الدرس الاول علوم الصف الخامس الابتدائي مفهوم ‪احتياجات النبات خامسة ابتدائي مستر محمد ابراهيم 2026

بسم الله الرحمن الرحيم السلام عليكم ورحمه الله وبركاته ازيكم يا اد اهلا باولاء الامور يا رب تكونوا بخير الدرس الاول في منهج العلوم الصف الخامس 20 26 المنهج سهل وخدها مني كلمه واللي زود الموضوع جمال اكتر انا كان عندي النيه ان انا اضيف اسئله التقييمات اللي جت السنه اللي فاتت ولكن ببص على الكتب الخارجيه لقيتها بدات تضيف بعض اجزاء التقييمات واسئله التقييمات الحلوه الحلوه ونحط تحت كلمه الحلوه دي مليون خط وبالتالي بالتالي يسهلوا علينا جدا وانا حطيت لك كل حاجه في الورق قدامك فانت تقدر تلتزم بالورق ده وتذاكر منه عامله لك بخط كبير عشان يريح عينيك والورقه بتلاقي فيها معلومتين ثلاثه فمش هتلاقي الورقه مكبوسه معلومات وركز علشان التفاصيل الصغيره جايبها لك في الورقه الشغل الجميل ده محتاج محتاج انه يوصل لكل الناس يا اد باللايك الجميل بتاعك يلا بينا نبدا والورق هينزل على جروب التليجرام وعلى صفحه الفيسبوك واللينكات موجوده عندك في الوصف تحت توكلنا على اللهم صل وسلم وبارك على سيدنا محمد عليه الصلاه والسلام. طيب ركز معايا كده يا بطل وتعال نفتكر حاجه اخدناها السنه اللي فاتت كلمه الكائن الحي بسرعه كده كلمه كائن حي يا اد بتضمن او بتتضمن جواها كلمه انسان او حيوان او ممكن نقول كمان النبات خلاص خليها دلوقتي كلمه كائن حي تعني الثلاث حاجات دول فانا لما بكلمك عن الكائن الحي فطبيعي جدا تعرف ان انا بكلمك عن الانسان او الحيوان او النبات لان الثلاثه دول بيعملوا مجموعه من العمليات الحيويه جوه اجسامهم فانا سميتهم كائن حي عايزين نركز بس دلوقتي على النبات لو احنا بصينا كده على التربه يا اد هنلاقي ان اي نبات طالع بيبقى في جزء منه فوق سطح الارض تعالى نتكلم عن الجزء اللي فوق سطح الارض اول حاجه كده الجزء ده كده يا باشمهندس بنسميه الساق الساق الساق ده يا اد بيحمل مجموعه من الاوراق صح ولا ايه في هنا كده اوراق والاوراق دي بقى لينا قصه كبيره معاها الاوراق جميل فبنسمي الجزء اللي فوق ده كده كله المجموع الخضري خلاص ايه بقى المجموع الخضري ده اللي هي اجزاء النبات اللي فوق اي جزء من النبات فوق الارض بيدخل جوه حاجه اسمها المجموع الخضري لكن تحت الارض بقى يا اد بيبقى عندنا حاجه اسمها المجموع الجذري اللي تحت الارض ده بقى الجذور فلو انت بصيت للنبات تحت الارض كده يا باشمه باشمهندس هتلاقي في جذور كده تحت الارض راحه وجايه جميل فده كده اسمه ايه ده الجذر بقى الجذر والجذر ده يا باشمهندس بيحمل مجموعه من الشعيرات الجذريه والشعيرات الجذريه دي وظيفتها انها بتزود من امتصاص الميه المهم المهم خليك معايا واحده واحده كده احنا جايين ندرس النبات النهارده طب احنا عايزين نعرف النبات ده بيتكون من ايه في نبات بيتكون اول حاجه كده الساق ده جزء اساسي في اي نبات بيبقى في عندنا اوراق وبيبقى في عندنا جذور وطبعا مش بس لا انا بكلمك عن الحاجات اللي بتبقى موجوده في اي نبات كلام جميل جدا طيب كل واحد منهم يا اد له دور النهارده لازم نعرف دور الاوراق ودور الساق ودور الجذور ايه تعالى بقى نمسك الموضوع واحده كده طيب النبات يا اد عندنا في العلوم بيصنف كائن منتج يعني ايه كائن منتج يا مستر وايه الكلام الكبير على سننا ده بص يا جميل الحاجات دي انا بحاول حاول اثبتها عندك دلوقتي لانها هتتكرر معانا في العلوم كتير قوي سواء السنه دي او السنه اللي بعدها. كائن منتج يعني ما بيحتاجش حاجه من حد يعني انت حضرتك توفر له بعض الحاجات يقوم ياخدها ويصنع غذاءه بنفسه النبات بيصنع غذاءه بنفسه اه بس بشرط تدي له الاحتياجات اللي هو عايزها تقوم انت تسالني طب يا مستر هو النبات محتاج ايه لا ده انا اللي بسالك بقى ما هي احتياجات النبات حتى يصنع غذاءه بنفسه النبات ده الجميل ده اوفر له ايه عشان ياخدهم يقوم يصنع غذائه بنفسه. بص يا باشمهندس النبات محتاج الهواء بس خد بالك من حاجه النبات مش بيحتاج الهواء كده وخلاص لا ده هو بيحتاج حاجتين من الهواء بيحتاج مثلا غاز ثاني اكسيد الكربون وبيحتاج كمان غاز الاكسجين هقول لك ليه لما النبات يكون بيصنع غذائه بنفسه فبيحتاج من الهواء يا اد ثاني اكسيد الكربون ثاني اكسيد الكربون هو الحاجه المهمه من الهواء اسمع وقت ما النبات يصنع غذاءه بس النبات برده بيحتاج من الهواء الاكسجين زينا بالظبط عارف ليه؟ لان النبات بيتنفذ زينا النبات بيتنفذ زينا اه والله كائن حي كائن حي فيه روح اذا محتاج الاكسجين علشان يتنفس فاللي يوقفك في اي مكان يقول لك هو النبات بيتنفس زي الانسان قول له اه وبيتنفس الاكسجين قول له اه طب بيتنفس كده على اوقات ولا على طول طالما هو لسه موجود على قيد الحياه بيتنفذ 24 ساعه المهم النبات علشان يصنع غذائه بنفسه بيقول لك بص انا محتاج الهواء تحديدا ثاني اكسيد الكربون ومحتاج الميه ومحتاج ضوء شمس ومحتاج كمان مساحه للنمو لازم يبقى عنده مكان كده ينمو فيه بشكل طبيعي فلو انت وفرت له الاربع حاجات دول يقوم ياخدهم ويحصل بعض التفاعلات كده جواه ويصنع غذائه بنفسه اذا السؤال واضح ما هي احتياجات النبات حتى يصنع غذاءه الهواء بين قوسين ثاني اكسيد الكربون يعني والماء وضوء الشمس ومكان او مساحه للنمو طب ما هو دور اجزاء النبات في الحصول على هذه الاشياء احنا عرفنا دلوقتي يا اد ان النبات محتاج شويه حاجات طيب مين بقى في النبات اللي هيروح يجيب الهواء ومين في النبات اللي هيروح يجيب الميه ومين في النبات اللي هيروح يجيب ضوء الشمس تعالوا بقى نشوف دور كل جزء من اجزاء النبات في الحصول على احتياجاته عشان يعمل الغذاء بتاعه بص يا بطل خلينا نبدا من تحت خالص مش انت قلت لي ان النبات فيه جذور الجذور دي يا حبايب قلبي ليها وظيفه جدا مهمه وظيفه الجذر ايه بيمتص الماء والعناصر الغذائيه من التربه التربه يا اد بيبقى فيها عناصر غذائيه النبات محتاجها وكمان بيبقى في ميه في التربه فالجذر بيمتص الاثنين دول بيمتص الميه وبيمتص كمان العناصر الغذائيه من التربه فاحنا كده عرفنا خلاص الماء والعناصر الغذائيه يه بيجوا منين؟ الماء بتيجي عن طريق الجذر بيعمل ايه الجذر؟ بيمتد في التربه يدور على الميه الميه دي يا اد بتحمل جواها كده عناصر غذائيه فبياخدهم الجذر بتعمل بيهم ايه يا جذر؟ قال لك والله انا كل وظيفتي ان انا اجيبهم بس واطلعهم فوق طب تعال نشوف كده ادي الجذر اول ما يطلع فوق هيعمل ايه؟ هيسلمهم للساق صح فالساق بيقوم واخد الماء والعناصر الغذائيه من الجذور ويقوم موديهم لمين؟ للاو اوراق فاحنا بنسمي الساق ده كانه كوبري كده كوبري بنعدي من عليه الميه والعناصر الغذائيه عشان نوديهم للورق فتعال نشوف كده وظيفه الساق اهي الساق بتنقل الماء والعناصر الغذائيه الى جميع اجزاء النبات يعني الجذر بيجيبهم والساق بيوصلهم عارف الهدف ايه الهدف ان احنا نوصل للورقه الورقه يا باشمهندس في النبات لها دور عظيم جدا والعظمه لله وحده مصنع الغذاء في النبات خلي بالك انا بقول لك سؤال في الامتحان بقول لك اكتب المصطلح العلمي مصنع الغذاء في النبات مين هو مصنع الغذاء مين المكان اللي بيتم صنع الغذاء جواه الورقه الاوراق فاوراق النبات ممكن نيجي جنبها كده ونكتب ايه مصنع الغذاء في النبات الورقه اول حاجه كده بتمتص ضوء الشمس وبتمتص كمان من الهواء ركز ركز بتمتص ايه بقى؟ بتمتص ثاني اكسيد الكربون من الهواء يبقى احنا عارفين دور كل واحده الجذر بيجيب الميه والعناصر الغذائيه الماء والاملاح من التربه بنسميها ميه واملاح ماء وعناصر غذائيه الساق ياخدهم يطلعهم للورقه كده الورقه جالها ميه وعناصر غذائيه لسه فاضل مين؟ لسه فاضل ضوء الشمس والهواء تقوم الورقه نفسها تمتصهم بتمتص ضوء الشمس عن طريق حاجه اسمها الكلوروفيل وبتمتص كمان ثاني اكسيد الكربون من الهواء عن طريق حاجه اسمها الصغور بس كده احتياجات النبات اصبحت متوفره الهواء جه عن طريق الورقه اللي هو ثاني اكسيد الكربون ضوء الشمس جه عن طريق الورقه الماء والعناصر الغذائيه جم عن طريق الجذر اللي وصلهم للساق واللي طلعهم للورقه اصبحت احتياجات النبات موجوده فالنبات بياخد الكلام ده كله يا باشمهندس وعنده عن طريق بعض التفاعلات الكيميائيه جواه يعمل حاجه اسمها عمليه البناء الضوئي ويكون غذائه وياكل ويحصل على الطاقه السؤال المهم جدا جدا اللي عايزك تركز عليه هو النبات بيعمل عمليه البناء الضوئي ليهاني ثاني هو النبات بيصنع غذاءه ليه هو اصلا محتاج الغذاء ليه يعني عشان يحصل على الطاقه النبات زي الانسان زي الحيوان هم الثلاثه محتاجين طاقه والطاقه بياخدوها من الغذاء النبات بيعمل غذاءه بنفسه بس الانسان ما ينفعش يعمل غذاءه بنفسه فايا كان الانسان او الحيوان او النبات بيسعوا انهم يكون عندهم غذاء ليه؟ ليه ليه ليه محتاجين الغذاء ليه؟ عشان يحصلوا منه على الطاقه فالهدف هو الحصول على الطاقه النبات عشان يحصل على الطاقه محتاج غذاء هل بيروح يجيبه من حته لا مال بيصنعه بنفسه عن طريق عمليه تسمى عمليه البناء الضوئي بشرط توفر له الاحتياجات بتاعته طيب تركز معايا سؤال موجود في كتاب المدرسه وده مقالي ولما تشوف العلامه دي دايما في الورق عندي اعرف ان ده سؤال في كتاب المدرسه بص يا جميل بيقول لك كيف تستفيد اجزاء النبات اجزاء النبات اللي هي مين يا اد الجذور برافو عليك والساق والاوراق واي حاجه ثانيه موجوده في النبات هو النبات بيحتوي على دول بس في حاجات ثانيه في ازهار وفي المهم خلينا في الثلاثه دول اللي هم الحاجات الاساسيه الموجوده في اي نبات كيف تستفيد هذه الاجزاء من الماء والهواء والضوء بص يا باشمهندس طبعا للقيام بالعمليات الحيويه بص عند توافر الماء والعناصر الغذائيه والهواء والضوء بيقوم النبات اسمع اسمع عشان تفهم السؤال اصلا فتعرف تجاوب عليه عند توافر الماء والماء ده يا اد بيحتوي بداخله على العناصر الغذائيه ماء واملاح بنسميها كده عند توافر الماء والهواء واء والضوء ساعتها كده النبات بيكون قادر والقدره لله عز وجل فالمقدره بتاعه النبات بعد اذن ربنا يعني فبيكون ساعتها النبات قادر على صنع غذاءه بنفسه لان احتياجاته توفرت طيب لما يصنع غذاءه يعمل ايه ياكل بقى فلما ياكل يتغذى يعني يقوم يحصل على الطاقه يبقى احنا عرفنا ان احنا بنحصل على الطاقه منين من الغذاء برافو عليك ولما يحصل على الطاقه يقدر يعمل العمليات الحيويه بتاعته هي دي كل القصه فاحنا عشان نقول كيف تستفيد اجزاء النبات من الماء والهواء والضوء للقيام بالعمليات الحيويه فاحنا هنقول له دور كل جزء من اجزاء النبات بيعمل ايه يعني عشان يوفر احتياجات النبات واللي لما تبقى موجوده يصنع غذائه ولما يكون الغذاء موجود يحصل على الطاقه تمكنه من القيام بالعمليات الحيويه شفت القصه شفت كتاب المدرسه اسئلته رخمه ازاي طب مش مشكله احنا موجودين مع بعض وهندردش فيها بيقول نقول له يا سيدي نقول له يا سيدي تمتص الجذور اول حاجه الماء والعناصر الغذائيه ممكن نقول تمتص الجذور الماء والاملاح المعدنيه ثم تنقلها الى الساق فالساق بالنسبه لنا يعتبر كبري او معبر ثم الى الاوراق ثم نقول دور الاوراق اللي بدورها بتمتص قول ضوء الشمس وثاني اكسيد الكربون وبالتالي يصنع النبات غذائه في عمليه تسمى البناء الضوئي هنتكلم عنها دلوقتي ومن ثم القيام بالعمليات الحيويه في هنا جزء ماك ما كتبش انت المفروض تكون فاهمه اللي هو احنا مش هنقوم بالعمليات الحيويه الا لما نحصل على الطاقه من الغذاء فاللي بيمكن الكائن الحي عموما انسان او حيوان او حتى نبات من القيام بالعمليات الحيويه هو وجود الطاقه والطاقه بناخدها من الغذاء فلما توافر الغذاء بقى في طاقه مكنته من القيام بالعمليات الحيويه سؤال رائع جدا جدا طب سؤال تاني السؤال بيقول صح ام خطا ولما بسالك سؤال انا عاوزك تجاوب حتى لو انت مش عارف انا عاوزك تجاوب بناء على العلم الصغنطوط اللي عندك حبيب قلبي انك تشاركني في الحصه ده شيء مهم جدا ما تقعدش قدام الحصه قاعد عمال تاخد مني معلومات وشكر فاعل معايا يا سيدي اعتبرني قدامك وانا بسالك وجاوب وكونك بتجاوب خطا ده معناه انك مش كويس لا انت بتجاوب بناء على المعلومه اللي عندك فلو انت جاوبت خطا انا بصحح لك فالمعلومه تثبت عندك لو انت جاوبت صح فبرافو عليك فانت راجل قارئ الناس اللي بتحب القراءه تلاقي واحد كده جاي في الاجازه ماسك كتاب عن النبات وعمال يقرا عن بيقرا معلومات عن الحيوانات ايه المشكله ثقف نفسك في وقت الفراغ بدل ما انت ماسك الموبايل ليل ونهار طيب هيفرق معاك وهيفرق في شخصيتك وفي مستواك المهم صح ام خطا يحتاج النبات للموارد الطبيعيه في بيئته لينمو ويزدهر انا بالنسبه لي الجواب صح ولازم تكون بالنسبه لك انت كمان برده بس في هنا قطعه ناقصه ايه هي الموارد الطبيعيه؟ بص يا جميل الميه والاملاح المعدنيه اللي هي العناصر الموجوده في التربه اللي هي العناصر الموجوده في التربه ضوء الشمس الهواء كل ده بنسميه موارد طبيعيه موجوده في الطبيعه من صنع الله عز وجل فالماء والهواء وال والاملاح المعدنيه كل ده بنسميه موارد طبيعيه طبعا النبات محتاج الموارد دي ليه عشان يصنع غذاءه بنفسه ولما يصنع مع غذاءه بنفسه يعمل العمليات الحيويه يقوم ينمو ويزدهر فالجواب صح وصح واحنا فاهمين خلاص جميل جدا شايف الشجره العسوله اللي قدامك دي طب بص عليها كده هسالك عليها سؤال تعالوا يا اد نفترض مثلا ان دي شجره تفاح هم الناس عملوا ايه علشان يزرعوا الشجره دي وتكبر وتنمو بالشكل اللي قدامك ده مين فيكم عارف اصل الشجره دي في البدايه كان ايه يعني احنا خدنا ايه زرعناه علشان يدينا الشجره دي بعد وقت طويل كان في اصلها بذره هقول لك احنا افترضنا ان دي شجره تفاح عارف انت وانت بتاكل ثمره التفاح بيبقى جواها بذر عارفه الصغير ده اهم الناس بقى يا حبيب قلبي بيجيبوا البذره الصغيره دي وبعدين يزرعوها في حاجه اسمها المشتل ايه بقى المشتل ده مكان يا حبيب قلبي صغير كده بنبدا نزرع فيه البذور ونعمل لها عمليه انبات زي الناس اللي بتبيع اشجار دي بيعملوها في المشتل عنده مكان كده مخصص بنحاول نزرع فيه البذور وبنرعاها بشكل كويس لحد ما البذره دي تكبر وتديني نبات ها صغنطط زي ده كده بعدين اول ما النبات ده او البذره دي تنبت وتديني النبات ده بقوم واخده وزرعه بقى في مكان على الدوام بقى على طول يقوم النبات الصغير يكبر يكبر يكبر يكبر بعد ما يحصل على الاحتياجات بتاعته ويدينا الشجره بتاعه التفاحه الكبيره دي والشجره دي بعد كده بتديني بقى ثمار كل شويه جواها بذور وهكذا فانا عايز اقول لك ان الشجره الكبيره دي مرت بمراحل عشان تبقى كبيره كده فالشجره الكبيره دي كانت في اصلها ايه بذره تمر الشجر او يمر الشجر عموما ايا كان بمراحل عديده بدءا من انبات البذور يعني ايه انبات البذور يعني اخد البذره ازرعها واوفر لها الاحتياجات بتاعتها عشان تكبر دي معنى كلمه انبات اخد البذره ازرعها واوفر لها الاحتياجات بتاعتها ثم البذره لما بتكبر بتعملي حاجه اسمها شتله هفهمك يعني ايه شتله دلوقتي الشتله هو بعد ما البذره تنبت بتعمل لك نبات صغنطط كده النبات الصغنطط ده احنا بنسميه شتله الشتله دي بقى انت حضرتك بتعمل فيها ايه بتاخدها تزرعها في مكان بقى وترعاها وتوفر لها الاحتياجات بتاعتها تقوم تنمو وتزدهر وتعمل لك بعد كده بعد وقت طويل طبعا شجره كبيره الشجره دي بعد كده بقى بتمدك انت بالثمار في في الفصل بتاعها بقى شوف هي بتطلع التفاح في شهر كام هتطلع لك تفاح شوف هي لو كانت شجره برتقال هتطلع لك برتقال فاللي انا عايز اقوله ايه عايز اقول ان الشجر او الشجره بتمر بعده مراحل علشان تبقى بالشكل اللي قدامنا ده في البدايه كانت بذره وعملنا لها انبات بعد البذره ما بتنبت بتديني شتله الشتله دي بناخدها بقى من مكانها اللي هو المشتل ناخدها نزرعها في مكان بقى حضرتك بتلاقي ناس كده بتلف تبيع شجر اهو هم خدوا الشجر ده من المشتل بتاعهم وبعدين يبيعوا للناس الناس يعملوا ايه بقى؟ ياخدوا الشجر دي يزرعوها في مكان دائم كل واحد بقى ياخد يزرع قدام بيته يزرع في الحديقه بتاعته بتزرع على الدوام بقى خلاص الشجره اتزرعت هنا هتفضل هنا طول عمرها بقى لما تكبر وتبدا كل سنه بقى في الميعاد بتاعها تديك الثمار وحضرتك تروح تاخده وتاكله وهكذا جميل طيب احنا اتكلمنا عن الشتله محتاجين بس نفهم يعني ايه شتله ولو السؤال ده جه في الامتحان احنا جاهزين له بقى طيب احنا قلنا يعني ايه شتله يا اد بالبلدي يعني عاوزك تكلمني بالبلدي بس يعني الراجل لو جا في الامتحان وقال لك اكتب المصطلح العلمي نبات صغير يتم انباته من البذور داخل مكان يعرف بالمشتل المشتل ده مكان بنرعى فيه النبات الصغير لحد ما يزدهر كده ويبقى ايه نبات بصحه كويسه فدي كده بنسميها الشتله نبات صغنطط كده نونه محتاج رعايه فبن بنرعاه فين؟ بنرعاه فين؟ في المشتل زي ما يكون في نونو صغير لسه مولود بنرعاه فين؟ في الحضانه اهي الحضانه بتاعه النبات هي عباره عن المشتل المكان ده امن وصحي وبنوفر فيه للنبات الصغنطط اللي هو محتاجه عشان يبقى بصحه كويسه كده ويكبر لما يكبر ويصل لحجم مناسب ناخده بقى نزرعه في مكان على الدوام نزرعه بقى على طول وانت هتفضل هنا طول عمرك يلا بقى ايه انمو وازداير بقى فالشتله هي نبات صغير يتم انباته من البذور داخل مكان يعرف بالمشتل حتى يصل هذا النبات او حتى تصل هذه الشتله لحجم مناسب ومن ثم يعني بعد كده نزرعها في مكان دائم علشان هي هتفضل هنا طول عمرها اه ممكن ننقلها بعد كده بس يعني احنا بنزرعها في المكان ده عشان تكبر بقى وتديني الشجره بعد كده جميل احنا قلنا ان كلمه كائن حي يا اد هي ثلاث حاجات لحد وقتنا هذا لما نروح اولى اعدادي هندخل معانا بعض الحاجات الصغنططه معاهم كائن حي يعني انسان يعني حيوان يعني نبات ونفرق الانسان عن الحيوان لان ربنا سبحانه وتعالى ميز الانسان بنعمه العقل ولكن في ملحوظه صغنطوطه قد كده احنا عندنا حاجه اسمها تصنيف في العلوم الانسان يصنف كحيوان مش كنبات استنى بس انا ما بقولش على الانسان انه حيوان هو بيتبع فصيله الحيوان مش بيتبع فصيله النبات وهنا هنا انا بقول لك الفصيله بتاعته مش بقول على الانسان حيوان يا اد لا ربنا سبحانه وتعالى كرم الانسان بنعمه العقل ما ينفعش نشبهه بالحيوان لكن هو تصنيفه في العلوم من فصيله الحيوانات مش من فصيله النباتات يعني فاهمني ولا مش فاهمني خلاص اوعى حد يقول ده مستر محمد بيقول على الانسان حيوان لا حاجه وكلا ده ربنا سبحانه وتعالى كرم الانسان بنعمه العقل ولازم ان احنا نفرق ما بين الانسان والحيوان المهم في عندنا اوجه تشابه ما بين النبات وما بين الحيوان والانسان اديني فرقت ما بينهم اهو وفي اختلاف ما بينهم بص يا جميل النبات كائن حي والانسان كائن حي والحيوان كائن حي هم الثلاثه بيتشابهوا في بعض الاحتياجات هم الثلاثه محتاجين ميه وهواء وغذاء هم الثلاثه من غير اي واحد من دول يموتوا الانسان محتاج ميه وهواء وغذاء الحيوانات محتاجه ميه وهواء وغذاء النبات نفس الكلام لكن في اختلاف ما بينهم في حاجه صغنطوطه بقى وهي طرق الحصول على الغذاء هم الاثنين بياخدوا الميه والهواء من البيئه اللي حواليهم النبات بياخدهم من التربه الانسان بياخدهم بياخد الميه بتاعته من النهر يروح يحليها ويظبطها ويشربها الحيوان بيشرب من اي مكان فيه ميه اما الاختلاف ما بينهم في ايه في طرق الحصول على الغذاء النبات مش محتاج حاجه من حد انت بس وفر لي بعض الاحتياج جات اقوم اصنع غذائي بنفسي انا مش هروح اخد اكل من حد انا بصنع اكل بنفسي بس بشرط انت بس اديني شويه الاحتياجات اللي انا اقدر من خلالهم اصنع الغذاء فالنبات يا باشمهندس بيصنع غذاءه بنفسه من خلال عمليه تسمى عمليه البناء الضوئي خلاص وخد بالك خذ بالك يا دكتوره هو الانسان والحيوان والنبات محتاجين الغذاء في ايه ليه عايزين الغذاء عشان ياخدوا منه طاقه الهدف الرئيسي في النهايه ان احنا يكون عندنا طاقه طاقه مستر محمد عشان يشرح لك الحصه دي كان لازم ياكل الاول وجسمه يخزن طاقه عشان يقدر يشرح لك ما الشرح ده محتاج طاقه ف في الاول في الاخر الانسان الحيوان النبات محتاجين طاقه بياخدوها منين؟ من الغذاء الغذاء بقى النبات بيصنعه بنفسه عن طريق انك توفر له الاحتياجات بتاعته اما الانسان والحيوان لا يستطيع ايا منهم صنع غذائه بنفسه انا ما اقدرش اصنع غذائي بنفسي امال لما بجوع بعمل ايه بروح ابحث عن حاجه اكلها بس ما بصنعهاش واحد يقول لي ما انا ما اعمل بيض ومش ع يا حبيب قلبي انت كده بتجهز الاكل بتاعك مش بتصنعه خلاص فبالتالي في اختلاف هنا يا باشمهندس النبات بيصنع غذاءه بنفسه لكن الانسان والحيوان لا يستطيع ايا منهم صنع غذاءه بنفسه بل هم دائما البحث عن الغذاء وبرده الهدف هو الحصول على الطاقه فالتشابه ما بينهم كلاهما محتاج الماء والهواء والغذاء لكن الاختلاف ما بينهم هو طريقه الحصول على الغذاء فالنبات يصنع غذاءه بنفسه لكن الانسان والحيوان يبحثوا عن غذائهم للحصول على الطاقه جميل جدا لحد دلوقتي قلنا غذاء النبات فوق الخمس ست مرات ولا واحد منكم دكتور قال لي ما هو غذاء النبات طب غذاء الحيوان والانسان ومش هنسال فيه لان كلنا عارفين ان الانسان والحيوان لما بيجوعوا بياكلوا حاجه من اثنين يا ياكلوا خضار نبات يعني ياكلوا لحوم صح فمش هنسال الانسان والحيوان بياكلوا ايه لكن اللي ممكن اسالك فيه فعلا هو غذاء النبات ده ايه اللي انت عملت تقوله كل شويه؟ السكر السكر السكر بتاعنا يا مستر محمد اللي احنا بنحطه في الشاي لا سكر النبات يا حبيب قلبي دي ماده هو بيصنعها اسمها سكر الجلوكوز او الجلوكوز الماده دي بتمد النبات بالطاقه اللي هو محتاجها بياخد كل احتياجاته منها جميل حلو جدا طيب يا نبات انت بتجيب السكر ده منين؟ قال لك بص انت بتوفر لي النبات اللي بيرد قال لك انت بتوفر لي بعض الاحتياجات وانا بعمل عمليه بناء ضوئي واقوم اطلع لك السكر ف تصنع النباتات غذاؤها اللي هو مين؟ اللي هو السكر بنفسها من خلال عمليه البناء الضوئي من خلال عمليه تعرف بعمليه البناء الضوئي خلاص طيب ما هي عمليه البناء الضوئي ما هي عمليه البناء الضوئي وده تعريف مهم جدا جدا جدا فبعد اذنك ركز فيه عمليه صنع النبات لغذاؤه عمليه صنع النبات لغذاؤه بس لو انت بصيت على الورق هتلاقي الورق بيقول لك عمليه صنع اوراق النبات وهنا مستر محمد كان على حق من شويه لما قال لك ان مصنع الغذاء في النبات هو الورق هنا الراجل بياكد كلامي بيقول ك عمليه صنع اوراق النبات للغذاء وهنا الراجل يقصد ايه؟ يقصد ان النبات لما يحب يصنع غذائه بيصنعه في الورق ولما عمليه النبات او عمليه البناء الضوئي تتم بتتم في الورق وساعتها بيتكون الغذاء في الورق ومن ثم الورق ياخد الغذاء ده يوزعه على النبات كله فهنا في حته مهمه يا ابني ان الورق هو مصنع الغذاء عمليه البناء الضوئي بتتم فين في الورق خلاص طيب من خلال اتحاد اتحاد ده يا اد يعني تفاعل تفاعل مين؟ تفاعل الاحتياجات اللي هو لماها الميه والهواء وضوء الشمس الماء وثاني اكسيد الكربون اللي هو الهواء في وجود ضوء الشمس في حاله عدم وجود ضوء الشمس النبات يموت عارف ليه؟ لانه مش هيقدر يعمل تفاعل ما بين هذه المواد ويكون السكر بتاعه فطبعا دي احتياجات اساسيه للنبات عمليه صنع النبات للغذاء بتاعه في الورق من خلال اتحاد او تفاعل شويه حاجات هو لمها الماء وثاني اكسيد الكربون في وجود ضوء الشمس. طيب دكتورنا الغالي ودكتنا الغاليه الورقه البسيطه اللي قدامك دي هتلاقي عليها كلام كتير جدا على جروبات الفيسبوك وصفحات الفيسبوك بيقول لك ازاي ومش ازاي فتعالوا يا حبايب قلبي نفهم المعلومه دي بمنتهى البساطه باللغه الجميله بتاعتنا وخد مني المعلومه هنا واتاكد تماما انها معلومه صح 100% واخش احل على طول لان دي اخر ورقه هنتكلم بيها بص يا بطل في عندنا احتياجات اساسيه للنبات واحتياجات غير اساسيه للنمو يعني ايه بالبلدي يا مستر كده كلمني بالبلدي يعني في حاجات يا حب حبيب قلبي لازم تبقى متوفره لازم تبقى موجوده عشان النبات يفضل على قيد الحياه وفي حاله غياب اي واحد منهم النبات هيموت بس استنى مش هيموت على طول هيموت بعد فتره يعني مثلا الميه احتياج اساسي لو انت ما اديتش النبات النهارده ميه مش هيموت لكن لو انت استنيت بكره وبعده وبعده ما اديتلوش ميه تاكد تماما انه هيموت فدي معناها ان هو هيموت بس هيموت بعد فتره فالماء احتياج اساسي ليه لان النبات محتاج الميه باستمرار زيه زي ايه كان حي كذلك ثاني اكسيد الكربون ليه النبات محتاج ثاني اكسيد الكربون يا اد عشان يعمل عمليه ها بناء ضوئي خد بالك الماء النبات محتاجه برده عشان عمليه البناء الضوئي ثاني اكسيد الكربون محتاجه عشان عمليه البناء الضوئي الضوء بتاع الشمس محتاجه عشان عمليه البناء الضوئي لكن الاكسجين علشان عمليه التنفس خلاص برض تبقى فاهم هو عايزه ليه عايز الميه وثاني اكسيد الكربون وضوء الشمس عشان يعمل عمليه بناء ضوئي اللي بيكون غذاءه من خلالها. طب افرض هو مافيش ميه مافيش بناء ضوئي مافيش غذاء مافيش طاقه مافيش عمليات حيويه يموت هندسه ركز ودي حاجه سهله على كل الناس مافيش اختلاف ما بينا وبين اي حد في النقطه دي الاختلاف هنا احتياجات غير اساسيه هكلمك بالبلدي عشان تفهمني النبات بيتكلم ويقول لو في تربه قشطه تمام انا هنم وهبقى كويس ولو ما فيش تربه فانا ممكن اتعامل ايه ده النبات ممكن ينمو من غيره التربه اه والله عادي ممكن النبات ينمو من غير التربه ممكن ينمو على نبات اخر وممكن ينمو على الميه وممكن ينمو ا بطريقه او باخرى فوجود التربه ليست احتياج اساسي ولكن ولكن اذا كانت التربه موجوده فذاك افضل للنبات ده افضل يعني النبات بينمو في التربه افضل من خارجها طبعا لو انا وقفتك كطالب في سنه خامسه وقلت لك هو ليه النبات لما ينمو في التربه افضل من انه ينمو خارجها تقول لي لان التربه بتوفر للنبات احتياجات ولما ياخدها بيعمل عمليه بناء ضوئي وياكل ويزدهر ويبقى بصحه كويسه النبات ممكن ينمو في منشفه ورقيه شويه مناديل عادي بس المناديل مش هتوفر للنبات اللي التربه هتوفره له فانا عايز اقول لك ان وجود التربه افضل من عدم وجودها ولكن وجود التربه ليس شرطا يعني لو التربه موجوده قشطه تمام لو مش موجوده برده النبات هينمو مش هيموت فده احتياج غير اساسي لان في حاله عدم وجود التربه النبات هينمو برده عادي واحد يقول لي هينمو فين ممكن ينمو على نبات اخر ممكن ينمو على الميه ممكن ينمو يا حبيب قلبي في منشفه ورقيه بره مش لازم تربه يعني برده في حته كمان فيها جدل والسكر هل السكر اللي هو غذاء النبات حاجه اساسيه لا والله وهنا انت مش فاهم افهمك يقصد ان احنا ما بنوفرش للنبات سكر احنا ما خد يا نبات سكر اهو لا ما بنعملش كده هو بيصنع غذاءه بنفسه السكر موجود تمام مش موجود هو كده كده بيصنعه فهو ليست حاجه اساسيه بالنسبه له ليه؟ لانه لو مش موجود هو هيصنعه يا حبيبي فبالتالي هو ليست احتياج اساسي لان يا حبيب قلبي اذا يعني ما توفرلوش السكر هو كده كده هيصنعه من خلال عمليه البناء الضوئي فهي ليست حاجه اساسيه مش موجوده تمام هتعامل وهصنعه بنفسي فبالتالي احنا بنقول عليه حاجه غير اساسيه لذلك احتياجات غير اساسيه هي التربه والسكر ودي الاحتياجات الاساسيه كده انتهى الدرس الاول يلا بينا نحل خلينا نحل مع بعض يا باشمهندس بيقول لي صح ام خطا تستطيع الحيوانات القيام بعمليه البناء الضوئي لا والله النبات فقط هو اللي بيعمل عمليه بناء ضوئي بيستخدم النبات الموارد الطبيعيه في بيئته لينمو صح موجود في الحصه تعتبر التربه من احتياجات غير الاساسيه صح غير اساسيه احنا لسه قايلين من شويه التربه والسكر يمر النبات بمراحل متعدده حتى ينمو ويجبره طبيعي جدا يا باشمهندس طيب اكمل مما بين القوسين يتم صنع ايه اثناء عمليه البناء الضوئي غذاء النبات اللي هو مين؟ اللي هو السكر برافو عليك يبقى السكر يتشابه كلا من الانسان والحيوان في ايه؟ في طريقه الحصول على الغذاء ولا الحاجه للغذاء؟ في الحاجه الى الغذاء لكن هم طريقه الحصول على الغذاء لا كل واحد بقى بيختلف النبات بيصنعه لكن الانسان بيروح يدور على اكل يحتاج اتحاد الماء مع ثاني اكسيد الكربون داخل النبات الى ضوء الشمس طبعا اكمل يحتاج النبات الى الماء والهواء وايه؟ للبقاء على قيد الحياه والغذاء احنا بنختار يا جماعه من اللي فوق من هنا يبحث مين عن الغذاء اللي بيبحث يبقى الحيوان طب ما فيش حيوان فوق يبقى على طول نختار مين؟ الانسان احنا بنختار اللي موجود فوق طب لو السؤال كان اكمل وما فيش اختيارات فبنقول الانسان والحيوان الاثنين بس عشان هنا في الانسان فقمت مختارها تمتص مين في النبات ضوء الشمس قول الاوراق الاوراق يستطيع مين صنع غذاءه بنفسه؟ النبات النبات اخر سؤالين في الحصه السؤال الاولاني ده مقالي بيقول لي صنف كلا مما يلي الى احتياجات اساسيه وغير اساسيه طيب اول حاجه كده احتياجات اساسيه وغير اساسيه تعال نشوف كده الماء لا الماء احتياج اساسي هنكتب هنا الماء الاكسجين اساسي ا ضوء الشمس اساسي ضوء الشمس طيب ثاني اكسيد الكربون اساسي ثاني اكسيد الكربون خلاص خد بالك ده انه سؤال تقييمات سؤال تقييمات ده كان سؤال موجود في التقييمات السنه اللي فاتت وممكن تلاقيه السنه دي كمان اما السكر السكر غير اساسي ما اسم العمليه التي يقوم بها النبات لصنع غذاؤه البناء ها الضوئي حدد الجزء المسؤول عن تصنيع الغذاء في النبات الاوراق لاحظ الشكل التالي ثم اجب اكتب اسماء الاجزاء المشار اليها في الشكل اول حاجه كده ده الجذراني حاجه الساق ودي كده الاوراق حدد الجزء بتاع النبات المسؤول عن امتصاص غاز ثاني اكسيد الكربون يبقى يبقى الجزء رقم واحد اللي هو الاوراق امتصاص الماء والعناصر الغذائيه رقم لاثه بيقول لي نقل الماء من الجذور الى الاجزاء العليا في النبات مين يبقى رقم انين اللي هو الساق لان ده كده هو اللي بينقل بس كده يا باشمهندس كده انتهى الدرس الاول بتاعنا حبيب قلبي اتمنى تكون فهمت الحصه كويس قوي وانا بحبك في الله مستنيك الحصه اللي جايه ‏Ok.