جاري استغل تعب جوزي قصص مسموعه قصص واقعية حقيقة

ازيكم عاملين ايه يا رب تكونوا بخير حكايتنا النهارده حكايه حقيقيه واقعيه بنحكيها لكم للعبره والتعلم والموعظه وطبعا في انتظار نصائحكم القيمه لشخصيات القصه صاحبه القصه بتقول انا عندي 26 سنه واتجوزت سيد جوزي وهو كان شغال نقاش وكنا ساكنين في شقه جار في منطقه شعبيه وكنت ساكنه في الشارع اللي فيه سوق بتاع المنطقه كنت ساكنه في الدور الاول ومن سنتين في واحد جه اجر المحل اللي تحت البلكونه اللي هي البلكونه بتاعتي هو شاب عنده كده حوالي 35 سنه وكان فاتح قبله واحد بتاع سمك ومشي المهم الراجل ده بعد ما فتح انا دايما بنزل اجيب حاجتي من السوق والخضار بالذات بجيبه من اقرب حد ل علشان يعني ماشلش مسافه كبيره فبقيت دايما اشتري منه لاحظت ان كل مره اروح اشتري من عنده بيبيع لي الخضار بسعر اقل من السوق اللي هو بيبقى كاتبه على الورقه بيقول لي علشان خاطرك انت بكذا فانا بصراحه ما كنتش بستغرب قوي يعني وبقول علشان يعني عارف ان انا جارته وكده فاكيد هو بيعمل كده علشان انا جارته لحد ما جت عليا ايام جوزي ما كانش بيشتغل فيها خالص علشان صدره تعب من الحاجات الكيماويه اللي هو بيشتغل بيها اللي هي في النقاشه والظروف بقت صعبه علينا قوي قوي لدرجه ان انا بقيت اشتري الاكل من الناس اللي انا اعرفهم ويعرفون بالش شكك ولما ربنا يبعت لي فلوس من عند يعني ابويا وامي كنت بنزل اسدد الفلوس اللي عليا ولما رحت لبتاع الخضار قلت له ينفع اخد منك خضار وابقى حاسبك بعدين قال لي انت تاخدي اللي انت عايزاه في اي وقت وما تشغليش بالك بالفلوس وفعلا بقيت اخد من عنده خضار لمده شهر وبقى عل مبلغ كبير قوي ليه ولباقي الناس وجوزي كل ده قاعد في البيت وما بقتش عارفه اعمل ايه لحد ما فكرت ان انا ابيع حاجه من ال بيت علشان اسدد الفلوس اللي عليا علشان بصراحه شكلي بقى وحش قوي وما بقتش قادره اشتري اي حاجه اني من الناس رحت اول حاجه فكرت فيها هي الشاشه بتاعه التليفزيون بس ما كنتش عارفه ابيع لمين المهم قبل ما افكها كده نزلت تحت في الشارع وقلت اسال لو اي حد يعني واحد من اللي عرفهم محتاجها المهم لقيت واحد كده عاوزها بس للاسف نزل في سعرها كتير قوي يعني انا اول ما جبتها جديده كانت حوالي 5000 جنيه فقلت ان انا هبيعها بحوالي 3000 جنيه واسدد الفلوس اللي عل مافيش مشكله انما هو كان عايزها ب 2000 جنيه فطبعا انا رفضت لحد ما رحت لبتاع الخضار اللي تحت البيت عندي وقلت له عليها فتقريبا هو حاس كده ان انا ببيع علشان ما معيش فلوس خصوصا ان هو عارف ان انا باخد منه خضار بقالي شهر كده شكوك فلقيته بيقول لي انا عاوز اطلب منك طلب قلت له خير قال لي بس تعالي كده نقف على جنب علشان الناس المهم بعدني عن المحل شويه ولقيته بيقول لي ممكن تعتبريني اخي ليكي قلت له ازاي يعني قال لي بصي انا زي اخوكي واحنا كلنا معرضين ان اي حد فينا تحصل معاه ظروف زي دي واكتر من كده كمان انا عارف انك عاوزه تبيعيها علشان الظروف معاك ومع والدك مش كويسه قلت له والدي ايه على فكره انا متجوزه قال لي ما شاء الله والله والله اللي يشوفك يقولي انك لسه صغيري يعني قال لي انت عندك كام سنه قلت له عندي 24 سنه قال لي طيب جوزك بيشتغل قلت له والله هو كان شغال نقاش بس صدره تعب شويه من الحاجات اللي هو بيشتغل بيها دي ودلوقتي عد هو بقى في البيت بقى له شهر قال لي طيب بصي هنتف اتفاق قلت له اتفضل قال لي هو التلفزيون ده كنت هتبيعي بكام قلت له يعني لو جاب 3000 جنيه كده بصراحه كنت هبيعه قال لي طيب بصي انا هدي لاختي 3000 جنيه وتخلي التلفزيون عندي زي ما هو وانت لما ربنا يفرجها عليكي ابقي ادفعيه لي حتى لو 100 جنيه كل شهر طبعا انا رفضت لاني انا ماعرفهوش وعمري ما اخدت فلوس من اي حد غريب بس هو فضل مصمم اني لازم اخدهم قال لي وفي حاجه بقى ثانيه اهم قلت له ايه هي قال لي انا واقف في المحل لوحدي وعاوز حد يساعدني ويقف معايا فانت ايه رايك لو جوزك ينزل ويشتغل معايا قلت له بس انا هقول له ازاي ان انا عرفت وان انت محتاج حد يقف معاك ما هو ما يعرفش اصلا ان انا وقفت واتكلمت معاك ولو عرف ان انا اتكلمت معاك هيعمل معايا مشكله كبيره قوي قال لي بصي انت ممكن تقولي له ان انت واقفه بتجيبي حاجه كده من عندي وسمعتني ان انا بتكلم مع زبونه كده عندي ان انا عاوز حد يشتغل معايا وهو لو كده خليه ينزل يقول لي قلت له حاضر هقول له قال لي هو اسمه ايه قلت له اسمه سيد قال لي خلاص قولي له كده وربنا يسهل وطلعت البيت وانا كنت مبسوطه قوي بسبب ان انا حسيت ان لسه الدنيا بخير وان في واحد غريب واقف جنبي لما عرف ظروفي وبعدها بساعه كان جوزي صحي من النوم قلت له بقول لك ايه انت لازم تشوف شغل في اي حاجه احنا كده مش هنعرف نعيش قال لي يعني انا كنت لقيت شغل وما اشتغلتش قلت له على العموم انا النهارده كنت واقفه بجيب خضار ولقيت الراجل اللي ماجر جديد تحت بيتكلم مع واحده وبيقول لها لو عندك حد عاوز يشتغل انا عاوز واحد يجي يشتغل معايا فانت ممكن تنزل تكلمه قال لي وانت عايزاني اشتغل بتاع الخضار قلت له ماله بتاع الخضار مش احسن من قاعده البيت دي اللي بقت تحوجني اللي يسوى واللي ما يسواش قال لي لا مش هشتغل واليوم ده عملت مع جوزي خناقه كبيره قوي وكانت واقفه على الطلاق لحد ما اهله عرفوا باللي حصل وكلهم طبعا غلطو ووقفوا في صفي واتفقنا خلاص ان هو هينزل ويشتغل ده انا كمان بحمد ربنا ان انا مش معايا عيال منه انا لوحدي اقدر استحمل الجوع والعطش انما لو معايا طفل صغير في الظروف دي ما ارفش كنت هعيش ازاي المهم جوزي نزل وكلم الراجل وفعلا اشتغل معاه اشتغل معاه حوالي شهر كده ورجع تعب تاني بس التعب المره دي زاد جدا واتحجز في المستشفى لانه كان عنده مشاكل جامده جدا في الرئه والتنفس وخلال الفتره دي كان صاحب محل الخضار كان بيقف معايا في كل حاجه كانه واحد من عيلته وبصراحه بدات عجب بيه جدا جدا من كتر المواقف اللي هو بيعملها معايا ده غير كرمه وحنيته اللي ما شفتهاش من حد من اهلي وحسيت ان هو كمان بدا يقرب مني ولما كنت بروح لجوزي المستشفى علشان ازوره وهو محجوز لقيته بيطلب مني رقم التليفون بتاعي قال لي يعني علشان ابقى اطمن عليه منك قلت له ما فيش مشكله واديت له رقم تليفوني وجوزي فضل محجوز في المستشفى شهرين وفي الشهرين دول بتاع الخضار كان بيكلمني في التليفون تقريبا كل يوم كل يوم كنا بنقعد نتكلم بالساعات وعرفت تفاصيل حياته كلها وقال لي ان هو مش متجوز وكمان سايب البلد بتاعته ومتغرب علشان يجي يشتري هنا ومالهوش اي حد هنا خالص وماجر الشقه وقاعد فيها لوحده سعب عليا جدا واتمنيت في الوقت ده اكون مش متجوزه علشان نفسي اعمل اي حاجه علشان اسعده واحسسه اني انا جنبه زي ما هو وقف جنبي بالظبط في حاجات كتير قوي لحد ما الكلام خدنا واعترف لي ان هو بيحبني من اول مره شافني فيها بس ما كانش قادر ان هو يقول لي حاجه زي كده وانا كمان اعترفت له وقلت له ان انا معجبه بيه معجبه بيه جدا وبشخصيته و جدعته ووقفته معايا وانا مش هقدر طبعا انسى اللي انت عملته معايا خالص المهم فضلنا كل يوم نتكلم وبقى في بينا علاقه حب وكلام حب كتير قوي منه ومني كل ده وانا وجوزي في المستشفى بس غصب عني لقيت نفسي بتكلم مع واحد ثاني لاني انا بصراحه جوزي ما كانش حتى بسمع منه كلمه حلوه كان حرمني من ابسط حقوقي اللي هي الكلمه الحلوه فبصراحه اول ما لقيت حد بيحترمني ويقدرني ومهتم بيا غصب عني بدات اني انا كمان امل ليه وافكر فيه لحد ما ربنا افتكر جوزي واتوفى اتوفى في المستشفى في الوقت ده وانا ما كنتش عارفه ازعل على واحد عشت معاه اربع سنين ولا افرح علشان بقى في حد تاني في حياتي ومهتم بيا لحد ماخلص العزا وعدى اول اسبوعين والمفروض ان انا بقيت يعني قاعده في الشقه لوحدي واحنا اصلا كنا ماجرين الشقه دي فانا قلت لبتاع الخضار اني انا خلاص اخرف الشقه دي الشهر ده وهمشي واروح اقعد عند اهلي قال لي طيب ما تخليكي قاعده فيها وانا ادفعلك الايجار فانا بصراحه رفضت وغير كده كمان اهلي مش هيوافقوا ان انا اقعد لوحدي قال لي ماشي عموما انا هكلم صاحب البيت واقول له لو عندك شقه ايجار في البيت انا هاجرها منك بحيث اول ما انت تقولي ان انت هتسيبي الشقه يكلمني قلت له تمام وفعلا انا مشيت ورحت قعدت عند اهلي وهو اجر الشقه بتاعتي ومن اول هنا بقى وبدات اعمل حاجات انا ما كنتش اتخيل ابدا اني اعملها بس فعلا كان غصب عني طبعا كنا بنتكلم انا وهو كتير جدا وبقيت احبه جدا جدا وكان بيطلب مني اني انا اجي الشقه عنده انها يعني فاضيه وما فيش حد قاعد فيها بحجه ان الشقه عاوزه تتروق ومش نضيفه وعاوزني اروح علشان ان انا اعملها له فانا بصراحه كنت بخاف اروح علشان ما اعملش حاجه غلط ورفضت هو قال لي هو انت خايفه مني قلت له انا خايفه من نفسي اصلا قال لي ما تخافيش انت هتيجي المحل هتاخدي مني المفتاح بتاع الشقه وتطلعي تظبطي الدنيا فوق وانا مش هطلع خالص انا هكون واقف تحت في المحل علشان تبقي مطمنه وكده قلت له اذا كان كده ماشي ورحت له فعلا واخدت منه المفتاح بتاع الشقه وطلعت اول ما دخلت الشقه قعدت اعيط جدا لاني كان ليا فيها ذكريات كتير ودي كانت صعبه عليا جدا اني انا امشي من الشقه الشقه دي بالذات المهم روقت له الشقه هي تقريبا كده اصلا كانت فاضيه ما كانش فيها غير اوضه بس اللي هي فيها السرير بينام عليه ودولاب المهم عملتها له كده في حوالي ساعه ونزلت اديت له المفتاح بتاعه ولقيته بيديني فلوس المهم ان انا رفضت اني انا اخد منه ومشيت ورحت متصله بيه وانا في الطريق قلت له هو انت فاكرني ان انا جايه اعمل لك الشقه دي علشان خاطر اخد فلوس قال لي لا والله انا بديهم لك كده محبه قلت له خلي المحبه دي في وقت تاني مش في الموقف ده وبعدين انا جايه اعملها لك علشانك علشانك انت مش علشان فلوس قال لي والله العظيم انا عارف وتسلم ايديكي قلته ده انت حتى ما هانش عليك تجيب لي حاجه اشربها يا راجل قال لي ما انت اللي خلصتي الشقه بسرعه ومشيتي ان شاء الله هعوضه لك المره الجايه المهم ضحكنا شويه مع بعض في التليفون وقفلت وروحت البيت وبعد 15 يوم لقيته بيقول لي اني ان انا هروح اعمل له الشقه وطبعا انا بقى مطمنه جدا اني انا مش هعمل اي حاجه غلط لان هو مش هيكون موجود زي المره اللي فاتت قلت له ماشي بس معلش خليها الصبح بدري علشان الساعه 10 كده انا ورايا كذا حاجه هعملها يعني المهم قال لي ماشي رحت له ثاني يوم وقابلته في المحل وخدت منه المفتاح وطلعت تاني الشقه انا لبسي كله عباره عن عبايات وعلشان اشتغل في الشقه بدخل وبقلع العبايه علشان ما تتبهدل مني المهم قلعت العبايه وبدات ترويق في الشقه وبعدها بربع ساعه سمعت صوت مفتاح الباب بيتفتح فانا توترت وفجاه الباب اتفتح ولقيته قدامي والاوضه اللي فيها العبايه اللي انا قلعها فيها كانت بعيده عني فرحت علشان البسها لقيته راح قافل باب الشقه وج ورايا وقال قال لي هو انت مكسوفه مني قلت له بصراحه اه انا اول مره في حياتي اكون مع راجل غريب لوحدي قال لي هو انا كده غريب بالنسبه لك قلت له لا مش غريب قال لي خلاص سيبي العبايه بقى وامسكي الشنطه دي شوفي فيها ايه كان جايب شنطه كده اخدتها منه لقيت الشنطه دي مليانه حاجه ساقعه وعصايه كانت كتير قوي قلت له ايه ده كله قال لي مش انت كان نفسك في حاجه تشربيها المره اللي فاتت قلت له اه بس ده كتير قوي ق قال لي ما فيش حاجه في الدنيا تكتر عليكي قال لي على فكره انا اول مره برده اكون مع واحده في شقه مقفوله علينا بس عموما ما تخافيش انا عمري ما هاذيكي قلت له انا مش خايفه على فكره قال لي طيب ممكن اطلب منك حاجه انا نفسي فيها قلت له نفسك في ايه قال لي نفسي اخدك في حضني سكت ساعتها وما قدرتش ان انا اتكلم او ارد عليه لحد ما لقيته بدا ان هو يقرب مني وخدني في حضنه فعلا لاول مره في حياتي احس ان انا في حضن ابن راجل بجد حسيت ان هو حاسس بيا قوي وعارف ان انا كان قد ايه نفسي في حد يحتويني فضل حضلني شويه وقال لي انا حاسس ان انا فرحان قوي قلت له فرحان ليه قال لي اول مره بكون نفسي في حاجه وتتحقق ومبسوط قوي وانت قريبه مني كده المهم ضحكت وقلت له بس كده هتدفع كتير لقيته بيقول لي وانا عينيا ليكي اللي نفسك فيه هعمله قلت له وانا مش نفسي في اي حاجه انا اهم اهم حاجه عندي اشوفك سعيد فضلنا مع بعض شويه وما حصلش بينا اي حاجه في اليوم ده وقلت له انا لازم امشي دلوقتي علشان مش هينفع ان انا اتاخر كل ده وراح نازل هو قبلي على المحل وانا لبست العبايه بتاعتي ونزلت اديت له مفتاح الشقه ولقيته بيحلف عليا ان انا لازم اخد الفلوس دي وكان حاططهم في ورقه كده وانا ما كنتش اعرف هم كام وقال لي اقسم بالله لو انت ما اخدتيه امش هيكون اخر كلام بيني وبينك رحت خدتهم منه ومشيت ولما وصلت البيت ودخلت اوضتي بطلع الفلوس بعدهم لقيتهم كده 1000 جنيه ما كنتش مصدقه من كتر الفرحه وفي نفس الوقت حسيت ان هم كتير عليا قوي وكتير كمان اللي هو بيعمله معايا ده رحت متصله بيه وقلت له على فكره كده ما ينفعش هو انت بتشتغل علشان في الاخر تديني انا الفلوس دي قال لي انا وانت واحد ودي اقل حاجه ممكن اديها لك ده انا لو اطول اجيب لك نجمه من السما هجيبها لك حسيت ان هو بيحبني قوي كده قلت لما اعرض عليه كده فكره ان هو يتجوزني طالما ان هو عاوزني كده وبيحبني بالشكل دهاني يوم كلمته وقلت له هو انت مش ناوي تتجوز قال لي اكيد ناوي ان شاء الله قلت له طيب يا ترى لقيتها ولا لسه قال لي لقيتها بس انا قدامي شويه كده على ما اجمع قرشين علشان طبعا اعرف اتكلم مع اهلها وكده قلت له يا ترى بقى انا اعرفها قال لي هو في حد ما يعرفش نفسه قلت له يعني انت قصدك عليا انا قال لي اه طبعا انت انت وانا كنت هكلمك في الموضوع ده بس بما انك يعني فتحتي الموضوع فكان لازم اعرفك قلت له طيب واهلك في البلد هيوافقوا انك تتجوز يعني واحده زيي كانت متجوزه قبل كده قال لي عموما انا ابويا وامي متوفين واخواتي كل واحد عايش في حاله وما حدش لحكم عليا وبعدين انا مش هعمل حاجه حرام وانا اختار اللي انا عايزه بس المشكله دلوقتي معايا في الفلوس انا قدامي مش اقل من سنه على ما اقدر ان انا اجيب عفش وكده قلت له خلاص عموما انا لو حد جه يتقدم لي في السنتين دول هرفض وهستناك واتفقنا على كده وفعلا كل فتره كان بيبعت لي ويقول لي ان هو جهز مبلغ كده من الفلوس وبقيت عايشه تفاصيل كل حاجه هو بيخطط لها علشان يتجوزني وخلاص بقيت متاكده ان انا بعد سنتين هكون مراته بس ما رضيتش ان انا اعرف حد من اهلي في الوقت ده وفعلا كان في ناس كتير جدا بتيجي تتقدم لي خصوصا لاني مش معايا اطفال بس معظم اللي عاوز يتجوزني بيكون عاوزني يعني اكون زوجه تانيه وانا ما كنتش حابه كده بصراحه وخلال السنتين دول كنت بروح عنده الشقه في الاول علشان اروقها وكده لكن بعد كده بقيت اروح عشانه هو وبصراحه كل حاجه بقت تحصل بينا والغريب انه ما بقاش هو اللي بيطلبنى له انا اللي هجي لك لانه فعلا بيوحشني وما بقتش اقدر ان انا استغنى عنه عدت سنه وانا خلال السنه دي عايشه معاه يعتبر بروح له كل يوم اقضي اجمل وقت معاه وبرجع البيت والمفروض ان انا خلاص فاضل سنه واحده ونتجوز وقال لي ان هو خلاص خد شقه ايجار قديم علشان مش كل شويه نتنقل من مكان لمكان لحد ما قلت له طيب خلاص انا هعرف اهلي علشان احنا كمان نظبط نفسنا نشوف هنجيب ايه قال لي لا ما تعرفيش حد دلوقتي حاجه خليها قبل الجواز كده بشهر وابقي عرفيهم وانا كده كده مش عايزك اصلا تجيبي اي حاجه انا هجهز الشقه كلها من كل حاجه قلت له خلاص ماشي وتاني سنه دي برده انا مستمره معاه وبروح عنده كل يوم او كل يومين بروح اقعد معاه ساعه كده علشان ما ينفعش اتاخر على البيت اكتر من كده ولما خلاص السنه الثانيه قربت تخلص وبقى فاضل شهر كده على الجواز زي ما احنا طبعا كنا متفقين فجيت بتصل بيه لقيته ما بيردش عليا بعديها بفتره اتصلت بيه تاني راح رد عليا وقال لي معلش انا مشغول بس دلوقتي هخلص حاجه كده وهرجع اكلمك يوم والثاني وما اتصلش بيا ولا كلمني جيت اتصل بيه لقيت تليفونه مقفول فضلت اجرب طول اليوم طول اليوم وانا بتصل بيه تليفونه بيديني مغلق قلت خلاص اني يوم هعدي عليه في المحل واعرف فيه ايه وج ثاني يوم الصبح لبست ونزلت وصلت قدام المحل لقيت المحل مقفول وانا طبعا متعوده وعار عارفه ان هو بيصحى بدري فانا بصراحه قلقت عليه قوي وجربت اتصل بيه وانا واقفه قدام المحل برده بيديني ان التليفون بتاعه مقفول رحت طلعت قدام الشقه وقعدت قرن الجرس بتاع الباب ما حدش بيرد ولا حد بيفتح نزلت ما بقتش عارفه اعمل ايه قلت اما اسال كده المحل اللي جنبه يمكن يكون عارف حاجه دخلت المحل لقيت في راجل كبير في السن واقف واقف فيه فبقول له يا حاج هو بتاع الخضار ده بيفتح امتى قال لي ده مشي يا بنتي من هنا وكان بيصفي الحاجه اللي عنده امبارح الراجل اول ما قال لي كده حسيت ان انا كان هيغمى عليا من الصدمه اللي كنت فيها وقلت له انت متاكد يا حاجه قال لي يا بنتي وانا بيني وبينك ايه علشان اغشك خرجت من عند الراجل وانا مش قادره اصدق اللي هو قاله لي وهتجنن واتاكد من اللي الراجل قاله وكان معايا وقتها رقم صاحب البيت رحت متصله بيه وقلت له ما عندكش شقه في البيت للايجار علشان في واحده صاحبتي بتدور على شقه قال لي عندي شقه قلت له في الدور الكام قال لي الشقه اللي انت كنت ساكنه فيها قلت له هي دي مش متاجره قال لي اللي اجرها كلمني وقال ان هو خلاص هيسيب المحل والشقه كمان علشان راجع بلدهم قلت له طيب خلاص هشوف صاحبتي كده وهرد عليك وقفلت معاه وبقيت منهاره من العياض وما كنتش متخيله ان بعد اللي حصل بينا ده يخضر بيا كده ويسيبني ويختفي فجاه اتصدمت صدمه عمري فيه وحمدت ربنا ان انا ما كنتش عرفت اهلي بحاجه انا كل اللي حزنت عليه ليه حب ليه والحاجات اللي كانت بينا لما كنت بروح عنده والعرسان اللي جت لي كتير وانا رفضتها بسببه وانا عمري ما هسامحه لاخر يوم في عمري وعمري ما هكرر الغلطه دي ابدا في حياتي مع اي حد مهما كان هو مين ودي كانت حكايتي معاكم النهارده اتمنى اسمع رايكم في الكومنتات ما تنسوش تدعموني بلايك واشتراك في القناه