الدرس الاول علوم الصف السادس مفهوم الطاقة الحرارية وحالات المادة مستر محمد ابراهيم ترم اول 2026

بسم الله الرحمن الرحيم بسم الله توكلنا على الله اللهم صل وسلم وبارك على سيدنا محمد عليه الصلاه والسلام سلام عليكم ازيك يا بطل وازيك يا دكتوره الصف السادس النهارده يا ولاد هنبدا في المفهوم الجديد الطاقه الحراريه وحالات الماده الحصه دي ليها مقدمه مهمه جدا هتفرق في فهمك ان شاء الله للمفهوم كله خلينا نبدا ويا ريت تصلي على سيدنا محمد عليه الصلاه والسلام وتحط لايك بسيط على الفيديو ده عشان يوصل لزمايلك خدنا قبل كده يا اد في الصف الخامس تعريف الماده الماده بكل بساطه هي اي حاجه ليها كتله وتشغل حيز من الفراغ يعني ايه تشغل حيز من الفراغ يعني لها حجم يعني يعني نقدر نقول يا اد ان الماده كل ما له كتله وحجم كل ما له كتله ويشغل حيز من الفراغ لو جبنا اي ماده يا اد اي ماده ايا كانت زي القلم اللي انا ماسكه ده كده وبدانا نحطه تحت المجهر الالكتروني اشمعنى المجهر الالكتروني عشان عنده قوه تكبير كبير كبيره جدا فهيوضح لنا المجهر ده ان الماده بتتكون من وحدات صغيره جدا الوحدات الصغيره دي يا اد كنا احنا في سنه خامسه بنسميها الجسيمات طب ليه بتوصل سنه هنه خامسه لان ده مهم جدا ان احنا نكمل المعلومات اللي احنا درسناها قبل كده الوحدات الصغيره اللي الماده بتتكون منها اسمها الجسيمات ايه الجسيمات دي يا اد احنا بنسميها الجزيئات خلاص الجسيمات اللي الماده بتتكون منها اسمها الجزيئات ولو احنا بصينا كده على الجزيئات هنلاقي ان الجزيئات نفسها بتتكون من حاجات اصغر في اصغر اسمها الذرات بس اقف هنا بقى نلم المعلومات بتاعتنا الماده بتتكون من وحدات صغيره اسمها ايه اسمها الجزيئات او الجسيمات الجسيمات اللي هي الجزيئات طب والجزيئات بتتكون من حاجات اصغر منها اسمها ايه اسمها الذرات كنا خدنا ملحوظه مهمه جدا في سنه خامسه والنهارده برض محتاجينها في سنه ه ان جسيمات الماده في حاله حركه مستمره يا حبيبي لو الماده دي ماده صلبه زي القلم اللي انا ماسكه ده او ماده سائله زي الميه او ماده غازيه زي الهواء فهي بتتكون من جسيمات الجسيمات دي بتتحرك بشكل مستمر ما فيش حاجه اسمها جسيمات ساكنه لا الجسيمات بتاعه اي ماده ايا كانت في حاله حركه مستمره وبما انها في حاله حركه يا اذا جسيمات الماده تمتلك طاقه جسيمات الماده الصلبه بتمتلك طاقه جسيمات الماده السائله بتمتلك طاقه جسيمات الماده الغازيه بتمتلك طاقه ومش اي طاقه ده بتمتلك اكبر كم من الطاقه يا اد الجسيمات اللي بتتحرك بسرعه عندها طاقه اكبر واحنا الماده الغازيه عندنا هي الماده اللي الجسيمات بتاعتها بتتحرك بسرعه كل ده هنقوله النهارده لان مقرر علينا برده جميل جميل طيب عايزك بقى تحط لي الملحوظه دههي حلقه في ودانك الله يكرمك تركز فيها حركه جسيمات الماده تحدد حالتها الفيزيائيه ايه الكلام ده بقى لا ده كلام بقى جديد عليك فلازم تركز معاه الله يكرمك طيب يعني ايه اصلا الحاله الفيزيائيه للماده الحاله الفيزيائيه للماده ماده يا اد يعني الماده دي ماده صلبه ولا سائله ولا غازيه يعني انا دلوقتي يا باشمهندس يا دكتور يا دكتوره لو دخلت الفصل قلت لك يا باشمهندس ما هي الحالات الفيزيائيه للماده هتقول لي ايه؟ هتقول لي الحاله الفيزيائيه الاولى ان الماده دي ممكن تكون صلبه او الحاله الفيزيائيه للماده ممكن تكون سائله او الحاله الفيزيائيه للماده ممكن تكون غازيه فالماده ممكن تبقى ماده صلبه او سائله او غازيه الثلاثه دول يا اد بنسميهم الحاله الفيزيائيه طيب ازاي بقى؟ يا مستر محمد حركه جسيمات الماده بتحدد الحاله بتاعتها لو جسيمات الماده يا اد بتتحرك حركه بطيئه حركه بطيئه حركه بنسميها حركه اهتزازيه اهتزازيه في مكانها يبقى الماده دي ماده صلبه لو انت عرفتني بس الجسيمات دههي بتتحرك بسرعه عامله ازاي هقول لك الماده دي نوعها ايه او الماده دي حالتها الفيزيائيه ايه لو الجسمات الحركه بتاعتها بطيء اه حركه اهتزازيه في مكانها في مكانها يبقى الماده دي ماده صلبه طب لو كانت الماده دي ماده سائله هتلاقي الجسيمات بتاعتها بتتحرك حركه اكبر شويه حركه متوسطه مثلا ممكن نقول حركه متوسطه حركه اسرع من حركه جسيمات الماده الصلبه يعني الماده السائله يا اد الجسيمات بتاعتها بتتحرك حركه اسرع من جسيمات الماده الصلبه وهنا اقدر اسالك بقى مين فيهم جسيماته بتمتلك طاقه اكبر من الثاني اللي جسيماته بتتحرك بشكل اسرع جسيماته عندها طاقه اكبر طب ما جسيمات الماده السائله بتتحرك اسرع من جسيمات الماده الصلبه يبقى جسيمات الماده الصلبه بتمتلك طاقه اكبر من جسيمات الماده ايه الصلبه جسيمات الماده السائله بتمتلك طاقه اكبر من جسيمات الماده الصلبه تمام ده الصحيمات الماده السائله بتمتلك طاقه اكبر من جسيمات الماده الصلبه لكن هنا بقى الجسيمات بتتحرك حركه عشوائيه حركه مالها عشوائيه سريعه في كل الاتجاهات لذلك جسيمات الماده الغازيه يا اد بتمتلك اكبر قدر من الطاقه لو جينا نقارن ما بينهم الثلاثه من حيث الطاقه اللي بتمتلكها الجسيمات فطاقه جسيمات الماده الغازيه اكبر من طاقه جسيمات الماده السائله اكبر من طاقه جسيمات الماده الصلبه وهنا يا اد لو احنا عرفنا نوع الحركه نعرف نحدد الحاله الفيزيائيه لو حركه الجسيمات بطيئه يبقى الحاله الفيزيائيه للماده صلبه لو حركه الجسيمات حركه متوسطه يبقى الحاله الفيزيائيه للماده انها ماده سائله انما لو حركه الجسيمات حركه عشوائيه سريعه في كل الاتجاهات يبقى الماده دي ماده غازيه وهنا فعلا اتاكدنا ان حركه الجسيمات هي اللي بتحدد الحاله الفيزيائيه للماده لو انت فهمت المقدمه دي كلها على فكره هي اه مقدمه بس فيها كتير جدا من الدرس بتاعنا صدقني هترتاح كتير قوي في المفهوم كله مش بس النهارده نشوف كده مع بعض جميل والكلام كله اللي احنا شرحناه حبيب قلبي موجود قدامك وبيجي في الامتحان كمان بصيغه اكمل واختياري واصح وخطا واصوب الخطا كل دي حاجات عادي جدا تيجي في الامتحان يعني لما اجي في الامتحان اقول لك اكمل تتكون الماده من وحدات صغيره تسمى تسمى الجسيمات اللي احنا بنقول عليها الجزيئات والجزيئات بتتكون من وحدات اصغر منها اسمها الذرات طب صح ام خطا تمتلك جسيمات اللي هي جزيئات الماده طاقه تجعلها في حاله حركه مستمره احنا اتفقنا كلنا خلاص ان اي ماده في الدنيا ايا كانت بتتكون من جسيمات في حاله حركه مستمره عشان عندها طاقه الجسيمات يا اد عندها طاقه فبتتحرك وطالما بتتحرك يبقى عندها طاقه جميل واتفقنا ان في ملحوظه مهمه جدا انك لو بس عرفتني الجسيمات بتتحرك ازاي هقول لك الحاله الفيزيائيه للماده يعني هقول لك الماده دي صلبه ولا سائله ولا غاز لو انت قلت لي ان الماده دي الجسيمات بتاعتها بتتحرك ببساطه بالراحه فهقول لك خلاص الماده دي ماده صلبه طب لو انت قلت لي ان جسيمات الماده بتتحرك حركه متوسطه شويه هي سريعه قوي ولا هي بطيئه قوي هقول لك خلاص يبقى الماده دي الحاله الفيزيائيه بتاعتها سائل ماده سائله زي الميه كده انما لو انت قلت لي ان الجسيمات بتتحرك بسرعه قوي وبتتحرك حركه عشوائيه في كل الاتجاهات هقول لك خلاص الماده دي اكيد ماده غازيه فمن خلال حركه الجسيمات عرفنا حاله الماده الفيزيائيه عرفنا كونها صلب ولا سائل ولا غاز يبقى صح ام خطا حركه جسيمات الماده تحدد الحاله الفيزيائيه لها صح صلوا على النبي عليه الصلاه والسلام لو قالوا لي كده يا مستر محمد محتاجين سؤال نضيف شويه محتاجين سؤال حلو شويه نحطه للولاد في الامتحان بحيث يفرق كده ما بين الولاد الشطار وبعضهم هتجيب سؤال عامل ازاي يا مستر محمد هجيب السؤال ده يا جميل للملامح السؤال دههو لو انت والله شايف نفسك متفوق فركز ركز على التفاصيل اللي ما بين السطور اللي هتفرق ما بينك وما بين واحد صاحبك قلت لك في الامتحان اكمل يا سيدي ومش هبقى يعني رخم عليك ولا حاجه ده انا جايب لك سؤال بسيط خالص اهو سؤال اكمل عليه درجه ولا حاجه بيعتمد تغير حاله الماده من حاله لاخرى على نقط هفهمك السؤال الاول قبل ما تجاوب بقول لك لو احنا معانا مثلا ماده صلبه وعايزين نحولها لماده سائله ايه ده؟ هو ينفع؟ اه عادي جدا لو عندنا شويه ثلج ممكن نحولهم لميه لو عندنا ماده سائله عايزين نحولها لماده غازيه ايه ده هو ينفع؟ ايوه يا عم عادي هنجيب شويه ميه ونسخنهم هيتحولوا لبخار انك تحول الماده من حاله لاخرى ده بيعتمد على ايه؟ مين الشاطر اللي مذاكر كويس اللي محضر الدرس يقول لنا الاجابه مش عارف صح خدها مني بقى وخليها معاك بيعتمد على مقدار الطاقه الحراريه التي تمتلكها الماده حلو طيب بس جاوب على السؤال وتعال اما اوضح لك بس بكل بساطه الكلام ده معناه ايه بيعتمد تغير حاله الماده يعني بنحول الماده من حاله لاخرى على ايه على مقدار الطاقه الحراريه اللي بتمتلكها الماده بص يا جميل واللي انا هشرحه ده مقرر عليك لازم تفهمه سيب لي الاقلام من ايديك خالص الورق هينزل لك وهتقراه وهتبقى زي الفل بس افهم بقى لو جبنا يا اد ماده صلبه ركز ماده صلبه الماده الصلبه يا اد جسيماتها عامله كده بتبقى مترابطه باحكام ومرصوصه رصه ربانيه كده تحس ان الجسيمات واخدين بعض على حب ما فيش مسافات ما بينهم دي ماده صلبه يا حبيبي طيب لو انا جيت للماده الصلبه دي سخنتها سخنتها يعني ايه سخنتها اكسبتها اكتساب طاقه حراريه يعني زي مثلا شويه ثلج كده حطيتهم على البوتاجاز ايه اللي هيحصل يا اد ايه الجسيمات هيحصل لها ايه بص يا سيدي الجسيمات دي سرعتها اولا تزداد سرعتها تزداد ليه سرعتها تزداد لانها خدت طاقه لانها خدت طاقه حراريه بالتسخين انت بتديها طاقه فسرعتها هتزيد طيب هي كانت اصلا بتتحرك كده يا اد لان هي ماده صلبه لما سرعتها تزيد ايه اللي يحصل تبدا تتحرك كده بقى سرعتها هتزيد شويه فتبدا الجسيمات تبعد عن بعضها تزداد المسافات يعني تزداد المسافات بين الجسيمات ليه لانك لما سخنتها زادت سرعتها فبدات تبعد عن بعض لما تزيد المسافات بين الجسيمات يعني تتا تباعد عن بعضها طب هيبقى شكلها عامل ازاي؟ هيبقى شكلها كده بقى بص بدل ما كانوا لازقين في بعض هيبعدوا عن بعض شويه بقى كده خلاص الجسيمات اللي بالشكل ده يا حبيبي دي كده دي كده جسيمات ماده سائله ايه ده يعني انا لما اخدت الماده الصلبه سخنتها تتحول لماده سائله ايوه وهو ده اللي بيحصل فعلا لو معاك مثلا قطعه ثلج حطيتها على النار بعد شويه بتلاقيها ايه؟ بتلاقيها ماء ليه بقى؟ عشان ده عشان انت لما بتسخنها وتديها طاقه بتبدا سرعه جسيماتها تزيد وتزداد المسافات بينهم وتتباعد عن بعضها فلما المسافات اللي ما بين الجسيمات تزيد والجسيمات تبعد عن بعضها بتتحول من ماده صلبه لماده سائله وهنا فعلا اعتمد تغير الماده من حاله لاخرى على كم الطاقه اللي انت بتديها للماده كم الطاقه الحراريه اللي انت بتديها للماده ده اللي هي بتمتلكها يعني فانا لو سالتك دلوقتي الماده الصلبه ايه اللي بيحصل لها عند اكتساب طاقه حراريه تقول لي تزداد سرعه جسيماتها وتزداد المسافات بينها ثم تتباعد عن بعضها البعض وتتحول الماده الصلبه لماده سائله الماده الصلبه يا اد لما بتتحول لماده سائله بنقول ان الماده دي حصل لها انصهار خلاص فعند اكتساب طاقه بتتحول الماده الصلبه الى ماده سائله يعني بتنصهر الكلام ده مهم جدا يا اد والله يبقى انا لو جيت في الامتحان دلوقتي قلت لك اكمل اهو يعتمد تغير حاله الماده من حاله الى اخرى على ايه؟ على مقدار الطاقه الحراريه التي تمتلكها الماده وقلنا دلوقتي يا اد مع بعض ايه اللي ممكن يحصل لما ندي للماده طاقه حراريه ايه اللي بيحصل يا اد عند اكتساب الماده طاقه حراريه تزداد سرعه الجسيمات وتتباعد عن بعضها البعض بص كده ماذا يحدث في الامتحان عند ماذا يحدث؟ عند اكتساب الماده طاقه حراريه ايه اللي بيحصل؟ اولا تزداد سرعه الجسيمات وتتباعد عن بعضها البعض سيبك بس من حته تنصهر او تتبخر انا عايزك تفهم معايا دلوقتي السؤال ممكن يجي لك ازاي في الامتحان تبقى فاهم وكمان درجاتك عاليه في الامتحانات لانك عارف السؤال بيجي ازاي يا حبيبي لو انت اخدت اي ماده سخنتها ايه اللي بيحصل للجسيمات بتاعتها تزداد سرعتها وبعدين تبعد عن بعض فتبدا ان هي تتحول من صورتها الى صوره ثانيه بيقول لك قد تنصهر او تتبخر احنا خدنا الانصهار خدنا لو عندنا ماده صلبه باكتساب طاقه تقوم تنصهر تتحول لماده سائله امال ايه تتبخر دي افهمها لك افهمها لك لو انت جبت شويه ميه حطيتهم على النار اهو اهو وركز بقى معايا كده جبت شويه ميه ده كده ماء سائل وبعدين حطيتهم على النار ده كده نار اهو يبقى انت بتعمل ايه دلوقتي؟ بسخن ميه. ممكن تقول لي شكل جسيمات الميه عامل ازاي؟ شكل جسيمات الميه عامل كده يا مستر محمد بعيد عن بعض شويه كده. حلو طيب احنا لما نسخن الميه يعني احنا بنعمل ايه؟ يعني احنا بنديها طاقه لما بندي للماده طاقه حراريه ايه اللي بيحصل؟ تزداد سرعه جسيماتها تزداد سرعه الجسيمات. طب لما تزداد سرعه الجسيمات تتباعد عن بعضها عشان هتبدا المسافات تزيد تتباعد عن بعضها طب لما الجسيمات اللي كان شكلها كده اصلا تبدا تبعد عن بعض وتزيد سرعتها فتبدا الجسيمات بقى تبعد عن بعض قوي قوي بقى وده يتحرك كده وده يتحرك كده وده يجي كده وده يجي كده وده يروح كده وده يجي كده ليه بقى؟ لانها خلاص اتحولت للصوره الغازيه لما الجسيمات تبعد عن بعض بتتحول لحاله الغازيه مش انت لما تحط شويه ميه على النار بعد شويه تلاقيها بدات تتبخر ما هي بدات تتبخر يعني بدات تتحول لغاز ليه بقى لانك لما سخنتها زادت سرعه جسيماتها وبعدت عن بعض خلاص يا اد لما الماده تتحول من الصوره السائله للصوره الغازيه بنقول ان الماده دي اتبخرت يقول لك الماء بدا يتبخر فبالتالي فعلا فعلا لما ندي للماده طاقه يا اد تنصهر تتحول من صوره صلبه لصوره سائله او تتبخر تتحول من سائل لغاز يبقى ماذا يحدث ركز الكلام ده مهم يا حبيب قلبي والله الكلام والتفاصيل دي مهمه جدا وعلى فكره الكلام ده موجود في ثانيه اعدادي اه والله العظيم المنهج الجديد المهم حبيبي جال لنا سؤال في الامتحان بيقول لك ماذا يحدث عندما تكتسب الماده طاقه حراريه تزداد سرعه جسيماتها وتتباعد عن بعضها البعض اكمل عند اكتساب الماده طاقه حراريه قد يحدث لها نقط او نقط قد تنسهر تنصهر او تتبخر تنصهر يعني تتحول من صوره صلبه لصوره سائله وتتبخر من صوره سائله لصوره غسيه العكس بقى يا محمد العكس بقى يا دكتوره ماذا يحدث عندما تفقد الماده طاقه حراريه لو انت خدت حراره بقى من الماده احنا لما كنا بنديها حراره كانت سرعه جسيماتها بتزيد وتبعد عن بعض اعكس لما تاخد بقى بقى منها حراره لما تاخد منها حراره جسيماتها تقل سرعتها وتبدا تقرب من بعض ثاني يبقى تقل سرعتها وتقترب من بعضها البعض ثم يقول لك تتكثف او تتجمد اشرح لك الحتتين دول بعد اذنك في ورقه خارجيه عشان ما تكونش بصيم مش عايزك تكون بصم وتحفظ كلمتين وتجري تحطهم في الامتحان بص يا جميل لو خدنا شويه ميه ماء اهو وبعدين خدناهم كده حطيناهم في الفريزر الفريزر عارف الفريزر ده بيعمل ايه؟ حرامي حرامي اه حرامي بيعمل ايه يعني؟ بيسرق الحراره من الماده بيسرق الحراره من الماده بياخد منها حراره جسيمات الميه كانت عامله كده صح؟ كانت عامله كده ده كده جسيمات الميه لما نبدا ناخد منها حراره ايه اللي يحصل؟ لما تاخد منها حراره يا اد تقل سرعه الجسيمات مات وبعدين لما تقل سرعتها بيبداوا يقربوا من بعض تتقارب تتقارب الجسيمات فلما الجسيمات تتقارب يتحولوا من الشكل ده للشكل ده خلاص قربوا من بعض بقى اهو فتقوم الميه بعد شويه تتجمد صح ليه لانها بتتحول لثلج ما هو الشكل ده يعني ثلج ليه لان الثلج ماده صلبه فلما الميه نحط حطها في الفريزر بتتحول لثلج ليه؟ علشان سرعه جسيماتها بتقل وكمان الجسيمات بتبدا تقرب من بعض فكده الماء اتحولت من الصوره السائله للصوره الصلبه فبنقول ان الماء اتجمدت خلاص عشان كده يا اد لما بنحط اي حاجه في الفريزر بتتجمد بتبدا انها تتحول للصوره الصلبه لان سرعه الجسيمات بتقل وكمان الجسيمات بتقرب من بعض يبقى بفقد حراره هنا احنا خدنا حراره فقدنا حراره فتقول تقوم الماده تتجمد اهي امال ايه تتكثف دي تعالى لما اقول لك يعني ايه تتكثف وتعال اما اشرحها لك على ورقه نظيفه كده بالرسمه البسيطه دههي عشان بس ما تاخدش مننا وقت دلوقتي انا لو معايا شويه ميه يا شباب وحطيتهم على البوتاجاز اهو دي ميه والميه دي انا حطيتهم على البوتاجاز فعمال اسخنهم بعد شويه يا اد هيبدا الميه دي بعد شويتين ثلاثه كده تغلي ويبدا يطلع منها بخار البخار ده بيبقى ساخن جدا لو حطيت ايدك فوق كده اوف يحي لا لا تتلسع خلي بالك البخار اللي طالع ده ماده غازيه متفق معايا؟ اه طبعا يا مستر متفق معاك ما هو البخار ده غاز طيب حرارته صغيره ولا حرارته مرتفعه؟ لا حرارته مرتفعه طب تعالى انت بقى حط لي غطا فوق البخار اللي طالع ده هات اي غطا كده من عندكم من المطبخ وحطه فوق الميه اللي عماله تطلع او بخار الميه اللي عمال يطلع ده بعد شويه هتبص تلاقي الغطا من تحت بدا يكون عليه ميه قال ليه؟ لان البخار اللي طالع بنقول انه تكثف يعني ايه تكثف؟ يعني تحول من الصوره الغازيه للصوره السائله طب ليه يا مستر محمد ممكن تفهمني؟ معلش تعال اما افهمك البخار اللي كان طالع جسيماته كانت عامله كده جسيماته كانت بعيد قوي عن بعض دي كده جسيمات ماده غازيه لانها بعيد قوي لما يا اد البخار بيخبط في الغطاء الغطا حرامي قال له هو الحصه كلها حراميه ولا ايه يعني ايه جت عليهم الغطا ده حرامي برده يعني ايه بيسرق حراره من البخار يا اد في العلوم دايما الجسم اللي قليل في درجه الحراره بياخد من الجسم العالي في درجه الحراره الجسم البارد ياخد من الجسم الساخن مين اللي بارد الغطاء الغطا ياخد من البخار ده البخار ده ساخن جدا فالغطا ياخد حراره من البخار حلو طيب يبقى ده كده اخد حراره يبقى الباشا ده هيحصل له ايه هيفقد حراره طب لما ده يفقد حراره هو كانت جسيماته كده لما يفقد حراره عند فقد حراره ايه اللي بيحصل؟ الجسيمات دي تقل سرعتها تقل سرعتها وتتقارب من بعض من بعضها فلما الجسيمات دههي تتقارب من بعضها تقوم تتحول لازاي؟ هتقرب بس من بعض شويه تقوم عامله كده بدل ما كانت بعيده لا تقرب من بعض شويه طب لما تقرب من بعض شويه تديني الشكل دههو اللي هو ايه اللي هو جسيمات ماد ماده سائله طيب مين الماده السائله من البخار الميه فيقوم يتحول لميه فبنقول انه تكثف بص والله ارجع اقولها لك تاني انا ممكن اقول لك يتكثف ويتجمد وينصهر واخلص يا ابني احفظ يادي احفظ يا بت وحط في الامتحان بس انت امانه عندي وعزيز عليا فانا احبك تفهم حتى لو هناخد جزء كبير من وقتنا للفهم بس بنكون شخصيتنا اللي ان شاء الله باذن الله هنعيش بيها بعد كده انت تعليمك ده هو عباره عن الفلوس اللي انت هتجيبها بعدين لما تشتغل خلي تعليمك كويس عشان تعرف تجيب فلوس كويسه بكلمك كلام اكبر من سنك شويه بس صدقني ده لمصلحتك يبقى عرفت يعني ايه كثف يعني اتحول من غاز لسائل خلاص كل ده حصل امتى عند فقد حراره فهنا الراجل لما بيقول لك ماذا يحدث عندما تفقد الماده طاقه تقل سرعه الجسيمات وتتقارب من بعضها ثم قد يحدث لها تكثف او تجمد على حسب بقى جميل طيب في سؤال في كتاب المدرسه برده علشان الراجل ممكن يجيبه في الامتحان بيقول لك كيف ترتبط التغيرات في الطاقه الحراريه وانتقال الحراره ودرجات الحراره بجسيمات الماده يعني بيقول لك جسيمات الماده اكتسابها للطاقه او فقدها للطاقه ده بيغير في حاله الماده ازاي هتبدا تتكلم عن اكتساب الطاقه وعن فقد الطاقه عندما تكتسب الماده طاقه ايه اللي بيحصل للجسيمات سرعتها بتزيد وتبعد عن بعض تزداد سرعتها وتبعد عن بعضها وخلي بالك يا باشمهندس لما تزيد سرعه الجسيمات حرارتها ترتفع العكس عندما تفقد الماده حراره تقل سرعتها وتتقارب وتنخفض درجه حرارتها والكلام ده بقى خد منه اكمل كتير جدا في الامتحان ده بس عشان ده سؤال في كتاب المدرسه فلازم نقوله كله على بعضه بس انا اعتقد لو الراجل حاب يجيب الكلام ده في الامتحان يجيبه اكمل اختياري ماذا يحدث يقول لك ماذا يحدث عندما تكتسب الماده طاقه حراريه تزداد سرعتها وبعدين تتباعد عن بعضها وترتفع درجه حرارتها طب صح ام خطا عندما تكتسب الماده طاقه حراريه تقل او تنخفض درجه حرارتها قول له غلط فالكلام ده برض تخلي بالك ممكن يجي في الامتحان ازاي يلا نكمل طيب تعالوا كده بصوا كده معايا على الصور دي كده يا اد الصور اللي قدامك دي هي عباره عن مراحل صناعه الزجاج نبص كده على الصور اللي قدامنا دي ونتكلم عليها كلمتين وبعدين هنرجع نقراهم هنا وخلاص كده اتكلمنا عن صناعه الزجاج احنا عرفنا يا اد ان احنا لما بندي لجسيمات الماده طاقه فاحنا ممكن نحولها من صوره لصوره ثانيه يعني مثلا لما بنسخن قطعه ثلج بتنصهر لما بنجيب قطعه من الزبد نحطها على النار نسخنها يعني بتبدا انها تنصهر وتتحول لسائل قال لك طيب ما احنا ممكن نعمل سهر للزجاج اول حاجه كده يا اد عشان نصنع الزجاج بنعمل سهر للزجاج ده عشان ان احنا نشكل الزجاج بقى ونقدر ان احنا نعمل بيه اشكال بنجيب الزجاج من صورته الصلبه ونبدا ان احنا نسخنه تحت درجات حراره مرتفعه بيشكل ها يشكل الزجاج تحت درجات حراره مرتفعه بنبدا ان احنا ناخد الزجاج ونصهره الاول يا اد نسهره يعني ايه نبدا ان احنا نسخنه لحد ما يبقى صوره شبه سائله زي ما انت شايف كده بعد ما يبقى صوره شبه سائله نقدر ان احنا نتحكم في شكله بقى نقدر ان احنا نشكله بطرق معينه طيب بعد مرحله السهر بتيجي مرحله الجمع بنبدا ان احنا نجمع الزجاج يا على طرف انبوبه مجوفه الانبوبه اللي قدامك دههي بنجمع الزجاج المنصهر على الطرف بتاعها فتاني مرحله يا اد هي مرحله جمع الزجاج بيجمع الزجاج المنصهر على طرف انبوبه مجوفه زي اللي قدامك دي كده بعد كده بقى نبدا نشكله بنشكله ازاي بننفخ فيه يعني ايه بننفخ فيه ايوه بننفخ فيه بالهواء فنبدا نشكله بالشكل اللي احنا عايزينه بينفخ الهواء في الانبوب المجوفه اللي احنا جمعناه عليها ويبدا بقى الهواء يخش يش نشكله بالطريقه المعينه اللي احنا عايزين نشكله بيها. ثالث مرحله زي ما الراجل ده بيعمل كده مرحله التشكيل بيبدا الراجل ينفخ في الانبوبه المجوفه فيبدا يشكل الزجاج بالشكل اللي هو عايزه. هتقول لي ازاي؟ هقول لك دي مهاره وصناعه يدويه مش اي حد يعرف يعملها فيها تدريب طبعا بعد انت ما تشكل الزجاج بالشكل اللي انت عايزه محتاجين بقى الزجاج يفضل على حاله كده نعمل ايه؟ هنعمل له تبريد باستخدام الميه طبعا هنمسك الميه ونعمل تبريد عشان الزجاج بقى يثبت على شكله كده فطبعا لما بنبرد الزجاج وهو في صوره سائله بيبدا ان هو يتحول للصوره الصلبه تاني فيبقى صلب على حالته النهائيه دههي فبالتالي بيبقى شكله كده على طول يبقى مرحله صناعه الزجاج بتتم على اربع مراحل عشان ما نطولش فيها المرحله الاولى يا اد هي مرحله صهر الزجاج مرحله صهر الزجاج ان احنا بنسخن الزجاج تحت درجات حراره عاليه عشان يتحول للصوره السائلهاني مرحله مرحله الجمع بنجمع الزجاج على طرف انبوبه مجوفه زي ما انت شفت كده بيجمع الزجاج المنصهر على طرف انبوب مجوف بعدين نبدا نشكله بننفخ فيه هواء بقى بينفخ الهواء في الانبوب المجوفه لعمل اشكال مختلفه طب احنا خلاص عملنا الشكل اللي احنا عايزينه وعايزين الزجاج يفضل كده على حاله برده بقى اعمل له تبريد عشان يفضل على حاله عشان يتجمد التبريد دههو يا جماعه بيخلي الزجاج يتحول من صورته اللي كان عليها اللي هي شبه سائله الى الصوره الصلبه فبيبقى صلب على حالته النهائيه فبيبقى شكله كده بقى خلاص بيبرد الزجاج باستخدام الميه او يبرد الزجاج باستخدام الميه ايا كان خلاص لتثبيت شكله وطبعا لما انت بتبرده فانت بتحوله لصوره صلبه فبيبدا يحتفظ بشكله بقى وتحويله الى ماده صلبه قويه. مراحل صناعه الزجاج مهمه جدا ولازم تبقى عارف كل مرحله بنعمل فيها ايه بس اللي انت لازم تخلي بالك منه انه تقوم الطاقه بدور مهم في عمليات تصنيع وتشكيل المواد زي الزجاج. طب فين دور الطاقه هنا يا حبيبي؟ ما هو انت لما بتسخن فانت بتدي طاقه ولما بترجع تبرد فانت بتاخد طاقه فبالتالي الطاقه فعلا بتلعب دور مهم جدا في تصنيع وتشكيل المواد زي صناعه الزجاج لما بنسخنه بنبدا نحوله لسائل عشان نبدا نشكله طب احنا شكلناه نبدا ناخد منه طاقه نبرده عشان يبدا يثبت على الشكل بتاعه بقى فصح طبعا الطاقه بتلعب دور مهم جدا في عمليات تشكيل وتصنيع المواد وهنا بيقصد الطاقه الحراريه بعينها طيب اللي انت برده تاكد عليه وتبقى عارفه كويس قوي ان تشكيل الزجاج بيتم تحت درجات حراره عاليه يجي في الامتحان يقول لك بيتم تشكيل الزجاج تحت درجات حراره منخفضه غلط يشكل الزجاج منذ القدم تحت درجات حراره مرتفعه جدا التفاصيل الصغيره انت خلاص عرفتها تقدر تتكلم فيها وبرده لو جت اكمل اختياري صح خطا الكلام ده تعرف تجاوبه في الامتحان اخر جزء في الحصه طيب هل فيكم حد يا اد ما يعرفش المعلومه اللي انا هقولها دي لو قلت لك جسيمات الماده الصلبه تتحرك ببطء اللي هي تتحرك حركه اهتزازيه في مكانها حركتها بطيئه هل انت ما تعرفش الكلام ده؟ لا تعرفه طبعا طب لما اقوللك جسيمات الماده السائله تتحرك حركه حركه متوسطه يعني ايه حركه متوسطه بتتحرك بحريه شويه او بسرعه اكبر شويه من جسيمات الماده الصلبه صح عارفين المعلومه دي فعلا حركه جسيمات الماده السائله بتبقى اكبر واسرع من حركه جسيمات الماده الصلبه طيب جسيمات عشان نخلص بقى الماده الغازيه الماده الغازيه يا اد الجسيمات بتاعتها بتتحرك حركه سريعه حركه عشوائيه في كل الاتجاه اتجاهات الجسيمات يا اد بتمتلك طاقه الطاقه دي بتعتمد على الحركه بتاعتها يعني لو الجسيمات بتتحرك ببطء تبقى طاقتها صغيره لو الجسيمات بتتحرك حركه متوسطه يبقى هتمتلك طاقه متوسطه لو الجسيمات بتتحرك بسرعه يبقى عندها طاقه كبيره وهو ده اللي احنا جايين نقوله على فكره تمتلك الماده مقدار من الطاقه الحراريه بيعتمد على ايه بيعتمد على الحركه بتاعه الجسيمات فلو حركه حركه الجسيمات سريعه يبقى الطاقه دي كبيره حركه الجسيمات صغيره يبقى الطاقه دي صغيره حركه الجسيمات متوسطه يبقى الطاقه دي متوسطه فبص بص الحركه بتؤثر في كم الطاقه اللي هي بتمتلكها حلو جدا عشان بس السؤال ده لو جه اكمل في الامتحان اكمل تمتلك الماده مقدار من الطاقه الحراريه بيعتمد على نقط بيعتمد على حركه جسيماتها فمثلا الحاله الصلبه انت عارف كويس قوي ان الماده الصلبه حرجت جسيماتها بطيئه لذلك بتمتلك طاقه قليله علل تمتلك الماده الصلبه طاقه قليله او طاقه اقل ليه؟ لان حركه جسيماتها بطيئه بنقولها يا اد بتهتز في موضعها بص كده لو ايدي ده وايدي عباره عن جسيمات ماده صلبه هل تعتقد ان جسيمات الماده الصلبه بتتحرك كده وتروح وتيجي؟ لا جسيمات الماده الصلبه في مكانها وبتتحرك كده بص كده بتهتز في مكانها ما بتن تنتقلش من مكان لاخر وطالما بتهتز في مكانها بنقول ان الحركه بتاعتها بطيئه يبقى الماده الصلبه الجسيمات بتاعتها بتمتلك طاقه اقل ليه؟ لان الجسيمات دي حركتها محدوده حركتها بسيطه حركتها حركه اهتزازيه في موضعها حركتها بطيئه كل دي كلمات تنفع حركه بطيئه حركه بسيطه حركه اهتزازيه في موضعها وممكن نقول حركه ضعيفه بس خلينا نلتزم بالكتاب الكتاب قال لان الجسيمات هتهتز في موضعها يعني ايه تهتز في موضعها يعني حركه ضعيفه قوي طب لو جينا نبص على الحاله السائله لا ده الحاله السائله الجسيمات بتتحرك بحريه اكبر شويه طبعا مقارنه بالماده الصلبه بحريه وسرعه اكبر شويه لذلك هتلاقي عندها طاقه اكبر من اللي فوقها اكبر من طاقه الماده الصلبه تمتلك طاقه حريه متوسطه عشان جسيماتها بتتحرك حركه متوسطه يبقى لان جسيماتها تتحرك بسرعه وحريه اكبر شويه من الماده الصلبه لكن مين بقى بابا المجال هنا يا اد؟ الحاله الغازيه الحاله الغازيه جسيماتها بتتحرك بسرعه كبيره وبالتالي تلاقي عندها طاقه كبيره يبقى تمتلك طاقه حراريه اكبر لان جسيماتها تتحرك بسرعه عاليه وبحريه تامه عايزك بس تطلع من الورقه دي بمعلومه مهمه جدا ان كل ما الجسيمات تتحرك بسرعه ده يخلي الماده عندها طاقه كبيره والعكس الماده دي لو جسيماتها بتتحرك حركه بطيئه حركه اهتزازيه في مكانها ده يخلي الطاقه بتاعتها قليله طب لو الحركه بتاعتها متوسطه يبقى الطاقه بتاعتها متوسطه بس ده اللي انا عايز اقوله وتبقى عارف ان الماده الصلبه والماده السائله والماده الغازيه بيتكونوا من جسيمات في حاله حركه مستمره والجسيمات ده عندهم طاقه وطاقه الجسيمات في الماده الغازيه اكبر من طاقه الجسيمات في الماده السائله اكبر من طاقه الجسيمات في الماده الصلبه عشان لو جيت في الامتحان قلت لك قارن ما بينهم من حيث الطاقه اللي بتمتلكها الجسيمات طاقه جسيمات الماده الغازيه اكبر من طاقه جسيمات الماده السائله اكبر من طاقه جسيمات الماده الصلبه اخر جزء في حصتنا النهارده طيب عايزك تبص لي على الثلاث صور دول كده وتقول لي دي جسيمات ماده ايه ودي جسيمات ماده ايه ودي جسيمات ماده ايه بناء على اللي انت اخدته معايا النهارده دي جسيمات مترابطه متماسكه شكلها محدد فدي كده جسيمات ماده صلبه الحركه بتاعتها بطيئه والطاقه بتاعتها صغيره لكن لما المسافات تبدا تزيد شويه يبقى دي جسيمات ماده سائ سائله جسيمات ميه جزيئات جسيمات عصير جسيمات بنزين جزيئات كحول ايثيلي اللي هي المواد السائله ولو انت بصيت على الجسيمات دي هتلاقي في ما بينهم مسافات اكبر من هنا والطاقه بتاعتها اكبر من هنا لان الجسيمات هنا بتتحرك اكبر من هنا بشويه لكن هنا بقى الجسيمات بعيده عن بعض قوي وبتتحرك حركه عشوائيه في كل الاتجاهات فدي كده جسيمات ماده غازيه لو جينا نبص على الحاله الصلبه يا اد هنلاقي ان الحاله الصلبه شكلها ثابت لو خدت القلم ده سبته النهارده على المكتب هاجي بكره الاقيه بنفس شكله كده ليه؟ لان الدي ماده صلبه والماده الصلبه بتحتفظ بشكلها شكلها ثابت لان الجسيمات ماسكين بعض قوي كمان حجمها ثابت القلم ده حجمه هيفضل بنفس حجمه غير قابله للانضغاط لو انت جبت ماده صلبه قعدت تضغط فيها مش هتنضغط وكمان يا اد لا تنتشر في الفراغ عارف يعني ايه لا تنتشر في الفراغ انت شايف الجسيمات ماسكه بعض قوي صح تحس ان ما فيش مسافات ما بينهم لا هو في مسافات بس صغيره قوي صغيره جدا المسافات دي ما تقدرش تحط فيها حاجه ده معناها ان هي ما بتنتشرش في الفراغ ما بتنتشرش في الفراغ يعني ما بتقدرش تملا المسافات اللي موجوده ما بين الجسمات بحاجه ليه؟ لان المسافات صغيره قوي عشان تبدا تملاها بحاجه صعب جدا فبالتالي بنقول انها لا تنتشر في الفراغ ما بقدرش املى المسافات اللي ما بين الجسيمات بحاجه طيب الماده السائله لا الماده السائله يا اد شكلها بتغير لو جبت شويه ميه حطيتهم في كوبايه هياخدوا شكل الكوبايه طب لو حطيتهم في زجاجه هياخدوا شكل الزجاجه حطيتهم في حله هياخدوا شكل الحله شكلها متغير لا مالهاش شكل ثابت دي يا مستر محمد على حسب الحاجه اللي بنحطها فيها فالماده السائله شكلها متغير لكن حجمها ثابت يعني انت لو معاك شويه ميه لتر مثلا معاك 1 لتر ماء خدت الميه دي حطيتها في حله هنا كده دلقتها هنا كده وجيت تشوف الميه دي هتلاقي ايه هلاقيها 1 لتر برضو امال هيروح فين الباقي؟ هنا لتر هنا لتر هو بس الشكل اللي بيتغير شكلها بس اللي بيتغير انما حجمها هو لو جبت شويه ميه من ازازه حطيتهم في ازازه تانيه هيفضلوا بنفس حجمهم بس شكلهم هيتغير هياخدوا شكل الازازه الجديده بس خلاص الماده السائله شكلها متغير وحجمها ثابت برده غير قابله للانضغاط لو جيت تضغط الميه ما تنضغطش معاك طبعا ولا تنتشر في الفراغ يعني برده المسافات اللي ما بين جسيمات الميه ما اقدرش املاها في حاجه طيب الحاله الغازيه لا الحاله الغازيه دي انا مش عايز اقول كلمه عارف انت لما يبقى في حد كده عايش حياته كده من غير نظام يعني رايح جاي كده بدون هدف اهي الحاله الغازيه كده شكلها متغير مالهاش شكل حجمها كمان متغير بتاخد شكل وحجم الحاجه اللي هي بتملاها الماده الغازيه هي الماده الوحيده القابله للانضغاط وهي الماده الوحيده القابله على الانتشار في الفراغ يعني تيجي تقدر انك تملى المسافات دههي بحاجه عادي ممكن تحط هنا حاجه عادي خالص جميل يبقى وتنتشر في الفراغ دي مقارنه مهمه جدا خد منها اسئله كتير في الامتحان عندي ملحوظتين ليك وخد الواجب واشوفك الدرس اللي جاي ان شاء الله طيب الصفحه اللي قدامك دي اربع معلومات انا يهمني فيها المعلومه رقم اثنين ورقم لاثه والباقي بس اقراه كده للمعرفه علشان تعرف المعلومه رقم اثنين وتبقى سهله عليك تعال نتخيل ان انا وانت وزمايلك في الفصل وبنلعب لعبه بسيطه لعبه التخمين هتدينا حضرتك ضهرك واحنا هنمسك ماده في ايدينا الماده دي اي ماده بقى في الفصل ممكن نجيب ماده صلبه او سائله او غازيه وبعدين نبدا نقول لك اتوقع لنا الماده اللي في ايدينا دي ماده ايه صلبه ولا سائله ولا غاز فطبيعي عشان انت تتوقع فهتبدا تسالنا اسئله وانت مدينا ضهرك هتقول لنا طيب يا جماعه هي الماده اللي معاكوا شكلها ثابت ولا متغير طب يا جماعه الماده اللي معاكوا حجمها ثابت ولا متغير لو انت سالت السؤالين دول وخد خدت اجابات تعرف تتوقع على طول الماده اللي معانا دي ماده صلبه ولا سائله ولا غاز لو انت قلت لنا شكلها ثابت ولا متغير فقلنا لك شكلها ثابت طب حجمها ثابت ولا متغير قلنا حجمها ثابت فده معناه ان احنا معانا ماده شكلها ثابت وحجمها ثابت فانت على طول تتوقع ان الماده دي ماده صلبه طب شكلها متغير وحجمها ثابت يبقى الماده دي سائله طب الماده دي شكلها متغير وحجمها متغير يبقى ده عباره عن ماده غازيه شويه هواء حاطينه في بالونه مثلا يبقى احنا يا اد بنحدد حاله الماده من خلال معرفه ثبات او تغير الحجم والشكل هي دي المعلومه اللي هو عايز يقولها طيب لو انت معاك شويه هواء الهواء جسيماته بعيد صح ومسكت الهواء ده كده وبدات تضغطه كان معاك شويه هواء في بالونه رحت ضغطهم بايديك كده ايه اللي هيحصل البالونه حجمها هيقل ليه لان الجسيمات اللي جوه انضغطت قربت من بعض فانت لو خدت الماده الغازيه وطبعا لازم تبقى عارف ان الماده الماده الغازيه هي الماده الوحيده القابله للانضغاط. الماده الوحيده القابله للانضغاط هي الماده الغازيه. لما بتاخد جسيمات الماده الغازيه وتقربها من بعض كده بتبدا الجسيمات تقرب من بعض فبيؤثر ذلك على الحجم. هي بتنضغط فحجمها بيقل بس كتلتها ما بتقلش. يعني عايز اقول لك ان القابليه للانضغاط هو امكانيه نقص حجم الماده مش نقص كتلتها. هو ده اللي انا عايز اقوله ان احنا لما بنضغط الماده جسيماتها بتقرب فحجمها بيقل فقط انما كتلتها ما بتقلش وده اللي انا عايزك تعرفه قابليه الماده للانضغاط هي امكانيه نقص حجم الماده عند تعرضها للضغط مهمه جدا ما هي الماده الوحيده القابله لانضغاط الماده الغازيه بيقول لك يشير الانتشار في الفراغ يا اد الى قدرتها على زياده حجمها بملء الفراغ المتاح اللي هو الفراغ ما بين الجسيمات اللي احنا كنا بنقوله بس دي معلومه اثرائيه كده حبيت اقولها لك وبنزين بيها الورق بتاعنا تاخد الواجب بتاعك وشوفك ان شاء الله الحصه اللي جايه ما تنساش ان احنا هنمشي بمعدل حصتين ان شاء الله ا او حصه كل يومين ان شاء الله ده كده الواجب بتاعك ولو عايز تاخد الورق ده متظبط كده بجوده كويسه هتدخل على جروب التليجرام اللي عندك في الوصف تحت هتلاقيني بنزل لك الورق جوده كويسه بما فيهم الواجب كمان دي الورقه الاولى عشان لو ما عندكش تليجرام انا برده بنزل الورق على صفحه الفيسبوك صفحه الفيسبوك اسمها مستر محمد ابراهيم ودي كده الورقه الثانيه ال الكلام ده بنحله في بدايه الحصه اللي جايه ان شاء الله بدايه الحصه اللي جايه بنحل الواجب ده بعد ما تذاكر الورق ادخل حل الواجب شوف ايه اللي هيقف قدامك وتعال الحصه اللي جايه شوفني بحله ازاي وهنصحك بايه واحنا بنحل بس كده حبيب قلبي اشوفك الحصه اللي جايهسلام كم