المراجعة النهائية في الفلسفة والمنطق المحاضرة الأولى مع مستر أحمد فضل الترم التاني 2026 شرح و حل

السلام عليكم ورحمه الله وبركاته حبايبي ابطال اولى ثانوي اللي هيوحشوني جدا جدا جدا النهارده ان شاء الله باذن الله مع بعض في اول محاضره مراجعه نهائيه للترم الثاني 20 26 توحشونا جدا والله هم اخر اربع محاضرات ومحاضره ليله الامتحان وتخش تقفل وبالسلامه على المسار اللي انت اخترته يا رب تحققوا كل امانيكم يا رب ان شاء الله واولهم انكم تقفلوا مادتي ان شاء الله باذن الله النهارده هنراجع مع بعض تعال نشوف سريعا كده خطه المراجعه اللي احنا هنشتغلها مع بعض تبقى عامله ازاي؟ بص يا معلم احنا نراجع المنهج كامل خلينا بس نكبر الخط شويتين ثلاثه هنراجع المنهج كامل في اربع محاضرات هنقسمهم ازاي يا مستر؟ قال لك نقسمهم 1 2 3 4 اول محاضره هتبقى فلسفه وتاني محاضره هتبقى فلسفه وتالث محاضره برض يا ابني هتبقى منطق ورابع ب المحاضره هتبقى منطق يعني احنا هنراجع المنهج عباره عن محاضرتين في الفلسفه ومحاضرتين في المنطق ايه الفرق ما بينهم هنشتغلهم ازاي هنبتدي نشرح تفصيلي ندي مفاتيح الحل اللي هتساعدك تحل ازاي وهنحل معاكم اسئله كتير جدا جدا وكل اسئله محافظات السنه اللي فاتت هنحلها ما تقلقش مش هنسيب سؤال مش هنحله طب مستر الاربع حصص دول هنشتغل فلسفه درس اول او الوحده الاولى اللي هي البيئه والطب بعدها الفصل الثالث والرابع اللي هي اخلاق المهنه والتفلسف والقيم والقيم الفلسفيه وبعدها ناخد المنطق برض فصلين ناخد بقى الفصل الاول بالاستدلال بالاستنباط بالاستقراء بمنهج بكم بالمنهج العلمي الحديث بالمنهج الاستقراء المعاصر او العلم المعاصر وفي الاخر خالص هناخد الجزء الاخير وهو المنهج العلمي او المنهج السوري وكل حاجه ليها علاقه بالذكاء الاصطناعي فالناس عايزه تفوق كده معانا الله يكرمكم ان شاء الله خلال الاسبوع ده هينزل لك محاضرتين مراجعه والاسبوع اللي بعده محاضرتين مراجعه ويبقى خلاص لحظه الوداع قد حالت طب مستر قول لنا كده الدرس الاول بتاع فلسفه البيئه ده بص يا كابتن فلسفه البيئه خلينا نشرح الدرس كده كروكي السريع نتكلم فيه عن تصنيفنا احنا او بنشوف الدرس ازاي انا شايف يا مستر ان الدرس ده عباره عن تعريفات حلو جدا عباره عن مراحل جميل قوي يا مستر عباره عن حضاره مصريه قديمه عباره عن علماء مسلمين او فلاسفه مسلمين وعباره عن فلاسفه معاصرين وعباره عن توجهات فلسفات يبقى انا مطلوب مني خلال الدرس ده رقم واحد اعرفك تعريف الاخلاق التطبيقيه تعريف فلسفه البيئه تعريف البيئه اللغوي والصلاحي بعدها هنتكلم عن مراحل علاقه الانسان بالبيئه الخامسه تقديس تاليه تفسير توظيف استغلال سيطره قهر استرداد احترام وصون بعدها هنتكلم على الحضاره المصريه القديمه بالاربع اثار اللي ثابتهم لنا وهنتكلم عن علماء المسلمين وعن العلماء المعاصرين واخيرا عن التجاهايه طبعا عملها لك هنا على شكل خرائط ذهنيه الفصلين في بوستر بصراحه يعني انا مافيش اشك من كده مش على الاوتفيت الشيك اللي انا لابسه اتكلم عن الملزمه خلينا نبدا اول حاجه بص يا باشا بيبدا معانا الدرس برقم واحد اول حاجه واهم حاجه عندنا اسمها فلسفه البيئه يعني ايه يا مستر فلسفه البيئه صغار بقى خط قوي قوي قوي اول حاجه تعريف فلسفه نفس البيئه احنا قلنا قبل كده ان احنا بندرس نوعين من الفلسفه عندنا حاجه اسمها الفلسفه الحديثه التطبيقيه او الاخلاق الحديثه التطبيقيه والفلسفه القديمه النظريه الفلسفه الحديثه التطبيقيه اول فرع فيها اسمه فلسفه البيئه ده بيهتم بايه؟ خلينا قبل ما نبدا بس نطلع منه شرطتين كده واكتب معايا ان ده فرع جديد وان ده فرع تطبيقي يبقى فلسفه البيئه فرع جديد تطبيقي فرع جديد تطبيقي يبقى اول حاجه نعرفها فلسفه البيئه فرع قديم ولا جديد؟ فرع جديد. طب مستر الفرع ده نظري ولا تطبيقي؟ لا يا باشا فلسفه البيئه فرع تطبيقي. طب يدرس ايه؟ قال لك بيهتم بدراسه البيئه ومشكلتها الناتجه عن التقدم العلمي والتكنولوجي اللي هدد الكائنات الحيه وعلى راسها الانسان. بيقول لحضرتك ان فلسفه البيئه فرع جديد وهو فرع تطبيقي بيهتم بالمشاكل اللي ظهرت. اي حاجه فيها مشكلات بيئيه تلوث ضوضاء انقراض حيوانات احتماس حراري فهو بيتكلم على تعريف فلسفه البيئه طب مستر دلوقتي الفلاسفه لقوا ان في اخطار على البيئه اهوال على البيئه هيسكتوا قال لك لا طبعا الفلاسفه هيتدخوا الفلاسفه عملوا دعوه يعني ايه عملوا دعوه دعوني لثلاث حاجات يبقى فلسفه البيئه هي فرع جديد فرع تطبيقي فرع جديد كده من الفلسفه بيدرس المشاكل الناتجه عن التقدم العلمي والتكنولوجي اللي هدي كائنات الحيه وهنا انا فهمتك ان اي تقدم علمي او تكنولوجي سلاح ذو حدين يعني ايه يا مستر سلاح ذو حدين يعني ليه ايجابيات وليه سلبيات العلم يدور على الايجابيات والفلسفه تدور على السلبيات وبالتالي نحل مشاكله فبقول لحضرتك واحد احنا عايزينك تستخدم البيئه لكن تعمل لنا توازن اقامه التوازن بالمطالب الانسان المتناميه المتزايده في السيطره على البيئه والاستفاده من مواردها يعني ايه توازن؟ يعني انا ما اقدرش اقول الانسان ما تقطعش الاشجار لانه بيقطع الاشجار وبيبتدي يعمل لنا منها الخشب والاساس والبيوت وبيعمل لنا منها الورق لكن اقول له اقطع مليون شجره وازرع مليون شجره فحافظ لي على التوازن حافظ لي على التوازن طب مستر اثنين ركز قوي فيها احترام حقوق الكائنات الحيه الاخرى مين يا كابتن الكائنات الحيه الاخرى قال لك احنا ثلاث كائنات في برض انسان حيوان ونبات احنا الثلاثه بناثر وبنتاثر ببعض فلازم نحترم حقوق الحيوان والنبات وانا هنا مش بتكلم عن ان احنا نحترم حقوق الحيوان والنبات عشان هم ناس كيوت وبنحافظ عليهم انا بحترم حقوق الحيوان والنبات لان الحيوان والنبات اي ضرر عليهم هيضرني طبين لاثه احترام حقوق الاجيال القادمه معلش يا مستر انا اسف مين الاجيال القادمه اولنا واحفدنا في المستقبل واحنا اي قرار بناخده دلوقتي ضد البيئه اعمل حسابك كويس انك تسيب اثار ايجابيه للبيئه تبقى مع اولادك مهما طال زمان وتبقى انت عارف كويس جدا جدا ان اي قرار بتاخده دلوقتي هياثر عليهم بشكل مباشر او غير مباشر طب مستر يعني ايه بيئه بقى قال لك والله يا باشا عندنا تعريف اسمه لغوي تقدر تكتب لي جنبه اشتقاق قاقي يعني ايه ابو المساطير اشتقاقي يعني اصل الكلمه في اللغه مشتقه من ايه بقوللك اصل كلمه بيئه بواتبوا بوا وتبوا او باء باء بوابوا باء يبقى لما نيجي نرجع لاصل الكلمه اصلا هي مذكوره في القران بسم الله الرحمن الرحيم واوحينا الى موسى واخيه ان تبوا لقومكما بمصر بيوتا تبوا يعني انزل زل اسكن اقيم فكلمه باءه معناها المنزل او المسكن او البيت الذي يعيش فيه الانسان يبقى البيئه اللغويا المكان اللي عايش فيه المكان اللي ساكن فيه المكان اللي مقيم فيه امال يا مستر مين البيئه الصلاحيا اه عوامل ماديه بيولوجيه محيطه بالفرد اكتب لي جنبها كده محيط مؤثر متفاعل تاني محيط مؤثر متفاعل محيط مؤثر متفاعل يعني ايه محيط مؤثر متفاعل تعريف البيئه اصطلاحيا كل حاجه حوالي بتاثر فيا تعتبر جزء من البيئه بتاعتي يعني ايه يا مستر يعني والله يا كابتن اي حاجه الانسان بيعملها جزء من بيئته اهلك بيئه اسريه اصحابك بيئه اجتماعيه انا مبيئه تعليميه القساوسه والمشايخ بيئه دينيه النظام السياسي بيئه سياسيه كل محيط بيا بياثر بيا بيئه. طب مستر قول لنا بقى ايه مراحل علاقه الانسان بالبيئه؟ بص يا ابو كباتن احنا كده اول حاجه خلصناها اهي عشان نبقى مع بعض مركزين وفايقين. ايه ده يا بابا احنا عندنا خمس مراحل لعلاقه الانسان بالبيئه. يعني الانسان في تعاملاته مع البيئه مر بخمس مراحل. اول مرحله اسمها ايه؟ التقديس والتاليه مراحل علاقه الانسان بالبيئه مراحل جدليه يعني ايه جدليه؟ يعني مش ثابته متغيره ك بيقول عندنا خمس مراحل لعلاقه الانسان بالبيئه خمسه خمسه مراحل للبيئه خمسه خمسه مراحل للبيئه واحد عبدها فهمها استغلها دمرها ورجع يحترمها كل مرحله فيهم ليها اسم قرروا معايا كده سريعا اول مرحله اسمها تقديس تاليه تقديس تاليه تقديس تاليه ثاني مرحله تفسير توظيف تفسير توظيف تفسير توظيف ثالث مرحله استغلال سيطره استغلال سيطره استغلال سيطره رابع مرحله قهر واستبداد قهر واستبداد قهر واستبداد واخر مرحله واهمهم احترام وس احترام واس طب مستر ايه التقديس والتقليدي قال لك المرحله الاولى بص دي بقى المفاتيح العبادات المرحله الاولى مرحله الانسان البدائي بيئه مقلقه او مرعبه عباده الظواهر او الروح اي كلمه من دول من غير ما تفكر تقديساليه انا بقى ممكن اشغل دماغي في السؤال واجي اقوللك ايه بدل ما احط كلمه تقديس وتاليه العباده والالوهيه العصر القديم الانسان البدائي مراحل عباده الروح كلها تقديس تاليه تاني حاجه يا مستر التفسير والتوظيف بص يا كابتن التفسير والتوظيف باين من اسمها قوي اسمها الشرح والايضاح ظهرت في الحضاره اليونانيه او الفلسفه الطبيعيه في الحضاره اليونانيه او الفلسفه الطبيعيه لما ارستو فسر العالم وقال الارض مركز الكون من الاخر عشان تحلها في الانجاز اي اسم يوناني واي شرح وهو وهي تاني اي اسم يوناني اي شرح اي هو او هي يعني ايه قال لك مثلا طاليس قال الانسان اصله كذا الكون هو كذا ارسطو قال الحياه هي كذا الموت هو كذا طب مستر ثالث مرحله اسمها الاستغلال والسيطره ايه بقى دي بقى قال لك لو اكلم على العصر الحديث اهي او العصر التجريبي عصر حديث منهج تجريبي رفاهيه ندره الحديث على كائنات الحياه الاخرى يعني ايه الكلام ده؟ قال لك في مرحله الاستغلال والسيطره اهتم الانسان بالاستغلال قال لك تصنيع تحويل رفاهيه حولنا الحديد لسيارات وطيارات موبايل يرن ميجو بصور انت راحتكدر اه هناك اهو في التصوير خلاص خل عملنا التليفون وناسف لهذا العطل الفني طيب اي حاجه فيها استغلال فيها رفاهيه فيها تجارب فيها اكتشاف فيها اختراع يبقى مرحله الاستغلال والسيطره طبعا يا جماعه دي مراجعه فاحنا بس بنشغل دماغك كده سريعا بنفكرك بالمنهج كله عشان الناس تفاوق معانا تشغل دماغها لو انت لسه ما خلصتش مراجعات او حصه الشرح ارجع اتفرج عليها الاول طيب المرحله الرابعه القهر والاستبداد سهله خالص اكتب لي جنبها كده دمار خراب اثار سلبيه دمار خراب اثار سلبيه ظهرت في العلم المعاصر وخلي بالك من وقتها التقدم ليه اثار سلبيه على البيئه احداث تحولات في الكائنات الحيه اي حاجه بقى فيها طاقه ذريه طاقه نوويه مبيدات حشريه اكل كده نرك بص يا معلم يعني ايه الكلام ده قال لك انت لقيت دمار لقيت خراب لقيت اثار سلبيه لقيت اي حاجه فيها استنساخ هندسه وراثيه دي ان ايه وتلك كل الكلمات هنا انقراض الكائنات تطور الهندسه الوراثيه التقدم الاسلحه النوويه كل المفاتيح اللي انت عايزها بين ايديك طب مستر مراحل احترام والصون دي المرحله التي نحيها الان قال لك بقى عصر حالي عصر راهي حط قوانين لحمايه البيئه اقترح مشروعات لعلاج المشاكل البيئيه كل ده من غير ما تفكر احترام وصوان في مشكله في ده طيب ايه اللي بيلخبط هنا صحصح لي كده يابا الله يبارك لك يابا عشان الحصه لسه في اولها اللي بيلخبط هنا يا معالي الباشا ان احنا عندنا غلطه مهمه جدا جدا ان الطالب بيقرا اول السؤال ما بياخدش باله من اخر السؤال فانا بروح ايه مشغل دماغي واروح عامل الفكره اني اجيب لك اول السؤال بفكره واخر السؤال بفكره ثانيه ازاي اجي اقول لك مثلا قام الانسان بقطع الاشجار وتدمير الحياه البريه وانقراض الحيوانات وانت بتقرا دماغك قالت كهر واستبداد لكن الحقيقه حقيقه جيت في اخر سؤال وقلت لك لذلك تحذر العلماء من التدخل في الطبيعه قلبت السؤالحترام وصون فانا ممكن اول السؤال ابداه بحاجه واخر السؤال انهيه بحاجه تانيه فارجوك الغلطه الوحيده اللي ممكن تغلطها في مراحل علاقه الانسان بالبيئه هي الغلطه اللي قلتها لك دي لو سمحت خلي بالك منها اثنين بص بقى يا معلم هنتكلم عن حاجه اسمها الفكر البيئي في العصور المختلفه عندنا اول عصر هنتكلم عنه وهو العصر القديم عندنا الحضاره المصريه القديمه بيقوللك كشف المصري القديم عن حبه شديد للبيئه المصري القديم كان بيحب البيئه قوي قوي قوي قوي جوه قلب منه عمل ايه يا عم المصر ده قاللك اول حاجه عمل حاجه اسمها كتاب الموتى وتعويذه اعلان البراء مستر انا اسف والله العظيم بتلخبط بين الكتاب والتعويذه سهله لك اي حاجه ايجابيه كتاب نفيه حاجه سلبيه تعويذه مش فاهم يعني لو جيت قلت المعالي جناب سياده حضرتك دلوقتي زرعت شجره كتاب موتى ما قطعتش شجره تعويذه ربيت حيوان كتاب موتى ما قتلتش حيوان تعويذه اهتميت بالارض كتاب موتى ما جرفتش الارض بوظتها تعويذه لم اصطاد سمكه لم اصنع فخاخا لم اقطع اقام سدا لم امنع المياه الجاريه لم اطفئ نارا اي حاجه فعلا في تعويذه طب مستر امتى احترام البيئه دي؟ قال لك لو قال اي عباده في العالم غير ربنا سبحانه وتعالى كاتب لك هنا اهو السماء الارض الشمس الحيوان اي حاجه في الدنيا تقديس نهر النيل خلي بالك بقى في كلمات اكتبها معايا كده يفيض بالخيرات ياتي بامواهه كل دي حاجات تدل على نهر النيل يبقى المصري القديم بيجي منه اربع افكار يا اما كتاب موتى عمل حاجه ايجابيه تعويذه ما عملش حاجه سلبيه يا اما قال انسان حيوان نبات بيعبد اي حاجه في الدنيا يبقى احترام البيئه واخيرا تقديس نهر النيل طب مستر علماء المسلمين اسهلهم لك شايف القمر ده القمر ده اسمه علي بن رضوان هو طبيب مصري اي حاجه امراض وعلاج امراض وعلاج وانت بتقرا اي سؤال لو لقيت في السؤال اي مرض او علاج او درس المناخ للمرض والعلاج الدكتور المصري الجميل علي بن رضوان وهو احد علماء الحضاره العربيه والاسلاميه اثنين عبد الرحمن بن خلدون انا بديك الفكره تحل بيها ابن خلدون قال ايه؟ قال لك ده راجل شغال اصلا مؤرخ يعني ايه مؤرخ يعني بتاع تاريخ وعلم اجتماع من اشهر علماء الاجتماع فلو اتكلم على البيئات الصالحه للعمران والغير صالحه او المهنه الملابس الاكل العادات التقاليد اخلاق البشر من الاخر لو جاب اي اسم دوله وشرحها المصري بياكل كذا بيشرب كذا عاداته كذا تقاليده كذا قيم وكذا من غير ما تفكر عبد الرحمن بن خلدون يبقى لو اتكلم على الامراض بيتكلم على ابن رضوان ولو اتكلم على المجتمعات والثقافات واختلافها فبيتكلم على عبد الرحمن بن خلدون طب مستر تعالى بقى للنجم دول بولد اخلاق الارض ده من اشهر الفلاسفه في الغربي وده شكله حقيقي على فكره الراجل ده اتكلم عن الايه عن الارض الراجل ده ماتكلمش غير عن حاجتين اكتبهم جنبه كده اكلم عن الارض ايوه واتكلم عن المساواه تاني اهو اتكلم عن اخلاق الارض تربه ميه نبات حيوان وقال ان انا عايز اغير الانسان من مستعمر في الارض الى مواطن هادئ فيها يبقى الدليبولد راجل كل حياته ودوره بيفكر في حاجه واحده بس هو مبدا المساواه ازاي اساوي بين الانسان وباقي الكائنات الحيه طيب هانزي يوناس اخلاق المسؤوليه اجيال مستقبليه اني اخلاق المسؤوليه ايوه اجيال مستقبليه لو اتكلم على اي حاجه تخص المسؤوليه ان الانسان مسؤول عن الحيوان والنبات ان الانسان مسؤول عن الاجال القادمه يبقى هنز يعني من الاخر احنا عندنا اربع شخصيات امراض وعلاج ابن خلدون ابن رضوان صفات وعادات مجتمعات واخلاقيات وقيم ابن خلدون ارض وتغيير الانسان والمساواه الدبول مسؤوليه اجيال قديمه عن زيونس طب مستر ايه اخر حاجه التوجهات لاخلاقيات البيئه ايه بقى اخلاقيات البيئه قال لك والله اخلاقيات البيئه ده يا كابتن نظام بيدرس علاقه الانسان مع البيئه البيئه وهناك عده توجهات اول حاجه اسمه الاتجاه النفع الواقعي العملي يدفع عن النظام البيئي كوسيله مفيده للبشر مصلحتنا يعني ايه منفعه مصلحه انا بدور على مصلحتي السؤال بيقول مصلحه يبقى بيتكلم على الواقع العملي المنفعي طيب التوجيه الخضري المثالي يحافظ على النظام البيئي وليست وسيله زي ايه المحميات بعمل محميه وبصرف ملايين عشان يبقى شكل البيئه حلو وحافظ عليها الوسط يوازن بين التوجهان السابقا المنفعه البشريه واحترام البيئه وده المساواه انا مع الفريق ده وبكده يا ابطال نبقى راجعنا كل حاجه تخص فلسفه البيئه في الدرس ده ايه ده يا مستر ده سهل قوي معلش خليه بس اجيبك كلها على السبوره واحده كده اهو بص يا باشا بص يا كابتن سريعا كده اقول لك الباب كامل في ثلاث دقاق الفصل الاول كامل اول حاجه اكلمنا عنها تعريف فلسفه البيئه قلنا انه فرع جديد تطبيق بيهتم بدراسه البيئه ومشكلاتها الناتجه عن التقدم العلمي والتكنولوجي اللي هدد الكائنات الحيه وعلى راسها الانسان نتيجه لده اقام الفلاسفه ثلاث حاجات دعوه لاحفاظ التوازن دعوه لاحترام كائنات الحيا الاخرى دعوه للاجيال القادمه ومن هنا طلع لنا يا مستر تعريف البيئه وعندنا منه اثنين تعريف لغوي واصطلاحي اصلها في اللغه باء بوا تبوا المنزل والمسكن ومكان الاقامه ومعناها الاصطلاحي مجموعه الظواهر المحيطه بالفرد هتؤثر فيه سياسيا اجتماعيا اخلاقيا بعدها دخلنا على خمس علاقات او خمس مراحل لعلاقه الانسان بالبيئه تقديس تاليه تفسير توظيف استغلال سيطره قهر استبداد واحترام وصن التقديس والتاليه عصر قديم انسان بدائي حضاره قديمه ما عرفش يسيطر على البيئه عباده اي شيء غير ربنا سبحانه وتعالى تفسير وتوظيف حضاره يونانيه فلسفه طبيعيه اي شرح وتوضيح استغلال وسيطره عصر حديث منهج تجريبي تحويل استخدام رفاهيه وندره الحديث عن حقوق الكائنات الحيه الاخرى اربعه التدمير والتخريب اللي احنا بنسميها القهر والاستبداد دمر خرب بوظ واخر حاجه الاحترام والسون لو حذر او نبه او حطت اشريعات بعدها مستر دخلنا على الحضاره المصريه القديمه اللي كلها عباره عن اربع افكار كتاب موتى لو حافظ وخلى باله وراعى تعويذه لو ما دمرش وما خربش وما اذااش احترام مظاهر البيئه لو عبد الشمس والقمر والنجوم والكواكب واخيرا وليس باخيرا ودي اهم حاجه بالنسبه لي احترام نهر النيل لو اتكلم على تقديسه نهر النيل قدم له الاناشيد قدم له التراطيل يفيد بالخيرات ياتي بمائه والاله حي هو اله نهر النيل بعدها دخلنا على علماء المسلمين علماء المسلمين اثنين الدكتور علي بن رضوان لو اتكلم على الامراض والاوبئه والمؤرخ المشهور عبد الرحمن بن خلدون لو اتكلم عن احداث التاريخ وميز بين البيئه الصالحه للعمران والغير صالحه ولا قلم عن عاداتنا وتقاليدنا وقيامنا واخلاقنا وصفات البشر بك دخلنا على العلماء وفلاسفه معصرين الدولي اليوبولد لو اتكلم عن اخلاق الارض تربه ميه نبات حيوان ولو اتكلم عن تغيير الانسان من مستعمر لانسان هادئ في المجتمع واخيرا الحضاره الخاصه به طبعا الدولي لويبولد انه كان راجل مساواه وتوازن لكن هانز يونيس اتكلم عن اخلاق المسؤوليه والاجيال المستقبليه واخر حاجه التوجهات للاخلاق الفلسفيه النفعي لو دور على مصلحتك وبس الخضري لو البيئه وبس الوسطي لو وازن ما بينهم وده الدرس كله في دقيقتين ثلاثه الله مستر ده الدرس سهله قوي قوي قوي قوي الاسهل واسهل اهو فلسفه البيئه بص بقى يا معلم برض نفس الموضوع اول حاجه البايو كبر لك الخط كده برض ديك فكره الايه الدرس الاول البايو يعني ايه يا مستر بيوتيكا قاللك واحد هناخد تعريف اثنين مجالات الاخلاق البيوطبيه اللي هي اخلاق العياده والبحث العلمي والساس الصحيه لاثه هناخد بعض المشكلات الناتجه عن الثوره البيولوجيه ورقم اربعه ودي اهمهم عندي هناخد الموافقه المستنيره والمعايير الطبيه الحديثه بصوا بقى الدرس ده اكت درس فيهم مهم لانه عايز طالب فاهم مش حافظ بس بيبدا معانا الدرس بسم الله اول حاجه يعني ايه يا مستر بيوتيكا خلينا نبدا بتعريف الاخلاق التطبيقيه لو الناس فاكره اهي لو الناس فاكره يعني ايه يا مستر اخلاق تطبيقيه نروح دايسين هنا بس مصغرين الخط شويه اهو احنا قلنا قبل كده ان الفلسفه نوعين فلسفه قديمه نظريه وجديده تطبيقيه كلمه تطبيقيه يا كابتن هي فرع جديد من فروع الفلسفه بيدرس قواعد عمليه للموضوعات في شتى المجالات من الاخر اي تطور علمي او تكنولوجي في اي مجال حديث بعد القرن ال 18 ابتدت تظهر اخلاق تطبيقيه احنا قلنا الفلسفه الاخلاقيه نوعين فلسفه اخلاقيه قديمه نظريه تتكلم عن الصدق والعدل والاخلاص والمحبه والامانه وفلسفه عمليه تطبيقيه بتحل مشاكلنا اليوميه هي دي اللي فرع بينها فلسفه البيئه واللي فرع منها فلسفه الطب طب مستر ايه هي الاخلاق البيوتيقيه او البيولوجيه بصوا كن قال لك عندنا حاجه اسمها علوم طبيه بيولوجيه سميناها بيوطبيه علوم طبيه بيولوجيه جايه سميناها بايو طبيه واطلقنا عليها البيوتيقه بيقول لحضرتك ان التطور في علم الطب والتطور في علم الاحياء اسمها التطور في العلوم الطبيه البيولوجيه او اللي احنا بنسميها البيوطبيه اطلقنا عليها بيوتيقه اطلقنا عليها بيوتيقه يعني تطور علم الطب مع تطور علم الاحياء اظهر لنا فرع جديد اخلاقي البيوتيقه هي من فروع الاخلاق التطبيقيه يبقى فرع جديد تطبيقي استخدم لاول اول مره سنه 1970 من العالم فان بوتر والبيوتيقه هو علم البقاء يعني ايه يا مستر بيوتيك مش فاهم حاجه قال لك والله ان علم الطب اطور وعلم العلوم البيولوجيه اطور قوي واحنا قلنا ان اي تطور علمي ليه ايجابيات وليه سلبيات ما حدش يتكلم عن سلبياته ظهرت البيوتيقه على ايد واد اسمه فان بوتر سنه 1970 وقال ان احنا عايزين قواعد وقيم للتطور العلمي في مجال الطب والاحياء ومن هنا ظهر لنا تعريف البيوتيقه فكر اخلاقي من احد مباحث الاكسيولوجيا اللي هي فلسفه القيم مش احنا قلنا الفلسفه خنفره ثلاثه انتولوجيا ابيستمولوجيا اكسيولوجيا ظهرت لنا البيوتيقه ليه؟ قال لك والله ظهرت لها البيوتيقه عشان المشكلات الناتجه عن التطور العلمي في علم الطب والاحياء يعني هو عايز يقول لك ان علم الطب والاحياء اطوروا ونتيجه للتطور الطبي والبيولوجي دي طلع مشاكل كان لازم تلاقي لها حل فظهرت اخلاق البيوتيقه او الاخلاق البيوطبيه طب مستر اخلاق البيوتيقه او فروع الاخلاق البيوطبيه كم فرع قال لك ثلاثه اخلاق عياده بحث علمي سياسه صحيه يعني ايه اخلاق العياده بص اسلها لك انا كده كده هشرحها بالتفصيل بس حط حط جنبها الكلمتين دول بص مريض وطبيب بالله عليك ما تنسى دي في علاقه اخلاق العياده دي هي بتكلم عن علاقه المريض بالطبيب قواعد علاج المريض رسم خريطه العلاج لو قابلنا مشكله بكت اسرار المريض بقدم رعايه صحيه ذات منفعه للمريض اي حاجه في السؤال بتتكلم على علاقه المريض بالطبيب فهو بيتكلم عن اخلاق العياده قال لك بقى ان هي مؤسسات مختصه بتحط خريطه للعلاج اللي حددها فاللياس اسمه ديفيد روس قال لك اي مشكله بتواجهنا عايزين نعالجها العياده الطبيب المريض المجتمع طالما اتكلم على فكره العلاج ورسم خريطه العلاج واتخاذ خطوات ايجابيه للعلاج فهو بيتكلم عن حاجه اسمها اخلاق العياده طب مستر يعني ايه بحث علمي ايه بقى ايه الاخلاق ايه البحث العلمي سكن كل مكتوب تجارب على البشر لو اتكلم على اي شكل او اي نوع من انواع واشكال التجارب اللي ممكن تحصل على البشر ازاي اهو بيان الجوانب الاخلاقيه للابحاث العلميه على اجزاء جسم الانسان وان في لجان مخصصه لاجراء التجارب على البشر عايزين توازن ومنع التجارب فالسؤال من الاخر انا بديك في الطريقه اللي تحل بيها والله يا كابتن حضرتك لقيت مريض طبيب اخلاق عياده لقيت تجارب بشر بحث علمي السياسه الصحيه دي انا بقلق منها بقى اي حاجه فيها قوانين اكتب كده دوله حكومه قرارات واخلاق العياده متقسمه لي لثلاث فروع حاجه اسمها الصحه العموميه وحاجه اسمها منظومه العلاج وحاجه اسمها توزيع الموارد الصحيه تاني اول هدف لوزاره الصحه او للسياسه الصحيه في اي دوله واحد الصحه العموميه يعني ايه يا مستر صحه عموميه قال لك والله يا مستر الصحه العموميه ان انا الناس عندي في البلد نوعين يا اما سليم بحمي يا اما مريض بشفي يا اما سليم بحمي يا اما مريض بشفيه فلو اتكلم على حملات التطعيم ضد الامراض او حملات التوعيه 100 مليون صحه الكشف عن سرطان الثدي المبكر حمله 100 مليون صحه الكلام ده كله صحه عموميه منظومه العلاج لو اتكلم على المستشفى الموارد الصحيه لو اتكلم على الدكتور والعلاج صعب ده طيب يا مستر اها اها تعالى بقى لما نتكلم عن المشاكل اللي موجوده في الطب طب احنا قلنا ان تطور العلم في العلوم الطبيه والبيولوجيه سبب لنا مشاكل اول مشكله زراعه الاعضاء هي زراعه الاعضاء ايجابيه ولا سلبيه؟ ايجابيه جدا يعني ايه زراعه اعضاء؟ قال لك احنا بناخد عضو من انسان عايش ندي الانسان عايش ده من حيت لانسان عايش مش فاهمها خلينا نمشي من عايش لعايش الاول انا لو اخدت مني كليه خدت مني فص من الكبد خدت مني شويه دم على خلايا جذاعيه الكلام ده كله تاخده وانا عايش عادي طب مستر لكن من ميت لحي بص بقى من متبرع في حاله الحي لا يقبل التبرع بالاعضاء الا اللي قبل التجديد او انتزاعها لا يؤدي الى ضرر كبير حلو زي الكليه زي فص من الكده بيتجدد تاني في بقى حالات الميت دي امتى يا باشا دي بقى لو المتمرع ميت موت دماغي ما هو لو ميت موت كل احمار مش هينفع ناخد منه حاجه لكن مات موت دماغي دماغه ماتت لكن جسمه شغال اسمه ميت اكلينيكيا يعني عقله غايب عن الوعي لكن اعضاءه حلوه نقدر قطع شف وزع بيع تبقى كويسه وده طبعا انتزاع اعضاء صالحه للزراعه زي ايه مثلا اه الاعضاء اللي ينفع تتاخد ودي الاصعب بالنسبه لنا طبعا الرئه القلب العين الحاجات الصعبه دي من الميت الحقيقه في مشكله في ده طيب نزع الوسائل الاصطناعيه او الموت الرحيم تدخل طبي يسعى لوضع حدي لحياه المريض لو في غيبوبه او طاعم في السن يتعارض مع مبدا العداله نازل الاجهزه اه واحد تعبان قوي قوي قوي يا مستر هنسيله من على الاجهزه ونريحه ولا هنسيبه بيتعذب ويتالم لا شيله مع اجهزه وريحه ادي له حقنه ريحه طبعا ده ضد كرامه الانسان قيمه الحياه ما ينفعش نعمل تجار ب على السجناء والاجنه المشوهين او اللي محكوم عليهم بالاعدام انا بيني وبينك مش عاجباني الفكره دي ما معموم عليه بالاعدام يعني كده كده ميت طب ناخد مع تجارب ونستفاد منه طالما هو كده كده ميت بس اخلاق العلم لا تسمح بذلك وانا مع اخلاق العلم صعبه طيب معايير الاخلاق الطبيه الحديثه شايفك شايفك يا واد اللي عامل فيها دكتور انت تعال لي بقى عايز تبقى دكتور هاي انت نفسك تبقى دكتور معايا اربع شروط لازم تلتزم بيهم رقم واحد المنفعه الدكتور مالوش مصلحه ماديه عايش حياته في الدنيا دي يدور على مصلحه المرضى راجل اصيل عنده قيم عنده مبادئ فعل ما فيه الخير لمصلحه المريض والرعايه الصحيه حيه منفعه للمريض يعني ايه في دكاتره ما عندهمش ضمير بيدوروا على مصالح ماديه مش فارق معاهم مصالح المرضى اللي عندهم زي مين مش هينفع اقول اسامي لو رحت عند دكتور وقته بيقول لك اعمل تحاليل في المعمل الفلاني يعمل لك خصم فهو بياخد نسبه من المعمل الدوا ده مهم جدا ونادر في السوق مش تلاقي غير في الصيدليه اللي جنبي اعرف انه بياخد نسبه من الصيدليه اللي جنبك الدكتور الامين ما بيدورش على مصالح ماديه ما بيدورش غير على مصلحه المريض لان دي امانه هيتحاسب عليها يوم القيامه اثنين عدم الحاق الاذى عدم الحاق الاذى هو عدم التسبب في الحاق الضرر او الاذى عمدا او اهملا ونقلله للحد الادنى انا عارف ان ما فيش دكتور في الدنيا هيبقى الطري بتاعه ان ياذ المرضى لكن انا اسف اشتغلت الشغلانه دي لازم تبقى قدها وتبقى عارف كويس جدا انك ما ينفعش تخطئ الخطا ورد في الطبيعه البشريه في الطب لازم يقلحط له حدود كتير وقواعد كتير وتدريب كتير انا لو غلطت ونسيت معلومه او اتلخبطت في معلومه عادي اخرها سؤال في الامتحان لكن لو انت غلطت بتدمر حياه بني ادم بالرغم من الاخطاء الطبيه ان بنحاول نحمي المرضى طب مستر احترام الاستقلال الفرديه المريض حر مستقل صاحب اراده يعني ايه احترام الاستقلال الفرديه حق المريض في التحكم في الرعايه الصحيه الخاصه به دون قهر او اجبار او تدخل مننا في شيء جاللك مريض ازاي ده عنده هتنفجر كشفت عليه لازم يعمل عمليه حالا مش عايز اعملها يا ابني هتموت انت مالك انا حر ما حدش يقدر يكبرني ان اعمل الجماليه غصبا عني لان انا بعمل عمليه بمزاجي فلو مش عايز اعملها مش هعملها لكن حضرتك ما تقدرش تلزمني ولا تكبرني ان اعمل حاجه مش على هوايا فلازم اخلص دوري كطبيب واقول لك ان ده خطر لكن ما اقدرش اكبرك تعملها حتى لو المريض هيموت حتى لو المريض هيموت واخر حاجه المساواه والعدل تعني معامله جميع الافراد بالمساواه دون تمييز بين غني وفقير مسلم ومسيحي راجل وست صعب ده طيب كلهم في كفه ودي في كفه تانيه خالص ايه دي بقى قاللك دي معايير الاخلاق الطبيه المتعلقه بالابحاث الوراثيه اسمها الموافقه المستنيره يعني ايه موافقه مستنيره ان احنا بنسمح للمريض انه يساهم معانا في العلاج ينفع اعمل لحد تجارب من غير ما يبقى عارف نوع التجربه هتعمل عليه لا ينفع اعمل لحد اجراء طبي عمليه من غير ما يبقى عارف العمليه اللي هتعمل له لا اهو اول حاجه الافصح اقول له قول له اقول له ايه؟ قال لك اخبري المريض بالمعلومات ذات البحث او العلاج لو جاللي مريض وانا دكتور هقول له المرض اللي عنده يعني جاني مريض تعبان جدا اقول له والله حضرتك عندك ذبحه صدريه انا كده افصحت مستر او يا دكتور يعني ايه ذبحه صدريه اقول له والله بص الشريان اللي في القلب بيبقى فيه تكتلات من الدهون على الشريان بسبب كتر اكلك الاكل الغير صحي وده بيعيق حركه الدم بيعمل فيها مشاكل انا كده فهمته المرض قلت له عندك ذبحه صدريه اللي هي جلطه في القلب وشرحتها هو كده بيتكلم على الفهم ويعني وعي المريض للمعلومات اللي حصل عليها والافصاح والفهم مهمين ليه الدكتور الجميل القمر اللي بيشرح للمريض ويفهمه الحاله المرضيه اللي عنده ده بيساعد المريض انه يقدر يثق فيا ويساعده في قراراته اه تشجيع المريض على المشاركه في اتخاذ القارات وخلق الثقه بين المريض والطبيب طيب اثنين الاهليه طب والعمل يا دكتور ايه العمل ده ايوه العمل انا هعمل ايه دلوقتي تعمل ايه دلوقتي في ايه دلوقتي حضرتك انت قلت لنا ان انا عندي ذبحه صدريه ضيق في شريان في القلب ايه الاهليه دي قال لك الاهليه هي القدره على فهم المعلومات ومعرفه عواقبها بص بقى يا باشا اقول لك والله انت عندك جلطه في القلب اللي هي كذا كذا شرحها واجي اشرح لك بقى يا اما ناخد مذيبات جلطه وهتدوب وتاكل اكل صحي وتتمر عشان تحافظ على لياقتك يا اما هنعمل عمليه فيها قسطره ودعامات عشان نسلك الارض ونسلك الشريان يا اما مش تعمل حاجه وتموت يعني ايه قال لك الاهليه ان انا لاتخاذ قرار افهمك اوعيك ادي لك اراء استقلاليه عشان تقدر تفهم القرار اللي انت عايز توصل له قد يكون الشخص قادر على اتخاذ قرار في محل سكنه لكنه غير قادر على اتخاذ قرار الدواء ويجب على الاطباء حمايه الاشخاص الغير مؤهلين يعني ما ينفعش طفل صغير انا اسف جدا ان اقول لكم كده بس انتوا اطفال ما تقولوش لحد العاله الصغيره اللي زيكم دول مالهمش راي احنا بناخد راي بابا وماما الطوعيه حق المريض في الرعايه الصحيه هي احترام الاستقلاليه لا ينفع نتلاعب بيه ولن نضغط عليه ويتجب على الطبيب الامتناع عن اقناعهك بحاجه خلي بالك من دي ها يعني ما ينفعش تقول لازم تعمل عمليه يعني انا كل دكتور اروح له بركبتي يقوللي لازم تعمل عمليه يا عم ما هي ماش الحمد لله عاملها شويه تقويات وشويه علاج طبيعي بفضل ربنا علينا وشغاله وزي الفل لكن الدكتور اللي عايزك تعمل عمليه اهلك عمليه 1500 الف جنيه هو هيشتغل ساعه ولا هيشتغل ساعتين وفي الاخر ولا لك لازمه هو بالنسبه له استفاد مكاسب ماديه مش عايز اعملها براحتك زي ما قلت لكم لو جاللي مريض في حاله حرجه مش عايز يعمل عمليه وانا عايزه يعمل عمليه غصب عنه وراح اشتكاني هتعرض لمسائله قانونيه طب مستر بتقول حاجات غريبه قوي يا مستر المريض هيموت بيكتب اقرار انه على مسؤوليته اخر حاجه الموافقه ودي ان المريض يقبل انه يشارك بالكتابه يعني ايه؟ قال لك اسمها موافقه كتابيه اسمع مني وصحصح ليا طب مستر قول لنا الدرس ده كده كله ده الفصل الثاني اللي هو البيوتيك اهو سريعا قال اتكلم عن حاجه اسمها واحد الاخلاق التطبيقيه قواعد والقيم الجديده اللي بتنظم العمل وبتعالج مشاكلنا الحياتيه وبيقول لحضرتك التطور في علم الطب وعلم الاحياء طلع لنا حاجه اسمها العلوم البايوطبيه اللي طلعت البيوتيقه ولفظ بيوتيقه اطلق لاول مره على ايد فان بوتر سنه 1970 وده عالم امريكي وسماها بعلم البقاء وهي علم اخلاقي بيعالج المشكلات الناتجه عن الثوره البيولوجيه طب مستر ايه فروع البيوتيقه ايه مجالاتها اخلاق العياده لو اتكلم على المريض والطبيب والعلاج اي حاجه في علاقه المريض بالطبيب اثنين البحث العلمي لو اتكلم التجارب على البشر ثلاثه السياسه الصحيه لو اتكلم على الصحه العامه او منظومه العلاج او توزيع مارض الصحيه طب مستر بعد كده دخلنا على المشكلات الناتجه عن الثوره البيولوجيه ودول ثلاث مشاكل واحد زراعه الاعضاء من حي او من ميت قلنا من حي لحي تنفع من ميت لحي لو ميت موت دماغي اثنين الموت الرحيم او نزع الاجهزه الداعمه وضد الكرامه الانسانيه ثلاثه ودي اهمهم ال قيمه الحياه ومنع التجارب على المشوهين او المعاقين ذهنيا او نزلاء السجون او المحكوم عليهم بالاعدام لان ده برده ضد الكرامه الانسانيه وبعدها اخدنا حاجه مهمه جدا جدا اسمها المعايير الطبيه الحدي حديثه المنفعه فعل الخير للمريض او مساعده المريض او علاج المريض عدم الحاق الاذى عمدا او نتيجه الاهمال احترام الاستقلال الفرديه ما ينفعش اكبره على العلاجه وبيتحالج بمزاجه اخر حاجه المساوى العدل ما ينفعش اميز من غني وفقير وقلنا ان التحري الوراثي ليه مشكلات ناتجه عن الموافقه المستنيره واحد الافصاح اقول لك المرض اثنين الفهم اشرح لك المرض ثلاثه اهليه اهلك واعرفك نتائج القرار اللي هتاخده واربعه ودي اهم حاجه بالنسبه لنا الطوعيه تتعالج بمزاجك دون قهر او اجبار او تلاعب واخر حاجه خامسه الموافقه لازم تبقى كتابيه وكده مع بعض يبقى خلصنا نص منهج الفلسفه واشوفكم الحصه الجايه ان شاء الله بعد ما تحلوا الواجب كله اسئله جميله جدا ومتنوعه وهتلاقوا في الواجب ثلاث امتحانات على المنهج كله عشان براجع ده وانت كده مخلص المنهج فتح امتحانات شامله والسلام عليكم ورحمه الله وبركاته اسف لو طولت عليكم وتحت امركم في اي حاجه واشوفكم على