك من شويه ان البشر هم اللي بيقدروا يعملوا تنميه في المجتمع زي ما قلت لك دوله اليابان بقت دول دوله متقدمه بسبب ايه العوامل الطبيعيه ولا البشر بسبب البشر ورقم اثنين اهم عناصر الانتاج هو الانسان لان ما فيش تنميه من غير بشر كلام جميل ليشمل ايضا نقط الاهتمام بالمستوى التعليمي والصحي والسياسي والثقافي ان انا ابدا انمي وعي المواطنين تعليميا مستحيل تتلاقي دوله متقدمه عندها اميه لازم تهتم بالجان الجانب الصحي هو الجانب الصحي تفرق يا مستر طبعا بقول لك ايه تخيل معايا كده ان انت بقيت رئيس شركه تمام وجالك عمال منهم عاملين بس هنختار ما بينهم عامل صحته البدنيه قوي وعامل هزيل وضعيف هتختار مين؟ هتختار اللي صحته كويسه عشان يشتغل فطبيعي لازما تهتم بصحه المواطنين ولازم تهتم بالجانب السياسي وتثقيف المواطنين لان كل ده بيخلي قدرتهم البشريه عاليه والتاكيد على تمكين المراه اقتصاديا واجتماعيا وثقافيا يعني من الاخر كده ادخال المراه سوق العمل لان في الدول المتقدمه باذن الله هتعرف معايا في ثالثه ثانوي ان الدول المتقدمه هي اللي بتساعد على ادخال المراه في العمل لكن الدول الناميه ما بتعملش كده اوريها ك كده اساس الحصه بتاعه النهار دي هتكون صغنططه فبجيب لك منها كمان معلومات بثالثه ثانوي بص كده يا سيدي اهي ده كتاب ثالثه ثانوي جغرافيا التركيب النوعي التركيب النوعي يعني ذكور واناث طيب بص بقى في الدول المتقدمه تساهم المراه على نطاق واسع في العمليه الانتاجيه يعني في الشغل في الدول الناميه تقل فيها مشاركه المراه لاسباب اجتماعيه او دينيه يقول لك لا الست ما تشتغلش لا الست تقعد بيت جوزها تمام فمشاركه المراه بتفرق بتفرق جدا ليه لو انا عندي في قلب المجتمع بتاعي مثلا 40 مليون امراه ده رقم كبير هنا ما فيش همزه معلش بقى ده رقم كبير فلو شاركوا ال 40 مليون في العمليه الانتاجيه في الشغل الدوله هتبقى متقدمه تمام فده بالنسبه لي الاعتماد على المراه حلو فايه هي بقى اهداف التنميه البشريه شويه حاجات بس كده نتكلم عليها في السريع من اهداف التنميه البشريه انها تهتم بالتعليم وتثقيف لاعداد انسان قادر على التفكير الابداعي وحل المشكلات بمعنى الانسان المتعلم قدرته على حل المشكلات بتكون اكبر من الانسان الجاهل ادي واحد تحسين الصحه ونشر الثقافه الصحيه بين الافراد كده حاجتين رقم واحد التعليم رقم اين الصحه قلت لك من شويه ان لو انت عندك عمال صحتهم كويسه هيقدروا يشتغلوا عمال صحتهم مش هيشتغلوا تحسين الاوضاع المعيشيه من خلال زياده دخل الفرد يعني كده بقى عندي تعليم وصحه ودخل اهتم بالتعليم تعليم المواطنين الصحه اهتم بايه بالمستوى الصحي ونشر الثقافه الصحيه الدخل زياده دخل الاسره وهنتكلم شويه ليه الدخل بيفرق المهم تواصل الفرد مع المجتمع بشكل اخلاقي يعني من الاخر كده ان انت تربي بني ادمين انسان محترم تاهيل الفرد واكتسابه لمتطلبات سوق العمل زي مهارات القياده اداره الوقت العمل في فريق كل الحاجات دي على فكره انت تدرسها في الكليه هيطلب منك مثلا مشروع تخرج مشروع التخرج بتاعك ده عباره عن العمل في فريق فالدوله بتاهل هلك التعليم بياهلك على العمل في الكفريق اداره الوقت هتتلاقي في الكليه في تكاليف معينه بتتسلم في الميعاد مظبوط لاداره الوقت فكل دي من اهداف التنميه البشريه دلوقتي بقى احنا نتكلم على ابعاد التنميه البشريه عارف ايه هي الابعاد دي اللي هم التعليم والصحه والدخل الثلاثه دول اسمهم ابعاد التنميه البشريه طيب نبدا بالتعليم ليه التعليم مهم في التنميه البشريه رقم واحد تولي دول العالم اهتماما كبيرا بالتعليم الدول بتاعه العالم دلوقتي كلها بقت تهتم بالتعليم بل ده على العكس كمان اكتر الدول اللي بتهتم بالتعليم هي الدول المتقدمه بتهتم بتعليم وتثقيف المواطنين بتوعها وكافه اشكال التعليم بمعنى في دول معينه تقول لك ايه انا هتمحو الاميه عشان ما يبقاش عندي محو اميه دول ثانيه تقول لك لا انا هتم بصغار السن اللي هم العيال بتاعه الابتدائي دول ثالثه تقول لك لا لا لا لا انا ههتم بالتعليم الجامعي العيال اللي بتكبر الجامعيين لكن في دول ثانيه تقول لك ايه بقى انا هتم بكافه اشكال التعليم محو الاميه التعليم الاساسي اللي هو الابتدائي ثم الثانوي والفني وحتى التعليم العالي اللي هو التعليم الجامعي يعني من الاخر كده يا باشا انا دوله متقدمه بهتم بهتم باللي ما بيعرفش يقرا ويكتب اللي هم محو الاميه بهتم بالابتدائي وبالاعدادي وبالثانوي وبالتجاري التعليم التجاري الفني الصناعي والتجاري وكمان الثانوي والتعليم العالي اللي هو التعليم الجامعي فتتلاقي ان الدول بتهتم بكل اشكال التعليم بالذات الدول المتقدمه المساواه وتكافؤ الفرص ما بين الذكور والاناث لسه جايبها لك من شويه الدول المتقدمه تقول لك البنت زي الولد ماهيش كماله عدد البنت بتتعلم زيها زي الراجل طيب الدول المتقدمه تهتم بالبحث العلمي ومواكبه المعرفه التكنولوجيه تعالى كده بص هوريك دلوقتي برض حاجه كده من ضمن دروس ثالثه الثانوي اقرا كده اسم الدرس ده دهس في ثالثه ثانوي هتاخده معايا باذن الله السنه الجايه المقومات البشريه البشر ليه لقوه الدوله فبص بقى هنت بنتكلم على ايه بنتكلم على الدي بتتكلم على البشر وبنتكلم على الحاله التعليميه والتكنولوجيا يعني التعليم شوف التعليم بياثر في قوه الدوله لو دوله تعليمها قليل يبقى دوله ضعيفه لو دوله تعليمها كبير يبقى دوله قويه هتاخده باذن الله في ثالثه ثانوي فمواكبه التكنولوجيا والبحث العلمي واعداد برامج وتطبيقات تدريبيه بحيث انا قبل ما اتخرج من الكليه فكان ايه اللي بيحصل كان كنت بحضر دورات تدريبيه في ايه في التدريس اون لاين عشان كده تلاقي رغم ان سني صغير احترفت التدريس اون لاين في سنتين احترفت التدريس اون لاين تمام ليه بسبب الدورات التدريبيه دي حاجات كلها انت بتاخدها في الكليه اول ما بتخرج لسوق العمل مش يا باشا بتكتسب خبره انت بتكون اخدت خبره من قبل كده بالبرامج التدريبيه دي طيب بعد كده عندك مجال الصحه مستر ثانيه واحده انت قلت لي ان البشر بيفرقوا بقى في قوه الدوله والكلام ده كله الصحه مهمه في ايه؟ لو صحه المواطن عاليه هيكون يقدر يشتغل فلما يقدر يشتغل هيساعد في العمليه الانتاجيه فهمت ازاي هم متداخلين التعليم والصحه والدخل حاجه متداخله حتى بص كده يهتم البعد الصحي برفع متوسط الاعمار بمعنى زمان اللي كان بيقولوا السكر الضغط القلب بيموت لكن حاليا بقى يقدر عمره يزيد مستر اعمار بيد الله تمام ولكن لا تلقوا بايديكم الا التهلكه واحد ما اخدش العلاج فمات وواحد خد العلاج فعاش يبقى انا هنا بزود من معدل الاعمار فهمت المبدا مش مبدا ان ربنا كاتب لي ان انا هعيش 20 سنه فهاخد العلاج هيعيش 30 لا ربنا كاتب ان فلان هيعيش 50 لانه خد بالاسباب باب وخد العلاج فعشان كده عاش 50 سنه اما فلان جاهل ما اخدش بالاسباب فهيعيش 30 فقط فهمت المبدا طيب انخفاض معدلات الوفيات بتاعه الاطفال زمان خالص ايام جدودي كنت مثلا تلاقي ايه جدي يخلف بتاع حوالي 10 عيال هتلاقي عمامي هم خمسه بس فين الخمسه الثانيين يا جدي وليه اللي ماتوا وهم صغيرين ليه بقى لان زمان كان معدل الوفيات في الاطفال عالي جدا جدا جدا الطفل يجي له حمه مات هتاخد في ثالثه ثانوي لكن في العربي طه حسين طه حسين يا باشا اللي هو اللعمه طه حسين ده بسبب ان هو كان طفل ما كانش في دكاتره اطفال امه وديته عند الحلاق عشان خالص خاطر عينيه كانت بتوجعه عارف الحلاق عمل ايه شالوا عينيه خالص والله العظيم بكلمك بجد هتاخدها في ثالثه ثانوي فبالتالي ان زمان كان معادلات الاطفال في الوفيات كانت عاليه حاليا بقت قليله رعايه الاطفال والامومه والمعاقين حاليا احنا بقينا نقدر نتعامل مع الام الحامل الاطفال والمعاقين كمان المعاقين واحد عنده شلل في دراعه بقى في دراع صناعي شلل في رجله بقى في رجل صناعيه والخدمات الوقائيه والعلاجيه اللي زي الصيدليات وتوفير مياه شرب نقيه ومرافق صحيه لان الشرب هو اساس الحياه واللي بيشرب ميه ملوثه صحته بتدهور بص بقى وينتج عن ذلك زياده قدره الافراد على الاستيعاب العلمي ده الواد من دول يجي له برد يقول لي يا مستر مش قادر اجي حصه اصل عندي شويه برد فشفت الصحه بتاثر ازاي تمام وبالتالي رفع قدرتهم الانتاجيه وزياده دخلهم مما يساهم في رفع مستوى المعيشه البشريه بمعنى اخر واحد صحته بقت كويسه فبالتالي هيقدر يروح يتعلم فلما يتعلم وببقى مثلا وظيفه عليا زي مثلا يدخل سياسه واقتصاد اعلام تربيه ده كله هيخلي الدخل بتاعه يزيد ولو الدخل بتاعه زاد وتعب هيروح احسن مستشفى فهمت المبدا فهم متداخلين الصحه بتاثر في التعليم التعليم بياثر في الدخل والدخل بياثر في الصحه كلهم عاملين زي الدايره بياثروا في بعض عشان كده فوق بص كده تتركز التنميه البشريه على ثلاث عناصر ابعاد متداخله وهنتكلم على كلمه متداخله دي كمان شويه دلوقتي بقى بنتكلم في الفلوس بنتكلم في الدخل يا باشا يؤثر ارتفاع متوسط دخل الفرد فيه اه لو الفرد فلوسه كترت هياثر في ايه في مستوى التنميه البشريه بشكل غير مباشر ازاي التنميه البشريه ان البني ادم يكون متعلم هات لي واحد غني مش متعلم بيروح احسن مدارس طيب هات لي واحد غني صحته ضعيفه هتلاقي ان هم الاغنيا اعمارهم بتكون كبيره ما اخدتش بالك من حاجه زي كده الغني عمره كبير ليه عشان الدخل بتاعه بياثر في الجانب الصحي ودايما تتلاقيه متعلم بيعلم اولاده دايما تتلاقي اللي دخله كبير بيقبض كتير يعني مستوى التعليم بتاعه عالي لانه بيروح احسن مدارس وبتتلاقي ان الجانب الصحه بتاعته صحته كويسه لذلك تهتم الدول حاليا بمحاربه الفقر عشان خاطر نزود الدخل توفير دخل مناسب للافراد ما انت تقول لك ايه الرئيس عبد الفتاح السيسي بيزود متوسط الدخل بيزود الحد الادنى للاجور وتقليل معدل البطاله يعني واحد مثلا يقول لك ايه الدوله بتاعه القبض فيها عالي لكن ما فيهاش شغل لا الدوله دلوقتي بقت بتوفر شغل ضبط معدلات الاستهلاك بمعنى مع انت واحد دخلك الشهري مثلا 4000 جنيه ما تروحش تقول لي بقى ايه انا عايز ار ايفون 16 برو ماكس لا ده انا عايز النهارده انا اتغدى برجر وبكره مش عارف جمبري وبعد اروح عند بلبن وانت داخلك كله 4000 جنيه ما ينفعش لازم نظبط معدلات الاستهلاك هقسم ال 4000 جنيه على الشهر كله ده اسمه ضبط معدلات الاستهلاك وده اسمه تشجيع الادخار وتوجيهه نحو الاستثمار لو تسم اسمع دايما عن الاعلان بتاع صندر تطبيق سندر بيشجع على الاستثمار تمام تمام في عيل دلوقتي قفل الفيديو وراح يتفرج ايه تطبيق سندر اللي بيشجع الاستثمار ده اصلها حصلت حصلت عندي في الحصه اتقيت بيعمل ازاي بعد ما خلصت الدخل وداخل في الدرس الجديد لقيت عال بيعمل ازاي يا مستر هو ده تطبيق صندر يعني هو ساب الحصه وساب الشرح اللي انا بشرحه واهتم بايه هو التطبيق سصندر ده انت لو عملتها تبقى ليلتك بيضا تبقى ليلتك انت كمان سودا المهم وتوفير الامن ضد العجز او العوز في المستقبل اللي هو الشحاته يعني طيب فمما سبق بص بقى دلوقتي هنبدا نتكلم على ان الابعاد متداخله اهو قلت لك من شويه ان احنا نبدا نتكلم على ان الابعاد متداخله هنا بص بقى الابعاد الثلاثه التعليم والصحه والدخل بتهدف الى زياده الناتج القومي وتحدد مستوى التنميه البشريه ازاي؟ تعالى بص التعليم يؤثر في مستوى الدخل ازاي؟ يعني واحد اعلامي هو تعليمه عالي هتجيبه زي واحد مثلا ا بلاش نقول اي وظيفه اي وظيفه مرتبها قليل الوظيفه اللي مرتبها قليل بيكون مستواها تعليمي قليل والوظيفه اللي مرتبها عالي بيكون مستواها تعليمي عالي فهمت طيب وفي متوسط صحه الفرد لان لو واحد مستوى الدخل بتاعه عالي بيقبض كتير وتعب هيروح احسن مستشفى هيجيب اغلى علاج فمستوى صحته بيعلى ولو صحته عليت بياثر في التعليم وبالتالي بياثر في الدخل فهو جوانب متداخله كله بياثر في كله طيب سؤال بقى انا ازاي ممكن اعمل استراتيجيات التنميه البشريه ازاي احقق التنميه البشريه عندي يا مستر ان انا اهتم بالتعليم وبالصحه وبالخل بالظبط هي دي الاستراتيجيات اني اهتم بالتعليم واهتم بالصحه واهتم بالفلوس بتاعه البني ادم تعالى بص كده ايه هي الاستراتيجيات رقم واحد القضاء على الاميه ما هو القضاء على الاميه يعني الاهتمام بالتعليم تطوير خطط واهداف التعليم وربطه باحتياجات سوق العمل يعني الاهتمام بالتعليم تعرف يعني كلمه ورقته باحتياجات سوق العمل بمعنى حاليا مثلا في مصر حاليا في مصر في عجز في المدرسين في عجز في المدرسين المدرسين اعدادهم قليله المفروض الدوله تقول لك ايه بقى كليه التربيه اللي هو بتخرج مدرسين اسمها كليه التربيه تمام انا خارج من كليه التربيه قسم الجغرافيا المهم المفروض اللي يحصل ايه الدوله تقول لك ان انا عايزه مدرسين كتير فتقلل التنسيق بتاع كليه التربيه عشان ناس كتير تدخلها وبالتالي ايه اللي يحصل؟ يكونش عندك عجز في المدرسين تقدر تلبي احتياجات سوق العمل سوق العمل محتاج مهندسين قلل التنسيق بتاع الهندسه سوق العمل مش محتاج اطباء مش عايزين اطباء ثاني عندنا عدد كبير علي التنسيق بتاع الطب ليه عشان يدخلوا عدد قليل الاهتمام بالتدريب واعاده تاهيل واستخدام احدث الوسائل التكنولوجيه لتنميه القدرات البشريه بمعنى حاليا في التعليم ما بقاش فكره السبوره والطباشير بقى في السمارت تطوير نظم وشروط وقوانين العمل والتعاقد بمعنى سوري والتقاعد والتعاقد برض والله انا اسف التعاقد هشرحها لك استنى بص واشرح لك كمان التقاعد يا ولا المهم دلوقتي يعني ايه تطوير نظم وشروط وقوانين العمل يعني المفروض علشان خاطر صحه المواطن تكون كويسه ويعرف يشتغل يشتغل كام ساعه برافو علي ثمان ساعات ما ينفعش نخليهم 12 ليه؟ ما يا مستر لو خليناهم 12 الشغل هيزيد والانتاج هيزيد لكن صحه المواطن بتقل فبقى في قوانين للعمل والتعاقد العقد اللي انت بتمضيه بتمضيه على ثمان ساعات يبقى مثلا مرتبك 2000 جنيه لو انت هتمضي على ثمان ساعات في شغل زي مثلا ايه الورديه اللي بتكون بالليل ورديه بالليل بتكون مثلا 12 ساعه 12 ساعه يبقى العقد بتاعك مش هيبقى ب 2000 جنيه العقد بتاعك مثلا هيبقى ب 3000 جنيه فهمت الفكره معقن على كلمه التعاقد العقد بتاعك هيكون قد ايه وكمان مبدا التقاعد يعني ايه التقاعد التقاعد عن العمل يعني واحد مثلا اول ما يوصل لحد سن ال 50 نقول له خلاص كده انت المفروض تقعد والدوله هتديك المعاش فهمت يعني كلمه التقاعد طيب وتحسين ظروف بيئه العمل بحيث ان مثلا المدرس ما يشتغلش في بيئه الفصل ما فيهوش حتى مروحه البيئه بتاعه العمل لازم تكون امنه توسيع شبكه التغطيه للتامين الصحي والاجتماعي ليشمل غالبيه اعضاء المجتمع كافه فئات المجتمع الفقير والغني يقدروا يوصلوا لمستشفيات توفير مصادر تمويل لمشروعات الرعايه الصحيه والوقائيه يعني الدوله بتبدا توفر فلوس تمويل للمستشفيات الحكوميه نبني صيدليات نعمل مستشفيات حكوميه تانيه كل ده من ضمن الاستراتيجيات مين بقى اللي عمل الاستراتيجيات دي بقى بجد مجموعه دول في اسيا اسمها النمور الاسيويه الدول دي مكانها جنوب شرق اسيا اسمها دول النمور الاسيويه تعال اما اوريها لك بص يا سيدي بدايه كده فين جنوب شرق اسيا دي جنوب شرق اسيا اللي هي المنطقه دي شفت انت المنطقه دي دي كده جنوب شرق اسيا طيب لما تعمل عمل زوم وهقول لك دلوقتي ايه هي الدول النمور الاسيويه بص يا سيدي رقم واحد عندك دوله تايوان دوله تايوان احد النمور الاسيويه رقم واحد وادي عندك ماليزيا ادي رقم اثنين وعندك سنغافوره ادي رقم لاثه وادي عندك على فكره كمان كوريا الجنوبيه كوريا الجنوبيه تعتبر من ضمن دول النمور الاسيويه ادي اربعه وعندك اندونيسيا ادي كده خمسه والفلبين ادي كده سته كل الدول دي هي عباره وعلى فكره في هونج كونج كمان هونج كونج دي تعتبر من دول النمور الاسيويه المهم هونج و كونج تقريبا مش موجوده في قلب الخريطه هنا اه مش موجوده في قلب الخريطه هنا المهم يعني ان مجموعه الدول دي اللي هي النمور الاسيويه زي ماليزيا اشهر واحده فيهم ماليزيا زي سنغافوره زي كوريا الجنوبيه زي تايوان زي هونج كونج الخمسه دول هم اشهر النمور الاسيويه حلو الدول دي هي دول فعلا بدات تهتم بالتنميه البشر البشريه بص اعتمدت على العنصر البشري واهتمت بالتنميه البشريه لتحقيق التنميه الاقتصاديه والدليل على ذلك تعرضت تلك البلدان لازمات ماليه كتيره واستطعت ان تسترد قوتها الاقتصاديه بسرعه الدوله وقعت في ازمه ماليه المفروض ب تفضل في الازمه الماليه دي مثلا 50 سنه النمور الاسيويه خمس سنين قدرت ترجع مره ثانيه ايه ده ده المفروض اللي بيدخل يدخل في ازمه ماليه يقعد 50 انت قعدت خمس سنين بس ازاي قالت لك اصل انا بهتم بالعناصر البشريه ما بصيتش للاقتصاد بصيت للناس بصيت للعنصر البشري وبالتالي قدرت تعرف ان العناصر البشريه هي المحرك الاساسي لعمليات التنميه اللي بيكبر التنميه في اي دوله مش الاقتصاد العنصر البشري طيب دلوقتي بقى في عنصر كده مهم هنبدا نتكلم عليه دلوقتي وهو التنميه البشريه وحقوق الانسان دلوقتي حاليا في العصر اللي احنا فيه اصبحت التنميه البشريه حق اساسي من حقوق الانسان يعني ايه؟ يعني حقوق الانسان اللي بتقولها الامم المتحده منظمه الامم المتحده اكيد تسمع عنها بتتكلم على حقوق الانسان قالت لك من ضمن حقوق الانسان التنميه البشريه لازم دخله يكون كبير لازم يتعلم لازم يكون متوفر له صحه دي من ضمن حقوق الانسان فتم اصدار ميثاق عام 1986 من الجمعيه العامه للامم المتحده من ضمن جمعيه حقوق الانسان تمام الجمعيه العامه للامم المتحده اصدرت اعلان من اعلانات حقوق الانسان كان في 10 مواد ايه هي بقى 10 المواد دي انت مش مطالب بع المواد انت مطالب بثلاثه بس الاولى دول بص الامم المتحده قالت كده قالت الحق في التنميه من حقوق انسان وبموجبه يحق لكل انسان ولجميع الشعوب المشاركه في التنميه الاقتصاديه بمعنى مصر قالت لك ايه يا جماعه انا اسفه انا هعمل تنميه اقتصاديه لكن اللي هيشارك فيها رجال الاعمال فقط انا لا عايزه مدرسين ولا اطباء ولا مهندسين انا عايزه رجال الاعمال الناس اللي معاه فلوس وبس حقوق الانسان تقول لها لا لازم مدرس يشارك الدكتور يشارك المهندس يشارك لان ده من حقوق الانسان ان ان هو يشارك في التنميه وكمان مش التنميه الاقتصاديه ده التنميه الاجتماعيه لو انا عايزه انمي التعليم مش للتعليم للاغناء بس الفقير والغني لكل البشر مسلم ومسيحي ويهودي كل البشر كمان تعليم ثقافيه وسياسيه لو الدوله هتعمل ندوه للتعليم السياسي والثقافي اي حد يقدر يحضرها مش الغني مش الفقير والتمتع بهذه التنميه التي يمكن فيها تفعيل جميع حقوق الانسان والحريات تفعيلا تاما بمعنى ان حريه الانسان دي تتفعل في كل الدول كل الدول الانسان يكون من حقه فيها ايه المشاركه في التنميه الاقتصاديه انا حابب اشارك لازم يشارك رقم اثنين بص الماده رقم اثنين بيقول لك تفعيل حق الشعوب في تقرير المصير والسياده التامه على الثهر الدوله وموارد الدوله ان هي الدوله تقدر تسيطر على الموارد بتاعتها بمعنى مثلا مصر اتقت اتلاقت بترول في قلب الصحراء الغربيه ما ينفعش ليبيا تقول البترول ده بتاعي مصر تقول لها لا ده من ضمن الامم المتحده قالت حق الشعوب في تقرير مصير وسياده تامه علىوات الدوله والموارد الطبيعيه ما ينفعش امريكا تيجي تقول لي مصر يا مصر انا عايز البترول بتاعك ليه عشان دوله قويه وانت ضعيفه تقوم مصر راحه الامم المتحده حده تقول لها يا امم يا متحده مش انت قلتي حق الشعوب في تقرير المصير والسيطره على ثروات الدوله وموارتها الطبيعيه الامم المتحده تقول لها اه تقول لي مصر تقول لها ايه امريكا بقى عايزه تاخد الثروات بتاعتي بالعافيه فالمهم تقوم الامم المتحده تقول مصر اللي معه حق ليه لان من ضمن القوانين بتاعه الامم المتحده تفعيل الشعوب لحق تقرير المصير والسياده على ثروات الدوله الماده رقم لاثه وضع الدوله ل سيا سياسات انمائيه وطنيه تهدف لتحسين مستمر لجميع السكان بمعنى الامم المتحده بتقول لاي دوله انت لازم ان انت تكبري من نفسك لازم تحطي تنميه لازم يكون المواطنين بتوعك رفاهيه ما ينفعش يكون المواطنين بتوعك بيعيشوا في الشوارع ما ينفعش يكون المواطنين بتوعك مش لاقيين ميه مش لاقيين اكل ولا شرب لازم يكون في رفاهيه للانسان فعندك من بعض حقوق الانسان زي حق الحياه ما ينفعش تقتله ما ينفعش مثلا واحد يقتل واحد كده وخلاص حق الحياه المساواه ما بين الراجل والمراه من حقوق الانسان التعليم من حقوق الانسان ما ينفعش الدوله مثلا تقول للمواطن ايه لا انت مسيحي مش هتتعلم انت مسلم مش هتتعلم لا التعليم من حقوق الانسان لكله المشاركه الفعاله في كل عناصر المجتمع دكتور مهندس محامي فراش مدير كله الحريه ما يكونش فيه ديكتاتوريه لازم يكون في حريه لازم يكون فيه ديمقراطيه الصحه اللي احنا لسه متكلمين عليها من شويه ودي كده بعض حقوق الانسان لو انت عايز تقراها اقراها عندك مثلا الحق في مستوى معيشي مناسب ان الدوله ترفع مستوى المعيشي للفرد ما يكونش قليل الحق في العمل يعني ايه يعني عشان نقلل البطاله غلط الحق في التعليم سواء كان للاميه للستراجل الحق بالتمتع باعلى مستوى صحه بمعنى ان الدوله تبدا ان هي تعالج الانسان توفر له مستشفيات الحق في حمايه الخاصه للامهات قبل الوضع وبعده يعني قبل الولاده وبعد الولاده الدوله تهتم بالمراه حق التمتع بفوائد التقدم العلمي وتطبيقه بمعنى دوله زي امريكا دوله عندها تقدم علمي كبير وبالتالي من تطبيقات التقدم العلمي عملت لك عربيه بالكهرباء اي مواطن يقدر يركبها مش العالم الفلاني بس مش الغني بس لا تطبيقات التقدم العلمي كله يقدر يستخدمها وكده يا سيدي الحمد لله نكون خلصنا درس المهمات البشريه ماهيه التنميه البشريه شطبناه الحصه اللي جايه باذن الله حول انزلها لكم بكره هتكون عباره هنحل اسئله الدرس ومن بعده نخش على الدرس الجديد هحاول اخلص لكم الماده الاسبوع ده تمام وبس كده يا سيدي الحمد لله الذي انشا وبرها وخلق الماء والثرى في نص ساعه قدرنا ان احنا نخلص الدرس شرح وافي جدا وبس كده يا سيدي القاك في حصه الحل والسلام عليكم ورحمه الله