علوم متكاملة اولى ثانوي 2026 الوحدة التانية مكونات و طبقات الغلاف الجوي – دكتور زياد محمود

السلام عليكم ورحمه الله وبركاته حبايب قلبي واخواتي الصغيرين دكاتره المستقبل دكاتره اولى ثانوي ازيكم يا شباب عاملين ايه؟ يا رب تكونوا بخير عارف ان الفيديو ده هيكون نازل وانت لسه بتمتحن امتحانات الشهر في ناس ممكن تكون خلصت وفي ناس لسه بس عايز اقول لك يا صديقي ان احنا خلاص الحمد لله كنا خلصنا الفصل الاول في المنهج وخلصنا شرح اول 10 دروس ونزلوا كلهم والكومنتات بتاعتكم والله اللي بتوصل لنا بنقراها كلها وصدقني فرحانين بيها جدا جدا جدا وبرد فعلكم تجاهنا وتجاه الشرح عايز بس اطلب منك طلب ده طلب شخصي لي انا يا ريت تكتب لنا في الكومنتات انت بتتابعنا من انهي محافظه في مصر بالظبط عشان نعرف مين اكث محافظه بتتابعنا وبتستفيد من فيديوهاتنا عايز بس ارحب بيك في اول الفيديو كده سواء كنت طالب من طلاب منصه سحابه والاونلاين او كنت طالب من السنتر وداخل عشان تاكد على مذاكرتك اهلا بيك يا صديقي في بدايه الفصل الثاني وعنوان جديد وقصه جديده وهي الغلاف الجوي عايزك بقى تنسى الغلاف المائي خالص بكل محتوياته وبكل حاجه فيه وابدا معايا من اول وجديد في الغلاف الجوي مبدئيا يا صديقي عايزك بس تكون فاكر ان احنا كان عندنا اربع اغلفه موجودين على الارض اول غلاف كان اسمه الغلاف المائي كان بيدرس المسطحات المائيه وكان عندنا الغلاف الجوي اللي ورايا ده بيدرس نسبه الغازات وكان عندنا الغلاف الغراف الثالث اللي اسمه الغلاف الحيوي بيدرس الكائنات الحيه والغراف الرابع اللي كان اسمه الغلاف الصخري اللي بيدرس ثلاث انواع من الصخور صخور ناريه او رسوبيه او متحوله وكنا بنقول ان الصخور الرسوبيه هي انسب نوع من انواع الصخور اللي ممكن نلاقي فيها مياه جوفيه ده كده بالنسبه لانواع الاغلفه طيب كنا درسنا الغلاف المائي وعرفنا كل حاجه تخصه عرفنا الخواص الكيميائيه وعرفنا الخواص الفيزيائيه وعرفنا الحراره النوعيه وعرفنا الكائنات الحيه اللي بتعيش فيه ازاي وكل كائن بيتكيف ازاي مع البيئه اللي هو عايش فيها وعرفنا ازاي الاكسجين بيزيد ويقل في البيئه المائيه وازاي الضوء بيمتص في البيئه المائيه وازاي الضغط بياثر على الاحياء المائيه وفي اخر درس اللي شرحناه الحصه اللي فاتت كنا بنقول ازاي الانسان يحافظ على التوازن البيئي المائي ده كده بالنسبه لعنوان ال 10 دروس اللي فاتوا اما بقى للدرس الجديد في الفصل الثاني او الدرس الاول الفصل الثاني بعنوان الغلاف الجوي وطبقاته عايز اعرف الغلاف الجوي بيتكون من ايه ايه فايدته وايه هي الطبقات بتاعته كل طبقه ايه اللي بيحصل فيها هنقولهم ونقول الغازات بنسابها والدرس الاول خلص يا صديقي مبدئيا كده عايز بس اعرفك او عايز افكرك بتعريف الغلاف الجوي ان الغلاف الجوي كان نوع من انواع الاغلفه اللي كان مهتم بدراسه نسبه الغازات بمعنى اي غاز موجود حواليك اكسجين ثاني اكسيد الكربون بخار ميه غاز الاوزون غاز النيتروجين غاز الهيليوم غاز الهيدروجين كل الغازات دي بتتبع الغلاف الجوي فكنا بنقول هو الغلاف اللي مسؤول عن دراسه نسبه الغازات وبعدين كملنا وقال لحضرتك ان الغلاف الجوي ليه فوايد كتير جدا على عكس الكواكب اللي ما عندهاش غلاف جوي مستر هو في كواكب ما عندهاش غلاف جوي اه زي كوكب عطارض كوكب عطارد يا صديقي ما عندوش غلاف جوي اصلا طب ايه اللي بيميز الكوكب ده او ايه بقى المساوق اللي موجوده على الكوكب ده عشان ما عندوش غلاف جوي تعال نعرفه قال لحضرتك بالنسبه لكوكب عطارض ماذا يحدث للكوكب الذي لا يحتوي على غلاف هوائي زي كوكب عطارد ايه المساوي اللي عنده؟ قال لك ان هو يقوم سطح الكوكب بامتصاص الاشعاع الشمسي ما هو ما تنساش ان الاشعاع الشمسي ده اصلا كان في اشعه ضاره زي الاشعه اللي فوق بنفسجيه فبالتالي في كوكب عطارد الاشعه دي بيتم امتصاصها فلو حتى بقى عليه كائنات حيه دي في حد ذاتها مصيبه قال لك كمان ان بترتفع درجه حراره الكوكب بدرجه كبيره جدا لان لما نيجي ناخد الفوايد بتاعه الغلاف الجوي هتعرف ان الغلاف الجوي هو اللي مسؤول عن تنظيم درجه الحراره حراره ثالث حاجه قال لك عند غياب الشمس ليلا درجه الحراره بتنخفض بصوره كبيره جدا قال لك فيبرد بسرعه شديده لعدم وجود ايه؟ لعدم وجود غلاف جوي يحتفظ بالاشعاع اللي امتصه يعني الصبح درجه حرارته بتبقى عاليه جدا وبالليل درجه حرارته قليله جدا سب ان ما عندوش غلاف جوي يحتفظ بالحراره زائد كمان ان بيمتص الاشعه كلها فدي بتاثر على الكائنات الحيه طيب بالنسبه لتعريف الغلاف الجوي قال لحضرتك هو عباره عن طبقه من الغازات بتحيط بكوكب الارض عباره عن طبقه من الغازات اكسجين بقى وهيدروجين وهيليوم والكلام ده كله بتحيط بكوكب الارض ده كده بالنسبه للغلاف الجوي طب حاجه كمان ا الغلاف الجوي ايه الفوايد بتاعته قال لك ان من ضمن الفوايد بتاعه الغلاف الجوي اول حاجه ان هو بينظم درجه الحراره لسه قايلينها هو اللي بينظم درجه الحراره بتاعه الكائنات الحيه قال لك كمان ان هو بيحمي الكائنات الحيه من حاجتين من الاشعات الضاره مره دي اول حاجهاني حاجه بيحمي من الاجسام الفضائيه يقول لك مثلا ده النهارده كوكب الارض في منطقه معينه هينزل عليه شهب هينزل عليه نهايازك اللي بيحمي الكوكب من كل الاجسام الفضائيه دي هو الغلاف الجوي يبقى بيحمي من درجه الحراره او بيحافظ على توازن درجه الحراره وبيحمي من الاشعات الضاره زي الاشعه الفوق بنفسجيه وبيحمي من الاجسام الفضائيه طب يا مستر هل الغلاف الجوي ليه فايده ثانيه؟ اه هو اللي مسؤول عن عمليه التنفس لكل الكائنات الحيه لان عنده غاز اسمه غاز الاكسجين طيب ده كده بالنسبه لتعريف الغلاف الجوي وايه هي الفوايد بتاعته لما جه اعرفه قال لك هو عباره عن طبقه من الغازات بتحيط بكوكب الارض وتحميه من معظم الاشعات والاجسام القادمه من الفضاء وتعمل على ا الاحتفاظ بدرجه الحراره خلي بالك كمان ان الغلاف الجوي يبقى ثابت حوالين الارض بسبب وجود حاجه اسمها الجاذبيه اللي بيخلي الغلاف الجوي حوالين الارض ما يمشيش ويسيب الارض ان الارض عندها مجال المغناطيس او عندها جاذبيه ارضيه موجوده في مركز الارض. طيب بالنسبه بقى للاهميه بتاعته قال لك هو ضروري لتنفس الكائنات وتوازن درجه الحراره وبيحتوي على غازات تدعم وجود الحياه. مستر عايز اعرف ايه هي الغازات اللي موجوده في الغلاف الجوي ونسبه كل غاز فيهم. مبدئيا كده اول غاز موجود في الجو اسمه غاز النيتروجين. اول غاز موجود في الجو اسمه غاز النيتروجين. طب يا مستر غاز النيتروجين ايه اللي بيميزه ونسبته كام في المغير ايه اللي بيميزه ونسبته كام في الم قال لحضرتك عايز اعرف اهميته ايه فقال لك ان غاز النيتروجين ده نسبته تقريبا حوالي 78% 78% من الغلاف الجوي تقريبا عباره عن غاز نيتروجين انت عارف ده معناه ايه معناه ان اكت من لاث ارع الغازات اللي موجوده في الجو نيتروجين اكت من لاث ارباع الجو عباره عن غاز نيتروجين طب يا مستر النيتروجين ده ايه اللي بيميزه؟ قال لك اللي بيميز النيتروجين ان هو غاز خامل يعني ايه غاز خامل يعني ما بيدخلش في تفاعل كيميائي اصلا مستقر ما بيدخلش في اي تفاعل طب يا مستر هو خامل دايما قال لك لا بيتفاعل في ظروف مناسبه زي حاله ارتفاع درجه الحراره لو درجه الحراره ارتفعت قوي ساعتها النيتروجين ممكن يتفاعل بس كده قال لك لا وفي حاله حدوث برد يبقى النيتروجين هو اكتر الغازات اللي موجوده في الجو كام في الم 78 طب بيتكون من كام ذره الجزيء بتاعه ذرتين ان 2 طب يا مستر خامل ولا نشط؟ لا خامل. طب خامل على طول؟ لا في حاله حدوث ارتفاع في درجه الحراره او في حاله حدوث برق بيبدا يتفاعل عادي اذا هو محتاج ظروف معينه عشان يتفاعل. طب يا مستر ايه تاني بيميز النيتروجين؟ قال لك اللي بيميز النيتروجين ان الاكاسيد بتاعته ضاره. يعني ايه الاكاسيد بتاعته ضاره الNO والNO 2 والNO 3 اللي هي اكاسيد النيتروجين اللي هو النيتروجين لما يتفاعل مع الاكسجين يعني دي اكاسيد بتبقى ضاره ومن حكمه ربنا ان الاكاسيد دي عددها في الطبيعه بيكون ضقيل مستر عددها ضئيل يعني عددها قليل جدا جدا جدا ودي حاجه من حكمه ربنا ايه الفكره من كده الفكره ان الاكاسيد الضاره دي هي ا اللي موجوده او هي اللي بتسبب مشاكل للكائنات الحيه هديك مثال حاجه مثلا زي قنابل الغاز المثله للدموع وحاجه زي القنابل النوويه عموما بيبقى فيها كميه كبيره جدا من اكاسيد النيتروجين ليه؟ لان دي من ضمن القنابل اللي بتبقى محتاجه اكاسيد ضاره طب مين انسب اكاسيد تكون ضاره اكاسيد النيتروجين ليه؟ لان بتدمر الجهاز التنفسي دي اول حاجه وبتدمر الجهاز الدوري القلب والدم والاوعيه الدمويه كل دي حاجات بتاثر عليهم اكاسيد النيتروجين اذا من حكمه ربنا ان الاكاسيد تبقى ضاره او الاكاسيد تبقى ضئيله طيب حاقه كمان ده كده بالنسبه لكل حاجه تخص النيتروجين بالنسبه بقى للغاز اللي بعد كده وهو غاز الاكسجين طب يا مستر غاز الاكسجين النسبه بتاعته قد ايه او الجزيء بتاعه بيتكون من كام ذره برده بيتكون من ذرتين طب الاكسجين ايه اللي بيميزه قال لك ان الاكسجين هو اللي مسؤول عن التنفس عمليه التنفس اصلا بتتم عن طريق غاز الاكسجين هو الغاز اللي بيدخل جوه اليتوكوندريا عشان يصنع الطاقه اذا عمليه التنفس بتتم بسببه طب تاني حاجه هو اللي مسؤول عن كل العمليات الحيويه والله لان الكائن الحي يبدا يتنفس يتحرك يهضم يروح يروح يجي كل دي حاجات بتتم عن طريق غاز الاكسجين طب ثالث حاجه قال لك هو اللي مسؤول عن تصنيع الطاقه اي كائن حي بيصنع الطاقه عن طريق الاكسجين طب رابع حاجه بقى واهم حاجه قال لك هو اللي مسؤول عن الاشتعال هو اللي مسؤول عن الاشتعال طب يا مستر نسبه الاكسجين في الجو قد ايه 21% من حجم الغلاف الجوي ده معناه ايه معناه ان الاتنين دول على بعض 99% يعني اي غاز تاني غير دول اقل من واحد الغازات التانيه كلها واحد اصلا دول بس 99% خلي بالك ان الاتنين لو اتفاعلوا مع بعض بيكونوا الاكاسيد الضاره عشان كده من حكمه ربنا واحد نشط ده نشط اما ده لا ده خامل اما ده نشط طب امتى يتفاعلوا مع بعض في حاله حدوث برق او ارتفاع درجه الحراره في غاز ثاني شبهه ايه ده يا مستر ده انا حاس ان انا شفته قبل كده اه بس ده او 3 يعني بيتكون من ثلاث ذرات مش ذرتين اسمه غاز الاوزون مستر غاز الاوزون ده نسبته كتير في الجو قال لك لا نسبته طيله جدا لان اي غاز تاني قلت لك كلهم على بعض اقل من 1% طب الاوزون ده بيبقى موجود فين؟ قال لك موجود على ارتفاع من 10 كم ل 55 كم بمعنى لو احنا عندنا ده سطح الارض ارتفاع من صفر اللي هو سطح الارض لحد 10 كيلو ما فيش اذون اصلا بيبدا امتى؟ قال لك بيبدا من اول 10 كيلو بيبدا من اول 10 كيلو لحد 55 دي كده فيها غاز الاذون طب بعد ال 55 ما فيش تاني فقال لك هو موجود على ارتفاع من 10 ل 55 كيلو طب ايه فائدته؟ قال لك بيحمي من الاشعه اللي فوق بنفسجيه بيحمي من الاشعه اللي فوق ايه؟ بنفسيجيه طيب حاجه كمان يا مستر ده كده بالنسبه لاول ثلاث غازات خدنا غاز زي النيتروجين وخدنا غاز زي الاكسجين وخدنا غاز زي الاوزون طيب كل واحد منهم عرفنا ايه هي الخصائص اللي بتميزه. طب في غازات ثانيه؟ اه في غاز مثلا زي غاز الارجن في غاز زي ثاني اكسيد الكربون وفي غاز زي حاجه اسمها بخار الميه. غاز الارجن ده كل اللي ذكروا عنه ان نسبته 93 سوري 0.3% طب يا مستر نسبه غاز الارجن بتفيدنا في حاجه؟ لا قال لك ده غاز خامل وما بيتفاعلش اصلا. طب بالنسبه لثاني اكسيد الكربون نسبته تقريبا حوالي. 4% يعني نسبته قليله جدا نسبته ضئيله جدا قال لك كل اهميته ان هو مسؤول عن عمليه البناء الضوئي لان النبات اثناء عمليه البناء الضوئي بياخد ثاني اكسيد الكربون وبيطلع اكسجين اما بالنسبه لبخار الميه لو انت فاكر اول صفحه في المنهج كنا بنقول ان الاراضي متقسمه 70% ميه و30% يابس وال 70% متقسمين 97% ميه مالحه و3% ميه عزبه وال3% متقسمين 2% جليد زي القطب الشمالي والقطب الجنوبي و 1% عباره عن ميه عازبه سائله ساعتها ما جبناش سيره بخار الميه فحد سالني مستر هو فين بخار الميه؟ قلت له بخار الميه تبع الغلاف الجوي مش المائي لانه نوع من انواع الغازات طب يا مستر ايه اللي بيميزه؟ قال لك لا ده نسبته متفاوته من مكان لمكان تاني يعني نسبته في كل حته غير الثانيه حسب بقى الكائنات اللي بتتنفذ دي بتطلع بخار ميه قد ايه حسب في مسطح مائي درجه الحراره عنده عاليه فبيتبخر ولا لا فنسبته مش في كل الاماكن زي بعض ده كده بالنسبه للجزئيه الخاصه بالغازات قال لك النيتروجين اهو 78% اللي بيميزه غاز خامل لحد كبير وما بيتفاعلش بسهوله طب بيتفاعل امتى؟ قال لك في برق او ارتفاع درجه الحراره طيب قال لك الاكاسيب بتاعته بتكون ضئيله جدا وبتكون ضاره ها مهمه طب بالنسبه للاكسجين 21% مسؤول عن التنفس وجميع الكائنات الحيه والعمليات الحيويه قال لك نشط كيميائيا خلي بالك ان هو مش نشط قوي طب قال لك بيساعد في عمليه الاحتراق وبيساعد في التنفس وكثير من التفاعلات الكيميائيه الطبيعيه والصناعيه طيب الارجون 93% ومافيش حاجه تميزه غير ان هو غاز خامل طب بالنسبه لثاني اكسيد الكربون 4% مسؤول عن البناء الضوء طب بخار الميه تختلف نسبته من مكان لمكان تاني وقال لك بيبدا ا يلعب دور في ظواهر الطقس والمناخ لانه كان بيدخل في الدوره اللي اسمها الدوره الهيدرولوجيه ما تنساهاش طيب بالنسبه لغاز الاوزون قال لك موجود على ارتفاع من 10 كيلو ل 55 كيلو طيب حاجه كمان قال لك بيتمي ميز بقدرته على امتصاص الاشعه الفوق بنفسجيه طب يا مستر موجود او بيمتص الاشعه اللي فوق بنفسجيه لان دي اشعه ضاره بتضر بالكائنات الحيه طيب ايه تاني؟ طيب بالنسبه بقى للطبقات بتاعه الغلاف الجوي مستر بالنسبه للطبقات عندنا طبقه اسمها التروبوسفير وبعدين عندنا طبقه هنا اسمها الاستراتو سفير وبعدين عندنا طبقه كمان اسمها الميزو سفير وبعدين عندنا طبقه اسمها الثيرمو سفير وبعدين عندنا طبقه اخيره اسمها الاكسوسفير بص يا صاحبي كل حاجه من دول ليها خصائص غير الثانيه كل طبقه من دول ليها ارتفاع ليها سمك غير الثاني قال لك مثلا طبقه زي التروبوسفير هي اقرب الطبقات للارض اول طبقه موجوده في الارض طب ارتفاعها لحد كام؟ قال لك لحد 10 كل م يعني من صفر ل 10 كيلو صل على النبي بذمتك دي هلاقي فيها غاز الاذون ولا لا؟ قال لك لا يا مستر ده غاز الاذون بيبدا اصلا من 10 دي بتنتهي عند 10 فقال لك دي الطبقه اللي مش موجود فيها اي غازون طب ايه اللي بيميزها؟ قاللك كل ما نطلع في الطبقه دي 1 كيلو يعني كل ما نرتفع كيلو كل ما درجه الحراره بتقل 6.نص درجه سليزيه يعني لو جه قال لك درجه الحراره عند سطح الارض 36.ص لو طلعنا كيلو 30 هقلل 6.ص طب طلعنا كيلو كمان هقلل 6 ون.ص كمان تبقى 23.ص وهكذا كل ما نطلع كيلو بتقل 6 ون.ص طيب حاجه كمان قال لك بيحصل فيها معظم زوائر الطقس حراره بقى رياح امطار جفاء ايا كان بيحصل في التروبوسفير. طيب بالنسبه للطبقه التانيه اسمها طبقه الاستراتوسفير طب يا مستر الاستراتوسفير منين لفين؟ قاللك دي من 10 كيلو متر لخ او سوري ل 50 كل متر يعني سمكها قد ايه؟ 40 كيلو خلي بالك ان الطبقه دي مهمه جدا بالنسبه للتيارات هنقولها في اخر الجزئيه دي صلي على النبي بالنسبه للاستراتوسفير قال لك بتبقى موجوده على ارتفاع من 10 او سوري من 10 كم ل 50 كيلو طب يا مستر ده معناه ان عندها ده غاز الاذون اه لان انا اقول لك الاذون من 10 ل 55 فده معناه ان معظم غاز الاذون بيبقى موجود في الطبقه دي يعني الاشعه اصلا او الغاز اللي بيحمي بالاشعه الفوق بنفسجيه بيبقى موجود في الاستراتوسفير طب يا مستر بيبقى موجود في الطبقه دي كلها؟ قال لك لا اول 20 كيلو غاز الاذون ما بيبقاش فيهم قد كده فعشان كده درجه الحراره في اول 20 كيلو بتبقى ثابته عكس دي ها قلنا هنا كل ما نطلع كيلو بتقل 6.5 هنا اول 20 كيلو ثابته درجه الحراره ثابته زي بعض فاول ال 20 كيلو زي اخرهم لو درجه الحراره تحت مثلا 20 هتبقى فوق 20 برده طب قال حضرتك بعد ال 20 كيلو كل ما نطلع فوق ال 20 كيلو درجه الحراره بتزيد ليه درجه الحراره زادت بسبب وجود غاز الاذون لان انا لسه ق لك ان هو من ضمن الغازات السامه يا مستر انت بتقول لي بيحمي من الاشعه السامه ايوه ما هو غاز سام وبيحمي من اشعه ضاره طيب ايه بقى المميز في الاستراتوسفير ومهمه قوي قوي قوي قوي وجت في امتحان السنه اللي فاتت بتاع على الشهر وجت في امتحان الترم قال لك ان الاستراتوسفير دي هي الطبقه المفضله لتحليق الطائرات اشمعنى؟ للاسف دي مرتبطه بان انت مذاكر الدرس التاسع لو انت فاكر الدرس التاسع كنا بنقول ان شرط اساسي ان الكائن يتعرض لضغط ان الضغط يكون نازل بشكل عمودي انا مثلا دلوقتي ادي كائن الكائن ده لازم عشان هيتعرض لضغط الضغط لازم يكون نازل عمودي عليه يا مستر طب لو افقي موازي ليه لا وربنا ما ولا في ضغط ولا اي حاجه ساعتها اديتك مثال بالكتاب انا لو في كتاب جنبي مش ماثر عل في حاجه ليه؟ لانه افقي طب لو الكتاب ده بقى عمودي على دماغي ساعتها هحس بالضغط نفس الفكره اي حاجه بتسبب ضغط الضغط الجوي انا ما فيش فوق دماغي حاجه انا دلوقتي حتى لو ما فيش حاجه بتاثر عليا ففي ضغط جوي عمودي على دماغي اللي هو ضغط الهواء بياثر على دماغي طب يا مستر اشمعنى الطبقه دي مفضله لتحليق الطائرات؟ قال لك عشان الهواء في الطبقه دي بيبقى نازل بشكل افقي مش عمودي بمعنى ما هو دلوقتي صلي على الطياره اللي بتطير لو متعرضه لضغط دي في حد ذاتها مشكله ليه؟ هتبقى هي محتاجه الموتور بتاعها هيبقى زياده عن اللزوم ان هو يقاوم الضغط ده او هيبذل مجهود اكتر ليه؟ لان في ضغط بياثر عليه هو محتاج يقاومه محتاج يزقه الناحيه الثانيه فبالتالي قال لك الطبقه دي الهواء فيها بيكون افقي مش عمودي يعني ما عندهاش ضغط اصلا فقال لك دي الطبقه المفضله لتحليق الطائرات ليه؟ لان الهواء فيها بيبقى موجود بشكل افقي مش عمودي يعني ما بياثرش عليها اي ضغط فبالتالي هي انسب طبقه التيارات تطير فيها اصلا ليه؟ لان مش هتحتاج الموتور الليقاومه الضغط ليه؟ لان ببساطه مافيش ضغط اصلا فقال لك دي انسب طبقه لتحليق الطائرات علل بسبب ان الهواء بيكون موجود بشكل افقي مش عمودي فبالتالي ما فيش ضغط دي اهم حاجه في طبقه الاستراتوسفير اهم حاجه وهي اللي بتتكرر في الاسئله اصلا بيقول لك مين الطبقه المهمه لتحليق الطائرات او مين الطبقه المفضله لتحليق الطائرات الاستراتوسفير بيجي يقول لك هو مين الطبقه اللي فيها غاز الاذون الاستراتوسفير طب مين الطبقه اللي بتحمي من الاشعه اللي فوق بنفسجيه برده الاستراتوسفير فطبقه مهمه جدا جدا الطبقه اللي بعد كده اسمها الميزوسفير بتبدا من 50 لو انت ملاحظ اصلا كل طبقه بتنتهي بتبدا اللي بعدها دي كان اخرها 10 دي بدات من 10 دي اخرها 50 دي بدات من 50 لحد كام لحد 80 كيلو مستر ممكن ما يقولكش مين الطبقه اللي بتبدا من 50 وتنتهي عن 80 ممكن يجي يقول لك مين الطبقه اللي سمكها 30 كيلو ما هي باده 50 وانتهت عند 80 فمش شرط يجي يقول لك بدات عند 50 او انتهت عن لا يقول مين الطبقه اللي السمك بتاعها 30؟ مين الطبقه اللي السمك بتاعها 10؟ مين الطبقه اللي السمك بتاعها 40؟ ما هوو بدات عند 10 وانتهت عند 50 فالسمك بتاعها 40 كيلو طيب بالنسبه بقى للميزوسفير قال لك درجه الحراره هنا بتبقى غالبا شبه ثابته بتبقى سالب 90 درجه مئويه ع معناها ايه؟ معناه ان الطبقه دي درجه حرارتها تحت الصفر ب 90 درجه بمعنى شريده البروده يجي يقول لك هو مين الطبقه الاكثر بروده في طبقات الغلاف الجوي الميزوسفير عايز بس افهمك حاجه ان الميزوسفير درجه حرارته سالب 90 ولو انت فاكر كان عندنا حاجه في المنهج بسالب اللي هي درجه غليان كبريتيد الهيدروجين بالله عليك ركز في الحاجات دي عشان التفاصيل دي مهمه اخر السنه هتبقى كل الارقام دي معاك طيب بعد كده قال لحضرتك بالنسبه للثيرموسفير فالثيرموسفير ده ايه اللي بيميزه ان هو بيبدا من اا 80 كيلو لحد 700 كيلو يا مستر ار يعني قد ايه السمك بتاعه 620 كل مبدا عند 80 وانتهى عند 700 طب ايه اللي بيميز الثيرموسفير؟ قال لك بيبقى الجزء السفلي منه اسمه الايونوسفير ليه اسمه الايونوسفير؟ قال لك عشان بيبقى عنده ايونات موجبه وايونات سالبه يعني الطبقه دي ممكن يقول عليها مشحونه كهربيا عندها شحنات كهربيه موجبه وشحنات كهربيه سالبه طب ايه اللي بيميز الطبقه دي؟ قال لك اللي بيميز الطبقه دي ان هي مسؤوله عن ارسال الموجات اللاسلكيه موجات زي موجات الراديو مثلا بتبقى موجوده او اللي بيستقبلها في طبقات الغلاف الجوي هي طبقه الايونوسفير او اللي بتعكسها في طبقات الغلاف الجوي الايونوسفير تعال كده نقرا الجزئيه بتاعه الطبقات دي لما جينا نبدا مع التروبوسفير قال لحضرتك بتبدا او بتمتد لحد 10 كيلو وكل ما نطلع كيلو درجه الحراره بتقل تقريبا حوالي 6 ونص درجه سليزيه طيب ايه تاني بيميزها قاللك بيحصل فيها معظم الظواهر الجويه زي ايه؟ زي الامطار وزي حركه الرياح. طب بالنسبه للطبقه الثانيه الاستراتوسفير قال لك بتبدا من 10 وتنتهي عند 50. طيب بتحتوي على ايه؟ بتحتوي على طبقه الاذون قلت لك في الطبقات العليا مش اللي تحت. طيب درجه الحراره في اول 20 كيلو بتبقى ثابته. طب بعد كده بتبدا تزيد كلما ارتفعنا بسبب وجود غاز الاذون بها تكون حركه الهواء افقيه لذلك تعتبر طبقه مفضله لتحليق الطائرات ليه؟ عشان مافيش ضغط. زود الكلام ده وانت بتذاكر بعد كده قال لك بالنسبه للميزوسفير بتبدا من 50 وتنتهي عند 8 يعني السمك بتاعها تقريبا حوالي 30 كيلو بعد كده قال لك هي بتعد اكثر طبقات الغلاف الجوي انخفاضا لدرجه ان هي بتبقى سالب 90 درجه مئويه كمان قاللك ان الميزوسفير هو اللي بيحمي من الشهب والنيازج انا لسه قلك ان الغلاف الجوي هو اللي بيحمي من الاجسام الفضائيه الغريبه مين بقى اللي بيحمي او مين الطبقه اللي بتمنع وصول الشهب والنازج دي للارض الطبقه دي بعد كده بالنسبه للطبقه اللي بعدها اسمها السيرموسفير من كام لكام؟ من 80 ل 700 كيلو تقريبا يعني السمك بتاعها حوالي 620 كل م طيب قال لك الجزء السفلي منها بيسمى الايونوسفير طب الايونوسفير قال لك هي طبقه مشحونه كهربيا يعني عندها شحنات موجبه وشحنات سالبه قال لك لذلك تستخدم في الاتصالات اللاسلكيه لمسافات طويله ليه سبب قدرتها على عكس موجات الراديو تقدر تعكس موجات الراديو. اما بالنسبه للطبقه الاخيره يا صديقي في الغلاف الجوي فهي طبقه الاكسوسفير. قال لحضرتك دي اعلى طبقه في طبقات الغلاف الجوي وكالعاده باده من 700 كيلو لحد 1000 كم. طيب بعد كده قال لحضرتك ان بتتحرك فيها بعض الذرات والجزيئات بمسافه كبيره جدا ومن غير ما تصطدم ببعض فبالتالي قال لك كل واحده منهم بيبقى عندها سرعه هائله فبالتالي قال لك هي المكان المناسب لحركه الاقمار الصناعيه ليه؟ بسبب ان كثافه الطبقه دي بيكون قليل جدا ده كده بالنسبه لاخر طبقه من طبقات الغلاف الجوي بعد كده يا صديقي اخر حاجه اسمها سرعه الافلات ايه سرعه الافلات قال لحضرتك لو انا مثلا دلوقتي واقف عامل كده ومنع الناس ان هي تعدي دي ا ايه اللي ممكن يعدي مثلا من ايدي لو في حد طالب مثلا جاي يجري كده فانا لا ممكن ازقه ارجعه طالب مثلا ممكن ازقعه انما مثلا لو عدت الدبانه من تحت ايدي مستحيل ارجع ليه لان هي اسرع منه قال لحضرتك ان كل غاز موجود جوه الارض ليه سرعه معينه طول ما السرعه بتاعته دي مناسبه لسرعه الكوكب هيفضل موجود جوه الكوكب يعني الغازات اللي موجوده في كوكب الارض موجوده عشان عندها نفس السرعه بتاعه الافلات او عندها اقل من سرعه الافلات اللي موجوده في الكوكب طب لو الغازات عدت السرعه دي هتعدي من الكوكب من غير ما الكوكب يقدر يمنعها فقال لك سرعه الافلات دي هي مقدار ثابت لكل كوكب كل كوكب ليه سرعه افلات تبلغ سرعه الافلات لكوكب الارض 11.2 كم في الثانيه بمعنى قال لك لو الغاز اقل او يساوي هيفضل موجود جوه الكوكب طب لو غاز عنده 11.3 0.3 هيفلت من الكوكب هيخرج من الكوكب هيعدي بره مجال الجاذبيه يعني ايه؟ يعني من الاخر كده هيطير بره الكوكب قال لك ودي بتبقى غازات نادره فبالتالي ليه؟ قال لك عشان الغازات دي اصلا مش تبقى موجوده جوه الكوك قال لك لو كانت السرعه الفعاله للغاز اقل من سرعه الافلات ده معناه ان هو لا يمكنه الهروب من جاذبيه الكوكب طب لو السرعه بتساوي او اكبر من سرعه الافلات قال لك للاسف في الحاله دي يمكنها الافلات من جاذبيه الكوكب وبعدين قال لك بيصبح هذا الغاز نادرا او غير موجود على سطح الكوكب يعني لو في غاز على كوكب الارض سرعته 11 و2 او 11 و3 هيفلت من كوكب الارض طب 11.1 0.1 من لا ده اقل من سرعه الافلات فبالتالي هيفضل موجود جوه كوكب الارض ده كده يا صديقي كان الدرس الاول في الفصل الثاني اتمنى تكون استفدت لو احتجت اي حاجه ما تنساش ان تيم او رقم الدعم بتاع منصه سحابه موجود في الكومنتات او سوري موجود في الوصف ورقم الدعم الخاص بيا موجود في الوصف برده وما تنساش يا صديقي ان احنا محضرين لك مفاجاه مهمه جدا جدا جدا وهي باكدج المراجعه فلو حضرتك طالب من طلاب الاونلاين وعايز تستلم باكدج المراجعه عه فعايز اقول لك ان هو حاليا بيتحضر وهنعلن عن التفاصيل بتاعته لو محتاجه تقدر تكتب لنا في الكومنتات او تتواصل مع تيم الدعم الخاص بي انا وهيبدا يفهمك ازاي تتواصل او ازاي يوصل لك الباكدج بتاعك ولو انت عايز تعرف عناوين السناتر بتاعتنا او اي حاجه تخص شغلنا احنا فانت ممكن تتواصل برده مع تيم الدعم وهيوصلك بكل المعلومات اللي انت محتاجها اتمنى تكون فهمت حصه النهارده واستنونا في فيديو الدرس الثاني في الفصل ثاني