علوم متكاملة اولى ثانوي 2026 الدرس العاشر التوازن البيئي ودور الإنسان – دكتور زياد محمود

السلام عليكم ورحمه الله وبركاته حبايب قلبي واخواتي الصغيرين دكاتره المستقبل دكاتره اولى ثانوي عاملين ايه يا شباب؟ اهلا وسهلا بيك يا صديقي في فيديو جديد وعنوان جديد في الدرس العاشر سواء كنت من طلاب الاونلاين وطلاب منصه سحابه او كنت طالب من السنتر وداخل عشان تاكد على مذاكرتك للدرس عايز اعرف حضرتك يا صديقي ان احنا النهارده هنخلص الفصل الاول وهننهي الحكايه بتاعه الفصل الاول في المنهج كان فصل طويل جدا وفصل مرهق جدا ده كده الدرس العاشر في الفصل عكس الفصل الثاني اللي احنا هندخل فيه اللي هيبقى عباره عن اربع دروس بس عايز بس في اول الفيديو كده اطمن الطلاب بتاعه الازهر ان يا صديقي ما تقلقش هتلحق المراجعات وهنلحق نخلص المنهج وهننزل لك مراجعات وهتلحق تراجع معانا زيك زي العام بالظبط فما تشيلش هم الحته دي خالص عشان في طلاب كتير بتسالني وفي طلاب كتير مستنيه تعرف هنخلص المنهج امتى فانا حابب اطمن منك واعرفك ان المنهج كده كده هيخلص قبل الامتحانات بتاعتك وباذن الله باذن الله هتحضر معانا المراجعات كمان عايز برده اعرف حضرتك حاجه ان احنا لما نيجي نخلص الفصل ده او الفصل اللي جاي هيبدا ينزل لك دروس اكت عشان نلحق نخلصه وهيكون في مراجعات كتير او هيبقى في زي كورس مكثف كده هنعد لك فيه المنهج كله من اول وجديد في اربع محاضرات شرح وحل وساعتها كمان هيكون في باكدج للمراجعه هنشتغل منه بعيدا عن الكتاب اللي اللي احنا شغالين بيه عايز بس افكر حضرتك بحاجه مهمه جدا جدا جدا ان لو انت محتاج اي حاجه تخصنا او تخص المنصه فبالنسبه لرقم الدعم بتاع المنصه موجود عندك في وصف الفيديو ورقم الدعم الخاص بيا لو محتاج حاجه خاصه بي انا موجود برده في الوصف بتاع الفيديو عايزك بقى تركز معايا كده عشان الدرس العاشر مش هياخد معانا اي وقت لانه درس بسيط جدا ومحتاج ان حضرتك تفهم مجرد ما تفهمه هتعرف تحفظ والموضوع الموضوع بالنسبه لك هيبقى سهل صلي على النبي بقى كده وتعال معايا مبدئيا كده عايز افهمك ان الدرس العاشر بيتكلم عن حاجه اسمها التوازن البيئي طيب عايز افهم يعني ايه توازن بيئي مضطر بس اخرج من منهج العلوم وادخل بيك في منهج التاريخ بتاع حضرتك منهج التاريخ بتاع حضرتك كان عندك تعريف في اول المنهج خالص وهو تعريف الحضاره فكان مدرس التاريخ بتاع حضرتك بيعرفك ان تعريف الحضاره هو عباره عن ثمره اي مجهود يقوم به الانسان نتيجه تفاعله مع البيئه حلو قوي ده كده بالنسبه لتعريف الحضاره عندك في التاريخ انا بقى عايزك تبص على التعريف ده وتجي لي عايز افهمك يعني ايه توازن بيئي قال لحضرتك ان كل حاجه موجوده حوالينا في الطبيعه ايا كانت ايه هي لازم تكون في حاله توازن مش فاهم يا مستر يعني من الاخر كده اي حاجه موجوده حواليك لا ينفع تزيد ولا ينفع تقل لانها لو زادت مشكله طب لو قلت برده مشكله ودي في حد ذاتها حاجه ما ينفعش تحصل مستر ممكن توضح اكت قال لحضرتك ان تعريف التوازن البيئي هو عباره عن حاله توازن ديناميكي يعني ايه توازن ديناميكي يعني توازن مرتبط بالحركه طب ما بين مين ومين؟ قال لك ما بين الكائنات الحيه والاشياء الغير حيه مش فاهم هو ايه هي الكائنات الحيه لو رجعت للدرس الاول هتبقى عارف ان الكائنات الحيه في منها اربع امثله او اربع انواع كان عندنا الانسان وكان عندنا الحيوان وكان عندنا النبات وكان عندنا الكائنات الدقيقه مستر مين الكائنات الدقيقه اللي هي الكائنات التي لا ترى بالعين المجرده دي كده الكائنات الحيه والاشياء الغير حيه اللي هي اي حاجه في الطبيعه غير دول كل دول لازم يكونوا في حاله توازن لا ينفع يزيدوا ولا ينفع يقلوا مستر كان عندنا حاجه شبهها في منهج العلوم بتاعك بتاع ثالثه اعدادي كان عندك في منهج العلوم حاجه اسمها الهرمونات لو انت فاكرها الهرمونات دي يا صديقي لما كنا بنشرحها لك في العلوم او الهرمونات دي لما كانت بتشرح لك في العلوم كان عندك ان الهرمونات دي لازم تكون في حاله توازن في الجسم لان اي هرمون في الجسم لو زاد مشكله ولو قل برض مشكله طب المثال اللي كان عندك السنه اللي فاتت كان هرمون بيقول لك اسمه هرمون النمو لو انت فاكر هرمون النمو ده كان لازم يبقى في الرينج الطبيعي بتاعه لانه لو زاد بيسبب مرض اسمه العمقه ولو قل كان بيعمل مرض اسمه القزامه ده مثال على الحاجه اللي لازم تكون في حاله توازن انا عندي الهرمونات الم موجوده في جسمي لازم تكون في حاله اتزان والله لو زادت دي مشكله طب لو قلت برده مشكله زيها زي اي حاجه موجوده في الطبيعه قال لك حاجه مثلا زي الكائنات الحيه كل كائن من الكائنات الحيه لازم يكون في حاله توازن لا ينفع عدد من الكائنات الحيه يزيد ولا ينفع يقل طب بالنسبه للاشياء الغير حيه مثلا حاجه زي الموارد الغذائيه حاجه زي الاكل اللي موجود في الطبيعه الاكل الموجود في الطبيعه ده برده لازم يكون في حاله توازن لانه لو زاد مشكله ولو قل برده مشكله مستر هو لو الاكل زاد ايه المشكله في كده هنعرف من خلال الدرس ايه المشكله اللي ممكن يسببها طيب مبدئيا كده بس هنرجع نرجع للملزمه بتاعتنا عشان نبدا نعرف مع بعض ايه هو التوازن البيئي فقال لحضرتك ان التوازن البيئي هو حاله من الاستقرار الديناميكي مستر يعني ايه اتزان ديناميكي؟ قال لك يعني اتزان مرتبط بالحركه مرتبط ان الكائنات الحيه اللي هم الانسان والحيوان والنبات والكائنات الدقيقه بيعملوا اتزان مرتبط بالحركه بتاعتهم في البيئه طيب ما بين ايه؟ قال لك بطريقه تحفظ استمراريه الحياه لازم كل كائن حي يفضل مستمر ليه لازم كل كائن حي لازم يفضل مستمر لان كل كائن في الطبيعه مرتبط بالتاني بمعنى انت مثلا لو جيت تفكر كده في الكائنات الحيه هتلاقي مثلا ان النبات في كائن معتمد عليه اللي هم اسمهم ايه؟ اللي هم اسمهم اكلات عشب حاجه مثلا زي الارانب حاجه زي الخيول حاجه زي الماشيه بتاكل نباتات فتخيل معايا ان النبات فجاه ما بقاش موجود اكلات العشب دي هتموت طب لو جينا اخدنا مثال مثلا اللي هي اكلات العشب هتلاقي ان في كائن ثاني مرتبط او معتمد عليها زي اكلات اللحوم الاسود والنمور والفود الكائنات المفترسه يعني طب لو فجاه اكلات العشبه مش موجوده اكلات اللحوم ما بقتش موجوده طب حاجه مثلا زي الانسان الانسان مرتبط بالاثنين فلو كل دول ما بقوش موجودين الانسان هو كمان راح فبالتالي قال لك لازم كل الكائنات الحيه تكون في حاله توازن او في حاله اتزان لان كل كائن لو عدده زاد مشكله طب لو قل برده مشكله طب يا مستر احنا المفروض ان التوازن او الاتزان ده يحصل عن طريق كام حاجه؟ قال لك بيحصل عن طريق ثلاث حاجات اول حاجه ممكن تعمل لي اتزان قال لك هو توازن الموارد الغذائيه يعني ايه يعني من الاخر كده كل الموارد الغذائيه لازم تكون في حاله اتزان لا ينفع تقل ولا تزيد طب من اهم الموارد الغذائيه واهم العناصر لازم تكون متوفره في الطبيعه عنصر زي عنصر النيتروجين وعنصراني زي عنصر الفوسفور اشمعنى العنصرين دول؟ قال لك لان العنصرين دول من اهم العناصر اللي موجوده في الطبيعه حضرتك لو ناوي تكمل علم علوم لو انت ثانويه عامه او داخل مسار طبي لو انت في البكالوريا هتعرف اصلا ان النبات محتاج كل العناصر العناصر دي عشان ينمو العناصر دي حاجه مثلا زي البوتاسيوم والفوسفور والمغنيسيوم والنيتروجين والكبريت والكالسيوم والحديد فاحنا لما بتطلع ثانيه او ثالثه ثانوي بنبدا نقول لك ان النبات محتاج جمله اسمها كب مج نسكافيه بدل ما اقول لك النبات محتاج بوتاسيوم ومحتاج فوسفور ومحتاج مغنيسيوم ومحتاج كل دول واحفظهم لا بنقول كب مج نسكافيه عشان انت تعرف تطلع العناصر او عشان تبقى سهله عليك في الحفظ طب لو انت جيت دققت في العناصر دي ادي عنصر النيتروجين وادي عنصر الفوسفور. طب يا مستر اشمعنى الكائن الحي محتاج نيتروجين وفوسفور؟ قال لك لان الاتنين دول مسؤولين عن بناء البروتين. ايه البروتين ده؟ البروتين ده اللي مسؤول عن نمو العضلات بتاعه جسمك اصلا. العضلات بتاعه جسمك اللي بتشكل تقريبا 620 عضله كلها عباره عن بروتين. طب انا جسمي عشان يكبر في الحجم محتاج بروتين. طب البروتين عشان يتكون اصلا محتاج نيتروجين وفوسفور. فلو رجعنا للاصل هتلاقي ان عنصر النيتروجين وعنصر الفوسفور هم اللي بيكونوا البروتين اصلا. طب لو فجاه كده الاتنين دول قال له كل سنه وانت طيب مافيش بروتين. طب البروتين ده مسؤول عن ايه؟ قال لك هو اللي مسؤول عن النمو. اصلا الشخص او الطفل عشان يتحول من مرحله الطفوله لمرحله البلوغ لازم يتعرض لكميه معينه من البروتين هي اللي بتسبب النمو اصلا. هديك مثال بسيط. زمان كانت الست الوالده كده تقول لك اشرب اللبن عشان تكبر او كان مثال مشهور قوي اي حد عارفه اشمعنى اشرب اللبن عشان اكبر عشان اللبن ده فيه كميه كبيره من البروتين طب هو البروتين اللي جه في اللبن ده جه منين؟ جه من عنصر النيتروجين وعنصر الفوسفور فقال لحضرتك ان العنصرين دول من اهم العناصر اللي موجوده في الطبيعه ليه؟ لان هم بيكونوا البروتين طب ايه فائده البروتين؟ مسؤول عن النمو فقال لحضرتك لازم العنصرين دول يكونوا في حاله توازن اشمعنى يا مستر في حاله توازن؟ لان هم لو قالوا مشكله مافيش نمو طب لو زادوا برده مشكله لان عدد النباتات لو زاد دي برض في حد ذاتها مشكله طيب قال لحضرتك حاجه بالنسبه لتوازن الموارد الغذائيه مين الكائنات اللي بترتبط بيهم بصوره مباشره حاجه زي الطحالب وحاجه زي النباتات ما انا لسه قلك ان الطحالب والنباتات عشان تنمو محتاجه نيتروجين وفوسفور عشان يكون البروتين والبروتين هو اللي مسؤول عن النمو طب الطحالب والنباتات لما يحصل لهم نمو قاللك هم اللي مسؤولين عن عمليه اسمها عمليه البناء الضوئي فبالتالي النبات هيفضل عايش طب لو النبات موجود في اكلات عشب طب لو في اكلات عشب في اكلات لحوم وزي ما قلت لك كل كائن مرتبط بالثاني طيب لو رجعنا للجزئيه دي هتلاقيه بيقول لك ان لازم يكون في توازن ما بين العناصر الغذائيه لازم يكون موجود في البحيرات والانهار ليه؟ لان احنا بنتكلم عن غلاف المائي اصلا طب يا مستر العناصر الغذائيه اللي احنا محتاجينها زي النيتروجين وزي الفوسفور طيب قال لحضرتك هي مهمه في ايه؟ قال لك مهمه لنمو النباتات والطحالب لان انا قلت لك الاثنين دول مسؤولين عن تكوين البروتين اللي مسؤول اصلا عن عمليه النمو فقال لحضرتك والله لو حصل زياده بشكل مفرط قال لك ده ممكن يؤدي الى ازدهار غير طبيعي للتحال ودي في حد ذاتها مشكله لان زي ما قلت لك كل كائن لازم يكون في كميه متوازنه لا ينفع يزيد ولا ينفع يقل ده كده بالنسبه لاول حاجه هنعمل بيها توازن طيب بالنسبه لتاني حاجه ممكن نعمل بيها التوازن قاللك لازم يكون في تنوع في الكائنات الحيه ازاي يا مستر؟ ما هو الكائنات الحيه اللي موجوده عندنا في الطبيعه لازم تكون متنوعه لازم يكون في عدد كبير من الكائنات كل كائن فيهم متوفر او كل كائن فيهم موجود. طب مستر عايز افهم الحوار ده قال لك ان اي كائن في الطبيعه ممكن يكون كائن مفترس وممكن يكون فريسه بمعنى لو انت جيت فكرت فيها كده باستثناء النبات يعني اي كائن في الطبيعه بعيدا عن النبات ممكن يكون كائن مفترس وممكن يكون فريسه مش فاهم يا مستر تخيل معايا كده مثلا ان حاجه مثلا او كائن عندنا زي الارنب الارنب ده بالنسبه للنبات هو كائن مفترس لان هو بيفترس النبات طب تخيل معايا كده ان الارنب ده مثلا موجود في الغابه قبل اسد مش هيتبقى منه غير ودان فقال لحضرتك الارنب اللي كان عندنا في المثال في نفس الوقت اللي كان كائن مفترس اتحول لفريسه فاصبح عندنا نفس الكائن موجود عندنا في الصورتين خد بقى المثال ده وطبقه على اي كائن تاني مستر انت لو جيت تفكر اصلا هتلاقي ان الكائنات الحيه كلها بتمشي بنفس المبدا لو احنا بنتكلم عن البيئه المائيه فاحنا عندنا حاجه اسمها الاسماك الصغيره طب الاسماك الصغيره اللي عايشه في الميه هتاكل كل ايه؟ ما فيش حاجه اصغر منها تاكلها فقال لك دي بتبقى معتمده على العوالق النباتيه اللي هو النبات الصغير اللي موجود في الميه والعوالق الحيوانيه اللي هي الحيوانات الصغيره زي مين؟ زي الاميبا والبراميسيوم واليوجلين الاسماك الصغيره بتاكل الكائنات دي بتاكل العالق النباتيه وبتاكل العالق الحيوانيه طب يا مستر تخيل معايا كده ان السمكه الصغيره دي وهي ماشيه في المسطح المائي قبلت سمكه اكبر منها الاكبر منها هتاكلها فانا بقى عندي السمكه الصغيره كانت كائن مفترس لان هي افترست دول وبقت فريسه للاسماك الكبيره فبالتالي نفس الكائن بقى موجود عندنا في الاثنين والله هو كائن مفترس وفريسه طب يا مستر ليه استبعدت النبات لان النبات هو الكائن الوحيد اللي مش معتمد على كائن اني كان ذاي التغذيه لو انت فاكر فهو عمره ما هيكون كائن مفترس هو دايما فريسه فريسه لمين؟ لاكلات العشب طيب ده كده بالنسبه لتاني جزئيه طيب بالنسبه بقى لثالث جزئيه قال لك برده ان لازم يكون في توازن ما بين الكائنات الحيه كل الكائنات الحيه لازم تكون موجوده في صوره التوازن ليه؟ سواء كانت فريسه او مفترسات طب ليه؟ قال لك عشان يحصل توازن في النظام البيئي المائي لازم يكون في توازن في البيئه المائيه او لازم يكون في اتزان ما بين الكائنات اللي عايشه في الميه قال لحضرتك مثلا تخيل معايا لو تراجعت الاسماك المفترسه لو الاسماك المفترسه علىدها ابتدى يقل ده معناه ان ايه ده معناه ان الاسماك الصغيره هتبدا تزيد ما هو السمك الصغير ما فيش حاجه هتاكله لان المفترس قال قال لك السمك الصغير هيبدا يزيد طب تخيل معايا كده لو السمك الصغير صغير ابتدى يزيد ما هو هيفضل ياكل في النباتات فالنباتات هتقل فالبناء الضوئي يتاثر فالاكسجينيه في الميه اتاثر وهكذا فقال لك منعا للمشاكل دي كلها لازم يكون في توازن لا كائن يزيد ولا كائن يقل طب يا مستر ما هو لو زاد دي في حد ذاتها دي حاجه كويسه ده زاد ده بقى كتير لا ما هو كتير دي مشكله لانه هيفضل ياكل في الكائن اللي هو معتمد عليه طيب ثالث حاجه قال لك بالنسبه لتدفق الطاقه او ثالث طريقه ممكن نعمل بيها توازن بيئي اسمها تدفق الطاقه ليه؟ لسه زي ما قلت لك ان في هرم اسمه هرم السلسله الغذائيه. احنا متفقين ان المصدر الرئيسي للطاقه على الارض هو الشمس. دلوقتي الطاقه لا تفنى ولا تستحدث من عدم. يعني من الاخر كده لازم يكون في طاقه تتحول لصوره تانيه. طب مين اللي بيحول الطاقه من صوره لصوره؟ الشمس. طب مين بقى الكائنات؟ يعني لو جيت فكرت فيها كده مثلا الكائنات الحيه هم اربع انواع انسان حيوان نبات كائنات دقيقه تلاقي الاربعه كده واقفين جنب بعض كل واحد بيفكر مين اللي هيروح يجيب الطاقه من الشمس. فتلاقي مثلا الانسان هيقول لي الحيوان بيقول لك ايه روح انت هات الطاقه من الشمس قول له يا عم ده درجه حرارت عاليه قوي لو رحت ممكن اتسحب خلاص شوف كائن غيري فالانسان يوم رايح للنبات يقول له بقول لك ايه معلش اتنازل وهات لنا انت الطاقه من الشمس فيقول له لا ما انا كل مره هفضل اعمل لكم البناء الضوئي مش جايب طاقه من حته فيقول له طب معلش تعال على نفسك اخر مره فتلاقي عين ان النبات هو الكائن الوحيد اللي بيتنازل وبيروح يجيب الطاقه من الشمس عشان يديها لبقيه الكائنات الحيه فقال لك النبات ده هو الكائن الوحيد اللي منتج في السلسله الغذائيه اي كائن ثاني مستهلك طب طب لو جيت تفكر كده النبات ده بياكلوا مين؟ قال لك بياكلوا اكلات العشب الارانب والخيول والماشيه كل دي بتاكل نباتات طب مين اللي بياكل اكلات العشب؟ اكلات اللحوم اللي هي الكائنات المفترسه الاسود بقى والنمور والفهود والصقور والنسور كل دي كائنات مفترسه طب مين بقى اللي فوق كل ده؟ لما جم يصنفوا الانسان ماتصنفش تبع حاجه من دول ليه؟ لان الانسان كان غريب جدا لو جينا نصنف الانسان ا هتلاقي ايه ده؟ ايه تعال نشوف هو بياكل ايه؟ والله الانسان ا لو اتحط قدامه خضار وفاكهه نبات يعني هياكله طب لو اتحط قدامه لحوم لحمه فراخ سمك لا يا ريت هياكله ده الانسان ما بيستكفيش ان هو ياكل الطيور مثلا يعني الانسان ما يجيش معاه ان هو ياكل حمامه كده بس لا انا هحشي الحمام ده رز واحطه في الفرن واكله يعني هو مش بس بيقتل كائن لا هو بيتفنن ازاي يقتل الكائن الثاني طب اتحط قدامه نبات اذا واكلات عشب طب اتحط قدامه لحوم اذا واكلات لحوم فتعمل فصيله لوحدها للانسان اسمها متنوع هو بياكل اي حاجه اتحط قدامه ولو جيت فكرت فيها تلاقي ان التفاصيل اللي جت للانسان دي هي من بدري قوي يعني تلاقي الطفل الصغير اول ما يبدا يشد حلو كده سنه ونص ويبدا يتحرك او يبدا يسحف لا اي حاجه على بقه ليه يعني ايه ده كهربا اه ادوق والله طلع طعمها حلو بكمل بيفضل مكمل فيها لا طعمها وحش لا خلاص اشوف حاجه غيرها فمبدا التفاصه ده بيظهر مع الانسان بالفطره حاجه من زمان حاجه كمان بقى تلاقي مثلا ان جزء زي الانسان طفص لدرجه ان هو مش بياكل اكلات عشب او مش اكلات عشبه او اكلات لحوم بس لا ده الانسان بياكل فطريات حاجه زي فطر عيش الغراب اللي هو المشروم ده اصلا حاجه من انواع الفطريات فالانسان يعني ما استكفاش ان هو يبقى اكلات عشب او لحوم بس لا دايس في اي حاجه فقال لحضرتك ان كل كائن من دول لو انت جيت تفكر فيها معتمد على التاني تخيل معايا يا صاحبي ان النبات قل هيبقى في اكلات عشب شكرا هتقل هي كمان طب مافيش اكلات عشب في اكلات لحوم هتقل هي كمان طب ما فيش اكلات لحوم في انسان كل سنه وانت طيب السلسله الغذائيه كلها اتدمرت طب تخيل معايا كده ان اكلات اللحوم ما بقتش موجوده اكلات العشب هتبدا تزيد اه ليه هتبدا تزيد ما هو ما فيش حاجه تاكلها اكلات العشب عماله تاكل في نباتات وما فيش حد بياكلها فبالتالي عدد هيبدا يزيد طب لما اكلات العشب بتزيد ما هتاكل النبات فالنبات هيقل فقال لك اي كائن سواء قل او زاد انت ممكن تشوف ان هو لو زاد دي ميزه ما هو لو زاد دي مشكله لانه هياكل الكائن اللي هو معتمد عليه فدي فدي في حد ذاتها مشكله قال لك الكلام ده كله اسمه تدفق الطاقه لازم يكون في توازن في تدفق الطاقه في النظام البيئي لان اي زياده او اي نقص خلل بي وبالمناسبه ده كده عنوان الترم الثاني كله الترم الثاني كله بيتكلم ازاي الطاقه بتتنقل من كائن للثاني للثالث وازاي كل كائن بياخد الطاقه من الكائن اللي وراه وبنحسبها ازاي كل ده موضوع الترم الثاني اصلا طيب ده كده بالنسبه لازاي نعمل توازن بيه عندنا موضوعين الاول عايز بس اوضح لك ان في كائن زي الشعب المرجانيه الشعب المرجانيه دي اللي خدناها في الدرس اللي فات كانت بعيش في المناطق اللي هي الدافه شويه المناطق الضحله اللي هي مش على ارتفاع كبير ولا على عمق كبير قوي بتبقى موجوده في مكان وسط كده في العمق بتاع الميه قال لك ان الشمعه المرجانيه دي بتبقى موطن لنمو كتير من الكائنات البحريه يعني في كائنات بحريه كتير جدا بتعيش جوه الشع المرجانيه دي بتفضل بقى عايشه بتتنفس بتاكل بتتحرك بتعمل عمليه التكاثر كل ده جوه الشع المرجانيه اذا الشع المرجانيه هي مكان مهم نمو كتير من البيئه البحريه طب تخيل معايا كده ان في كائن اسمه انفض البحر بياكل الشعم المرجانيه فده بالنسبه للشعم المرجانيه ده خطر ليه؟ لان هو بياكل مكان او بياكل نبات النبات ده معتمد عليه كتير قوي من الكائنات البحريه طب لو الشمرجانيه قالت ما هي الكائنات البحريه هيحصل لها تدهور عددها هيبدا يقل فدي مصيبه فما ينفعش تحصل فبالتالي قال لك حاجه من عند ربنا كده ان الاسماك المفترسه بتبدا تاكل انفض البحر انت فهمت الدايره ماشيه ازاي الكائن المفترس بياكل انفض البحر اللي بياكل الشعب المرجانيه فبقى في حمايه للشعه المرجانيه فيجي يقول لك هو مين نوع الاسماك اللي بيساعد ان الشع المرجانيه تنمو او تزدهر الاسماك المفترسه طب ماذا يحدث في حاله نقص عدد الاسماك المفترسه قنفض البحر هيبدا يزيد فالشوم المورجانيه تقل فالبيئه البحريه او الكائنات البحريه اللي عايشه جواها هتقل فتوازن ولا خلل؟ خلل بيه ده كده بالنسبه للحته بتاعه الشع المرجانيه اخر جزئيه في الدرس عموما والدرس خلص قال لك الانسان هو السبب في المصايب دي كلها ده اولا ثانيا ايه بقى دور الانسان يعني الانسان بقى المفروض يعمل ايه عشان يحافظ على البيئه المائيه احنا دلوقتي قلنا ان البيئه المائيه لازم يكون فيها توازن طب هل الانسان بيعمل او بيحافظ على التوازن ده لا انسان بيعمل مصايب قال لك لدرجه ان الانسان عنده ثلاث مصايب كل واحده اصعب من الثانيه ايه الثلاث مصايب اللي الانسان بيعملهم اول مصيبه الانسان بيعملها قال لحضرتك بتندرج تحت بند حاجه اسمها الصيد الجائر ايه الصيد الجائر والله مثلا الانسان قرر كده بدون اي سبب ان هو ياخد الصناره بتاعته ويطلع على اقرب مسطح مائي بقى ا بحر بقى نهر ولا محيط ولا ايا كان لو بلد فيها محيطات ولا حاجه ولا ترعه قدام بيتهم ويصطاد كل يوم بيصطاد طب هل هو دارس هو بيصطاد ايه طب هل هو بينوع في الكائنات اللي بيصطادها لا هو بيروح نفس المكان كل يوم في نفس الوقت يصطاد نفس نوع السمك طب ما دي مشكله في حد ذاتها ليه؟ لان انت كده بتخلي ان في نوع معين من الاسماك عمال ايه يقل طب نوع السمك ده لو قل الانواع اللي مرتبطه بيها تبدا تقل ما هو النوع ده في كائن بيجي ياكله فالكائن ده كمان هيقل طب الكائن اللي كان بياكله ده في كائن ثالث بيجي ياكله ف ده كمان هيقل فانت كده بتعمل خلل بيئي مش توازن بيئي فقال ق لك الصيد الجائر بيبهدل الثروه السمكيه عن طريق ان هو بيقلل الاسماك الصغيره فبالتالي بيقلل الاسماك المفترسه دي اول مصيبه الانسان بيعملها حاجه قال لحضرتك ان الانسان ما بيحافظش على الموارد الطبيعيه عن طريق ايه قاللك عن طريق مثلا ان هو يقوم جاي بقايا مثلا المبيدات الحشريه يقوم رميها في الميه دي مشكله في حد ذاتها طب بقايا الاسمده يقوم رميها في الميه طب بس كده قاللك لا بقايا المعادن الثقيله يرميها في الميه برض ارض مثلا زراعيه فيها مبيدات حشريه كتير المبيدات دي اتبقت مثلا غمينها في نهار النيل طب دي مشكله ليه؟ لان دي مواد كيميائيه ممكن تاثر على صحه الكائنات ممكن تاثر على الصاله السمكيه اصلا لا ارميها في النيل طب الاسمده نفس الكلام ارميها في النيل طب المعادن الثقيله المعادن الثقيله دي زي الحديد والالومنيوم والنحاس تلاقي مثلا مصنع الومنيوم او مصنع نحاس هو مثلا موجود قريب من نهر النيل ف الركام بتاعته او الرطوش بتاعته او البقايا بتاعه المعادن دي اللي اتبقت ما فيش مكان يرموها فيه فيقوم رميها في نهار النيل طب دي في حد ذاتها مصيبه لو انت فاكر اصلا في الهيدروميتر كنا بنقول ان الهيدروميتر الاتزان بتاعه بيجي بسبب الزئبق والرصاص وقلت لك ساعتها ان دي معادن ثقيله ودي بتبقى معادن سامه انت عارف الترمومتر بتاع الاطفال ده لو اتكسر والزئبق اللي فيه ده طلع دي كارثه في حد ذاتها ليه؟ لانه ماده سامه ساعتها بنبدا نبعد الاطفال عنه عشان لو طفل فكر يدوق بس الزئبق ده كل سنه وانت طيب مات في وقتها فبالتالي هو بيرموا كل دول في الميه تمام طيب ده كده بالنسبه لتاني حاجه وربنا عارف حتى لو الانسان معهوش حاجه يرميها في الميه بيدور ازاي يلوس الميه؟ يعني انت مثلا ايه تلاقي مثلا ا عيله عادي جدا طالعه تصيف اسبوع مثلا في اي منطقه ما اا وتلاقي مثلا واد صغير كده اتزنق عايز يعمل حمام يقول لك يا لسه هرجع الشاليه ولا تلاقي لسه هرجع البيت امه تقول له لا يا واد صرف نفسك في الميه تمام امشي بس حته بعيده عن عم ابو شنب اللي هناك ده واعملها فاهم فالانسان اصلا حنا بص ما ادالوش اي حاجه لاس بيها الميه طلع يا باشا يوريا وتصرف الكائنات بقى البحريه يبقى ربنا ايه يعينها على اللي هي فيه ثالث حاجه قال لك المستنقعات الساحليه اللي هي الاماكن اللي فيها الشعب المرجنيه انا لسه ققول لك ان الشعب المرجانيه دي اصلا بيعيش فيها كائنات بحريه كتير يجي انسان مثلا يقول لك لا خلاص انا قررت بقى ان انا ايه هعمل مشروع في نص الميه هعمل مطعم في نص الميه طب المطعم اللي هيتعمل في نص الميه ده انت محتاج تشيل كل الشمورانيه اللي تحته ليه عشان حجر الاساس اصلا بتاع المطعم او بمعنى اصح كده العواميد بتاعه المطعم تبقى نازله لحد لحد الارض تبقى نازله لحد المكان اللي فيه ارض عشان العواميد بتاعته تبقى موجوده فانت لازم تشيل كل الشعب المرجانيه فبالتالي انت لما تشيل الشع المرجانيه انت دمرت كل الكائنات اللي عايشه جواها فبالتالي انت عملت خلل بيئي برده طب يا مستر ما يعملوا المشروع من غير ما يحطوا حجر الاساس بتاعه من غير ما يشيلوا الشعورجانيه يعني من جنبها كده ساعتها مش هينفع ليه اي شويه موجه هيجوا هياخدوا المطعم ده يودوه في حته تانيه يعني انت مثلا تبقى داخل تتغدى في اسكندريه تلاقي نفسك طلب المطعم في مطروح فلازم الشع المرجورانيه دي نفسها تكون اتشالت ده كله الانسان بيعمله ده كله حاجات غير مدروسه الانسان بيلوس بيها المسطحات المائيه وهو اصلا مش واخد باله طب ايه بقى دور الانسان؟ قال لحضرتك بالنسبه لدور الانسان في البيئه المائيه خمس حاجات اول حاجه لازم يحافظ على الموارد الطبيعيه لا والله لو انت معاك مبيدات حشريه او معاك اسمده او معاك اي حاجه ممكن تلوث الميه لا لو سمحت ما ترميهاش في الميه دي اول حاجه دور من اللي الانسان المفروض يعمله حاجه المفروض يعمل تنميه مستدامه يعني ايه تنميه مستدامه قال لحضرتك الجيل اللي بيبقى عايش لازم يتعلم قله التفاصيل شويه يعني بدل ما يبقى بيحوش مواد غذائيه ليه هو او بدل ما يكون المواد الغذائيه اللي متوفره متوفره للجيل لازم تكون متوفره لاجيال ثانيه بمعنى ان بدل ما نحافظ على الموارد الغذائيه للجيل بتاعنا بس لا احنا هنحافظ على الموارد الغذائيه وهنجمع موارد غذائيه للجيل اللي جاي والجيل اللي وراه والجيل اللي بعده عشان كل الاجيال اللي جايه تبقى جايه تلاقي توازن من المواد الغذائيه دي حاجه طب يا مستر ممكن نعمل ايه تاني بالنسبه لدور الانسان ثالث حاجه قال لك الانسان يبدا يعمل توعيه وتثقيف يعني ايه توعيه وتثقيف قال لك الانسان يبدا يوعي باهميه المسطحات المائيه عايز اقول لك ان مثلا حاجه زي الثروه السمكيه بتشكل مصدر دخل كبير جدا للبلد فبالتالي التوعيه والتثقيف باهميه المسطحات المائيه هيساعد ان الانسان يحافظ على البيئه المائيه او يحافظ على النظام البيئي المائي. طب يا مستر خامس حا او رابع حاجه ممكن تحصل ايه هي؟ قال لك المشاركه في السياسات البيئيه ودي مش خاصه بينا دي خاصه بالدوله ايه هي؟ ان كل الدول تبدا توضح النشاطات بتاعتها او تبدا توضح البرامج اللي هي بتستخدمها عشان تحافظ على المسطحات المائيه. والله مثلا في دوله بتحافظ على المسطحات المائيه عن طريق ان هي بتعمل 1 ا 3 4 فنفس الكلام ناخده نطبقه في الدوله بتاعتنا قال لك ده هيساعد ان الدوله تبدا تنهض بالنظام البيئي المائي ده كده بالنسبه ان احنا بنحافظ على الموارد الطبيعيه والتنميه المستدامه وبنعمل توعيه وتثقيف وبنشارك في السياسات البيئيه تعالى كده نقرا الكلام ده قال لحضرتك ان دي الجزئيه بتاعه الشع المرجانيه وقلت لك ان بيتم اكلها لها او بيتم افتراسها من انافد البحر وقال لحضرتك لو عدد الاسماك المفترسه قل ده معناه انفض البحر هيبدا يزيد بشكل غير طبيعي طب ده في حد ذاته خطر بالنسبه للشعب المرجانيه لان الشع المرجانيه بيبقى عايش جواها كثير من الكائنات البحريه طب حاجه كمان قال لك بالنسبه بقى لتاثير الانشطه قال لك حاجه مثلا زي التلوث المبيدات الحشريه والمعادن الثقيله بتلوث الميه دي في حد ذاتها مصيبه ليه؟ لانها بتاثر على جوده الميه وبتضر بالكائنات الحيه ثاني حاجه الصيد الجائز بيقلل عدد بيقلل عدد كبير جدا من الانواع اللي موجوده في البيئه البحريه ثالث حاجه التدمير البيئي قال لك ان هو يدمر المستنقعات والشعب المرجانيه دي في حد ذاتها حاجه ما تنفعش طب ايه دور الانسان اول حاجه بيعمل حفاظ على الموارد الطبيعيه دي اول حاجه طيباني حاجه توعيه وتثقيف يبدا يتكلم ازاي اهميه البيئه المائيه ويعمل حملات اعلاميه طيب التنميه المستدامه ايه التنميه المستدامه قال لحضرتك ان يحافظ على الموارد الغذائيه ويبدا يزودها عن طريق ايه عن طريق تعزيز الزراعه المستدامه والله بدل ما الماده الغذائيه دي تكفي الجيل ده بس لا تكفي الجيل ده والجيل اللي جاي طيب حاجه كمان المشاركه في السياسات البيئيه طيب المشاركه في السياسات البيئيه عن طريق ايه؟ عن طريق ان كل دوله تبدا تشوف سياسه تطبيق الحفاظ على نظام البيئي المائي وتبدا تطبقه في الدول بتاعتها خامس حاجه اللي نسينا نقولها التحول لممارسات صديقه للبيئه بدل ما نستخدم ا مواد مثلا زي الفحم والبترول والغاز الطبيعي لا بدل ما نستخدم فحم وبترول وغاز طبيعي لا نستخدم مثلا او نتحول لممارسات صديقه للبيئه زي مين مثلا وليكن زي الطاقه الشمسيه او زي طاقه الرياح او زي الطاقه الكهرو مائيه كل دي ممارسات بتكون صديقه للبيئه ده كده بالنسبه للجزئيه دي طيب صل على النبي تعال كده نشوف جزئيه على اللي احنا شرحناه قال لحضرتك بالنسبه لاهميه التوازن البيئي في النظم المائيه ايه اهميه التوازن البيئي؟ تعال نقرا اجابه اجابه الحفاظ على توازن العناصر الغذائيه تنفع طب تنوع الكائنات الحيه ما احنا لسه قايلين لازم يكون في تنوع طب تدفق الطاقه ولا جميع ما سبق لا جميع ما سبق ليه يا مستر لان كل ده انا محتاجه طيب حاجه كمان قال لك كلا مما ياتي من خصائص التوازن البيئي ما عدا عايز حاجه غلط طيب توازن العناصر الغذائيه لسه قايلينها ما ينفعش اختارها ليه لانها اجابه صح هو عايز اجابه غلط طب تنوع الكائنات الحيه فيه ما تنفعش ليه ليه؟ لان احنا عايزينها. تدفق الطاقه لسه قايلين ان احنا محتاجينها. طب اقرا كده. وجود الكائنات المنتجه بكميات كبيره. مستر ما هو الكائنات المنتجه موجوده. ايوه بس موجوده بكميات ايه؟ كبيره. انا لسه ق لك لازم يكون في توازن. طيب سؤال ثلاثه بيقول لك نقص الاسماك المفترسه في البيئه البحريه يؤدي الى كلا مما ياتي ما عدا ايوه ما عدا ايه؟ صل على النبي هو لو الاسماك المفترسه قلت ده معناه ان الاسماك الصغيره عددها ايه؟ هيزيد. طب لو الاسماك الصغيره عددها زاد ده معناه ان العشب هيبدا ايه؟ هيبدا يقل ليه؟ لان الاسماك الصغيره بتاكل اصلا عشب وبتاكل نباتات طب لو العشب قل البناء الضوئي هيقل طب لو البناء الضوئي قل الاكسجين هيقل بالترتيب كده طب اقول لك عايز حاجه غلط اصدار عدد الاسماك الصغيره اه هتحصل مش غلط ولا حاجه استهلاك المواد الغذائيه اه ما هتحصل لسه ق لك هتاكل عشب طب حدوث اضطراب في النظام البيئي المائي ما هو ده هيحصل برده اذا الاجابه اللي تنفع زياده الاكسجين في الميه لان الاكسجين هيقل طب يا مستر ما هو الاكسجين هيقل ايوه ما بيقول لك ما عدا ركز قوي في الاسئله اللي فيها نفي لان اي سؤال ممكن تلاقي انت مكمل نقص الاسماك الممتسه في البيئه البحريه خلاص شكرا ويوصل لحد هنا ويرجع يدور على الاجابه دي في حد ذاتها مشكله ليه لان جاي في الاخر قول لك ما عدا او يجي مثلا يقول لك ايه مما يلي في نص الكلام كده ليس هو عايز حاجه غلط هو مش عايز حاجه صح يعني مثلا سؤال زي اللي قبله كل مما ياتي من خصائص التوازن البيئي المائي ما عدا انت لو مريتش كلمه ما عدا او ممكن يقول لك كلا مما مالي او ايا مما ياتي ليس من خصائص التوازن البيئي المالي كلمه ليس في النص هي بوظت لك الاجابه انت هتبدا تبص على الثلاث اجابات دول على ان هم الاجابه ما دي تنفع ودي تنفع ودي تنفع بس هو عايز حاجه غلط طيب بالنسبه للشعب المرجانيه قال لحضرتك تعتبر موطن العديد من الكائنات البحريه اه لسه قايلينها في كائنات بحريه كتير بتعيش جوه الشع المرجورانيه طب يا مستر الاسماك المفترسه بتساعد في الحفاظ على توازنها اه ليه لان هي كانت بتاكل انافد البحر اللي بياكل الشع المرجانيه طب حاجه كمان انافد فيض البحر اذا زادت اعدادها تدمرها بشكل غير طبيعي اه اذا كل الاجابات دي صح بالنسبه للشعب المرجانيه طب خامس حاجه قال لك من الانشطه اللي بتسبب في التاثير على الانشطه البيئيه ايه هي التلوث اه الانسان كان بيعمله بيرمي مبيدات وبيرمي اسمده وبيرمي حاجات كتير في الميه طب الصيد الجائر اه كان بيصطاد اي حاجه ومش دارس طريقه الصيد اللي هو بيصطاد بيها فكان بيقلل نوع معين ودي في حد ذاتها كانت مشكله طب بيدمر المواطن اه عن طريق ان هو كان بيشيل الشع المرجانيه عشان يبني مشاريع في الميه ودي في حد ذاتها كانت بتاثر على الكائنات البحريه اذا الاجابه جميع مصا ده كده بالنسبه للجزئيه بتاعه الدرس العاشر درس تافه جدا ومش محتاج اي حاجه محتاج بس ان انت تبقى فاهم انت بتحفظ ايه في اجزاء معينه الدرس مليان معلومات كتير جدا وانت مش مطالب ان انت تحفظ كل ده انت بس عايزك تبقى بتذاكر بذكاء ان انت عارف انا عايز ايه من الدرس او عايز معلومات ايه والباقي انا اعرف اجيبه بدماغي انا فاهم ان والله بص انا المفروض يكون في توازن بيه اي حاجه تزيد واي حاجه تقل فيها مشكله فبالتالي ببدا احل على الاساس ده ده كده بالنسبه للدرس العاشر ان شاء الله في نفس الاسبوع هنزل لكم الدرس الاول في الفصل الثاني اللي هو الغلاف الجوي عشان ما تتاخروش وعشان طلاب الازهر يلحقوا يخلصوا المنهج ويلحقوا يراجعوا معانا دي كانت حصه النهارده اتمنى تكون استفدت ولو احتجت اي حاجه ما تنساش ان رقم الدعم موجود في الوصف واقابلك في فيديو جديد ودرس جديد سلام