شرح الدرس الأول المفهوم 2 التربة و التغير البيئي –علوم السادس الابتدائي–ترم ثاني 2026

بسم الله والصلاه والسلام على سيدنا محمد وعلى اله وصحبه وسلم اجمعين السلام عليكم ورحمه الله وبركاته معاكم ميس عزه الملكي والنهارده ان شاء الله هنشرح الدرس الاول من المفهوم الثاني المحور الرابع الوحده الرابعه التكيف مع التغيرات المفهوم الثاني بعنوان التربه والتغير البيئي وده يعتبر المفهوم الاخير اول درس منه بيتكلم عن التربه في البدايه بيقول ضع علامه صح امام المكونات التي يمكن ان تتكون منها التربه او التراب الارض اللي احنا بنمشي عليها ممكن تتكون من ايه؟ هل بقايا نباتيه يعني ورق شجر وقع واتحلل مثلا واتفت وبقى مع التربه اه ينفع يبقى نحط صح اوراق النبات يعني بقايا النبات دي زي مثلا قشره موزه قشره بطاطسايه ورق النبات كمان ممكن برده يتحلل ويكون جزء من التربه طب هي ممكن التربه تحتوي على فتات الصخور يعني صخور متفتته ومتكسره ايوه برده ينفع طب التربه ينفع تحتوي على بقايا حيوانات ايوه طبعا يعني لو حيوانات ماتت مثلا زي ديدان او حشرات بتتحلل جوه التربه يبقى فعلا التربه بتحتوي على بقايا حيوانات طبعا بتوجد التربه حولنا وفي كل مكان يعني احنا حوالينا في كل حته هنلاقي تربه حتى لو انت ساكن في الصحرا فانت عندك تربه نوعها تربه رمليه ا في مثلا لو انت جنب ارض في عندك ارض زراعيه جنب النهر او حاجه هيبقى عندك تربه طينيه يبقى على حسب نوع التربه لكن كلنا حوالينا تربه في كل مكان ليه بقى؟ لان التربه هي القشره او الطبقه السطحيه الرقيقه المفككه اللي اللي موجوده على سطح الارض يعني احنا المفروض عندنا سطح الارض او كوكب الارض اهو في جزء منه عباره عن صخر يعني احنا بس لو خدنا قطاع كده هنلاقي ان احنا في جزء عندنا من تحت كده صخور دي جزء صلب ما ليش دعوه بيه ده مش جزء من التربه اللي احنا بنتكلم عليه احنا بنتكلم على الجزء اللي فوق الصالح للزراعه اللي ينفع احط ب فيه نبات وجذور النبات تعرف تمتد خلاله وتعرف تمدد فيه ده بنسميه التربه بتتكون التربه نتيجه تفتت الصخور يعني في صخور جامده صلبه اتكسرت واتفتتت بفعل حاجه اسمها التجويه اا طبعا احنا قلنا ان احنا لو في شويه رياح شديده ممكن يفتتوا صخور لو شويه ميه ا مثلا نهر قوي او حاجه ممكن هو ماشي يكسر في الصخور لان احنا قلنا عندنا نوعين من التعريه تعريه هوائيه الهواء لما يكسر اسمها تعريه هوائيه وفي تعريه مائيه لما الميه تكسر فلو في اي حاجه من دي اتكسرت وهتبتدي تتنقل لمكان اخر بنسميها تربه يبقى تفتت الصخور او التجويه تعتبر حاجه من اللي بتكون التربه كمان تحلل النباتات والحيوانات لو في بقايا كائنات حيه ماتت واتحللت دي بتكون تربه برده يبقى التربه وعلى اختلاف الوانها واشكالها وانواعها بتتكون من حاجتين يا اما صخور مفتته ومختلط معاها بقايا كائنات حيه حيوانات بقى ديدان حشرات كائنات ماتت واتحللت وكونت التربه المكونه قدامك دي بكل انواع التربه كل الترب اي تربه موجوده في على سطح الارض بتبقى مكونه من الحاجتين دول اهميه التربه ايه فايدتها وايه لازمتها لينا احنا كبشر بتعد التربه دي اساس الحياه في النظام البيئي يعني من غيرها ما حدش فينا هيفضل عايش طب ليه هقول لان هي تعتبر واحده من الموارد الطبيعيه اللي الانسان بيحتاجها في حياته عشان تحافظ عليه عايش ازاي بقى يا ميس هقول لك دلوقتي ان التربه دي هي الحاجه الوحيده اللي ينفع نزرعها نحط فيها بذور النبات وهتبدا تنبت وتطلع نباتات والنباتات دي بيحتاجها الحيوانات عشان ياكلها وبيحتاجها كمان الانسان عشان ياكلها هتقول لي يا ميس ما انا ممكن استغنى عن النباتات وماكلهاش مثلا ما انا ما بحبش الخضار والفاكهه مثلا هقول لك حتى الحيوانات اللي انت بتاكلها مش انت بتاكل لحمه وفراخ و ا اللحمه دي جايه من بقر بياكل اعشاب فلازم نبات عشان هو ياكل الفراخ دي جايه من نبا من حيوان بياكل ذره فالفرخه لازم تلاقي ذره وده نوع من الزراعه عشان انت تلاقيها وتعرف تاكل يبقى التربه واحده من الموارد الطبيعيه المهمه واللي بتلبي احتياجات كل الكائنات الحيه التربه اساس الزراعه يعني ما فيش زراعه من غير تربه حتى لو انت جبت قطنه مبلوله وزرعت فيها فول ولقيته نبت مثلا كده مش هيغنيك عن التربه هتحتاج وقت تنقل فيه البذره اللي نبتت دي جوه تربه عشان تكمل العناصر الغذائيه اللي ناقصاها بتوفر التربه كل العناصر الغذائيه زي الفيتامينات كده اللي محتاجها النبات وبتوفر الميه كمان للنبات وكمان الهواء اللازم لنمو النباتات كما انها تعمل على ترشيح المياه يعني التربه معروف عنها انها فيها مسامات او فتحات بتخرج الميه الزياده منها طيب كمان التربه مصدر للمواد الخام يعني ايه يعني احنا ممكن نحفر ونطلع من التربه دي حاجات نستخدمها مش بس كده انت لما بتزرع التربه دي بالاشجار مش ينفع تاخد خشب الشجر وتعمل منه الاساس كراسي وكنب وترابيزات ودواليب وسراير يبقى فعلا النباتات المزروعه بتمثل لنا مصدر للمواد الخام اللي اقدر اخدها المصنع واصنعها طيب زي ايه بقى صناعه الاقمشه القماش ده جاي من القطن والقطن بيتزرع او جاي من الكتان والكتان بيتزرع زي ما انت شايف ده نبات القطن وهو لسه في الارض بعد شويه الناس بتقطفه وبعدين يودوه المصنع ويتعمل مرحله الغزل والنسيج يتحول لخيوط وبعد كده يبدا يتحول لقماش والقماش ده احنا بعد كده بناخده نعمل منه الملابس كلها فمعنى كده ان يعتبر القطن ماده خام للصناعه اقدر اخده واوديه المصنع يتصنع ويتعمل منتج جديد برده زي ما قلنا قبل كده صناعه الخشب خشب الشجر لما بيروح المصنع بيتعمل اساس زي ما اتكلمنا من شويه كراسي وترابيزات وكل حاجه ممكن تتخيلها كمان الورق الورق ده اصلا بيتعمل من ا لحاء الشجر او جزء من الشجر بيتعمل منه ورق وفي ورق ثاني بيتعمل من القصب عارفين طبعا القصب اللي انتوا بتشربوا العصير بتاعه ده برده الباقي اللي بيطلع ده بنوديه المصنع وبيتعمل منه الورق ده غير ان البيئه بقى موطن يعني مسكن للكائنات الحيه في كائنات حيه بتعيش جوه التربه وما عندهاش بيت ثاني تعيش فيه بتعد التربه موطن يعني ماسكن للعديد من الكائنات زي الديدان والحشرات والفطريات والبكتيريا زي ما احنا شايفين الديدان بتعيش جوه التربه عادي ده مكانها الطبيعي وده موطنها العلاقه بقى بين التربه والبيئه البيئه اللي احنا عايشين فيها هي بتضم كل حاجه حوالينا سواء كانت كائنات حيه او مكونات غير حيه عايزين نعرف ايه علاقه التربه بينا كلنا اولا تاثير التغيرات في البيئه على التربه اي تغير هيحصل للبيئه سواء كان تلوث او تغير في المناخ او اي حاجه بيسبب ضرر للتربه يعني هيخلي التربه دي تجف تماما لو درجات الحراره كلها عليت يعني لو مثلا متعودين على درجات حراره في منطقه معينه 20 درجه والمنطقه دي مناخها اتغير خالص وبقت درجات حرارتها مثلا 40 درجه ده هينشف الطبقه السطحيه من الارض اللي هي التربه فهتبقى جافه تماما ومش هتبقى صالحه للزراعه كمان التلوث بيضر التربه وممكن كمان يخليها حتى لو حطيت فيها بذور النبات مش هترضى تتزرع يبقى بيتسبب ارتفاع درجه الحراره في حاجه اسمها جفاف التربه التربه بتنشف وفقدان بعض مكوناتها وعناصرها الغذائيه بتبقى فقيره ما فيهاش الغذاء اللي النبات محتاجه ما فيهاش الفيتامينات اللي النبات عاوزها فبالتالي مش هينفع نزرع فيها ثاني تاثير بقى التغيرات في التربه والبيئه التغيرات اللي بتحصل دي عايزين نعرف تاثيرها ايه على التربه ا اللي موجوده في التربه التغيرات اللي بتحصل للتربه اثارها ايه على البيئه بتتسبب التربه غير الصحيه لو تربه مليانه تلوث او تربه مش نضيفه لو حطينا فيها بذور النبات هيتموت يبقى بتؤدي الى موت النباتات التي تعيش فيها ونقص اعداد الحيوانات الحيوانات اللي بتعيش فيها برده مش هتبقى موجوده ده لان اي كائن حي متعود على النظافه مش هينفع التلوث ده ما العلاقه بين بقى التربه والتغير البيئي هل ممكن التربه يبقى في علاقه بتربطها مع تغيرات البيئه اللي بتحصل حوالينا اكيد طبعا كلاهما يؤثر في الاخر زي ما شفنا هنا يعني بمعنى اصح لو البيئه اتغيرت التربه هتتضر ولو التربه فيها تلوث البيئه كلها هتضر فالاثنين علاقتهم بتاثر على بعض اذا ارتفعت درجه الحراره هتجف التربه يعني التربه تنشف وقد تفقد بعض عناصرها الغذائيه الفيتامينات اللي فيها مش هتبقى موجوده وبالمثل اذا كانت التربه غير صحيه يعني تربه ملوثه هيبدا يحصل تغير للنظام البيئي لان النبات مش هيرضى ينمو ده علامه صح او علامه غلط امام العباره العبارات الاتيه تساعدنا التربه على زراعه المحاصيل اللي بنستخدمها في صنع الاقمشه والورق طبعا عشان نعمل القماش زي ما شفنا محتاجين قطن وعشان نعمل الورق محتاجين شجر ومحتاجين قصب ومحتاجين كلها نباتات يبقى فعلا التربه بتساعدنا على ان احنا ان احنا نزرع المحاصيل اللي بنستخدمها في صناعه الاقمشه والورق بيتشابه شكل التربه في الصحاري والغابات هل التربه هنا شبه هنا لا طبعا كل تربه وليها شكل مختلف وليها مكونات مختلفه كمان تكونت التربه في الطبيعه عبر الزمن يعني التربه اللي انت عمال تزرعها دي مش متكونه امبارح ولا من شهر ولا من سنه دي متكونه من الاف السنين وملايين السنين وليها اهميه كبيره في الحفاظ على حياه الكائنات الحيه وعلى تنظيم درجه حراره الارض ما هو كل ما تزرع نبات اكت كل ما نخلص البيئه من ثاني اكسيد الكربون اللي بيخلي الجو يبقى حر ويبقى عندنا اكسجين اللي بيخلينا عايشين مرتاحين ومبسوطين طيب للتربه انواع عديده عديده التربه مختلفه في الانواع قد تختلف في كلا مما يلي اولا مختلفه في اللون عندك مثلا ثلاث انواع للتربه ما فيش غيرهم التربه الرمليه والتربه الطينيه والتربه الصفراء لو بنتكلم عن اللون فهنلاقي ان لون التربه الرمليه كده ولون التربه الطينيه سودا كده ولون التربه الصفراء بالشكل ده كمان في حجم الحبيبات هتلاقي نوع تربه حبيباته كبيره شويه محبب كده ونوع تربه حبيباته صغيره شويه منقط كده وفي نوع تربه يعني زي التراب كده يعني مالوش ملمس خشن خالص بيختلف حجم حبيبات التربه فقد تكون صغيره او متوسطه او كبيره يبقى التربه مختلفه في لونها ومختلفه كمان في حجمها اما بالنسبه للمواد العضويه اللي هي الكائنات الحيه اللي متحلله جوه التربه يعني اللي ماتت واندمجت مع التربه واللي ممكن تكون بقايا نباتات او بقايا جثث ا لديان او حشرات بتختلف انواع التربه في كميه المواد العضويه فيها اللي هي بقايا الكائنات الميته في منها اللي كميه البقايا او المواد العضويه فيها كتير ودي هتبقى مفيده جدا للنبات وفي منها اللي هتبقى كميه البقايا العضويه فيها قليله ودي هتبقى مش مغذيه قوي بس في نبات بيعرف يتعود على انه ينمو فيها سؤال هنا علل يختلف نوع التربه من بيئه لاخرى ليه التربه مختلفه من بيئه للثانيه هقولختلاف نوع الصخور اللي بتتكون منها لان في اللي بيتكون من صخور صلبه ا مثلا لونها بني ا صخور لونها اصفر في صخور لونها احمر فحسب نوع الصخر اللي اتكونت منه التربه دي كمان المناخ في المنطقه دي هو حر لو حر هتبقى التربه زي الرمله زي التراب كده ناشفه لكن لو مثلا معتدل او حاجه او رطب يعني في شتاء كتير بينزل فهتبقى التربه متماسكه شويه كمان الكائنات اللي بتعيش في التربه بتاثر على نوع التربه. سؤال كمان علل يعتبر المناخ من العوامل الاساسيه اللي بتاثر في نوع التربه ليه؟ الجو يعتبر عامل اساسي في ان التربه تتكون او يكون سبب في نوع التربه دي؟ هقول لان المناخ بيحدد نوع النبات والكائنات الحيه الاخرى اللي بتزود التربه بالمواد العضويه. مش احنا قلنا التربه مكونه من كائنات ماتت واتحللت زي الديدان والحشرات وغيره وغيره وغيره. طب مش المناخ بيحدد اللي هيعيش في المكان ده انه نوع من الحيوانات بالظبط؟ ولما يموت بقى هيبقى يدي التربه العناصر بتاعته فمثلا يعني لو في مناخ هنا بارد بيعيش فيه نوع حيوانات وهنا مناخ حوار بيعيش فيه نوع حيوانات اخرى فدول لما يموتوا عناصرهم هترجع للتربه ثاني ودول لما يموتوا عناصرهم هترجع للتربه ثاني طب بما ان في اختلاف في الحيوانات هل التربه هتفضل هي لا كل نوع بيزود التربه بحاجات معينه طيب هنا مثلا بيقول لي كما تنقل الرياح حبيبات التراب او التربه الرياح بتيجي ممكن لو شديده شويه تنقل الحبيبات بتاعه التربه من مكان لمكان كمان بتذيب الامطار المعادن والاملاح اللي موجوده في التربه يعني كل ما ينزل مطر معنى كده ان الحاجه اللي دايبه في التربه هتبدا تدوب نشاط ثلاثه ما الذي تعرفه عن التربه ايه الحاجه اللي انت عارفها عن التربه لا يؤثر نقص خصوبه التربه في حصول الانسان على غذائه لو التربه مش خصبه هل ده مش هياثر على ان انت تحصل على الغذاء بتاعك؟ لا هياثر طبعا لان النبات مش هينمو طالما التربه مش خصبه يعني ما فيهاش غذاء ما فيهاش فيتامينات ما فيهاش عناصر غذائيه فالنبات مش هينمو اصلا عشان كده العباره دي خاطئه تؤدي التجويه دور مهم في تكوين التربه ايوه طبعا التجويه من الحاجات اللي بتكون التربه فحص التربه بقى عشان نكشف على التربه ونعرف مكوناتها هنلاقي ان التربه خليط من مكونات مختلفه حاجات كتيره قوي بتكون التربه بعضها يمكنك رؤيتها بالعين المجرده بعضها لما تبص على التربه كده هتعرف تشوفه وبعضها لا يمكنك رؤيته يعني مش هتعرف تشوفه بعينك هتحتاج بقى ميكروسكوب ولا حاجه تكبر عشان تشوف عند فحص كميه صغيره من التربه باستخدام عدسه مكبره اللي هي العدسه اللي بتكبر الحجم شويه زي النظاره دي بتكون عدسه يدويه يمكن ملاحظه ما يلي اولا هنلاقي كثير من جزيئات الصخور الصغيره صخور متكسره صغننه قطع من اوراق اشجار واغصان يعني لاقي حتت كده من ورق شجر حتت من اغصان شجر او من اغصان نباتات بعض المواد ذات الالوان الداكنه هنلاقي حاجات لونها غامق شويه والتي قد لا تتمكن من تعرفها ساعتها مش هتقدر تعرف هي دي ايه بالظبط بيعتمد مقدار كل هذه الاشياء التي تجدها في التربه على مصدر التربه يعني الحاجات دي هتقول لي جايه منين يا ميس هقول لك حسب التربه دي اصلا جايه منين في تربه جايه مع الانهار في تربه الرياح اللي جايباها فمش عارفين المكونات الاساسيه بقى اللي في التربه واللي موجوده في كل انواع التربه ا الميه والهواء التربه بتحتوي على هواء من جوه كده اللي هو الفراغات اللي موجوده كمان موجود جوه التربه مواد عضويه اللي هي الفيتامينات اللي جايه من تحلل الكائنات اللي ماتت سواء ورق شجر واتحلل سواء كانت ديدان واتحللت حشرات واتحللت كمان مكونات صخريه ومعدنيه يعني صخور او طوب او زلط او الحاجات دي وكمان ممكن نلاقي مواد معدنيه تعال بقى نشوف كل واحده فيهم دورها ايه الميه هي اللي بتحدد رطوبه التربه التربه دي رطبه ولا جافه الهواء بيحدد تهويه التربه لو كل ما التربه تبقى متهويه كويس كل ما النبات يعرف يمدد جذوره فيها براحته يبقى في كميه هواء كده ينفع ايه ا النبات يتحرك وينمو فيها براحته طب كمان المواد العضويه اللي هي جايه من تحلل حشرات او مثلا اا ديدان او فطريات دي بتزود من خصوبه التربه بتخلي التربه دي صالحه للزراعه وكل ما نحط فيها نبات هينمو بسرعه كمان المكونات المعدنيه والصخريه ودي اللي بتحدد شكل التربه بتبين التربه شكلها غامق فاتح صفراء غيره يعني ده علامه صح او غلط بعض مكونات التربه لا يمكن رؤيتها بالعين المجرده في جزء في التربه ماقدرش اشوفه بعين العاديه طبعا صح من امثله المواد اللي التي توجد في التربه قطع او اوراق الاشجار والاغصان الحاجات دي بنلاقيها جوه التربه ايوه فعلا طيب تتكون التربه من المكونات الصخريه والمعدنيه فقط لا غلط في ميه وفي مواد عضويه وفي هواء فكل الحاجات دي من مكونات التربه دلوقتي هنحل تدريبات سلاح التلميذ على الدرس الاول السؤال الاول بيقول تتكون التربه نتيجه تفتت الصخور في صخور اتكسرت واتفتت علشان تكون التربه وكمان مكونه من تحلل بقايا النباتات والحيوانات القديمه طبعا صح تختلف انواع التربه باختلاف مناخ المنطقه هو ممكن مناخ المنطقه يحدد نوع التربه اه ينفع طب ماذا يحدث للتربه عند ارتفاع درجه حراره البيئه لو البيئه سخنت اكتر هيحصل ايه للتربه طبعا ستجف التربه وقد تفقد بعض مكوناتها وعناصرها الغذائيه كمان للكائنات الحيه زي النباتات والحيوانات في منطقه ا ما اذا اصبحت التربه فيها غير صحيه لو التربه فيها مش تربه كويسه هتبقى فملوثه مثلا هيحصل ايه؟ طبعا ستموت النباتات التي تعيش فيها وستنقص اعداد الحيوانات عدد الحيوانات هيقل لان ولا نبات ولا حيوانات بيستحمل تلوث التربه هنا بيقول كلا مما يلي صحيح عن التربه ما عدا حاجه واحده غلط عايزين الحاجه الغلط دي تؤثر على البيئه ايوه هي بتاثر على البيئه طب بتتاثر تتاثر بالتغيرات المناخيه ايوه بتتاثر بالتغيرات المناخيه طب بتتكون بفعل تفتت الصخور ايوه التربه بتتكون من تفتت الصخور لكن ليست من الموارد المهمه لا بالعكس ده هي مورد مهم ونص كمان فدي طالما الغلطه الوحيده هنطلعها عشان قال ايه عشان قال ما عدا كلا مما يلي من مكونات التربه الرئيسيه ما عدا برده يبقى هو كلهم صح مكونات تربه ما عدا واحده بس عايزين الواحده الغلط دي هل الهواء لا الهواء من مكونات التربه طب الميه مكونات التربه طب الضوء لا مالوش دعوه بالتربه طب المعادن ايوه من مكونات التربه يبقى الاجابه الصحيحه هنختار جب عن الاسئله التاليه اذكر ثلاث اسباب توضح بيها اهميه التربه للكائنات الحيه هقول ان التربه اساس للزراعه وبتوفر الغذاء وهي موطن يعني مسكن للعديد من الكائنات الحيه السؤال اللي بعده اذكر المكونات الاساسيه الموجوده في جميع انواع التربه يعني الحاجات الاساسيه اللي جوه التربه واللي ما ينفعش ما تبقاش موجوده في اي نوع تربه هنكتبها اولا الماء والهواء والمواد العضويه والمكونات الصخريه والمعدنيه السؤال اللي بعده تختلف انواع التربه فيما بينها في عدد من خصائص يعني التربه مختلفه في شويه حاجات ايه الحاجات اللي ممكن التربه او الثلاث انواع من التربه يختلفوا فيهم اولا اللون وحجم الحبيبات وكميه المواد العضويه دي حاجات مش ثابته في كل التربه لا في انواع تربه الحاجات مختلفه فيها عن الثانيه عن بعض يعني مثلا عندنا تربه لونها اصفر تربه لونها اسود تربه لونها بني فعلى حسب التربه ولونها وحبيباتها والمواد العضويه فهي مختلفه اذكر اهميه وجود المواد العضويه في التربه اللي هي الكائنات اللي ماتت واتحللت اهميتها ايه في التربه لا دي مهمه جدا طبعا المواد دي بتزيد من خصوبه التربه هنا بيقول لي وضح كيف يمكن للتربه ان تستخدم كمصدر للمواد الخام يعني ازاي التربه اخد منها ماده خام او ينتج عنها ماده اخدها المصنع صنع منها حاجات مع ذكر كمان امثله للمنتجات اللي بتتصنع منها هقول طبعا تستخدم النباتات المزروعه فيها في بعض الصناعات الاقمشه والاخشاب والورق اكمل مما بين القوسين احد مكونات التربه التي يحدد رطوبتها بيبين هي رطبه ولا لا طبعا هتبقى الميه السؤال الثاني تحتوي التربه على ايه مكونات اساسيه هم اربع مكونات اساسيه اللي هم الماء والهواء والمواد العضويه والمكونات الصخريه المعدنيه لاحظ الشكل ثم اجب ما المقصود بالتربه يعني ايه تربه اصلا التربه هي القشره السطحيه الرق الرقيقه المفككه من الارض هو ده تعريفها طيب عند فحص عينه من التربه بعدسه مكبره ماذا ستلاحظ؟ طبعا هلاحظ ان في صخور صغيره قطع من اوراق الشجر كمان بعض المواد الاخرى كده خلصنا الدرس الاول هستناكم في الدرس الثاني هتلاقوا الرابط بتاعه تحت في صندوق الوصف هو باقي دروس المنهج ان شاء الله اللايك والشير بيساعدنا اننا نستمر وعشان توصل لكم فيديوهاتنا اول باول فعل زر الجرس واضغط على زرار الاشتراك كده احنا خلصنا واتمنى تكونوا استفدتوا واترككم في رعايه الله والسلام عليكم ورحمه الله وبركاته ‏Yeah.