اول خطوة في تأسيس الطفل في اللغة العربية

هناخد اول خطوه من خطوات تاسيس الطفل في اللغه العربيه يلا على اعتبار ان دي اول حصه للاطفال في التاسيس معاكي هتبداي تهيئيهم نفسيا انهم يتعلموا معك ماده اللغه العربيه ابداي كلميهم وقولي لهم ان دي ماده بسيطه وخفيفه وجميله وكمان عرفيهم ان دي لغه القران الكريم وكمان هي لغه النبي صلى الله عليه وسلم ودي اللغه اللي احنا بنتكلم بيها كعرب قبل ما تبداي تاسيس مع الطفل لازم تتاكدي الاول انه بيعرف يمسك القلم طيب لو مش بيعرف يمسك القلم اكيد حضرتك هتعلميه الماسكه الصحيحه وبديهي طالما مش بيعرف يمسك القلم اكيد ما يعرفش يرسم الشكلات فهتبداي تعلميه الشكالات ايه هي الشكالات وبتفيد في ايه الشكلات عباره عن خطوط او منحنيات او اتجاهات بتفيد ان عضله ايد الطفل يقدر يحركها بكل بساطه بدون اي ضغط مننا طيب اول حاجه الخط اللي بيبدا من اليمين لليسار ونركز على الاتجاهات مع الطفل بعدين من اليسار لليمين من فوق لتحت من تحت لفوق والخط المايل بعدين دائره نصف دائره لليمين نصف دائره لليسار الخط المنحنى او نصف دائره لفوق وبعد كده نصف دائره لتحت والخط المنكسر ونعرف الطفل ان احنا عندنا شكل كبير بشكل صغير بحيث لما نطلب منه يعرف يفرق بين الحجم بعد ما خلاص الطفل قدر يكتب الشكلات وانا اتاكدت انه خلاص يقدر يحرك عضله ايده بكل سهوله هبدا معه في التاسيس طيب يا ترى انا هبدا الحروف ازاي مع الطفل وهبدا اعرفها له ازاي هحكي له قصه بسيطه جدا هقول له ان العربي في 28 صديق وحابين يتعرفوا علينا يا اصحابي انتم ايه رايكم طبعا هيقولوا ايوه موافقين خلاص النهارده يا اصحابي في اول صديق معانا حابب يتعرف عليكم وهو مجهز لنا اغنيه علشان نقدر نعرف هو اسمه ايه طب فكروا كده معايا يا اصحابي هو اسمه ايه وشكله عامل ازاي هو ليه صوت زينا طب هو صوته عامل ازاي طب تعالوا كده نسمع حرف الالف اشبه العصا على راسي همزه مثل القبعات انا حرف الالف اشبه العصا على راسه همزه مثل القبعات صديقنا الالف يا اصحابي قوي جدا علشان كده هو عنده ثلاث اصوات طب تيجوا نشوف الاصوات بتاعته يلا بيطلع صوت اهلا لما بيكون مبسوط وبيطلع صوت ايه ايه لما بيكون حزين وبيطلع صوت اوه لما بيكون مندهش طب يلا يا اصحابي نكرر مع بعض اسد ايه ايه ابره اوه اذن وهكذا تقعدي تكرري مره واثنين وثلاثه مع الطفل ومن هنا هيبدا يربط الطفل بين الصوت وبين الكلمه علشان نعلمه اصلا يعني ايه صوت ويعني ايه من خارج الحروف يطلعها بشكل صحيح من وهو لسه بيتاسس معانا طيب هبدا اكتب الطفل الحرف ازاي هبدا اغني له واقول له ننزل ننزل ننزل نوقف على السطر همزه نص دايره وكمان شرطه مايله ننزل ننزل ننزل نوقف على السطر همزه نص دايره وكمان شرطه مايله حابه اقول لكم كلمتين ان سبحان الله ربنا خالق الطفل مخه نظيف وجميل وقادر يستوعب اي شيء فما تقلقوش علموا الاطفال بالطريقه دي وان شاء الله تلاقوا نتيجه ترضيكم وتكرروا معه نفس الطريقه في باقي الحروف ان شاء الله