الايمان بالكتب السماوية الصف الخامس الابتدائي تربية دينية الدرس الأول في المنهج الجديد 2026

السلام عليكم ابطال الصف الخامس النهارده هنبدا مع بعض نشرح مقرر ماده التربيه الدينيه بعد التعديل المنهج الجديد 2026 الدرس الاول معانا من دروس العقيده بعنوان الايمان بالكتب السماويه يلا بينا نبدا مع بعض بسم الله القصه بتاعتنا ان المدرسه عملت ندوه دينيه يعني زي محاضره كده بمناسبه شهر رمضان المبارك اللي هو شهر القران وجابه في الندوه دي عالم من علماء الازهر عشان يتكلم عن موضوع مهم اللي هو عنوان الدرس بتاعنا الايمان بالكتب السماويه ركن من اركان الايمان طيب يعني ايه الكلام ده اول حاجه لازم نعرفها ان الايمان بالكتب السماويه ده واحد من اركان الايمان السته طيب هي ايه اصلا اركان الايمان النبي صلى الله عليه وسلم لما اتسال يعني ايه الايمان رد وقال ان تؤمن بالله وملائكته وكتبه ورسله واليوم الاخر وتؤمن بالقدر خيره وشره يعني انا لازم اكون مؤمن بالحاجات السته دي عشان يكون ايماني كامل واحنا النهارده هنركز على احد الاركان السته تحديدا الركن الثالث وهو الايمان بالكتب السماويه طيب معناها ايه معناها ان انا لازم اكون مصدق ان ربنا سبحانه وتعالى انزل كتب من السماء على الرسل الكتب دي فيها اوامر زي اعملوا الخير صلوا اعبدوا ربنا وفيها نواهي زي مثلا ما تكذبوش ما تسرقوش ما تظلموش فالكتب دي حبايبي بالضبط زي النور اللي بيهدي الناس ويخليهم يعرفوا الطريق الصح ويمشوا في الخير يعني حبايبي زي ما نكون عندنا خريطه بنعرف نمشي من خلالها وما نتهش فربنا بعت للناس الكتب دي عشان تبقى زي الخريطه اللي هتهديهم لطريق الجنه والصلاح يبقى الخلاصه بتاعه الجزء دي ان انا لازم اكون مؤمن بالكتب السماويه اللي ربنا انزلها من السماء الكتب دي هدفها هتنور طريق الناس وتعلمهم الخير وتبعدهم عن الشر. طيب اللي ما يؤمنش بالكتب السماويه هيبقى ايمانه ناقص. ناقص ناقص ليه؟ لان الايمان بها احد اركان الايمان السته ودي الركن الثالث من اركان الايمان. بدا شيخ الازهر كلامه قال ربنا سبحانه وتعالى ذكر في القران الكريم بعض الكتب السماويه اللي انزلها على انبياءه. والكتب دي جت بترتيب زمني بالشكل ده. رقم واحد الصحف اللي نزلت على سيدنا ابراهيم. رقم 2 التوراه اللي نزلت على سيدنا موسى عليه السلام ورقم 3 الزبور اللي نزل على سيدنا داوود ورقم اربعه الانجيل اللي نزل على سيدنا عيسى عليه السلام مهم احفظ كل كتاب نزل على اي نبي وكمان اعرف ترتيب الكتب زي ما قلناها الوقتي ومهم كمان اكون عارف ان كتاب الانجيل بشر بمجيء نبينا محمد صلى الله عليه وسلم اخر كتاب سماوي نزل على سيدنا محمد وهو القران الكريم. الشيخ وضح كمان ان كل الكتب دي ربنا انزلها عشان تهدي الناس. كل نبي ربنا بعته ومعاه كتاب ينور طريق قومه. والقران الكريم هو اخر كتاب سماوي نزل مش بس لقوم سيدنا محمد ولكن نزل للبشر كلهم في كل زمان وكل مكان. فربنا قال في سوره الاسراء ان هذا القران يهدي للتي هي اقوم. يعني ان القران الكريم بيهدي الانسان لافضل طريق واكثر اسلوب مناسب في حياته يوصله في الاخر للجنه. شيخ الازهر كلامه قال يا اد لازم نؤمن بكل الكتب السماويه اللي ربنا انزلها ما ينفعش نؤمن بكتاب واكفر بكتاب ثاني يعني ما ينفعش اقول ان انا مصدق بوجود التوراه ومش مصدق مثلا بوجود الانجيل ربنا سبحانه وتعالى قال لنا في القران الكريم قولوا امنا بالله وما انزل الينا وما انزل الى ابراهيم واسماعيل واسحاق ويعقوب والاصباط وما اوتي موسى وعيسى وما اوتي النبيون من ربهم لا نفرق بين احد منهم ونحن له مسلمون يعني احنا كمسلمين لازم نؤمن بكل الرسل وكل الكتب من غير ما افرق بينهم كمان شيخ الازهر وضح لنا نقطه مهمه جدا قال ايه؟ قال ان كل كتاب سماوي ربنا انزله كان بلغه القوم اللي اتبعت فيهم عشان يفهموه كويس يعني مثلا التوراه تنزل بلغه قوم سيدنا موسى الانجيل نزلت بلغه قوم سيدنا عيسى القران اخر كتاب سماوي نزل باللغه العربيه عشان العرب في الاول يفهموه وبعد كده ينتشر لكل الدنيا ربنا قال في سوره ابراهيم وما ارسلنا من رسول الا بلسان قومه ليبين لهم معنى الكلام ده ايه يا اد ان ربنا رحيم جدا بعباده لما يبعت لهم رسول ويكون معاه كتاب لازم يكون بنفس لغه الناس اللي عايشين معاه عشان الرساله تبقى واضحه وسهله ما حدش فيهم يقول ما احنا مش فاهمين لغتك احنا مش عارفين نقرا الكلام اللي في الكتاب بتاعك لا ده لغه الرسول ولغه الكتاب نفس لغه القوم اللي اتبعت فيهم عشان يفهموه يبقى احنا كده اتعلمنا ايه من الجزئيه دي اتعلمت ان انا لازم اكون مؤمن بكل الكتب السماويه ما استثنيش منهم اي كتاب اتعلمت ان انا مؤمن بكل الرسل اتعلمت ان انا كل الكتب السماويه نزلت بلغه القوم بتاعتهم علشان تكون مفهومه وواضحه بالنسبه ليهم شيخ الازهر ختم كلام وقال يا اد ربنا سبحانه وتعالى انهى كل الرسالات السماويه بالقران الكريم يعني ايه؟ يعني ان القران هو اخر كتاب سماوي ربنا انزله من السماء ومش هيجي بعده اي كتاب ثاني والقران الكريم نزل باللغه العربيه بلسان عربي مبين اللغه الواضحه اللي نقدر ان احنا نفهمها ونزل على سيدنا محمد خاتم الرسل والانبياء طيب ايه اللي يميز القران عن باقي الكتب اول حاجه القران هو الكتاب الاخير الجامع يعني بيجمع ايه يعني بيجمع كل اصول الهدايه اللي الناس محتاجاها في حياتها رقم اثنين القران الكريم محفوظ من التحريف والتغيير وده وعد من ربنا سبحانه وتعالى لانه قال في القران انا نحن نزلنا الذكر وانا له لحافظون يعني مهما مرت السنين مهما حاول الناس انهم يغيروا القران عمره ما هيتغير ولا هيتحرف الايه بتقول ان نحن نزلنا الذكر كلمه الذكر معناها ايات القران الكريم كمان في حاجه مهمه جدا القران الكريم مش مخصوص لقوم او لامه معينه زي باقي الكتب لا ده رساله عالميه لكل البشر في كل زمان وكل مكان ربنا قال في سوره سبا وما ارسلناك الا كافه للناس بشيرا ونذيرا يعني سيدنا محمد مرسل للناس كلهم يبشرهم بالخير لو امنوا واتبعوه وينذروا او يحذرهم من العقاب لو كفروا وكذبوه. اخر حاجه في درسنا النهارده لازم نعرف ان الايمان بالكتب السماويه ليه اثر كبير جدا في حياه كل مؤمن لانه بياثر في سلوك المسلم نفسه ازاي؟ بيخليه يصدق ان ربنا عادل ورحيم عمره ما يسيب الناس من غير هدايه او توجيه يخليه يحترم كل الكتب السماويه السابقه ويعرف انها كلها كانت جايه من عند ربنا يخليه يعظم من شان القران الكريم ويحافظ على قراءته وتلاوته وكمان يلتزم بتعاليمه فينفذ الاوامر ويبتعد عن النواهي يعني اللي مؤمن بالكتب السماويه خصوصا بالقران الكريم لازم يكون واضح في تصرفاته انه صادق عادل رحيم بالناس بيعمل الخير وبيبعد عن الشر وفي اخر الندوه كل الحضور بداوا انهم يشكروا شيخ الازهر الكبير على كلامه وشكروا اداره المدرسه اللي اهتمت ونظمت الدعوه دي وا عشان يتعلموا منها دروس مفيده جدا وبكده يكون خلص درسنا النهارده اشوفكم في درس جديد والسلام عليكم ولو وصلت يا بطل لغايه هنا ما تنساش تشترك في القناه وتفعل زر الجرس عشان يوصل لك مننا كل جديد هستنى منكم اللايك على الفيديو وانتظرونا في فيديو اخر