أشهر 5 أخطاء في الصلاة الخامسة ستبطل صلاتك

TaherART عالم طاهر آرت · ⏱ 1:39 · 2M مشاهدة · 3 years ago

📺 شاهد كل صفحات قناة "TaherART عالم طاهر آرت"

النص الكامل للفيديو

كلنا عارفين ان الصلاة، أهم العبادات والركن الثاني من اركان الإسلام، وأول حاجة بنتسئل عنها يوم القيامة لكن مع ذلك فيه أخطاء بعضنا بيعملها وكتير مننا مابيخدش باله منها، النهردة هقولكم على اشهر ٥ أخطاء منها. رقم ١ الصلاة السريعة الصلاة بدون خشوع او طمأنينة من الحاجات اللي بتضيع ثواب الصلاة، وممكن تبطلها كمان. رقم ٢ ترك الفراغات بين المصلين وعدم تسوية الصف. ولسبب مش قادر أفهمه, فيه ناس بتنزعج لما بتشاورهم عشان يضموا على بعض ويسدوا الفراغات دي الرسول صلى الله عليه ووسلم قال: لا تَذَرُوا فَرُجَاتٍ للشيْطانِ، ومَنْ وصَلَ صَفًّا وَصَلَهُ اللَّه، وَمَنْ قَطَعَ صَفًّا قَطَعهُ اللَّه رقم عدم تحريك اللسان والشفاة في القراءة ناس كتير بتقفل بقها أثناء الذكر في الصلاة، بدون تحريك اللسان والشفة فكأنك ماقرأتـش حاجة، انت فعليا ( فكرت في الذكر) بقلبك بس لكن ماقلتوش، عشان كدة لازم عالأقل تحرك شفتك رقم ٤ امم… الحركة دي.. ستر العورة من شروط صحة الصلاة.. ولو انكشف جزء منها حتى لو بدون قصد، فالصلاة غير صحيحة. رقم ٥ والان مع اكتر غلطة الناس بتعملها من غير ما تاخد بالها.. رفع القدم عن الارض في السجود ناس كتييييير بمجرد ما بتسجد، اقدامها بترتفع عن الارض بحركة لا إرادية. السجود على الاعضاء السبعة اللي هم: الجبهة والكفين والركبتين والقدمين, من شروط صحة السجود، وصحة السجود من شروط صحة الصلاة ودول كانوا أشهر 5 أخطاء الناس مابتاخدش بالها منها في الصلاة خدوا بالكم من الأخطاء دي، وتقبل الله منا ومنكم. لو عجبكم الفيديو دوسوا لايك وانشروه, عشان اللي بيقع في الاخطاء ينتبه لها.