شرح و حل الدرس الثاني المفهوم 2 الحرارة و تغيرات الطقس–علوم السادس الابتدائي–ترم ثاني 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح الدرس الثاني من المفهوم الثاني للصف السادس الابتدائي الترم الثاني عام 2026 الدرس عباره عن نشاط اربعه بعنوان علم الارصاد الجويه وعلم التنبؤ بالطقس كنا خدنا نبذه عن الموضوع ده في الدرس الاول هسيب لكم الرابط بتاعه تحت في صندوق الوصف هو باقي دروس المنهج برده هنبدا في في زي كعادتنا في اي فيديو ان احنا نشرح شرح كل التفاصيل مش هعتمد على ان انت تكون شايف الفيديو اللي قبل ده او لا احنا بنشرح كل التفاصيل جوه الفيديو طيب اول سؤال بيقول ضع علامه صح او علامه خطا امام العبارات الاتيه ا تقدم النشره الجويه تقرير يعني بتبدا تظهر لك مثلا في الراديو في التلفزيون في على الانترنت انت بتشوف النشره دي بتقدم لك تقرير عن توقعات احوال الطقس للايام القادمه للايام اللي جايه يعني يقول لك بكره مثلا الجو يبقى حار ممطر في المناطق الشماليه وجا في مش عارفه ايه في المناطق ال مش ده اللي احنا بنسمعه في التليفجن او في التلفزيون ايوه طبعا يبقى العباره دي ايه عباره صحيحه طيب لا يستخدم مذيع النشره خرائط خالص خالص خالص هو بيشرح لنا ويقول لنا الجو هيبقى عامل ايه لشرح توقعات الطقس للمشاهدين ما بيستخدمش اي خرائط طبعا غلط هو بيستخدم خرائط اصلا مخصصه للطقس فالعباره دي خاطئه هوريكم شكل الخرائط وكل حاجه ان شاء الله يستخدم المذيع مصطلحات يعني كلام بيفضل يكرره كده زي درجه الحراره زي كلمه رياح زي كلمه رطوبه درجه الحراره اللي هي جو حر ولا برد رياح اللي هو الهواء في هواء في المنطقه دي ولا ما فيش الرطوبه يعني في بخار ميه في الجو ولا ما فيش كل ده بيستخدمه اهو فعلا لازم يعبر لنا عن كل ده اثناء ما هو بيقول لنا النشره نبدا نتكلم عن مراحل دراسه الطقس يعني وانت بتدرس الطقس كده مطلوب منك ايه لو انت حابب المجال ده اول مرحله هتعملها مرحله اسمها جمع البيانات هتجمع معلومات الاول قبل ما تطلع تقول للناس الطقس عامل ازاي ثاني مرحله يا دكتور اسمها تحليل البيانات المعلومات اللي انت جمعتها هتبدا تحللها وتفكر فيها وتشوف ايه المنطقي اللي هتستخدمه وايه اللي مش منطقي وتستبعده يعني اللي مش مقتنع بيه او ما فيش دلائل عليه مش هتطلع تعلنه للناس اخر بقى مرحله خالص هي الربط بين الاشياء تبدا المعلومات اللي انت جمعتها وبعد ما حللتها تبدا تربط ده بده يعني هو منطقي ان مثلا يبقى منطقه فيها مقدار بخار ماء عالي قوي ومش هينزل فيها امطار لا هتقول طالما في بخار عالي يبقى اكيد هينزل مطر فانت كده بدات تربط الاشياء ببعض بدات تربط الرطوبه بحاجه اسمها سقوط الامطار طيب يبقى احنا مضطرين عشان نطلعك عالم او خبير ارصاد جويه ان نعلمك تعمل الثلاث خطوات دول اول مرحله اللي هي مرحله جمع البيانات لكي تتمكن عشان تقدر انت كخبير ارصاد جويه انك تفهم كيفيه تغير الطقس بدقه والتنبؤ وتتوقع في المستقبل الاحوال الجويه الجو هيبقى عامل ازاي في المستقبل القريب لان احنا بنتكلم عن الطقس فيبقى اخرك مثلا النهارده بكره الجو خلال اسبوع خلال اسبوعين بالكتير ينبغي عليك يبقى لازم لازم تجمع اكبر قدر من البيانات المتنوعه واللي بتغطي مساحات واسعه يعني تغطي مساحه مصر كلها تعرف جو مصر كله هيبقى عامل ازاي المناطق الحر ايه المناطق اللي فيها برد ايه المناطق اللي فيها جفاف ايه المناطق اللي فيها امطار طيب بتضم اماكن مختلفه من سطح الارض يعني انت ما ينفعش تقول انا هعرف الطقس للمنطقه دي بس لا ضم مساحه واسعه ثاني حاجه ارتفاعات مختلفه تعرف الجو هنا على سطح الارض تعرف الجو لما تطلع فوق يعني تحت هيبقى عامل ازاي لما تطلع فوق جبل هيبقى عامل ازاي يبقى لازم تضم ارتفاعات مختلفه كمان فترات زمنيه مختلفه يعني الجو الطقس النهارده والطقس بكره والطقس كمان اسبوع والطقس كمان اسبوعين كده يبقى انت ضميت فترات زمنيه مختلفه زي مثلا ا تعرف الجو الصبح في الصباح الباكر وقت الظهيره ووقت الليل ما ينفعش تدرس لي وقت الظهر بس وتقول لي انا خبير ارصاد جويه وعرفت لكم الطقس هيبقى عامل ازاي لانك هتيجي تقول لي على وقت الظهر اكيد هيبقى حر هل بقى انا اروح انا متقل ثقيل قوي قوي قوي واجي م قصدي اخفف خالص واجي بالليل اعيا اصل الجو الظهر غير الجو بالليل فانت لازم تحسب لي كله تقول لي الصباح هيبقى كذا والظهر هيبقى كذا وبالليل هيبقى كذا يبقى لازم فترات زمنيه مختلفه تكون قصيره او تكون طويله رابع حاجه قياسات متعدده يعني تقيس كذا حاجه ا تقيس مثلا عوامل الطقس كلها يعني تقس لي الحراره ما تجيش تقول الجو هيبقى حر وتسكت ما هو انا عايزه اعرف حر وايه ثاني فتقول لي مثلا الضغط الجوي مثلا ا في المنطقه دي هيبقى منخفض او الضغط الجوي هيبقى مرتفع والرطوبه كمان في بخار ميه في الجو ولا ما فيش سرعه الرياح في رياح ولا ما فيش وكل ده ما ينفعش تيجي انت خبير ارصاد جوايه تقول لي حاجه واحده من دول لازم تقول كل ده عرفنا جمع المعلومات طيب بيقول لي بيعتمد بقى خبراء الطقس على العديد من الاجهزه والادوات ما هو انت مش هتحسها مش هتيجي تقول لي انا حاسس ان الحراره هتبقى مرتفقه انا مش هصدقك كمان انت مستحيل تعرف حراره اا كمان يوم ويومين من احساسك انت لازم تستخدم ادوات زي الترمومتر مثلا عشان تعرف الحراره يبقى انا بستخدم العديد من الاجهزه والادوات لجمع البيانات المختلفه منها ادوات قياس الطقس اللي هي ايه ادوات صممت خصيصا لدراسه حاله الطقس في الاماكن المختلفه زي الترمومتر ده بيقيس درجه الحراره زي البارومتر بيقيس الضغط الجوي زي الانيموميتر بيقيس سرعه الريح يبقى انت معاك ثلاث ادوات اشتريتهم يبقى انت كده خبير ارصاد جوايه خلاص تعرف تقدر تعرف لنا كل حاجه تعرف لنا الحراره كام عن طريق الترمومتر هتعرف لنا الضغط الجوي قد ايه عن طريق البارومتر هتعرف لنا سرعه الريحه قد ايه عن طريق الانيوميومتر كده يا دكتور الترمومتر لقياس درجه ايه الحراره البارومتر لقياس الضغط الجوي البارومتر بيقيس ضغط جوي ودورت الرياح اللي قياس سرعه الرياح هنشوف لو البتاعه دي بتلف بسرعه بسرعه يبقى يبقى الرياح كتيره وشديده قوي لو بتلف براحه يبقى الرياح مش كتير هل دي كل الاجهزه لا لسه في جهازين كمان جهاز اسمه مقياس المطر وده اللي بيقيس كميه المطر بيحطوا حاجه زي الكوبايه لو اتملت حبه صغيرين يبقى المطر قليل لو اتملت لاخرها يبقى المطر كتير كمان في رادار اسمه رادار الطقس وده بيحدد لك حجم وسرعه هتول المطر يعني حجم المطر قد ايه وسرعته قد ايه وبيتتبع كمان العواصف الرعديه يا سيدي والاعاصير لو في رياح شديده ممكن تقتلع اشجار تدمر تكسر هتلاقيه بيقول لك على طول كده يبقى مقياس المطر بيقيس كميه المطر المطر قد ايه وبالنسبه لرادار الطقس زي ما انت شايف هو شغلته تحديد حجم وسرعه المطر وتتبع العواصف الرعديه والاعاصير الاجهزه بقى اللي بتحمل لك او بتشيل لك الادوات دي ا دي صممت ا زي انواع اخرى كده من الاجهزه عشان تحمل ادوات الطقس عاليه ا عاليا في الغلاف الجوي عايزينها تترفع لفوق عشان تقس لنا الجو فوق لقياس الاحوال الجويه ورصد يعني تسجيل ظواهر الطقس نشوف كل حاجه بتتغير نكتبها على طول من الارتفاعات المختلفه من تحت من عند الارض من فوق من على قمه جبل من من الطبقه ا اللي اعلى من التروبوسفير وهكذا استخدمنا حاجه اسمها بالونات الطقس حاجه اسمها الطائرات وحاجه اسمها الاقمار الصناعيه يبقى انا ممكن اطلع طياره التيار بتاعها يقول لي احوال الطقس فوق ايه باجهزه معينه او ممكن اعرف من الاقمار الصناعيه اللي بتدور حوالين الارض دي برده هتعرفني الطقس هنا بيقول لي يمكن استخدام الاقمار الصناعيه الخاصه بالارصاد الجويه في تحديد او تتبع المسار المحتمل لاي اعصار يعني اقدر اعرف لو في اعصار اللي هي رياح شديده بحار هتبدا تطلع على الشط او على اليابس كل ده انا ببدا اعرفه وهعرف كمان هيروح فين من الاقمار الصناعيه هي اللي بتقول لي بفضل قدرتها على تصوير الارض من الفضاء هي بتصور الارض من فوق فبتخلينا شايفين كل حاجه اجهزه بقى نقل البيانات دي نوع ثالث من الاجهزه احنا اخدنا الاجهزه اللي بتكتب اللي هي ادوات قياس الطقس نفسه هي اللي بتقيس لنا الطقس واخدنا كمان اجهزه الحمل اللي بتحمل ادوات الطقس شغلتها تشيلها بس فاضل لنا اجهزه نقل البيانات بتنقل لنا بقى كل المعلومات دي قال لي في اجهزه مصممه لنقل البيانات من محطات الارصاد الجويه او الاقمار الصناعيه الى العلماء بتنقلها لينا يعني ا طيب كده احنا خلاص عرفنا الثلاث انواع اجهزه اللي مستخدمين في جمع البيانات جمعنا البيانات عندنا وسجلناها فاضل بقى نحلل البيانات ونشوف مين فيهم اللي هنستخدمه ومين فيهم اللي مش هنستخدمه بيعد استخدام الخريطه اكثر الطرق الفعاله انك تستخدم الخريطه دي احسن طريقه في انك تحلل البيانات اللي انت جمعتها حيث انها تساعدك على تمثيل البيانات كل البيانات دي انت بتسجلها بشكل جدول معين بتعرض الخريطه بيانات عن احوال الطقس المختلفه بتقول لك بقى الضغط المرتفع من الضغط المنخفض يعني اللي ما عنده حرف الاتش ده كل ده ضغط مرتفع اسمه هاي وده ضغط ضغط منخفض اسمه لو تمام كمان بتعرفك المناطق اللي فيها درجات حراره مرتفعه او منخفضه فيها ضغط جوي مرتفع او منخفض او رطوبه يبقى الخرايط مهمه جدا في تمثيل البيانات ثاني حاجه بقى توصيل المعلومات المعلومات عشان توصل لك هنستخدم خريطه اسمها خريطه الطقس لتوصيل المعلومات الى الجمهور يعني بيبدا بقى المذيع وهو واقف بيشرح لنا كده الطقس عامل ازاي بيبقى بيشرح على خريطه شبه دي دي اسمها توصيل المعلومات ثالث حاجه بقى الربط بين الاشياء كل المعلومات اللي عندك دي اربطها ببعض يعد جمع البيانات عن الغلاف الجوي وتحليلها جزء واحد من عمليه التنبؤ بالطقس انك تجمع البنات او انك تحللها او انك تربط الاشياء مع بعض ده كانه حاجه واحده ما ينفعش اعمل حاجه واسيب الثانيه لذلك يجب على خبراء الارصاد اتباع ما يلي اول حاجه تطبيق ما يعرفونه عن تاثير العوامل المختلفه على الغلاف الجوي زي التضاريس مش هم اتعلموا ان كل ما نطلع فوق بتقل درجه الحراره فطالما تحت الدرجه مرتفعه يبقى معروف ان فوق هتبقى منخفضه بص معلومات هم حافظينها ثاني حاجه استخدام نماذج اسمها حاسوبيه نماذج حاسوبيه معقده زي ايه؟ زي الحاسب الالي كمبيوتر زي اللاب توب زي التابلت زي الموبايلات كل دول اسمهم نماذج حاسوبيه معقده للتنبؤ بكيفيه تفاعل العوامل المختلفه هنبدا نتنبا يعني اعمل ايه يعني لو النهارده درجات الحراره مرتفعه وبكره ارتفعت درجتين وبعده ارتفعت درجتين كمان وبعده ارتفعت درجتين كمان مش كده انا متوقع ان اللي جاي ارتفاع برض الله ينور كمان هنعرف ده تاثيره ايه على احوال الطقس على الحراره الرياح الامطار كل كل العوامل يعني طيب بالنسبه بقى لحدود التنبؤ بالطقس هو ليه حدود اه طبعا ما انت مش تسرح بخيالك وتتوقع حاجات مش هتحصل على الرغم من توفير البيانات والخرائط والنماذج الحاسوبيه اللي احنا استخدمناها لكمبيوتر والاجهزه الحديثه بيفضل التنبؤ بالطقس على مدى فترات طويله ايام او اسابيع غير مؤكد وده بيحصل فعلا بيطلعوا يقولوا لنا ان الجو هيبقى شديد الامطار ورياح ومش عارفه تبص تلاقي الشمس طالعه ما هو برض هو بيقول لك انا بتوقع واتنبا انا ما قالكش ان ده اكيد هي دي توقعات لكن ربنا يغير الجو زي ما هو عاوز يبقى التغيرات الصغيره غير متوقعه يمكن للتغيرات الصغيره في عوامل الطقس زي الحراره الرياح الرطوبه او المحيط مش تمام تؤثر بشكل كبير على طقس الاسبوع المقبل يعني ممكن حراره زادت قوي في مره تبدا تعمل بخار زياده تنزل مطر زياده هم ما كانوش حاسبين لده مثلا طيب سرعه حدوث التغير التغير بيحصل بسرعه عامله ازاي؟ قال لي قد تتغير الظروف بسرعه كبيره بشكل غير متوقع يعني هو متوقع ان اه يبقى في امطار بس فجاه لقى كميه رهيبه من الامطار ما تووقعش ان المطر لما بدا ينزل انه هينزل بالسرعه دي الا انه هيبدا ينزل حبه بحبه فجاه لقاه نزل مره واحده دي برده حاجه بتاعه ربنا مما يجعل من الصعب التنبؤ بالطقس موضوع انك تتنب بالطقس ده حاجه صعبه انت بتح حاول وخلاص نتيجه لصعوبه التنبؤ عشان الموضوع صعب يعني بيعرض خبراء الارصاد الجويه تنبؤاتهم كنسبه احتماليه بيقول لك في احتمال بنسبه 70% في سقوط الامتار في المنطقه دي يبقى الاحتمال عالي احتمال تسقط بس ما زال هناك احتمال 30% ان ما تسقطش ساعات يقول لك بنسبه 50% هيبقى في رياح شديده طب ما في نسبه 50% ثانيه ان ما تجيش فعشان كده دايما كلامهم بنسب احتماليه زي القول بان احتماليه هطول الامطار اليوم هيكون 40% ده معناه ان في 60% ممكن ما تنزلش وقد يكون هذا عكس ما يحدث بالفعل اليوم ممكن اصلا يبقى عكس اللي بيحصل حقيقه يعني اختبر نفسك اذكر وظيفه واحده لكل مما يلي الاقمار الصناعيه وظيفتها ايه وظيفتها طبعا حامله ادوات قياس الطقس بتشيلها بترفعها فوق طب رادار الطقس وظيفته ايه وظيفه رادار الطقس قياس حجم وسرعه هطول المطر و وتتبع العواصف الرعديه طب مقياس المطر ها لازمته ايه؟ اكيد طبعا قياس كميه المطر بيقيس الميه طب النماذج الحاسوبيه كمبيوتر والحاجات دي بنعمل بيها ايه؟ طبعا وظيفتها التنبؤ بكيفيه التفاعل العوامل المختلفه وتاثيرها على احوال الطقس طيب البارومتر وظيفته يعمل ايه؟ طبعا وظيفته قياس الضغط الجوي بيقيس الضغط الجوي طب الانيمومتر بيقيس ايه؟ برده مهمين جدا الاسئله دي بتيجي في الامتحان كتير قوي قوي قوي طبعا وظيفته قياس سرعه الرياح ده انوممتر اكتب ما تشير اليه العبارات التاليه ادوات مصممه لدراسه عناصر الطقس المختلفه في اماكن مختلفه للتنبؤ بحاله الجو الادوات دي بيتقال بتتقال على ايه؟ على ادوات قياس الطقس طب وسيله بتستخدم لعرض بيانات عن احوال الطقس لتوصيلها او لتوصيل معلومات للجمهور وسيله انا بستخدمها عشان توصل المعلومات للجمهور اسمها ايه طبعا اسمها خرائط خرائط الطقس خرائط الطقس طيب اجهزه مصممه لنقل البيانات من محطات الارصاد الجويه او الاقمار الصناعيه الى العلماء لتحليلها والتنبؤ بالطقس عشان يحللوها ويعرفوا الطقس هيبقى عامل ازاي طبعا الاجهزه دي اسمها اجهزه نقل البيانات طالما قال هو اصلا غشاشها لك اهي لنقل البيانات يبقى اسمها اجهزه نقل البيانات نشاط خمسه عباره عن بحث علمي للتسخين غير المتساوي لسطح الارض ان سخونه سطح الارض مش كلها زي بعض في البحث ده المفروض نجمع بياناتنا نوضح الاختلافات بتاثير الطاقه الحراريه اللي هي حراره الشمس على الارض اليابسه او على الميه زي البحار والمحيطات وازاي ده بياثر في درجه درجه الحراره سواء للهواء او للجو عامه واحوال الطقس في مناطق مختلفه هنبدا نسال كيف ستتغير درجه الحراره بتاعه رمله مقارنه بالميه عند التسخين او التبريد حراره الرمله والميه هيبقوا زي بعض لما اسخن دي او اسخن دي او لما ابرد دي وابرد دي هنجرب كده بشويه ادوات هنجيب مصباح كهربي متخ متوهج يعني اللي هو اللمبه الحمراء اللمبه الصفراء دي اللي هي بتسخن بنحطها للكتاكيت عشان تدفى وعقان بحجم 250 ملي يعني كوبايتين محلتين طبقين صينيتين اي حاجه ساعه ايقاف ساعه نظبط بيها الوقت واثنين ترمومتر عشان نقيس الحراره هنا وهنا في نفس الوقت اوعيه قياس ا مسطره متر مسطره عشان نقيس وكمان 150 ملي رمله 150 ملي ميه يعني كده الرمله والميه قد بعض هنحط الرمله في وعاء والميه في وعاء اخر هنحط الترمومتر في كل واحد يعني واحد عند الميه وواحد عند الرمله نسجل درجه الحراره الابتدائيه قبل ما نبدا نعمل اي حاجه يعني نسجل درجه الحراره لقينا هنا 20 وهنا برده درجه درجه الحراره 20 دي اسمها الحراره الابتدائيه قبل ما يحصل اي تغيير هنحط بقى المصباح اللي هو اللمبه على ارتفاع 10 سم من الوعائين يعني لازم تبقى هنا قد هنا شغل المصباح سجل درجه الحراره في كل وعاء بعد كل 10 دقائق في الجدول في جدول نتائج اسم واحد ا وبعدين هنطفي المصباح ونسجل درجه الحراره كل 10 دقاق في جدول من النتائج اسمه رقم اثنين طيب بعد كده بيقول لي ارسم النتائج بيانيا هوريك كل ده دلوقتي ايه اللي بيحصل ركز كده معايا نشوف درجه درجه الحراره للميه والرمله بقت عامله ازاي؟ الزمن لكل واحده من دول هنا كان في البدايه خالص درجه حراره الرمله 20 درجه حراره الميه 20 بعد مرور دقيقتين لقينا ان الرمل 24 الميه 21.ص ايه ده الرمله سخنت قوي ايوه برافو عليك عرفت ليه بقى رمله البحر انت بتدوس عليها تلاقيها سخنه قوي قوي تنزل البحر تلاقي الميه ساقعه لان الرمله بتكتسب الحراره بسرعه طيب نيجي بعد كده بعد اربع دقاق هنلاقي ان الرمله بقت 28 الميه 22 برده لسه الرمله بتسخن اسرع طب بعد ست دقاق لقينا الرمله 30 الميه 232 كمان برده لسه الرمله بتسخن بسرعه اكت بعد مانيه بعد ثمان دقاق لقينا الرمله 32 الميه 23.5 بعد 10 دقائق لقينا ان الرمله 34 والمايه 24 تفهم من كده ايه؟ هفهم من كده ان الرمله بتخسر حرارتها او تكتسب الحراره بسرعه تسخن بسرعه تبرد بسرعه الميه لا ولا هتسخن بسرعه ولا هتبرد بسرعه تاخد وقت في كل حاجه ده بنسمي ان حاجه اسمها الحراره النوعيه الحراره النوعيه للميه كبيره يعني ايه كبيره يا ميس ده ده بصي حرارتها عامله ازاي ده قليله خالص لا ما هي حرارتها نعا كبيره يعني بتحافظ على حرارتها ما بترضاش تتغير بسرعه عامل بالظبط زي لما يبقى عندك واحد صاحب واحد من اصحابك تمام ا عائل وراثي كده ومش اي حد يغير قراراته والثاني كل يعني كل كلمه يغير رايه فده يجوا يقعدوا يقولوا له ده محمد صاحبك ده وحش قوي ده مش عارفه ايه ده ما بيسمعش كلام ده شقي ده بيكذب ده يقول لهم لا ماالكوش دعوه انا ما بغيرش رايي بسهوله لازم استنى اشوف هو كده فعلا ولا لا لكن ده اول ما قالوا له ده كداب راح قال لك يا كذاب يبقى ده عنده حراره نوعيه بيحافظ على رايه ما بيخسرش رايه بسهوله ده لا كلمه تجيبه وكلمه توديه بيخسر رايه في كلمه تمام الميه بقى حرارتها النوعيه مرتفعه لانها بتحافظ على حرارتها زي ما احنا ما بتتغيرش بسهوله ده معناه ايه بقى ان الميه الرمله بتسخن اسرع من الميه خلال ال 10 دقائق ارتفعت حراره الرمله بمقدار 14 درجه لكن الميه اربع درجات بس طب تعالى نشوف بعد ما طفينا اللمبه بعد بعد ما طفينا المصباح مين هيبرد اسرع الرمله بعد ما كانت 34 بقت 32 بقت 30 26 24 22 الميه بقت بعد ما كانت 24 بقت 23.5 23.1 22.9 22.7 22.5 نص بصوا حتى البروده بتبرد ببطء شديد يبقى الميه لا بتسخن بسرعه ولا بتبرد بسرعه بتاخد وقتها في الحالتين معايا كده طب يبقى الرمله بتبرد اسرع من الميه زي ما قلنا الرمله بردت بمقدار 12 لكن الميه بردت بمقدار واحد ونص طيب نستنتج من اللي احنا قلناه ان بيعد توزيع اليابس والماء على سطح الارض عامل رئيسي وعامل مهم في تشكيل الطقس والمناخ بما ان يعني في ميه كل ميه جنبها رمله صح هتلاقي الرمله اسخن الميه ايه بارده لسه طب الميه سخنت ها الرمله هتبرد بسرعه يعني معنى اصح ان الاثنين عكس بعض ثاني ادي ميه وادي رمله دست على الرمله لقيتها سخنه الميه لسه ساقعه طب على بال ما الميه تسخن ها هتبقى دي خلاص فقدت ايه البروده بتاعتها تسقع كده بقى بيعد توزيع اليابس والماء على سطح الارض زي ما قلنا عامل رئيسي في انه يشكل لنا الطقس او المناخ لان اليابس او الارض الناشفه او الرمله بتبرد بسرعه وبتسخن بسرعه والميه العكس بتبرد بالراحه وتسخن بالراحه ده بقى بيؤدي اختلاف قدرتهم على اكتساب الحراره او فقد الحراره الى تسخين غير متساوي لسطح الارض ده معناه ان سطح الارض اللي هو مكون من حاجتين رمله او يابس وميه تسخينهم مش هيبقى زي بعض يعني دي هتبقى سخنه دي تبقى لسه بارده ده دي بدات تسخن دي تكون فقدت ايه مثلا برودتها فيبقى في حرك حراره مختلفه طيب فينتج عنه تباين يعني اختلاف في درجات الحراره نركز مثلا على المناطق الصحراويه او المناطق الساحليه اللي بيبقى فيها ميه فيها بحر هنلاقي ان في المناطق الصحراويه درجه الحراره بالنهار مرتفعه سخنه قوي حره قوي لان الرمله بتسخن بسرعه ودرجه الحراره بالليل هقها منخفضه يعني ساقعه قوي قوي قوي لان الرمله بتبرد بسرعه فقدت الحراره فما فيش حاجه تدفيهم اما المناطق الساحليه لا مش هتبقى كده بقى هنلاقيها انها معتدله بالنهار لان الميه بتسخن ببطء فخدت حراره قليله على قدها ومعتدله بالليل برده لان الميه تبرد ببطء هي لسه دافيه فهتدفيهم يبقى حصل ايه؟ حصل اعتدال بتعتبر التجربه السابقه فعاله جدا في انها تحاكي او تماثل البيئات الموجوده على سطح الارض ولكن لها حدود فمثلا مثلا لا تتكون تربه الارض من الرمال فقط الارض في رمله في مثلا تربه طينيه في تربه مثلا ففي انواع كثير قوي من الارض يعني في صخريه في صخور تمام ولكن تتكون من خليط من اشياء مختلفه في صخور في تربه في طين في ميه علل نلاحظ ان رمال الشاطر اسخن من الميه ده بالنهار وهنلاقيها ابرد من الميه بالليل جرب تنزل البحر بالنهار وبالليل هتلاقي نفسك وانت واقف على رمله الشط الرمل رمله سخنه بالنهار تنزل الميه تلاقي الميه بارده ده بالنهار ها طب بالليل هتنزل الميه تلاقي الميه دافه بالليل لكن بالنهار الرمله ساقعه قوي يبقى نهارا تكتسب الرمال الحراره من الشمس بسرعه اكبر من الماء فتصبح اسخن وبالليل بتفقد الرمال الحراره المكتسبه بسرعه اكبر من الماء فتصبح ايه؟ ابرد علل يعني ليه المسطحات المائيه الكبيره زي المحيطات بحار كبيره بيكون ليها تاثير على ا معتدل على المناخ ما احنا قلنا بقى الميه بتسخن ببطء تبرد ببطء فعشان كده بتخلي الجو معتدل ولا حر ولا برد صيفا بيسخن الماء ببطء شديد فبيقلل من حراره الجو ويجعله صيفا لطيفا صيف بس مش حر قوي وفي الشتاء بيبرد الماء ببطء مما يقلل من حراره من بروده الجو ويجعل الشتاء دافئا يبقى شتاء اه بس مش ساقعه قوي دلوقتي هنبدا نحل تدريبات سلاح التلميذ على الدرس الثاني ده علامه صح او علامه خطا يمكن قياس عوامل الطقس من ارتفاعات مختلفه يعني اقدر اقيسه من على سطح الارض من فوق جبل من فوق في اه طبعا ينفع عادي جدا مافيش مشكله لا تعتبر الرياح والرطوبه من عوامل الطقس هي مش من الطقس الرياح مالهاش دعوه بالطقس والرطوبه لا طبعا هم ليهم علاقه بالطقس الطقس عباره عن حراره رياح امطار رطوبه كل ده يعتبر من عوامل الطقس اذكر اهميه او وظيفه كلا من بالونات الطقس بنعمل بيها ايه طبعا وظيفتها حمل ادوات الطقس عاليا يعني بنشيل ادوات الطقس فوق كده نرفعها لفوق علشان نقيس الحراره فوق وعشان نقيس باقي الظواهر فوق لقياس الاحوال الجويه طب النماذج الحاسوبيه في دراسه الطقس بنستفيد بيها ايه بنعمل بيها ايه طبعا بنتنبا فيها يعني بنتوقع اللي لسه هيحصل بكيفيه تفاعل العوامل المختلفه وتاثيرها على احوال الطقس اختر بيقول يستخدم نقط لتحديد المسار المحتمل للاعاصير عايزه اعرف الاعصار اللي هيجي من البحر مثلا رايح على انه بلد بالظبط الاعصار زي ما انتم شايفين كده ميه هوا شديد قوي قوي جاي من ناحيه بحر او محيط فبصوا ممكن بجد يقتلع الاشجار من مكانها بيعمل كوارث مش طبيعيه بيوقع بيوت بيكسر مباني بيسبب خسائر كتيره قوي في الممتلكات والارواح الناس وحاجتهم كمان بتتبهدل قوي في الاعصار ده ا بيوت بتغرق ا حاجات بتتكسر طب عشان اقدر اعرف هو الاعصار اللي جاي من البحر ده رايح على انه بلد بالظبط هعمل ده ازاي عن طريق ان انا ابص من فوق من بره الارض خالص عن طريق الاقمار الصناعي القمر الصناعي بيصور لي من فوق كده فبشوف حركه الاعصار هو رايح في انه اتجاه فهعرف كده هو رايح في انه بلد ها عرفت بقى كده عشان احدد المسار المحتمل للاعصار هحتاج ايه طبعا القمر الصناعي كلما زادت الرطوبه هيحصل ايه بالنسبه لبخار الميه الذي يمكن ان يتكثف بالنسبه لبخار الميه اللي هو الهواء اللي حوالينا بالميه اللي فيه ببخار الميه اللي فيه طبعا هيزداد كميه بخار الماء كل ما تزيد الرطوبه طب المرحله التي يعتمد فيها خبراء الارصاد على ادوات ادوات القياس لدراسه الاحوال الجويه طالما بيستخدموا ادوات عشان يقيسوا يبقى دي اسمها مرحله جمع البيانات لسه بيجمعوا البيانات اكمل بما بين القوسين يستخدم البارومتر او بيستخدم البارومتر في قياس ايه طبعا في قياس الضغط الجوي بارومتر يبقى ضغط جوي طب درجه الحراره نهارا في المناطق الصحراويه ايه بالنسبه للمناطق الساحليه حر جدا جدا الصحراويه هتبقى حر اكت من الساحليه فهنقول طبعا ايه اكبر اكبر من المناطق الساحليه اكتب المصطلح العلمي اداه تستخدم لقياس درجه حراره الهواء عشان اقيس درجه الحراره احتاج ترمومتر رقم اثنين وزن عمود الهواء فوق منطقه ما يعني عمود الهواء في منطقه معينه ده بنسميه ايه يعني هنا مثلا منطقه اهو في هواء هنا كتير كتير كتير كتير كتير كتير كتير كتير كتير يبقى بنسميه ضغط جوي مرتفع يبقى وزن عمود الهواء ده بيقيس لنا الضغط الجوي بيقيس الضغط الجوي اجب عن الاسئله التاليه اذكر السبب العلمي يعني كانه بيقول لك علل التنبؤات باحوال الاطلاق بتكون غير مؤكده يعني لما يقول لك ان بكره هتمطر ده مش مليون في الم لا مش مش ضروري طبعا السبب هو التغير التغير المتوقع والسريع في عوامل الطقس المختلفه في الجو اللي حوالينا ماذا يحدث عند تسخين كميتين متساويتين من الماء والرمال لنفس الفتره الزمنيه يعني لو سخنا ميه ورمله ورمله هيحصل ايه هنلاقي ان الرمله بتسخن اسرع من الماء في اي مرحله من مراحل دراسه الطقس يتم استخدام خرائط الطقس واهميتها طالما هستخدم لسه الادوات يبقى دي في مرحله طبعا ده بيبقى في مرحله تحليل البيانات طالما لسه بستخدم ادوات اهو زي خرائط الطقس كده دي بس مش لسه بستخدمها انا بستخدم خراط الطقس عشان اعرض الطقس على الجمهور يبقى لتمثيل البيانات وتوصيل المعلومات للجمهور وده بيبقى في مرحله تحليل البيانات خراط الطقس في مرحله تحليل البيانات لاحظ الشكل ثم اجب اسم الجهاز ده ايه وريته لك طبعا في الفيديو هو لما بيتحرك بيعرفك سرعه الرياح فهو جاز اسمه الانيموميتر وبيقيس سرعه الرياح كده خلصنا الدرس الثاني من المفهوم الثاني هستنكم في الدرس الثالث هتلاقوا الرابط بتاعه تحت في صندوق الوصف اللايك والشير بيساعدنا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا واتمنى تكونوا استفدتوا واترككم في رعايه الله والسلام عليكم ورحمه الله وبركاته