الدرس الرابع علوم الصف الثاني الاعدادي ‪طرق انتقال الحرارة المنهج الجديد مستر محمد ابراهيم 2026

بسم الله الرحمن الرحيم السلام عليكم ازيك يا باشمهندس وازيك يا دكتوره صلوا على سيدنا محمد عليه الصلاه والسلام ومش عايز اكون قيل عليكم انا بقول لك حط لايك بس على الفيديو ده عشان يوصل محتوى للناس حط لايك وركز معايا في المقدمه دي كده الله يكرمك بص يا بطل لو احنا معانا جسم وجسم تاني ملامس ليه ركز بقى معايا في المقدمه كده ربنا يرضى عنك المقدمه مهمه لو انا معايا جسم درجه حرارته 80 درجه سلسل وجسم ثاني درجه درجه حرارته 40 درجه سيلسيوس تتوقع مين الجسم اللي هيدي للتاني حراره الحراره هتمشي منين لفين وهي اصلا هتمشي ايوه طبعا الحراره هتمشي وبتمشي دايما من الجسم الساخن للجسم البارد الحراره بتمشي كده طبعا هم الاجسام متلامسه زي ما انت شايف لازم يلمسوا بعض عشان الحراره دي تمشي من واحد للثاني الجسم ده هو الاسخن الاسخن يعني ايه الاسخن يعني اللي درجه حرارته اعلى وده الجسم الاقل سخونه ما تقوليش بارد ده درجه حرارته 40 ده الاقل سخونه الاقل سخونه يعني لدرجه حرارته اقل فهنا الحراره مشيت من الجسم الساخن للجسم الاقل سخونه عند تلامسهما وهنا يقول لك ان في مبدا مبدا لانتقال الحراره ان الحراره دايما بتنتقل من الجسم الساخن للجسم البارد او الاقل سخونه خلاص عند تلامسهما طب لو انا جبت شويه ميه يا باشمهندس وحطيتهم على البوتاجاز لحد الميه دي ما بدات تغلي ودرجه حرارتها اصبحت 100 درجه درجه سليسيوس وبعدين قمت رايح جاي على النار دي طافيها بعد ما الميه وصلت ل 100 درجه سليسيوس وبعدين خدت الاناء ده سبته هنا في جو الغرفه او قفلت عليه النار ومشيت ونسيته خمس دقاق مثلا رحت ورجعت فبقيس درجه حراره الميه دي لقيت ان درجه حراره الميه دي ما بقتش 100 بقت 60 درجه سليزيوس قال لها ليه درجه حراره الميه قلت ايه اللي حصل انا اقول لك ايه اللي حصل الميه اللي انت كنت حاطتها في الاناء كانت سخنه وده نظام والنظام ده درجه حرارته عاليه درجه حرارته 100 درجه سلزيوس فلما حضرتك سبته في الوسط المحيط الوسط المحيط اللي هو جو الغرفه كان درجه حرارته 25 درجه سلزيوس وده درجه حرارته 100 تتوقع ايه؟ الحراره هتمشي من النظام للوسط المحيط بسبب اختلافهم في درجه الحراره يا ركز لازم يكون في اختلاف في درجه الحراره ما بين النظام والوسط عشان الحراره تمشي من واحد للثاني هنا النظام بتاعنا هو اللي هيدي للوسط المحيط حراره اشمعزه عشان درجه حرارته اعلى فهنا كان في مبدا عشان الحراره تمشي من الوسط او من النظام للوسط او من الوسط للنظام ان هم الاثنين يكون في اختلاف في درجه الحراره بتاعتهم واحد درجه حرارته 100 والتاني 25 هوب اللي عالف درجه الحراره يدي الاقل فهنا الحراره بتمشي من النظام للوسط مش العكس طب لو كان النظام بتاعنا درجه حرارته اقل كان في ثلج مثلا يبدا يسحب حراره من الوسط المحيط فانا عايز اقول لك ايه؟ عايز اقول لك ان في طاقه بتنتقل من نظام لنظام ثاني او حتى بتنتقل من نظام لوسط محيط بس بشرط يكون في فرق في درجه الحراره بتاعتهم الطاقه دي هي الحراره انا جاي اعرف لك الحراره بقى يا سيف الحراره هي الطاقه اللي بتنتقل من نظام لنظام ثاني او من نظام الى الوسط المحيط ولكن لازم يبقى في شرط ان يبقى في اختلاف في درجه حراره النظامين او النظام الوسط هو هو ده اللي انا عايز اقوله في البدايه ايوه هو ده اللي انا عايز اقوله في البدايه الحراره هي الطاقه التي تنتقل من نظام لاخر او حتى من النظام للوسط المحيط بس والله العظيم ما هتنتقل الا بسبب اختلافهم في درجه الحراره طب يا مستر لو درجه حرارتهم واحده يعني انا مثلا لو سبت الميه دي يوم كامل في الغرفه بعد انا ما خلاص ركز كده انا سخنت الميه دي وبعد ما سخنتها وصلت ل 100 درجه سليزيوس سبتها يا سيدي يوم كامل خالص ورحت مشوار ورجعت هرجع الاقي ان درجه حراره الميه ميه 25 درجه سلزيوس ودرجه حراره الوسط المحيط 25 درجه سلزيوس ايه اللي حصل؟ الاثنين بقوا هم الاثنين يعني نفس درجه الحراره وصلوا لحاله اسمها حاله الاتزان الحراري خلاص احنا الاثنين درجه حرارتنا واحده لا انا هديك ولا انت تاخد مني ولا انا اخد منك ولا انت تديني خلاص بقينا احنا الاثنين نفس الدرجه ساعتها كده ما فيش حراره بتنتقل ما فيش طاقه هتنتقل بقى من النظام للوسط او حتى من الوسط للنظام وصلنا لما يسمى بحاله الاتزان الحراري فعند عند وضع اناء به ماء يغلي درجه حرارته 100 في درجه حراره الغرفه لدرجه حرارته 25 درجه فان الماء سرعان ما يبرد ليه الماء هيبرد سيبك من كلمه سرعان دي دلوقتي ليه الماء بيبرد ويعني ايه يبرد يعني بيفقد حرارته ليه لان الحراره بتمشي من النظام اللي هو اعلى في درجه الحراره للنظام الاقل او حتى من النظام الاعلى في درجه الحراره الى الوسط الاقل في درجه الحراره ومن هنا بنعرف تعريف الحراره الطاقه الحراره دي طاقه التي تنط انتقل من نظام لاخر او من النظام للوسط المحيط بشرط وجود فرق في درجه حرارتهما بسبب اختلافهم يعني في درجه الحراره طب انا عندي سؤال مااررفش مستواك ياهلك انك تجاوبه ولا لا فلو انت مستواك عالي خش معانا على السؤال وجاوبه وانت كمان يا عم الليي بتعتقد ان مش ان مستواك مش عالي ما تيجي تجرب ما يمكن انت اللي تجاوبه واللي مستواه عالي ما يجاوبوش تعالى كده نشوف السؤال مع بعض بص يا سيدي سيبك من المنهج خالص انا دلوقتي جبت اناء وفي ميه ميه وبعدين رحت جايب صمولات من المعدن كرات يا سيدي حديد كرات اللي هي الصمولات الصغيره دي وقمت ماسك الميه بالكرات دي مسخنهم لحد ما وصلت درجه حرارتهم 100 درجه سليسيوس الميه وصلت لدرجه الغليان اذا الماء درجه حرارتها 100 والصمولات او الاجسام المعدنيه اللي موجوده جوه الميه درجه حرارتها 100 برده فالخليط ده كده على بعضه درجه حرارته 100 الميه والصمولات ورحت جاي يا سيدي ماسك الصمولات ومطلعهم في طبق وحطيتهم هنا بسرعه وجايب الميه وسايبها وقمت سايبهم الاثنين في جو الغرفه يعني عملت اخدتهم الاثنين حطيتهم على النار لحد ما الميه غليت فهم الاثنين كل واحد فيهم درجه حرارته 100 وبعدين رحت مطلع الكرات السخنه دي حطيتها في طبق وساب الميه اللي كانت بتغلي زي ما هي وبعدين عاوز الاحظ اسمع كده مين فيهم اللي هيبرد اسرع يعني ايه هيبرد اسرع ما انا عايز ابقى فاهم يبرد اسرع يعني يفقد الحراره بتاعته اسرع طبعا هم الاثنين هيفقدوا حراره لصالح الوسط المحيط ليه؟ ليه دي انت اللي تجاوبني عليها لان درجه حرارتهم اعلى من الوسط فهم اللي يدوا للوسط مش في طاقه اسمها الحراره بتنتقل من الجسم الاعلى للجسم الاقل من النظام الاعلى الى النظام الاقل او من النظام الاعلى الى الوسط المحيط الاقل في درجه الحراره فاللي درجه حرارته عاليه بيفقد حراره لصالح اللي درجه حرارته اقل فطبعا هم الاثنين درجه حرارتهم 100 يفقدوا لصالح النظام اللي درجه حرارته 25 ده هيفقد وده هيفقد ولكن لو جينا نبص هنلاقي ان الكرات تبرد اسرع معرفش انت كنت جاوبت ولا لا بس انا جاوبت مكان ليه الكرات هتبرد اسرع من الميه يعني مثلا بعد دقيقه او بعد دقيقتين جيت اشوف درجه حراره الميه هلاقيها 70 درجه سلزيوس لو جيت اشوف درجه حراره الكرات المعدنيه هلاقيها مثلا 50 درجه سلزيوس مثلا بدي ارقام وخلاص طب ليه طيب ليه الكرات المعدنيه بتفقد الحراره بتاعتها بسرعه ليه الكرات المعدنيه هي بتبرد بشكل اسرع ارجع للحصه اللي فاتت بقى لان نوع الماده بيفرق نوع الماده يعني ايه الحراره النوعيه يا باشا الحراره النوعيه للميه كبيره ولما تكون الحراره النوعيه للميه كبيره تكتسب الحراره ببطء وتفقدها ببطء وده كانت حكمه الهيه موجوده في اجسامنا ان ربنا سبحانه وتعالى عمل الميه في اجسامنا ما عملش اجسامنا من ماده ثانيه لان الميه الحراره النوعيه بتاعتها كبيره فبتفقد الحراره ببطء وتكتسبها ببطء وده يخلي درجه حراره الميه اللي جوه اجسامنا ما تتغيرش بسرعه عند تغير درجه حراره الوسط المحيط وده اللي بيحافظ على اجسامنا زي ما احنا عايشين كده فعشان كده الميه بتفقد الحراره ببطء وتكتسبها ببطء لكن المعادن بتكتسبها بشكل اسرع من الميه وتفقدها بشكل اسرع من الميه ففقد الحراره او اكتسابها بيرجع لنوع الماده اللي هو الحراره النوعيه بتاعتها وبما ان الحراره النوعيه للميه كبيره واكبر من اي ماده ثانيه لذلك هي تكتسب الحراره ببطء وتفقدها كمان ببطء وهو ده السبب اللي خلى المعادن او الكرات المعدنيه تبرد بشكل اسرع لان الحراره النوعيه بتاعتها اقل من الحراره النوعيه للميه هي دي مقدمه الحصه اتمنى تكون فهمتها كامله خدت مننا ثمان دقاق بس صدقني خدت مننا جزء كبير جدا من الحصه وهتاثر في فهمناها للحصه ناكد على الملحوظه دي اهي يا سيدي انا بقول لك تذكر ان الحراره النوعيه للماء كبيره واكبر كمان من اي ماده اخرى خصوصا المعادن ما يعني ان المعادن او حتى الميه ابدا باللي تبدا بيه انا هنا بادئ بالميه معنى كده ان الميه بتكتسب الحراره ابطا من المعادن وتفقدها كمان ابطا من المعادن طب ليه كنت بديك الملحوظه دي وبقول لك افتكرها هقول لك انا ليه الراجل عامل عندك تجربه في الكتاب ما تيجي نشوف التجربه تجربه خطوات وهنلاحظ بس حاجات ونستنتج حاجات هنسالك عليها في الامتحان ايه هي التجربه قال لك هتجيب نظام معزول يعني ايه نظام معزول يا دكتوره الليي ما بتذاكريش يعني ايه نظام معزول يا دكتور يس ان انت خلاص مقفل الماده مع انك ما بتذاكرش النظام المعزول نظام لا بيفقد حراره ولا بيكتسب انا عزله تماما زي ترمس الشاي كده بيقول لي سجل درجه حراره كميه من الماء في اناء معزول حطيت شويه ميه في اناء معزول ودخلت ترمومتر لقيت درجه حرارتهم 20 ركز احنا بنعمل تجربه مش بنحفظ خطوات انا عاوزك تركز معايا على الملاحظه والاستنتاج بس خطوات التجربه هنعملها مع بعض طيب المهم قال لك وضع كرات معدنيه في حمام مائي شويه ميه موجودين ين في مخبار المغبار ده قابل انك تسخن فيه عادي يغلي لفتره زمنيه معينه بيعمل ايه بيغلي طالما بيغلي يبقى وصلنا الى 100 درجه سليزيوس هتلاقي حضرتك ان الميه درجه حرارتها 100 والكرات المعدنيه برده اللي انت حاطتها جوه الحمام المائي جوه الميه اللي بتغلي درجه حرارتها 100 درجه سيلسيوس خلاص طيب قال لك بعد ما تعمل الحركه دي خد الكرات المعدنيه بعد ما حضرتك تكون حطيتها في الحمام المائي وبعدين حطها لنا هنا في الميه اللي درجه درجه حرارتها 20 درجه سيلسيوس خلاص طيب بص كده معايا بيقول لك انقل الكرات المعدنيه من الماء المغلي الى الماء البارد وقاعد تسجيل درجتي حرارتهما معا عايز اجيب درجه حراره الخليط دههو طب استنى استنى بالله عليك تتوقع ايه حاطط حاجه سخنه في حاجه بارده طبيعي جدا العقل البشري يقول لك بعد ما اخدنا حتى المقدمه اللي خدناها النهارده ان الحاجه اللي كانت بارده انا بكلمك بالبلدي اهو تبدا درجه حرارتها تعلى والحاجه اللي كانت سخنه والله يا عم بكلمك شغل مسطبه وانت بتحب كده وانا بحب كده الحاجه اللي كانت سخنه هتبدا درجه حرارتها تقل صح ليه؟ لان عندنا مبدا لانتقال الحراره ان الحراره بتنتقل من الجسم الساخن للجسم البارد حصل حصل والله العظيم ففعلا هو ده اللي هيحصل هنلاقي ارتفاع لدرجه حراره الميه الميه كانت بارده درجه حرارتها 20 هنلاقي ان درجه حرارتها بدات تعلى عن 20 بدات توصل ل 28 درجه سيلسيس عرفت منين انها وصلت ل 28 ما احنا معانا ترمومتر يا ابني معانا معانا ترمومتر اهو يا حبيبي بنحط الترمومتر في الميه ونقيس درجه حرارتها وبنلاقي انخفاض طبعا في درجه حراره الكرات المعدنيه درجه حرارتها كانت 100 ليه؟ لانها كانت موجوده في ماء بيغلي الميه اللي كانت بتغلي 100 والكرات اللي جواها 100 برده فهتنخفض درجه حراره الكرات من 100 الى 28 بس هنا في ناس هتعدي الارقام وفي ناس هتقف عندها انا واحد من الناس بقف عند الارقام وانت لازم تقف معايا انت متخيل الميه تعال هنا الميه كانت 20 طلعت ل 28 درجه سليسيوس والكرات كانت 100 ووصلت او نزلت لحد 28 درجه سلسيوس يا عفو الله الرحيم الميه زادت مان درجات والمعدن فقد بص كام 100 - اين وكام 72 درجه ايه ده ايه ده الميه اكتسبت مان درجات بس والمعدن فقد 72 درجه ايه ده؟ ده ما فيش تكافؤ فرص. لا هو في تكافؤ فرص وكل حاجه. يا حبيب قلبي الحراره النوعيه للميه كبيره وعشان كده ما بتكتسبش الحراره بسرعه او بسهوله. بتكتسبها اه بس بتاخد وقت وعشان كده اكتسبت حراره ثمان درجات فقط في حين ان الحراره النوعيه للمعادن صغيره ففقدت الحراره بسرعه. الارقام دي تقول لك ايه السبب؟ ايه السبب اللي خلى الميه توصل ل 28 زادت الدرجه بتاعتها بمقدار 8 درجات بس اما المعدن كان 100 نزل ل 28 فده يقول لك ان الحراره النوعيه ليها دور في الموضوع ده نوع الماده اثر في اكتسابها وفقدها للحراره ما احنا اتكلمنا الكلام ده اتكلمنا فيه الدرس اللي فات ف وطبعا لازم حاجه حاجه كمان تلاحظها ان هم الاثنين وصلوا الى درجه حراره 28 ده فقد وده اكتسب بس هم الاثنين بيوصلوا لدرجه حراره واحده ساعتها كده لا واحد فيهم بيفقد ولا حتى الثاني بيكتسب اللي هي درجه حراره الاتزان هم الاثنين وصلوا الى درجه حراره 28 درجه سليزيوس اصبحت درجه حراره الخليط 28 درجه سليزيوس ولعلك لاحظت ان بترتفع درجه حراره الماء بمعدل اقل من انخفاض درجه حراره الكرات المعدنيه وده بيرجع للحراره النوعيه يا باشمهندس لان الحراره النوعيه للميه كبيره وده اللي خلاها تك تكتسب الحراره ببطء وترتفع درجه حرارتها ببطء اما الحراره النوعيه للمعادن صغيره وده اللي خلاها تخفض او تفقد درجه حرارتها بسرعه وتنخفض درجه حرارتها بسرعه خلاص فاحنا بنعمل التجربه دي عشان ناكد لك ان الحراره النوعيه بتلعب دور مهم جدا في فقد او اكتساب الماده دي للحراره خلاص طيب في عندي كمان ملحوظه ماارفش انت لاحظتها ولا لا كانت اقل درجه حراره عندك 20 واكبر درجه حراره عندك هي 100 صح مش انت كنت حاطط كرات درجه حرارتها 100 وكنت حاطط كمان الميه اللي عندك درجه حرارتها 20 فانت لما نزلت حاجه درجه حرارتها 100 على حاجه درجه حرارتها 20 اصبحت درجه حرارتهم هم الاثنين مع بعض هتبقى حاجه ما بينهم 28 لازم تبقى اعلى من درجه حراره اقل واحد فيهم واقل من درجه حراره اكبر واحد فيهم درجه حراره الخليط دههو هتبقى ما بينهم يعني فال 28 اللي طلعت دي تلاقيها اكبر من درجه حراره الميه واقل اقل من درجه حراره الكرات دي حاجه بس كنت عايزك تلاحظها بس مش اكتر كل دي حاجات لازم تلاحظها من التجربه لانها هيجيب لك عليها اسئله وهيسالك عليها اسئله دلوقتي كويسه فالتجربه اللي قدامنا دي تجربه وصلت لنا اكث من ملحوظه مهمه جدا وخصوصا الملحوظه اللي تحت اللي تخص الحراره النوعيه للميه والمعاد دي احنا اصلا عارفينها من الدرس اللي فات كمان ان درجه الحراره النهائيه للخليط هتبقى موجوده ما بين اقل درجه حراره واعلى درجه حراره اقل درجه حراره كانت 20 واكبر درجه حراره كانت 100 لما حطيتهم على بعض درجه حراره الخليط ده يا باشمهندس هتوصل معانا لحاجه اكبر من 20 واقل من 100 طولنا في التجربه بس صدقني كل ده لازم تبقى واقف على رجلك فيه عشان لما تيجي تحل تبقى فاهم نكمل طيب انت تعرف تجاوبني على الاسئله دي دلوقتي وخلي بالك لان في كلمه بس واحده لو اتغيرت في السؤال اجابه السؤال تختلف ماذا يحدث عند تلامس نظامين ادي اول كلمه عايزك تركز عليها غير معزولين طالما الانظمه غير معزوله اذا الانظمه دي تسمح بانتقال الحراره منها او اليها على حسب بقى لو كانت موجوده جنب نظام ثاني النظام الثاني ده اعلى منها فهي هتبدا تسحب منه اما لو هي كانت هي الاعلى فهتبدا هي اللي هتدي درجه حراره ماذا يحدث عند تلامس نظامين غير معزولين دي تاني كلمه تركز عليها مختلفين في درجه الحراره لو في اختلاف في درجه الحراره اذا تنتقل الحراره من نظام للتاني تنتقل نقوله كده تنتقل الحراره من النظام الاعلى في درجه الحراره الى الاقل خلاص طب السؤال تاني بس ايه هنغير فيه حاجه ماذا يحدث عند تلامس نظامين معزولين معزولين مختلفين في درجه الحراره لن تنتقل الحراره من احدهما للاخر ليه يا مستر مع انهم مختلفين في درجه الحراره بس يا حبيبي معزولين كل واحد معزول عن الثاني والعزل ده بيخليه النظام بتاعنا يحتفظ بالحراره بتاعته ولا هو بيكتسب ولا هو بيفقد طب السؤال بطريقه ثالثه ماذا يحدث عند تلامس نظامين غير معزولين بس متساويين في درجه الحراره لن تنتقل الحراره من احدهما للاخر لان هم اصلا وصلوا لحاله الاتزان الحراري ان هم الاتنين درجه حرارتهم واحده وده السؤال التاني متى يتوقف انتقال الحراره بين نظامين لما درجه حرارتهم تتساوى عندما تتساوى درجه حرارتهما عايز اقول لك بالبلدي خالص اكلمك بالبلدي اه ولا خلينا نتكلم شغل الكتاب عشان برده البلدي كتر معانا شويه عندما يصلان لحاله الاتزان الحراري كنت عايز اقول لك لما يوصلوا كنت هكتب لك كده لما يوصلوا لحاله الاتزان الحراري لكن خلينا نكتبها عندما يصلان لحاله الاتزان الحراري ما هو الاتزان الحراري بالبلدي برض لما هم الاتنين درجه حرارتهم تبقى حاجه واحده عرف الاتزان الحراري الحاله التي يصل اليها نظامين مختلفين في درجه الحراره بعد تلامسهما وتساوي درجه حرارتهم لما اجيب نظامين مختلفين والمسهم لبعض هم الاثنين بيبدا يحصل انتقال للحراره ما بينهم لحد ما درجه حرارتهم تبقى واحده لحد ما درجه حرارتهم تبقى واحده ساعتها كده بنقول ان احنا وصلنا لحاله الاتزان الحراري خلاص ولما لما نوصل لحاله الاتزان الحراري بتكون كميه الطاقه اللي فقدت من النظام بتساوي كميه الطاقه اللي اكتسبت من النظام الثاني كميه الحراره المفقوده من احد النظامين بتساوي كميه الحراره المكتسبه غير الكلمه دي المكتسبه خلاص دايما لما نيجي نكتب الموبايل اللي احنا بنعمل عليه الورق بيختار كلام بمزاجه بس يلا مش مشكله المهم كميه الحراره المفقوده من احد النظامين بتساوي كميه الحراره المكتسبه من النظام الاخر لما نوصل لحاله الاتزان لما نوصل لحاله الاتزان يعني لما هم الاثنين تصبح درجه حرارتهم واحده تاني عرف الاتزان الحراري الحاله التي يصل اليها نظامين مختلفين في درجه حراره بعد تلامسهما وده شرط على فكره وتساوي درجه حرارتهما خلاص كميه الطاقه او الحراره المفقوده من احد النظامين بتساوي كميه الحراره المكتسبه من النظام الاخر ولكن عند وصولهم لايه لحاله الاتسال طب ركز بقى معايا في الملحوظه اللي عليها الدور لان الملحوظه اللي عليها الدور فيها شويه شغل وعشان كده هنشرحها في الورقه البيضا دي بس بعد اذنك ركز معايا ايه هي الملحوظه لو احنا جبنا كتلتين يا باشمهندس قد بعض ولتكن الكتله دي 1 كلغ ودي برض 1 كلغ بس من نفس الماده ولتكن نحاس ودي نحاس برده يبقى انا كده جايب كتلتين متساويتين من نفس الماده حته من نفس الماده يعني الحراره النوعيه بتاعتهم واحده اذا اكتسابهم للحراره او فقدهم للحراره هيبقى واحد طيب وسخنت ده لحد ما درجه حرارته وصلت 100 درجه سليزيوس وسخنت ده لحد ما وصل درجه حرارته 40 ورحت جاي ملمسهم لبعض لمستهم لبعض وفي فرق في درجه الحراره اذا الحراره هتنتقل من واحد للثاني هتبدا الحراره تنتقل من الكيلوغرام دههو للكيلوغرام دههو لان دول درجه حرارتهم اعلى او ده درجه حرارته اعلى فالحراره هتبدا تمشي من الجسم الاعلى للجسم الاقل في درجه درجه الحراره وبعد شويه هيوصلوا لحاله الاتزان الحراري طبعا ما هي حاله الاتزان الحراري يا دكتوره يا دكتور ايه هي حاله الاتزان الحراري ان هم الاثنين درجه حرارتهم تبقى واحده عارف درجه حرارتهم عند الاتزان الحراري هتبقى كام وهو احنا نعرف نحسبها اه دي هتبقى 70 درجه سلزيوس وده هيبقى 70 درجه سلزيوس عند وصولهم لحاله الاتزان الحراري طب انا جبت ال 70 دي منين؟ ما هو انا جاي اقول لك الملحوظه عشان اقول لك ال 70 دي جت منين بص يا جميل عند تلامس كتلتان كتلتان او حجمان متساويان من ماده واحده من ماده واحده خلينا نعمل دي في صندوق كده خلاص طيب عند وصولهم لحاله الاتزان تصبح تصبح درجه حراره حرارتهما تساوي متوسط عذرا درجتي حرارتهما قبل التلبس هي دي الملحوظه ايه بقى معناها ان درجه حرارتهم عند الاتزان الحراري اللي هي ال 70 يعني هتساوي متوسط درجه حرارتهما قبل التلامس المتوسط هو اني اخد القيم اجمعها واقسمها على عددهم هاخد ال 100 اجمعها على ال 40 واقسم على عددهم 100 + 40 140 على 2 ب 70 فلو هما الاتنين نفس الماده وهم الاتنين درجه حرارتهم مختلفه وعايز تجيب درجه حراره الاتزان الحراري طالما نفس الماده نفس الكتله نفس الحجم يبقى تاخد الدرجتين دول تجمعهم وتقسمهم على الاثنين وده اسمه المتوسط بتاعهم درجه حرارهما عند الاتزان الحراري بتساوي متوسط درجتي حرارتهما قبل التلامس اللي فهم اللي فهم لو انا معايا اللي فهم بقى ها حل معايا بقى الله يكرمك لو انا معايا 1 كيلو كيلوغرام حديد ومعايا برض بصح لازم يبقى 1 كلغم برض بس نحاس ده درجه حرارته 100 درجه سليزيوس وده درجه حرارته 60 بقى وقمت جاي ملمسهم لبعض عايز اسالك سؤال في الاول الحراره هتمشي منين لفين من هنا لهنا ولا من هنا لهنا لا من هنا لهنا طب عايز اجيب درجه حراره كل واحد فيهم عند الاتزان الحراري عند الاتزان الحراري درجه حراره كل واحد فيهم هتبقى كام؟ مين الشاطر اللي يقوللي بسرعه ها والله العظيم تبقى جدعه ها 100 + 60 برافو عليك ها 160 على الاتنين تبقى 80 صح ركبت الزحلقه كنت خايف انك تركب الزحليقه واديك ركبتها للاسف واللي بيركب الزحليقه لازم يتعور علشان بعد كده ما يركبهاش شايف الكلمه دي ما هو انا بحب ازحلقك عشان ما تتزحلقش فيها في الامتحان انت تتزحلق النهارده عادي لكن تتزحلق في الامتحان ازعل منك لا اتزحلق النهارده واقع عادي بس ما تزحلقش في الامتحان دلوقتي دلوقتي انا لما كنت ملمس مادتين عفوا كتلتين او حجمين من نفس الماده دي نحاس ودي نحاس طالما نفس الماده يبقى اكتساب واحده فيهم للحراره بيساوي اكتساب الثانيه وفقد واحد فيهم للحراره بيساوي فقد الثاني هما الاثنين نفس الحراره النوعيه فعلشان كده كان متوسط درجتي حرارتهما قبل التلامس بيساوي 70 وهو ده درجه حرارتهما عند الاتزان الحراري كانوا ماده واحده لكن دول مش ماده واحده ده حديد ضحكت عليك وده ده نحاس فدرجه حرارتهما عند الاتزان الحراري مش هتساوي المتوسط لانهم مواد مختلفه عارف درجه حرارتهم هتبقى كام؟ درجه حراره الاتزان هتبقى اكبر من حاجه واقل من حاجه اكبر من 60 واقل من 100 هتبقى ما بينهم 100 درجه سلثي تبقى ما بينهم بس كام ماارفش في طريقه لحسابها اه بس مش مقرر عنا دلوقتي ان احنا ان احنا نحسبها درجه حراره الاتزان هنا هتبقى اكبر من 60 واقل من 100 كام الله اعلم علم لكن ما تقوليش 80 الله يكرمك لانهم مواد مختلفه خلاص معلش زحلقتك في الملحوظه دي بس عشان ما تتزحلقش فيها في الامتحان وده افضل صدقني تعال نكمل طيب ولو اكدنا كده على الملحوظه اللي احنا قلناها بالرسمه البسيطه اللي الراجل جايبها دي بيقول لي يا باشمهندس لو احنا كده بنعمل مشروب كويس قوي هو عباره عن مكس ما بين حاطين هنا نسكافيه درجه حرارته 70 درجه سلزيوس وبنحط قصاده هنا لبن درجه حرارته 20 درجه سليزيوس هل تتوقع ان درجه حراره الخليط ده هتبقى المتوسط بتاعهم لا طبعا ده ده ماده نسكافيه وده لبن وهم الاثنين حرارتهم النوعيه مش واحده فبالتالي درجه حراره الخليط دههو هتبقى اكبر واقل تبقى اكبر من 20 درجه سليزيوس واقل من 70 ولو جت المساله اختيارات اختار اي درجه ما بينهم عند ملابسه مشروب نسكافيه درجه حرارته 70 لمشروب لبن درجه حرارته 20 نلاحظ ان درجه حراره الخليط اكبر من 20 واقل من 70 ليه ما تكونش المتوسط لانهم الاثنين مواد مختلفه لو كانوا الاثنين نفس الماده نفس الكتله نفس الحجم كنت قلت لك يا باشمهندس ساعتها درجه حرارتهما تساوي درجه حرارتهما او متوسط درجه حرارتهما قبل التلامس هنا يا باشمهندس لو الراجل جاب لي جسم وجاب لي جسم ثاني درجه حراره مثلا ده 50 درجه سلزيوس وده 30 درجه سلزيوس وقال لي ارسم اتجاه انتقال الحراره من الجسم الساخن للجسم البارد دي حاجه سهله شويه طب بص كده لو الراجل جاه في الامتحان وقال لي فسر ليه عند خلط كرات معدنيه بص يا باشمهندس عندي كرات معدنيه درجه حرارتها 30 درجه سلزيوس وعندي ماء درجه حرارته 20 درجه سلسل ليه لما احطهم الاثنين على بعض درجه حرارتهما عند الاتزان ما بتساويش المتوسط ما هو المتوسط 25 اللي هو 30 + 20 على 2 ليه؟ لانهم مواد مختلفه وطالما مواد مختلفه يبقى لهم حراره نوعيه مختلفه زائد كمان ان هم الاثنين مختلفين في الكتله مش انا قلت لك لازم تجيب كتلتين او حجمين من نفس الماده هل الكرات المعدنيه والمايه لهم نفس الكتله لا وكمان مواد مختلفه يعني حرارتهما النوعيه مختلفه نقول لان ا الكرات المعدنيه والماء لهم كتل مختلفه كما انهم مواد مختلفه اذا لهم حراره نوعيه مختلفه وبالتالي ها درجه حرارتهما عند الاتزان لا تساوي 25 درجه سيلسيوس كملها انت بقى بيقول لي قيم فهمك معانا كتله معدنيه كتله معدنيه كانت درجه حرارتها قبل ما احطها في اي اناء منهم 30 درجه يعني دي كده كانت عفوا كانت درجه حرارتها 30 درجه سلسل طيب بيقوللك ما اتجاه سريان الحراره في الكاس انين الكاس انين بص هنا معايا هنا هنا في ماء درجه حرارته درجه سلج وانا حاطط كتله جوه الميه درجه حرارتها 30 طب ما هي الحراره بتنتقل من الجسم الاعلى للجسم الاقل فالحراره تمشي من الميه للكتله تقول له من الماء بين قوسين كده 100 درجه سيليزيوس للكتله المعدنيه بين قوسين كده فاهمه برض انك فاهم 30 درجه سليسيوس اللي هي من الجسم الاعلى للجسم الاقل ماذا يحدث لدرجه حراره الماء الكاس واحد بعد نقل الكتله المعدنيه اليه من الماء المغلي بص لما تحط الكتله في الماء المغلي درجه ح طبعا لفتره زمنيه هتبدا خلي بالك انت هنا مستمر في التسخين كمان انت مش حاططها في ميه مغليه بس لا انت حاططها في ميه بتغلي على طول يعني لما تحط الكتله المعدنيه في الميه دي هتفضل درجه حرارتها تزيد لحد ما توصل ل 100 درجه خلاص طيب ماذا يحدث لدرجه حراره الماء بعد نقل الكتله المعدنيه ليه من الماء المغلي ترتفع درجه حراره الماء بسبب انتقال الحراره اليها من الكتله المعدنيه بعد نقلها من الكاس رقم انين ده بس كده تقييم لفهمك ان درجه الحراره او عفوا الحراره تنتقل من الجسم الاعلى للجسم الاقل عند تلامسهما فهمت الكلام ده طيب الراجل عنده كمان مثال نشوفه كده في الورقه اللي جايه لو بصينا كده مع بعض على الرسمه البسيطه اللي الراجل جايبها دي بيقول لي احنا هنا معانا كوب بنحط فيه ماء او بنحط فيه اه ماء 100 جرام ميه درجه حرارتهم 30 وهنا برض بنحط 100 جرام ميه درجه حرارتهم 80 لاحظ نفس الماده ونفس الكتله اذا درجه حرارتهما عند عند الاتزان الحراري هتساوي المتوسط لان دي 100 100 جرام ودي 100 جرام يبقى الاثنين كتله واحده والاثنين ميه ماده واحده فانا واخد كتل متساويه من نفس الماده تصبح درجه حرارتهما عند الاتزان بتساوي متوسط درجه حرارتهما قبل التلمس فهو هنا بيقول لك اختر ما درجه حراره الماء المحتمله بص في البدايه هدور على المتوسط اللي هو عباره عن 80 + 30 على 2=وي 80 + 30 كام يا باشمهندس؟ 110 على 2 يبقى 55 درجه لقيتها ماشي طب ما لقيتهاش هلاقي حاجه قريبه منها لان في جزء من الحراره بيفقد في صالح الكوب الكوب نفسه درجه حرارته اقل منهم فبيسحب جزء من الحراره فممكن ممكن برده يلعب عليك لعبه في الحته دي في الامتحان تبقى انت ايه مدردح كده وفاهم لو هي 55 موجوده تعالي ليه 55 لان الاثنين نفس الماده ونفس الكتله فدرجه حرارتهما عند الاتزان بتساوي المتوسط اللي هو درجه حراره الاثنين اللي بيتحطوا دول مقسومه على الاثنين اجمعهم واقسم على الاثنين لقيت 55 تمام ما لقيتش عليها الاقي حاجه قريبه منها ليه؟ لان في بعض الاوقات جزء من الطاقه الحراريه بيفقد لصالح الكوب اللي درجه حرارته اقل من درجه حراره الحاجه اللي جواه فبيسحب منها جزء من الحراره تمام طيب في اي الاكواب باب الثلاثه يكون متوسط طاقه تعال نجاوب السؤال ده هنا ده السؤال الاولاني بيقول لي في اي كوب من الثلاثه هم فين الثلاثه 1 ا 3 بيقول لي يكون متوسط طاقه حركه او طاقه حركه جزيئات الماء هي الاعلى اللي فيهم درجه حراره الميه اعلى يكون متوسط طاقه حركه الجزيئات بتاعه الميه في اعلى هنا درجه الحراره 30 وهنا درجه الحراره 80 اما هنا درجه الحراره هتبقى 55 يبقى هنا نقول له في الكوب ايه لان درجه حراره الماء به اعلى تقول له 80 درجه سليزيوس خلاص طب ما هي درجه الحراره مقياس لمتوسط طاقه حركه الجزيئات وان درجه الحراره هي مقياس لمتوسط طاقه حركه الجزيئات خلاص يبقى في الكوب ا لان درجه حرارته اعلى ودرجه الحراره العاليه تدل على ان متوسط طاقه حركه الجزيئات كانت اعلى لان درجه الحراره هي مقياس لمتوسط طاقه حركه الجسيمات او الجزيئات لحد اللحظه اللي انا واقف فيها دي هل في معلومه وقعت منك يرجى انك تنتبه لان العلوم عندك في الوحده الاولى قويه شويه نكمل في الصف السادس خدنا طرق انتقال الحراره طرق انتقال الحراره مش عارف انت فاكر ولا لا بس حتى لو مش فاكر تفتكر النهارده بقى لان الكلام ده مقرر عليك قلنا ان الحراره ممكن تنتقل عن طريق التوصيل وممكن تنتقل كمان بالحمل وثالث حاجه ممكن تنتقل بالاشعاع طرق انتقال الحراره ثلاثه توصيل وحمل واشعاع ده لو اكمل هنتكلم النهارده يا شباب عن التوصيل ويا ريت تركز معايا كتير ما بنروح كده على البوتاجاز نسيب الكنكه بتاعتنا على البوتاجاز واحنا بنعمل الشاي واوقات بننسى المعلقه في الكنكه اه اوقات بننسى المعلقه في الكنكه لكن خصوصا لو بنعمل قهوه المهم تيجي بعد شويه تيجي تمسك الملعقه دي عشان تشيلها تتلسع ليه بقى؟ لان اولا انت حاطط الكنكه دي على النار فطبعا الميه اللي جوه بتبدا تكتسب ايه؟ طاقه حراريه فبترتفع درجه حرارتها الميه الملعقه موجوده في الميه اللي درجه حرارتها بتعلى زي الكرات المعدنيه بالظبط اللي كانت موجوده في الميه اللي بتغلي بتكتسب درجه حرارتها لكن هنا الميه لسه ما غليتش فالملعقه بتكتسب درجه حراره الميه فلو درجه حراره الميه مثلا كانت 40 كانت 50 كانت 60 برده نفس الكلام درجه حراره الملعقه هتبقى برده بنفس درجه الحراره بس الجزء الاولاني من الملعقه اللي في الميه درجه حرارته هتبقى اعلى من الجزء اللي فوق بس الجزء اللي فوق هيبقى ساخن برده ليه؟ لان في هنا تلامس تلامس ما بين الملعقه والميه السخنه فالملعقه بدات تاخد حراره من الميه بسبب ان الحراره بتنتقل من الجسم الاعلى للجسم الاقل تيجي تمسك الملعقه من هنا تقوم حضرتك تتلسع لان انتقل الحراره من الميه السخنه للملعقه اللي كانت بارده فبدات درجه حرارتها تهلك وهنا بنقول ان درجه الحراره انتقلت للملعقه عن طريق التوصيل وكان شرط كان شرط ان الحراره تنتقل بالتوصيل كان شرط التلامس لازم الاجسام تتلامس علشان تنتقل الحراره ما بينهم بالتوصيل ولو احنا عندنا جسم يا باشمهندس ركز كده الجسم ده جسم صلب درجه حرارته 40 درجه سليزيوس ملامس لجسم جسم تاني درجه حرارته 60 درجه سليزيوس فعند التلامس تنتقل الحراره من الجسم الاعلى للجسم الاقل بالتوصيل ليه بالتوصيل لان ده جسم صلب وده جسم صلب وحصل ما بينهم تلامس فانتقال الحراره بالتوصيل بيتم ما بين الاجسام الصلبه او بيتم في الاجسام الصلبه عند تلامسهما بس انا عايز يعني اتعمق معاك شويه بص كده معايا ايه رايك نجيب ساق معدنيه كده ساق معدنيه حته حديده يعني وبعدين نحطها هنا على البوتاجاز على البوتاجاز عادي خالص نسخنها وانت امسكها من هنا انا عايزك انت تمسكها من هنا هل لما تيجي تحط حته الحديد على النار خلي بالك ان كل اللي احنا بنشرحه ده ياثر في فهمك على فكره هل لما نحط حته الحديده على النار هل بنتلسع في الاول لا مع ان الجزء دههو لو جيت تمسكه هتتلسع الجزء الاولاني دههو اللي انت حاطه على النار بيسخن بسرعه لان هو اول واحد مقارب للنار مقارب للهب اللي انت بتسخن بيه فهنا هنا في جزء من الساق هتبدا ترتفع درجه حرارته اللي هو الجزء دههو ليه؟ لان الجزء ده ملامس للنار علىما الحراره تنتقل من هنا لجوه هتاخد وقت شويه بس بتنتقل الحراره بتنتقل ليه بقى بتنتقل تعالى اما اقول لك والتفسير ده انت لازم تعرفه لان ده مقرر عليك تفسير انتقال الحراره بالتوصيل ده جزء متوقع في الامتحان اصلا بص يا سيدي ركز معايا الجسيمات بتاعه الساق المعدنيه بتهتز في مكانها لانها جسيمات ماده صلبه تعالى نكبر الجسيمات دي عشان نشوفها وليكن ده جسيم وده جسيم جنبه وده جسيم جنبه وده جسيم وده ده شكل الجسيمات بس بشكل مكبر قوي يعني بشكل مكبر طبعا انا هنا بسخن صح فالجزء ده بيكتسب حراره الحراره بتروح تعمل ايه بتزود من طاقه حركه الجسيمات صح فالجسيمات دههي بتتحرك بتتحرك ازاي يا مستر هي مش دي ماده صلبه ايوه ما هي بتهتز في مكانها بس بدل ما كانت بتهتز كده تهتز كده بس في موضعها لانها خدت حراره والحراره دي بتزود من متوسط طاقه حركتها فطبعا الجسيمات جنب بعض فده يجي يهتز يقوم خابط اللي جنبه يدي له جزء من طاقه الحركه بتاعته ركز والله العظيم الكلام ده مهم فده بيهتز بيهتز ليه بسرعه مكان بيهز اهتزاز بسيط نتيجه اكتسابه حراره لاني بسخن فده يهتز نتيجه اهتزازه يعني طاقه الحركه بتاعته بتزيد فوهو بيهتز وطاقه الحركه بتاعته بتزيد يزيد بيقوم يخبط في اللي جنبه يدي له جزء من طاقه الحركه بتاعته فده اكتسب جزء من طاقه حركه اللي جنبه فيقوم هو يبدا يهتز هو كمان فتقوم درجه حرارته تعلى وهو درجه حرارته بتعلى لانه كل شويه عمال ياخد طاقه حركه من اللي جنبه ما هو عمال يخبط فيه باستمرار فهو نفسه بتبدا ترتفع درجه حرارته فيبدا هو كمان يهتز يخبط في اللي جنبه يدي له جزء من طاقه حركته فيقوم الباشا ده طاقه حركته تزيد وبالتالي كل شويه طاقه حركته بتزيد لانه عمال ياخد جزء من طاقه حركه اللي قبله وبالتالي درجه حرارته وكمان تزيد حركته تزداد يدي جزء للي جنبه وبالتالي تبدا بقى الحراره تنتقل من الجسيم للجسيم اللي بعده نتيجه ان كل جسيم بياخد جزء من طاقه حركه اللي قبله لحد ما الحراره توصل هنا وحضرتك لسه ماسك تقوم ملسوع بقى على طول او تبدا تشعر بالسخونه فتسيب قطعه الحديد فهنا بيحصل انتقال للحراره نتيجه اهتزاز الجسيمات في موضعها وتصادمها بتصطدم ببعض فبينتقل جزء من طاقه حركه الجسيم للجسيم اللي بعده فيزود منطقه حركته فيعلي حرارته فتبدا بقى قطعه الحديد دي تسخن شيئا فشيئا بس خلي بالك ان درجه الحراره بتنتقل من النقطه الاعلى للنقطه الاقل بتنتقل ازاي نتيجه زياده طاقه حركه الجسيمات فتهتز في موضعها اهتزاز اعلى من الاول فتبدا تصطدم ببعض فينتقل جزء من طاقه حركتها للجسيمات التي تليها فترتفع درجه حرارتها الى ان يتم ارتفاع درجه حراره القطعه بالكامل ده شرح واحنا قاعدين انا وانت كده ايه بنفهم مع بعض كده ايه اللي بيحصل لكن احنا هنحط النقط على الحروف دلوقتي بس انا يهمني انك تفهم الكلام ده ازاي بتنتقل الحراره بالتوصيل في الاجسام الصلبه بتنتقل كده واللي ما فهمش يركز معاه في اللي جاي احنا قلنا يا باشمهندس ان الحراره بتنتقل بالتوصيل او بالحمل او بالاشعاع وجينا نتكلم في البدايه عن التوصيل ملعقه موجوده في كوب فبالتالي اول حاجه الحراره هتنتقل من الشاي للملعقه عقه من الملعقه لايديك بالشكل المقابل تنتقل الحراره من الشاي لوشه يعني الى الملعقه ملعقه هي المعلقه يعني الى اليد خلاص وهنا انتقلت الحراره بالتوصيل نتيجه التلامس التجربه اللي احنا كنا عملناها كنا جبنا ساق معدنيه بس ركز لان الراجل هنا عامل حاجه اضافيه في التجربه جبنا ساق معدنيه وهنا بنسخن صح الراجل جايب شمع عارف الشمع الشمع العادي ولازق بيه دبابيس هنا خلاص لازق دبوس هنا ودبوس هنا ودبوس هنا ودبوس هنا لازقهم بشمع والشمع ده درجه انصهاره منخفضه فلما يشم الحراب ينصهر وبعدين ينصهر ويسيح خلاص ما يبقاش متماسك فاحنا بنسخن هنا وبعدين بنلاحظ الزمن اللي هتسقط فيه الدبابيس طبعا يا باشمهندس انا بسخن فالجزء ده درجه حرارته بتعلى بعدين الجزء اللي بعده هي اللي درجه حرارته بتعلى وبعدين الجزء اللي بعده درجه حرارته تعلى فلما الجزء ده درجه حرارته تعلى الشمع اللي هنا ينصهر يقوم الدبوس ده وبعدين درجه حراره الجزء ده تعلى اول ما درجه حراره الجزء ده يعلى يقوم الشمع اللي هنا ينصهر يقوم الدبوس ده واقع وهكذا فبنلاحظ سقوط الدبوس ده ثم ده ثم ده ثم ده ومن هنا بنعرف ان الحراره بتنتقل على امتداد الساق المعدنيه من النقطه الاعلى الى النقطه الاقل في درجه الحراره بالتوصيل بص كده هنلاقي الدبابيس بتسقط واحد ورا الثاني ده سقط الاول لان الجزء ده سخن الاول فالشمع اللي هنا انسهر بسرعه راح واقع واللي بعده علىما الاخير يقع تكون الحراره وصلت هناك يعني بتاخد وقت طبعا خلاص يلاحظ تساقط التبابيس بتتابع من الاقرب للشمعه الى الابعد وهنا بنطلع يا باشمهندس ان الحراره بتنتقل على امتداد الساق المعدنيه من النقطه الاعلى للنقطه الاقل بالتوصيل يبقى بتنتقل درجه الحراره خلال الساق المعدنيه اللي هي جسم صلب بالتوصيل من النقطه الاعلى للنقطه الاقل بس ازاي؟ ما هو تفسير انتقال الحراره بالتوصيل؟ ان احنا عندنا لما بنسخن طاقه حركه الجسيمات بتزيد فتهتز في موضعها وهي بتهتز تخبط في بعض تدي للي جنبها جزء من طاقه حركتها فتبدا تزود طاقه حركته ولما طاقه حركته بتزيد درجه حرارته بتعلى نشوف التفسير ده مع بعض طيب تعال بقى نشوف التفسير كده مع بعض واحده واحده بعد ما فهمناه خلاص ونكمل كده مكان النقاط تفسير انتقال الحراره بالتوصيل عند تسخين طرف ساق معدنيه بتزداد طاقه حركه الجسيمات فتهتز بدرجه اكبر الجسيمات اللي هنا انا بسخن هنا الجسيمات اللي هنا بتكتسب حراره فتقوم تهتز اكت بسبب اكتسابها طاقه حركه وطالما اكتسبت طاقه حركه تقوم تهتز اكت في موضعها لانها الجسيمات ماده صلبه بعدين بينتقل بعضا من طاقه حركه الجسيمات من طاقه الجسيمات عند تصادمها مع الجسيمات الاخرى فطبعا الجسيمات هنا لما هتهتز بدرجه اكبر هتبدا تصطدم مع الجسيمات اللي جنبها التصادم يا اد بينقل طاقه فاكر في سنه رابعه انتقال الطاقه عند التصادم ما بين الاجسام لما جسمين يتصادموا مع بعض واحد فيهم بيدي للثاني جزء من طاقه حركته اللي كان بيمتلك طاقه حركه اكتر بيدي للثاني جزء من طاقه حركته هنا الجسيمات دي عندها طاقه حركه اكبر فلما تصطدم مع اللي جنبها تديها جزء من طاقه حركتها تقوم تحركها بشكل اسرع فتقوم هي كمان تزداد طاقه حركتها فتقوم ترتفع درجه حرارتها ينتقل بعضا من طاقه الجسيمات عند تصادمها مع الجسيمات الاخرى المجاوره لها فتزداد طاقه حركه الجسيمات المجاوره ليها برض وبنفس الكيفيه الجسيمات دي لما طاقه الحركه بتاعتها بتزيد تبدا تهتز اكت وبدرجه اكبر فتصطدم باللي جنبها تديها جزء من طاقه حركتها وهكذا الى ان تنتقل الحراره على طول الساق وهنا انتقلت الحراره من النقطه الاعلى في درجه الحراره للنقطه الايه الاقل في درجه الحراره بالتوصيل بنفس الكيفيه بينتقل جزء من طاقه الجسيمات التاليه دون ان تنتقل الجسيمات من موضعها عايز اكد على حته ان دون الجسيمات من موضعها لان لو الجسيمات انتقلت من مكانها ما بقتش دي خلاص ماده صلبه ولكن بما ان دي لسه ماده صلبه يبقى تظل الجسيمات تهتز حركه اهتزازيه في مكانها ما تتحركش خلاص حركه اهتزازيه مش حركه انتقاليه نرجعاني للتفسير لان الجزء ده مهم جدا عند تسخين طرف ساق معدنيه بتزداد تزداد طاقه حركه الجسيمات فتحتز بدرجه اعلى اكبر وبعدين ينتقل بعضا من طاقه الجسيمات عند تصادمها مع الجسيمات الاخرى المجاوره ليها فهي كمان تزداد طاقه حركتها وبالتالي بنفس الكيفيه بينتقل جزء من طاقه الجسيمات التاليه دون ان تنتقل الجسيمات من مكانها الى ان يتم تسخين القطعه بالكامل انا مش شايف اي صعوبه في الجزء ده مش عايزين نطول فيه تعال نكمل على فكره احنا دلوقتي نقدر نحط تعريف للتوصيل الحراري التوصيل الحراري بص يا باشمهندس ده واحد من اهم التعريفات في الدرس على فكره نشوفه كده بسرعه عشان عندنا تجربه مهمه جدا هنخرج من التجربه دي باستنتاج رائع واعتقد هيجيب عليه اسئله كويسه التوصيل الحراري هو انتقال الطاقه الحراريه في الماده الصلبه او خلال الماده الصلبه من نقطه لاخرى دون ان تنتقل الجسيمات من مكانها من مكانها مواضعها يعني بص يا باشمهندس كان عندنا قطعه كده من المعدن كان في هنا نقطه وهنا نقطه جنبها ونقط جنبها وانا بسخن هنا صح فكانت الحاره بتنتقل من النقطه دي للنقطه اللي جنبها ومن النقطه دي للنقطه اللي جنبها من الجسيم يعني للجسيم اللي جنبه من الجسيم للجسيم اللي جنبه طبعا من نقطه هي الاعلى في درجه الحراره حراره الى النقطه اللي جنبها الاقل في درجه الحراره وبتنتقل الحراره نتيجه اهتزاز الجسيمات وتصادمها دون ان تنتقل من مواضعها فانا عايز اقول لك ان التوصيل الحراري بيتم في الماده الصلبه وبيتم دون ان تنتقل الجسيمات من مكانها والتعريف على فكره موجود عندك في الورق ما تكتبوش انتقال الطاقه الحراريه خلال الاجسام الصلبه من نقطه لاخرى دون انتقال جسيماتها من مواضعها طب بص كده معايا للتجربه البسيطه دي كده لو انا معايا يا باشمهندس حته حته من الحديد ومعلقها هنا كده ومعايا حته من النحاس نفسه الطول بتاعها بالظبط نفس طولها دي حته حديد وحته نحاس وبسخن دي وبسخن دي بنفس اللهب المنتظم حلو وانا كنت حاطط هنا شمعه لازق فيها دبوس وشمعه كمان لازق فيها دبوس وشمعه لازق فيها دبوس كذلك على نفس المسافه بالظبط حاطط هنا شمعه لازق فيها دبوس وهنا شمعه لازق فيها دبوس وهنا شمعه لازق فيها دبوس طبعا الشمعه اول ما درجه الحراره توصل او تعلق عند الجزء اللي هي موجوده فيه فالشمع على طول بينصهر وبيقع وبيوقع الدبوس معاه فانا بسخن الاثنين بنفس اللهب لهب منتظم عشان ده وده ياخدوا نفس الحراره وبلاحظ سقوط الدبابيس يا باشمهندس خلي بالك دي قطعه نحاس وده قطعه حديد حلو هنلاحظ ان الدبوس دههو بيقع والدبوس دههو بيقع وبعدين تلاقي دههو وقع وبعدين تلاقي الدبوس الثالث دههو وقع وشويه علىما دههو يقع وشويه علىما دههو يقع لكن بنلاحظ ان الدبابيس اللي هنا كلها بتقع قبل اللي هناك كلهم ما يقعوا ايه السبب؟ السبب ان انتقلت الحراره في النحاس بشكل اسرع من الحديد لان في عندنا حاجه اسمها التوصيليه الحراريه مقياس لمدى قابليه الماده لتوصيل الحراره في مواد بتسمح بانتقال الحراره خلالها بسرعه وفي مواد بتسمح لانتقال الحراره خلالها اه بس مش بشكل سريع بشكل بطيء فعندنا مثلا الماس عندنا الفضه عندنا النحاس ده ده اسرع ماده تسمح بانتقال الحراره خلالها ثم الفضه ثم النحاس ثم بعد كده يجي مواد ثانيه فطبعا النحاس التوصيليه سامعني التوصيليه الحراريه بتاعته اعلى من الحديد يعني ايه يعني النحاس بيسمح بانتقال الحراره خلاله اسرع من الحديد عشان كده الحراره انتقلت في النحاس اسرع وصلت للشمع ده عملت له عمليه انصهار فوقع الدبوس ده وكمان وصلت الحراره هنا بشكل اسرع عملت انصهار للشمع اللي هنا فوقعت الدبوس ده لان التوصيليه الحراريه للنحاس اعلى من التوصيليه الحراريه للحديد وده معناه ان النحاس بيسمح بانتقال الحراره جواه اسرع من انتقالها جوه الحديد فطبعا المواد بتختلف عن بعضها البعض في توصيليتها الحراريه في قدره الماده دي على السماح للحراره انها تنتقل من خلالها زائد اصلا ان احنا عندنا بعض المواد اللي ما بتسمحش اصلا بانتقال الحراره خلالها زي الخشب زي الورق زي الكرتون عشان كده لما بنشتري بيتزا الراجل ما بيحطهاش لينا في حاجه معدن بيحطها لنا في ورق كرتون عشان الكرتون ده يحافظ على درجه حراره البيتزا جواها علشان لما توصل لك توصل لك سخنه لان الكرتون اللي موجود فيه البيتزا لا يسمح بانتقال الحراره خلاله فتعالوا نتكلم عن حاجه اسمها التوصيليه الحراريه اهي موجوده اهي مقياس لمدى قابليه الماده لتوصيلها للحراره في مواد توصيليتها الحراريه عاليه زي النحاس وده بيسمح لانتقال الحراره خلاله بسرعه مقياس لمدى قابليه الماده لتوصيلها الحراره ده عباره عن التوصيليه الحراريه والتجربه دي خلاص احنا خدناها في الورقه اللي فاتت مش محتاجين نضيع وقت وقلنا ان ترتيب العناصر الطبيعيه حسب توصيلتها الماس اعلى واحد ثم الفضه ثم النحاس ده كده ترتيب العناصر الطبيعيه ها حسب توصيليتها الحراريه فطبعا الماس بيوصل اسرع من الفض اسرع من النحاس وطبعا النحاس اسرع من الحديد لسه عاملين التجربه مع بعض دلوقتي سؤال في الامتحان يقول لك اكمل يمكن تصنيف المواد حسب توصيليتها الحراريه الى نقط الى مواد موصله حريا والمواد العازله حريا طبعا المواد الموصله هي المواد اللي بتسمح للحراره انها تعدي خلالها مواد جيده التوصيل الحراره يعني الاتنين نفس المعنى يقول لك اكتب المصطلح العلمي مواد جيده التوصيل للحراره مواد توصيليتها الحراريه مرتفعه المواد الموصله حراريه زي مين؟ زي اعلى واحد فيهم الماس ثم الفضه ثم النحاس الفلزات بشكل عام الالومنيوم والنحاس والحديد الفلزات بشكل عام بتوصل حراره بشكل عالي اما عندنا المواد العازله حراريا وهي مواد رضيئه التوصيلحراره او التوصيليه الحراريه بتاعتها صغيره منخفضه مواد رديئه التوصيل للحراره اي توصيليتها الحريه منخفضه زي مين؟ حدث ولا حرج بقى عندك الخشب بلاستيك الكرتون ا عندنا مواد كتير جدا موجوده خلاص دي كانت نقطه اعتقد النقطه دي انت عارفها من سنه رابعه مش من سنه خامسه حتى طيب في هنا مثال بيقول لي من التجربه الموضحه بالشكل المقابل بيقول لي هل الساق اللي قدامك ده يا باشمهندس من الالومنيوم ام من الخشباني حاجه بيقول لي كيف يستدل على ذلك في السؤال الثاني بيقول لي ما الذي تستنتجه ا من تتابع سقوط مشابك الورق طيب هنا بيقول لك في مشابك ورق مثبته بشمع الشمع ده يا حبيب قلبي علشان ينصهر علشان الدبابيس تقع ما هي مثبته بشمع لازم يوصل له حراره فبالتالي الصغد اهو لازم يكون بيوصل حراره علشان الحراره تنتقل من هنا للشمع فيقوم ينصهر فيقوم الدبابيس تقعها وبالتالي هنختار الماده الموصله للحراره هنقول له الساق اكس الساق اكس هي الالومنيوم خلاص طيب بيقول لي وكيف تستدل على ذلك من تساقط مشابك الورق المعدنيه وحضرتك تبقى فاهم تساقط المشابك الورق يعني انصهار الشمع اللي كان مثبتها وانصهار الشمع محتاج حراره وبالتالي الحراره ستنتقل عبر الساق اذا الساق موصللحراره فنختار الومنيوم لان الخشب عازل ده السؤال الاول السؤال الثاني بيقول بيقول لي ما الذي تستنتجه من تتابع سقوط مشابك الورق؟ ان الحراره عماله تنتقل من نقطه لنقطه ثانيه بالتوصيل لان ده معدن خلاص والمعدن ماده صلبه نقول له نستنتج نستنتج ان الحراره تنتقل من نقطه لاخرى عبر ساق الالومنيوم ها بالايه بالتوصيل بس كده يا باشمهندس طبعا هنا ساق الالومنيوم ماده صلبه فجسيماتها بتهتز حول مواضع سكونها بتخبط في بعض بتتصادم ببعض اللي احنا كنا بنقول عليه تفسير انتقال الحراره بالتوصيل الحراري فكل جسيم بينقل لثاني جزء من طاقه حركته فبيعلي طاقه حركته فبالتالي بيزيد درجه الحراره بتاعته خلاص ده كان مثال بسيط ناخد بعض اسئله علل اللي موجوده واللي مقرره على التوصيل الحراري ونحل بعض اسئله كتاب الامتحان وينتهي من الحصه خلاص بيقول لي هنا علل توضع البيتزا في علب من الكرتون لسه كنت قيل لك السؤال من شويه علشان نبدا ان احنا نعزلها بمعنى اصح لان الكرتون من المؤد العزل عشان نحتفظ بها ساخنه نقول الاحتفاظ الاحتفاظ بها ساخنه حيث ان الكرتون ماده ده عازله للحراره بيقوللي علل تصنع اواني الطهي من المعادن ما انا طبعا لازم اصنعها من معدن عشان يكون موصل للحراره فياخد الحراره يوصلها للاكل جوه عشان يطهيه ولو انت جدع تصنعها من معدن التوصيليه الحراريه بتاعته عاليه زي النحاس بس احنا للاسف ما بنستخدمش النحاس لاكث من سبب فبنستخدم الالومنيوم اكتر وبقينا بنستخدم دلوقتي سبيكه الاستانلس ستيل لان هي التوصيليه الحراريه بتاعتها عاليه وكمان غير قابله للصد فبالتالي بنقول له لارتفاع توصيليتها الحراريه اللي هي المعادن يعني لكن لو حضرتك عندك حاجه حاططها على النار لازم المقابض بتاعتها تكون خشب او من البلاستيك العازل الحراري علشان حضرتك ما تتلسعش لازم المقاب بتاعتها تكون من البلاستيك او الخشب واحد بقى يقعد يهرج في دماغه لحد ما يخرمها بقول لك يقول لك ازاي يا اخي نعمل المقاب بالبلاستيك هو مش البلاستيك ده برده ماده بتسيح ايوه بس في بلاستيك عازل للحراره يعني تصنع مقابيدها من البلاستيك او الخشب ليه؟ طبعا لانخفاض توصيليتها الحراريه فلما اجي انقل الحله من على البوتاجاز من على العين لعين ثانيه ماتلسعش خلاص طيب بيقول لك علل وضع الواح البوليسيترين بين قوالب الطوب المفرغ عند تشيد حوائط المباني بص دي طريقه جديده بقينا بنستخدمها مش جديده ولا حاجه احنا بنستخدمها من زمان وموجوده من زمان جدا يعني بنيجي نبني كده بنحط كده ا جدارين وبيبقى في ما بينهم طبقه من الهواء وفي كمان لوح من البوليترين او استرين زي ما احنا بنقول لان هو عازل للحراره ما بيخليش الحراره تخرج من جوه لبره ولا حتى تعدي من بره لجوه فلو انت مشغل التكييف جوه ولا حاجه تفضل حراره الغرفه كده ايه زي ما هي فريش ومنخفضه لو حتى الجو مولع بره وتبدا كمان حضرتك تحافظ على درجه حراره الهواء اللي جوه لاطول فتره ممكنه لانك عازل الاوضه عن الوسط المحيط اللي بره فاذا حصل تغير في درجه حراره الوسط المحيط درجه الحراره عندك جوه بتفضل 100 م نتيجه حاجتين نتيجه الهواء الهواء ده ماده عازله وكمان البوليسترين احنا بدانا نحطه علشان برده هو كمان بيساعد على العزل يبقى نقول له لانه من المواد العازله للحراره وهو ما يمنع التغيرات السريعه في درجه حراره الايه الغرفه او درجه الحراره داخل المباني عند تغيرها يعني انت لو انت قاعد في اوضه مشغل فيها التكييف وانت بان المبنى بتاعك بحيث عامل ا طبقه من الهواء ما بين الجدارين كده وحاطط ما بينهم لوح من البولي استرين فحضرتك كده انت عازل الغرفه بتاعتك تقريبا او شبه عازلها عن الوسط اللي بره الجو بره حر جدا ودرجه الحراره عاليه فبالتالي انت مدفي او عفوا انت عامل درجه الحراره بتاعه الغرفه بتاعتك بالتكييف مخفضها او العكس لو انت مشغل دفايه مثلا والجو بره برد فانت بتعزل الحراره بتاعتك جوه عن بره فبره الجو برد وعندك جوه عادي جدا الغرفه عندك معزوله فدرجه الحراره فيها ا مرتفعه لانك مشغل دفايه ايا كان مشغل دفايه او مشغل تكييف انت عازل الغرفه بتاعتك عن الوسط المحيط بره خلاص يبقى نقول له لان البوليسترين والهواء الاثنين على فكره الاثنين البوليسترين والهواء الاثنين ماده عازله فانت كده عامل عزل ايه مزدوج مش عامل هوا بس خلاص يبقى نقول له لان البوليسترين والهواء الموجوده في فراغ الطوب من المواد العازله للحراره وهو ما يمنع التغيرات السريعه هو كده كده الحراره هتتصرب بس هتبقى بشكل بطيء كانك بالضبط عامل نظام معزول خلاص وهو ما يمنع التغيرات السريعه في درجات الحراره داخل المباني عند تغيرها بالخارج طيب طبيعي جدا ان احنا نعمل انظمه تبريد في الاجهزه اللي احنا بنستخدمها سواء الهواتف او الكمبيوتر ده احنا بنعمل نعمل جهاز تبريد في السياره اي جهاز اجزاءه الداخليه بتشتغل وبتحتك ببعض بيتولد عنها حراره الحراره دي يا جماعه بتعمل على ضعف الاداء وضعف الكفاءه بتاعه الجهاز فلازم نتخلص منها فبنعمل لها نظام تبريد من ضمن الحاجات اللي بنستخدمها في نظام التبريد ان احنا نستخدم معادن بتوصل الحراره بسرعه عشان تنقل الحراره بسرعه فبالتالي نعمل على تبريد الجهاز بسرعه زي الفضه كده فيجي يقول لك علل وجود انظمه تبريد داخل الاجهزه الالكترونيه مثل اجهزه الكمبيوتر والهاتف الذكيه نستخدم فيها مواد جيده التوصيلحرا مثل الفضه للتخلص من الحراره عشان الحراره دي بتعمل على ضعف اداء الجهاز ضعف كفاءه الجهاز للتخلص من الحراره المتولده في المكونات الداخليه والتي قد تؤدي الى ضعف كفائتها ضعف الاداء بتاعها وربما كمان تبوظ الجهاز ممكن عادي جدا البورده بتاعه الجهاز بالسلامه زي ما حصل معايا قبل كده كنت بصور في الحراره طبعا انا بصور دايما في الحراره ما بشغلش اي حاجه وانا شغال عشان اركز في الشرح وعشان كمان الحاجات اللي بتشتغل دي بتعمل صوت المهم بيقول لك يا باشا لاحظ ان احنا لما بنيجي نشيد جدران المباني بنستخدم الطوب الطفلي المفرغ اللي بيبقى فيه هواء عن ان احنا نستخدمه مصمط عن الطوب الطفلي المصممت ليه؟ عشان الفراغات دههي فيها هواء والهواء ماده عازله وتوصيليته الحراريه اقل ب 20 مره من ماده الطفل نفسه يعني بدل ما تجيب القالب مصمط لا خلي فيه هواء الهواء ده بيعزل الحراره والتوصيليه الحراريه بتاعته قليله جدا اقل ب 20 مره من انك تملى الفراغات دي بماده الطفل احسن ما تعمله مصمت فوجود وجود الفراغات دي مش يعني مش بخل منهم مثلا لا ده بالعكس ده ذكاء منهم واحد يقول لك مكانوا يكملوا الطوبه وتبقى طوبه كامله على بعضها يا باشا وجود الفراغات دي مهم جدا في العزل الحراري لان الهواء اللي موجود ما بين الفراغات دي ماده عازله والعزل الحراري بتاع الهواء قليل جدا 20 مره مقارنه بماده الطفل اللي انت ممكن تحطها في الفراغات ده يفضل عند تشييد جدران الحوائط استخدام قوالب الطوب الطفلي المفرغ اللي فيه هواء يعني عن قوالب الطوب المصمط لان التوصيليه الحراريه للهواء قليله اقل ب 20 بره من توصيليه ماده الطفل طب ما خلاص ما احنا ممكن نعمل الطوبه كلها هوا ونجيب لا للدرجات دي المنزل هيقع بينا بقى استخدام الواح عازله من البوليسترين المعلومه دي قلناها خلاص بين حوائط المباني زي ما انا قلت لك وكمان وجود الهواء فانت كده عملت عزل مزدوج الهواء وجود الهواء نفسه بيعزل لان التوصيليه الحراريه بتاعته قليله جدا وكمان وجود الواح البوليسترين برده هي ماده عازله بتعمل على عزل الاوضه بتاعتك او المبنى بتاعك عن الوسط المحيط اللي بره فبالتالي حضرتك كده لما تيجي تعمل انظمه تكييف ما تصرفش كتير يا دوبك هتجيب تكييف ايه ا قليل قدرته قليله خلاص بيبقى كافي جدا انه يشغل الاوضه دي لانها معزوله فبالتالي مش هياخد وقت ولا جهد ولا ولا انت محتاج تكييف قوي شويتين ثلاثه عشان يكيف لك الاوضه خلاص هي معزوله الهواء اللي جواها درجه حرارته قليله فمجرد ما تشغل تكييف صغير يقوم مظبط لك الجوده على طول وهو ما يقلل من تكلفه تكييف الهواء داخل المباني تيجي تشغل التكيف ياخد وقت صغير بس على ما يكيف لك الاوضه خلاص طب ما ده كويس بيوفر في الطاقه وبيوفر كمان في الاجهزه لان الاجهزه لما بتشتغل لوقت طويل وكمان الجو حر ودرجه الحراره عاليه جوه الغرفه بياخد وقت طويل وبياخد طاقه وممكن الجهاز نفسه يحصل فيه حاجه خلاص كده بنكون خلصنا حصتنا النهارده حصه مليانه ودسمه شويه معلش اغلبيتها اسئله مقالي بس فيها اسئله محترمه جدا تعال نحل برده اسئله اختبر فهمك او التقييم على الجزء ده من كتاب الامتحان ونخلص الحصه تعالى نفكر مع بعض كده وانا مش عايز احل لك كل حاجه في التقييمات عشان ما تعتمدش عليا ان انا احل حل لك كل حاجه المفروض ان انا اسيب لك جزء من التقييمات تفكر فيه وبعدين اللي انت مش عارفه تسالني فيه فحله لك انما تبقى قاعد زي الباشا كده واحل لك انا كل حاجه ده غلط صدقني غلط انا بضحك عليك بيقول لي يا سيدي اختار الاجابه الصحيحه تنتقل الحراره من نقطه لاخرى خلال قطعه من الحديد عن طريق عن طريق التوصيل عن طريق التوصيل فقط ليه التوصيل فقط لان دي ماده صلبه والماده الصلبه بتنتقل فيها الحراره بالتوصيل من الشكل المقابل اي من مكعبي الثلج المتماثلين واحد واثنين سوف ينصهر اسرع طب تعالى نبص كده يا باشمهندس في عندنا هنا سطح من الحديد الساخن ما لكش دعوه بالحمار اللي بينهق بره خليك هنا خليك هنا في المساله ده كده سطح من الحديد الساخن وده قالب من المعدن وده قالب من البلاستيك واضح جدا واضح جدا ان قالب الحديد اللي هو اللي من المعدن موصل جيد للحراره فبالتالي هياخد الحراره من هنا يوصلها لهنا بسرعه فبالتالي ده اللي هينصهر بشكل اسرع لكن البلاستيك ماده عزل فده اللي هينصهر بشكل اسرع يبقى المكعب اثنين اي حاجه يقول لك فيها المكعب واحد ارميها بره يبقى المكعب رقم اثنين بسبب بسبب ان التوصيليه الحراريه للمعادن اكبر من التوصيليه الحراريه للبلاستيك او لان البلاستيك ماده عازله لان المعدن ماده الموصله صح لكن المكعب اثنين لان المعدن ماده عازله غلط يبقى اختيارنا الصح هو الاختيار ج نشوف الاختيار الثالث والرابع في الورقه اللي جايه تعال نشوف السؤال الثالث هنا بيقول لي سخنت كميات متساويه من الماء المثلج في اربعه اوعيه مصنوعه من مواد مختلفه اي بي سي دي زي ما انت شايف لمده 15 دقيقه وتم تسجيل درجه حراره كلا منهما يعني انا سخنت ماء مثلج في اربع اوعيه لحد ايه؟ لمده 15 دقيقه وتم تسجيل درجه الحراره في كل منهما بعد ما سخنت كل واحد فيهم ربع ساعه بصيت على درجه حراره الاول لقيته 15 والثاني 26 والثالث 22 والرابع 19 ايا مما يعد توصيليته الحريه او اي من مال يعد صحيحه بص يا سيدي تعال الاول نقرا المعطيات اللي هنا حضرتك اللي بيسخن بسرعه ده معناه انه كان موجود في اناء توصيلته الحريه عاليه عشان كده وصل له حاره بشكل اسرع فالبي اكبرهم في التوصيليه الحراريه ثم السي ثم الدي ثم الا لان الاناء اللي التوصيليه الحراريه بتاعته عاليه يسمح بانتقال الحراره خلاله بسرعه فيسخن الميه جواه بسرعه يبقى ده كده اعلاهم في التوصيليه الحراريه هو بيقول لي التوصيليه الحراريه للماده ايه هي الاكبر غلط هي الاقل لان هي اقل درجه حراره التوصيليه الحراريه هي للبي هي الاصغر هي الاعلى لان الاناء الميه اللي جواه اتسخنت اسرع واعلى فبالتالي توصيليته الحراريه تكون عاليه التوصيليه الحريه للماده اكبر من سي دي صح التوصيليه الحراريه لبي اكبرهم اصلا اكبرهم توصيليه حراريه ليه لان الميه اللي جواها سخنت بدرجه اعلى فده معناه ان الماده اللي هي دي كانت بتسمح بانتقال حراخ الله بسرعه التوصليه الحراريه للماده ايه اكبر لا الماده ايه اقل طبعا لان هي اقل درجه حراره عند تلامس مكعبين متماثلين من النحاس درجه حراره الاول 40 ودرجه حراره الثاني 60 تصبح درجه حرارتهما 40 + 60 على 2 يبقى 50 ليه طيب لان مكعبين متماثلين من نفس الماده تصبح درجه حرارتهما عند الاتزان الحراري بتساوي متوسط درجه حرارهما قبل التلامس علل استخدام الفضه في انظمه التبريد اهي يا باشا عشان ما نضيعش وقت اهي للتخلص من الحراره المتولده في المكونات الداخليه والتي قد تؤدي الى ضعف ادائها وربما تلفها مش عايزين نضيع وقت في الكتابه بيقول لي علل عدم سريان حراره عند تلامس يدك اليمنى مع يدك اليسرى ليه بسبب انهم لهم نفس درجه الحراره لعدم وجود في في لعدم وجود فرق في درجه الحراره بينهما خلاص لعدم وجود فرق في درجه الحراره بينهم بينهما عارف امتى تنتقل الحراره خد ايدك دههي حطها في ميه ساقعهخد ايدك دههي حطها في ميه سخنه وسلم يا باشا على نفسك هتلاقي الحراره بتنتقل من ايدك السخنه لايدك البارده وهتحس بده على فكره ركز كده يا باشمهندس هنا بيقول لي ضع صح او خطا امام العبارات التي تصف ملاحظتك ده ثلج درجه حرارته ولتكن صفر درجه سليزيوس ودي ميه واخده درجه حراره الغرفه مثلا 25 درجه سلسل بيقول لي ينصهر مكعبات الثلج طبعا التلج بينصهر ده لو هو موجود في الهواء اصلا هينصهر لوحده ما بالك موجود في ميه هتسحب منه حراره وينصهر الماء يصبح ابرد ايوه يا عم الميه درجه حرارتها 25 الثلج هيسحب حرارتها يسحب حرارتها اذا درجه حرارتها هتقل هتفضل تقل لحد ما تبقى ابرد يبدا الماء في التجمد ابدا مش هيتجمد ولا حاجه ليه لان كده الثلج بينصهر فبالتالي الماء عشان يتجمد لازم درجه حرارته توصل للصفر او اقل وهم الاثنين مستحيل توصل درجه حرارتهم للصفر لان الثلج بيبدا يسحب من الميه عشان درجه حرارته تعلى والميه عمرها ما هتوصل للصفر لان احنا مش محطوطين في فريزر بالبلدي خالص فبالتالي الميه مش هتتجمد الميه هتبرد بس يزداد درجه حراره كلا من الثلج والميه بص الثلج درجه حرارته بتزيد لكن الميه درجه حرارته بتقل لان واحد فيهم بياخد من الثاني فبالتالي ده غلط هسيب لك ده واجب واسيب لك ده واجب بعد اذنك بعد اذنك ذاكر كويس الوحده الاولى هتفرق ما بينكم كويس قوي قوي قوي قوي احنا خلاص على مشارف انتهاء الوحده الاولى وهنخش على الوحده الثانيه اللي هي هتبقى اخف وطا شويه وانا متاكد انك هتحبها خصوصا انها بتتكلم عن المعادلات الكيميائيه خد القلب ده علشانك وان كنت انت اصلا مش مهتم بس انا مهتم اقول لك ان انا بحبك في الله اشكرك على المتابعه الجيده واشوفك على الف خير سلام