تكنولوجيا الصف الخامس خدمات الإنترنت الدرس الثالث الفصل الدراسي الثاني

بسم الله الرحمن الرحيم السلام عليكم ورحمه الله وبركاته حبايبنا ابطال 5 ابتدائي ازيكم عاملين ايه؟ يا رب دايما تكونوا بخير وبصحه وبسعاده معاكم مستر عامر تمراز وفي الفيديو ده ان شاء الله هنشرح مع بعض الدرس الثالث من ضمن دروس الوحده الثالثه لمنهج تكنولوجيا المعلومات والاتصالات للصف الخامس الابتدائي الفصل الدراسي الثاني الدرس الثالث بعنوان خدمات الانترنت قبل ما نبدا في الدرس ما تنساش تعمل لايك للفيديو واشتراك بالقناه وتفعل زر الجرس علشان دايما يوصلك كل جديد احنا بنقدمه على القناه يلا بينا نبدا مع بعض في شرح الدرس الدرس زي ما قلنا بعنوان خدمات الانترنت وزي ما احنا عارفين ان احنا دلوقتي في ثوره التكنولوجيا وعالم التكنولوجيا واي معلومه واي حاجه ممكن نوصل لها بسرعه جدا وسهوله من خلال شبكه الانترنت فالمعلومات اللي موجوده على النت دي هي موجوده على مواقع الكترونيه ومن ضمن المواقع دي مواقع بتقدم لي خدمات زي مثلا ان هي تضيف لي معلومات جديده او خدمات تعليميه ومواقع ثانيه ممكن تقدم لي خدمات عباره عن منتجات هي بتبيعها على شبكه الانترنت فالمواقع دي عباره عن نوعين مواقع تجاريه ومواقع غير تجاريه ده محور درسنا النهارده ان احنا بنتكلم على المواقع الالكترونيه التجاريه والمواقع الالكترونيه الغير تجاريه اولا المواقع التجاريه المواقع التجاريه ليها مفهوم سهل جدا هي عباره عباره عن مواقع تستخدم في عمليات البيع والشراء عبر الانترنت وتهدف الى الربح يعني كل هدف المواقع دي ان هي تبيع وتشتري وتكسب فلوس من الخدمات اللي هي بتبيعها او من المنتجات اللي هي بتبيعها زي مواقع التسوق الالكتروني ممكن اشتري حاجه من على النت فبالتالي انا كده اشتريت من موقع تجاري يبقى هي مواقع تستخدم في عمليات البيع والشراء بيبيعوا وبيشتروا عبر الانترنت زي المحلات اللي موجوده كده في حياتنا في الشارع عندنا في المنطقه دي عباره عن محلات ومشاريع تجاريه نفس المشاريع دي موجوده على شبكه الانترنت على مواقع برده اسمها مواقع تجاريه وتهدف الى الربح يعني كسب المال اهميتها ان هي بتوفر لنا الوقت والجهد بدل ما اروح بقى واضرب مشوار طويل جدا عشان اشتري منتج معين مثلا من محل ملابس لا ده انا ممكن اشتريه من على النت وانا قاعد في البيت من خلال تليفوني وباستخدام شبكه الانترنت طيب هل لها عيوب؟ ايوه تحتاج الى وعي وحظر اثناء الاستخدام لان المواقع دي في منها مواقع موثوقه ومواقع غير موثوقه ممكن تشتري حاجه من على النت تجي لك حاجه ثانيه خالص او يجي لك منتج مختلف وكمان المواقع دي ممكن تطلب مني بيانات شخصيه كتيره جدا توصل لحد رقم حسابي البنكي ورقم الفيزا وبالتالي طبعا هتستغل الكلام ده في ان هي تسرق بياناتي الشخصيه وكمان فلوسي وحساب البنكيه فلازم اكون واعي وحذر اثناء استخدامي لاي موقع تجاري طيب امثله بقى على المواقع دي الاعلانات الالكترونيه الرقميه دايما لما تيجي تستخدم الفيسبوك او اليوتيوب بتشوف فيديوهات كتير لاعلانات مختلفه لمنتجات مثلا زي الملابس او الكترونيات زي اللاب توب او تليفون او اي منتج انت مهتم بيه فكل الحاجات دي بتبقى عن طريق الاعلانات الالكترونيه الرقميه والتي تستغ قدم للترويج للمنتجات وجذب الانتباه بيعمل لك اعلانات علشان تشوف المنتج علشان تشتري طبعا وهو يكسب وهكذا فالاعلانات دي طبعا بتظهر لك لو انت مهتم بمنتجات معينه رقم اثنين المتاجر الالكترونيه ودي اللي احنا بنشتري منها مثلا الملابس او الادوات والالعاب واي منتجات ثانيه زي موقع نون وموقع امازون ودول مشهورين جدا في مصر بيستخدموا طبعا للتسوق الالكتروني يبقى المواقع التجاريه هي بتستخدم في عمليات البيع والشراء عبر الانترنت وتهدف الى الربح بتوفر لنا الوقت والجهد ولازم اكون واعي وحذر اثناء استخدام المواقع دي والمواقع التجاريه دي زي مثلا موقع نون وموقع امازون واي اعلان الكتروني رقمي بشوفه على الفيسبوك او على اليوتيوب او على اي موقع الكتروني ده كان اول نوع من انواع المواقع الالكترونيه طيب النوع الثاني وهي المواقع غير التجاريه دي بقى مواقع تهدف الى نشر المعرفه وتبادل المعلومات بتقدم لك معلومه بتقدم لك معرفه في موضوع معين معلومه جديده عليك بدون اي مقابل يعني ما بتكسبش من وراك ما بتاخدش منك فلوس فاللي بيميزها ان هي بتقدم منفعه عامه دون هدف ربحي عكس المواقع التجاريه الهدف بتاعها الاساسي هو الربح فالمواقع دي بتسمح بقراءه الكتب مشاهده الدروس اكتساب مهارات جديده مجانا كل الحاجات دي مجانا زي مثلا المواقع التعليميه زي موقع بنك المعرفه المصري وده طبعا عارفينه من سنه رابعه والمكتبات الرقميه زي مكتبه الاسكندريه واي منصه للتعلم الالكتروني اللي بتقدم الخدمات بتاعتها مجانا دي كلها عباره عن مواقع غير تجاريه بيقدم لك معلومه من غير اي مقابل دون هدف ربحي عكس بقى المواقع التجاريه اللي دايما هدفها الربح وبتبيع طبعا منتجات او خدمات مختلفه دي كانت المواقع التجاريه والمواقع غير التجاريه الجزء الثاني في الدرس بيتكلم عن كيفيه التعامل مع الاعلانات الرقميه احنا قلنا فوق من امثله المواقع التجاريه الاعلانات الالكترونيه الرقميه طيب ازاي بقى اتعامل مع الاعلانات دي بشكل واعي يجب ان يكون المستخدم يوزر مستخدم يعني يوزر بالانجليزي واعيا عند التعامل مع الاعلانات الالكترونيه الرقميه ليه؟ لان الاعلانات دي بعضها قد يكون مضلل او غير صادق يعني اعلان بيجذبك لدرجه ان هو بيحط لك منتج سعره قليل جدا جدا يقول لك مثلا لاب توب سعره 500 جنيه فانت طبعا ما تصدقش نفسك وعايز تلحق الفرصه دي بسرعه فتدخل بقى على الرابط وتكتب له بياناتك الشخصيه ورقم الفيزا الحساب البنكي والكلام ده كله وفي الاخر طبعا الموضوع كله يبقى مش حقيقي وغير صادق فالاعلانات دي بتظهر منتجات باسعار مغريه او تقدم وعودا غير حقيقيه لجذب الانتباه بيجذب انتباهك بيديك سعر مش حقيقي بيغريك يعني عشان تدخل معاه ويسرق طبعا بياناتك الشخصيه لان اكيد هدفه ان هو يستغلك او يضللك عن طريق الاعلانات الغير حقيقيه فلازم اخد بالي كويس قوي قبل الضغط على اي اعلان او ادخال اي بيانات شخصيه ليا داخل اي موقع لازم نكون واعيين وحذرين اثناء استخدام شبكه الانترنت بشكل عام والدخول على المواقع الالكترونيه ماكتبش اي بيانات شخصيه ل ولا اي بيانات ماليه اللي هو الحساب البنكي او رقم الفيزا. جزء ثالث في الدرس بيتكلم عن التسوق الالكتروني. قلنا في المواقع التجاريه عندي موقع اسمه نون وموقع تاني اسمه امازون وده من خلاله انا بعمل تسوق الكتروني بعمل شوبنج بشتري حاجات من على النت طيب ايه هو بقى مفهوم التسوق الالكتروني ببساطه جدا عمليه شراء وبيع المنتجات والخدمات عبر الانترنت زي ما بنزل من البيت اروح اشتري حاجه من السوق انا قاعد في بيتي وبشتري برده حاجه من السوق بس السوق ده موجود بشكل الكتروني على شبكه الانترنت وانا قاعد في البيت من غير ما اروح بطلب الحاجه بتوصل لي لحد باب البيت طيب ايه هي المميزات بتاع التسوق الالكتروني وسيله مفيده توفي لنا الراحه والاختيار من بين العديد من المنتجات قاعد ماسك التليفون او جهاز الكمبيوتر وعمال تقلب وبتختار من المنتجات اللي انت محتاجها او اي منتج بيعجبك بتختاره ودي ميزه كويسه جدا طيب ايه هي عيوبه يصبح خطرا اذا لم نلتزم بسلوكيات الشراء الامن زي ما اتكلمنا فوق في بدايه الدرس لازم اخد بالي واكون واعي وحذر لما اجي استخدم اي موقع الكتروني وخاصه المواقع التجاريه وانا بعمل تسوق الكتروني على شبكه الانترنت لان انا بدخل بيانات شخصيه ليا وممكن كمان اكتب رقم الفيزا او الحساب البنكي بتاعي او بتاع بابا او بتاع ماما فلازم اخد بالي كويس جدا فلو انا اشتريت اي منتج او خدمه عبر شبكه الانترنت كده يبقى انا عملت حاجه اسمها تسوق الكتروني طيب احنا بنقول لازم ناخد بالنا واحنا بنشتري عبر شبكه الانترنت او بنتعامل مع المواقع التجاريه طيب ايه هي بقى سلكيات الشراء الامن؟ اول حاجه قراءه تقييمات المستخدمين قبل الشراء لما تيجي تشتري منتج هتلاقي في حاجه اسمها تقييمات المستخدمين كل واحد اشترى المنتج ده يقدر يكتب تقييم عن المنتج اللي اشتراه يعني بيقول رايه في المنتج المنتج ده كويس جدا ممتاز تلاقي واحد كاتب متوسط تلاقي واحد ثالث كاتب ان هو حصل فيه مشكله فدي كلها تقييمات ممكن تكون ايجابيه وممكن تكون سلبيه فالهدف ان انا بجمع معلومات عن المنتج ده قبل ما اشتريه. رقم اثنين اختيار المواقع المعروفه والموثوقه. ما اشتريش من اي موقع الكتروني مجهول بالنسبه لي او غير رسمي او غير معروف. لازم اتاكد كويس من اي موقع الكتروني انا بشتري منه. رقم 3 عدم الافصاح عن البيانات الشخصيه لاي جهه غير موثوقه زي ما اتفقنا ندخل على المواقع الموثوقه والمعروفه بيانات الشخصيه ما ينفعش اكتبها على اي موقع الكتروني علشان طبعا ما حدش يسرق بيانات الشخصيه ولا يسرق طبعا حساباتي البنكيه فالتسوق الامن عبر الانترنت هو استخدام مواقع موثوقه عند الشراء الموقع الموثوق مش هيضللك مش هيضحك عليك مش هيسرق بياناتك ولا حساباتك البنكيه جزءاني بيقول لي هنا ارشادات الامان اثناء التسوق الالكتروني عبر الانترنت اول حاجه عدم مشاركه كلمه المرور دي طبعا عارفينها من زمان او المعلومات الشخصيه زي ما قلنا رقم البطاقه او العنوان الا في المواقع الموثوقه ويمكنك الاستعانه بوالديك لو انت مش عارف الموقع الموثوق ممكن تستعين بوالديك او معلمك علشان طبعا يعرفك كويس ايه هي المواقع الموثوقه اللي تقدر تشتري منها عبر الانترنت. رقم 2 يجب التاكد من امان الموقع ازاي اتاكد ان الموقع موثوق من خلال الصورتين دول او الصوره دي اول حاجه رمز القفل رقم اين اتش تي تي بي اس في عنوان الموقع كده الموقع موثوق يبقى وجود علامه القفل بجانب عنوان الموقع او ان الموقع يبدا بش تي تي بي اس الاس دي عباره ان هو موقع امن يعني سكيورتي لان ذلك يدل على ان الموقع يستخدم نظام حما حمايه البيانات دي ارشادات لازم اعرفها كويس وانا بستخدم اي موقع الكتروني اثناء التسوق عبر شبكه الانترنت طيب لو انا بقى استخدمت الكلام ده كله بعقل واعي وسلوك مسؤول ايه اللي يحصل هحمي نفسي من المخاطر هستفيد من مزاد تكنولوجيا بشكل امن وصحيح هكون بالفعل مواطن رقمي ناضج ومسؤول والحاجات دي طبعا اتكلمنا عنها في درس المواطنه الرقميه لحد لحد هنا هكون وصلنا لنهايه الدرس. الدرس سريعا كان بيتكلم عن خدمات الانترنت من خلال المواقع التجاريه اللي تستخدم في عمليات البيع والشراء عبر الانترنت وتهدف الى الربح زي موقع نون وموقع امازون والمواقع غير التجاريه اللي بتهدف الى نشر المعرفه وتبادل المعلومات دون هدف ربحي زي بنك المعرفه المصري ومكتبه الاسكندريه وعرفنا ازاي نتعامل مع الاعلانات الرقميه وايه هو مفهوم التسوق الالكتروني ان انا اشتري اي حاجه من على شبكه الانترنت وطبعا عندي سلوكيات الشراء الامن وارشادات الامان اثناء التسوق الالكتروني وازاي اعرف واتاكد ان الموقع اللي انا دخلت عليه امن وموثوق تعالوا بقى نحل كم سؤال كده سريعا على الدرس السؤال الاول صح وغلط الخدمات التجاريه تهدف لنشر الوعي فقط طبعا غلط تجاريه يبقى تهدف الى الربح المواقع التعليميه غير تجاريه نعم صح الاعلانات عبر الانترنت دائما صحيحه طبعا غلط في منها صحيح وفي منها غير صحيح يجب حمايه البيانات الشخصيه عند الشراء طبعا صح التسوق الامن يعني الحذر من المواقع المشبوهه ايوه صح المشبوهه اللي هي الغير موثوقه اختر الاجابه الصحيحه من امثله المواقع التجاريه طبعا موقع امازون من امثله المواقع غير التجاريه طبعا بنك المعرفه المصري الاعلانات الكاذبه قد تخدع المستخدم من القواعد الامنه على الانترنت عدم مشاركه البيانات الشخصيه التسوق الامن يعني استخدام مواقع موثوقه لحد هنا نكون وصلنا لنهايه الدرس اتمنى يكون الدرس سهل وبسيط بدون اي تعقيد اشكركم اشوفكم على خير والسلام عليكم ورحمه الله وبركاته