شرح درس التعرية علوم الصف الرابع الابتدائي الترم الثاني 2026 عوامل التعرية ببساطة

اهلا بيكم يا حبايبي يا شطار النهارده بقى هنحكي مع بعض حدوته حدوته حلوه قوي ومسليه عارفين عن ايه؟ عن الرمل والصخور ايه ده هو الرمل والصخور ليهم حدوته ايوه طبعا وليها كمان قصه كبيره قوي يلا بينا نسمعها سوا يا بصوا كده معايا بصوا على الصوره دي كويس قوي شايفين الرمل الكتير ده مش شويه رمل دي جبال جبال من الرمل طب عمرنا سالنا نفسنا سؤال كل الرمل ده جه منين؟ يعني ايه اصله؟ كان ايه قبل ما يبقى رمل؟ سؤال مهم قوي صح والاجابه بتاعته هي اللي هتبدا لنا الحدوته بتاعتنا النهارده طيب عشان نعرف الرمل ده جه منين لازم نتعرف على كلمه جديده بس كلمه مهمه قوي الكلمه دي هي اول فصل في قصتنا اسمها ايه الكلمه دي؟ اسمها التعريه التعريه دي كلمه شكلها صعب لا خالص ما تخافوش منها دي كلمه سهله قوي قوي وهنشرح نشرحها حته حته مع بعض يلا بينا نشوف يعني ايه تعريه بصوا الموضوع بسيط خالص التعريه دي عباره عن حاجتين بيحصلوا حاجتين اثنين بس اول حاجه ان الصخور الكبيره قوي بتتكسر تتفت تبقى حتت صغننه خالص دي اول حاجه طب وتاني حاجه الحتت الصغيره دي بقى اللي اتكسرت مش بتفضل في مكانها لا بتتنقل بتتحرك لمكان ثاني جديد يبقىاني التعريه هي ايه هي التكسير وبعدين نقل نقولها تاني تكسير الصخور ونقلها لمكان جديد لازم الحاجتين دول يحصلوا مع بعض نكسر الصخره الاول وبعدين ننقل الحتت الصغيره زي ما اتفقنا يا شطار عمليه التعريه دي خطوتين خطوتين ورا بعض ما ينفعش واحده من غير الثانيه الخطوه الاولى هي ايه التكسير يعني الصخره الكبيره تبقى حتت حتت صغيره قوي تمام كده طيب والخطوه الثانيه النقل الحتت الصغيره دي بقى بتبدا رحله زي ما تكون مسافره بتروح لبيت جديد مكان جديد خالص يبقىاني عشان نقول ان حصلت عمليه تعريه لازم الصخر يتكسر وبعدين يتنقل تكسير ونقل طيب هسالكم سؤال بقى يا شطار وركزوا معايا لو عايزين نقول بكلمات بسيطه قوي يعني ايه تعريه فكروا كده ها اقول لكم انا التعريه معناها ان الصخور تتكسر لحتت صغننه والحتت دي تتمشى وتتسحب لمكان ثاني يعني في كلمتين اثنين بس التعريه هي تكسير ونقل ممتازين برافو عليكم حلو قوي يبقى احنا خلاص فهمنا ان الصخور بتتكسر وبعدين بتتنقل طب السؤال اللي بعده مين بقى اللي بيعمل الشغلانه الصعبه دي مين القوي اللي بيقدر يشيل الرمل والحصى الصغير ده وينقله من مكان لمكان هم ثلاثه ابطال اقويه جدا في الطبيعه يلا نسميهم الثلاثه الخارقين اللي بينقلوا الرمل مين بقى الثلاثه الخارقين دول تعالوا نعدهم على صوابعنا اول واحد الجاذبيه ثاني واحد الرياح اللي هو الهواء يعني وثالث واحد الماء اللي هي الميه يبقى ايه هم الجاذبيه والرياح والميه يلا بينا نمسك كل بطل خارق من دول ونشوف بيعمل ايه بالظبط نبدا باول بطل عندنا الجاذبيه ودي بقى اسهل واحده فيهم خالص مش لما بنرمي اي حاجه لفوق بتقع تاني على الارض هي دي الجاذبيه الجاذبيه دي عامله زي المغناطيس اللي بيشد كل حاجه ناحيه الارض طب ايه علاقتها بالصخور لو في حته صخره فوق جبل عالي الجاذبيه هتعمل ايه؟ هتشدها لتحت فتلاقيها وقعت من فوق الجبل لتحت بس خلاص شفتوا سهله ازاي ثاني بطل خارق معانا هو الماء يعني الميه اوعوا تفتكروا الميه ضعيفه لا دي قويه جدا زي ميه نهر النيل وهي ماشيه بسرعه او لما الدنيا بتمطر جامد او موج البحر الميه وهي ماشيه بتبقى قويه قوي بتقدر تشيل معاها الرمل والطينه والحصى الصغير وتمشي بيهم بالظبط زي ما بنشوف في الشارع لما الدنيا تمطر مش بنلاقي الميه شايله معاها طينه ورمل وماشيه بيهم في الشارع اهو ده اللي بيحصل بالظبط الميه بتنقل الرمل والبطل الثالث والاخير هو الرياح اللي هو الهواء طيب بصوا معايا على الصورتين دول كويس الصوره اللي على الشمال دي شايفين الهواء هنا خفيف نسمه هواء بسيطه كده بتقدر تشيل شويه رمل صغيرين وتوديهم حته قريبه طيب بصوا بقى على الصوره اللي على اليمين ياه ده هو قوي جدا دي عاصفه شايفين بيعمل ايه؟ بيشيل كميه رمل كتيره قوي ويقدر يسافر بيها المكان بعيد جدا يبقى كل ما الهواء كان اقوى شال الرمل اكتر يبقى يلا نرجع تاني عشان ما ننساش مين هم الثلاثه الخارقين اللي بيقدروا ينقلوا حتت الصخور والرمل مين فاكر امم يلا نقولهم مع بعض اول حاجه الجاذبيه ثاني حاجه الماء ثالث حاجه الرياح برافو عليكم انتوا شطار خالص حلوه قوي قوي الكلام ده يبقى احنا عرفنا ان الصخره بتتكسر وبعدين الرمل بيبدا رحله طويله طب الرحله دي بتخلص فين؟ لازم يكون ليها نهايه صح اهو نهايه الرحله دي هي اللي هنتكلم عليها دلوقتي الكلمه الجديده بتاعتنا اسمها الترسيب يعني ايه ترسيب دي المحطه الاخيره اللي الرامل بيرتاح فيها بعد السفر الطويل بتاعه كلمه الترسيب دي شكلها كبير شويه بس معناها سهله قوي فاكرين الهواء القوي او الميه السريعه اللي كانوا ماشيين وشايلين الرمل اهو الهوا الهواء والميه دول بيتعبوا بيفضلوا ماشيين ماشيين لحد ما قوتهم تخلص سرعتهم تقل ويهدوا خالص واول ما يهدوا ويتعبوا بيحصل ايه؟ ما بيقدرش يفضلوا شايلين الرمل فبيروحوا موقعينه من ايديهم الرمل ينزل ويستقر في مكانه الجديد هو ده الترسيب ان الرمل يقع ويرتاح في مكان جديد طب بصوا معايا على الرسمه دي هتفهمنا كل حاجه شايفين الهواء وهو جاي من بعيد بيكون قوي وسريع وشايل معاه رمل كتير قوي قوي حلو طيب وهو ماشي قوته بتقل بيبدا يهدى يتعب واول ما يتعب يروح موقع الرمل اللي شايله شايفين الرمل وهو بيقع بينزل حبه رمل فوق حبه رمل ويتكوموا على بعض يفضلوا يتكونوا يتكوموا لحد ما يبنوا شكل جديد خالص التل الصغير ده من الرمل بنسميه كثبان رمليه طيب عشان ما ننساش ونفضل فاكرين ايه الفرق بين الكلمتين اللي اتعلمناهم النهارده التعريه والترسيب بسيطه قوي التعريه هي الحركه والنقل ان الرمل بيتحرك من مكانه طب والترسيب الترسيب هو السكون والراحه ان الرمل بيقع ويستقر في مكانه الجديد يبقى تاني تعريه يعني حركه ترسيب يعني سكون سهله كده طيب سؤال مهم قوي بقى لما كل الرمل ده بيتجمع في مكان واحد ايه اللي بيحصل الرمل ده بيبني ايه الحقيقه ان الرمل ده فنان بيبني اشكال جديده وجميله جدا على الارض اشكال كلنا بنشوفها يلا بينا نشوف ايه هي الاشكال دي اول واهم شكل عندنا في بلدنا حبيبتنا مصر هو دلتا النيل بصوا عليها في الصوره نهر النيل بتاعنا وهو ماشي رحله طويله قوي بيبقى شايل معاه طينه خصبه اسمها طمي وشويه رمل ولما بيقرب من البحر سرعته بتهدى خالص بيتعب فيروح موقع كل الطمي اللي شايله مكان ما الطمي ده بيقع هو ده الدلتا والارض دي جميله قوي وبنزرع فيها كل الاكل الحلو بتاعنا يعني الدلتا دي اتكونت بعمليه ايه؟ الترسيب برافو حاجه ثانيه كلنا بنشوفها لما بنروح البحر في الصيف مش بنلاقي على الشط تلال رمل صغيره كده بنحب نلعب عليها اهي دي اسمها الكثبان الشاطئيه طب دي اتعملت ازاي موج البحر والهواء بيفضلوا طول اليوم يزقوا الرمل ويجمعوه فوق بعضه كوم فوق كوم لحد ما يعملوا التلال الصغيره دي ده برده ترسيب ونيجي بقى لاضخم شكل واكبرهم خالص الكثبان الرمليه اللي في الصحراء بصوا على الصوره دي الجبال من الرمل عندنا في الصحراء مصر الواسعه الهواء بيبقى قوي جدا جدا بيشيل كميات رمل مهوله ولما الهواء ده يهدى بيروح موقع كل الرمل ده ويبني الجبال الضخمه دي سبحان الله كل ده اتعمل بعمليه الترسيب يبقى نسال نفسنا ثاني عشان المعلومه تثبت لما الرمل بيخلص رحلته خالص ويستقر في مكانه ايه اللي بيحصل الاجابه انه بيبني اشكال جديده وجميله على كوكب الارض اشكال روعه زي الدلتا اللي بتاكلنا والكثبان الرمليه اللي شكلها تحفه يعني لو لخطنا الحدوته كلها هنلاقيها بتبدا بصخره جيره في جبل عالي الصخره دي تتكسر وتبقى حبه رمل صغننه خالص حبه الرمل دي تسافر رحله طويله يمكن مع الميه او الهواء وفي اخر الرحله تستقر وتتجمع مع صحابها حبات الرمل الثانيه ويبنوا مع بعض شكل جديد وعملاق زي الكثبان الرمليه والقصه دي مش بتخلص دي شغاله كل يوم على طول. دلوقتي بقى يا حبايبي المره الجايه لما نروح الشط ونلعب في الرمل او حتى نشوف شويه رمل في الشارع هنبص لهم بنفس الطريقه؟ لا طبعا هنفتكر القصه بتاعتهم هنفتكر رحله حبه الرمل دي من ساعه ما كانت جزء من صخره كبيره لحد ما وصلت لايدينا فكروا دايما في القصه العظيمه دي يا شطار