مراجعه عربي رابعه ابتدائي الترم الاول عربى رابعه ترم اول نصوص الصف الرابع

السلام عليكم ورحمه الله وبركاته طلابنا وحبايبنا في كل مكان على منصه الخطه معاكم استاذ نور عصام استاذ اللغه العربيه انا شايف ان انتم في ناس مراكوس في ناس محتاسه بس النهارده جايين نراجع ماده اللغه العربيه بكل الافكار اللي فيها ومش هنسيب اي جزئيه من غير ما نقولها مراجعتنا هتكون شامله كل اجزاء المنهج بحيث تقدروا تعتمدوا عليها 100% وهتكون عباره عن ثلاث اجزاء اول جزء هيكون شرح كل حاجه في المنهج وثاني حاجه هتبقى حل اهم الاسئله اسئله على المنهج كله واخيرا نماذج الامتحانات اللي بنبعيش فيها التجربه بتاعه الامتحان ونحل امتحانات كاننا قاعدين في اللجنه عادي جدا ما تنسوش الاشتراك في قناه اليوتيوب وتاكدوا انكم دايسين على زرار السبسكرايب وكمان ما تنسوش انكم تحملوا ابلكيشن الخطه اللي بيكون مجاني من على بلاي ستور هتلاقوا مراجعات كلها منظمه وتقدروا ترجعوا لها في اي وقت وما تنسوش تمدوا الفورم اللي هيكون في الديسكربشن او اول كومنت علشان يكون لكم الاولويه في الخصم في الاشتراك بتاع الترم الثاني يلا بينا نبدا بسم الله شرح النصوص يعني ليه ده من الفروع اللي بتسليني عامه او اللي انا بحب ان انا ايه الشعر بمنتهى البساطه يعني كلام مرتب موزون في ابيات به موسيقى يعني ايه يعني الكلام العادي بيبقى زي الكلام ده ولكن الشعر لازم يكون الكلام فيه مترتب وموزون في نفس الوقت يعني ايه مترتب وموزون مترتب يعني محطوط بترتيب معين كده صح اما موزون يعني نلاقي ان البيت الواحد نلاقي ان دي قد دي تقريبا في الطول وان دي برض قد دي في الطول فنحس ان في كفتين ميزان نلاقي ان بيت الشعر نصه الاولاني او الشطر الاولاني قد الشطر الثاني اه لو في ناس ناسيه فاحنا لما بنشوف شعر او نشوف قصيده فالنص الاولاني في الجمله ده اسمه شطر النص الثاني ده اسمه شطر برده ادي شاطر اول ادي شاطر ثاني كلها على بعضها اسمها بيت بيت شعر او البيت الشعريه فافتكرنا كده ايه هو الشعر وايه اللي يفرقه عن الكلام العادي اه ان هو عباره عن كلام مترتب موزون في ابيات في موسيقى طب ايه هدف الموسيقى يعني ليه حد بدل ما هو يقول الكلام عادي كده لا يقعد ان هو يقعد يحط فيه موسيقى ويخليه كده موزون ويخلي الودن تتبسط لما تسمعه ده علشان اي حد بيكتب شعر بيبقى هدفه ان هو ياثر في الناس لو لاحظتوا فالموسيقى والايقاع والطبله والتوازن في الصوت ده اكتر اكتر حاجه بتخلي الناس تتاثر جدا وتخليها تبقى مبسوطه جدا وهي بتسمع الحاجه دي علشان كده حتى نلاقي ان مثلا في القران الكريم هنلاقي ان الكلام مترتب موزون نلاقي مثلا الكنيسه بيبقى فيها ترانيم هنلاقي ان دايما اي حد عايز ياثر في الناس لازم يكون الكلام بتاعه مترتب وفي وزن وفي موسيقى معينه علشان كده الشعراء لما بيجوا ان هم يكتبوا بيحاولوا ان هم يضاهوا القران مثلا ولو ان ده حاجه وده حاجه لان القران مش شعر او الكتب المقدسه عامه مش شعر ولكن دايما الشعراء بيحاولوا يبقى الكلام في مزيكه تخطف الودن ويبقى مترتب وموزون علشان الموسيقى دايما تقدر ان هي تاثر في الناس او الايقاع او الصوت المنظم دايما بيخلي الناس مبسوطه جدا معانا النهارده نص ولكن قبل ما نتكلم عن النص ده لازم افكركم بحاجه بتكون دايما في اي فن او في اي ادب حاجه اسمها التعبير المجازي هو يعني ايه اصلا تعبير مجازي خلونا الاول نشوف حاجه اسمها تعبير حقيقي يعني ايه تعبير حقيقي تعبير حقيقي يعني حاجه بتحصل بالفعل يعني جمله انا لو قلتها لك انت لو فكرت فيها اه والله ممكن تحصل حاجه بتحصل في ارض الواقع حاجه نقدر ان احنا نشوفها حتى لو انا اللي مش هشوفها ممكن حداني يشوفها ولكن هي حاجه حقيقيه وبتحصل زي ايه؟ زي الشمس تشرق كل صباح فعلا الشمس بتشرق كل صباح دي حاجه حقيقيه وبتحصل صح زي الجوندي يحارب في المعركه انا ما شفتش جندي بيحارب في المعركه بس بتحصل اه في عفاكر وفي جنود بيحاربوا في المعركه زي لو احنا قلنا السماء تمطر في الشتاء فعلا دي حاجه حقيقيه فاي جمله حقيقيه وبتحصل 100% فده اسمه تعبير حقيقي عرفنا يعني ايه تعبير حقيقي عكسه بقى ايه عكسه حاجه اسمها تعبير مجازي مجاز يعني ايه مجاز تسمعوا حد كده يقعد يقول لك يا عم ده مجازا كده يا عم يعني دي حاجه مش حقيقيه يعني انا اقصد ان انا اقول على حاجه بس انا حطيت فيها سن خيال سن حاجه ما بتحصلش يعني بدل لما انا اقول الشمس تشرق كل صباح الشمس بتشرق وبتنور الدنيا فبقول لك الشمس تبتسم كل صباح هو ده تعبير حقيقي هو ينفع كده ان احنا نيجي الصبح نبص نلاقي الشمس عامله لنا طبعا لا ما ينفعش فده اسمه تعبير مجازي تعبير خيالي تعبير عبير اللي قاله كان عايز يوضح المعنى ان الشمس بتبقى مشرقه جدا تبقى مبسوطه جدا تخلي فيه اضاءه قويه جدا فهو هنا قال الشمس تبتسم كل صباح ده تعبير مجازي مش حقيقي هو بس كل اللي عايز يعمله ان هو يوضح لنا المعنى انا عارف ان الجندي يحارب في المعركه ده تعبير حقيقي بس لما انا اقول لك انا عايز ان انا اقول لك ان هو بيحارب قوي عايز ابارغ فيها عايز احط خيال فقول لك مثلا الجندي يفترس اعداءه في المعركه هو الجندي هياكل الاعداء بتوعه زي البرجر كده هل الجندي مثلا زي الاسد هيقوم يفترس الاعداء في المعركه طبعا لا يبقى لو احنا فكرنا فيها هو الجندي يفترس الاعداء هو ده تعبير حقيقي لا انما ده اسمه تعبير ايه تعبير مجازي يعني خيالي طب اللي قاله قاله ليه يعني ليه بيكذب ليه بيقول حاجه مش حقيقيه لا هو مش بيكذب يا حبايبنا هو هنا مش كذاب هو بيقول تعبير مجازي او خيالي عشان يوصل لك قد ايه عمال الجندي ده يهزم كل الاعداء ويحاربهم فعايز يقول لك يعني ان هو بيقطعهم بيفترسهم عارفين لما نقعد نقول مثلا ده انا هقطعك في الملعب هل انت مثلا هتنزل تقطعه فعلا بالمقص في الملعب لا ولكن انت عايز تقول ان انت ايه ان انت هتبقى جامد جدا معاه في اللعبه مش هتتهاون صح ماشي مثلا لو قلنا بدل السماء تمطر في الشتاء قلنا السماء تبكي مثلا هل السماء بتعيط يعني هل المطره دي الدموع بتاعه السما اكيد لا ولكن انا عايز اقول لك ان المطره كتيره جدا فانا بقول لك دي السما بتعيط صح هو ده التعبير المجازي طب انت ليه يا استاذ نور بتقول لنا الكلام ده بقول لكم ده لان الشعر علشان ياثر في الناس زي ما احنا اتفقنا بيحاول ان هو يخلي الجمل والكلمات بتاعته فيها ايقاعه فيها رنه فيها موسيقى فكمان علشان ياثر فيك ويخليك تتخيل صوره جميله جدا ممكن يستخدم تعبيرات مجازيه خياليه مش حقيقيه ومش هتحصل بس هو عايز يوصل لك بيها فكره يلا بسرعه ندخل يدخل على اول نص معانا وبيني وبينكم انا بعتبره اجمل نص وهو نص اسلامي يا مصر ها عارفين بقى نشيد اسلامي يا مصر ده طب فاكرينه طب حد فاكر لما احنا اتكلمنا فيه لما انا كده قلت لكم معلومات عنه من بره هو مين اللي كتبه او مثلا هو حصل امتى او اتكتب امتى او ايه المناسبه بتاعته نشيد اسلامي يا مصر ده كان اللي احنا نتكلم فيه ده كان زمان النشيد الوطني قبل بلاد بلادي بلادي بلادي لك حبي وفؤادي كان اسلام يا مصر كان هو النشيد في الاول وبعد كده اتغير النشيد الوطني بس لحد دلوقتي في كليه الشرطه عادي جدا يقولوا النشيد بتاع اسلامي يا مصر مين اللي كتب النشيد او الشعر او القصيده بتاعه اسلام يا مصر اللي كتبه واحد اسمه مصطفى صادق الرافعي مصطفى صادق الرافعي طب مين مصطفى صادق الرافعيه ده عايزين نعرفه هو طبعا مصري شاعر وكاتب مصريه اتولد في قريه اسمها بهتيم اسمعوا عنها لسه موجوده لحد دلوقتي قريه بهتيم في محافظه اليوبيه طيب اتولد سنه كام؟ اتولد سنه 1880 في اسره بتحب جدا العلم والقرايه والشعر والكتابه فطبيعي لما يلاقي نفسه في بيت باباه بيحب العلم وعمه وخاله ومامته والناس دي كلها طبعا هيطلع هو نفسه بيحب العلم وبيحب القراءه وبيحب الكتابه ويكتب اهم اعمال موجوده في تاريخ العرب او مش مش يعني مش في التاريخ كله ولكن في الفتره دي مصطفى صادق الرافعي ده كان راجل ثقيل جدا وكتب كتب مهمه جدا جدا زي وحي القلم وللاسف توفي عام 1937 طبعا يعني الراجل ده كتب نشيد او كتب نص انا بعتبره هو اجمل نص عندنا في المنهج وهو نص او نشيد اسلامي يا مصر هقراه لكم ونتكلم في معناه كده او نتكلم في الشرح بتاعه او ايه المقصود بالابيات دي بسرعه ونشوف المعاني ونشوف المضاد مثلا لو في حاجه صعبه نشوف المواطن الجمال او نشوف التعبيرات الخياليه الحلوه اللي فيه علشان مهمه جدا ولازم نعرفها ولازم برده نبقى حافظين شويه تين ثلاثه الابيات يلا بينا نشيد بتاعنا بيقول اسلمي يا مصر انني الفدا ذي يدي ان مدت الدنيا يدا ابدا لن تستكيني ابدا انني ارجو مع اليوم غدا ومعي قلبي وعزمي للجهاد ولقلبي انت بعد الدين دين لك يا مصر السلام وسلاما يا بلادي ان رمى الدهر سهامه اتقيها بفؤادي واسلمي في كل حين طبعا شيت جميل جدا جدا جدا جدا بيدل على ان الشخص اللي كتبه ده مش واحد بس قاعد مجرد بيكتب شعر ده واحد بيحب مصر جدا جدا وعايز يدافع عنها ويفضل دايما معاها حاسين المشاعر الحلوه اللي في النص ده النص ده اتكتب بالظبط يعني كده بعد ثوره 1919 كان الاحتلال الانجليزي كان محتل مصر فكان لسه الناس كانت عامله ثوره على الاحتلال الانجليزي ده وبيحاولوا ان هم يخرجوه من مصر فطبيعي ان لما واحد يكتب شعر في الفتره دي يكتب شعر حماسي يكتب شعر بيقول فيه ان هو هيفضل مع مصر وبيقول فيه اسلامي يا مصر انني الفدا بيدعي لمصر يقول لها سلامتك يا رب دايما تسلمي من كل سوء وانا فداكي رقبتي ليكي لو في اي حاجه انا هضحي بنفسي علشانك يدي يعني هذه يدي دي ايدي اهي بقومك ذي يدي ان مدت الدنيا يد لو كل الدنيا مدت ايدها عشان تقومك وتساعدك ايدي دي هتكون هي اول ايد بتحاول ان هي تقومك يدي ان مدت الدنيا يد ابدا لن تستكيني ابدا عمرك يا مصر ما هتضعفي وتستكيني انني ارجو مع اليوم غدا يعني انا بتمنى ان النهارده يبقى كويس جدا ليكي وغدا في المستقبل برده يبقى كويس جدا جدا وحلو المستقبل المشرق ليكي انني ارجو مع اليومي غدا الاثنين يبقوا حلوين حاضر حلو ومستقبل ان شاء الله حلو مش بس كده انا مش برخلاص انا بقول ان كمان ومعي قلبي وعزمي للجهاد يعني يا مصر انا بس مش هدافع عنك بقلبي وخلاص وانا كده عايز ان ادافع عنك وبتمنى لك السلامه لا ده معي قلبي وعزم يعني بمنتهى الاراده الحديديه هتلاقيني بطلع وبدافع عنك ومعي قلبي وعزمي للجهاد ولقلبي انت بعد الدين دين اوبا في ناس كتيره فهمت الراجل غلط وقالوا ايه ده هو ينفع حاجه تبقى في مكانه الدين في القلب لا نوضح لناس هنا اقروا كلام الراجل صح الراجل بيقول ولقلبي انت بعد الدين دين يعني يا مصر انا قلبي اهو اول حاجه في قلبي ديني سواء بقى كان الاسلام كان المسيحيه كان اي دين دين ي الاول هو اول حاجه في قلبي بعد الدين مصر فكان مصر دي بعد الدين على طول ولقلبي انت بعد الدين دين طب ما هي مصر دي مش دين هو ليه بيقول عليها دين هو بيشبهها ان هو بيحبها زي ما الانسان بيحب دينه لان الانسان اهم حاجه يبقى عارف عقيدته ومؤمن بيها وبيحبها جدا جدا فلقلبي او ولقلبي انت بعد الدين دين كان ده ديناني طبعا ما فيش دينين ما ينفعش حد يبقى عنده اثنين اديان ولكن هو بيقول بشكل مجازي بشكل كده جمالي خيالي ولقلبي انت بعد الدين دين لك يا مصر السلامه بيدعي لها ثاني وسلاما يا بلادي بيحيي بلده بيسلم عليها وعلى اهلها ان رمى الدهر سهامه يعني لو في يوم من الايام الزمن الظهر يعني اللي هو الزمن لو في يوم من الايام جت على مصر مصر واقفه اهي جت عليها اي سهام اي بلاوي اي مصائب اي مشاكل انا مش هسيب السهام تيجي كده انا هتقيها بفؤادي ادافع عنك يا مصر وهصد السهام دي بقلبي واسلمي في كل حين يا رب يا مصر تبقي في كل وقت كويسه وسالمه حلو جدا فهمنا نشيد قادي يبان كده شويه ان هو ا وقديم وبتاع بس لا هو في منتهى السلاثه والسهوله وجميل جدا يلا بينا نشوف المعاني سريعا علشان المعاني مهمه جدا جدا وانا قلت لكم قبل كده ان اهم حاجه عندنا المعاني علشان انتوا في مرحله بيتكون عندكم حاجه اسمها الحصيله اللغويه ان يبقى عندك كلمات كتيره تعرف تستخدمها بعد كده لما تيجي تتكلم مع الناس لما تيجي تقرا تبقى فاهم لما تيجي تكتب تكتب حاجه حلوه يلا بينا نشوف المعاني اسلمي معناها كوني في امان وسلام يدعي لها ربنا يسلمك يا مصر في امان وسلام الفدا يعني التضحيه انا هضحي بنفسي علشانك ذي يعني هذه دي هذه مدت زي ما احنا مثلناها كده بسطت يعني ايه بسطت يعني فردت كده مدت يبقى مدت يعني بسطت ابد يعني دائما ابدا لن تستكيني يعني دائما عمرك ما هتستكيني او هتضعفي او هتخضعي يعني ايه بقى تستكيني يعني تخضعي او تضعفي عرفتوا يعني ايه تستكيني يعني مش هتبقي ضعيفه مش هتبقي كده خاضعه ذليله اتقيها بفؤادي يعني ايه اتقيها بفؤادي احنا صورناها وقلنا ان السهم جاي كده فهو يعمل ايه اتقيها بفؤادي يعني اصدها بفؤادي اصدها بقلبي فؤاد يعني قلبي يبقى اتقيها بفؤادي يعني اصدها بقلبي دفاعا عن الوطن واسلمي في كل حين حين يعني ايه كلمه حين حين يعني وقت طيب عندنا كلمه ارجو انني ارجو مع اليوم غدا يعني ايه ارجو ارجو يعني اتمنى بتمنى لك يا مصر مع اليوم يعني ايه بقى اليوم ايه المقصود بيها هنا باليوم مقصود الحاضر دلوقتي انني ارجو مع اليوم يعني انا اتمنى ان الحاضر بتاعك يبقى حلو غدا هو مش قصده بكره الصبح هو قصده في المستقبل يعني بعدين فهنا غدا المراد بها المستقبل المراد بها ايه المستقبل انما اليوم مراد بها الحاضر حاضر عزمي يعني ايه عزمي عزمي يعني قوتي وارادتي معايا قلبي ومعايا القوه بتاعتي وكل الاراده بتاعتي انا عايز ان انا اعمل ده الجهاد يعني ايه بقى الجهاد الجهاد يعني الدفاع عن الوطن اسمعوا من زمان جدا عن الجهاد يقول لك زمان كان في مؤذن بيقول حي على الجهاد يعني يلا المدينه بتاعتنا او البلد بتاعتنا بتتعرض لمشكله فيلا الله كل اللي يقدر يدافع عنها ينزل ويجي ياخد سلاحه ويدافع عن الوطن. الظهر يعني ايه؟ الضهر؟ يعني الزمن. هو ازاي الضهر هيمسك سهم وينشر على مصر؟ لا ما هو بيقصد ان على مر الزمن لما بيعدي الوقت اكيد في اي بلد بيحصل لها مشاكل ومصايب زي ما احنا مثلا في 2019 او 2020 جت مصيبه على مصر. الزمن لما عدى جت مصيبه عليها كانت مثلا كورونا وهكذا فكلما الزمن بيعدي كل ما ممكن تحصل مشكله ممكن تحصل مصيبه فهنا يقصد بالظهر الزمن كل اما يعدي الوقت الزمن ايه اللي يحصل ممكن تيجي سهام هل هو هنا يقصد السهام اللي هو السهم بتاع المحارب لا يقصد بها هنا المصائب والشدائد تحصل مشكله اقتصاديه يجي عدو من الاعداء يحصل امراض كل دي حاجات بتحصل مع الزمن واحنا عايشين فالحياه مش دايما هتفضل جميله وذهبيه ولكن بيحصل مصائب وشدائد ده المقصود بالسهام وقلنا خلاص قبل كده ان حين يعني وقت حين يعني وقت حين يعني وقت طيب يلا بينا نشوف جماليات النص يعني ايه جماليات النص يعني النص ده ايه اللي خلى الناس تحبه طب هو انا ليه بدرس ايه الجماليات بتاعه النصر؟ اولا عشان اجيلك في الامتحان فبقول لك ايه بص بقول لك ايه مش عايزين ايه يعني مش هقنعكم بالموضوع بس فعلا انا لما درست الحاجات دي وانا صغير ولما درست الحاجات دي في الجامعه اكتشفت ان انا بقيت اعرف ايه الحاجات اللي بتعجبني في الشعر ايه الحاجات اللي بتعجبني في قصيده الحاجات اللي تعجبني في اغنيه الحاجات اللي تعجبني في فيلم فانت لازم تبقى عارف ليه الحاجه دي عجبتك فعشان كده احنا بندرس ده ايه الحاجات اللي خلت النص ده حلو او ايه الحاجات اللي خلته جميل عشان كده بيسموها جماليات اسلمي يا مصر هي مصر دي انسان يعني هي مصر دي انسان كده عارف لما انا اقول لك مثلا ايه حبيبي تسلم او حبيبتي تسلمي ماشي عشان انت بني ادم فانا بقول يا رب تسلم انما مصر دي مش بني ادم فانا بكلمها فبقول لها حبيبتي تسلمي يا مصر لا فهو هنا الشاعر ادى تعبير مجازيه وهنا تخيل مصر كانها انسان يدعو له بالسلامه فقال لها اسلمي يا ان مدت الدنيا يدا في هنا تعبير مجازي وانا عايزكم انتوا اللي تجيبوه ان ماده الدنيا الدنيا كلها يد هي الدنيا هتمد ايدها لا يبقى هنا حصل ايه فين هنا الخيال شبه ايه بايه ايه اللي حصل كانه ايه هنا شبه او صور الدنيا كانها انسان يمد يده حلوه سهله يبقى لما يجي يقول لك ايه الجمال في اسلام يا مصر يبقى هو صور مصر بانسان والانسان ده بيحدعي له بالسلامه مدت الدنيا يد صور الدنيا بانسان يمد يده وايه ها عشان كده جه التعبير ده جميل لانه صور الدنيا بانسان يمد يده لمساعده مصر طيب ولقلبي انت بعد الدين دين تعبير عمل قلق اللي هو ازاي مصر دين ازاي يعني ايه ده الدين اهم ناس ما فهمتش بس هو هنا كان قاصد يوضح ان مصر انا بحبها جدا انا بحب ديني كده اهو في قلبي فمصر جايه على طول لزق بعد الدين انت بعد الدين دين كانك يا مصر انت كانك زي الدين بس الدين الاول يجي بعده او لازق فيه على طول حب الوطن وحب مصر يعني لما يجي لي يقول لي ما الجمال في ولقلبي انت بعد الدين دين هقول لك ده تعبير يؤكد او يوحي بايه بالمكانه العظيمه لمصر في قلب الشاعر بعد الدين على طول يبقى قلبي انت بعد الدين دين تعبير بيوحي بمكانه مصر العظيمه بعد الدين في قلب الشاعر رمت ضهره سهامه دي طبعا معروفه وخلاص ولادي وبناتي واخواتي كلهم بقوا عارفين الموضوع ده ان رام ضهره سهامه اه ده تعبير حقيقي ولا تعبير مجازي لا الزمن مش هيمسك السهم وينشن عينينا يبقى ده تعبير مجازي طالما تعبير مجازي فهو في حاجه كانها حاجه صور الدهر او الزمن كانه ايه كانه انسان بيعمل ايه بيرمي السهام صح اوه تعبير مجازي صور الظهر انسانا يرمي بالسهام ويصوبها نحو الوطن او نحو مصر التقيها بفؤادي هو في هنا تعبير مجازي هصد بفؤادي هو الانسان لما بيصد في الحرب لما بيجي مثلا عليه سهم السهم هو بيصد بايه هو طبعا مش بيصده بقلبه لان هو لو صد السهم بقلبه الله يرحمك يا زلطه طقت في قلبه قتلته فطبعا هو في الحرب احنا مش بنتقي بالقلب انما بنتقي بالايه بنتقي بالدرع فهو صور قلبه كان هو الدرع بتاعه فهو مش خايف انا هتقيها بفؤادي يعني بقلبي كان هو الدرع بتاعي وهتقي السهام عادي جدا فهو هنا تعبير جميل صور فؤاده او صور قلبه كانه كانه انه كانه ايه؟ كانه درع يحمي به وطنه من الاعداء او من سهام الاعداء حلو سهله عرفنا التقيها بفؤاد يصور القلب بايه؟ بالدرع الذي يحمي به مصر من الاعداء واسلمي في كل حين طبعا ده دعاء لمصر بان تكون دائما في سلامه في كل وقت وفي كل حين سهله بسيطه جدا خلصنا نص اسلامي يا مصر رجعنا عليه مراجعه سريعه لذيذه وعرفنا ايه اهم المعاني اللي فيه ايه اهم الجماليات ليه حلو مين اللي كتبه ما تنسوش المعلومه دي مصطفى صادق الرافعي ويلا بينا ندخل على ثاني نص معانا طريق السعاده طريق السعاده بقى المره دي وده حاجه عجباني في المنهج بتاعنا ان منهج اللغه العربيه هو منهج مصري فلازم لما يبدا بقصيده تبقى مصريه بس هل معنى ذلك ان انا لما اشوف قصيده حلوه بره مصر او كاتبها شاعر مش مصر ماشجعش اللعبه الحلوه؟ لا وده اللي حصل اللي حصل من طريق السعاده هو نص واللي كتب النص معانا واحد اسمه صالح السويسي القيرواني وده كان واحد عايش في مدينه اسمها القيروان هل هي كانت في مصر لا انما هي كانت فين تعالوا نشوف مين الشاعر ده او كتبه ايه عنه علشان نعرف هو في انهي دوله في الوطن العربي هو اديب وشاعر تونسي يبقى هو من تونس صح ولد او ولد في مدينه القيروان فين بقى مدينه القيروان تبقى في تونس عام 1878 ميلاديا هل هو حد كده كتب قصيده لا ده كان من الكبار الكتاب والادباء في المغرب العربي وفي تونس احسن ناس كانوا بيكتبوا فن القصه كان هو منهم في المغرب في ساعتها يبقى ده كان من احسن الناس اللي بتعرف تكتب قصص حلوه جدا في المغرب في الفتره دي ليه كتير جدا من الاعمال وليه كتير من القصص ومنها يعني سيبكم من القصص من اهم اعماله واللي هندرسه هو النص اللي احنا واخدينه بتاع طريق السعاده وطبعا توفي عام يلا بينا نشوف الراجل ده قال ايه وايه هو كلامه اسم النص طريق السعاده يعني هو هيعرفنا ازاي ان احنا نبقى نبقى مبسوطين السعاده دي حاجه صعبه جدا ان احنا نلاقيها فيلا نشوف صالح السويسي القيرواني قال لنا ازاي نبقى مبسوطين هقرا لكم النصبر برده زي ما احنا عملنا مع اسلام يا مصر نفهمه كده على الطاير شوف المعاني والحاجات الثقيله وبعد كده نشوف ليه النص ده حلو او ايه الجماليات بتاعه هذا النص في الخطه كلاس بنتابع معاك حضورك وغيابك من خلال حلك للواجب والامتحانات الشامله وبنساعدك تحدد وتطور مستواك خطوه بخطوه وطبعا المتابعه مع ولي الامر من خلال التقارير بعد كل الامتحانات وكمان اني ببلغ بالتزام او حضور الطالب بشكل اسبوعي لو عايز تعرف تفاصيل اكث عن الخطه كلاس تقدر ان انت تتواصل معاهم من خلال الرقم اللي هيظهر قدامك على الشاشه المرء يسعد بالجميل الراقي ومحاسن الاعمال والاخلاق والعيش ان لم يقترن بمح حامد فكانه حبر على الاوراق واذا السريره قد صفت فاعلم بانك قد رزقت هدايه الخلاق اني احب المحسنين ومن لهم ذكر جميل ذاع في الافا فاقي ولسوف انشركم فاسعد ودم متحليا بمكارم الاخلاق ام يبدو ان النص معقد فيما يبدو سرق وعبده لا نص بسيط جدا ولما اشرحه لكم دلوقتي واقول لكم الراجل ده يقصد ايه هتلاقوا ان الموضوع سهل وسلس يلا بينا نشوف صالح قال ايه قال المرء يسعد بالجميل الراقي هل دي حاجه محتاجه شرح ان الانسان بيتبسط بالجميل الحاجات الحلوه الانسان لما مثلا لما انت تشوف انسان ثاني تكون انسان كده جميل وراقي ومهذب انسان محترم انسان اخلاقه كويسه بيمشي في وسط الناس مش بيشتم مش بيعمل حاجه انسان لما تشوفه تقول ده طالع من بيت محترم جدا ازاي كده دي حاجه تساعدك فهو بيقول المرء يسعد بالجميل الراقي ايهاني حاجه ممكن تسعد الانسان قال لك ومحاسب الاعمال والاخلاق يعني ايه ومحاسن الاعمال والاخلاق محاسن جايه من حسن حاجه حلوه حاجه حسنه فالمرء بيتبسط اللي هو الانسان بيتبسط بالانسان الجميل او الراقي او المهذب اللي عنده اخلاق حسنه اخلاقه كويسه ومش بس الاخلاق ده كمان بيعمل اعمال حسنه وبيعمل اعمال خير وبيعمل حاجات كويسه جدا والعيش يعني الحياه والعيش ان لم يقترن بمحامد يعني الحياه تقول ما انت عايش حياتك عامله كده اهو اخلاقك عامله كده اهو لو حياتك ما اقترنش يعني مازقش فيها اخلاق فايه اللي هيحصل؟ قال لك فكانه حبر على الاوراق كان الحياه دي ولا ليها اي لازمه كانها شويه حبر كده مسكت انت مثلا عايز 100 جنيه بدل ما انا اطلع المحفظه واديلك 100 جنيه فيبقى ليها قيمه فقوم انا كتبت لك كده في ورقه 100 جنيه بالحبر كده على الورق هل ال 100 جنيه اللي انا كتبتها لك دي ليها قيمه؟ لا لان دي مش ال 100 جنيه نفسها فاهمين؟ فده شويه حبر على ورق ولا ليه اي لازمه لو انا مثلا عايز عربيه قلت لك انايا اهو عربيه واديتك الورقه اللي فيها كلمه عربيه قلت لك يلا يا سيدي خد عربيه اهو هتقول لي ايه ده ده شويه حبر على ورق ده مالوش اي لازمه فالراجل بيقول لك كده بيقول لك طول ما انت عايش والعيش ان لم يقترن بمحامد يعني طول ما انت عايش وما عندكش اخلاق كويسه وما عندكش حاجات الناس شايفه ان هي كويسه واخلاق طيبه فكانه حبر على اوراق كانك مش عايش كانك ماجيتش ما حضرتش معاه اصلا لان انت حياتك ما فيهاش اخلاق انت مش بني ادم من الاخر ده اللي هو عايز يقوله بس الراجل عشان شاعر ومحترم فمش عايز يقول الكلام ده تمام واذا السريره قد صفت يعني ايه واذا السريره قد صفت عارفين لما اقول للواحد اسلك اسلكه لا تهلكه بقى عارفين ده اه يقول لك نفس الموضوع بس الواجب طبعا قديم فمش هيقول لك اسلاك هو بيقول لك السريره يعني ما داخل الانسان يعني من جواك الانسان من جوه اسمعه عن ايه طلع من جوه مش اللي هو فهو بيقول لك اذا السريره يعني اللي جوه ده قد صفط يعني سلكت كده ونصفت فاعلم اعرف فاعلم بانك انت لو لقيت نفسك سالك بانك قد رزقت يعني ربنا رزقك بايه بالهدايه ده انت ربنا هديك انت ربنا بيحبك ربنا مخليك من جوه سالك طول ما انت نضيف من جوه مش مليان حقد ناحيه الناس وكراهيه وحسد وشوف ده بيعمل ايه وشوف دي بتعمل ايه لا اعرف لو انت سالك ان ربنا هديك ان ربنا بيحبك اللي خلقك هديك اني احب المحسنين ومن لهم ذكر جميل ذا في الافاق هو هنا بيتكلم بيقول اي حد بيعمل اعمال حسنه اي حد بيعمل خير انا بحبه اني احب المحسنين ومن لهم ومن لهم ايه بقى ذكر جميل ذا في الافاق خدوا المفاجاه كلنا هنموت صح دي المعلومه اللي احنا دايما مش بنسمعها كتير او بننساها بس ما بيتبقاش من الانسان اي حاجه خالص بعد لما بينتهي او بتنتهي حياته غير ذكره يعني ايه ذكره يعني الناس بتقول عنه ايه او ايه الاخبار اللي منتشره عنه فالناس بتقول الله يرحمه ده كان كويس جدا مع الناس كان بيعاملهم بطريقه محترمه ما كانش رخم ما كانش غلس ما كانش بيغضب الا في الحق لما يكون في حاجه فيها حق او حاجه مثلا فيها دين حاجه فيها دفاع عن الوطن او ايا كان ما بيقومش او ما بيتعصبش وبيفضل على طول تعامله كويس جدا فالناس تقول بعد ما انتهي اه والله كان راجل كويس الله يرحمه افضل دعوه ولا ياه ده ريحنا والله ما كناش عايزين نشوفه ثاني فهنا الراجل بيقول ايه اني احب المحسنين الناس الحلوه ومن لهم ذكر جميل يعني الناس بتتكلم عنهم بطريقه حلوه بتذكرهم بالخير ذاع يعني انتشر في الافاق اه شوفوا المفاجاه ممكن حد يبقى في المغرب ونسمع عنه انا في مصر عشان هو كان راجل صالح وراجل محترم وراجل محسن ولسوف انشر شكركم هفضل اقول للناس يا جماعه الناس دي ناس محترمه وهفضل انشر دايما ان انا بشكركم الناس الحلوه اللي عندها اخلاق طيبه وبتعامل الناس بالحسنى سوف انشر شكركم فبيدعي لنا في الاخر فاسعد يا رب تبقى سعيد ودم يعني استمر خليك دايما مالك متحليا بمكارم الاخلاق يعني خليك متصف بالاخلاق الكويسه يلا بينا نشوف بسرعه المعاني المرء يسعد بجميل الراي يعني ايه المرء المرء يقصد بها الانسان كلمه المراه اصلا يعني الرجل المؤنث بتاعها المراه صح بس هنا وعايز يقول لك الانساني عامه سواء كان راجل سواء كان ست اي حد بيتبسط بالجميل الراقي المهذب محترم يعني ايه الراقي؟ يعني المتقدم والمهذب المتقدم والايه؟ المهذب المؤدب يعني محاسن يعني ايه محاسن؟ محاسن زي ما احنا قلنا جايه من كلمه حسن فالمقصود بها هنا ايه؟ الاعمال الحسنه الاعمال الكويسه الناس اللي بتعمل حاجات حلوه يقترن يعني ايه يقترن؟ شورت لكم بايدي كده قلت لكم العيش او الحياه العيش لازم ان هو يقترن يعني ايه يقترن؟ يعني يلازم يتلازم يعني ايه؟ يعني يجتمع يفضل لازق فيه كده ادي الصباع ده اقترن بالصباع ده يعني يجتمع معاه فضل متلازم معاه يلازمه عرفنا يعني ايه يقترن او اقترن يقترن يعني يتلازم ويجتمع طيب محامد محامد دي جايه من كلمه ايه لما انا بلاقي كلمه كده صعبه انا بحب اعرف هي جايه من كلمه ايه زي محاسن عرفت ان هي جايه من كلمه حسن فخلاص يبقى هو يقصد عن الاعمال الحسن طب محامد جايه من كلمه حمد سمعنا فين الكلمه دي قبل كده سمعناها الحمد لله يعني ايه يعني الشكر لله فمحامد يعني الحاجات المشكوره اللي الناس بتشكرها الناس مبسوطه جدا بيها فهو هنا بيقول لك محامد يعني ما يشكر الانسان على فعله ناس تشكره وتحمده تقول له شكرا ان انت عملت كده شكرا انك بس اتسمت في وشنا النهارده شكرا انك علمتنا حاجه دي محامد الناس بتشكروا عليها بس المقصود بها هنا ايه الاخلاق الطيبه الاخلاق اخلاق الطيبه ما احنا هنشكر الانسان على ايه؟ على تربيته على اخلاقه على ان هو كويس السريره قلنا السريره اللي هو ايه من جوه كده عايزين بقى نجيبها باللغه العربيه مش هنقعد نقول له في الامتحان طلع من جوه مش اللي هو فالسريره معناها ما يكتمه الانسان ويخفيه داخل نفسه يبقى السريره الانسان بيكتمه ويخفيه داخل نفسه صفت اذا السيرت قد صفت سلكت يعني ايه يعني خلت من الكره والحقد لما اقول لك اسلك يعني ما تبقاش جواك كره ناحيه الناس وحقد بتحقد عليهم كده من جوه غلاوي لا بقى صفت يعني خلت بقت فاضيه يعني من الكره والحقد الخلاق الخلاق جاي من كلمه خلق مين اللي خلق الله سبحانه وتعالى يبقى مين الخلاق المراد به الله سبحانه وتعالى كثير الخلق او الذي خلقنا وابدع في خلقنا او في خلقنا المحسنين اني احب المحسنين يعني ايه محسنين؟ اكيد كده بالعقل محسنين يعني بيعملوا حاجات حلوه يبقى المحسنين الذين يفعلون الخير ويحسنون الى غيرهم ذاع في الافاق ذاع يعني ايه؟ انتشر الافاق يعني هنا وهناك يعني ايه؟ يعني في كل مكان ذا في الافاق يعني في كل مكان دم متحليا يعني خليك متحلي يعني ايه متحلي بص هو متحلي جايه من كلمه حلي يعني ايه حلي حلي يعني زينه عارفين الزينه عارفين مثلا الانسان لما يلبس مثلا ساعه فيقول لك ايه ده تحلى بالساعه لبس مثلا حاجه حلوه لبس ساعه حلوه لبس مثلا خاتم فضه كويس فدي كلها زينه فهو بيشبه لك الاخلاق كانها الزينه بتاعتك فبيقول لك خليك متحليا يعني متزينا يعني متصفا بمكارم الاخلاق يبقى متحليا يعني متزينا بس المقصود بها ايه متصفا بمكارم الاخلاق اخلاق كويسه جامد جامد يلا بينا بقى نشوف اهم المضادات يسعد مبسوط عكسها او مضادها يشقى صح الجميل مضادها القبيح الراقي مضادها المنحط او الوضيع تحت جدا بدل ما هو مهذب ومتقدم وراقي لا منحط ووضيع محاسن مضادها مساوئ حاجات حلوه محاسن الاعمال الحسنه عكسها الاعمال السيئه فمحاسن مضادها مساوء يقترن مضادها ينفصل عن يقترن اللي هي معناها يلتزم او يلزم او يجتمع عكسها او مضادها ينفصل عن محامد قلنا ان دي حاجات بنشكر الناس عليها عكسها معايب يعني بنعيب الناس بيها عكسها معايب ومذمات معايب ومذمات طيب السريره قلنا ان دي حاجه من جوه يبقى عكسها العلانيه والظاهر طيب صف مضادها تلوثت وتكدرت هدايه ربنا هدى واحد عكسها ايه خلاه مش فاهم اي حاجه خلاه ضال شارد ما يعرفش اي حاجه يبقى هدايه مضادها ضلال واحب احبه هنا دي كانت يعني التشكيل بتاعها في النص احبه احب احب احب حد عكسها اكره وابغض ابغض دي اللي هي حاجه اعلى من الكراهيه اللي هو انا مش طاير خالص المحسنين قلنا الحسنى عكسها السوء يبقى المحسنين عكسها المسيئين اهي شوفوا كده الهمزه بتتكتب فين بتتكتب ما بين الياء والياء ذاع ذا قلنا معناها انتشر يبقى عكسها اخفي عكسها اخفي طيب شكر او شكر شكر ولا سوف انشر شكركم هفضل اشكر فيكم شكر مضادها جحود يعني انا مش هشكركم ولا كانكم عملتوا حاجه يلا بينا نشوف ليه النص ده حلو ايه الجماليات اللي فيه عشان لما يسالنا سؤال يقول لك ما الجمال في كذا يعني ايه اللي خلى الحاجه دي حلوه والعيش ان لم يخترن بمحامل ايه اللي خلى الجمله دي حلوه جمله والعيش ان لم يقترن بمحامد هو هنا بيوضح اهميه ان الاخلاق الطيبه تفضل ملازمه لحياه الانسان يعني دي حياتك دي الاخلاق طول ما انت عايش اخلاقك ماشيه معاك مش متاخره تفضل على طول اخلاقك معاك فده تعبير جميل بيوضح ايه اهميه الاخلاق الطيبه مع او في حياه الناس يبقى ده زائد اخلاق زائد حياه فكانه حبر على الاوراق هو الحياه مهما الانسان عاش هي الحبر اللي على الورق لا ما انت حياتك دي حاجه حقيقيه مش مجرد حبر على ورق فهو هنا بيصور حياه الشخص اللي ما عندوش اخلاق كانها شويه حبر على ورق نقول ازاي الكلام ده باللغه العربيه تعبير طبعا مجازي لان الحياه مش حبره على ورقه صور فيه الشاعر يعني تخيل صور فيه الشاعر ايه حياه الناس التي بلا اخلاق كانها حبر حبر على الورق كانها ايه؟ حبر على الورق كان حياه اللي ما عندوش اخلاق بتساوي حبر على ورق يعني كانه مش عايش اي كلام صح ماشي واذا السريره قد صفت ده تعبير مجازي خيالي صور فيه السريره من جوه بانها ايه صور فيه السريره كانها ماء صافي نظيفه من جوه فاعلم بانك قد رزقت هدايه الخلاقه في هنا تاكيد هو ما قالكش فعل اعلم رزقت هدايه الخلاق اعرف انت اترزقت خلاص هدايه الخلاق لا فقال لك فاعلم بانك قد فهو بياكد لك المعلومه بان وقد يبقى انت هنا تقول ايه هتقول ده اسلوب هتقول ده تعبير يؤكد فيه الشاعر على ان الانسان قد رزق هدايه الله او هدايه الخلاق اكد ازاي بان وقد اهي ادي ان وادي قد حلو اعلم اسعد دم دي افعال ايه؟ اعلم ده فعل ماضي عدى لا هل ده فعل بيحصل دلوقتي لا اعلم انا بامرك اعرف اسعدط خليك دم بس كده خلصنا نصاني اه حاسين النصوص ان فيها كده انا دايما بحس ان فيها عبره فيها عظه فيها حاجه بتخليني انا نفسي بتحمس لو انتوا لاحظتوا مثلا وانا بشرح في القراءه او انا بشرح اشرح في الاستماع اوما اجي اشرح بعد كده تقول لي لما باجي اشرح في النصوص ونيجي نغني نص ونيجي نشوف هو ليه حلو ونفهم معناه الواحد بيتحمس جدا جدا جدا لان زي ما انا كنت بقول الشعر ده تراث العرب يعني ايه تراث العرب يعني دي الحاجه اللي احنا بنورثها من الناس كل لما بيعدي الزمن احنا دلوقتي في 2025 عمالين ندرس في نصوص لناس ماتت من 1880 ولا ناس ماتت في 1941 ناس اتولدت في 1800 عادي فده ده ميراث ده احنا كمان في عندنا اشعار حافظينها وعارفينها من قبل ما الرسول يتبعث اشعار مثلا من اكت من 1500 سنه ولسه احنا حافظينها لحد دلوقتي فكاننا ورثناها كانها فضلت بتتنقل من جيل لجيل لحد ما وصلت لنا وعرفناها شاعر حاجه مؤثره يلا بينا ندخل على النص الاخير وبصراحه زي ما انا قلت على اول نص اللي هو بتاع اساميه مثل ان هو اكتر نص انا بحبه فاحب اقول على طريق السعاده اللي خلصناه ده اكتر نص فيه قيمه النص ده هو اسهل واحد فيهم بقى اسهل واحد كمعنى وكمحتوى وككل حاجه هو اصلا اسمه في البوست في الجنينه احنا دلوقتي خارجين مع الشاعر ابراهيم فين ابراهيم ابراهيم عمر عياد خارجين معاه رايحين الجنينه صح ونشوف ايه اللي فيه مين ابراهيم عمر عياد ده شاعر بس مصري برده معاصر يعني هو في الفتره دي مش مثلا من سنه 1900 1800 الكلام ده لا هو يعتبر يعني ايه لسه عايش يا جماعه لسه موجود معاه شاعر مصري معاصر ولد في مدينه ابو النمروس فين ابو النمروس دي في الجيزه خدنا بالنا امتى سنه 1987 هو كده معاصر اه بالنسبه للشهره اللي احنا عمالين ندرسهم واحد توفي 1941 وواحد توفي 1000 فده طبعا راجل معاصر جدا صح طيب حصل على الماجستير في البلاغه والنقد في جامعه عين شمس يعني كان بيعرف ان هو لما يشوف اي شعر كده معاه ماجرستيل في البلاغه والنقض ان هو يبقى عارف ليه الشعر ده حلو ويعرف يميز الشعر الحلو من الوحش فطبيعي لما يجي يكتب حاجه خفيفه هيكتب لنا حاجه ظريفه جدا للاطفال له العديد من الاعمال الادبيه بيكتب حاجات ادبيه واعمال واشعار حلوه جدا يلا بينا نشوف يلا بينا نشوف جلست امي تحكي يوما عن اصحاب في البستان رسموا شجرا رسموا مطرا رسموا طيرا يشدوا فرحا والريش بديع الالوان رسموا نهرا يجري دوما يسقي وطني شهدا عذبا يهدي ظهرا للانسان هيا نحمي هذا الوادي هيا هيا يا خلاني هيا هيا يا خلاني سهل مش محتاج بصراحه يعني البستان قلنا معناها جنينه فيها نخيل او حديقه بها نخيل يشدو يشدو يعني يغني صح يغني فرحا مبسوط فبيغني طير بيغني الريش ايه هو الريش بيبقى على ايه بيبقى على الانسان لا طبعا يبقى ما يكسو جسم الطائر يعني ايه يكسو يعني بيغطيه بيكسيه كده ما يكسو جسم الطائر بديع بديع يعني ايه بديع يعني جميل وحسن بديع يعني ايه جميل وحسن طب هو امتى قال بديع قال والريش وبديع الالوان يعني الريش كان بديع جدا وجميل جدا وحسن طيب ايه اهم الكلمات اللي عندنا هنا دوما يعني ايه دوما يعني باستمرار وطني ايه هو الوطن الوطن هو مكان اقامه الانسان المكان اللي هو عايش فيه ايا كان المكان اللي انت عايش فيه فده يبقى وطنك لو انت عايش في السودان فانت هتبقى سوداني فده يبقى وطنك وبلاش القلشه العنصريه اللي جت في دماغ الناس دي لو انت مثلا قاعد في الجزائر تبقى جزائري فهيبقى وطنك الجزائر انت عايش في مصر فيبقى عطنك مصر تبقى انت مصري يبقى الوطن هو المكان الاقامه اللي انت بتقعد فيه وتستقر فيه قلنا او هو قال ان النيل او النهر ده بيسقي الوطن شهد عزب بيسقيه عسل فشهد معناها عسل بس هل هو فعلا نيجي مثلا ميه النيل كده اهو نعمل كده اهو نلاقي عسل لا هو مقصود بها ماء عادي جدا ماء عزب ماء حلو مش مالح زي ماء البحر ولكن هو ايه تعبير مجازي كده خيالي جه قال ايه يسقي وطني شهدا عزبا هو بيحب ميه النيل جدا فصورها كانها العسل عسل حلو عذبا يعني حلوا مش مالح يبقى عذبا عكسها مالح انما معناها حلوا نهر يعني ايه نهر لو في حد ما يعرفش فده مكان بيجري فيه شويه ميه بس الميه دي حلوه ولا مالحه لا عازبا عشان كده عكس النهر البحر ليه؟ النهر هو مجرى الماء العدو ميه حلوه ماشيه في مكان بتجري يبقى ده اسمه نهر يهدي يعني ايه يهدي يهدي جاي من كلمه هديه فيهدي يعني يعطي هديه هيا يعني يلا بسرعه اسرع هيا معناها اسرع نحمي يعني ايه نحمي نحمي يعني ندافع عن هذا النهر او نحا حافظ عليه ان احنا ما نرميش فيه اي حاجه الوادي المراد بالوادي ايه مصر خلاني معناها ايه هيا هيا يا خلاني يعني يلا يا صحابي الشاعر هنا شايف ان اصحابه هم اللي هيحافظوا على ميه النيل وهم اللي مش هيلوثوها او يعملوا فيها اي حاجه طيب يلا نشوف المضاد تحكي الام عماله تحكي مضادها تصمت اصحاب مضادها اعداء يشدو يغني عكسها يبكي فرحا عكسها حزنا فرحا فرحا يعني سعيد يعني مبسوطها حزينا ناخد بالنا ان الكلمه اللي في النص دي يشدو دي مش فرحا دي فرحا لازم ان انا انبه عليكم على ده يشدو فرحا يعني يشدو هو مبسوط فرح يعني سعيد مش فرح اللي هو السعاده لا فرحا يبقى مضادها فرح يعني مبسوط سعيد مضادها حذي بديع بديع قلنا معناها جميل مضادها قبيح وحش جدا سيء شهدا يعني ايه شهدا شهدا معناها عزبا وحلوا شهدا قلنا ان معناها عسل يبقى مضادها مرا حاجه مره عكسها حاجه عسل مسكره عذبا يعني حلوا زي ما قلنا ماء عذب عكسها ماء مالح ميه النهر وميه البحر يبقى عذبا مضا مالحا يبقى يبقى خدوا بالكم ان شهدا هي اللي مضادها مرا وعزبا هي اللي مضادها مالحا خدوا بالكم مين مض يهدي انا بديك هديه مضادها ياخذ نحمي ندافع عن عكسها نضيع او نهمل او نهاجم نحمي الوادي او نحمي النيل عكسها نهمله نطنشه او نضيعه او نهاجمه نرمي فيه حاجات طبعا ده كله غلط طيب دوما باستمرار عكسها ايه او مضادها ايه احيانا او مضادها نادرا او مضلها منقطعا طيب ايه الحاجات الجميله هنا في النص خلوني افكركم ان الجماليات او مواطن الجمال هي الصور والتشبيهات والتعبيرات اللي بتخلي النص ده يمين زي ايه زي لما احنا اخدنا قبل كده ان رمى الدهر سهامه ده كان تعبير حقيقي حقيقي ولا مجازي؟ ده كان طبعا تعبير مجازي الزمن مش هيمسك السهم وينشن على مصر انما التعبير الحقيقي ايه؟ انكسرت الازمات على مصر فالشاعر بدل ما يقول التعبير الحقيقي الممل ده انكسرت الازمات على مصر قال لك ان رمى الدهر سهامه نفس الموضوع حياه من ليس له اخلاق كانها حبر على الاوراق هل ده تعبير حقيقي ان حياه حد تبقى عباره عن حبر على ورق لا طب هو كان عايز يقول ايه حياه من ليس له اخلاق لا فائده لها مالهاش اي لازمه فده تعبير حقيقي انما ده مجازي بنفكركم بس انهي الحقيقي وانهي المجازي طيب اول مواطن جمال معانا او اول حاجه خلت النص ده حلو ان هو قرر كلمه رسم رسم رسم رسموا فين ده اهي رسموا شجرا رسموا مطرا رسموا طايرا رسموا نهرا هو ليه عمال يقول رسموا ليه ما قالش مره واحده رسموا شجرا ومطرا وطيرا ونهرا ويخلص نفسه لا لو هو قال رسموا كل الحاجات دي مره واحده هيحسك ان هم ما رسموش حاجات كتير انما هو قال لك قعد يكرر في كلمه رسمه عشان يقول لك ان قد ايه ده كان في حاجات كتير جدا يرسموها ومتنوعه فهم بس مش رسموا الشجر دول رسموا الشجر ورسموا المطر ورسموا الطير ورسموا النيل او النهر ورسموا الزهور صح طيب يبقى تكرار كلمه رسموا بيدل على تنوع مظاهر الجمال في الطبيعه وبيدل على كثر كثره الحاجات الحلوه وكثره ما هو جميل ورسموه حلو يشدو فرحا هو الطائر هيقعد يمسك ميكروفون ويقعد يغني لا طبعا فده تعبير جميل صور فيه الشاعر الطائر كانه انسان يغني وهو سعيد حلو يسقي شهدا لحظه واحده هو ماء النهر ده اللي بيجري عباره عن عسل يعني نجيب برطمانات بقى ونقفل وناكله مع الفطير المشلتت لا يبقى هو هنا تعبير جميل شبه ماء النهر او ماء النيل كانه عسل يهدي ظهرا هو النيل هيقوم يشوف انسان معدي فيقوم جايب له ورده ويديها له هديه لا صور النهر بانه انسان يعطي الزهور كهديه بيجيب هدايا ورد وشيكولاته طيب هيا هيا يلا بينا هيا طب هو ليه ليه ما قالش هيا مره واحده بس ليه كررها هو هنا تكرار كلمه هيا علشان يؤكد ان دي حاجه لازم نعملها لما نقول لك يلا يلا يا اياد يلا يلا كده يلا يا مالك يلا يا حلب كده بستعجلك بكرر لك كتير عشان اكد لك ان انت لازم تقوم كده نكون راجعنا بسرعه جدا على النصوص يا رب تكونوا استفدتوا جدا ويا رب يكون لو في اي حاجه انتم مش فاهمينها تكونوا فهمتوها او لو في حاجه انتوا لسه مش فاهمينها قولوا عادي واحنا نشرحها ونكررها ونحاول ان احنا نوضعها بكذا شكل حاولت ان انا اراجع معاكم ان شاء الله موفقين وسؤال الشعر انتوا كده كده عارفين النصوص تكونوا راجعتوها تكونوا عارفين المعاني بتاعتها ليه الحاجات دي حلوه وايه التعبيرات الخياليه اللي حصلت فيها وتعرفوا تشرحوها كويس جدا انا واثق جدا جدا في كل الناس اللي بيتفرجوا عليا كل اخواتي الشباب والبنات وبالتوفيق يلا بينا ندخل على الفرع اللي