شرح درس مؤشرات التنمية البشرية جغرافيا 2 ثانوي 2025 المستر إسلام حسن

رجالتي شباب وبنات ثانيه ثانوي وحياكم الله ابطال السلام عليكم ورحمه الله يا رب تكونوا بافضل حال وبصحه وعافيه تامه رجاله شباب المستقبل الجميل النهارده معادنا ان احنا نشرح درس مؤشرات التنميه البشريه النهارده يا مستر هنشطب على الدرس النهارده يا ولدي هبسط لك الدرس كله وهخليه لك من اسهل الدروس اللي في المنهج فيلا بينا نتوكل على الله بسم الله نبدا بص يا سيدي بدايه كده الدرس ده في اللطيف الخفيف منه يعني درس كده مش مجعلص يلا بينا يلا بينا بص يا سيدي في البدايه احنا عايزين نشرح عنوان الدرس يعني ايه يا مستر مؤشرات التنميه البشريه ده هي هقول لك يا واد بسال عليا يعني ايه يا مستر مؤشرات بص لو انت واحد شاطر في اللغه العربيه هو مفرد كلمه مؤشرات ايه مؤشر طيب مش انت لو انت كنت راكب عربيه مثلا في يوم من الايام ان شاء الله حتى مواصلات بتشوف عداد كده موجود السوا بيفضل يبص عليه العداد ده بيقول لي السواء هو احنا ماشيين على سرعه 20 ولا سرعه 30 ولا سرعه مثلا 50 او عداد البنزين يقول له البنزين قرب يخلص ولا البنزين قل عارف العداد ده اسمه مؤشر تمام فالعداد بيقول لك مثلا احنا ماشيين على سرعه 10 ده اسمه مؤشر احنا ماشيين على سرعه 50 يبقى المؤشر بيشاور على رقم 50 يبقى احنا ماشيين على سرعه سرعه كام؟ على سرعه 50 طيب فدلوقتي المؤشر بيديك كلمه ولا رقم؟ بيديني رقم 10 50 60 بيديني رقم حلو جدا فلو جيت بقى كده تبص على تعريف كلمه المؤشر في المنهج عندك بيقول لك ايه؟ هو رقم احصائي يعني ما بيقولكش مثلا المؤشر ان في جهل لا بيقول لك رقم معين حلو المؤشر ده يا مستر بيديني رقم ايه؟ بيديك رقم يمثل ظاهره معينه خلال فتره زمنيه محدده بمعنى يا مستر حاسس اني مش فاهم هقول لك يعني لو مثلا المؤشر بيقول ان نسبه المتعلمين في مصر 60% يبقى هو كده بيشاور على رقم احصائي بيشاور على رقم احصائي اللي هو رقم 60 يمثل ظاهره معينه وهي ظاهره التعليم بيقول لك ان نسبه التعليم في البلد 60% يبقى هو بيشاور على رقم احصائي يمثل ظاهره معينه وليكن ظاهره التعليم فهمت المبدا تقريبا كده يا مستر بدات اجمع اهو خلال فتره زمنيه معينه اقول لك مثلا مصر كان فيها 60% متعلمين في 2000 ومثلا و20 تمام ده في فتره زمنيه معينه طب يا مستر هو انا ليه بعمل حاجه زي كده وبتعب نفسي هقول لك علشان ده بيعكس مدى نجاح الدوله في تحقيق التنميه بابعادها المختلفه هو بذمتك ينفع في اخر السنه اقول لك ان انت نجحت واسيبك تمشي لا لازم اقول لك ايه بص انت نجحت بتفوق لكن فلان نجح بدرجه ضعيفه فلازم انت تكون عارف مدى نجاح الدوله في تحقيق التنميه بابعادها المختلفه بمعنى انا دلوقتي لو هديك شهاده مش هقول لك انت ناجح ويلا امشي هقول لك انت جبت كام في العربي وجبت كام في الجغرافيا وجبت كام في التاريخ وجبت كام في الاحصا لازم اقول لك الابعاد المختلفه بتاعه النتيجه كذلك المؤشر المؤشر يقول الدوله ايه الدوله دي عندها 60% متعلمين لكن الصحه اقل من 20% يبقى الصحه قليله صح الدخل اعلى من 90% يبقى ده دخل عالي صح كده ولا انا غلطان فنبدا نحل مشكله الصحه فالمؤشر بيقول لك مدى نجاح الدوله في تحقيق التنميه بابعادها المختلفه. حلو يعني يا مستر تقدر تقول ان المؤشر ده حاجه بتساعدني في التنميه طبعا. طيب ممكن يا مستر تقول لي خصائص المؤشر بص يا سيدي المؤشر ده بيكون رقم واحد قابل للقياس بمعنى انا بقول لك ان هو 60% قابل للقياس اقدر اقيسه اقدر اعد عدد المتعلمين في الدوله واقول لك نسبتهم كذا في المقابل للقياس لانه رقم اثنين بيكون سهل التفسير بمعنى لما اقول لك مثلا ان نسبه المتعلمين في السعوديه 70% انت عارف ان 70% من سكان السعوديه متعلمين سهله التفسير سهله جدا ان يكون واقعيا بمعنى ايه بقى ان يكون واقعيا يعني على سبيل المثال انت لو ماشي في الشارع ورحت عند البقال كده فبتقول له ايه بيقول لك ايه يا عم احمد فيقول لك قول يا عايز ايه بيبسي ولا دي مقاطعه ولا اجيب لك شويبس فانت تقول له ايه لا يا عم احمد انا عايز اسالك على حاجه ثانيه تفتكر مصر المتعلمين فيها اكتر اكتر ولا الاميين فيها اكتر فقول لك يا جدع دي بلد بهايم ابعدنا عنها احنا عايزين نتقشح منها ونغور فتتلاقي ان عم احمد بيديك بيانات مش واقعيه خالص ليه لان هو بدماغه لكن لما تروح مثلا للحكومه للجهاز التعبئه العامه والاحصى فتقول له نسبه المتعلمين في مصر كام؟ فيقول لك مثلا 65% 67% 90% ده بالنسبه لي رقم واقعي انما المعلومات اللي انت بتاخدها من عند عم احمد البقال لا ده يكفي ان انت تاخد منه المنتجات اللي مش مقاطعه وتسيبه وتمشي تمام ان يستند الى بيانات صحيحه زي ما قلت لك من شويه ان احنا ما ينفعش نروح ناخد المعلومات من عم احمد لا المعلومات بناخدها من مصدر موثوق حلو الكلام حلو الكلام مستار نعم هو احنا بندرس الكلام ده كله ليه سؤال جميل جدا هو انت ليه مطالب تعرف اهميه التنميه البشريه او اهميه مؤشرات التنميه البشريه المؤشر ده بيفيدني في ايه؟ هقول لك بيفيدني في خمس اهميات مستر مش خمسه انت بتخمس في وشي هحسدك انا يعني يا واد انت هم خمس اهميات بجد طب قولهم لي رقم واحد معرفه مدى تقدم او تاخر المجتمعات او الدول بمعناه لو تلاقيت دوله معينه التعليم فيها نسبه المتعلمين اكت من 90% ده رقم عالي يا نهار ابيض ده رقم عالي جدا واتلاقيت ان الناس الدخل بتاعها عالي لاكتر من مثلا من 89% ده رقم عالي ده رقم عالي قوي لو اتقيت الناس اللي صحتها كويسه اكتر من 95% يا نهار ابيض وش دي دوله متقدمه دي مش احصائيات دوله دي احصائيات نادي ريال مدريد وبرشلونه 2015 حرفيا دي مش احصائيات دوله احصائيات جامده جدا فعلى طول انا جمعت دوله قويه طب بص كده دوله احصائيات التعليم بتاعتها 25% والصحه 30% والدخل 15% بس صباح الفل دي دوله ضعيفه طب انت عرفت منين يا عم الحاج يا مستر لي عرفت منين انت مش شايف الارقام دي ارقام يا مستر مهببه بنيله ارقام وحشه خالص اهو بقى اللي بيقول لك الارقام دي المؤشر ادي اول اهميه حلو رقم اثنين قياس مقدار استفاده المجتمع من خطط التنميه بمعناه المؤشر ده بيقول لك هو مين اللي مستوى الدخل بتاعه عالي الاغنياء والله طب والفقير ده في فقراء كتير يبقى كده ما فيش عداله في التوزيع يبقى انت كده عملت ترميه بشريه لا يا باشا ما عملتش ليه ما فيش معادله ما فيش مساواه ما بين الرجل الغني والراجل الفقير فيبدا المؤشر يديك البيانات دي رقم لاثه بيقول الوقوف على ما تحظى به او تفتقر اليه الدوله في بعد من هذه الابعاد الصحه او التعليم او الدخل او غيرهم بمعناه هو دلوقتي مثلا على سبيل المثال ينفع دوله مستوى الصحه فيها 95% انها تبني مستشفيات كتير كتير كتير يا مستر ايه المشكله لو الدوله دي مثلا نسبه التعليم فيها 50% تبني مدارس ولا تبني مستشفيات تعلم الاطفال ولا تخرج اطباء؟ لا يا مستر كده انا فهمت قصدك انت تقصد مثلا ان هو لو نسبه الصحه فيها عاليه والتعليم قليل يبقى اهتم بالتعليم اكتر دي اللي انا عايز اوصل لها المؤشر يقدر يقول لك هي الدوله دي في قلبها صحه كتير وتعليم قليل يبقى اهتم بالتعليم الدخل عالي بس الصحه قليله اهتم بالصحه فهمت الفكره فيبدا يقول لك الدوله بتفتكر قر لايه وفي قلبها ايه مميزات معنى تحظى به يعني فيها مميزات ايه حلو اربعه تشخيص وتحديد حجم المشكلات للوقوف على الوضع الراهن تمهيدا لوضع افضل الحلول بمعنى مش يقول لك ايه انا رحت للدكتور وشخص الحاله ان هي عندها مرض شخص الحاله ان هو ما بيعرفش يقرا ويكتب يعني ايه كلمه تشخيص يعني بكشف عليك بفضل اقول ايه انا هكشف كده على دوله مصر او دوله مصر التعليم فيها كويس الصحه فيها تمام الدخل فيها عالي الدخل فيها عالي امسك الدخل في مصر قليل يبقى انا كده شخصت مصر عرفت ان الدخل فيها قليل يبقى على طول انا محتاج احل مشكله الدخل فهمت المبدا طيب ورقم خمسه والاخيره بقى متابعه وتقييم الخطط والسياسات اللازمه لتحقيق الاهداف قصيره وطويله الاجل انا دلوقتي حطيت خطه للتعليم الخطه دي بتخلي نسبه المتعلمين يزيدوا لكن كل سنه ربع في نص في يبقى الخطه دي بطيئه ما تلزمنيش غيرها حطيت خطه بدا نسبه التعليم كل سنه يزيد 5% 10% 15% الخطه دي ممتازه يبقى تقييم الخطه دي 0 ما انت لازما لما تيجي تحط خطه تقيمها تشوف جابت معاك نتائج ولا لا انا بذاكر بطريقه معينه وسيستم معين السيستم ده بيخليني اجيب درجات عاليه اه امشي عليه السيستم ده يا مستر سهل بس بجيب فيه درجات منيله ب 60 نيله بذاكر الدرس وبخش احل بجيب درجات عاليه ابقى فاهم الدرس اروح من عند المدرس اروح احل على طول ماذاكرش ما انا فاهم هتلاقيني جبت درجات زي الخر يبقى التقييم بتاعك لازما تذاكر الدرس الاول فهمت المبدا فهمت يا استاذ ن بص بقى يا سيدي هو مش انا من شويه كنت بقول لك ايه ان ساعات في العربيه بيكون فيها مثلا مؤشر للسرعه بص ده بجد العربيه بيكون فيها مؤشر للسرعه ومؤشر لدرجه الحراره بتاعه الموتور ومؤشر مثلا للبنزين تمام العربيه مثلا فيها ثلاث مؤشرات واحد ده بتاع السرعه واثنين ده بتاع الحراره والثالث ده بتاع البنزين تمام مؤشرات التنميه البشريه بقى في قلبها برده سرعه وحراره وبنزين لا امال في قلبيها ايه رقم واحد في قلبيها متوسط الدخل انا دلوقتي المفروض المؤشرات بيديني ارقام صح مؤشرات التنميه البشريه اول مؤشر وهو متوسط الدخل ببدا اقيس متوسط الدخل اشوفه كام رقم اين معدل للفقر لو الدوله الفقراء فيها كتير يبقى ما عندهاش تنميه بشريه وببدا اشوف الملامح الرئيسيه للصحه هل الدوله دي مستوى الصحه فيها عالي اه شكلها دوله متقدمه طيب مؤشرات الحاله التعليميه هل المتعلمين في البلد كتير ولا حبه صغيره ومؤشر البطاله هل الناس اللي قاعده ما بتشتغلش كتير لا شكلها دوله كويسه ليه لان فيها عماله كتير ما فيهاش بطاله طيب مستر هو احنا كده خلصنا؟ لا هنبدا بقى ناخدهم بالتفصيل هنبدا نعرف متوسط الدخل ده بحسبه ازاي هنبدا نعرف امتى اقول ان ده فقير وامتى اقول عليه مش فقير تعالى يلا بينا يلا بينا هنبدا بايه يا مستر يا باشا احنا هنصلي كده على النبي صلى الله عليه وسلم وهنبدا بمؤشر متوسط الدخل الفردي هنبدا نعرف دلوقتي امتى اقول ان فلان الفلاني فعلا قبضه بسم الله ما شاء الله عالي طب ده انا لو رحت دوله معينه ايه ده ده القبض فيها قليل لا مش عايز اسافر لها يعني مثلا انا لو قلت لك ايه تروح السعوديه ولا تروح لا ما تقلقش ده مش زلزال ده انا بس خبطت الترابيزه فالبتاعز عشان انا خفت المهم لو قلت لك تروح تروح دوله اا تشتغل في الجزائر ولا تشتغل في ليبيا بسرعه يا مستر لا دي ولا دي يا عم اختار دوله الجزائر ممكن تكون كويسه شويه يا مستر اقول لك لا ليبيا الاجر فيها عالي واعلى من مصر ليبيا الاجر بتاعها يا مستر اعلى من مصر تعالى بقى ما اشرح لك بص شايف الالوان اللي موجوده قدامك دي اه يا مستر هم مالهم يا مستر ملونين الوان زي الزفت كده ليه لا دي مش الوان زي الزفت ده مفتاح الخريطه يا اخويا تعالى كده بص لما يجي لك خريطه زي دي لازما تبص على المفتاح عدل الالوان دي بتدل على ايه متوسط نصيب الفرد من الدخل القومي ثانويا في دول الوطن العربي اه يعني انا حاليا عايز اعرف متوسط نصيب الفرد يعني الدخل بتاع الفرد القبض اخر الشهر في الدول مين الدول اللي البني ادم فيها بيقبض اخر الشهر مرتب عالي بص المرتفع اللي باللون الاورنج البرتقاني الثقيل ده طب خلينا كده اما نشوفهم ونعدهم بسم الله الرحمن الرحيم رقم واحد بص يا مستر هو انا الصراحه مش عايز اقولها بس يعني مضطر رقم واحد دوله ليبيا اه يا اخويا دوله ليبيا فعلا تعتبر من الدول اللي الدخل فيها عالي فخيل ان المواطن الليبي البني ادم اللييبي القبض بتاعه اعلى من المصري ازاي انا ذات نفسي استغربت بس نمشي بقى السعوديه طبعا السعوديه من الدخل فيها عالي عارفين المعلومه دي وبعد كده عمان دوله عمان ادي الدوله رقم كام ادي الدوله رقم لاثه وبعد كده دوله الامارات دوله رقم اربعه بعد كده قطر رقم خمسه الكويت سته البحرين سبعه في دوله انت ما اخدتش بالك منها لبنان 8انيه يعني كده بقى يا مستر تقصد تقول لي ان في كام دوله عربيه الدخل بتاعهم عالي مرتفع مانيه مين هم بص هنقول دوله واحده في افريقيا هي ليبيا وبعد كده بقى عندك دول الخليج اللي هي ايه السعوديه عمان ا الامارات الكويت البحرين الخمسه يا مستر برافو عليك وفاضل دوله اسمها لب لبنان ثمان دول كلام جميل فدلوقتي كده انت لو نزلت على دول ذات دخل مرتفع دول القبض بتاعها عالي هنتلاقي عندك مين بص دي اسمها دول الخليج العربي هعملهم لك باللون الازرق السعوديه والامارات والكويت قطر والبحرين وعمان الدول دي بالذات كده تتحط في باترينا ازاز لوحدها اسمها الدول خليج عربي اسمها دول الخليج تمام تمام مش يقول لك ايه ده جاي من الخليج اللي هو جاي من اني دوله في الخليج ما فيش دوله اسمها الخليج هم خمسه سوري سته وهتعرف الثالثه ثانوي اصلا ان هم سبعه بس عندك في المنهج ده احفظ السته حلو لان في دوله اسمها العراق العراق من دول الخليج العربي لكنها دوله فقيره فهمت الفكره فانت عندك السعوديه ادي دوله من دول الخليج العربي الامارات الكويت قطر البحرين عمان الدول دي يا سيدي تحديدا هي دول الدخل بتاعها عالي فيجيلك في الامتحان بقى يقول لك ايه هو ليه الدول دي تحديدا الدخل بتاعها عالي هتقول له لان هي عندها بترول وغاز طبيعي بترول وغاز طبيعي بيصدروا بترول كتير بيصدروا غاز طبيعي كتير ودي حاجات سعرها عالي البترول سعره عالي فطبيعي تكون دول غنيه وطبعا دوله وحيده في افريقيا ودوله ليبيا ومن بعدها دوله لبنان حلو فلو جيت كده تبص على السؤال ده بيقول لك ايه بقى السؤال ده يعود ارتفاع مؤشر متوسط الدخل الفردي في معظم دول الخليج العربي سؤال ذكي قال لك ايه قال لك معظم تعرف ليه لانك انت باذن الله معايا في ثالثه ثانوي هتكون عارف ان دوله العراق هي دوله من دول الخليج العربي فهنا ما قالكش كل قال لك معظم الى تصديرها نقط بتصدر ايه بترول وغاز طبيعي هو البترول يعتبر هو الوقود الحيوي اسمه الحفري مش الحيوي فالحيوي دي غلط الاجابه الوقود الحفري ما اسموش الحيوي الحيوي ده بتاع النباتات انما البترول والغاز الطبيعي اسمه الوقود الحفري تمام رقم اثنين بقى وهي دول عندها دخل اقتصادي متوسط مرتفع يعني ايه يعني انا عندي دلوقتي دخل اقتصاد صادي متوسط تمام في بقى متوسط مرتفع ارسم كده خط انا عندي متوسط مرتفع وعندي متوسط منخفض تمام مين هي الدول اللي عندها دخل اقتصادي متوسط مرتفع عندك دوله سوريا والاردن ومصر سوريا مصر وسوريا مصر وسوريا تونس والجزائر والمغرب مصر وسوريا تونس والجزائر والمغرب مصر وسوريا تونس والجزائر والمغرب ودوله الاردن تمام تمام يبقى مصر وسوريا تونس والجزائر والمغرب مصر وسوريا تونس والجزائر والمغرب والاردن دي دول عندها دخل اقتصادي متوسط مرتفعات تمام مين هما بقى الدول اللي عندها دخل اقتصادي متوسط منخفض عندك دوله العراق ودي من دول الخليج العربي ربي لكن فيها حروب فبالتالي عندها دخل اقتصادي متوسط منخفض تمام ادي معلومه مهمه اهي ودوله اليمن ودوله السودان وموريتانيا وجيبوتي الدول دي عندها دخل اقتصادي متوسط منخفض خد بالك ما ينفعش اكتب منخفض بس لازما اكتب متوسط منخفض ليه لان في دوله عربيه وحيده اللي عندها دخل اقتصادي منخفض وهي دوله جزر الكومر طب مستر انا على فكره لاحظت ان انتم مش كاتبين فلسطين هو انتوا ليه مش كاتبين فلسطين هو انتوا مش معتبرينها دوله عربيه ولا ايه وفي واحداني مركز يقول لك ثانيه ده ما قالوش كمان الصومال هو فين الصومال وفين ا وفين فلسطين مابص لو طلعنا كده لقلب الخريطه وهنبص كده هتلاقي في مفتاح الخريطه لون بنفسجي شايف اللون البنفسجي ده مكتوب عليه ايه لا يوجد بيانات عنها لان عندك دوله الصومال هي دوله ينتشر فيها المجاعات فاحنا حتى مش قادرين نحسب معدل دخل الفرد بسبب وجود المجاعات وعندك فلسطين بسبب وجود طبعا الكيان وفي جزء من المغرب اسمه الصحراء الغربيه او الصحراء المغربيه الجزء ده برده عباره كامله عن صحراء فما في قلبهاش سكان فبالتالي احنا ما عملناش عنها احصائيات فهمت الفكره ماشي دلوقتي بقى هنروح لحاجه اسمها مؤشر الفقر يعني ايه مؤشر الفقر؟ بص يا سيدي مش يقول لك ايه ده فلان الفلاني ده تحت خط الفقر ده على الحديده في الحديده الحديده اسمها خط الفقر بص يا سيدي وركز معايا بدايه كده معدل الفقر امتى اقول على فلان ان هو فقير وامتى اقول على فلان ان هو مش فقير ركز معايا الفقر عندي نوعين فقر اقتصادي وفق متعدد الابعاد ازاي اشرح لك الفار الاقتصادي هو عباره عن شخص عنده بيت ركز معايا عنده بيت تمام عنده اكل بيعرف ياكل نفسه تمام عنده ملبس عنده لبس تمام بيعرف يوفر مستلزماته الاساسيه زي على سبيل المثال مثلا العلاج حلو كده ولكن هو شخص للاسف الدخل الاقتصادي بتاعه قليل قبضه قليل ولكن هو عنده بيت دخله اقتصادي قليل بس والحمد لله بيعرف ياكل منه ممكن يشتري لبس ممكن يجيب علاج بالنسبه لي ده كده مثلا لكن للاسف هو عنده دخل اقتصادي قليل تمام عنده بيت بياكل والحمد لله عنده لبسه تمام عنده علاجه او لو كان محتاج علاج يعني فبالتالي هو بس مجرد ان دخله الاقتصادي قليل فده اسمه فقر اقتصادي الدخل القبض قليل هو الدخل الذي يقل عن دولار في اليوم للفرد بمعنى الدولار مثلا نفتره 50 جنيه فاي حد بيقبض اقل من 100 جنيه في اليوم قبضوا اقل من 100 جنيه في اليوم يبقى ده كده عنده فقر اقتصادي تمام تمام ممكن واحد يقبض 50 جنيه في اليوم 50 جنيه فده كده للاسف عنده فقر اقتصادي لكن ال 50 جنيه ممكن مثلا ولله الحمد بيعرف هو عنده بيت ابوه تمام عنده هدمه بيلبسها وال 50 جنيه يا دوبك الاكل بتاعه تمام فبالتالي هو مجرد بس ان هو ما عندوش رفاهيه فبالتالي ده شخص عنده فقر اقتصادي القبض بتاعه قليل اقل من دولارين في اليوم يبقى الراجل ده قبض قليل في بقى فقر متعدد الابعاد هو عباره عن ايه بقى عرفته الامم المتحده انه حاله تتصف بالحرمان الشديد من حاجات الانسان الاساسيه يعني مثلا شخص للاسف ما عندوش بيت مش لاقي ياكل ما عندوش هدوم يلبسها مش لاقي فلوس العلاج ما عندوش دخل ده كله يبقى بالنسبه لي ده مش شخص فقر اقتصادي ده اسمه ايه ده اسمه فقر متعدد الابعاد ربنا يحرمنا منه تمام اللهم اني اعوذ بك من الفقر فدلوقتي انا عندي فقر متعدد الابعاد وفقر اسمه فقر الدخل فقر متعدد الابعاد هو شامل حاجات كتير بيشمل ايه بيشمل الحاجات الانسان الاساسيه اكل شرب النوم الملبس العلاج المسكن كل دي اسمها حاجات اساسيه لو مش عندك يبقى انت فقر متعدد الابعاد فبالتالي نقدر نقول ان مفهوم الفقر متعدد الابعاد اكثر شموليه يعني ايه اكثر شموليه يعني شامل اكتر من الفقر الاقتصادي ليه الفقر الاقتصادي واحد قبض قليل بس لكن متعدد الابعاد قبض قليل ما عندوش بيت مش لاقي ياكل ما عندوش لبس مش لاقي يشتري علاج مش عارف يتعلم مجال الصحه بتاعه ضعيف ده فقر متعدد الابعاد كلام جميل لو رحنا بقى لخط الفقر هو الحد الادنى من الدخل الذي يحتاجه الفرد او الاسره لكي يتمكن من اشباع حاجاته الاساسيه بمعنى انا علشان خاطر اكل البس اشرب اعيش في سكن انا كده محتاج بقول مثلا المعدل العالمي اني بيقول 3000 جنيه تمام 3000 جنيه لو انت بتقبد اقل من 3000 جنيه يبقى انت اسمك تحت خط الفقر تحت خط الفقر لو انت بتقبض اقل من 3000 جنيه اكت من 3000 جنيه يبقى انت والحمد لله فوق خط الفقر فهمت المبدا خط الفقر عندي سنتر 3000 جنيه اقل يبقى انت تحت خط الفقر اكتر يبقى انت فوق خط الفقر طيب لو جينا نقيس بقى خط الفقر بالنسبه لمصر قال لك ايه؟ قال لك يوضح في الشكل البياني المقابل ان بلغ نسبه الفقر في مصر 17% من جمله السكان عام 2000 يعني سنه 17% من سكان مصر خط الفقر فقير تمام ومن بعد كده ارتفع المعدل ده عشان يكون 28% في 2013 رقم كبير قوي قوي يعني حوالي ربع السكان في 2013 كانوا فقراء واكتر من الربع 28% اكتر من الربع ب 3% فبالتالي ده رقم كتير كتير جدا طب ليه كتير قال لك رقم واحد بسبب انخفاض الدخل القومي الدخل القومي بتاع مصر وقتها كان قليل الزياده السكانيه الكبيره في 2013 عدد السكان زاد مره واحده فبالتالي الفقر زاد انخفاض معدلات النمو الاقتصادي ايام ما كانش عندنا مصانع فالناس تشتغل والكلام ده كله طيب نروح لمؤشر الصحه مؤشر رقم لاثه مؤشر الصحه بالنسبه لي هبدا اشوف من الناس المريضه الناس اللي مش مريضه فعندك مثلا تعكس المؤشرات الصحيه مدى تقدم او تاخر الدول في الجانب الصحي اكيد يعني اكيد المؤشرات الصحيه بتشاور على الصحه اكيد كما انها تؤثر في خطط وسياسات الدوله في جميع المجالات على المدى القريب او البعيد زي التعليم والتنميه الاقتصاديه بصفه عامه بمعنى اوضح لك لو انت دلوقتي واحد مريض مش هتيجي الدرس فالصحه بتاثر في التعليم لو انت واحد تعبان وما بتقدرش تشيل حاجه تثقيله عندك مثلا القلب لا قدر الله فبالتالي انت مش هينفع تشتغل شغلانه بتشيل فيها ثقيل فهمت المبدا دي الفكره الانفاق العام على الصحه دلوقتي احنا بنشوف شوف مجموع ما ينفق على الجانب الصحي من ميزانيه الدوله مثلا بقول لك مثلا يا ولا مثلا الدوله بيجي لها كل سنه 10 جنيه بقول مثلا علشان خاطر ابسط لك المعلومه الدوله بيجي لها كل سنه 10 جنيه مصر انت بيجيلك 10 جنيه كل سنه بتصرفي قد ايه على الصحه مصر تقول لك مثلا ده انا بصرف 2 جنيه رقم كبير تمام كده بتصرف حوالي 20% 20% على الصحه ده رقم كبير جدا طب قالت لك ايه؟ لا ده انا بصرف نص جنيه على الصحه نص جنيه يبقى ده رقم قليل فاحنا بنشوف انت بتنفك من فلوسك قد ايه على الصحه طيب بتنفق كتير يبقى انت دوله مهتمه بالصحه بتنفق قليل يبقى دوله ما بتهتميش بالصحه فقالوا لك ايه بقى ان بلغ المتوسط العالمي للانفاق العام على الصحه 6.5% % يعني لو دوله بتنفق اكتر من 6.5% يبقى دوله بتنفق جامد على الصحه طب لو دوله بتنفق اقل من 6.5% نص% يبقى دوله ما بتهتمش بالجانب الصحي فعندك الولايات المتحده في امريكا الشماليه بتنفج جامد جدا على الصحه وكوبا كوبا دي في امريكا الشماليه على فكره دي بالنسبه لي بتنفق برده على الصحه بكم كبير فين كوبا دي يا مستر اهي بص كده الخريطه دي كنت بشرح عليها للاعيب بتوع ثالثه ثانوي في المراجعه النهايه بتاعتهم بص كده كوبا اهي ادي كوبا تمام وادي امريكا وف فبالتالي انا بالنسبه لي من اعلى الدول انفاقا او اعلى القارات انفاقا على الجانب الصحي هي قاره امريكا الشماليه ليه؟ لان عندي دوله زي الولايات المتحده ودوله زي كوبا بينفقوا جامد على الجانب الصحي حلو عندي بقى دول بتنفق قليل على الجانب الصحي زي غينيا غينيا دي موجوده في قاره ايه بصي لازما تكوني عارفه ان اي حاجه تعبانه اي فقر هتلاقيه موجود في قاره افريقيا تمام فغنيا موجوده في قاره افريقيا فبالتالي هي بتنفق قليل في الجانب الصحي تمام في الجانب الصحي انا محتاج اعرفاني حاجه وهي متوسط سنوات العمر المتوقع عند الميلاد بمعنى بصي يا ستي لو الدوله في قلبها فيروس لو الدوله في قلبيها ملوثات لو الدوله في قلبها طاعون في قلبها امراض فلو في مولود جديد اتولد بنقول ان المولود ده اتولد في دوله او في مكان منتشر فيه امراض فغالبا مش هيعيش كتير تمام يا مستر ما الاعمار بلادي الله تمام لكن خدوا بالاسباب لا تلقوا بايديكم الا التهلكه ما ينفعش ان انا اتولد في مكان فقال بيه فيروسات وقول لي ده انا هعيش كتير ده الاعمار بيادي الله لا هيجي لك فيروس هتموت كده انت ما اخدتش بالاسباب طيب الدوله بدات تهتم بانتشار الامراض وتكافح الفيروسات فبقى الامراض قليله يبقى انها هتولد في مكان الصحه فيه عاليه مكان ما فيهوش امراض فبالتالي متوسط العمر اللي انا هعيشه بيكون عالي ليه؟ مش هتصاب بمراد فيها موت طيب ايه هو بقى تعريف متوسط العمر هو عدد السنوات التي يتوقع ان يعيشها مولود جديد اذا ظلت معدلات الوفاه عند ولادته على حالها طيله فتره حياته بمعنى يعني مثلا متوسط العمر اللي كان الانسان بيعيشه في فتره كورونا كان قليل ليه؟ بسبب انتشار فيروس معين قبل كورونا كان عالي فبالتالي هو بيعلى لو بيقل على حسب انتشار الفيروس وعلى حسب انتشار المرض تمام فعندك في قلب الوطن العربي ارتفع متوسط سنوات العمر في البلاد العربيه الى 45 سنه في 1960 يعني مثلا اي طفل بيتولد بنقول انه غالبا الواد ده يعيش 45 سنه ليه المؤشرات بتقول كده بتقول ان معظم سكان الوطن العربي بيجوا عند 45 سنه مثلا فيما بعدها بيموت طيب لكن لحد 71 سنه عام 2012 ليبلغ المتوسط اكت من 70 سنه ما بيجيش يسالك عليها في امتحان اخر السنه على فكره خالص من الاخر كده اللي انا بوضحه لك ان عام 1960 الانسان كان بيعيش من اول 45 سنه لحد 71 معظم الناس ما كانش بتعدي ال 71 لكن في 12 ليزيد عن 70 سنه في 2012 معدل الصحه ارتفع الاطباء كفائتهم ارتفعت بسبب وجود تحسين الرعايه الصحيه مما ادى لانخفاض معدل الوفيات كل ده بيخلي متوسط العمر بيكون كبير لو انت جالك مرض زي القلب زمان خلاص الطب مش هيتلاقي له علاج حاليا هيتلاقي له علاج فممكن تعيش سنتين ثلاثه 10 20 زياده فهمت المبدا بدا كلام جميل فعندك بقى من ضمن الدول اللي عندها ارتفاع في متوسط الاعمار هي الامارات وسوريا وليبيا وقطر والبحرين الدول دي اللي هي في البن الغامق ليبيا سوريا الامارات وقطر الدول دي بالنسبه لي من ضمن الدول اللي في قلبيها متوسط مرتفع في سنوات العمر في بقى دول هي اقل من المتوسط زي الصومال وموريتان ثانيه وجيبوتي تمام في برده مؤشرات صحيه اخرى بتقول لي قد ايه الصحه في قلب البلد دي متقدمه ولا للاسف تعبانه زي ايه بقى وفيات الاطفال اقل من خمس سنوات وفيات الرضع ومعدل الاطباء بمعنى لو في قلب الدوله الاطفال اقل من خمس سنوات بتعيش تمام بتعيش يبقى الدوله دي الصحه فيها كويسه اشمعناه لان الطب العالمي بيقول ان اكتر اكتر الناس اللي بتموت في العالم هي الاطفال اقل من خمس سنين ليه؟ لان هم محتاجين رعايه طبيه عاليه قوي مش زي الراجل الكبير الواد الصغير المناعه بتاعته ضعيفه فلو الدكتور ادال له دوا غلط الجهاز المناعي بتاعه مش هيقدر يستحمل فهيتوفى راجل كبير الدكتور الدوا له دوا غلط الجهاز المناعي ممكن يحارب الدواء ده فهمت المبدا فالطب العالمي بيقول لو وفيات الاطفال اقل من خمس سنوات عندك كتير يبقى الصحه قليله ليه؟ لان انت مش قادره تحل المشكله طيب وفيات الرضع كتير يبقى انت مستويات الصحه قليله معدل الاطباء عالي يبقى مستوى الصحه عالي تمام اللي قبل الاخير هو مؤشرات التعليم طبعا بديهيا تعكس مدى تقدم او تاخر الدوله لو التعليم عندك مرتفع يبقى انت دوله متقدمه التعليم عندك في الارض يبقى انت دوله نايميه وتحدد اهميه المؤشرات في المجال الصحي من مؤشراته لان معدل الاطباء ده بيجي لي من التعليم فهمتي المجال الاقتصادي حيث يوفر التعليم القوى العامله المؤهله والمدربه اللي بتمتلك المعرفه مما يحسن من الدخل القومي بصي التعليم بياثر في اكت من حاجه التعليم بياثر في الدخل القومي ازاي لما انا دلوقتي اتخرج من عندي اطباء مهندسين دكاتره ا ما الاطباء هو الدكاتره يا غالي المهم يعني خليني التعبير مدرسين اعلاميين واحد من سيسه واقتصاد واحد محامي كل دول بالنسبه لي ناس هتساعد في الدخل القومي لكن تخرج مثلا من عند واحد امي ا الامي ما بيتخرجش اصلا واحد ما بيعرفش يقرا ولا يكتب فيفضل بدخل قومي قليل كلام جميل دلوقتي بقى انا عندي المؤشرات ازاي اعرف المؤشر بتاع التعليم ازاي اقول ان الدوله دي التعليم فيها مرتفع والدوله دي التعليم فيها متوسط الدوله دي التعليم فيها منخفض رقم واحد الانفاق العام على التعليم هي الدوله بتصرف قد ايه على التعليم قليل يبقى المؤشر بيقل عالي المؤشر بيزيد فهو مجموعه الانفاق العام على التعليم بتصرف قد ايه على التعليم من الحساب الجاري ومن راس المال مصر عندها راس مال مثلا مليار بتصرف قد ايه من المليار على التعليم ويحسب بالنسبه المئويه من الدخل القومي بمعنى شوف مجموع الانفاق الحكومي كام في سنه معينه مثلا الحكومه صرفت مليون جنيه على التعليم حلو حلو اقسموا اقسم المليون على الدخل القومي في نفس السنه مثلا مصر سنه 2025 صرفت مليون جنيه على التعليم فينيجي واحد يقوللك ايه هاتلي المليون جنيه اقسمه على الدخل القومي الدخل القومي ساعتها كان 100 مليون حلو اضرب ال 100 مليون في 100 يعني مليون على مليون اللي هو اللي احنا صرفناه على التعليم في 100 مليون اللي هو الدخل القومي اضرب الرقم ده في 100 شوف هيطلع لك كام كده هيطلع لك في الاخر بقولها لك اهو هيطلع لك 1% يبقى مصر بتصرف 1% على التعليم الرقم ده عالي ولا قليل يا مستر عالي ولا قليل لا غالي المفروض الانفاق العالمي يكون 4.9% 9% فبالتالي انت بتنفق 1% يبقى انت كده قليل جدا فهمت الوطن العربي بينفق 3.9% 9% يعني بينفق حوالي 4% من الدخل القومي على التعليم يعني اقل من المتوسط العالمي كمان حلو فمن اعلى الدول اللي بتنفق على التعليم هي كوبا وايسلاند يبقى انت كده عندك كوبا في المنهج ظهرت لك مرتين مره في الصحه ومره في التعليم يبقى دوله كوبا مؤشرات التنميه البشريه عالي كوبا وايسلاند بينفقوا 12% من الدخل القومي على التعليم لكن جمهوريه افريقيا الوسطى هي اقل الدول انفاقا في التعليم الادنى يعني الاقل انفاقا في التعليم جمهوريه افريقيا الوسطى بتنفق كام؟ 1.2% % يعني رقم قليل جدا. المؤشر الثاني للتعليم وهو الاميه طبعا طبيعي كل ما زاد عدد الاميه كل ما المؤشر بيقل علاقه عكسيه. فالامم المتحده بتقول ان الامي هو نسبه السكان البالغين من العمر 15 سنه بقى عنده 15 سنه وغير قادرين على قراءه وكتابه جمل بسيطه في اي لغه بمعنى انا عندي 15 سنه لكن ما بعرفش اقرا ولا اكتب اللغه العربيه ما بعرفش اقرا ولا اكتب اللغه الانجليزيه ما بعرفش اقرا ولا اكتب اللغه الالمانيه يبقى انا كده امي مستر بس ثانيه يعني اي حد لا ارجع كده سيكا يعني اي حد يا مستر قراءه او كتابه في اي لغه طب ما انا يا مستر انا ما بعرفش اقرا صيني يبقى انا كده امي لا يعني انت لو بتعرف تقرا وتكتب صيني وما بتعرفش تقرا وتكتب عربي كده انت مش امي الامي هو اللي ما بيعرفش يقرا ولا يكتب اي لغه خالص لا عربي ولا انجليزي ولا بص ولا اي حاجه كنت اقول لك ولا حساب لا عربي ولا انجليزي ولا الماني ولا برتغالي ولا اسباني خالص خالص ما بعرفش اقرب وتكتب اي حاجه اي حاجه انت كده امي طب بنحسبها ازاي؟ بنجيب عدد البالغين من العمر 15 ولا يعرفون القراءه والكتابه. عمرك 15 ما تعرفش تقرا ولا تكتب هحسب العدد واقسمه على اجمالي عدد السكان في العمر 15 فيما فوق واضربه في 100 هيديني كام؟ هيديك مثلا هيديك حوالي 15% يبقى الرقم ده كبير هيديك اقل من 15% يبقى الرقم ده قليل تمام او ان انت تقول 1 ناقص نسبه المتعلمين مثلا نسبه المتعلمين في البلد 60% يبقى بتقول دول 1 نا 60 على 100 = 40% يبقى كده نسبه المتعلمين 60% ونسبه الاميه 40% في العموم الهري ده كله ما بيجيلكش في امتحان اخر السنه اطمن الكلام ده كله ما بيجيلكش في امتحان اخر السنه الا نادرا وهيديك المعطيات وانت تقسم رقمين وتضربه في 100 هيجيلك خلاص الناتج بتقسم الصغير على الكبير وفي الاخر بتضرب في 100 بيديك الناتج على طول اه والله طيب انت عندك بقى من ضمن الدول اللي عندها نسبه متعلمين عاليين هتلاقيهم بالبن الغامق زي ايه؟ زي روسيا، الصين، اليابان، اندونيسيا، استراليا، الارجنتين وشيلي الولايات المتحده، كندا، ايسلندا، كل دول قاره اوروبا عندها نسبه متعلمين قطار، فهتتلاقي عندك ان اقل نسبه متعلمين في قاره افريقيا وتكاد تختفي نسبه الاميه في قاره اوروبا واستراليا. قاره اوروبا واستراليا دي بالنسبه لنا من ضمن الناس اللي مستحيل تتلاقي فيها واحد ما يعرفش ير ولا يكتب. كلهم متعلمين وتعليم عالي جدا. تمام؟ تمام. دلوقتي بقى احنا نروح لاخر حاجه وهي دليل التنميه البشريه. دليل التنميه البشريه مفهومه هو دليل يصدره البرنامج الانمائي للامم المتحده يو ان دي بي. هو برنامج دليل بيقوللك ايه؟ بيقوللك ان التنميه البشريه بتشمل لاث ابعاد يا مستر اللي هما الصحه والتعليم والدخل ايوه اللي احنا بناخدهم دول بيبدا بقى اليو ان دي بي يبدا يحسب التعليم والصحه والدخل يبدا يحسب الثلاثه دول مع بعض ويقول لك المؤشر بتاعك عالي ولا قليل ولا متوسط ازاي تعالى بص يبدا يمسك بعد الدخل يعني ايه هيعمل ايه في الدخل بقى هيشوف متوسط نصيب الفرد من الناتج المحلي بتقبض كام بالدولار مش مش بجيني بيحول الجنيه لدولار ويشوفك بتقبض كام بالدولار مثلا اعلى من خط الفقر يبقى يقول لك المؤشر واحد زائد التعليم انت عندك اميين كتير يبقى ماينص واحد هنقل ليه هتقل يا باشا بالماينس طيب بعد كده يقول لك ايه عدل عدد المقيدين بالتعليم الاساسي والثانوي والجامعي كم نفر عندك في ثانوي عام مثلا مليون طب كم نفر عندك في ابتدائي 20 مليون كم نفر عندك في جامعه 50 مليون نبدا نحسب تمام كده عنده عدد متعلمين كتير اه يبقى زود واحد يبقى كده دي كده هتطير ماينص واحد مع زائد واحد فاهم حاجه المهم يعني من الاخر بيحسبوا حسبه معينه وبعدين بيقول لك انت مؤشر التنميه البشريه عندك 70% فانت كده كويس جدا لا انت مؤشر التنميه عندك 20% ضعيف يا اختي فيبدا يحسب مؤشر التنميه البشريه على حسب ايه ثلاث حاجات الدخل يشوف متوسط الدخل بتاع الناس اللي في قلب الدوله التعليم والصحه حلو كده حلو كده من بعد كده بقى بنستخدمه في ايه يستخدم لترتيب دول العالم وفقا لمستويات التنميه نبدا بقى نشوف مين هي الدول المتقدمه في التنميه البشريه ومن الدول الضعيفه يعني عندك الدول اللي موجوده قدامك اللي التنميه البشريه بتاعتها عاليه استراليا اليابان كل دول قاره اوروبا بص دول قاره اوروبا امريكا وكندا الارجنتين جنوب افريقيا متوسط التنميه البشريه عندها عالي فبص كده لما نقرا دول المستوى الاول مستوى الاول في التنميه البشريه المرتفع جدا الولايات المتحده كوريا الجنوبيه الامارات العربيه المتحده كده عندك دوله عربيه مستوى التنميه البشريه عندها مرتفع جدا هو دوله الامارات تمام دول المستوى الثاني اللي مرتفع بس مش مرتفع جدا مرتفع بس زي مين زي ماليزيا ولبنان والجزائر ودول المستوى الثالث مصر والصين والاردن يبقى كده ممكن يقول ايه يوجد تشابه بين دولتين في المستوى التعليمي او في المستوى البشري زي مين؟ تقول له مثلا مصر والصين ماليزيا ولبنان الولايات الامريكيه والامارات فهمت المبدا ده السؤال بيجي كده المستوى الرابع كينيا وجزر الكمر واثيوبيا وده طبعا مستوى قليل جدا كلام جميل يبقى دلوقتي بقى لو ننزل كده في شويه انتقادات وجهت لدليل الامم المتحده حده اليو ان دي بي في انتقادات يعني ايه؟ يعني في حاجات غلط معينه زي مؤشر متوقع الحياه عند الميلاد قد لا يعبر بالصوره الضروريه عن سلامه الصحه البدنيه والنفسيه للافراد بمعنى مش ممكن الطفل يتولد الطفل يتولد وللاسف ممكن يكون يعيش لكن عنده اعاقه اه صحيح يبقى كده مش هياثر في العمليه الانتاجيه واحد مثلا عنده اعاقه في رجليه مش هيعرف يمشي لكنه عايش الامم المتحده تقول لك بس عايش يبقى كده هيعمل انتاج احنا نقول لها طب يا امم متحده هيعمل انتاج ازاي وما بيعرفش يمشي على رجله يقول لك مااررفش بقى فدي بالنسبه لي ناقد يعني عيب العيب الثاني معدل اميه البالغين لا تعكس مستوى التعليم ومدى مساهمته في اكساب الافراد المعرفه وتنميه اه مهارات الجيل ال 21 بمعنى انا دلوقتي مثلا عندي ايه معدل معدل تعليم كبار السن راجل مدرس كباره محترم بيعرف يقرا ويكتب مدرس لكن ما بيعرفش يشتغل اون لاين ما بيعرفش يستخدم التليفون ما بيعرفش يستخدم التعليم عن بعد زي ما انا بدرس لك كده يبقى ده بالنسبه لي امي رقمي يعني ايه الامي حاليا هو اللي ما بيعرفش يستخدم ده الامي حاليا هو اللي ما بيعرفش يستخدم التابلت ما بيعرفش يستخدم التليفون هو ده الامي حاليا فبالتالي انا بالنسبه لي دلوقتي واحد كبير في السن مش محتاج التليفون لكن بالنسبه للامم المتحده ده راجل متعلم يا عم الحاج بس ما بيعرفش يستخدم التليفون ما بيعرفش يدرس اون لاين انا ماارفش بقى فده بالنسبه لي ده يعني نقد ثالث نقد نصيب الفرد من الدخل القومي لا يعكس العداله في التوزيع بمعنى ايه ممكن تتلاقي ناس كتيره قبضها عالي وناس قبضها قليل بالنسبه للناس اللي قبضها قليل دي ايه الدنيا يعني مثلا في الامارات في الامارات في ناس كتير كتير دخلها عالي قوي ومع ذلك في ناس داخلها قليل هو ليه بقى ما حسبش الناس اللي داخلها قليل فده بالنسبه لي برده نقد عيب فيما بعد كده بقى وقد ادت تلك الانتقادات الى اعداد ادله اعداد ادله ليست بدليل الرسمي للتنميه الاساسي وانما التركيز على مؤشرات اخرى زي دليل التنميه المرتبط بالنوع الفروق اللي بين الذكر والانثى بملخص الكلام ده كله فيما بعد كده اليو ان دي بي اللي هو دليل للتنميه البشريه قال لك ايه؟ الانتقادات هي الانتقادات صحيحه احنا فعلا ممكن نكون ما بنهتمش بالحاجات دي كلها فهنعمل ايه؟ هنبدا نفصص الموضوع اكتر بمعنى هنبدا نحسب الدخل والصحه والتعليم للرجاله والدخل والصحه والتعليم للمراه لانك انت غالبا هتتلاقي ان المراه اقل في التعليم ليه ما بتتعلمش بيقولوا تقعد في بيت جوزها ففيما بعد كده من في الاخر ده كلام مش عندك انت في المنهج هنبدا نحسب مؤشرات التنميه البشريه للرجاله لوحدهم وللستات لوحدهم وكده ولله الحمد احنا نكون خلصنا الدرس بتاعنا الحصه اللي جايه باذن الله هنعمل ايه الحصه اللي جايه هنحل اسئله الدرس تمام هنحل اسئله درس مؤشرات التنميه البشريه وهظبطكم فيه باذن الله تمام كده تمام وبس القاكم في الحصه اللي جايه والسلام عليكم ورحمه الله