دراسات الصف الخامس الابتدائي الترم الاول اهميه النبات الطبيعي الصف الخامس ابتدائي الدرس الرابع

السلام عليكم ورحمه الله وبركاته اهلا بكم طلابي طلاب الصف الخامس الابتدائي في الفقره الثانيه من الدرس الرابع النبات الطبيعي والحيوان البري في مصر الفقره الثانيه بعنوان اهميه النبات الطبيعي والحيوان البري في مصر جربت كده تسال نفسك سؤال ربنا سبحانه وتعالى لما بيخلق اي حاجه في الطبيعه هل الحاجه اللي موجوده دي لها فايده ولا مالهاش فايده يعني مثلا الحشائش اللي بتبقى موجوده في الصحراء النباتات اللي انا قلت لك عليها ديت لها فايده طب بلاش الحيوانات اللي موجوده في الطبيعه اللي بنشوفها في القنوات بتاعه التلفزيون او في الفيديوهات او كده هل الحاجات دي لها فايده بمنتهى البساطه ربنا سبحانه وتعالى ما بيخلقش حاجه عبثا يعني كل حاجه لها فايده وهتتفاجئ دلوقتي ان انت كانسان عايش على كوكب الارض انت بتستفيد من كل الحاجات اللي ربنا سبحانه وتعالى خلقها بتستفيد من النبات الطبيعي وبتستفيد من الحيوان البري في الفقره دي انت هتعرف اهميه النبات الطبيعي والحيوان البري اللي موجود في مصر وهتندهش ان هي مش بس بتاثر على البيئه وبتاثر على الجو لا ده بتاثر على اقتصاد البلد بتاثر على حالتك النفسيه بتاثر على حالتك الصحيه انت بتستخدمها في كل حاجه تعالى نركب سفينتنا ونكمل رحلتنا في الدرس الجميل اللي كله معلومات شيقه وتشوف اهميه النبات الطبيعي والحيوان البري في مصر السؤال يجي لحضرتك هنا بطريقتين بل للنبات الطبيعي والحيوان البري اهميه كبيره او يجي يقول لك بما تفسر اهميه النبات الطبيعي والحيوان البري وفي الحالتين انت بتجاوب نفس الاجابه طب يلا بينا نعرف كل نقطه تخص اهميته اهميه النبات الطبيعي بيقول لك تتمثل اهميه النباتات الطبيعيه والحيوانات البريه في مصر كالتالي بعضها يوفر الغذاء للانسان ايه ده باكلها يا مس فاطمه اه طبعا طب ندي امثله التين الشوكي الزيتون التين البرشومي اللي في البيئه الساحليه النخيل ما هي دي كلها نباتات طبيعيه باخدها وباخد ثمارها وبعتمد عليها في غذائي وفي ناس يعني اقتصادها قايم عليهم يعني الناس اللي عايشين في الصحراء وعندهم نخيل كتير بيجمعوا الطمور ديت سواء للغذاء او البيع زي عندنا في مصر في واحد سيوا اجود انواع البلح اللي في الدنيا والتمر موجود هناك يبقى انا عندي اول اهميه للنبات الطبيعي اللي موجود عندنا في مصر ان بعضها يوفر الغذاء للانسان يعني الانسان بيعتمد عليها في غذاء طب النقطه الثانيه تجذب السياح للاستمتاع بجمال الطبيعه اللي فيها اي مره حد فينا واحنا ماشيين كده في الطريق مسافرين في اي مكان في مصر انت بتعدي على اراضي صحراويه بتلاقي نباتات شوكيه طالعه بتلاقي نباتات نادره ناس بقى اللي هم السياح بيجوا مخصوص عشان يشوفوا الحيوانات النادره اللي عندنا النباتات النادره اللي عندنا ومجرد ما اقول لك كلمه سائح جايه عندنا هو جاي يدفع فلوس فانت كده بتظبط الاقتصاد بتاعك يبقى من وجود النبات الطبيعي والحيوان البري انت ساعدت على دعم الاقتصاد بتاعك اعتمدت السياحه في سياحه اسمها السياحه البيئيه بتيجي عشان تشوف الحاجات النادره اللي موجوده في بلدك وبالمناسبه كده وحته بره منهج مصر من اكتر دول العالم اللي فيها حاجات نادره زي ما هنشوف كمان شويه تمام يبقى انا النقطه الثانيه من اهميه النبات الطبيعي والحيوان البري ان هي تساهم في جذب السياح للاستمتاع بجمال الطبيعه طيب ثالث حاجه في في الجزء بتاع الاهميه تساهم الحيوانات البريه في خصوبه التربه والنقطه دي يا اد ماخبيش عليكموا وانا بحضرها قعدت اقول اشرح لهم يعني ايه حيوان بيساهم في خصوبه التربه ولا دول طلبه خمسه بلاش اقول لهم معلومات خارجيه بس حسيت ان انا ضميري مقنبني مش هعرف اشرح الحته دي غير لما اقول لك يعني ايه حيوان بري بيساهم في خصوبه التربه تحس ان مالهاش علاقه صح بس انا لازم اقولها لك حتى لو بره منهجك عشان بس ضميري بالليل يبقى مستريح وانا نايمه ان انا ما سبتش حاجه لطالب خمسه طالب منصه الخطه ركز معايا لما اجي اقول لك حيوان بري ها حيوان بري يعني ارنب يعني ثعلب يعني ذئب يعني غزاله بيساهم في خصوبه التربه ازاي؟ بمنتهى البساطه الحيوانات دي يا شباب لما بتبقى موجوده في التربه بتقعد وهي ماشيه بعضها بيحفر في الارض فبيعمل حاجه اسمها تقليب للارض الزراعيه بيطلع الغازات اللي موجوده في الارض ويسمح فرصه للاكسجين والغازات الثانيه ان هي تدخل جواها كمان بعض الحيوانات ديت وهي ب تاكل بتوقع قع زي ما احنا بنقول كده فتافيت اكل فتافيت الاكل دي بتعتبر سماد طبيعي بتنقل لي محاصيل من مكان لمكان العشش بتاعتها المخلفات حتى بتاعتها كل ده بيساعد على خصوبه التربه فلما الحيوانات البريه بتنتشر في الارض هي ما بتنتشرش كده عبسا تقعد تحفر فيها تقعد تنقل نباتات من مكان لمكان تقعد تنقل بقايا طعام فده كله بيقع على الارض فبيساعد في خصوبه التربه انت مش مطلوب منك تقول الكلام ده بس انا قلته لك عشان تفهم عشان معايا قلت لك احنا بنفهم وبنحفظ ما بنحفظش بس تمام كده يا سنه خامسه يبقى تساهم الحيوانات البريه في خصوبه التربه ده المطلوب ان حضرتك تعرفه لما اجي اقول لك اهميه النبات الطبيعي والحيوان البري تقول لي تساهم الحيوانات في خصوبه التربه مالكش دعوه بتساهم ازاي انا قلتها لك كده جدعان تعال بينا نكمل يستخدم النبات الطبيعي كغذاء وماوى للحيوانات البريه وانا بشرح لحضرتك قلت لك النباتات الطبيعيه في عندي صبر في عندي تنشوكي في عندي نخيل في عندي نباتات رعويه النباتات دي بيعيش فيها الحيوانات هي الماوى بتاعهم هي الغذاء بتاعهم فمن ضمن اهميه النبات الطبيعي يستخدم كغذاء الحيوانات بتاكله زي قلت لك نباتات الرعي الماعز الاغنام بياكلوها وكمان بتستخدم كماوى كماوى للحيوانات البريه اخر نقطه عندي في اهميه النبات الطبيعي اه ودي حاجه بقى جامده جدا جدا والوله انا اتفاجئت ان ا ثلاث ارباع الادويه اللي احنا بنستخدمها داخل فيها نبات طبيعي تمام يدخل النبات الطبيعي في صناعه الادويه العطور مستحضرات التجميل ادويه عطور مستحضرات تجميل حضرتك كده هديك مثال بسيط عشان اثبت لك الكلام ده وما نقعدش نقول ان احنا بنقول كلام ومش حقيقي لو حد فينا مثلا تعب وعنده برد ولا عنده حاجه اول حاجه بنفكر نعملها المشروبات الدافه زي النعناع زي الينسون زي الزنجبيل كل دي تعتبر اعشاب ونباتات طبيعيه بلاش ا في دواء في الصيدليه اسمه ورق جوافه مشروب كده برده جاي من النبات الطبيعي فانا كان عندي المستحضرات التجميل اكيد اكيد هتلاقي عند ماما زيت صبار الو ايفا زيت زيتون ا الحاجات دي كلها جايه من النباتات الطبيعيه فانا عندي النبات الطبيعي بيستخدم في صناعه الادويه العطور ومستحضرات التجميل وعايزه اقول لكم ان المصريين القدماء هم اول حد عمل ده واستغلوا النبات الطبيعي في صنع الادويه والعطور ومستحضرات التجميل يعني اقدر اقول يا ميس فاطمه ان النباتات الطبيعيه والحيوانات البريه مسؤوله عن غذاء الانسان وغذاء للحيوان وتنشيط السياحه وعمل ادويه ومستحضرات تجميل وخصوبه التربه شايفين يا هل بعد كل اللي انا قلته لك ده ينفع نقول ان النبات الطبيعي والحيوان البري مش مهم في مصر؟ اكيد لا مهم جدا وانت كطفل كده في سنه خامسه لك دور في الحفاظ عليه زي ما هنشوف كمان شويه بس قبل ما نروح للنقطه اللي عليها الدور معلش انا محتاجه اراجع معاك ده مره كمان عشان ده سؤال مهم جدا بيجي لك بكذا صوره وبكذا شكل يلا بينا بما تفسر اهميه النباتات الطبيعيه والحيوانات البريه في مصر او دلل للنبات الطبيعي والحيوان البري اهميه كبيره في مصر يلا بينا اول حاجه برافو كرر معايا من فضلك قد ما تقدر هتسهل على نفسك كتير كتير بعد ما انا امشي انت دلوقتي قدامي احنا بنلعب مع بعض فكرر معايا قد ما تقدر عشان تستوعب كل تفاصيل الدرس بتاع النهارده بعضها يوفر الغذاء للانسان بعضها يوفر الغذاء للانسان بعضها يوفر الغذاء للانسان تجذب السياح للاستمتاع بمناظرها الجميله كمان مره تجذب السياح للاستمتاع بمناظرها الجميله تساهم الحيوانات البريه في خصوبه التربه دي اللي انت لازم تعرفها بس تساهم الحيوانات البريه في خصوبه التربه تساهم الحيوانات البريه في خصوبه التربه يستخدم النبات الطبيعي كغذاء وماوى لبعض الحيوانات البريه كمان مره يستخدم النبات الطبيعي كغذاء وماوى للحيوانات البريه يدخل النبات الطبيعي في صناعه الادويه والعطور ومستحضرات التجميل قبل ما نمشي انت عندك مجموعه صور كده مجموعه الصور دي هي اهميه النبات الطبيعي طب تعالوا كده نبص عليها مع بعض انا هبدا باول واحده بعضها يستخدم كغذاء للانسان بص حضرتك كده عندك اهو تين شوكي وتمر وزيتون فبعضها يستخدم كغذاء للانسان المنظر الجميل ده اللي بيجذب السياح يجوا يبصوا عليها عندنا كمان النقطه اللي عليها الدور تساهم الحيوانات في خصوبه التربه انهي واحده اللي لاقي عليها اكث حاجه اعتقد دي كمان عندي ا يستخدم النبات طبيعي كغذاء للحيوانات والنقطه الاخيره زي ما حضرتك شايف اهي بيتم من النباتات الطبيعيه صناعه الادويه والعطور ومستحضرات التجميل كده خلصنا الفقره الصغنونه خالص بتاعه اهميه النبات الطبيعي متبقي لنا اخر فقره في الدرس ودي الفقره اللي انت لك دور فيها ولازم تشتغلها ولازم تفكر معايا فيها الاخطار اللي بتواجه النبات الطبيعي والحيوان البري وجهدنا عشان نحميهم ونحافظ عليهم ومن دلوقتي لحد ما ارجع لك ثاني فكر كده انا طالب خمسه طفل صغير لا حول لي ولا قوه اقدر احمي النبات الطبيعي والحيوان البري في مصر اه فكر لي بفكره انت شطور وهتجيب لي افكار حلوه اوعى تروح في اي حته هنروح لاخر فقره ان شاء الله ادخل على موقع الخطه التعليمي علشان تشوف باقي الدروس في كل المواد ذاكر في اي وقت وخليك دايما مستعد. السلام عليكم ورحمه الله وبركاته. رجعت لكم في اخر فقره من فقرات الدرس بتاعي النهارده. الدرس الرابع في الوحده الاولى بعنوان النبات الطبيعي والحيوان البري في مصر. فكرت؟ انا قلت لك همشي شويه وهاجي لك على طول. فكرت في حل الفقره دي فيها مشاكل وفيها تفاصيل كتير بس هنحلها سوا مع بعض. عنوان الفقره بتاعتنا بيقول لك الاخطار الطبيعيه التي يتعرض لها النبات الطبيعي والحيوان البري في مصر اتفقت معاك هم لهم اهميه كبيره وموجودين عندنا كتير بس للاسف بيتعرضوا لمشاكل هنعرض المشاكل اللي بيتعرض لها النبات الطبيعي والحيوان البري وهنبدا نفكر في حلول في حلول معروضه ليك انا هقولها وهشرحها لك وفي حلول هديها لك عشان لو جالك في الامتحان سؤال ما مقترحاتك اللي لازم ادربك عليه النهارده لان ان الدرس ده فيه ما مقترحاتك الدروس اللي قبل كده ما كانش عندك ما مقترحاتك فعشان كده انا قلت لك فكر انا هقول لك مشاكل ومحتاجه منك حل يلا نشوف المشاكل اللي بيتعرض لها النبات الطبيعي والحيوان البري في مصر وجهود الدوله لحلها وهخليك انت بنفسك تقول حلول نقدر نحل بيها المشكله دي ونقول بسم الله تمام تتعرض النباتات الطبيعيه والحيوانات البريه في مصر للعديد من الاخطار اللي بتؤثر على التوازن البيئي دلل السؤال هيجيلك هنا دلل تمام ان النبات الطبيعي والحيوان البري بيتعرضوا لاخطار بتاثر على التوازن البيئي مالكش دعوه بكلمه توازن البيئي انا هقولها لك في السلايد الجاي على طول بس ركز بس على كلمه الاخطار ايه الاخطار اللي بيتعرض لها النبات الطبيعي والحيوان البري تعال بينا نشوف بيقول لك ايه اول خطر بياثر على النبات الطبيعي والحيوان البري التغير المناخي اكيد حضرتك لاحظت ان الجو في مصر بقى حر جدا جدا جدا يا اما الشتاء ساقعه ثلج يا اما المطر قليل فده اسمه تغير مناخي ارتفاع درجات الحراره بشكل مبالغ فيه تمام ده زي ما بياثر عليا انا كانسان بياثر برده على النباتات والحيوانات البريه بياثر ازاي يعني التغير المناخي ده هيعمل ايه للنبات وهيعمل ايه للحيوان تعال بينا نشوف يؤثر التغير المناخي على مصادر الغذاء للنبات والحيوان يعني بالبلدي كده ولا النبات بيعرف يعيش ولا الحيوان بلاقي ياكل بياثر على مصادر الغذاء للنبات والحيوان عن طريق حاجتين الجفاف والفيضانات التغير المناخي اللي حاصل وارتفاع درجه الحراره خلى ما فيش مطر كتير طب المطر بدام ما فيش مطر يبقى ما فيش نبات لان النبات الطبيعي ده بيشرب يا اما من الامطار يا اما من المياه الجوفيه تمام فانا عندي دلوقتي ما فيش مطر كده النبات هينفع يعيش لا يبقى هيموت كمان لو جه فيضان هيغرق لي الدنيا هيغرق غرق للنباتات هيموت الحيوانات الاكل اللي هم بياكلوه هيروح فالتغير المناخي بياثر لي على الغذاء بتاع النبات وبتاع الحيوان بياثر بسبب ايه بسبب الجفاف والفيضان كلمه جفاف يعني ندره امطار يعني ما فيش مطر تمام كده يبقى اول خطر يواجه النبات الطبيعي والحيوان البري خطر التغير المناخي اللي بياثر على مصادر الغذاء من خلال الجفاف والفيضان الجفاف والفيضان اول خطر اسمه ايه؟ التغير المناخي طيب الخطر الثاني اللي بياثر لي عليهم اوعى تنسى يا سنه خامسه واوعى تسرح ركز معايا الرعي الجائر الذي يؤدي الى تدهور النباتات الطبيعيه طب يعني ايه رعي جائر برض مس فاطمه مش هتمشيه لك كده وقوللك احفظ وخلاص رعي جائر يعني ايه لا لازم تفهم يعني ايه رعيجائر كلمه رعي جائر يا سنه خمسه لو بصيت على الخريطه دي هتفهموا شايفين شويه الحيوانات دول بيعملوا ايه؟ بياكلوا النباتات. طب يا ميس ما ياكلوا همال هيعيشوا ازاي؟ ماشي يا باشا ارعى الحيوانات بتاعتك وخليها تاكل بس استخدم حاجه اسمها الرعي المنتظم. يعني ايه؟ هم اكلوا في الارض دي نسيبها تشم نفسها شويه نديها فرصه النباتات تنمو فيها وننقل الحيوانات لحته ثانيه لكن اللي بيحصل ان بعض الناس اللي عندها حيوانات بترعاها بتسيبهم في المكان لحد ما يزيلوا الغطاء النباتي بتاعه ما يبقاش فيه ولا شجرايه ولا حشائش طالعه ويسيبوا الارض منها للشمس الشمس تنشف كل الميه اللي فيها وتخليها تشقق وتخليها غير قادره على الانبا ات من جديد لكن لو انا عملت رعي منتظم النباتات اكلنا هنا شويه وسبنا شويه حشائش تدي فرصه تنمو ثاني تدي فرصه تنمو ثاني ده اسمه رعي منتظم فاول خطر بياثر على النباتات بشكل مباشر الرعي الجائر اللي بيمارسه بعض سكان البدو بالتحدير لان هم اللي بيربوا الحيوانات في المناطق الصحراويه ومناطق الحشائش بيخلوا الحيوانات تاكل كل الغطاء النباتي فده طبعا بيدمر النباتات وما بيديهاش فرصه ان هي تنمو بشكل سليم يبقى ثاني نقطه اللي انت هتقوله ايه بقى؟ الرعي الجائري الذي يؤدي الى تدهور النباتات الطبيعيه كمان مره والنبي الرعي الجائري الذي يؤدي الى تدهور النباتات الطبيعيه الرعي الجائر اول نقطه تغير مناخي ثاني نقطه رعي جائر طب ثالث نقطه ازاله النباتات الطبيعيه وزراعه المحاصيل بدلا منها انا اتفقت معاك اي حاجه ربنا سبحانه وتعالى خلقها لها فايده ما ينفعش كده ان اجي اشغل دماغي لا شيل النبات الطبيعي ده وحط لي مكانه زراعه مش هينفع ما تسيب ازرع في حته ثانيه انت عندك اراضي زراعيه تقدر تزرعها فده من النقطه اللي بتدمر النبات الطبيعي او بتدي الى قلته وتدههره في مصر ازاله النباتات الطبيعيه وزراعه المحاصيل بدلا عنها النقطه الثالثه الصيد الجائر كلمه جائر يا اد يعني ظالم يعني ما فيهوش رحمه ما فيهوش حتى نظام تمام كلمه راعي جائر او صيد جائر معناها ان الموضوع بيتم بشكل غير منتظم وا بدون رحمه فانا لما اجي اقول لك صيد جائر صيد جائر بعض الناس عندها هوايه كده تخرج في الصحرا تصطاد تصطاد غزاله ا تصطاد طيور بريه تصطاد ارانب الى اخره ا حضرتك عشان تمارس هوايتك اللطيفه دي انت بتموت كائنات حيه مش بس كده انت بتؤدي الى انقراضها كلمه انقراضها يعني اختفاء النوع يعني ما عادتش موجوده هتخلص ده بحقيقي على فكره مش كفايه الحيوانات دي اصلا عايشين في ظروف زي الزفت درجه حراره وجوع وعطش والكلام ده لا انا خارج اصطادهم كمان فده اسمه صيد الجائر الصيد الجائر بقى بيؤثر بشكل مباشر على الثروه الحيوانيه او اسفه على الحيوانات البريه وبيؤدي الى انقراضها كلمه الانقراض معناها اختفاء النوع ما تبقاش موجوده ثاني الصيد الجائر الذي يؤدي لانقراض الحيوانات البريه اخر نقطه عندي التوسع العمرادي احنا عايزين نبني عدد السكان كبير فبتدور على الاماكن اللي تقدر تبني فيها خد بالك بمجرد ما انت بتبني بمجرد وجود البشر هتلاقي ولا في حيوانات بريه ولا في نباتات طبيعيه فده بسبب مباشر ان انت بتهدم الماوى والبيئه اللي الحيوان البري عايش فيها فمش هيبقى موجود نراجع الاخطار ثاني مع بعض اول حاجه قلنا التغيرات المناخيه ايه التغيرات المناخيه بتاثر بايه التغيرات المناخيه يا سنه خامسه قلنا بتؤثر على مصادر الغذاء بسبب الجفاف والفيضات. ثاني نقطه قلناها الرعي الجائر. الرعي الجائر اللي بيدور النباتات الطبيعيه. النقطه الثالثه ازاله النبات الطبيعي عشان نزرع مكانه ونحل محله الزراعه. النقطه الرابعه الصيد الجائر الذي يؤثر على الحيوان البري ويؤدي الى الانقراض. اخر نقطه عندنا التوسع العمراني. دي الاخطار اللي بتواجه النباتات الطبيعيه والحيوانات البريه. سؤالي هنا بيجي في بما تفسر ودل. طيب احنا كده خلصنا الاخطار وانا بشرح لك الاخطار قلت لك ان الحيوانات البريه والنبات الطبيعي له دور كبير جدا في حفظ التوازن البيئي وقلت لك مالكش دعوه بكلمه التوازن البيئي انا هشرحها لك بالتفصيل. يعني ايه توازن بين؟ احنا عايشين في البيئه فيها كائنات حيه غير الانسان صح كده؟ في نباتات وفي حيوانات كلمه توازن بيئي معناها تفاعل الكائنات الحيه انسان حيوان نبات دول الكائنات الحيه فكلمه توازن بيئي معناها عشان ده ما المقصود الدرس ده فيه ما المقصود كتير هنقوله في الافكار وهنقوله في الواجب اوعى اوعى تروح في اي حته ركز تفاعل الكائنات الحيه مع البيئه الطبيعيه الحيه او مع البيئه المحيطه تفاعل الكائنات الحيه مع البيئه المحيطه تفاعل الكائنات الحيه مع البيئه المحيطه طيب ما نتفاعل ايه المشكله خد بالك تفاعل بقى بايه بطريقه تحافظ على استمرارها واستقرارها ما تجيش تقول لي انا حر ازرع زي ما انا عايز اشيل نباتات اصطاد حيوانات لا انت لو عملت كده انت بتعمل خلل في التوازن البيئي عايز تحفظ التوازن البيئي عايز عناصر البيئه كلها تبقى تمام وما تاثرش على حد سلبا ولا تخلي حيوانات تنقرض ولا تخلي نباتات ما تبقاش موجوده لازم تتفاعل بطريقه تحافظ تحافظ خد بالك ده الشرط تحافظ على استمرارها واستقرارها يعني وربنا سبحانه وتعالى في القران الكريم بيقول وكلوا واشربوا ولا تسرفوا يعني برده استمتع واتبسط واتفرج على الحيوانات وشوف النباتات وتفاعل معاهم بس ما تاذهمش ده الشرط بتاعنا ثاني ما المقصود بكلمه توازن بيئي تفاعل الكائنات الحيه مع البيئه المحيطه كمان مره تفاعل الكائنات الحيه مع البيئه المحيطه بطريقه بطريقه تحافظ على استقرارها بطريقه تحافظ على استمرارها واستقرارها بطريقه تحافظ على استمرارها واستقرارها ده معنى كلمه توازن به طيب النباتات الطبيعيه والحيوانات البريه جزء من التنوع البيولوجي الكلام اللي يخض ده ولا تتخض يا معلم ده حاجه سهله خالص نبات طبيعي وحيوانات باريه جزء من كلمه التنوع البيولوجي يعني ايه تنوع بيولوجي عشان ماتخضش كلمه تنوع بيولوجي هتجي لك كمان شويه بس هقولها لك دلوقتي معناها تنوع النباتات والحيوانات على كوكب الارض تمام كده فبيقول لك ان النباتات الطبيعيه والحيانات البريه جزء من التنوع البيولوجي وحمايتها ضروره للحفاظ على التوازن البيئي لازم نحمي الاثنين دول النباتات والحيوانات عارفين نحميهم من خطر مين؟ الانسان عشان الانسان ده اشر يعني اخطر كائن على المجره هو الانسان فاحنا عايزين نحمي النباتات ونحمي الحيوانات من الاخطار اللي بتهددها عشان نحافظ على التوازن البيئي لذلك تقوم الدوله بجهود كبيره للحفاظ عليها اه قعدنا نكلمهم بالراحه وخدوا بالكم ماعرفش ايه ما فيش فايده راحت الدوله قامت بمجموعه من الاجراءات للحفاظ على النباتات الطبيعيه والحيوانات البريه والسؤال يجي لحضرتك دلل جهود الدوله للحفاظ على التنوع البيولوجي او على النباتات والحيوانات يعني بالبلدي كده الدوله عملت ايه عشان تقدر تحافظ على النبات الطبيعي والحيوان البري اصدار القوانين التي تجرم كلمه تجرم يعني تمنع الرعي او الصيد الجائر ممنوع يعني لو طب لو عملت كده ايه ده ممكن حد يتحبس عشان اصطاد وقتل حيوانات اه ده بحقيقي والله في اماكن كده ممنوع ان انت تصطاد او تقتل اي حيوان موجود فيها فاصدرت الدوله القوانين التي تجرم او تمنع الرعي والصيد الجائر عملت ايه كمان نشر الوعي بين المواطنين باهميه التنوع البيولوجي وضروره الحفاظ عليه خد بالك ان درس زي ده ينزل لك في سنه خامسه ده نوع من التوعيه من وانت طفل صغير كده الكائنات اللي موجوده حوالينا واللي ربنا خالقها لها دور ما تاذيهاش اه حتى احنا ديننا الاسلام برده او الدين امرنا بكده فخد بالك ان انت مش عايش لوحدك وفي كائنات ثانيه لازم تحافظ عليها فده النقطه بتاعه نشر الوعي بين المواطنين طيب دي بقى نقطه مهمه جدا وانا شايفاها ان هي نقطه في الصميم حلت لي الازمه انشاء المحميات الطبيعيه لحمايه النباتات والحيوانات البريه من خطر الانقراض عملت محميات عشان تقدر تحافظ على الحيوانات والنباتات من الانقراض محميات طبيعيه طب تاني هقول دول قبل ما نروح نشرح يعني ايه محميات اصدار القوانين التي تجرم الرعي والصيد الجدر نشر الوعي بين المواطنين باهميه النباتات والثروه الحيوانيه النقطه الثالثه ا انشاء المحميات الطبيعيه لحمايه الحيوانات من خطر الانقراض طب يعني ايه محميات بقى يا مس فاطمه ويعني ايه تنوع بيولوجي انا اتفقت معاك في ما المقصود كتير في الدرس ده بس احنا ما بيهمناش وما بيفرقش معانا طلاب منصه الخطه الاولى في مصر هم الاوائل في مصر والكلمه دي انا مش بقولها لك كده عشان تسرح مني الكلمه دي بقولها لك عشان كل ما تزهق وتحسي ان الماده فيها تفاصيل وفيها معلومات وانا طالب خمسه كتكوت غلبان لا انتوا جيل مش كتكوت ومش غلبان وانتم قد كل حاجه بس ركز وكرر معايا. طيب تعال بينا نشوف يعني ايه التنوع البيولوجي. ما المقصود بالتنوع البيولوجي؟ كانك بتقول ان في نبات طبيعي وفي حيوان بري على كوكب الارض. بص كده تنوع الحياه النباتيه ما هو ده النبات الطبيعي والحيوانيه على كوكب الارض. تنوع الحياه النباتيه والحيوانيه على كوكب الارض. تنوع الحياه النباتيه والحيوانيه على كوكب الارض. اخر مره يعني ايه تنوع بيولوجي اللي انت اتخضيت منها سهله قوي تنوع الحياه النباتيه والحيوانيه على كوكب الارض اخر مره والله اخر مره تنوع الحياه النباتيه والحيوانيه على كوكب الارض طب يعني ايه بقى محميه والله بصوا هو التعريف كبير ويخض بس هو برده سهل مساحه من الارض بس طب معلش نزود عليها الميه مساحه من الارض او المياه مساحه من الارض او المياه فيها ايه بقى الارض والمياه دي با نباتات حيوانات اسماك نادره هتقول لي يا مس ما في اراضي زراعيه وفي بحيره سمك لا انا اللي يهمني النادر اللي مش موجود عند اي حد اللي ممكن ينقرض هو ده اللي انا عايزه احميه هو اللي انا عايزه احافظ عليه ما هي اسمها محميه يعني عايزه تحافظ عليه صح كده يبقى مساحه من الارض او الميه بها نباتات حيوانات اسماك نادره مهدده يا حرام بالانقراض لازم حمايتها ثاني مساحه من الارض او المياه تضم نباتات حيوانات اسماك نادره ومهدده بالانقراض ويجب حمايتها والحفاظ عليها طيب قو لي بقى مقترحاتك احنا عرضنا المشكله وعرضنا جهود الدوله انت كده طالب سنه خامسه ايه مقترحاتك لحمايه وده سؤال مباشر على فكره هيجي لك ما مقترحاتك لحمايه التنوع البيولوجي اللي هي الحياه النباتيه والحيوانيه او يجي لك السؤال ما مقترحاتك لحمايه النباتات الطبيعيه والحيوانات البريه في مصر يعني هتعمل ايه عشان تحميها فكرت في حل مش انا قلت لك فكر في حل ما فكرتش طب ماشي انا هقول لك على مقترح كده بسيط على قدك ايه رايك عمل مجله حائط في المدرسه للتوعيه باهميه النباتات والحيوانات اعمل مجله حائط طيب اعمل بوست كلنا عندنا انترنت نت وعندنا حسابات على السوشيال ميديا اعمل حمله لدعم وتوعيه المواطنين باهميه الثروه النباتيه والحيوانيه اختار نوع من النباتات الطبيعيه واتكلم عن فوائده في الاذاعه المدرسيه عشان اعرف الطلبه زمايلي ان النبات الطبيعي ده مهم ولازم احافظ عليه فدي كلها مقترحات تقدر انت وانت صغير كده تعملها وفي مقترح احلى واسهل واجمل ان انت تحافظ عليها ان انت تبدا بنفسك يعني لو لقيت نا في طريقنا مسافرين رايحين جايين نباتات طبيعيه او حيوانات بريه نحافظ عليها ونحميها وبكده اكون خلصت الدرس الرابع والوحده الاولى من الدراسات الاجتماعيه وانتظروني في اقوى مراجعه مراجعه الشهر الاول باذن الله هتضم كل الاسئله وكل الشرح وكل الافكار تدخل مستعد للامتحان الاول باذن الله انتظروني دمتم في القلب والسلام عليكم ورحمه الله وبركاته