شرح و حل الدرس الأول المفهوم 2 الحرارة و تغيرات الطقس–علوم السادس الابتدائي–ترم ثاني 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم مس عزه الملكي والنهارده ان شاء الله هنشرح الدرس الاول من المفهوم الثاني الحراره وتغيرات الطقس للصف السادس الابتدائي عام 2026 الترم الثاني ا في الدرس ده بنتكلم عن الطقس وهو وصف حاله الجو او وصف الحاله بتاعه الحراره حوالينا الرياح اللي حوالينا الامطار خلال فتره زمنيه قصيره يعني مثلا النهارده بكره كمان اسبوع طيب هنتكلم عن الطقس زمان كان بيبقى عامل ازاي والطقس النهارده في الايام اللي احنا عايشينها دي اتغير ولا زي ما هو وهل الايام اللي جايه الطقس هيتغير اكتر ولا هيفضل كده زي ما هو كمان في الدرس ده هنتعلم او هنعرف ازاي بيعرفوا الطقس اصلا وهنعرف مين الناس المسؤوله عن دراسه الطقس وان هم يبلغونا بالجو عامل ازاي وكمان هيعرفونا احنا بنعرف الطقس ليه اساسا ليه ضروري ابقى عارف الجو هيبقى حلو ولا حر ولا برد وكل ده هيفيدنا في ايه؟ في البدايه بيسالني سؤال بيقول ضع علامه صح امام الانشطه اللي بتتاثر بتغير بالتغير في الطقس يعني لو الطقس او الجو اتغير النشاط ده ممكن يا اما يقف يا اما يتغير بشكل او اخر مثلا الزراعه اه طبعا لو الطقس اتغير فمعناه لو نزل مثلا امطار كتيره او حاجه ممكن ده يضر النبات فالزراعه بتتاثر بالطقس طب الرياضه ممكن تتاثر بالطقس يعني ممكن ماتش او مباراه تاجل لو الجو مطر شديد او في مشاكل طيب تمام السفر اه طبعا في رحلات جويه كتيره قوي اتاجلت واتلغت علشان الجو مش مناسب الصيد اه في سفن كتيره قوي ما طلعتش ا عشان تصطاد لما لقت الجو مش مناسب تعلمنا ان الطقس هو حاله الجو يعني تقول لي كده الجو عامل ازاي خلال فتره زمنيه قصيره ممكن تكون اسبوع اسبوعين لكن المناخ بيكون حاله الجو بس خلال فتره زمنيه طويله يعني ثلاث اربع اربع شهور سنه سنتين ثلاثه طيب تعال بقى نتكلم عن تغيرات الطقس هل الطقس بيتغير ولا ثابت من يوم ما ربنا خلق الارض لحد النهارده اهتم الانسان بدراسه الطقس عايز يعرف الطقس وتغيرات المناخ منذ زمن طويل والكلام ده من زمان مش من دلوقتي وذلك لتاثيره الكبير على معظم انشطته اليوميه الشغل بتاعه واقف على انه الجو حلو ولا وحش يعني سواء صيد او زراعه او غيره فانا مستني اعرف الجو عامل ازاي علشان اشوف نشاطي ولا مش هقدر كمان بيتغير الطقس باستمرار هو مش دايما ثابت كل سنه نفس الجو او مش كل يوم نفس الجو لا طبعا ده احنا النهارده بنبقى في حال وبكره في حال ثاني خالص فقد تتسبب دوره الماء اللي هي تبخر الميه او تكثفها او هطول الامطار في تغيير درجه الحراره والرطوبه الجو بيتغير والرطوبه كمان اللي هو البخار الميه اللي معانا في الهواء ده بيتغير فيتحول الجو من مشمس من مشمس يعني من شمس طالعه منوره ورا ويكون دافي كده الى غائم وبارد يبقى جو مغيم الدنيا ساقعه الناس متكلفته بالبطاطين مش عايزه تنزل ده مثلا اللي قدامنا جو مشمس ودافق بص الجو حلو ازاي ده مثلا غائم وبارد في ثلج في الارض في كمان غيوم في السماء يعني في سحب كتيره قوي قوي في السماء نتيجه للتغيرات المستمره في حاله الطقس بما ان يعني الجو بيتغير فاننا نحتاج الى التنبؤ يعني توقع تلك التغيرات عايزين حد بس يقول لنا هو بكره بكره احتمال الجو يبقى عامل ازاي تمام علشان نبقى عارفين الانشطه بتاعتنا هتبقى تشتغل عادي يعني نسافر عادي ولا هيبقى في مشكله او حاجه حتى نستعد لها عشان نبقى جاهزين ونبقى مستعدين ويسمى ويسمي العلم الذي يهتم بدراسه تغيرات الطقس بعلم الارصاد الجويه يبقى في علم كامل بيعرف لنا ويتقص لنا ويتنبا لنا باحوال الطقس اسمه علم الارصاد الجويه والشخص اللي بيشتغل في المجال ده بنسميه خبير الارصاد الجويه يبقى علم الارصاد الجويه ماله قال لي علم بيهتم بايه بدراسه الطقس وكيفيه التنبؤ بيه بيقدر يتوقع من خلال الات وادوات هندرسها برده هو الجو هيبقى عامل ازاي كمان الخبير بالارصاد الجويه هو العالم الذي يستخدم مجموعه متنوعه من الادوات لدراسه الطقس او التنبؤ بيه عشان يعرف الجو هيبقى عامل ازاي او يعرف بكره الجو هيبقى ازاي ازاي؟ ازاي بقى يا ميس خبير الارصاد الجويه ده بيتنبا باحوال الطقس يعني هو بيعرف منين كده يبقى خبير الارصاد الجويه بيعتمد على مجموعه من الادوات هو مش ذكي قوي لدرجه يعرف لنا الجو خلال اربع خمس شهور مثلا او اسبوعين ثلاثه هو بيستخدم مجموعه من الادوات لجمع البيانات ودراسه تغيرات الطقس الجو هيتغير ازاي على مدى فترات زمنيه مختلفه يعني النهارده وبكره والاسبوع الجاي الاسبوع اللي بعده ليستفيد من هذه المعلومات وانه يتنبا لنا يعني يبدا يتوقع باحوال الطقس احوال الطقس تبقى عامله ازاي الجو مغيم مطر كتير حراره مثلا بروده فكل الحاجات دي هي دوره لازم يعملها الادوات بقى اللي بيستخدمها زي مثلا دواره الرياح اللي انت شايفها دي بتبين الرياح جايه منين لفين وبرده بيستخدم الترمومتر اللي بيعرفه درجات الحراره هو مش بيعرف لوحده لازم يبقى فيه ترمومتر وادوات تانيه كتيره قوي بتساعده في معرفه احوال الايه الطقس ده يبقى لو سالك في الامتحان ما المقصود بعلم الارصاد الجويه علم دراسه الطقس وكيفيه التنبؤ بيه يعني نعرفه في المستقبل هيبقى عامل ازاي ولو سالك ما المقصود بخبير الارصاد الجويه يبقى عالم بيستخدم مجموعه متنوعه من الادوات لدراسه الطقس والتنبؤ بيه عشان يعرف الجو عامل ازاي ويتوقعه في المستقبل كيف بقى يتنبا خبير الارصاد الجويه باحوال الطقس بيعرفه ازاي؟ قال لي يعتمد خبير الارصاد الجويه على ادوات لجمع البيانات يعني بيبقى معاه ادوات زي اللي احنا شفناها ودي بتساعده على انه ايه يدرس تغيرات الطقس على على مدى فترات زمنيه مختلفه ليه؟ ليستفيد من هذه المعلومات في التنبؤ باحوال الطقس عشان يقدر يعرف بيها السؤال هنا بقى بيقول ايه؟ بيقول اكتب المصطلح العلمي ايه هو العلم اللي مهتم بدراسه الطقس وكيفيه التنبؤ به طبعا العلم هو علم الارصاد الجويه اما العالم اللي بيستخدم مجموعه متنوعه من الادوات لدراسه الطقس والتنبؤ بيه فهو اسمه خبير الارصاد الجويه تمام نشاط اثنين بيتكلم عن زراعه الصحراء يا مي الصحرا وتتزرع ما تتزرعش ليه هي الصحراء ايه اللي ناقصها عشان تتزرع محتاجه ميه ايه بقى لو وصلنا لها ميه عادي بقى تتزرع زي اي ارض ثانيه بيقول ده علامه صح امام العباره اللي بتعبر عن مناخ الصحراء في مصر جو الصحراء عامل ازاي الحراره بتكون شديده في النهار ايوه صح في جفاف شديد ما فيش ميه كتيره ايوه صح كثره وطول الامطار لا غلط ما فيش مطر يام طب بيدفع بقى النمو السكاني بما ان ان احنا بقينا زحمه قوي قوي الكثير من الناس الى النزوح يعني الخروج من الزحمه دي والانتقال الى الاراضي الصحراويه علشان يعيشوا في مكان فاضي شويه بدل الزحمه والاستقرار فيها وزراعتها ايوه طبعا هيحاولوا ان هم يبعدوا عن الزحمه بان هم ياخدوا حته ارض في الصحراء يزرعوها وياكلوا منها ويبعدوا عن الزحمه الا انهم بيواجهوا شويه صعوبات وصعوبات كبيره كمان بسبب المناخ بتاع الصحرا القاسي حر قوي قوي بالنهار برد جدا بالليل ما فيش مطر ما فيش ميه فبالتالي المناخ هناك قاسي في الصحاري الحاره والذي يتمثل في نقص الامطار ما فيش مطر كفايه حيث يهطل حوالي 250 ملي بس من الامطار سنويا شايف الحبه دول هم دول اللي بينزلوا في السنه كلها وهي اقل كميه امتار مقارنه بالمناطق الاحيائيه الاخرى اي مناطق احيائيه يعني فيها سكان اخرى فيها كميت اكبر من كده بكثير من الميه اما بالنسبه لثاني مشكله بتواجه الناس لو عاشوا في الصحراء هي الحراره والجفاف حر قوي قوي وال والارض ناشفه ما فيهاش ميه بتؤدي طبعا الى تبخر كميات كبيره من الماء من سطح الارض الميه الارض بتاعه الصحرا ناشفه قوي عشان التبخر فقدت الميه اللي فيها بسبب البخار لان الشمس حاميه قوي هناك لذلك يكون مقدار ما يتبخر من الماء اكبر من مقدار ما يهطل من الامطار شايف ال 250 ملي اللي بينزلوا من المطر كل سنه دول بيتبخر اكت بكتير مما بينزل فعشان كده ما بيبقاش فيه بيجي بقى سؤال في الامتحان علل يواجه المزارعون تحديا في زراعه الصحراء ايه المشاكل اللي بتواجههم عشان يزرعوا الصحرا زي ما انت شايف اول حاجه نقص الامطار ثاني حاجه الحراره الشديده ثالث حاجه الجفاف دول الثلاث مشاكل بتوع الصحراء احنا بقى كبشر نسكت لا ما نسكتش كل حاجه وكل مشكله وليها حل فبداوا بابتكار ابتكارات جديده للزراعه في الصحراء حيث يسعى المزارعون اللي هم الفلاحين اللي بيزرعوا الصحراء للتكيف يعني التعود والتاقلم مع المناخ الصحراوي من خلال تطوير اساليب زراعه عاليه عاليه الكفاءه بتتركز على اربع حاجات يعني هم شافوا طرق جديده للزراعه اساليب زراعه يعني طرق جديده جديده خالص للزراعه هم اللي ابتكروها يعني هم اللي اخترعوها وبتكون كفائتها عاليه تناسب التربه والمناخ اللي موجود في الصحرا الميه هيجيبوا ميه منين يا ميس؟ قال لي بدا بيقولوا ايه تحقيق اكبر استفاده من المياه عن طريق ابتكار طرق جديده لاعاده للري يعني ايه برده انا دلوقتي عشان ازرع ارض عاديه بيبقى عندي ميه نهر فبروي براحتي اكب ميه زي ما انا عايز ميه كتير لكن الصحرا ممكن نروي بطريقه الرايب بالرش او الرايه بالتنقي زي مثلا اعاده استخدام كمان المياه الميه المستخدمه ميه الوضوء ميه اي حاجه ثانيه احنا استخدمناها قبل كده ممكن نجمعها ونستخدمها في الزراعه هنروي بيها الارض والزرع مش هيقول لك لا يعني يبقى نخترع او نبتكر طرق جديده للري زي الري بالرش او الري بالتنقيط او اعاده استخدام الميه ده مثلا الرا زمان بصوا زمان عشان في ميه كتير كانوا بيغرقوا الارض ميه ازاي كانوا بيسموها الرايب الغمر بيغرقوا الارض ميه ده ما ينفعش مع الصحرا اجيب ميه منين فقرروا يبتكروا طرق جديده زي الرايب الرش بصوا رشاشات ميه كده بترش ميه خفيف خالص واول ما خلاص يحسوا ان النبات شبع بيوقفوا بقى الرش ده في برده الرايب التنقيط مواسير ميه معديه في الارض كلها بتنقط بالنقط كده واول ما خلاص يلاقوا النبات شبع من الميه بيقفلوا بسرعه الحنفيات طريقه مهمه برده لتوفير الميه ان دي ميه مستخدمه من قبل كده سواء ميه ودوء او ميه استخدام شخصي بتتجمع كده وبعدين بيعيدوااني بقى ايه استخدامها ويزرعوا بيها اكيد النبات مش هيقول لك لا دي ميه مستخدمه قبل كده خلاص خلصنا من مشكله الميه يلا كده حللنا لك مشكله يا سيدي عشان تزرع ارض الصحرا ثاني حاجه هنحلها لك هي التربه رمله الصحراله فقيره ما فيهاش عناصر غذائيه طب النبات يتغذى منين فقرروا ان هم يعملوا على تحسين جوده التربه يعني يحطوا لها الفيتامينات والعناصر الغذائيه اللازمه للنبات فيبدا النبات ياكل منها ويكبر يبقى تحسين جوده التربه الصحراويه الجافه وجعلها خصبه ومثمره ده طبعا عن طريق خلطها بالعناصر الغذائيه اللازمه ثالث مشكله هنحلها لك هي المحاصيل مش كل المحاصيل ينفع تتزرع في الصحراء فهندور لك على انواع محاصيل ينفع تتزرع في الصحراء وتديك اعلى انتاج زي زراعه محاصيل تتحمل الحراره تستحمل الحر يعني ا وكمان التربه المنخفضه الخصوبه تكون بتستحمل ان التربه ما تبقاش مليانه عناصر غذائيه قوي يبقى فيها حبه صغننين. طب رابع مشكله بقى الطاقه ما انت برده هتحتاج كهربا في الصحرا نعمل ايه؟ قال لك استخدم يا سيدي الواح طاقه شمسيه او تربينات رياح في انك تشغل المزرعه بتاعتك يبقى بدل ما اجيب الكهرباء مثلا من من السد العالي نجيب الكهرباء من شركات الكهرباء او من البترول لا عندك شمس طول اليوم فتقدر تعمل ايه؟ تجيب الواح طاقه شمسيه زي اللي انت شايفها دي وهتسيبها كده طول ما في شمس هتحول لك الشمس دي لكهربا واظن كده تبقى انت تمام قوي وممكن ترب كربونات الرياح بصوا اول ما بيجي شويه هواء كده يحركوها بيحولوا الطاقه الحركيه دي الى طاقه كهربيه تاخد انت بقى الكهرباء وتدور المزرعه بتاعتك على فكره الارض اللي قدامك دي كانت صحرا واتزرع فبص ينفع عادي اهو دي كانت ارض صحراويه واتحولت لارض زراعيه ومزارع تمام في نشاط ثلاثه بيقول ما الذي تعرفه عن تاثير الحراره على تغيرات الطقس يعني هل الحراره لما تتغير الجو يبقى برد او جو يبقى حر ده هياثر على تغيرات الطقس الباقيه على الامطار بقى وعلى الرياح وكده اه طبعا قال لي لاحظ الصوره دي صوره متسلق اعلى قمه جبل يعني بيطلع فوق جبل وهو دلوقتي فوق اا ارتداء ارتداء المتسلق ملابس ثقيله بيلبس هدوم ثقيله ليه ده بيدل على ان ايه هناك شديده بيدل طبعا على البروده الشديده طب استخدامه لجهاز التنفس بيدل على ان الهواء هناك ايه لو هو معاه انبوبه اكسجين يبقى الجو فوق في الجبل كتير ولا قليل طبعا قليل في نقص في كميه الهواء عشان كده خد معاه انبوبه اكسجين نرجع لدرسنا احوال التق بتصف احوال الطقس حاله الغلاف الجوي بتاع بنعرف بيها الجو معانا عامل ازاي في منطقه معينه ومنها هبوب الرياح وهطول الامطار يعني ان الرياح تيجي او ان المطر ينزل بيقول لي بتتحدد احوال الطقس في تلك المنطقه بمقدار درجه الحراره والضغط الجوي والرطوبه يعني لما اقول لك احكي لي كده الطقس عندك عامل ازاي ما ينفعش تقول لي حر وتسكت او برد وتسكت لا مش الحراره لوحدها مش كفايه توصف لي الطقس كمان قو لي الضغط الجوي الهواء عندك كتير ولا قليل؟ كمان الرطوبه بخور الميه عندك كتير ولا قليل؟ كل ده ليه علاقه بالطقس طيب لو ركزت معايا فاهمك يعني ايه ضغط جوي بشكل افضل اللي انت شايفه ده عمود من الهواء لو خدت بالك كميه الهواء تحت اكت بكتير من كميه الهواء فوق ده معناه ان فين المنطقه اللي فيها ضغط جوي مرتفع؟ المنطقه اللي تحت اللي فيها هواء كتير طب فين المنطقه اللي فيها ضغط جوي منخفض؟ المنطقه اللي فوق اللي فيها هواء قليل طيب يبقى معنى كده ان الضغط الجوي هو مقدار القوه اللي بتاثر التي يؤثر بها الهواء على البيئه المحيطه الهواء كتير ولا قليل او وزن عمود الهواء ثقيل ولا خفيف فوق منطقه ما اما بالنسبه لبخار الماء فهو كميه بخار الميه اللي موجوده في الهواء زي بخار الميه اللي بيطلع من البراد لو سبت البراد يغلي كتير هل الرطوبه في المطبخ هتبقى زي الرطوبه في الصاله؟ لا طبعا الرطوبه في المطبخ هتبقى كتير لان بخار الميه اللي طالع من البراد كتير في المطبخ فكان الهواء هناك مبلول تحدث احوال الطقس وظواه في طبقه الغلاف الجوي الاقرب لسطح الارض يعني مثلا لو انت في منطقه جبليه عارف مثلا كل الظواهر هواء ورياح وامطار و كل ده هيبقى اكت في المنطقه اللي تحت القريبه من سطح الارض وكل ما بنطلع فوق كل حاجه بتقل كل حاجه بتقل درجات الحراره بتقل لما نطلع فوق الضغط الجوي بيقل لما نطلع فوق يعني كميه الهواء فوق اقل طيب الطبقه بقى القريبه من سطح الارض اللي هي تحت دي عارفين هم بيسموها ايه؟ طبعا هو احنا عندنا طبقات كتير لسطح الارض بس احنا هنتكلم عن الطبقه دي بس دي اسمها طبقه التروبوسفير واتسمت بالاسم ده عشان هي طبقه كثيره الاضطرابات فيها مشاكل كتيره شويه رياح واعاصير وامطار وبرق ورعد وكل الكوارث بتحصل في الحته دي فبما انها تروبوسفير يبقى الطبقه المضطربه اللي فيها مشاكل كتير بالنسبه بقى لتغير احوال الطقس بتتاثر احوال الطقس بسبب كلا من الارتفاع عن سطح الارض زي ما احنا قلنا كل ما هنطلع لفوق كل ما الطقس يتغير فكلما ارتفعنا لاعلى عبر الغلاف الجوي هنلاقي ايه اللي بيحصل ركز معايا درجه الحراره بتقل ضغط الهواء بيقل كثافه الهواء بتقل طب واحده واحده ميس فاهمين يعني ايه درجه الحراره بتقل يعني لو انت جبت الترمومتر وقست درجه الحراره تحت ولقيتها 20 درجه مئويه فلو بصينا فوق هنلاقي هنا ثلج ده معناه ان ممكن تكون سالب ا درجه مئويه ده معناه انك بتزيد ولا بتقل؟ لا بقل انا كل ما اطلع فوق بتقل درجه الحراره درجه واحده مئويه يبقى درجه الحراره بالصعود لاعلى بتقل طب ايه بقى حوار الضغط الجوي لو بصينا تحت هنلاقي كميه الهواء كتير لان الهواء ثقيل الهواء كثافته مرتفعه فبصوا كميه الهواء هنا قد ايه كتير كتير كتير كتير كتير كتير كتير طب بصوا فوق الهواء قد ايه الهواء قليل يبقى الضغط الجوي تحت اعلى ولا فوق طبعا تحت الضغط اعلى طب بالنسبه لكثافه الهواء مين اتقل الهواء اللي تحت ولا لفوق؟ طبعا اللي تحت كثافه الهواء برده هتقل كل ما نطلع لفوق يبقى كل ما نطلع لفوق كثافه الهواء بتقل يعني تقلله بيقل ونتيجه لذلك يمكن ملاحظه تكون الثلوج على قمم الجبال يعني انت ممكن تبص فوق تلاقي ثلج في حين يظل الماء سائلا عند سفح او قاعده الجبل يعني بصوا الميه تحت في ايه الميه تحت سائله فلو بصيت معايا مثلا ده جبل بصوا على قمه الجبل في ايه في ثلج ده معناه درجه الحراره منخفضه جدا فوق ساقعه قوي قوي قوي طب فانت ممكن تيجي تقول لي يا ميسه ما انت يمكن جايبه لي جبل مثلا الجبل ده موجود في منطقه بارده اصلا يعني موجود عند القطب الشمالي وهو منطقه اصلا ساقعه لا يا حبيبي بص كده على الميه تحت الميه تحت سائله يبقى ممكن تكون درجه الحراره هنا مرتفعه يعني الجو حار وفوق الجو بارد ده معناه ايه ان كل ما نرتفع لاعلى بتقل درجه الحراره كل ما تطلع 150 متر تنخفض درجه الحراره واحد درجه يعني هنا مثلا 20 طلعنا 150 بقت 19 طلعنا 150 كمان بقت 18 طلعنا 150 كمان بقت 17 16 ممكن هنا توصل لسالب خ سالب1 المهم انها بدات تقل يبقى عرفنا ليه على قمه جبل ممكن نلاقي ثلج وعند سفح الجبل يعني منخفض الجبل بنلاقي الجو حر يبقى لان كل ما ارتفعنا لاعلى نحو قمه الجبل تقل درجه الحراره والضغط وكثافه الهواء كمان ثاني حاجه تاثير التضاريس الجبال اللي احنا شفناها دي قال لي تعلمنا ان الهواء الرطب الهواء اللي هو السخن اللي فيه بخار ميه بيساعد على سكوط الامطار لان الميه البخار الماء ده لما يطلع في السماء بيلمس السما ساقعه فيتكثف وينزل على شكل امطار بينما الهواء الجاف اللي هو الهواء البارد بيساعد على تكوين الصحاري لان ما بيبقاش فيه بخار ميه بيبقى ناشف خالص لهذا السبب تمتلك سلاسل جبال الجبال جانبين اي جبل عنده جنبين جنب جنب البحر وجنب بعيد عن البحر تمام الجنب اللي بيكون رطب هو اللي موجه للرياح اللي جنب البحر وجنب جاف بعيدا عنها وتسمى هذه الظاهره باسم ظل المطر ممكن اوصف العمليه دي اثناء حدوثها لو ركزت كده معايا ده جنب اهو في هنا بحر فالبخار الميه اللي طلع ده اللي اتبخر من البحر موجود في الجنب ده فلما بتيجي الرياح من هنا اهي بتزق السحب احنا عارفين ان في سحب طبعا السحابه هتيجي تخبط في الجبل تنزل المطره اللي فيها شايفين بصوا المطر بينزل هنا طب السحابه بقى لما تيجي تروح الجنب الثاني هتكون فيها نفس كميه المطر ولا خلاص فضت المطر فضت المطر عشان كده نلاقي الجنب الثاني ده ما فيش امطار يبقى يبقى هنا الجو مطر ممطر زي ما انت شايف كده وهنا جاف يبقى الجنب المواجه للرياح اغذر مطرا يعني مطر كتير قوي عن الجنب الايه اللي في ظل المطر او اللي في ضهر الجبل يبقى اول حاجه بتحصل ان بيواجه الهواء الدافئ الرطب هذا الجانب من الجبل بيجي هواء دافئ رطب يعني مليان بخار ميه بيجي على جنب دم الجبل بعد شويه بيرتفع الهواء عندما يصطدم بالجبل بيخبط في الجبل فاستحبه تتعصر تنزل الميه اللي فيها بعد شويه طبعا بيبرد الهواء يتكثف الماء في اعلى مكون سحب الصحب اهي بتنزل المطر اللي فيها بيحدث بعد كده الهطول اللي هو سقوط الامطار او السلوج على الجانب اللي جنب الرياح الجانب اللي هو من هنا لكن نيجي للجنب الثاني بيهبط بقى الهواء على الجانب الاخر بعد تجاوز قمه الجبل يعني خلاص بقى عدى الجبل بيبقى دافي وجاف ما بقاش فيه مطر خالص مما يسبب جفاف الارض يبقى الجنب ده مزروع واخضر والجنب ده ما فيهوش زراعه ما فيهوش نباتات ما فيش ميه ماذا يحدث بقى عند اصطدام هواء راطب محمل ببخار الماء بسلسله جبال عاليه؟ اول حاجه الجانب المواجه للرياح بيرتفع الهواء الرطب ويبرد ويتكثف بخار الماء وبعدين بيسقط المطر اما الجانب البعيد عن الرياح بيهبط الهواء الجاف وتتكون منطقه ظل المطر اللي هي شبه الصحراء علل يعود الهواء الى الارض مره اخرى ليه الهواء بيرجع ثاني على الارض بعد تجاوزه قمه الجبل ا لانه بيكون خلاص برد ويفقد الرطوبه اللي فيه بيفقد الميه اللي كانت جواه فيصبح جافا بيبقى ناشف خالص وبالتالي تزداد كثافته بيبقى ثقيل طالما فيهوش بخار ميه فيهبط لاسفل فينزل تاني على الارض صل من العمود ب ما يناسب العمود ا ماذا يحدث عند ارتفاع الهواء الرطب لما الهواء اللي فيه بخار ميه يرتفع هيحصل ايه طبعا لما بيرتفع الهواء الرطب قال لي ده بيبقى امتى لما بيصطدم او عند اصطدام الهواء بالجبل فيبدا يرتفع طيب رقم اثنين تكثف بخار الماء مكونه السحب هيحصل ايه لو بخار الميه او امتى هيتكثف بخار الميه ويرجع ثاني بدل ما كان بخار يبقى ميه او يبقى سحب ده امتى طبعا لما يبرد الهواء الرطب اعلى الجبال لما يوصل فوق ويبدا يبرد طب هيحصل امتى ان طهل الامطار امتى المطر ينزل ا ده بيحصل طبعا لما ا بتصبح قطرات الماء ثقيله جدا في الصحب طيب هبوب الهواء الجاف يجي هواء بقى او هبوط الهواء الجاف الهواء الناشف البارد اللي خلاص خسر الميه اللي فيه وناشف جاف تماما ا ده بيحصل امتى؟ لما يفقد الهواء الرطوبه بتاعته فتزداد كثافته دلوقتي هنحل تدريب سلاح التلميذ على الدرس الاول ضع علامه صح او علامه خطا امام العبارات الاتيه الارتفاع الشديد في درجه الحراره من العوامل او من الاسباب اللي بتؤدي الى تبخر كميه كبيره من الميه على سطح الارض يعني هو بس لما الحراره تبقى زياده او الجو يبقى حر او الجو يبقى سخن ده هيبخر الميه؟ طبعا صح طيب عندما يبرد الهواء الهواء اللي بيبرد ده في اعلى الغلاف الجوي هيحصل له ايه؟ هو كان بخار ميه وسخن لما لمس الغلاف الجوي هيتكثف فيكون السحب طبعا صح طب يسعى المزارعون الفلاحين اللي بيزرعوا الارض لابتكار طرق تجعل التربه الصحراويه الجافه تبقى خصبه ومثمره يحاولوا يدوروا على طرق يخلوا التربه تنفع تتزرع ايوه فعلا بيحاولوا طب ما المقصود بكلمه رطوبه الرطوبه دي بتتقال على ايه؟ هي كميه بخار الماء كميه البخار اللي موجود فين؟ في الهواء كميه بخار الماء الموجود في الهواء طب ما المقصود بالضغط الجوي؟ هو مقدار القوه هو ايه؟ مقدار القوه التي يؤثر بها الهواء على البيئه المحيطه طب رقم لاثه اختر الاجابه الصحيحه عندما يتجاوز الهواء قمم الجبال يهبط الى اسفل ويصبح ايه؟ طالما هبط لاسفل او نزل لتحت ساعتها هيبقى الهواء ده دافي وجاف فاكر الرسمه دي اهو قال لك بيهبط الهواء على الجانب الاخر بعد تجاوز بعد تجاوز قمه الجبل فيصبح ايه برافو عليك دافئا وجافا خليك فاكر الحته دي ان هو خلاص طالما عدى قمه الجبل هيبقى دافي وجاف عشان كده اخترنا الاجابه دفاء وجفا طيب درجه الحراره عند قمه الجبل هو انت فوق خالص هتبقى ايه بالنسبه لدرجه الحراره صفحه الجبل اللي هي بتبقى تحت طبعا فوق بيبقى في ثلج تحت لا يبقى معنى كده انها هتكون درجه الحراره فوق اقل من تحت طيب اكمل مما بين القوسين يستخدم المزارعون بالصحراء مصادر طاقه ايه طبعا متجدده طاقه شمسيه طاقه الرياح لكن الطاقه الثانيه دي هيجيبوها منين ما هم في الصحرا طيب مقدار تبخر الماء في الصحراء الميه بتتبخر في الصحراء ا ايه بالنسبه لمقدار هطول المطر المطر اللي بينزل بينزل حوالي 250 ملي صح كده لا انا عايزه اقول لك ان اللي بيتبخر اكت من كده بكتير علشان كده هختار انه بيكون اكبر من التبخر اكبر من الهطول ده في فين في الصحراء. رقم 5 اجب عن الاسئله التاليه بيقول ما اسم الطبقه التي تحدث فيها معظم ظواهر الطقس؟ اسم طبقه وهي اللي بيحصل فيها بقى الحراره والرياح والامطار والهتول والعواصف والبرق والرعد ومن كتر ما هي كده هم سموها بالاسم ده علشان هي مضطربه ايوه برافو عليك اسمها ايه؟ اسمها التروبوسفير طيب ما الدور الذي يقوم به خبير الارصاد الجويه ايه لازمه شغلته بيعمل لنا ايه طبعا شغلته مهمه جدا جدا شغلته دراسه احوال الطقس والتنبؤ به يعني بيتوقعوه طب بيواجه المزارعون صعوبه في زراعه الصحراء بيبقى في صعوبه عليهم في ان هم يزرعوا الصحراء بسبب المناخ القاسي عشان الجو حر قوي ما فيش مطر في جفاف في التربه التربه فقيره ما فيهاش عناصر غذائيه كل دي مشاكل طيب عايزين نوضح له الكلام ده نقول ايه بقى هنقول الاسباب سبب بسبب نقص الامطار والحراره الشديده والجفاف طيب سؤال رقم اربعه كيف يمكن للمزارعين التغلب على مشكله نقص المياه في الصحراء هيحلوا المشكله دي ازاي؟ فاكر اما شفنا الفيديوز ايوه طبعا شفنا طرق جديده في الري فهنقول ابتكار طرق جديده للري بقى ازاي يحلوا مشكله نقص الميه برافو يبتكروا طرق جديده للراي زي الرايب الرشيب التنقيط او اعاده تدوير المياه هم كانوا ثلاث طرق ماذا يحدث عند ارتفاع ا عند الارتفاع في الغلاف الجوي يعني كل ما نطلع فوق بالنسبه للضغط الجوي وكثافه الهواء قلنا ان انت كل ما بتطلع فوق كل حاجه بتقل الحراره بتقل تقل الضغط الجوي بيقل كثافه الهواء بتقل يبقى هنقول يقل يقل كلا من الضغط الجوي وكثافه الهواء يعني الضغط الجوي بيقل وكمان كثافه الهواء بتقل اكتب المصطلح العلمي يعني الجمله دي بتعبر عن ايه علم دراسه الطقس وكيفيه التنبؤ بيه ايه العلم ده اسمه ايه اسمه علم الارصاد الجويه طب الظاهره بقى اللي بتحدث نتيجه وجود جانبين لسلاسل الجبال جنب يكون جنب اا الجنب من الجبل اللي بيكون جنب البحر واللي بيكون يكون جنب الرياح الرطبه والجنب الاخر احداهما ايه؟ جاف يعني ما فيهوش مطر ما فيهوش بخار ميه جنبه فاكر الظاهره كان اسمها ايه؟ كان اسمها ظاهره ظل المطر اوعى تنسى ظاهره ظل المطر هي اللي بيبقى فيه جانبين لسلاسل الجبال احداهما رطب بينزل فيه الشتاء واحداهما جاف ما فيهمش مطر خالص لاحظ الشكل ثم اجب بيقول ماذا يحدث للهواء عندما يصطدم بجانب الجبل رقم واحد هيحصل ايه بقى لل لله للهواء؟ بصوا في الجنب رقم واحد ده طبعا هنلاقيه بيرتفع الهواء الراتب لاعلى فيبرد ويتكثف ويعمل سحب وبعد كده اا يسقط المطر ده في الجنب الايه؟ رقم واحد طب اذا اردت ان تزرع بعض النباتات في اي جنب من الجبال تفضل ولماذا عايزه ازرع ازرع فين؟ هل في الجنب رقم واحد ولا رقم اثنين طبعا في الجنب رقم واحد لانه اكثر رطوبه وبتسقط عليه الامطار طالما في مطر يبقى هعرف ازرع عادي ما تنساش ان قال لك ولماذا كده خلصنا الدرس الاول من المفهوم الثاني هستناكم في الدرس الثاني هتلاقوا الرابط بتاعه تحت في صندوق الوصف وهو باقي دروس المنهج ان شاء الله اللايك والشير بيساعدنا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا اتمنى تكونوا استفدتوا واترككم في رعايه الله والسلام عليكم ورحمه الله وبركاته