المراجعة النهائية والملزمة هدية في اللغة العربية للصف الرابع الإبتدائي الترم الثاني 2026

ملزمه المراجعه النهائيه اللي فيها منهج رابعه ابتدائي كله ببلاش تحت الفيديو ده نزلها من اللينك اللي موجود تحت الفيديو او خلي حد عندك في البيت ينزلها ويا ريت لو لقيت حد في الكومنتات مش عارف يوصل لها خد اللينك وابعته له لاني ممكن ما اقدرش ارد على كل الكومنتات مش عايزك تستغرب ان المراجعه نزلت بدري شويه علشان خاطر صحابك واخواتك اللي في الازهر امتحانهم بكره ان شاء الله فركزوا معايا يلا ودوس على لايك دوس على اللايك دوس على اللايك وما تنساش ان شيرك بينفع غيرك انا بحبكم في الله اشتغل عليك اكتر من كده جملتنا المشهوره انزل بالانترو يا مصطفى في البدايه يلا كلنا نسمي الله بسم الله الرحمن الرحيم ونصلي على النبي عليه الصلاه والسلام ونقول دعائنا اللهم لا سهل الا ما جعلته سهلا وانت تجعل الحزن اذا شئت سهلا لا اله الا انت سبحانك اني كنت من الظالمين بصوا يا شباب ركزوا معايا دلوقتي عشان انت خلاص يا ازهري امتحانك بكره بص معايا انا عايز الم لك الدنيا بشكل سريع علشان خاطر تستفاد وفي نفس الوقت تروح تحل باذن الله رقم واحد انت معاك الملزمه حملها لانك هتحتاج تذاكر منها حاجات كتير. رقم 2 خليني ابدا لك الاول باكتر فرعين مهمين النصوص والنحو بص يا صديقي هنا جايب لك الثلاث نصوص شكلهم ازاي حطيت لك النص الشرح ومواطن الجمال تحتيه الجماليات دي مهمه ليه لان هو هيسالك هيجيب لك بيت او بيتين من النص هيسالك في المعاني فاحفظ المعاني خلاص او راجعها بشكل سريع برده المعاني موجوده هنا تحت حطيتها لك في جدول خلاص كده وبعدها اعرف شرح البيت لانه ممكن يقول لك اشرح البيت والجماليات دي ممكن يجي يقول لك ما الجمال في قوله كذا ما على ما يدل قوله كذا وهكذا ركز بقى معايا يلا وسمي الله وبص معايا النص الاولاني اللي هو كان بيتكلم عن مصر لنا منذ القدم بيقول لك ايه مصر لنا منذ القدم رمز الجلال والعظم مصر هضي يحيى العالم البيت ده معناه ايه انه بيتكلم على ان مصر عظيمه فالشرح ده انت بتقرا ليه عشان هو ممكن يجي يقول لك مثلا اشرح البيت باسلوبك يعني ايه اشرحه باسلوبك يعني كانه بيقول لك بالضبط قول انت فاهم منه ايه حلو فالبيت ده معناه ايه بيقول لك ان مصر عظيمه على مر الزمن وهي مثال للعظمه والسمو عشان كده قال لك رمز، رمز دي كانها علامه او مثال او دليل خلاص وده الكلام ده منذ القدم من زمان والشاعر بيتمنى لها لما قال انهضي يحيى العالم هنا بيتمنى ان تعلو وترتفع مكانتها خلاص كده طب ايه الجمال في الحاجات اللي استخدمها رقم واحد لما قال لك مصر لنا منذ القدم هذا التعبير يدل على ان الشاعر يفخر بمصر لان انت الحاجه دي لما بتكون بتفخر بيها فانت بتقول دي بتاعتي او بتاعتنا لينا انما معلش هي لو حاجه وحشه هتستعر منها ومش هتجيب سيرتها فده رقم واحد فممكن يجي لك في الامتحان يقول لك ايه فعما يدل قول الشاعر مثلنا منذ القدم هتقول له يدل على الفخر والانتماء لمصر او الفخر بالانتماء لمصر ان هو ينتمي لمصر فهو فخور بده رمز الجلال والعظم ده تعبير جميل بيدل على ايه رمز الجلال والعظم يبقى بيدل على عظمه مصر ومكانتها الكبيره ركز عشان دي اسئله مهمه جدا وغالبا هتجيبها لك بعد كده طبعا مصر في عندنا حاجه فاكر كنا اخدناها وراجعناها قبل كده اسمها التعبير المجازي يعني ايه التعبير المجازي ان انا بتعامل مع الحاجه بشكل خيالي فتخيل واحد بيقول لي مصر انهاضي هي مصر دي انسان بيسمع لا طب انسان بيفهم لا طب انا لما اقول لها انهضي هتنهض برده لا يبقى اذا ده تعبير مجاز يصور مصر بانسان ندعوه الى النهوض بنقول له يلا قوم انهض ومواصله التقدم الى الامام بعد كده قال لك البيت ده جميل قوي قوي بيقول لك ام العلوم الفنون ساده بنوها الاولون ساده جايه من السياده والرياده كانوا اسياد للعالم كله وبنوها اللي هم ابنائها فلما قال ام العلوم والفنون يبقى هو هنا بيتكلم عن ان مصر مهد الحضارات يعني مولد الحضارات الحضارات كلها كانها اتولدت على ارضها واتربت في ارضها وده برده تعبير مجازي يعني من سواء علوم او فنون وقد اصبح ابناؤها اصحاب حكم وسلطان في كل مكان يبقى بيتكلم عن ان ابنائها لهم السياده ليهم الرياده وكانهم هم ايه افضل الناس الجماليات طبعا ام العلوم والفنون ده تعبير جميل بيصور فيه مصر يعني كانه بيشبهها بيصورها بايه بام في عطائها ويدل على علمها ليه؟ لان هو هنا بيتكلم ام العلوم كانها ام وده بيدل على كثره العلوم اللي موجوده فيها بعد كده برده ساده بنوها الاولون ده تعبير جميل بيدل على عراقه المصريين يعني ايه العراقه كل ما هو عريق يعني كل ما هو قديم له اصل وتاريخ مش حاجه كده مستحدثه وخلاص فعشان يدل على تاريخها الكبير وتاريخهم المشرف بعد كده قال لك ايه ومثلما كانوا نكون انا عليها قائم نرعى العهود والذمم الحته دي مهمه جدا ليه البيت ده الشاعر بيقول فيه ان احنا لحد النهارده بنواصل مسيره رقيه اجدادنا اللي كانوا زمان هم بانوا واحنا بنكمل خلاص وبنحرص وطنا ونحافظ على عهودنا مع الاخرين في كل مكان طيب ان عليها قائمون ده اسلوب مؤكد اسلوب مؤكد ازاي يعني بص يا صديقي لما يستخدم عندك ان دي وتشوفها دي اداه توكيد وبالتالي اول ما تلاقي جمله كده باده بان بتقول له ده اسلوب مؤكد بان طب ليه بياكد على ايه هتقول يصور ابناء مصر بالحراس ساهرين على حمايتها كان ولادها حراس كده على طول الليل سهرانين عشان يحموها نرعى العهود والذمم ده تعبير جميل بيدل على اهميه التمسك بالقيم ومنها حفظ العهود والمواثيق ما بنخونش العهود ابدا نحب مصر مخلصين ونفتديها اجمعين الاخلاص ده يا صديقي اللي هو باختصار كده ان انت عندك انتماء لهذا الوطن خلاص نفتديها بنضحي بنفسنا من اجلها فهنا بيقول لك الشرح بتاع البيت ان حب مصر يجري في عروق كل ابنائها فهم مالهم يعملون باخلاص من اجلها ويضحون بكل ما يملكون طيب بعد كده نفتديها اجمعين ده تعبير بيدل على ايه؟ على حب مصر والتضحيه من اجلها لان انت لما بتفدي حاجه يعني انت بتضحي من اجلها يعني انت بتيجي على نفسك عشان خاطر الحاجه دي يبقى الحاجه دي تخصك وتهمك خلاص وده بيدل على شده الحب بعد كده بيقول لك ايه بقى فيها حيين مكرمين وهي الحياه للبنين هي الوجود والعدم يعني ايه الكلام ده؟ بيقول لك في هذا البيت الشاعر بيبرز وبيوضح لنا كده سبب حب ابناء مصر لها. طب ايه هو السبب؟ ان هم عاشوا على ارضها بكرامه خلاص فهي التي وهبت الحياه الكريمه لابنائها ولا حياه لهم بعدها بسبب الانتماء ان هم اتربوا على ارضها وعاشوا على ارضها في خيرها فيها حيين مكرمين ده اولا مبدئيا كده تعبير بيدل على فضل مصر على ابنائها ان مصر لها فضل على اولادها هي الحياه للبنين تعبير مجازي بيصور مصر بالحياه ما هو بيقول لك هي الحياه طب هي مصر دي الحياه لا فده تعبير خيالي شويه بنسميه بقى زي ما قلنا التعبير مجازي فلو قال لك مثلا استخرج لي من البيت ده تعبير مجازي هتقول له ايه؟ هي الحياه للبنين بعدها هي الوجود والعدم تعبير يدل على ان مصر كل شيء بالنسبه لابنائها يعني بيقول لك دي الحياه وكل شيء بالنسبه لنا فهو عايز يبين لك في التعبير الجميل ده ان مصر هي كل حاجه بالنسبه لمين؟ لابنائها بعد كده قال لك ايه؟ نبني لها خير البناء نعلو بها الى السماء يعني ايه نبني لها خير البناء وكانهم بيقول الشاعر ان احنا بنعمل كل العمل المخلص والجاد اللي نقدر نعمله عشان نرفع من شان الوطن الى اسمى وارقى واعلى منزله فاهم الفكره وطبعا خلي بالك ان هنا في يعني جماليات مهمه جدا زي نبني لها خير البناء نعلو بها الى السماء فنبني لها خير البناء ده تعبير جميل يدل على رغبه ابناء مصر في بناء وطنهم وايه ورقيه عندهم رغبه في التطوير والبناء وطبعا نعلو بها الى السماء تعبير جميل بيدل على حب المصريين لوطنهم ورغبتهم في رفعتها وتقدمها يبقى ده تعبير يدل على ايه اصل نعلو بها الاسماء انت مش هتاخد مصر تطلعها على السماء لكن ده بيدل انك انت بتحب الحاجه دي جدا جدا حب المصريين لوطنهم والرغبه انك عايز تطوره وترفع من قدره اخر بقى بيت نادينو فيها بالوفاء ومصر اولى بالفداء هي الحماء وهي الحرام مبدئيا كده شرح البيت الاخير ان ابناء مصر كانهم مدينون كان عليهم دين لوطنهم لازم يوفوا بيه اللي هو الوفاء والتضحيه خلاص كده فهي احق ما تبذل له الارواح لازم نبذل ارواحنا من اجلها دي وطنا ليه لانها المكان المقدس العظيم عشان كده لما قال لك هي الحمى ولا وهي الحرم كان يدل على قادسيه مصر طب بعد كده بقى الجماليات اللي هنا بص مبدئيا في حاجه مهمه قوي عايز اكلمك فيها كنت راجعتها لك كذا مره بص القدم العلم الذمم العدم الح بص كل الحاجات دي كلها اخرها مين م مين مين م مين فكلمات متماثله في النهايه تعطي جرسا ايه موسيقيا لان كل ما الكلمات كانت اخرها حرف واحد بتديني جرس موسيقي بتساعدني ان انا اغنيها بتساعدني انها تديني نغمه موسيقيه وهكذا مصر اولى بالفداء تعبير جميل يدل على استعداد المصريين يا اود للتضحيه بارواحين من اجل مصر وهي الحمى وهي الحرم لو قال لك هذا التعبير يدل على ايه؟ هتقول يدل على قادسيه ارض مصر بعد كده هتلاقيني سايب لك الكلمات هنا المعاني كلها في الجدول ده تقدر تكررها وتحفظها واحسن طريقه تحفظ بيها تعال هعلمها لك برده بسرعه عشان الوقت بتاعك ضيق شويه بص انت احسن حاجه لو مش حافظ بتحفظ ازاي بتكرر الكلمه من اليمين للشمال مثلا من ثلاث لخمس مرات تقول كده الحرم المكان المقدس الحرم معناها المكان المقدس الحرم معناها المكان المقدس الحرم معناها المكان المقدس بعد كده خبيها بايدكقول الحرم معناها ايه؟ برافو عليك المكان المقدس تبدا تعكس بقى المكان المقدس يعني الحرم مكان المقدس يعني الحرم مكان المقدس يعني الحرم وتخبي دي بايدك المكان المقدس يعني الحرم بتحفظها من اليمين للشمال ومن الشمال لليمين وعدد المرات بتاعه التكرار بتختلف من شخص للثاني ممكن واحد يحفظ من ثلاثه واحد يحفظ من خمسه واحد يحفظ من سبعه المهم انك تكرر بعد كده هتلاقيني عامل لك خطوه جميله جدا جدا بص حاطط لك سؤال واجابه على النص ليه عشان دي اسئله بيسالك فيها يعني مثلا بص السؤال ده بما تتميز مصر منذ القدم تتميز بانها رمز العظمه والجلال ومهدي الحضارات والعلوم والفنون فالاسئله دي هو بيسالك فيها حرفيا بيجي لك منها وش فكده كده الملزمه معاك هتنزلها وابدا ايه اقراهم واحده واحده خلاص كده طيب هنخش احنا على النص الثاني عشان عايزين نكسب شويه وقت عشان خاطر انا عايز اخلي الفيديو قصير على قد ما اقدر بحيث وقتك ما يضعش ان انت امتحانك خلاص الصبح والشيت معاك اديني فهمتك شويه حاجات برشدك بقول لك دي هتسالك في كذا دي هيسالك في كذا كمل بقى من الشيت فضروري هتقرا الاسئله تعال نخش على النص الثاني اللي هو العلم طريق النجاح بص النص ده جميل قوي هدفه كله ان بيوريك ان من غير علم انت مالكش لازمه بالعلم يبقى لك كل قيمه وليك السياده والرياده على كل الايه المجتمعات فبيقول لك ايه ان كنت تبغي المعالي يعني ايه تبغي يعني تريد المعالي المكانه العاليه فالعلم اهدى سبيلا السبيل المقصود به الطريق وكانه بيقول لك ان العلم هو احسن طريق تمشي بيه لو انت عايز توصل للمكانه العاليه فانا بيقول لك شرح البيت ان بيقول الشاعر ان الانسان الذي يريد ان يتفوق في حياته عموما ويصل الى النجاح والمجد عليه ان يسير في طريق العلم اوعى تكون فاكر ولا حد يضحك عليك ويقول لك ان اي طريق ثاني يوصلك للي انت عايزه الا العلم هو العلم بس والجماليات طبعا تبغي المعالي ده تعبير مجازي لان المعالي مش حاجه ماديه يبقى اذا هو صورها بحاجه ماديه بتتلمس ليها جسم عشان خاطر يقول لك فيها ان انت تقدر تحصل عليه عشان تتخيله انما المعالي طبعا هي مكانه معنويه مالهاش جسم خلاص كده فصور الشاعر فيه المعالي بشيء مادي يتسابق الناس في الحصول عليه وخلي بالك اي حاجه مالهاش جسم اصورها واشبهها بحاجه ليها جسم ده بيبقى تعبير مجازي بنقول بنصور فيه كذا بكذا يعني كاننا بنشبهها بكذا لمجرد ان انا اخليك تتخيلها لان المعالي دي المكانه العاليه ليك وسط مجتمعك ووسط الناس فاهمني فعشان اخليك تتخيلها كانها حاجه بتمسكها كده زي الكاس زي الميداليا الحاجات دي فس رحت مشبهها لك كانها حاجه بتاع تحصل عليها والعلم اهدى سبيل تعبير مجازي برده لان العلم مش طريق برده ده حاجه معنويه فهو شبهها لك بطريق انت هتمشي فيه فهتبدا تتخيل ان في طريق قدامك اسمه العلم اخره حاجه اسمها المعاليه زي جايزه او هديه هتاخدها لو انت مشيت في الطريق ده لمجرد ان يخليك تتخيل واظب عليهم مجدا واطلبه ظهرا طويلا الظهر اللي هو الزمن خلاص كده فهنا بيشرح لك بيقول لك ايه على طالب العلم انه يجتهد في المواظبه على طلب العلم طوال حياته كلها من غير ملل فالبيت ده غرضه بس ان يقول لك ما تزهقش من طلب العلم وما تستعجلش على انك توصل للمكانه العاليه بعد كده كن بالعلوم ولوعا ايه الولوع ده الشخص الولوع او اللي عنده ولع بالحاجه يعني عنده شغف انسان شغوف خلاص لازم يكون عندك شغف للحته دي طب ليه يا عم الحاج قال لك ترقى المقام الجليله يبقى انا ليه بقول لك قن بالعلوم ولوى عشان ترقى وترتقي وتصل الى المقام الجليل العظيم خلاص والشرح هنا بيقول لك ويجب ان يكون المتعلم حريصا على التزود بالعلوم المخ مختلفه ليصل الى المكانه العظيمه علوم كتير مش علم واحد بس نوع في العلوم بتاعتك خلاص وترقى المقام الجليله فيها تعبير جمالي حلو قوي ممكن يقول لك ما التعبير الذي يدل على مثلا الوصول الى المنازل العاليه هتقول له ايه ترقى المقام الايه الجليله او العكس يقول لك ترقى المقام الجليله تدل على ايه على الاثر الطيب لطلب العلم والوصول الى المنازل الايه العاليه يبقى احنا كده جبنا الحته دي ليه عشان اقول لك ان انت بالعلم توصل توصل بيه ان شاء الله للمكانه العاليه الكويسه بعد كده واتعب النفس فيها عشان يعرفك انك هتتعب لما تختار الطريق ده ما تكونش فاكر انه سهل تلقى الجزاءه الجميله هتحصل على الجزاء الحلو اللي فيه الخير يبقى التعب ليه مقابل ولا مالوش ليه مقابل خلاص فيجي لك يقول لك ايه على طالب المعالي ان يتعب نفسه في تحصيل العلوم ليه يقول لك كده علل لماذا يتعب نفسه او لماذا يجب عليه ان يتعب نفسه هتقول له ليصل الى المكانه العاليه ويحقق النتائج التي يريدها عشان يوصل للحاجه اللي هو عايزها عشان لو قال لك علل وبرده هنا في تعبير جميل حلو قوي لما قال لك تلقى الجزاءه الجميله ده تعبير يدل على ايه؟ على ان من يتعب نفسه في طلب العلم سيفوز فوزا كبيرا بعد تحصيله يبقى ده تعبير بيدل على ايه؟ انك هتتعب ان شاء الله لكن هتقدر تفوز باللي انت عايز تفوز بيه او ممكن يقول لك استخرج لي من البيت ده تعبير بيدل على ان من يتعب نفسه في طلب العلم سيفوز تقول له ايه تلقى الجزاء الجميله او واتعب النفس فيها تلقى الجزاء الايه الجميله اخر بيت بقى جميل قوي بيقول لك ايه؟ لولا العلى ما سهرنا بالجد ليلا طويلا بيقول لك لولا لولا المكانه العاليه اللي احنا عايزينها عمرنا ما كنا هنسهر ولا نتعب عشان كده بيقول لك الشرح ان الجد هو الشيء ان انت تجتهد يعني هو الشيء الذي يستحق السار والتعب والاجتهاد الذي علينا ان نجد ونكد نتعب بس عشان خاطر هنوصل لايه ونسهر الليالي للوصول اليه اي الى هدفنا وحلمنا والمكانه العاليه واخر حاجه التعبير الموجود هنا في الجماليات لولا العلا ما ساهرنا تعبير بيدل على ان الوصول الى المكانه العاليه يستحق السهر وبذل الجهد عشان ما تفتكرش ان سهرك ده هيروح على الفاضي لا هي الحاجه اللي انت ان شاء الله هتوصل لها تستاهل منك كده سايب لك برده المعاني بشكل جدول لطيف ومقسم لك البيت او الابيات كلها اللي موجوده على هيئه سؤال واجابه سؤال واجابه سؤال واجابه خلي بالك هنا بس اول سؤال ده عايز انبهك عليه عشان اصله مهم جدا جدا بيقول لك ايه بماصور الشاعر العلمي في البيت الاول صوره بطريق يسير فيه الانسان شفت بقى شكل الاسئله فعشان كده لما تشوف الشرح وتقرا الشرح وتقرا المواطن الجماليه وتشوف المعاني وتقرا الاسئله دي اضمن لك هتقفل النصوص خالص واديني عرفتك برده هتتسئل عليها ازاي هو هيجيب لك بيتين هيسالك في المعاني وهيسالك ايه في مواطن الجمال التقرير ده بيدل على ايه عما يدل كذا علل كذا لماذا قال الشاعر كذا ما الجمال في كذا طيب اخر نص عندنا كان اسمه للجميع بص يا سيدي النص ده بيتكلم عن ايه ان لازم كلنا نكون وحده واحده ولازم نكون كلنا بنسعى من اجل تطوير شيء واحد وهدف واحد فبيقول لك ايه النور للجميع والحب للجميع وارضنا السمراء والخير والعطاء لابد ان يكون للجميع فهنا بيصف الشاعر ايه بقى في الابيات دي بيقول لك ان جمال الارض العربيه اللي هي الارض العربيه كلها عشان بيدعو الى الوحده العربيه فبيدعو فيها ان لازم الخير والعطاء والحب يعم جميع الناس لان المحبه تجعل حياتنا افضل يبقى اش معنى اختار المحبه عشان لو سالك قال لك ايش معنى اختار المحبه او لماذا اختار المحبه لان المحبه هي الشيء الوحيد اذا ساد بين ابناء الوطن الواحد او العرب كلهم عموما بيوصلنا في الاخر للايه لحياه افضل طب الحب للجميع ده تعبير بيدل على نشر الموده بين الناس دون تمييز يعني ايه دون تمييز يعني دون اختلاف يعني ما تميزش ناس عن الناس ما تديش محبه للناس وناس ثانيه لا فدون تمييز بعد كده بيقول لك ايه ترابنا ذهب وعزمنا هنا لهب لهب زي نيران كده مشتعل عشان يدل على شده العزم والاراده نبني به البلاد نواصل الجهاد لوحده العرب لامه العرب قوي الشعر هنا بيتحدث عن جمال الوطن العربي وارضه الطيبه وهنا الوطن العربي كل بلاد العرب على فكره ها ا طب ليه يا سيدي بيتكلم على الحته دي ليه او الارض الطيبه ليه التي تعطي الخير للجميع ويؤكد ان العرب يملكون اراده قويه تدفعهم لبناء بلادهم والعمل من اجل وحدتهم عشان يبقوا العرب كلهم وحد واحده واحده كانهم ايد واحده الجماليات طبعا ترابنا ذهب تعبير مجازي وبرده نبني به البلاد برده تعبير مجازي طب ايه التعبير المجازي قلنا في حاجه فيها خيال ترابنا ذهب مجازي بيصور فيه التراب بتاع الوطن العربي بالذهب نبني به البلاد بيصور فيه الشاعر الجهد والعمل بالحجاره التي تبنى بها البيوت احنا لما بنيجي نبني بيوت بنبنيه بايه بالطوب او الحجاره لكن هو قال ان احنا هنبنيه بالجهد والعمل فهو بيصور الجهد والعمل بالطوب عشان يخليك تتخيله يخليك ان انت تتخيل كانها ايه حجاره بنبني بيها طبعا عزمنا لها التعبير مجازي برض لانه بيصور فيه برده الاراده والعزيمه القويه بالايه بالنار وعزمنا لهب نبني به البلاد تعبير مجازي بيصور برده العزم يعني الاراده بانها يا اد ماده كده زي الطب برده بنبني بيها كانها طب او اسمنت يعني بعد كده بيقول لك ايه النور للجميع والحب للجميع من زهره بعينها لا يصنع الربيع يعني ايه بقى الحته دي عشان الشرح بتاع البيت ده مهم جدا جدا جدا جدا بيقول لك ايه؟ النور والحب في امه العرب متاحين لكل الناس والربيع لا يكتمل جماله الا بتفتح جميع ازهاره فبيقول لك بقى ان تخيل لما الربيع بيبقى جميل ليه؟ عشان كل الورود والارض شكلها حلو يبقى الوطن العربي برده عشان يبقى حلو لازم يبقى ايه؟ كل البلاد بتاعته حلوه مش جزء حلو وجزء لا عشان كده بيقول لك ايه ان الربيع احنا لما بنشوفه بنعجب بيه ليه عشان كل ارضه حلوه مش مثلا ورده واحده ولا جزء جزء واحد عشان يقول للدول كلها لازم كلكم تبقوا ايد واحده فكلكم تبقوا بخير عشان تبقوا حلوين مش جزء بخير وجزء لا حتى هو بيقول لك وليس بظهره واحده فقط لان العمل الجماعي بيجعل الامه اقوى وطبعا بدا يشبه ده بالربيع طبعا الذي لا تصنعه زهره واحده بل مجموعه من الايه من الازهار يبقى هو ضرب المثل هنا بايه ان لازم نتحد قال لك لما بنيجي نشوف الربيع بيعجبنا ليه عشان كل الارض حلوه وشكلها حلو فضرب مثل بالربيع انه بيعجبنا عشان كده عشان يقول لك لازم كلكم تتحدوا وتبقوا ايد واحده عشان في الاخر توصلونا للشكل الجمالي ده ان نبقى كلنا بخير وكلنا فعلا يبقى شكلنا جميل وفي المكانه اللي احنا بنتمناها بعد كده طبعا ختم بقى النص بتاعه او القصيده بتاعته قال تساندي تساندي يا وحده السواعد غلالنا الخضراء والخير والعطاء لابد ان يكون للجميع لابد ان يكون للجميع يبقى بيتكلم في الاخر عن لازم نتعاون فيجب ان نتعاون ونتحد واحد لتحقيق السعاده والوحده لامتنا الا نبخل ابدا ابدا ابدا سواء بالخير او العطاء والمحاصيل الخضراء على اخواننا في امتنا اذا حد يحتاج حاجه نقف جنبه ونساعده خلاص وفي النهايه بياكد الشاعر خالص على ان الخير والعطاء يجب ان يكون للجميع في كل زمان وكل مكان عشان هو بيدي دعوه كده نهائيه كل الدول دي لازم تتحد وتبقى ايد واحده بعد كده طبعا تساندي تساندي ده اسلوب امر للحث على التعاون بين الشعوب وبتكرار كلمه تساندي طبعا بيفيد التوكيد عشان لو قال ق لك ماذا افاد تكرار كلمه تساندي هتقول له يفيد التوكيد بياكد على حاجه يا وحده السواعدي ده اسلوب نداء للتعظيم بيصور في الشاعر وحده السواعد بانسان ايه ينادي خلاص كده السمراء والايه والعطاء والجهاد والبلاد كلمات متماثله في النهايه بتعطي جرسا ايه موسيقيا طب بص معايا هنا معاني المفردات برده سايبها لك السؤال والاجابه برده سايبهولك تعالى ننقل بقى مع بعض على سؤال مهم قوي بص السؤال ده بيقول لك ايه ماذا افاد التكرار في قول الشاعر تساندي تساندي السؤال ده مهم قوي قوي قوي انا كنت بقول لك للتوكيد فانت هتقول له كده بالضبط افات تكرار هذا او هذا التكرار تاكيد اهميه التعاون ما هو بياكد على ايه؟ على اهميه التعاون خلاص بين ابناء الامه ليعم الخير ارجاء الايه؟ الوطن خلاص كده التعاون هو اللي هيوصلنا للخير طيب بعد كده بقيه الاسئله اهي عندك سؤال واجابه سؤال واجابه سؤال واجابه كل حاجه موجوده عندك اهي كل حاجه تقدر تراجعها وتعال بينا ننقل على الفرع الثاني وهو النحو بص يا صديقي مبدئيا كده تعالى بقى بالراحه خالص نفهم احنا المفروض هنذاكره ازاي انت راجل امتحانك بكره خلاص المفروض تعمل ايه بص يا صديقي اول درس كان عندك الجمله الاسميه لازم تعرف ان الجمله الاسميه دي بنعرفها ازاي عشان هي بتبدا باسم يعني اول كلمه فيها اسم طب انا في الامتحان اعرف ازاي ان اول كلمه فيها اسم قلنا في حاجه اسمها علامات الاسماء امسك الكلمه الاولى من الجمله وحط لها الف ولام لو نفعت خلاص كده يبقى دي كده جمله اسميه او هتلاقيها اسم انسان دي كده تبقى جمله اسميه برضو او هتلاقي اخرها ت مربوطه يبقى دي برض جمله اسميه سواء بقى جاب لك قطعه طويله سواء جاب لك امثله صغيره الجمله الاسميه بتبدا باسم بعرف ازاي انه اسم زي ما قلت لك يا اخره تاء مربوطه يا عليه تنوين يا ينفع احط له الف ولام يا اما اسم انسان حلو الكلام حلو الكلام لمجرد انك تعرف ان الجمله اللي قدامك دي بدات باسم يبقى دي جمله اسميه اي جمله اسميه بقى بتتكون من مبتدا وخبر المبتدا ده الاسم اللي احنا بدانا بيه الجمله اما الخبر الجزء اللي بيخلي للجمله معنى مفيد فانت لما تكتشف المبتدا مثلا زي هنا السماء صافيه عرفت منين يا مستر ان دي جمله اسميه عشان كلمه السماء فيها الف ولام اهي خلاص الاسم اللي بدانا بيه الجمله ده اهو ده بيتعرب مبتدا مرفوع وعلامه رفعه الضمه لو كان مفرد حلو كده طب فين الخبر او نخرجه ازاي يا مستر عشان لو مديني قطعه طويله هتسال كده المبتدا ماله الكلمه اللي تجاوب لك على ماله هي دي اللي تبقى الخبر هنا السماء مالها صافيه يبقى صافيه دي خبر مرفوع والمبتدا والخبر كلاهما دائما مرفوع حلو يتفضل لك العلامه بص بقى اي علامه في الاعراب بنحددها على اساس الكلمه مفرد ولا مثنى ولا جمع ولو جمع نوعه ايه تكسير ولا مذكر سالم ولا مؤنث سالم فمبدئيا لو الكلام معاك جاي في مفرد او جمع تكسير او جمع مؤنث سالم او اي حاجه من الحاجات دي الضمه زي برده كلمه النجوم دي جمع تكسير مرفوع بالضمه الفلاحات والنشيطات جمع مؤنث سالم مرفوع بالضمه خلاص طب لو مثنى بيبقى مرفوع بالالف زي ايه؟ العاملان مجتهدان طب لو جمع مذكر بيبقى مرفوع بالواو المهندسون مالهم بارعون ادي مبتدا وخبر ممكن لو حب يرخم عليك يقول لك صوب الخطا يعني ايه صوب الخطا يعني يجيب لك مثلا العلامه غلط ويقول لك صوبها زي مثلا عندك هنا يجي لك في المهندسون بارعون يقول لك المهندسون بارعين بالياء ويقول لك صوخا هتقول له والله بارعين دي خبر والخبر مرفوع ولازم يبقى مرفوع بالواو لان جمع مذكر سالم فالصح ان انا اقول بارعون خلاص كده دي فكره الدرس ده انك تعرف ان المبتدا والخبر مرفوعين والعلامه بتاعتهم يلا ننقل على الدرس اللي بعده عندنا الجمله الفعليه الجمله الفعليه هي جمله بتبدا بفعل الفعل ده عباره عن ايه حدث وزمن مع بعض بقول لك ان في حاجه حصلت ومعاها زمن سواء ماضي او حاضر خلاص يعني مثلا اكل دلت على حدث الاكل مع زمن الانتهاء هو اكل وخلص خلاص شرب حدث الشرب مع زمن الانتهاء هو شرب خلاص نام حدث النوم مع الايه زمن الماضي خلاص ازاي تعرف انها فعله زي ما قلت لك تحس ان في زمن في الموضوع وما ينفعش تحط لها الف ولام يعني مثلا لعب التلاميذ المباراه مثلا هنا ينفع اقول اللعب ما تنفعش ما تدينيش معنى ثم لعبه بيديني زمن الانتهاء والماضي هم خلصوا ايه خلصوا خلاص تعرف على طول ان لعب ده فعل وساعتها كل فعل لابد له من فاعل انت بتدرس الجمله الفعليه عشان كده تعرف ان في فعل وفاعل اي فعل في الدنيا ليه فاعل ازاي اعرف الفاعل بص انا في الخبر قلت هتسال المبتدا ايه ماله ماله دي تبقى الخبر هنا بقى هتسال على ايه عشان تعرف الفعل مين اللي عمل الفعل عشان لو جالك في القطعه مثلا ولا جاب لك اي سؤال وقال لك ايه وقال لك هو مين اللي عمل الفعل ده او مين الفاعل فانت تدور على فعل الاول وتسال مين اللي عمله مين اللي عمله ده بيبقى ايه بيبقى هو الفاعل زي كلمه التلاميذ هنا يصمم المهندس مين اللي بيصمم المهندس يبقى المهندس فاعل والفاعل ده برده دايما مرفوع نفس العلامات اللي قلناها لو مفرد او جمع تكسير او جمع مؤنث سالم مرفوع بالضمه لو مثنى مرفوع بالالف لو جمع مذكر سالم مرفوع بالايه؟ بالواو فلازم تحدد العلامه وعشان تحددها صح لازم تكون عامل حسابك انك انت في البدايه لازم تعمل ايه؟ تشوف الكلمه نوعها ايه؟ مفرد ولا مثنى ولا جمع ولو جمع نوعه ايه؟ طيب بص الجزء اللي بعدها كان بيتكلم عن علامات الاعراب الفاعل انه لو مفرد او جمع تكسير او جمع مؤنث سالم بيبقى الضمه مثنى يبقى الالف جمع مذكر سالم يبقى الواو وبرده ممكن يقول لك استخرج فاعل واعربه او يحط لك خط تحت الفعل ويقول لك اعربه او يقول لك صوب الخطا مثلا ويجيب لك مثلا فعل مثنى ويقول لك صوب الخطا مثلا يعني مثلا مثلا كتب الطالبان دي مثلا يروح جايبها لك كده كتب الطالبين بالياء بيقول لك بالخطا فهتقول له الغلطه في طالبين بالياء تبقى الطالب بالالف او يجيبها لك ويقول لك اعربها او يجيب لك قطعه ويقول لك استخرج الفاعل وهكذا بص بقى معايا في ملحوظه اخيره هقولها لك قبل ما نخش على الضمائر بص يا صديقي طول ما الفعل جاي في اول الجمله احنا ولا بنحط فيه علامه مثنى ولا علامه جمع يعني مثلا الطالب مفرد يبقى كتب الطالب خلاص مثنى كتب الطالبان برض جمع كتب المعلمون برض كتب ما بنجيش جنبها الا في حاله واحده ان الجمله تبدا تتعكس وتلاقي اتعمل مقص كده وقال لك مثلا الطالب كذا او الطالبان كذا او الطلاب كذا فهمت الفكره او المعلمون كذا هنا يبدا الكلام يتغير طبعا دي مفرده او المثال ده مفرد فمش هيحصل له تغيير تعالى مثلا نعمل المقص بتاعنا مثلا في المثال ده بتاع كتب المعلمون بص كتب هنا ما حصللهاش اي علامه عشان جت في الاول عارف لو عمل مقص وقال لك المعلمون ما ينفعش تقول كتب بقى امال هتقول ايه هتقول كتب وبنحط حاجه اسمها واو الجماعه ودي ضمير يبقى امتى الفعل يتحط له واو جماعه او الف اثنين او اي علامه تدل على التثنيه والجمع عند ايه انعكاس الجمله عند انعكاس الايه الجمله لان الفاعل لما بيجي في الاول كده بيتحول لحاجه اسمها مبتدا يعني ايه مبتدا؟ لان الفاعل احفظه من دلوقتي لحد ما تخلص دراسه الفاعل ما بيجيش قبل الفعل ابدا وجوده كده بالمنظر ده قبل الفعل بقى مبتدا خلاص طب يا مستر و طب كتب ده فين الفاعل بتاعه؟ ساعتها بنقول ان الواو دي اسمها واو الجماعه بنقول عليها ضمير مبني في محل رفع فاعل وبرده هنا مثلا لو كتب الطالبان هتبقى الطالبان كتبا وبنحط الف الايه؟ الاثنين يبقى الفعل في اول جملته ما بنجيش جنبه اول ما تعكس الجمله تبدا بقى تحط في اخره الف ونون او ايه او واو ونون او اللي هو الالف بتاعه الاثنين او واو الايه الجماعه خلاص كده اللي هو كتبوا او مثلا في حاله التثنيه بتبقى كتب خلاص وهكذا ممكن بقى طبعا لو مضارع بيبقى ايه كتب ده لو جبت المضارع بتاعه اللي هو يكتب ساعتها بتقول مثلا الطالبان يكتبان كده اهو او مثلا كتبوا ده لو جبت المضارع بتاعه هتبقى مثلا المعلمون يكتبون حبيت برده اوريك شكله لانه لما بيبقى مضارع بيبقى فيه ا ونون او واو ونون لو ماضي بنحط الف بس وواو وبعدها كده بالمنظر ده خلاص بنسميها واو الجماعه تمام كده حلو نيجي للضمائر نيجي للضمائر بص بقى هو بيدرس لك الضمائر عشان الحاله دي عشان تعرف اعرابها بص بقى اول حاجه الضمائر هي عباره عن كلمات بنختصر بيها الكلام بتنقسم لثلاث حاجات على حسب معناها لو بتكلم عن نفسي اسمها ضمائر متكلم زي انا ونحن لو بتكلم بخاطب حد قاعد قدامي بتبقى انت انتما انتم انتن اللي هم كل اللي فيهم التاء دول اسمهم ضمائر المخاطبه لو بتكلم بيها حد مش موجود اسمها ضمائر الغائب زي هو وهي وهما وهم وهن خلاص اللي هم فيهم الهاء حلو يا عم الحاج حلو الضمائر دي اسمها ضمائر منفصله عشان ما بتلزقش في كلمه ثانيه والضمائر المنفصله دي كلها بتبقى اسمها كده ضمير مبني في محل رفع مبتدا واللي بعدها بيبقى خبر خلاص ليهم بقى الضمائر دي شكل ثاني اسمها ضمائ متصله زي حاجه اسمها مثلا تاء الفاعل بتتصل بالفعل تدل على الفاعل تدل على العمل الفعل زي كتبت كتبت انت كتبتي كتبتي انت كتبت التاء المضمومه دي بدل انا ساعتها بنقول ان تاء الفاعل دي اسمها ضمير مبني في محل رفع فاعل ليه؟ لان انا لما سالت مين اللي كتب الاجابه كالضمير ليه؟ التاء دي اختصرت بدل ما اقول كتب انت كتب ا هو او مثلا كتب انا كده بنختصر وبنحط التاء على طول هي وظيفتها اختصار لكن اعرابها ضمير مبني في محل رفع فاعل عندك لا المتكلمين برض زي كتبنا او اعجبنا نون النسوه زي الفتيات كتبن بتبقى في محل رفع فاعل برده طب يا مستر ما ينفعش اقول الفتيات هي الفاعل لا قلنا الفاعل ما بيجيش قبل الفعل لما بيجي في الاول كده بنقول ان في ضمير بقى خلاص تمام برده الف الاثنين زي الطالبان كتب طالبان مبتدا والفعل هو الف الاثنين دي الطلاب كتبوا دي واو الجماعه دي هي الفاعل والطلاب دي بقت مبتدا طب لو قلت حتى انت تكتبين الياء دي هي الفعل اسمها ياء المخاطبه تكتبين عندك هاء الغايبه دي وكاف الخطاب وياء المتكلم اعرابهم مش هقوله لك دلوقتي لانك انت مش محتاج تعرفه بس ممكن اعرفهم لك كضماير برده الطالب اعجبه وكتابه مفيد او اعجبك او كتابك او اعطاني او كتابي دول برده ضمائر من ضمن الضمائر اللي ايه بتتصل بالافعال اخر حاجه عندي هنختم بيها حاجه اسمها يا صديقي الضمائر المستتره المستتره دي لما تستخدم فعل مضارع اوله همزه مثلا وتقول احترم جدي او اكل او اكتب بيبقى الفاعل هنا اللي هو انا صح انا اللي احترمت وانا اللي كلت فبنقول ساعتها ان في حاجه اسمها ضمير مستتر لانه ولا اتكتب ولا حتى ست مكانه حرف زي اللي كانوا فوق الضمائر المتصله اللازقه دي فهمت فبنقول حاجه اسمها ضمير مستتر كانه مستخبي مش باين فهنا مثلا في احترم جدي هسالك اقول لك فين الفاعل فهتسال تقول والله هو مين اللي بيحترم هنا احترم انا يبقى انا يا مستر الفاعل حلو انت شايف انا في الجمله لا شايف ضمير في اخر الفعل بيدل على انا لا برض يا مستر يبقى ساعتها تيجي هنا تقول له ان الفاعل ضمير مستتر خلاص تقديره انا يعني تقديره ايه دي يعني ايه تقديره يا مستر اول مره اسمعها دي تقديره دي يعني لو كان اتكتب كان هيبقى انا برده بص لو قلت نذهب الفعل المضارع اللي اوله نون اي نذهب نحن فالفاعل ضمير مستتر تقديره نحن اهتم في الفعل الامر دايما لما بكلم بيه مذكر اهتم كل اشرب ذاكر العب اجتهد دايما بيبقى الفعل ضمير مستطر تقديره انت كلام جايلك انت لما الجمله برده بتتعكس كده وما بيكون ما يكونش في ضمير في اخر الفعل زي المعلم يشرح في حاله ان هو كان مفرد بنقول ساعتها الفاعل في الحاله دي ما تقوليش بقى المعلم المعلم بقى مبتدا خلاص ما بيجيش الفاعل ما بيجيش اتفقنا قبل الفعل فيبقى الفاعل بنقول ضمير مستتر يعني مش مكتوب تقديره بقى في الحاله دي لما يبقى مفرد كده بيبقى تقديره هو خلاص وبعد كده برده البنت لو مؤنثه تساعد اي تساعد هي ومن هنا نتعلم ونختم بان صور الفاعل ثلاث صور يا اما يكون اسم ظاهر مكتوب في مكانه زي تطلب الشعوب خلاص مين اللي بتطلب الشعوب كده كده احنا اتعودنا هنخرج الفعل بالطريقه دي نسال مين اللي عمل الفعل تطلب الشعوب مين اللي بتطلب يا مستر الشعوب اسم مكتوب موجود في مكانه بعد الفعل اه يبقى ده هنعرفه على طول فاعل مرفوع وعلامه رفعه الضمه ده جمع تكسير طب بص معايا هنا ممكن يكون ضمير متصل ضمير لازق لزقه كده لازق في اخر الفعل زي شكرنا الاطفال على المشاركه او شكرت مثلا برض نفس الفكره خلاص كده فدي انها دي بنعربها ازاي بنسال مين اللي شكر احنا يبقى النا دي موجوده لازقه اه موجوده ولزقه ضمير مبني في محل رفع فعل برده ممكن يكون بقى ضمير مستتر مش مكتوب خالص زي في الفعل المضارع اللي اوله همزه او اللي اوله نون او في الفعل الامر او في بقيه الصور دي انا سايبها لك كلها بقى في الشيت ان تبقى الجمله معكوسه مع صيغه المفرد او المفرده المؤنثه فمثلا اكتب وايجيبي بانتظام هنا بنقول فين الفاعل انا اللي بكتب مش مكتوب وما فيش حاجه بتدل عليه فبنقول الفاعل ضمير مستتر تقديره ايه انا برده نفس الاسئله اللي قلناها ممكن يجيبها لك بالطريقه دي يقول لك مثلا استخرج من القطعه فاعل اسم ظاهر فاعل ضمير متصل فاعل ضمير مستتر مش مكتوب او يقول لك انت هات مثلا مثال لفعل ضمير مستتر استخدم دايما اسهل حاجه الفعل المضارع اللي اوله همزه اكتب العب اكتب واجبي العب الكره اذاكر باجتهاد عشان الفعل يبقى ضمير مستتر تقديره انا خلاص كده حلو الكلام ده طيب فاضل ايه فاضل القراءه بقى يا مستر والتعبير والاملاء والكلام ده بص احنا كده كده كنا مراجعينهم في مراجعه الشهر اللي فات موجوده عندك لو يعني حابب تسمعهم ممكن ترجع للفيديوهات دي حلو وهسيبها لك برده تظهر لك هنا فوق مراجعات الشهر اللي فات ممكن تسمعني وانا بقولهم بس انا مش عايز اطول الفيديو عليك عشان خاطر انت وقتك مهم ولسه في حاجات كتير عايز تقراها من الشيت فمبدئيا هتلاقيني هنا حاطط لك الاملاء اللي هي الالف اللينه اهم حاجه في الالف اللينه كلها الدرس الاخير اللي هو الالف اللينه في الافعال انك تعرف لو فعل لو فعل مش اسم ولا حرف فعل اخره الف مكتوبه بالمنظر ده بنقول له ان الالف دي اصلها واو يا مستر يعني ايه الالف اصلها واو؟ الالف في الافعال مش اصليه يا اصلها واو ياء فالافعال بقى زي نما دع رجع صفى سمى اللي بيكون اخرها الف مرسومه كده عاديه دي بنقول له اصلها واو لان لما بنجيب المضارع بيبقى بالواو زي دعا يدعو رجا يرجو الكلام ده خلاص اما لو مرسومه بالمنظر ده اللي هي تحسها كده شبه الياء بنقول له اصلها ياء زي رمى عشان مضارعها يرمي ومثلا عندك مشى يمشي خلاص وعلى فكره انت لو جبت المضارع لقيت فيه الف زي ساعه يسعى بيبقى برض اصلها ياء فانت ريح دماغك لو جاب لك الالف دي في الامتحان في فعل كده واقفه وقال لك دي مرسومه ليه كده بالمنظر ده قول له اصل اصلها واو طب لو جابها لك بالمنظر ده كده هتقول له اصل اصلها ياء وانا عرفتك ازاي بنعرف الافعال ان ما ينفعش نحط لها الف ولام التعبير عندك كان عندك حاجتين حاجه اسمها كتابه وصف حدث وكتابه وصف مكان وعلمتك ان في الاثنين بتحط الاول عنوان وفي المكان بتبدا توصف لي المكان وتوصف لي نظامه وترتيبه واشكاله عشان اتخيله اما وصف الحدث ده انت بتوصف لي حفله ايفنت مش مكان وصف المكان ممكن تكون بتوصف متحف رحله مدينه قريه انما الحدث ايفنت حفله حاجه حدث مش مكان نفسه اللي فيه الحدث فهمت الفكره والفرق بينهم ان في الحدث بتحاول كل تفاصيل حاجات انت شفتها حاجات انت سمعتها حاجات انت دقتها عشان اتخيل معاك عن طريق الصور الحسيه دي خلاص كده طب وفين القراءه يا مستر بص بقى القراءه موجوده عندك في الاول خالص حاطط لك كل الدروس حرفيا بالشكل ده شكل ايه مقسمه سؤال واجابه سؤال واجابه سؤال واجابه عشان الموضوع يكون سهل عليك تقدر انك انت ترجع لها تعرف الاحداث بدل ما لسه هتقرا دروس القراءه كلها اكيد ما فيش وقت فانت هتمسك الاسئله دي زي مثلا عندك الدرس بتاع مثلا اهو اللي فتحنا عليه كلمات تبني وكلمات تهدب فانت هتروح جاي اين كان الاصدقاء يلعبون في فناء المدرسه ماذا راى عمر في فناء المدرسه راى صديق يحمل حقيبته بطريقه غريبه وتبدا تفتكر الاحداث واحده واحده خلاص كده وبرده ما فيش مانع انك تعدي على المعاني خلاص كده كده انت اكيد كنت مذاكر دي ساعه امتحانات الشهر تمام كده يبقى انا سبت لك فيها كل حاجه بس مش عايز اطول عليك الفيديو اكت من كده لسه معاك وقت يا دوب تلحق تلم فيه حاجتك فلمت لك اهم فرعين فكرتك بالتعبير والاملاء انا بحبكم في الله مش هطول عليك اكت من كده اهم حاجه دعوه حلوه من قلبك بس كده ويلا سلام