جغرافية التنمية ومجالاتها 2026 الجزء 1 تانية ثانوى الترم الأول

ربنا خلق سطح الارض عليه طبيعه جميله وهادئه وجميله وطيور ونبات وحيوان وانسان طبعا الانسان ما سكتش لازم يحط التاتش بتاعه وبعد كده حصلت مشكله هو مش مشكله واحده ده مشاكل كتيره جدا طب هيحلها بقى ولا هيسيب الدنيا تخرب كده ده بقى موضوع حلقتنا ويلا بنا نبدا ونقول بسم الله السلام عليكم ورحمه الله وبركاته اهلا بكم طلبه تانيه ثانوي في كل مكان معكم مستر محمد فتحي ويلا بينا نبدا اول درس جغرافيا الترم الاول بعنوان جغرافيه التنميه ومجالاتها خلال التلات عقود اللي فاتوا يعني الثلاثين سنه اللي فاتوا كانت معظم دول العالم بتعتمد في التنميه على نموذج التنميه الاقتصاديه يعني كل دوله عايزه الاقتصاد بتاعها يحصل له تنميه اقتصادها يقطر يعني فكانوا بيعملوا ايه بقى كل دوله تصنع كثير فهتنتج بضائع كثير فهتبيع كثير فتكسب كثير لكن في النهايه ترتب على التنميه الاقتصاديه ازمات كتيره جدا لما بدات معظم الدول تعمل بالصناعه على النطاق واسع المصانع بتطلع دخان فحصلت اول مشكله وهي تلوث الهواء كمان بيتم القاء الصرف الصناعي في مياه البحار والانهار فحصل التاني مشكله وهي تلوث المياه كمان بدا يتم استخدام الموارد غير المتجدده بصوره كبيره جدا سواء مصادر الطاقه او المعادن ودي لو خلصت مش هتتجدد تاني التالت مشكله وهي نفاد الموارد غير المتجدده كمان بدا يتم قطع الاشجار بصوره كبيره جدا عشان بيتم استخدام الاخشاب في الصناعه فقلت مساحه الغابات والاشجار بتاعه الغابات مهمه جدا بتقلل تلوث الجو فبتقل الحراره فطبعا لما قلت مساحه الغابات بدات ترتفع درجه حراره الارض ولما ارتفعت درجه الحراره في مناطق حصل فيها جفاف النباتات ماتت والحيوانات ماتت فحصلت مشكله فقدان التنوع البيئي بيئه كامله اختفت من على سطح الارض كمان بسبب ارتفاع درجات الحراره بدا يتم تبخر كميات كبيره جدا من الميه وتسقط كميات كبيره من الامطار في مناطق تانيه فحصلت مشكله الفيضانات المدمره ايه البيوت غرقت والناس غرقت كل المشاكل دي بسبب التنميه الاقتصاديه طب نعمل ايه نوقف الصناعه خالص لا طبعا ده مش حل فالعلماء اجتمعوا وقعدوا مع بعض عشان يفكروا في اي حل يخلينا نحقق اهداف التنميه الاقتصاديه يعني نصنع كتير فننتج كتير نبيع كتير نكسب كتير الاقتصاد بتاعنا يزيد وفي نفس الوقت نخلي بالنا من حمايه البيئه واستدامتها يعني نحافظ على البيئه زي ما هي الفتره طويله عشان الاجيال اللي تيجي بعد كده تدعي لنا بدل ما تدعي علينا وهو ده اللي اسمه جغرافيه التنميه تعالوا بقى نبدا الموضوع من اوله ويلا بينا نقول بسم الله ولو انت مركز معي اكتب بقى في التعليق بسم الله تعالوا بقى نتكلم على مفهوم التنميه وتطوره اول مره ظهر مفهوم التنميه وبدا يتم استخدامه كان في ستينيات القرن العشرين يعني سنه 1960 ميلاديا ومر بعده مراحل طبعا كل مرحله بيتم تفسيره وفهمه بطريقه مختلفه تعالوا بقى نبدا باول مرحله في البدايه ظهر مفهوم التنميه في علم الاقتصاد وكان الهدف منه استثمار الموارد الاقتصاديه المتاحه وحسن توزيع عائدها يعني دوله عندها موارد اقتصاديه متاحه ينفع تستخدمها زي المعادن ومصادر الطاقه فهتبني مصانع تشغل بقى الموارد اللي عندها تنتج كتير تبيع كتير تكسب كتير الفلوس اللي كسبتها اسمها عائد طالم كتير ويبقى الاقتصاد بتاعها هيزيد فالهدف من التنميه هنا ايه زياده الاقتصاد فقالوا خلاص احنا نسميها بقى تنميه اقتصاديه وبكده خلصت المرحله الاولى وهتبدا المرحله التانيه اللي هيحصل فيها تطوير فعلا تطور مفهوم التنميه واتسع ليشمل الجانب البشري اللي هيركز على قدرات الفرد ومستوى معيشته والفرد ده اللي هو الانسان اللي هيشتغل بشر يعني فقالوا خلاص احنا نسميها تنميه بشريه طب احنا كده هنسيب التنميه الاقتصاديه يعني ولا ايه لا طبعا التنميه البشريه هتعمل لنا تنميه اقتصاديه ازاي يعني مثلا لو احنا عندنا مصنع والعمال اللي جايين يشتغلوا هنلاقيهم مش متعلمين ولا متدربين هيخشوا المصنع يعملوا ايه هعلمهم ولا ادربهم ولا يشتغلوا مش هينفع خالص لكن تخيل كده العمال اللي جايين يشتغلوا في الشركه او المصنع متعلمين كويس جدا ومتدربين كويس جدا وهياخد مرتب كويس جدا فلما يخش المصنع يشتغل كويس قوي وينتج كثير بجوده عاليه قوي نبيع البضائع دي نكسب كتير يبقى التنميه البشريه عملت لي تنميه اقتصاديه تعالوا بقى ناخد مثال ليوضح لنا الموضوع ده ببساطه خالص لو في دوله عندها شركات ومصانع العمال اللي هيشتغلوا في الشركات والمصانع هتعمل لهم مساكن وكمان هتعمل لهم وحدات صحيه مستشفيات يعني وكمان مدارس لابنائهم تخيل بقى ان في مصنع او شركه كده فعلا العامل يروح يشتغل يلاقي المسكن ببلاش العلاج ببلاش مدارس اولاده ببلاش دي حاجه جميله جدا ده نسيب التدريس واروح اشتغل معهم طب هم ليه مهتمين قوي بالبشر كده لان البشر هم الثروه الحقيقيه لاي امه وتقدر الامم بما تمتلكه من طاقات بشريه مؤهله ومضربه وقادره على التكيف والتعامل مع اي جديد بكفاءه وفعاليه يعني ايه برضو بقى الكلام الكتير قوي ده يعني مثلا اي دوله بنقدر قيمتها بالبشر اللي عندها متعلمين ولا مش متعلمين يعني مثلا لو عندنا دولتين الدوله الاولى السكان مش متعلمين ولا متدربين ولا بيشتغلوا في الصناعه ولا يعرفوا حاجه خالص وعندهم حديد بس مش عارفين يشغلوه في الصنا بسعر رخيص الدوله التانيه متقدمه جدا السكان متعلمين ومتدربين وبيشتغلوا بالصناعه وكفاءتهم عاليه جدا هيشتروا الحديد الخام بسعر رخيص يشغلوه في المصنع ينتجوا عربيات يبيعوها بسعر غالي كسبوا فلوس كتير يبقى التنميه البشريه عملت لي تنميه اقتصاديه وخلصت المرحله التانيه على كده نبدا بقى في المرحله الثالثه اللي هيحصل فيها تطور اكتر في مفهوم التنميه مع تزايد الوعي لدى الدول والهيئات والمؤسسات وبداوا بقى يعملوا مؤتمرات هنا وهناك والافراد كمان دخلوا في الموضوع وكله بقى عنده وعي بقضايا البيئه والمجتمع كله عمال يقول لك البيئه فيها تلوث والناس تعبت والاطفال الصغيره تعبوا وصدرهم بيشخشخ وعاملين يكحكحوا والكلام كتر قوي قوي قوي فقلنا لهم بس خلاص اهدوا بقى شويه كده هنعمل لكم حاجه جديده ايه هي تنميه مستدامه يعني ايه يعني تلبيه احتياجات الجيل الحاضر دون التضحيه او الاضرار بحقوق الاجيال القادمه يعني الجيل الحاضر اللي هو الناس اللي عايشه عايزين منتجات صناعيه هنعمل لكم منتجات صناعيه لكن في نفس الوقت دون التضحيه او الاضرار بحقوق الاجيال القادمه مش هنعمل استنزاف موارد ونحافظ على البيئه للاجيال اللي هتيجي بعدينا وبكده نقدر نقول انه تهدف التنميه المستدامه الى حاجتين الوفاء بحاجات البشر مع الحفاظ على الموارد البشريه والطبيعيه هنوفر الحاجات اللي الناس عايزاها لكن هنحافظ على الموارد البشريه والطبيعيه نحافظ على الناس محدش يحصل له امراض او يتعب وكمان نحافظ على الموارد الطبيعيه من الاستنزاف طب بتهدف لايه كمان محاوله الحد من التدهور البيئي هنحافظ على البيئه من اي ضرر طب وازاي بقى هنعمل تنميه مستدامه لتحقيق اهداف التنميه المستدامه يجب التوصل الى التوازن بين التنميه الاقتصاديه والبشريه من جهه واداره الموارد واحميه البيئه من جهه اخرى يعني الموضوع هيبقى عامل زي الميزان عايز اعمل تنميه اقتصاديه وبشريه لازم اخلي بالي الناحيه الثانيه من اداره الموارد وحمايه البيئه ما عملش استنزاف موارد ولا البيئه وابوظها طب ناخد مثال بقى لو في دوله انشات مصنع لازم تستعين بالتكنولوجيا وتدخلها المصنع عشان محاوله لحد من التلوث في حاجه اخترعوها جديده اسمها فلاتر او مرشحات بتقلل الدخان اللي بيخرج من مداخل المصانع فبكده بيقل التلوث وكمان اعاده تدوير المخلفات المخلفات اللي هتطلع من المصنع بدل ما نرميها نحاول نستخدمها تاني وكمان الاهتمام بالتشجير نزرع شجر كتير لان عارفين ان الشجر بيمتص غاز ثاني اكسيد الكربون وبكده بنقلل التلوث في البيئه وبكده هنقدر نصنع وننتج ونحافظ على البيئه والموارد وده اللي بنسميه تنميه مستدامه وزي ما احنا شفنا ان مفهوم التنميه مرت ثلاث مراحل من التطور في البدايه خالص كان بيركز على استثمار الموارد فسميناه تنمياك اقتصاديه بعد كده بقى يركز على قدرات الفرد ومستوى معيشته فسميناها تنميه بشريه بعد كده بقى يركز على تلبيه احتياجات الناس وفي نفس الوقت نحافظ على البيئه والموارد فسميناها تنميه مستدامه وبكده نقدر نقول ان التنميه اعم واشمل من التنميه الاقتصاديه او التنميه البشريه طب في النهايه بقى يعني ايه مفهوم التنميه هو مفهوم كبير شويه هقوله لك وبعد كده اشرحه جهود منظمه تبذلها اي دوله وفق تخطيط مسبق للتنسيق بين الامكانات البشريه والموارد الطبيعيه بقصد تحقيق اعلى مستويات الدخل القومي وتحقيق الرفاهيه الاجتماعيه مع الحفاظ على الموارد الطبيعيه يعني ايه بقى الكلام الكتير قوي المكعبل ده بص بقى واحده واحده كده بيقول لنا جهود منظمه تبذلها اي دوله وفق تخطيط مسبق يعني الشغل للدوله هتعمله بس مش بالبركه ده وفق تخطيط مسبق في خطه مدروسه ومحطوطه هنمشي عليها واحد اتنين تلاته للتنسيق بين الامكانات البشريه والموارد الطبيعيه يعني نوفر الحاجات اللي الناس محتاجينها على قدنا بالظبط عشان ما يحصلش استنزاف موارد بقصد تحقيق اعلى مستويات الدخل القومي عشان نوفر اكتر كميه فلوس تخش الخزنه بتاعه الدوله وده اللي بنقول عليه الد القومي الدخل القومي اللي هو الايرادات الفلوس يعني اللي بناخدها كل سنه من الزراعه والصناعه والتجاره والتعدين والسياحه ونجمعها كلها ونحطها في الخزنه بتاعه الدوله لما الفلوس دي تكتر وتبقى كتيره قوي هيحصل ايه بقى تحقيق الرفاهيه الاجتماعيه الناس بقى هتاخد مرتبات كتير يبقى في خدمات كتير الناس تبقى مرفهه ومبسوطه وزي الفل والكلام ده كله هنعمله مع الحفاظ على الموارد الطبيعيه وبكده نقدر نقول ان التنميه لها ابعاد كتيره زي تلبيه احتياجات البشر وتحقيق اعلى مستويات الدخل القومي وتحقيق الرفاهيه الاجتماعيه والحفاظ على الموارد الطبيعيه تعالوا بقى ناخد سؤالين نحبس بهم وبعد كده نكمل لتفادي النتائج السلبيه التي قد تنتج عن النشاط الموضح بالصوره المقابله ينبغي الاهتمام بتطبيق مفهوم ايه الف التنميه الاقتصاديه به التنميه المستدامه جيم التنميه البشريه دال الدخل القومي الصوره اللي قدامنا حقل بترول بحري مشتعل عشان نقضي على نتائج السلبيه الحريقه اللي حصلت في حقل البترول دي نهتم بمفهوم ايه توبا الاجابه بايه التنميه المستدامه لان التنميه المستدامه هتخليك تنتج بترول وتبيع وتكسب فلوس وكمان تحافظ على حياه العمال اللي شغالين في الحقل عشان ما حدش يحصل له حاجه لا قدر الله ممكن يموت في الحريقه وكمان تحافظ على البيئه من التلوث هقف معكم لحد هنا ولو انت بقى كنت مركز معي طول الحلقه فتعالى بقى حل السؤال ده يعد زياده مرتبات العاملين باحدى المصانع احد اهداف ايه الف التنميه المستدامه به التنميه الاقتصاديه جيم التنميه البشريه دال الدخل القومي ومستني اجاباتكم في التعليقات وبس كده اكون خلصت انا عندي سؤال او استفسار اكتبوا في كومنت وارد عليك ان شاء الله وانتظروني الحلقه اللي جايه باذن الله والسلام عليكم ورحمه الله وبركاته