شرح درس أحكام النون الساكنة والتنوين الادغام الصف الرابع الابتدائي ترم تاني 2026

السلام عليكم ابطال الصف الرابع موعدنا اليوم مع الدرس الثالث من دروس ماده التربيه الدينيه للفصل الدراسي الثاني 2026 عنوان الدرس يا ابطال ورتل القران ترتيلا وطبعا من عنوان الدرس فهمنا ان احنا هناخد درس للتجويد العلم اللي بنتعلم منه ازاي نقرا القران الكريم بالطريقه الصحيحه زي ما كان الرسول صلى الله عليه وسلم والصحابه من بعده بيقراوه بيها بيقول لي تامل درسنا في الفصل الدراسي الاول ايه؟ احكام النون الساكنه والتنوين واتعرفنا ان للنون الساكنه والتنوين اربع احكام يا ابطال هي الاظهار الادغام الاقلاب والاخفاء وبالفعل اخدنا حكم الاظهار في الترم الاول وعرفنا ان الاظهار بيكون ان انا بنطق صوت النون الموجوده في حرف النون الاصلي الساكن في الكلمه او في التنوين الموجود في نهايه الاسماء ان انا بنطقها واضحه وظاهره وصريحه وده بيكون امتى؟ لما بلاقي بعيني بعد النون الساكنه او بعد التنوين احد حروف الاظهار السته واللي حفظناهم ان هم الهمزه والهاء والعين والحاء والغين والخاء يبقى الاظهار كان ليه ست حروف وحفظناهم من الترم الاول في الترم الثاني يا ابطال هنبدا نكمل الاحكام وهناخد الحكم الثاني اسمه ايه؟ الادغام طيب ايه هو تعريف الادغام بيقول لي هو ادخال حرف ساكن في حرف متحرك يعني انا هدخل الحرف الساكن اللي هو النون في الحرف المتحرك اللي هيجي بعده بحيث يصيران حرفا واحدا مشددا من جنس الحرف الثاني يعني انا هيجي لي النون الساكنه وراها حرف فالنون الساكنه هتدخل فيه معنى كده ان صوتها هيختفي تماما انا مش هسمع صوت حرف النون نهائيا ولكن هسمع صوت الحرف اللي جه وراها كانه اصبح مشدد ويقع الادغام اذا جاءت النون الساكنه او التنوين في نهايه الكلمه وبعدها احد حروف الاضغام السته يعني معنى كده ان الادغام ما بيجيش غير في كلمتين اثنين ايوه ان النون الساكنه تكون اخر حرف في الكلمه الاولى وحروف الاظهار بتكون اول حرف في الكلمه الثانيه طب ايه هي بقى حروف الاظهار دي يا مس حروف الاظهار برده يا ابطال سته زي الاضغام بالظبط يبقى الادغام والاظهار ليهم ست حروف عرفنا الاظهار الترم الاول همزه وهاء عين وحاء غين وخاء بناخد الادغام في الترم الثاني حروفه يرملون يعني ايه؟ يعني الياء الراء الميم اللام الواو والنون يبقى حروف الادغام تسهيل المذاكره والحفظ جمعناهم في كلمه اسمها يرملون البعض منكم هيستغرب الكلمه شويه هي يرملون في اللغه العربيه يا ابطال معناها يسرعون ولكن انا مش محتاجه المعنى في حاجه انا عايز الكلمه نفسها من الحروف السته اللي بتتكون منها كلمه يرملون هي دي حروف الادغام اللي لما بيجي احدهم بعد النون الساكنه او التنوين صوت النين صوت النون بيختفي تماما وبسمع الحرف بتاع الادغام واضح و وصريح كانه اصبح حرف مشدد طيب الادغام عندي يا ابطال ينقسم لنوعين ادغام بغنه واضغام بغير غنه يبقى الادغام ست حروف يرملون هاخد منهم اربعه بس واقول عليهم ادغام بغنه ولتسهيل المذاكره برض جمعناهم في كلمه ايه؟ كلمه ينمو طيب لما اخد كلمه ينمو من كلمه يرملون يلا كده نشوف اخدت الياء اخدت النون اخدت الميم اخدت الواو اتبقى لي ايه من حروف يرملون اتبقى حرفين اثنين بس اللي هم الراء واللام هي دي حروف الادغام بغير غنه فواحد فيكم هيقول لي يا مس انا برده لسه مش فاهم حاجه يعني انا الوقتي عرفت ان النون الساكنه لو جه بعدها احد حروف كلمه يرملون كده الحكم ادغام جميل ورجعنا قسمنا الادغام لنوعين ادغام بغنه وادغام بغير غنه هي ايه الغنه دي اصلا الغنه يا ابطال هو صوت له رنين يخرج من داخل الانف اللي هي الخيشوم عند نطق الميم او النون ولا دخل للسان في وتمد الغنه بمقدار حركتين والحركه بمقدار قبل الاصبع او بسطها يعني ايه الكلام ده يا ابطال؟ يعني الغنه بتاعتي عباره عن صوت بيخرج من المناخير اللي هي الانف بتاعتي او بتسمى في اللغه العربيه الخيشوم والصوت ده بيبقى طبيعيا مصحوب مع نطق حرف النون او الميم فلما بيجي مع الادغام بنطقه مع حروف الادغام بغنه الاربعه المجموعه في كلمه ينمو بمنتهى السهوله والغنه دي بتبقى عباره عن مقدار حركتين طب بحسب الحركه ازاي؟ مسافه ما بقبض ايدي يعني كاني بقفل صابعي وبفتحها ثاني قفلت ايدي تبقى حركه فتحتها ثاني تبقى حركه يبقى انا كده حسبت مقدار الحركتين مازلت مش فاهم يعني عامله ازاي ال الغنه دي عارفين صوت النحله يا ابطال طنين او زنه النحله هو شبهها بالظبط لو حطيت صباعي كده على انفي من فوق وقت نطق الايات اللي موجود فيها حكم الادغام بغنه هتحسه كان في اهتزاز داخل الانف من فوق طيب تعالوا نجرب والامثله خير دليل في الادغام بغنه اتفقنا ان هو بيحصل مع احد حروف كلمه ينمو اللي هي حروفها اربعه الياء والنون والميم وال والواو تعالوا نجرب في مثال في قوله تعالى من يخشاها عندي النون عليها سكون جه وراها حرف الياء في كلمه يخشاها الياء من حروف كلمه يرملون كده اتفقنا ان الحكم ادغام هبتدي المرحله الثانيه افكر هل هي ادغام بغنه ولا بغير غنه هفكر شويه هلاقي ان الياء في كلمه ينمو يبقى انا كده عندي الادغام ده بغنه هنطقها ازاي احنا اتفقنا في تعريف الادغام ادخال النون الساكنه في الحرف اللي بعدها ويبقى كانه حرف مشدد يعني النون هتدخل جوه الياء وهنطق صوت الياء مشدد يعني مش هسمع صوت النون نهائي فاقول ايه؟ هقول من يخشاها انا ما سمعتش صوت النون نهائيا انا سمعت ياء ثقيله لان هي اصبحت مشدده طيب تعالوا نعيدها ثاني وعايزه كل واحد فيكم يحط صباعه على الانف من فوق ويبدا ينطق من يخشاها هتلاقي ان انت حسيت اهتزاز في الانف هي دي الغنه وبتكون يكون بمقدار حركتين زي ما اتفقنا نشوف مثال ثاني في قوله تعالى عظاما نخره الطبيعي في اللغه العربيه ان انا بقول عظاما نخره نطقت التنوين جه وراه حرف النون في كلمه نخره لكن في القران الكريم انا مش هنطقها كده امال هعمل ايه في القران الكريم عندي تنوين بعديه النون احد حروف يرملون يبقى ده ادغام والنون موجوده في ينمو يبقى ده ادغام بغنه اقولها ازاي اقول عظاما خره كاني دخلتهم فبقوا كلمه واحده والنون الاولى اختفت ونطقت النون الثانيه مشدده المثال اللي بعده اقول صرا مستقيما ما سمعتش الصوت النون نهائيا لان هي دخلت في حرف الميم ونطقت الميم مشدده زجره واحده ما سمعتش برض النون وسمعت الواو مشدده اما الادغام بغير غنه ان انا بدخل الحرف الساكن في الثاني المتحرك بحيث يصيران حرفا واحدا مشددا يبقى ده نفس تعريف الادغام بالظبط بس الاختلاف ايه عدم مصاحبه الغنه له وده بيكون مع حرفين اثنين بس النون الساكنه او التنوين يجي بعديها اللام او الراء هات لي مثال في قوله تعالى من ربهم ده كده في اللغه العربيه العاديه لكن في القران الكريم مش هنعمل كده هندخل النون في الراء وتختفي صوت النون تماما فاقول من ربهم الايه يه الثانيه بتقول متاعا لكم المره دي عندي تنوين التنوين جه وراه حرف اللام فمش هسمع صوت النون الخاصه بالتنوين نهائيا وهسمع اللام مشدده فاقول متاعا لكم بيقول لي ملاحظه لا يقع الادغام الا في كلمتين زي ما اتفقنا ان هو لا يقع في كلمه واحده يعني مثلا لو عندي كلمه زي قنوان هنا النون عليها سكون والواو ا احد حروف كلمه يرملون طب تخيل معايا كده النون في نص الكلمه جه وراها الواو احد حروف يرملون لو اختفى صوت النون تماما لو قلت لك قوان هل انت فهمت حاجه نهائيا ان انا لما بحذف صوت حرف اساسي في الكلمه السامع هيتوهم انت بتقول ايه انا مش فاهم ايه الكلمه اللي انت بتقولها دي عشان كده يستحيل حكم الادغام في الكلمه الواحده الادغام فقط بيكون لما النون الساكنه او التنوين تكون اخر حرف في الكلمه الاولى وحروف الادغام السته تبدا بها الكلمه الثانيه وبكده نبقى بفضل الله اتممنا شرح حكم الادغام بالتفصيل يا رب تكونوا استفدتوا من الفيديو بتاعنا النهارده ولو عجبكم ما تنسوش تضغطوا لايك وتشتركوا في القناه عشان يوصل لكم كل دروسنا الجديده بامر الله السلام عليكم