شرح درس التحكم والاحساس علوم الصف التاسع الفترة الثانية المنهاج الكويتي الجديد

بسم الله الرحمن الرحيم واهلا وسهلا فيكم اعزائي طلاب الصف التاسع اليوم ان شاء الله مكملين معكم في في سلسله شرح ماده العلوم للفصل الدراسي الثاني طبعا احنا بالفيديو السابق او بالفيديوهات السابقه حل شرحنا مع بعض الدرس الاول وحلينا مع بعض اسئلته اليوم ان شاء الله رح ننتقل مع بعض للدرس الثاني اللي هو عننا بعنوان التحكم والاحساس شو يعني التحكم شو يعني الاحساس قبل ما نبلش اكيد انتم بتعرفوا حكينا قبل انه مركز التحكم في جسم الانسان او المسؤول عن التوازن والتحكم في جسم الانسان هو الجهاز المركزي الجهاز المركزي من شو بيتكون يا تاسع؟ برافو بيتكون عندي من دماغ ومن حبل شوكي مركز التحكم ايش هو مركز التحكم عندي هو الدماغ الاحساس اللي هو انت كيف بتحس كيف الحواس بترسل رساله للدماغ عشان انها تعطيك هذا الشعور وتعطيك هذا الاحساس هذا كله ان شاء الله رح نحكي عنه مع بعض خلال الدرس خلينا نشوف مع بعض هون بيحكي لك انه لما انت بتاكل اكلك ال الاكلتك المفضله لما بتطلع تقعد بالشمس هيك بتشوف دف الشمس طبعا مش شمس الكويت اكيد لما تسمع صوت المطر لما تشم ريحه عطرك المفضله او ريحه عطر حدا انت بتحبه تمام كل هي التفاصيل انت بالنسبه لك هي اشياء بسيطه اشياء يوميه انا دائما بعملها انا دائما يعني مش شيء جديد ولكن هي الشيء او هي الشغلات اللي انت بتشوفها عاديه كلها بتصير لانه جسمنا قادر على انه او بيمتلك القدره على الاحساس مين اللي بيقوم بالاحساس بيقوم بها الاعضاء الحسيه من اسمها الاعضاء الحسيه هي الاعضاء القادره على الاحساس عيوننا اذاننا لساننا انفنا جلدنا كلها بتمنحنا القدره على انه نحن نشوف ونسمع ونشم ونتذوق ونلمس حتى نعيش تجربه حسيه متكامله بتخلينا انه نحن نتفاعل مع العالم من حولنا في كل لحظه هون بيحكي لك بما تشعر عند ترى عندما ترى شريحه ليمون او تتخيلها تخيل انت حالك هسه قاعد تاكل ليمون ايش تتخيل تتخيل هيك انك تعمل تعمل بوجهك حركات انك انت مثلا ما تقدر تتحمل الحموضه وهكذا هون في عننا الستكشف بدنا نتعرف للمستقبلات الحسيه المتخصصه وين؟ في الجلد معلومه لازم تكونوا عارفينها انه اكبر عضو في جسم الانسان هو الجلد تمام اذا الجلد هو يعتبر من اعضاء جسم الانسان وهو خط الدفاع الاول في جسم الانسان رح نحتاج لاربع اكياس قماشيه برباط شد للاغلاق ورقه سنفره كره مطاطيه قطعه حرير ومكعب ثلج هون بيحكي لك انه في عندك اربعه اكياس مرقمه من الرقم واحد لاربعه المس محتوى الاكياس من الخارج بالترتيب ثم صف ما يمكن ان يحتوي عليه كل كيس من دون النظر الى محتواه يعني وانتم رح تحطوا هي الشغلات مثلا رح تحطوا مكعب الثلج بالكيس وتسكروه انتم بدون ما تشوفوا تلمسوا تشوفوا هو الثلج هو قطعه الحرير من الملبس بدكم تعرفون بدنا نسجل ملاحظاتنا مثلا لو حكينا هون انه حطينا ثلج الثلج شو هو؟ الثلج بارد الثلج قابل للضغط لا بدكم مثلا قطعه الحرير هي شو؟ هي ناعمه هيك مثلا كل شيء بدكم تكتبوا عنده شو الاحساس اللي انتم حسيتوا فيه الاستنتاج بيحكي لك انه الجلد عضو الاحساس بشو؟ بالحراره وبالبروده وبالنعومه اللي حسيناها بالحرير والخشونه ولوجود ايش؟ لوجود وجود او عفوا والخشونه والضغط ليش؟ لوجود المستقبلات الحسيه تمام انت حسيت فيها بسبب وجود هي المستقبلات هون برضه في عننا مجسم الاذن صندوق رنين اللي هي شوكه رنانه ومطرقه بيحكي لك اطرق الشوكه الرنانه وقربها من صيوان الاذن صيوان صوان الاذن وينه؟ هذا هو صوان الاذن هي المنطقه رقم سته هي الصوان بيحكي لك هون افحص مجسم الاذن الذي امامك تتبع مسار الصوت من دخول الاذن يعني داخل الاذن شو بيصير للصوت وبعدين حكي لك طابق رقم الجزء المشار اليه على المجسم مع المسار الصوت داخل الاذن سجل ملاحظاتك في الجدول خلينا نشوف الجدول بيحكي لك مسار الصوت عبر تركيب الاذن وبدنا نحط الارقام اللي موجوده عنا على الرسمه خلينا نشوف بيحكي لك الصيوان في الاذن الخارجيه شو وظيفته؟ يجمع الموجات الصوتيه داخل القناه السمعيه هذا سؤال مهم يعني مثلا لو اجاك في الامتحان شو وظيفه الصوان بدك تحكي له انه هو يجمع الموجات الصوتيه داخل القناه السمعيه وين الصيوان حكينا الصيوان هذا هو رقم سته بعدين بيحكي لك القوقعه في الاذن الداخليه تحتوي سائل شو ماله هذا السائل؟ يحكي لك انه هذا السائل يهتز بفعل ايش؟ بفعل عظام الاذن الوسطى ويحرك المستقبلات السمعيه داخل القوقعه وين هي القوقعه؟ القوقعه هي هون شايفينها يعني شكلها واضح انها قوقعه هي رقم اربعه بيحكي لك العصب السمعي يستقبل النبضات العصبيه من الخلايا الشعريه داخل القوقعه وينقلها الى الدماغ شو وظيفه العصب السمعي؟ انه يستقبل النبضات العصبيه وينقلها للدماغ وين هي موجوده عندي هي هون هي شايفينها الصفره اللي اخر شيء هي اللي هي رقم ثلاث اذا عند العصب السمعي رح اكتب ثلاث بيحكي لك اربعه المطرقه والسندان والركا والركاب عظام صغيره تنقل الاهتزازات من الطبله الى القوقعه هي الطبله هي القوقعه اذا المطرقه رح تكون عندي هي رقم خمسه هي اللي موجوده هون اللي لونها براون هي هي المطرقه والسندان بيحكي لك القناه السمعيه شو هي؟ لو اجاك تعريف مثلا انه عرف لي القناه السمعيه بدك تحكي انه القناه السمعيه هي قناه تقع ضمن الاذن الخارجيه تنقل الموجات الصوتيه من وين لوين؟ من الصيوان الى غشاء الطبله وين هي؟ هي هي هون عندي القناه السمعيه رقم واحد اخر شيء بيحكي لك انه غشاء الطبله هو جزء من الاذن الخارجيه يهتز باهتزاز الموجات الصوتيه من القناه السمعيه لينقلها الى الاذن الوسطى وينه على الرسمه هو عندي هي هون رقم اثنين اللي موجود عننا هون هو هذا الغشاء الطبله هون بيحكي لك تتبع مسار الرائحه داخل الانف حتى نحس بالشم بدنا نرش شوي من العطر في اخر المختبر وبعدين بدنا نفحص مجسم الانف ونتبع مسار الرائحه ونطابق بين الارقام رقم الجزء على المجسم ومصار الرائحه داخل الانف بيحكي لك هون مراحل حدوث الاحساس التركيب والرقم بيحكي لك انه المستقبلات الشميه اللي موجوده اعلى التجويف الانفي اللي هي موجوده عندي هون شو وظيفتها هي وظيفتها انه هي ترتبط بها جزيئات الروائح فتتكون سيالات عصبيه لو اجاك سؤال شو وظيفه المستقبلات الشمعيه او الشميه عفوا بدكم تكتبوا انه هي ترتبط بها جزيء ات الروائح فتكون او تتكون سيالات عصبيه التجويف الانفي المبطن بالمخاط شو وظيفته؟ وظيفته يدفي الهواء ويرطبه تلتصق به جزيئات الروائح تساعد على الوصول الى المستقبلات الشميه وينه التجويف الانفي؟ التجويف الانفي هون هو عندي رقم اثنين اذا هون واحد وهون راح اكتب اثنين ثلاث الدماغ شو وظيفه الدماغ؟ وظيفه الدماغ هو يحلل الاشارات العصبيه وين ما شفت اشارات عصبيه على طول بدون تفكير بكتب دماغ ويستجيب بتمييز الرائحه وين الدماغ؟ الدماغ هون عندي هو رقم ثلاث اربعه بيحكي لك فتحتان الانف شو وظيفتهم؟ وظيفتهم يدخل منهما الهواء الحامل لجزيئات الروائح الى التجويف الانفي وين هم فتحات الانف؟ هم هون هي رقم اربعه اذا رح اكتب هون رقم اربعه تن الاعصاب الشميه شو وظيفتها؟ وظيفه الاعصاب الشميه بدي افرق بين الاعصاب الشميه والمستقبلات الشميه الاعصاب الشميه هي تنقل السيانات عن الروائح مباشره الى الدماغ خلينا نشوفها وينها على الرسمه هي هون ها هي شايفين زي شعيرات دقيقه ها هي رح نكتب عندها ايش رح نكتب عندها رقم خمسه وظيفتها انها تنقل السياد هون رح نحكي عن موضوع الاحساس احساس شو هو الاحساس؟ بيحكي لك انه الاحساس هو احد العمليات الحيويه الاساسيه في جسم الانسان طيب شو هو؟ بيحكي لك انه هو الوسيله اللي تمكنه من استقبال المعلومات من البيئه المحيطه يعني سواء كانت هي بيئه خارجيه او داخليه ثم تحليلها داخل الجهاز العصبي اذا وين يتم تحليل المعلومات حكينا في الجهاز العصبي ليش؟ لاحداث استجابه مناسبه بالتالي يعرف الاحساس بانه الاستجابه لمؤث ثر ما بطريقه مناسبه تعريف الاحساس هي هون هذا التعريف اللي هي الاستجابه لمؤثر ما بطريقه مناسبه شو هو المؤثر لك انه المؤثر هو ينقسم لقسمين مؤثرات داخليه يعني بتصير داخل جسم الانسان ومؤث والمؤثرات الخارجيه الفيزيائيه او الكيميائيه اللي ايش؟ اللي بتصير خارج جسم الانسان اذا مؤثرات داخليه داخل جسم الانسان زي شو؟ زي العطش والجوع والنوم والالم هي كلها عباره عن مؤثرات داخليه المؤثرات الخارجيه الفيزيائيه اللي هي تحدث خارج الجسم زي الضوء والحراره والصوت والضغط اما المؤثرات الكيميائيه فهي عندي زي الروائح والتذوق وهي من المؤثرات الخارجيه بيحكي لك انه هي المؤثرات بتاثر على خلايا حسيه دقيقه متخصصه في الاعضاء شو تسمى؟ تسمى المستقبلات الحسيه شو وظيفه المستقبلات الحسيه؟ حكينا هي تستقبل المؤثرات المختلفه وتحولها لشو؟ بتحولها لسيالات عصبيه هي السياغ مرورا بالحول الشبكي اللي هي ايش؟ تنتقل للدماغ حكينا تنتقل للدماغ حتى دماغ يفسرها ويحللها ويستجيب لها بصوره مناسبه يعني انت في عندك مثلا مؤثر الحراره اللي هو مؤثر خارجي فيزيائي انت حطيت ايدك على ايه منطقه منطقه مثلا ساخنه المستقبلات الحسيه اللي موجوده عندك بتستقبل هذا المؤثر بتحوله لسيال عصبي السيال العصبي هذا بينتقل عبر الاعصاب بيمر بالحبل الشوكي بيوصل للدماغ الدماغ هناك بفسرها بيحللها وبيعطيك استجابه مناسبه لها وهذا الموضوع كله شايفينه هذا كله بيصير بجزء من الثانيه يعني بسرعه كبيره جدا وبهذا التكامل بين اعضاء الحس والجهاز العصبي يتمكن الانسان من التفاعل مع البيئه بكفاءه عاليه اذا اعضاء الحس تشتغل مع الجهاز العصبي ما يبرز اهميه الاحساس كعمليه حيويه لا غنى عنها في كل حياه في حياه كل كائن حي يعتمد الاحساس على وجود اعضاء حص متخصصه يختص كل منها بنوع معين من المؤثرات زي حكينا انه الجلد يتولى الاحساس باللمس والحراره والبروده والضغط والالم. العين مسؤوله عن الابصار والاذن عن السمع والتوازن والانف عن الشم واللسان عن التذوق. هي معلومات يعني لازم بديهيا انتم تكونوا انكم عارفينها. الجلد زي ما حكينا لكم الجلد هو اكبر عضو في جسم الانسان فبيحكي لك انه الجلد هو عضو الاحساس باللمس والحراره والبروده والضغط والالم يتكون الجلد من طبقتين اللي هم طبقه البشره وطبقه الادمه الادمه بتكون تحت والبشره بتكون فوقها تحتوي طبقه الادمه اللي موجوده بالاسفل على شو؟ على معظم مستقبلات الاحساس اللي تستجيب للمس والضغط والاهتزاز اضافه الى مستقبلات الحراره والبروده ومستقبلات الالم لما الجلد يتاثر بمؤثرات خارجيه تلتقط المستقبلات الحسيه المتخصصه المختلفه هذه المؤثرات وحكينا بتحولها لسيالات عصبيه تنتقل الى عبر الاعصاب وتمر بالحبل الشوكي الى الدماغ و حتى يفسرها ويحللها ويرسل الاستجابه المناسبه لها اللي تنتقل عبر الاعصاب الحركيه الى العضلات لتنفيذ رده الفعل يعني بعد ما يصير معالجه للمعلومات بالدماغ هي المعلومات بتنتقل مره ثانيه عبر الاعصاب الحركيه لوين؟ للعضلات حتى العضلات تنفذ رده الفعل هي وحكينا هو لما تلمس كوب دافي بتشعر بحرارته فورا او لما تخطه حافي على ارض خشنه فانت بتترك ملمسها العضو الثاني عننا هو العين العين هذا العضو الحساس جدا اللي مسؤول عن الرؤيه بيحكي لك انه العين تتاثر للضوء وبتمكن الانسان من انه يشوف اللي حواليها كثير سهل بيحكي لك العين بتتكون من ثلاث طبقات مختلفه بتتكون عندي من الطبقه الصلبه اللي هي بياض العين هي اللي موجوده هون هي اللي لونها ازرق بعدين المشيمه اللي هي هون هيها والشبكيه اللي هاي اللي لونها اصفر توجد المستقبلات الحسيه الضوئيه وين في البقعه الصفراء؟ هذا مهم داخل طبقه الشبكيه هون البقعه الصفراء هي اللي فيها ايش؟ هي اللي فيها المستقبلات الحسيه بيحكي لك عند دخول الضوء الى العين يمر عبر شو؟ يمر عبر القرنيه اللي هي هون هي اللي بره بعدين لعدسه العين اللي موجوده بالخلف بالشبكه هاي ويجتمع على الشبكيه في البقعه الصفراء اللي تتركز فيها المستقبلات الحسيه الضوئيه اللي بتحول الصوره لسيالات عصبيه بتنتقل عبر العصب البصري للدماغ حتى يفسر ما تراه العين ويصدر الاستجابه المناسبه. العضو الثالث معنا هو الاذن وعارفين انه الاذن هو العضو المسؤول عن السمع هو بيتاثر بالصوت بيستقبل الموجات الصوتيه وبيمكن الانسان من ان يسمع ما حوله جدا سهل ان الاذن بتتكون من ثلاث اجزاء رئيسيه هم الاذن الخارجيه الاذن الوسطى والاذن الداخليه المستقبلات الحسيه في الاذن وين موجوده؟ موجوده في او المستقبلات السمعيه عفوا موجوده في القوقعه في الاذن الداخليه اما في العين موجوده وين؟ في القناه او في البقعه الصفراء تمام هذا مهم انه عشان تميزوا بيحكي لك لما تدخل الاهتزازات الصوتيه للاذن اول شيء بصير عننا انه غشاء طبله الاذن بصير يهتز لما بيهتز بتنتقل هي الاهتزازات تنتقل لوين؟ عبر العظيمات الثلاث هي العظيمات الثلاث شايفينها لوين تنتقل؟ تنتقل للقوقعه اللي هي هون حكينا شكلها بيتح بحول هي المستقبلات هي الذبذبات لسيالات عصبيه بتنتقل عبر العصب السمعي للدماغ حتى يفسر ما يسمعه الانسان ويتضح ذلك لما تميز صوت نغمه خافته في مكان هادئ او عندما تنتبه الى صوت مرتفع يصل الى اذنك فجاه وحكينا انه هاي قناه الاذن حكينا هي الاذن الخارجيه وحكينا انه هاي الطبله هون هي المنطقه هي الاذن الوسطى اللي فيها العظيمات الثلاث بعدين الاذن الداخليه موجود فيها القوقعه والعصب السمعي لو اجاك سؤال قناه الاذن في اي جزء من الاذن جايه بدك تحكي الخارجيه العصب السمعي في الاذن الداخليه القوقعه في الاذن الداخليه لازم انكم تكونوا عارفين بعدين رح نحكي عن رابع عضو اللي هو الانف واحنا بنعرف انه الانف هو العضو المسؤول عن حاسه الشم هو بتاثر بالمؤثرات الخارجيه الكيميائيه زي الروائح اللي نحن بنستنشقها من الهواء المستقبلات الحسيه الشميه في الانف وين موجوده موجوده اعلى التجويف الانفي وبرضه هذا مهم لازم انكم تحفظوه بيحكي لك لما تدخل جزيئات الروائح مع الهواء تذوب في الماده المخاطيه داخل التجويف الانفي بعدها ترتبط بالمستقبلات الشميه فبينشا عندي سيال عصبي برضه بينتقل عبر الاعصاب الشميه مباشره للدماغ الدماغ يقوم بتحليل الاشاره بميز نوع الرائحه وقوتها يربط يربط هي الريحه بالذكريات او المشاعر احيانا زي هيك لما تشم ريحه عطر تتذكر شخص انت مثلا صديقك ايام زمان انه والله هذا عذ عطره ذكرني فيه بتساعد حاسه الشم الانسان على تمييز الروائح المفيده او الضاره سهل حكينا هي النهايات العصبيه المستقبلات الشميه حكينا هون التجويف الانفي حكينا هون فتحتان الانف حكينا هون الدماغ وهي هي الاعصاب الشميه العضو الخامس معنا لليوم اللي هو اللسان شو هو اللسان اللسان هو العضو المسؤول عن حصه التذوق بيستقبل المواد الكيميائيه الذائبه من الطعام بيساعد الانسان على انه يميز بين نكهات الطعام والمشروبات زي لما تميز بين الشيء الحلو والمالح او الحامض او لما تميز المر من خلال ايش؟ من خلال المستقبلات الحسيه المتخصصه اللي وين توجد؟ توجد على سطح اللسان داخل تركيب تسمى براعم التذوق برضه هذا مهم اللي هي عندي هون هي شكلها تمام بيحكي لك لما الطعام يذوب في اللعاب بيتفاعل مع مستقبلات التذوق اللي بتحول الاحساس بالنكهه الى سيالات عصبيه هي السيارات العصبيه بتنتقل عبر الاعصاب الضويه الى الدماغ حتى يفسر اللي بذوقه الانسان بعدين بصير او بيصدر عنها الاستجابه المناسبه هذا الشيء ببين لما انت بتتذوق شيء حلو فمستقبلات الطعم الحلو على طول بتتنشط او لما بتتذوق شيء حامض فالدماغ بسرعه بينبهك بقوه المضاء يحكي لك انه يتكامل التذوق مع حاسه الشم حتى يكون احساس الكامل بالطعم عشان هيك يقل الاحساس بالطعم عند الاصابه بالزكام ليش؟ بسبب انسداد الانف وضعف حاسه الشم فيزدا وقد يزداد التنفس من الفم فيجف الفم نسبيا ما يخفض ك قليلا من كفاءه التذوق هذا مهم انه ليش نحن ايام الزكام ما بنحس كثير في طعم الاكل بهذا السبب بسبب انسداد الانف تمام هيك ان شاء الله نحن بنكون خلصنا معكم الدرس الثاني وحكينا عنه والدرس الثاني كان كثير سهل وكثير بسيط معلوماته حلوه ومش معقده ابدا وسهل انك انتم تجاوبوا اي سؤال بيجيكم عليها بالامتحان رح نوقف معكم اليوم ان شاء الله لحد هون بالفيديو الجاي ان شاء الله رح نحل مع بعض اسئله الدرس ونعمل هيك ريفيجن سريع لل اخذناه فبتمنى منكم انكم تحضروا الفيديو ثاني اذا عندكم اي سؤال او اي استفسار اي معلومه حابين انه نحكي عنها بس اكتبوا لنا تحت بالتعليقات نشوفكم ان شاء الله بالفيديوهات الجايه ويعطيكم الف عافيه ‏Ja.