شرح الدرس الرابع علوم تانية إعدادى طرق إنتقال الحرارة الجزء الاول مستر عمر عماد

يا مساء الفل طلبه وطالبات الصف الثاني الاعدادي بامر الله يا شباب هنبدا مع بعض النهارده شرح الدرس الرابع عندنا في المنهج وده الدرس الاخير في الوحده الاولى وبكده نكون خلصنا الوحده الاولى وقفلناها تقفله محترمه جدا واتمنى اكون شخص مفيد بالنسبه لك صلي على النبي وتعال يلا نبدا مع بعض في الدرس الرابع عندنا في المنهج والدرس الدرس الرابع بيتكلم معاك عن طرق انتقال الحراره والدرس ده تقريبا كان موجود عادي في المنهج القديم لانه طرق انتقال الحراره قبل ما اشرحها يا شباب لازم ابدا اعرف اصلا يعني ايه حراره قال لك يعني ايه بقى حراره قال لك بص يا سيدي اول حاجه انت لو جبت اناء فيه ميه مغليه حلو بعد ما اجيب الميه المغليه اللي في الاناء دي ا طبعا انت عارف ان الميه المغليه درجه حرارتها كام؟ 100 وبدات تحطه في درجه حراره الغرفه اللي هي 25 ايه اللي هيحصل؟ حضرتك دخلت عملت كوبايه شاي كوبايه الشاي كانت الميه بتغلي فبدات انك بعد ما صبيت كوبايه الشاي حطيتها جنبك في المكتب وذاكرت سرحت شويه في المذاكره وده مش من عادتك بتمسك كوبايه الشاي بعد ساعه كده لقيتها ان هي بردت وخدت درجه حراره الغرفه هو ايه اللي حصل؟ قال لك اللي حصل ان كوبايه الشاي كانت درجه حرارتها غليان 100 فلما اتحطت في درجه حراره الغرفه بدات درجه الحراره تنتقل من كوبايه الشاي للغرفه يعني ايه؟ يعني بدات درجه الحراره تنتقل من الجسم الاعلى في درجه الحراره للجسم الاقل في درجه الحراره اللي هو الغرفه لحد ما كوبايه الشاي والغرفه الاثنين بقى ليهم نفس درجه الحراره فبيقول لك اللي هيحصل هنا هيبدا انتقال الطاقه الحراريه من الميه اللي هو النظام للغرفه اللي هي الوسط المحيط فيما يعرف بالايه؟ بالحراره فبناء عليه بنقول ان الحراره هي الطاقه التي تنتقل من نظام الى اخر او ممكن من النظام الى الوسط المحيط وده بيحصل بسبب اختلافهم في درجه الحراره يعني لو حضرتك جبت حته حديد وليكن مثلا درجه حرارتها 50 ولزقتها في حته حديد ثانيه درجه حرارتها 100 اللي هيحصل في الوقت ده ان هتنتقل الحراره من الجسم الاعلى في درجه الحراره للجسم الاقل في درجه الحراره لحد ما الاثنين يكونوا متساويين في درجات الحراره حراره دي تبقى دي كانت ب 100 ودي ب 75 ال 100 تدي ال 100 تدي ال 50 ال 100 تدي ال 50 ال 100 تدي ال 50 لحد ما الاثنين يكونوا متساويين في درجه الحراره ب 100 فده بنسميه الحراره فتعريف الحراره هي الطاقه التي تنتقل من نظام الى اخر او من النظام زي كوبايه الشاي الى الوسط المحيط وده بيحصل بسبب ده بيحصل بسبب اختلافهم في درجات الحراره بسبب اختلاف الجسم ده على خوف درجه الحراره لحد ما يفضل ده ينقل لده والاثنين يبقوا متساويين في درجه الحراره طيب قال لك تعالى نعمل نشاط نفهمك اكت كيفيه سريان الحراره قال لك بص يا سيدي اول حاجه هتسجل درجه حراره كميه من الميه في اناء معزول باستخدام ترمومتر يعني هتروح تجيب شويه ميه وتحط فيهم ترمومتر وتشوف درجه حرارتهم كام قال لك شويه الميه كنت جايبهم عادي من الحنفيه فلقيت ان مثلا درجه حرارتهم ب 20 حلو قال لك هات شويه كرات معدنيه تكون مسخنهم مسخنهم مسخنهم يعني موصلهم لدرجه حراره عاليه جدا وهات الكرات المعدنيه دي وابدا ارميها في الميه هتلاقي ان الكرات المعدنيه السخنه جدا دي اول ما ترميها في الميه هتبدا ان هي تعمل تش يعني ايه تش يعني هتبدا الكرات المعدنيه درجه حرارتها تقل يعني ايه اللي حصل يعني بدات الحراره تنتقل من الكرات المعدنيه اللي هي الاعلى في درجه الحراره للميه اللي هي الاقل في درجه الحراره لحد ما الكرات رات المعدنيه والمايه الاثنين بقوا متساويين في درجه الحراره قال لك اهو وضع كرات معدنيه في حمام مائي يغلي لفتره زمنيه معينه يعني درجه حراره الكرات المعدنيه عاليه جدا وابدا انقل الكرات المعدنيه دي اللي انت مطلعها من الميه المغليه وحطها في الميه البارده ايه اللي هتلاحظه قال لك هتبدا ان انت تلاحظ هنا انه في الاول كانت درجه حراره الميه لوحدها كام 20 والكرات اللي انت مطلعها من الميه المغليه درجه حرارتها كام 100 فلما جبت الكرات المعدنيه قمت جا حاططها على الميه العاديه ده قلل من درجه حراره الكرات وزود من درجه حراره الميه فخلى درجه حراره الميه كام؟ 28 طب ده حصل ليه؟ ده حصل لان الكرات المعدنيه اول ما حطيتها في الميه بدات تبرد وتاخد درجه حراره الميه يعني ايه اللي حصل؟ يعني بدات تنتقل الحراره من الجسم الاعلى في درجه الحراره اللي هي الكرات المعدنيه للجسم الاقل في درجه الحراره اللي هي الميه لحد ما الاثنين بقوا متساويين في درجه الحراره. طيب قال لك هنا عندي ملاحظه ارتفاع درجه حراره الماء البارد من 20 الى 28 اول حاجه هتلاحظها انه درجه حراره الميه كانت ب 20 حطينا عليها الكرات المعدنيه السخنه بقت خلت درجه حراره الميه كام؟ 28 ودرجه حراره الكرات المعدنيه قلت من 100 ل 28 يعني معنى كده هتلاقي ان درجه حراره الميه والكرات بعد ما حطيت الكرات في الميه الاتنين تساووا في درجه الحراره وهقولها لك تاني وده بسبب انتقال انتقال انتقال لان الدرس اصلا جاي يتكلم معاه على طرق انتقال الحراره انتقال الحراره من الجسم الاعلى في درجه الحراره للجسم الاقل في درجه الحراره لحد ما الاثنين يكونوا متساويين في درجه الحراره واصبحت درجه حراره خليط الميه والكرات الاثنين على بعض بكام؟ ب 28 قال لك خد بالك من حاجه مهمه اتفضل قال لك ان ترتفع درجه حراره الماء بمعدل اقل بينما تنخفض درجه حراره الكرات المعدنيه بمعدل اكبر وده لان الحراره النوعيه للميه اكبر من الحراره النوعيه للمعدن يعني ايه؟ يعني يا مستر كانت درجه حراره الكرات المعدنيه 100 ودرجه حراره الميه 20 هتبص تلاقي ان الكرات المعدنيه كانت درجه حرارتها ب 100 والميه درجه حرارتها 20 الانخفاض بتاع الكرات المعدنيه من ال 100 لحد ال 28 انخفاض كبير جدا ولكن ارتفاع درجه حراره حراره الميه من 20 ل 28 ده ارتفعت بمقدار قليل وده لان انت اخدت معايا في الدرس اللي فات ان الحراره النوعيه للميه كبيره يعني ايه؟ يعني بتحتاج كميه كبيره من الحراره عشان تؤدي الى ارتفاع درجه حرارتها ولكن الحراره النوعيه للمعادن قليله يعني بتسخن بسرعه وقلت لك قبل كده اللي بيسخن بسرعه بيبرد بسرعه واللي بياخد وقت عشان يسخن بياخد وقت عشان يبرد يعني بما ان الحراره النوعيه للميه كبيره يعني بتحتاج كميه حراره كبيره عشان تسخنها فبتاخد وقت كبير عشان تسخن فبناء عليه بتاخد وقت كبير عشان تبرد ولكن الزيت او الكرات المعدنيه او المعادن بتسخن بسرعه فلما تسخن بسرعه يعني بتاخد وقت قليل عشان تسخن فبرده بتاخد وقت قليل عشان تبرد فبتبرد بسرعه صلي على النبي جه الراجل عمل لك تجربه ثانيه قال لك دلوقتي احنا ا عندنا جسم ايه وجسم ا الجسم الجسم الا ده درجه حرارته كبيره جدا والجسم بي درجه حرارته قليله لزقنا الجسمين في بعض فبدات الحراره تنتقل من الجسم الاعلى في درجه الحراره للجسم الاقل في درجه الحراره لحد ما الاثنين بقوا متساويين في نفس درجه الحراره مع بعض و دي القصه اللي الراجل حكاها لك وراغى فيها هنا فانا هطلع من القصه دي بتعريف واحد وهو تعريف حاجه اسمها الاتزان الحراري اللي حصل هنا عندي حصل عمليه اتزان حراري اتزان حراري يعني جبت ماده درجه حرارتها ولتقل 100 وماده درجه حرارتها 50 ولزقتهم في بعض فبدات الحراره تنتقل من الجسم الاعلى في درجه الحراره للجسم الاقل في درجه الحراره لحد ما الاثنين وصلوا لحاله الاتزان الحراري يعني ايه حاله اتزان حراري يعني حاله ان هم الاثنين بقوا متساويين في درجه الحراره فيبقى الاتزان الحراري هي الحاله التي يصل اليها نظامين مختلفين في درجه الحراره بعد تلامسهما وتساوي درجه حرارتهما يعني دي الحاله اللي هيصل لها نظامين الاثنين مختلفين في درجه الحراره عن طريق انتقال الحراره من الجسم الاعلى للجسم الاقل والاثنين بعد كده تساؤوا في درجه الحراره فده اللي اسمه الاتزان الحراري وده بيحصل بعد تلامسهما وتساوي درجه حرارتهم بعد كده ببعض قال لك هنا عندي ملحوظه اتفضل قال لك كميه الحراره المفقوده من احد النظامين بيساوي كميه الحراره المكتسبه في النظام الاخر وده عند عمليه الاتزان يعني لو رحنا جبنا مثلا قطعه من الحديد اهي درجه حرارتها مثلا 50 وقطعه ثانيه درجه حرارتها 30 ولزقناهم في بعض هتبدا الحراره يلا قول تنتقل من الجسم الاعلى في درجه الحراره للجسم الاقل في درجه الحراره يعني ال 50 بعد شويه هتبقى 40 فادت ده 10 فده يبقى كام هو كمان 40 يعني معنى كده ان مقدار اللي ده فقده الباشا ده اكتسبه لحد ما الاثنين يكونوا متساويين في درجات الحراره فالراجل بيقول لك هنا اللي الجسم ده بيفقده من حراره الجسم الثاني بيكتسبه من حراره لحد ما الاثنين يتساووا في درجه الحراره وقال لك هنا عند تلامس كتلتين او حجمين متساويين او عند تلامس جسمين لهما نفس الحراره من ماده واحده مختلفه في درجه الحراره فعند حضرتك ده لو مثلا ده بدرجه حراره 100 يا سيدي عشان مش باين على السبوره فاتجاه سريان الحراره بيبقى من الجسم الاعلى للجسم الاقل طب اسال حضرتك سؤال لو انا جبت لك هنا جسم درجه حرارته 30 و خليته يلمس جسم ثاني برده درجه حرارته 30 ها ايه اللي يحصل؟ مستر مش هيحصل حاجه ليه؟ لان ده درجه حرارته 30 وده درجه حرارته 30 هلزق الاثنين وانت قايل لي ان المفروض الحراره تنتقل من الجسم الاعلى للجسم الاقل طب فين الاعلى وفين الاقل؟ عندي اعلى ولا عندي اقل الاثنين متساويين طب ما انا كده واصل لحاله الاتزان فكده الاثنين متساويين في درجه الحراره فبنا بناء عليه لا يحدث سريان للحراره في الوقت ده. طيب صلي على النبي قاللك هنا عند ملامسه تطبيق مثلا على كل الكلام اللي احنا قلناه عند ملامسه مشروب نسكافيه درجه حرارته 70 لمشروب اللبن لدرجه حرارته 20 نلاحظ ان درجه حراره الخليط المتكون في الكوب تكون اكبر من ال 20 واقل من ال 70 يعني عندي كوبايه فيها نسكافيه النسكافيه اللي جوه درجه حرارته 70 قررت اني اعمل نسكافيه باللبن فبدات احط شويه لبن درجه حرارتهم 20 ايه اللي هيحصل اللي هيحصل ان الحراره هتنتقل من الجسم الاعلى في درجه الحراره للجسم الاقل في درجه الحراره لحد ما الاثنين يكونوا متساويين في درجه الحراره ف 70 و20 كام؟ 90 يعني معنى كده 90 دي هتقسمها على الاتنين بقى فيبقى درجه حراره النظام عندك كام؟ 45 ها لان ال 70 ادت ال 20 ال 70 ادت ال 20 ال 70 ادت ال 20 لحد ما الاتنين يوصلوا لحاله الاتزان اللي هي درجه حراره المشروب عندي بقت ب 45 صلي على يجي مثلا هنا يقول لك فسر عند خلط كرات معدنيه درجه حرارتها 30 مع ماء درجه حرارته 20 لا تكون درجه حراره الخليط عند الاتزان ب 25 او ا اه لا تكون درجه الحراره عند الاتزان ب 25 قال لك لان الخليط ده مكون من مادتين مالهم مختلفتين في الكتله والنوع وبالتالي برده هيختلفوا في الحراره النوعيه يعني ايه؟ يعني لو حضرتك رحتج جبت شويه كرات معدنيه درجه حراره الكرات المعدنيه ب 30 حطيتهم على شويه ميه درجه حرارتهم 20 فانت المفروض دلوقتي بتعمل ايه بتقول لي يا مستر خلاص ادي ميه حطيت عليها كرات معدنيه دي ب 30 ودي ب 20 فالحراره هتنتقل من الجسم الاعلى في درجه الحراره للجسم الاقل في درجه الحراره لحد ما الاثنين يكونوا متساويين في درجه الحراره ب 25 غلط ليه غلط ليه يا مستر انت مش لسه قايل لي فوق ان ده بينفع عادي وبنعملها والدنيا طبيعي ايوه ده لما يبقوا المادتين ليهم نفس الكتله وليلهم نفس درجات الحراره هم الاثنين نفس الحاجه زي ان انا احط شويه نسكافيه على شويه لبن طيب هنا ما تنفعش ليه؟ قال لك هنا ما تنفعش لان الخليط ده مكون من مادتين مختلفتين عن بعض في الكتله وفي النوع وكمان هيختلفوا في الحراره النوعيه لان حضرتك عارف ان الحراره النوعيه هي خاصيه مميزه للماده زي الكثافه وزي درجه الانصهار وزي درجه الغليان يعني دي خاصيه بنعرف بها المواد فما ينفعش اروح اجيب مادتين مختلفتين عن بعض في النوع وفي الكتله واقول لك يلا انقل الحراره واقسمها على الاثنين ما فيش الكلام ده ده ما ينفعش ف علل ليه عند خلط كرات معدنيه درجه حرارتها 30 مع ميه درجه حرارتها 20 درجه الحراره ما بتبقاش مثلا متوسطها اللي هو 25 قال لك ده بسبب ان انت بتجيب مادتين مختلفتين في الكتله وفي النوع فبالتالي هما مختلفتين في الحراره النوعيه يعني اللي دي هتكتسبه مش قد اللي ده هتفقده وهكذا طب صلي على قال لك قايم فهمك من التجربه اللي قدامك دي في التجربه الموضحه بالشكل المقابل اذا كانت درجه حراره الكتله المعدنيه قبل وضعها في الماء المغلب 30 اجب عما يلي فين الكتله المعدنيه؟ قال لك اهو الكتله المعدنيه دي دي اهي حطيتها في ماء مغلي ماشي اول حاجه ما اتجاه سريان الحراره في الكاس اثنين فين الكاس اثنين انا مش شايف كاس اثنين اهو انت جبت دلوقتي حته حديده الحديده دي في العادي بدرجه درجه حرارتها 30 حطيتها في ميه مغليه ايه اللي هيحصل؟ ا هل الحديده هي اللي هتدي الميه المغليه درجه حراره ولا درجه الحراره بتاعه الميه المغليه هي هتدي حته الحديده او القطعه المعدنيه يبقى بناء عليها هتنتقل الحراره من الجسم الاعلى في درجه الحراره للجسم الاقل في درجه الحراره وبناء عليه اتجاه سريان الحراره هيبقى من الميه المغليه للقطعه المعدنيه او للكتله المعدنيه لحد ما الكتله المعدنيه هتاخد نفس درجه حراره الميه اللي هي هتبقى 100 طب وبعدين؟ قال لك دلوقتي ماذا يحدث لدرجه حراره الماء في الكاس رقم واحد بعد نقل الكتله المعدنيه اليه من الميه المغليه خدت الكتله المعدنيه من الميه المغليه اللي هي درجه حرارتها بقت 100 رحت حطيتها في الصنبور اللي درجه حرارته عادي ب 20 طبعا ده هيبدا يقلل من ما القطعه المعدنيه دي درجه حرارتها هنا كام 100 فلما احط القطعه المعدنيه اللي درجه حرارتها 100 في ميه الصنبور اللي درجه حرارتها 20 هتنزل تعمل مش تش بقى تش ايه تش ازاي ده دي درجه حرارتها كام 100 ودي درجه حرارتها كام 20 يعني معنى كده ان الحراره هتبدا تنتقل من الجسم الاعلى في درجه الحراره للجسم الاقل في درجه الحراره لحد ما الاثنين يكونوا متساويين في درجه الحراره ف ا القطعه المعدنيه درجه حرارتها عاليه جدا نزلتها في ميه الصنبور يعني القطعه المعدنيه سخنه جدا جيت نزلتها في ميه الصنبور فبدات تبرد بدات تنقل الحراره بتاعتها من الجسم الاعلى للجسم الاقل فبناء عليه ده هيبدا يقلل من درجه حراره القطعه المعدنيه ويزود في درجه حراره الميه صلي على النبي بيقول لك من الشكل المقابل اختر ما درجه حراره الماء المحتمله في الكوب سي فين الكوب سي يا سيدي اهو قال لك دلوقتي حضرتك جبت كوبايه اي فيها 100 جرام من الميه ودرجه حرارته 80 وكوبايه بي برض فيها نفس ال 100 جرام بس درجه حرارتها 30 حلو فعند حضرتك هنا درجه الحراره هنا كانت 80 وهنا 30 فتبدا الحراره تنتقل من الجسم الاعلى اللي هو ال 80 وتدي ال 30 ف 80 مثلا هتبقى 70 ودي ب 40 دي 60 ودي ا 50 وهكذا يقعد بقى ايه درجه الحراره من الكبير للصغير طب انا عشان احسبها يا عم شوف درجتهم درجه الحراره بتاعتهم هم الاثنين على بعض بكام قال لك 38 و3 110 على الاثنين بقى عشان اشوف اجيب المتوسط بتاعهم مجموعهم على عددهم زي ما اخدنا قبل كده يبقى عشان اجيب المتوسط بتاعهم هتطلع بخمسه وخ 50 اللي هي الاجابه رقم ج. تعالوا بقى يا حبايبي يا حلوين نكمل دلوقتي باقي الدرس بتاعنا وطبعا لازم تكون اتعودت على شكلي انا احب اغير في نص التصوير انا حر انا حر ما تسالش كتير انا كنت لابس تقريبا قميص بني بقت لابس تيشيرت اسود عادي ما حصلش حاجه ايه المشكله طيب صلي على النبي كده وتعال نكمل مع بعض بقى باقي الشرح بتاعنا كنا قلنا ان كده عرفنا ايه هو تعريف الحراره وعرفتنا ان الحراره بتنتقل من جسم الى جسم اخر وبتنتقل من الجسم الاعلى في درجه الحراره عند الجسم الى الجسم الاقل في درجه الحراره عند ملامسه الاثنين لدرجه الحراره وده اللي كنا بنسميه الاتزان الحراري ولكن كان في شرط هنا بسيط جدا انه لازم المادتين اللي هينقلوا لبعض عشان يكونوا متساويين في درجه الحراره يكونوا من نفس النوع ومن نفس الماده وبناء عليه الانتقال في درجه الحراره اللي ده هينقله لده ده هيكتسبه منه يعني لو ده فقد 20 درجه ده هيكتسب 20 درجه و الشرط ده لا ينطبق على انك لو جبت معلقه درجه حرارتها 100 حطيتها في ميه درجه حرارتها 25 كده لما المعلقه اللي درجه حرارتها ميه تنزل في الميه اللي درجه حرارتها 25 هتبدا درجه الحراره بتاعه المعلقه نفسها تقل عن ال 100 ودرجه حراره الميه تزيد عن ال 25 فدرجه حراره الوسط اللي موجود ده هيبقى اقل من ال 100 واكبر من ال 25 ليه؟ لان هما الاتنين طبعا مش من نفس الماده طيب هنا بقى هنبدا نتكلم على طرق انتقال الحراره قال لك عندي ثلاث طرق لانتقال الحراره الا وهي التوصيل والحمل والاشعاع تاني التوصيل والحمل والاشعاع نتناقش فيهم كده مناقشه سريعه نفهم الدرس من بره او نفهم الكلمتين دول من بره او الثلاث كلمات دول بالمعنى الحرفي يعني من بره ونخش بقى في صلب الموضوع اتفضل يا مستر فهمني من بره بص يا سيدي التوصيل هو اللي بيحصل في الاجسام الصلبه والحمل هو اللي بيحصل في المواقع مواقع انا كنت اخدت مواقع ده يا مستر ا الموائع دي اللي هي كانت الاجسام السائله والاجسام الغازيه ده كان اول ده كان اول تعريف في المنهج في اول درس خدت اه الموائع اللي هي الاجسام السائله والاجسام الغذيه الاشعاع بيحصل عن طريق الاشعاع عن طريق الاشعه طيب اا ايه التوصيل؟ قال لك التوصيل بيحصل في الاجسام الصلبه زي ايه؟ زي حضرتك لو جبت مثلا معلقه من الحديد وحطيتها في كوبايه ميه وبدات ان انت تغلي كوبايه الميه دي يعني كلنا بنخش نعمل كوبايه شاي بالذات كوبايه قهوه نيجي نعمل كوبايه قهوه فتنسى المعلقه في كوبايه القهوه بتقلب بتقلب بتقلب بتقلب فبتنسى المعلقه وتروح تعمل حاجه وترجع تمسك المعلقه تلاقي المعلقه سخنه جدا هي المعلقه سخنه جدا ليه؟ قال لك المعلقه سخنه جدا لان هي متوصله بالميه وبناء عليه حصل انتقال في درجه الحراره عن طريق التوصيل التوصيل اللي بيحصل خلال الاجسام الايه المعلقه اللي هي الاجسام الايه الصلبه طيب ايه كمان قال لك لو رحت جبت حتتين مثلا من الحديد واحده درجه حرارتها 100 والثانيه درجه حرارتها 50 وبدات توصلهم ببعض وهم جسمين صلبين فبتبدا تنتقل الحراره من الجسم الاعلى على للجسم الاقل لحد ما الاثنين يكونوا متساويين وده بيحصل في الاجسام الصلبه فبسمي الطريقه دي من طرق انتقال الحراره بالتوصيل لانه بيحصل في الاجسام الصلبه طيب ايه بقى الحمل يا مستر هقول لك تيجي تعمل كوبايه شاي ف كوبايه الشاي اهي دي الميه عادي جدا تبدا تسخن اللي بيحصل ايه اللي بيحصل يا سيدي في الحمل ان انت لما بتيجي تسخن بتسخن الجسيمات اللي تحت الاول فلما الجسيمات اللي تحت بتسخن كثافتها بتقل تقل وتطلع لفوق ولما كثافتها تقل وتطلع لفوق ينزل مكانها الجسيمات اللي فوق اللي هي لسه بارده فتنزل لتحت ف انا لسه بسخن فسخن الجسيمات اللي نزلت فت تبدا تسخن وتقل كثافتها وتطلع لفوق وال والجسيمات البارده كثافتها كبيره فتنزل لتحت فتسخن فالجسيمات لما تسخن كثافتها تقل فتطلع لفوق وينزل مكانها جسيمات بارده وهكذا هذه الطريقه تفضل تحصل لحد ما كل الميه الميه اللي عندي تسخن ويبقى ده بيحصل في المواد السائله. طيب ايه بقى قصه المواد الغازيه؟ بص على التكييف عندك في البيت دايما هتلاقي ان التكييف عندك في البيت محطوط فوق في السقف ليه مش محطوط تحت؟ لان التكييف بيسقع الهواء القريب منه فلما يسقع الهواء القريب منه لما الحاجه بتسقع بتسقع كثافتها بتزيد فبينزل لتحت ويطلع مكانه هواء سخن ولما الهواء السخن يطلع اله التكييف يسقعه فلما يسقع كثافته تزيد فينزل لتحت ويطلع مكانه هواء سخن كثافته قليله فيطلع لفوق فيبدا التكييف يسقع الهواء اللي طلع فكثافته تزيد فينزل لتحت والهواء السخن كثافته قليله فيطلع لفوق وهكذا لحد ما الاوضه كلها تكون ساقعه يعني يا مستر قصدك ان احنا لو جبنا تكييف حطيناه في الارض ايه اللي هيحصل هيسقع الهواء القريب منه تحت بس ليه لانه هيسقع الهواء القريب منه فكثافته تزيد فيفضل الهواء لتحت وكل الهواء السخن في الاوضه مكمل العادي زي ما هو فالتكييف لو اتحط تحت ما يسقعش الاوضه كلها امم حلو طب اديني مثال ثاني يا عم مثالاني اللاجه دايما تلاحظ ان الفليزر موجود فوق مش تحت ليه عشان الفليزر بيسقع الهواء اللي فيه فيزود كثافته فينزل تحت ويطلع مكانه هواء سخن فيسقعه فيزود كثافته فينزل لتحت ويطلع هواء سخن قليل في الكثافه فيطلع لفوق فيسقعه فيزود كثافته فينزل لتحت وهكذا طيب مثال تاني مثال تاني ماشي الدفايه الدفايه عمرك دخلت بيت لقيت ان الدفايه متعلقه فوق ولا بتبقى تحت والدفايه تحت يا مستر ليه اا عشان الدفايه يا مستر بتسخن الهواء القريب منها فلما الهواء يسخن كثافته تقل قلنا السخن الهواء السخن كثافته بتقل بيطلع لفوق والهواء البارد البارد كثافته بتزيد وينزل لتحت يبقى الهواء السخن كثافته تقل ويطلع لفوق والهواء البارد كثافته تزيد وينزل لتحت فالدفايه بتسخن الهواء القريب منها فلما تسخن الهواء كثافته تقل فيطلع لفوق وينزل مكانه الهواء البارد اللي كثافته كبيره فتسخنه فكثافته تقل فيطلع لفوق وينزل مكانه الهواء البارد اللي كثافته كبيره وهكذا لحد ما الاوضه كلها تبقى دافيه وده التوصيل او الطريقه الثانيه لانتقال الحراره عن طريق الحمل اللي بتحصل في الموائع خلال المواد السائله والمواد الايه الغزيه الاشعاع باختصار شديد زي الشمس انت عندك احنا الشمس اهي مثلا وده كوكب الارض احنا كل يوم على كوكب الارض بنحس بحراره الشمس ليه بتحس بحراره الشمس هل ما بين الشمس والارض في حاجه صلبه توصل لنا الحراره لا طب في حاجه سائله لا طب في حاجه غازيه لا ده اصلا المفروض ان الفضاء ده فراغ فراغ تام فيبقى هنا لا يوجد ولا حاجه صلبه ولا سئله ولا غزيه دي عشان توصل الحراره فكده الشمس بتوصل لنا الحراره ا وهي مش محتاجه الى وسط مادي لا تحتاج لوسط مادي تنتقل خلال انا مش عايزها لا ماده صلبه ولا سائله ولا غزيه عشان توصل الحراره طب بتوصل الحراره ازاي؟ قال لك بتوصلها عن طريق الاشعاع بتاعها اشعه تحت حمراء بقى بتطلع من الشمس وده اللي هنتكلم عنه بالتفصيل فتعال بقى نخش بال انا كده اديتك ايه نبذه عن الموضوع من بره ان التوصيل بيحصل في الاجسام الصلبه والحمل بيحصل في الموائع المواد السائله والغازيه والتوصيل بالاشعاع بيحصل عن طريق اشعه الشمس وحاجات شبه كده هناخدها بس تعال بقى نتكلم بالتفصيل عن طرق انتقال الحراره بالتوصيل قال لك عند لمس ملعقه معدنيه موضوعه في فنجان شاي مثلا سخن فان الحراره تسري من الشاي الى الملعقه ومن الملعقه الى اليد بطريقه تعرف بالايه بقى؟ بالتوصيل الحراري لان هي كده حصلت في ماده يا اخوانا صلبه طيب قال لك هنا هنبدا ناخد تجربه كيفيه انتقال الحراره بالتوصيل قال لك مثلا هنجيب مثبت اهو ونحط عليه دبابيس الدبابيس دي محطوطه بشمع قافلين يعني ايه مثبتينها بشمع ايه اللي هيحصل قال لك هات شمعايه وابدا ولع هتبدا الحراره تمشي تمشي تمشي فقول لي كده انهي اول دبوس هيقع هتقول لي الدبوس رقم واحد ثم الدبوس رقم اثنين ثم الدبوس رقم لاثه ثم الدبوس رقم اربعه اقول لك ليه ليه؟ تقول لي يا مستر عشان الحراره مشيت في هذا الاتجاه. طب منطقي بس تعرف ان دي عندنا ليها كلام لازم يتقل ازاي تعال اقوللك قاللك اهو عند تسخين طرف ساياق معدنيه مثبت فيها عده دبابيس بقطع من الشمع الصغيره قال لك يلاحظ تساقط الدبابيس بالتتابع من الاقرب للشمعه الى الابعد عنها طيب حيث بتبدا تنتقل الحراره على امتداد الساق المعدنيه من النقطه الاعلى الى النقطه الاقل في درجه الحراره عن طريق حاجه اسمها الايه بقى يا اخوانا التوصيل يعني ايه يعني انا لما اجي اقول لحضرتك في الشكل اللي قدامك ده اللي حصل ايه؟ قلت له يا مستر الحراره بدات تنتقل في هذا الاتجاه عشان كده الدبوس رقم واحد وقع الاول ثم الدبوس رقم اثنين ثم الدبوس رقم ثلاثه ثم الدبوس رقم اربعه نفس الفكره انت لو جبت معلقه وحطيتها على البوتاجاز وماسك ساق المعلقه من هنا وبدات تولع من هنا هتبدا الحراره تمشي واحده واحده واحده لحد ما توصل ددك فتلسعك يعني الحراره مشيت في اتجاه معين من الجسم الاعلى للجسم الاقل في درجه الحراره عن طريق حاجه اسمها التوصيل اللي بيحصل في الاجسام الايه يا اخوانا الصلبه هنا بقى عندي ليها كلام اللي هو تفسير انتقار حركتيل قال لك انه عند تسخين طرف ساق معدنيه تزداد طاقه حركه الجسيمات الموجوده بها فتهتز بدرجه اكبر يعني الراجل هنا حط لك الشمعه اللي احنا قلنا عليها اهو وبدا يولع في ساق معدنيه الساق المعدنيه فيها جسيمات الجسيمات قدام عين حضرتك اهو بدات لما انت بتسخن الجسيمات بتاعه الماده الماده الصلبه انت كده بتبدا تزود من طاقه الحركه بتاعتها بس انت عارف ان الماده الصلبه لما بتزود من طاقه الحركه بتاعتها بتبقى اهتزازيه في موضعها يعني هل الجسيم دوت لما بتسخنه طاقه حركته بيزيد فبيتحرك لا هو اهتزازه في موضعه بيزيد فيبقى انت لما بتسخن طرف ساق معدنيا كده بتزود من طاقه حركه الجسيمات فبتبدا فبينتقل قل بعضا من طاقه هذه الجسيمات عند تصادمها مع الجسيمات المجاوره لها فتزود من طاقه حركه الجسيمات المجاوره وبنفس الكيفيه ينتقل جزء الطاقه او جزء من الطاقه للجسيمات التاليه دون ان تنتقل الجسيمات من موضعها يعني زي ما انا لسه قال لحضرتك هل انت شايف ان الجسيم ده اتحرك من مكان روح لاخر المكان لا الجسيم دوت انا لما سخنته بدا يزود من طاقه الحركه بتاعته فبدا بدا يهتز في موضعه فلما اهتز في موضعه هز الجسيم اللي جنبه فسخن فزود طاقه الحركه ف بدا يهتز في موضوعه زياده فهز اللي جنبه وهكذا وهكذا وهكذا وهكذا وهكذا لحد ما الحراره تبدا تنتقل من الجسم الاعلى في درجه الحراره للجسم الاقل في درجه الحراره عن طريق حاجه اسمها التوصيل اللي بتحصل في المواد الصلبه وحط لي تحتها 100 خط صلي على بي وهنا نبدا ناخد تعريف بقى التوصيل الحراري وده اللي يهمني تعريف التوصيل الحراري اللي هي الطريقه الاولى من طرق انتقال الحراره هي انتقال الطاقه الحراريه خلال الاجسام الايه يا ابويا الصلبه من نقطه الى اخرى وده بيحصل دون انتقال جسيماتها من موضعها يعني الجسيمات بتبقى عامله كده فيبدا اسخن الباشا فلما يسخن ازود من طاقه الحركه بتاعته فيهتز زياده فيهز اللي جنبه فيسخن فيزود منطقه الحركه بتاعته فيهتز زياده فيسخن اللي بعده وهكذا وهكذا وهكذا هل الجسيم ده اتحرك من مكانه لا هو سخن فزودت من طاقه الحركه فهز اللي جنبه وهكذا وهكذا وهكذا يبقى ده بيحصل دون انتقال الجسيمات من موضعها يبقى ايه هو تعريف التوصيل الحراري هو انتقال الطاقه الحراريه خلال الاجسام الصلبه من نقطه الى اخرى دون انتقال جسيماتها من موضعهااني هي انتقال الطاقه الحراريه خلال الاجسام الصلبه من نقطه الى اخرى دون انتقال الجسيمات من موضعها طيب عندي حاجه بقى اسمها التوصيليه الحراريه انا مش حاب اخد التعريف غير لما افهمك يعني ايه التوصيليه الحراريه بص يا سيدي هنروح نجيب برده شمعه حلوه كده ونبدا ا نجيب ساق من النحاس هنا ونجيب نجيب سائق من الحديد هنا ونعلق هنا اربع دبابيس ونعلق هنا اربع دبابيس وهنبدا نسخن الاثنين عند نفس درجه الحراره وطبعا انت عارف ان الدبابيس المتعلقه هنا متعلقه بشمع والدبابيس المتعلقه هنا برده متعلقه بشمع ف بدات اسخن ساق النحاس وساق الحديد ببص بعد فتره لقيت ان الدبابيس بتاعه ساق النحاس بتقع الاول دبوس الاول وقع والثاني وقع وقع والثالث وقع والرابع هيقع وكل ده وثق الحديد ما وقعش من عندها غير دبوس ما معناه ان كل الدبابيس بتاعه النحاس وقعت والحديد لسه قال لك ده معناه انه كده الحراره مشيت في النحاس كله قصدك ايه؟ قصدي ان التوصيليه الحراريه للنحاس كبيره يعني ايه يعني النحاس بيوصل حراره بسرعه اسرع بكتير من الحديد اه حلوه كده يبقى دي اللي اسمها بقى التوصي صيليه الحريه هي مقياس لمدى قابليه الماده لتوصيل الحره خلالها يعني لو حضرتك رحت النهارده البيت جبت مثلا حاجه شبه القلم ده من الحديد وحاجه قد القلم ده من النحاس وحاجه قد القلم ده من الالومنيوم وجبت الثلاثه حطيتهم على نفس النار ومسكت الثلاث الثلاث قلام كده مثلا وماسكهم بايديك هتلاقي ان النحاس اول واحد هيوصل حراره وهيسخن في ثانيه مش هتبقى قادر بتمسكه وهتسيبه بعدها بشويه ممكن تلاقي الالومنيوم سخن فهتسيبه اخر واحد هيبدا يوصل لك حراره للحديد فيبقى كده في حاجه اسمها التوصيليه الحراريه ان مش كل المواد اللي بتوصل حراره بتوصل بنفس المقدار في بيوصل حراره بسرعه وفي متوسط وفي بيوصل حراره كتير فده بيبقى تحت بند حاجه اسمها التوصيليه الحراريه وهي مقياس لمدى قابليه الماده لتوصيل الحراره خلالها يبقى التوصيليه الحراريه وجايه من كلمه توصيل توصيل عشان بتحصل في المواد الصلبه يبقى التوصيله الحراريه مقدار او مقياس لمدى قابليه الماده لتوصيل الحراره خلالها وج الراجل عمل لك التجربه اللي احنا حكينا فيها دي خلاص كل ده ايه رغي المهم احنا يهمنا الكلمتين دول انه ترتب العناصر الطبيعيه حسب توصيليتها كالتالي اكتر واحد يا جماعه بيوصل حراره رهيب في توصيل حراره بيوصل حراره في ثواني معدوده هو الماس ده اكبر واحد يجي بعديه الفضه لو انت عندك مثلا خاتم من الفضه او اي حاجه من الفضه قدرت انك تشكلها بطريقه ما وتوصل حراره هتلاقيها بتوصل حراره عاليه جدا يجي بعديهم في الترتيب النحاس يبقى التوصيليه الحراريه لمين اكبر ما يمكن بيوصل حراره كبيره جدا الماس بعديه مين الفضه بعديه مين النحاس صلي على النبي فنيجي بقى دلوقتي نعرف لك ايه هي بما ان في مواد بتوصل وصل حراره فاكيد في مواد ما بتوصلش حراره والمواد اللي بتوصل حراره اسمها المواد الموصله حراريا فعرف لي كده المواد الموصله حراريا ا زي النحاس والحديد والفض يا مستر ايوه ايوه مالهم ا دي مواد جديده توصيل الحراره جدع يلا طب قول المواد اللي عازله حراري او اللي مش بتوصل حراره هي المواد ا رديده توصيل الحراره ما انت شاطر اهو والله شاطر طيب اديني امثله على المواد الموصله للحراره الحديد النحاس الالومنيوم الفضه الماس صح يالا طب اديني امثله على المواد العازله حريا مش بتوصل حراره الخشب مظبوط ام ا البلاستيك صح يالا يبقى المواد الموصله حراريا هي مواد جيده التوصيل الحراري يعني توصيليتها الحراريه مرتفعه طب المواد العازله مواد رديئه التوصيل الحراري يعني توصيليتها الحراريه منخفضه طيب مين المواد بقى اللي بتوصل حراره قال لك زي الماس والفلزات بشكل عام بقى الومنيوم نحاس حديد فضه قول زي ما تقول طب المواد العازله حراريا مش بتوصل حراره الخشب والبلاستيك ما بيوصلوش معانا حراره ده شغل ثاني اعدادي ده اه ما انت في ثانيه اعدادي صحيح ماشي هنا ادانا سؤال بيقول لك من التجربه الموضحه بشكل مقابل هل الساق اكس مصنوعه من الالومنيوم ام الخشب وكيف يستدل على ذلك ما الذي تستنتجه من تتابع سقوط مشابك وراك طبعا انت شايف حضرتك ان انا هنا حاطط شمعه وفي ساق من ماده اكس انا ماعرفش الماده دي ببص لقيت ان القطع الشمع بتبدا تقع والراجل هنا مديك ملحوظه ان المشابك الورق دي مثبته بشمع يعني معنى كده انه لو في حراره في المكان دوت الشمع هيسيح وبناء عليه ال المشابك هتقع ولكن لو الساق دي من الخشب الحراره مش هتمشي فيها لان هي الخشب ماده عازاه للحراره ولو الساق دي من ماده ماده موصله للحراره فطبعا الحراره هتمشي فهتسيح الشمع فالمشابك هتقع وبناء عليه ده سؤال اهبل فانت طبعا عارف ان الساق دي هل هي الومنيوم ولا خشب مستر ما الحراره مشيت وسيحت الشمع والمشابك وقعت والدنيا حلوه فاكيد دي طبعا المنيوم طيب وكيف يستدل على ذلك من سقوط الشمع اللي قدام حضرتك او من سقوط المشابك الورقيه اللي معلقه بالشمع قدام حضرتك يبقى الساق دي مصنوعه من الالومنيوم لانه من المواد الموصله حريا وبيستدل على ذلك من انصهار الشمع المثبت به مشابك الورق ما الذي تستنتجه من تتابع سقوط المشابك الورقيه يعني ليه ده وقع الاول بعديه ده بعديه ده بعديه ده بعديه ده لان طبعا انت عارف ان تعريف ال انتقال الحراره بالتوصيل او التوصيل الحراري هو عن طريق ان الجسيمات بتبدا تسلم بعضها وهي ثابته في مكانها وبيبدا يتحرك من الجسم الاعلى في درجه الحراره للجسم الاقل في درجه الحراره يبقى انتقال الحراره من نقطه نقطه من النقطه الاعلى في درجه الحراره للنقطه الاقل في درجه الحراره خلال ساق الالومنيوم بطريقه تسمى طريقه التوصيل اللي قلت لك 100 مره ان هي بتحصل في الاجسام الايه يا حبيب قلبي الصلبه صلي على حبيبك النبي يجي امشي امشي طيب علل توضع البيتزا في علب من الكرتون ليه بنحط البيتزا في علب من الكرتون من وجهه نظرك والله يا مستر عادي يعني الكرتون رخيص اه لا مش قصه الكرتون رخيص يا عم يعني غير كده يعني ليه مثلا ما نحطش البيتزا في في علبه معدنيه مستر معدنيه ازاي المعدن غالي هاها لا يا عم مش قصدي والله معلش يا جماعه سيبوني عادي يا اخوانا عادي بقى ماشيوا معايا الدنيا يا جماعه العلبه المعدنيه بعيد عن ان هي غاليه والكلام ده ان هي ماده موصله حراريا وانا عايز امسك علبه البيتزا كده اكلها كده وانا مش عايز حاجه حديد امسكها يعني توصل لي حراره فبناء عليه بحط الكرتون لان الكرتون للاحتفاظ بها سخنه لان الكرتون من المواد المالها عازله للحراره لكن لو حطيتها في علبه معدنيه العلبه المعدنيه هتبدا تكتسب حراره لان الحراره بتنتقل من الجسم الاعلى في درجه الحراره اللي هو البيتزايه للجسم الاقل في درجه الحراره اللي هو القطعه المعدنيه وبناء عليه البيتزا هتبرد بسرعه وانا عايز اكلها سخنه فهحطها في حاجه عازله للحراره زي علبه الكرتون يبقى للاحتفاظ بها ساخنه لان الكرتون من المواد العازله للحراره يجي يسال حضرتك في البيت الاواني اللي عندك في البيت مصنوعه من ايه؟ والله من الالومنيوم او النحاس او او طب الايادي بتاعتها المقابط بتاعتها من الخشب او من البلاستيك ليه؟ لان الالومنيوم والنحاس والحاجات دي من المواد الموصله حراريا فهتطهي الاكل بسرعه ولكن المقابط بتاعتها من الخشب او من البلاستيك عشان دي عوازل حراريه بتحميني وانا بطبخ فيجي يسالك سؤالين اهبل من بعض تصنع اواني الطهي من المعادن لارتفاع توصيليتها الحراريه بينما تصنع المقابض بتاعتها من البلاستيك او الخشب لانخفاض توصيليتها الحراريه صلي على النبي اهو السؤال اللي جاي ده هو سؤال كويس شويه وممكن ده يجي لك في امتحان نص السنه بيقول لك ايه بقى وضع الواح من حاجه اسمها البوليستيرين حاجه اسمها البوليستيرين حاجه اسمها البوليستيرين يجي لك سؤال اكمل الواح نقط توضع بين قوالب الطوب المفرغ في تشييد المباني يبقى الواح البوليستيرين طيب الناس اللي معاها فلوس ربنا يزيدهم يا رب ا بيبقى الحيطان عندهم في البيت مش زي عندنا احنا عندنا يا دوبك على قد طوبتين كده بتحطوا ربنا يكرمنا ويزود رزقنا ان شاء الله ويبقى عندنا بيوت نقدر ان احنا نعمل الحيطه الكبيره الحلوه دي الحيطه الكبيره الحلوه دي بقى المهندسين بيبداوا يحطوا هنا طوب وهنا طوب وفي النص لوح اسمه لوح البوليستيرين ليه بقى يعني الحته الحمراء دي طوب والحته الحمراء دي طوب والحته الزرقاء دي مثلا بتبقى عباره عن الواح من البوليسترين مالها الواح البوليسترين ده قال لك الواح البوليسترين دي ماده ماده عازله للحراره ماده بتقدر ان هي تعزل الحراره او ماده يعني لو درجه الحراره بره وصلت ل 50 انت تبقى قاعد جوه في بيتك ولا شغل الدنيا ليه؟ لان الواح البوليستيرين اللي موجوده بين الطوب المفرغ ده بتبدا ان هي تعزل درجه الحراره بره عن جوه تماما فليه بنحط الواح من البوليسترين بين قوالب الطوب المفرغ وهنا ركزلي على الطوب المفرغ دي عشان عايزها دلوقتي لان انت طبعا عندك انواع الطوب عندنا طوب مفرغ اللي هو طوب فيه فراغات هوا كده وفي طوب مصمط طوب مصمط بتاع زمان بتاع زمان ده كان الطوبه دي تروح جا ضاربها في دماغ واحد قسمها له نصين الطوب المفرغ ده خلاص سيكي ميكي خالص المهم يبقى ليه بنحط الواح من البوليسترين بين قوالب الطوب المفرغ عند تشيد حوائط المباني قال لك لان البوليسترين والهواء الموجود في فراغ الطوب ده الاثنين البوليستيرين والهواء اللي موجود في الفراغات ما بين الطوب ده من المواد العازله للحراره وهو ما يمنع التغيرات السريعه في درجات الحراره داخل المباني عند تغييرها خارجها يعني لو درجه الحراره بره كبيره ايه اللي بيحمي جوه المبنى من انه يتعرض لدرجات الحراره الكبيره دي رقم واحد الواح البوليسترين رقم اثنين الهواء اللي موجود جوه الطوب المفرغ ده صلي على حبيبك النبي يجي يقول لك علل وجود انظمه تبريد داخل الاجهزه الالكترونيه مثل اجهزه الكمبيوتر والهواتف الذكيه تستخدم فيها مواد جيده توصيل الحراره زي الفضه لو جبت مثلا جهاز الكمبيوتر بتاعك وبدات ان انت تبص على الالواح بتاعته هتبدا تلاقي ان هي فيها مواد موصله للحراره كويسه التليفونات برده فيها مواد موصله للحراره كويسه زي مثلا ماده الفضه ليه؟ قال لك لان الفضه ماده بتوصل حراره كويس وبناء على ان هي بتوصل حراره كويس فهتبدا تاخد الحراره من جوه المكان من جوه الموبايل من جوه الكمبيوتر بيوتر وتبدا تخرجه بره فتبدا تحافظ على درجه الحراره الداخليه للجهاز بتاعنا وده طبعا اللي بيحفظه من التلف الجهاز بتاعك لو سخن زياده ممكن يفرقع في وشك ممكن ما يشتغلش تاني تليفونك لو سخن زياده ممكن ما يشتغلش تاني فيبقى ده للتخلص من الحراره المتولده في المكونات الداخليه والتي قد تؤدي الى ضعف ادائها وربما تلفها يبقى الفضه بتبدا تاخد الحراره من جوه تطلعها بره يعني بتبدا تتخلص من الحراره المتولده في المكونات الداخليه وتطلعها بره وده عشان ابدا احافظ على ان الجهاز عندي يفضل بارد ويفضل هادي وكده احافظ عليه من التلف صلوا على النبي عندك ملحوظتين مهمين جدا الملحوظه الاولانيه بيقول لك يفضل ان انا قلت لك بقى فيها من شويه عندك نوعين من الطوب طوب اسمه الطوب المفرغ كلنا عارفين شكله وفي طوب اسمه طوب مصمد بيبقى يبقى ده ده الطوب بتاع زمان الناس بتوع زمان هم اللي هيعرفوه طوبايه طوبايه كده طوبايه مقفوله متقفله ما فيهاش الهواء فزمان كانوا بيستخدموا الطوب ده بس الطوب ده اللي هو المصمط ما كانش احسن حاجه في العزل الحراري ليه؟ لانه في بعض الناس فكروا قال لك طب ما احنا نعمل الطوب مفرغ طب هنستفاد ايه؟ قال لك ما اول حاجه يعني بيني وبينك هنوفر في في الماده شويه يعني بدل ما كنا بنعمل طوبايه مصمطه مليانه عجينه مثلا يعني لا هنبدا نقلل من التكلفه شويه بان احنا نحط بينها فراغات وغير كده الفراغات اللي موجوده دي اللي هو الهواء انت عارف ان الهواء هل الهواء موصل جيد للحراره ولا عازل لا الهواء عازل انا لو جبت دلوقتي مثلا شمعايه ولا ولعايه حطيتها بيني وبينك مش هتوصل لك حراره بقدر كبير يعني لان الهواء يعتبر من العوازل ف الطوب المصمط ده ما بنحبش نستخدمه وما بقيناش نستخدمه اصلا دلوقتي في صناعه المباني وبقينا بنستخدم خدم الطوب المفرغ ده فليه بيقول لك يفضل عند تشييد جدران الحوائط استخدام قوالب الطوب الطفلي المفرغ عن قوالب الطوب الطفلي المصمت ليه بقىنا نحب نستخدم المفرغ ده عن المصمط قال لك لان التوصيليه الحراريه للهواء الموجود في فراغات الطوب المفرغ اقل بحوالي 20 مره من التوصيليه بتاعه ماده الطفل يعني التوصيليه الحراريه لده للطوب المفرغ اقل قال لي 20 مره من التوصيليه الحراريه لده يعني ده ما بيوصلش حراره نهائي ده بيوصل حراره قده 20 مره يعني الطوب المصمد بيوصل حراره قد الطوب المفرج 20 مره فلا اروح استخدم المفرغ استخدم اللي فيه هواء عشان الهواء عازل كويس جدا فيبقى لان التوصيليه الحراريه للهواء اللي موجود في فراغات الطوب المفرغ ده اقل بحوالي 20 مره من التوصيليه بتاعه الطوب المس على النبي وكمان عندك ملحوظه انه استخدام الواح عازله من البوليسترين بين حوائط المباني ووجود الهواء بينها يقلل من تكلفه تكييف الهواء داخل المباني يعني لو حضرتك عايز تقلل من تكلفه تكييف او ما تجيبش تكييف اصلا عندك في الاوضه ابدا روح هات هات الواح من البوليسترين وحطها بين قوالب الطوب المفرغ فرقم واحد الهواء اللي موجود في قوالب الطوب المفرغ هيعزل الحراره اللي بره رقم اثنين الواح البوليسترين هتعزل الهواء اللي بره فانت كده هتبدا تحافظ على درجه درجه حراره المكان من غير ما تشتري تكييف وتكلف نفسك يعني لما تجيب الواح البوليسترين مش هتكلف نفسك صلي على النبي كده احنا يا شباب خلصنا مع بعض اول جزء في الدرس الرابع عندنا وهو الدرس الاخير في الوحده الاولانيه وبامر الله تعالى الحصه دي تنزل لكم يوم السبت تقريبا او الاحد لسه بنعمل استفتاء على ال على القناه الواتساب اتمنى تكون موجود فيها عشان خاطر بنتناقش فيها وهيبدا الفتره الجايه برده ينزل لك اسئله كويسه قوي على الفيسبوك ونبدا ندفع كاشات بقى ونبعت لك فلوس بقى لو جاوبت صح معانا بس هتبقى اسئله مستويات عليا فركز فيها كويس قوي وربنا يقدرنا بامر الله تعالى ونحاول لما نخلص الشرح نحاول نراجع كده مراجعه سريعه ونصور لكم كمان حل خليكوا انتوا بس في ضهرنا وادعمونا وبامر الله تعالى الدنيا هتبقى زي الفل ونحاول نصور لكم المنهج كله والحل بتاعه وكمان نكون في تفاعل دائم مع بعض على قناه الواتساب وكمان على البيدج بتاعه الفيسبوك ف احنا كده الجزء الاول انت عارف طبعا ان احنا بننزل الدرس على جزئين كده الجزء الاول ا خلصناه محتاج من حضرتك في كتاب الامتحان تحل التقييم رقم واحد بنفسك لو سمحت جرب تحله بنفسك واغلط واغلط عشان في الجزء الثاني اللي هنزلهوللك كمان كام يوم بامر الله هبدا معاك بحل التقييم على الجزء الاول اللي احنا خلصناه النهارده وهكمل لك شرح الدرس اللي هو بيتكلم معاك عن الطريقه ثانيه لانتقال الحراره اللي هي الحمل والطريقه الثالثه اللي هي الاشعاع هنخلص الكلام ده ونبقى خلصنا الوحده الاولى كامله ونبدا بقى ننزل لك اسئله على بيدج الفيسبوك زي ما قلنا وطبعا على القناه بتاعه الواتساب بنشوف ردود الافعال وبنشوف الطلبه وصلت لفين طب محتاجين ايه طب طب طب عشان خاطر نبدا بامر الله تعالى نكون ناس مفيدين بالنسبه لك اتمنى تكون استفدت واتمنى اكون شخص مفيد بالنسبه لك ومش طالب منك غير دعوه حلوه واشوف وشكم على خير واستغفر الله لي ولكم والسلام عليكم ورحمه الله وبركاته