اعطيني 14 دقيقة وبعلمك كيف عنجد تدرس بذكاء FSR protocol

السلام عليكم معكم دكتور عصام وبهالفيديو ان شاء الله راح اعلمك كيف عن جد تدرس بذكاء كيف تدرس نفس عدد الساعات بس تجيب نتيجه اعلى او علامه اعلى راح اعطيك النظام اللي الحمد لله رب العالمين ساعدني باني اتخرج من كليه الطب بمرتبه شرف واعدي اختبار البورد الطبي من اول محاوله وانا هذا النظام بسميه نظام الاف اس ار الاف اختصار لفلترين او فلتره المعلومات والاس اختصار لسيف او حفظ والار اختصار لري انفورسمنت او التعزيز بس قبل ما نبدا خليني اسالك سؤال عمره صار معك انك انت درست كثير وقضيت ساعات كثيره في الدراسه وسهرت وتعبت ورحت على الامتحان وقدمت الامتحان وجبت علامه اقل من واحد درس نصك اكيد الشيء محبط صح بتحكي انه انا درست اكثر منه كيف هو جاب اعلى مني وكلنا بنعرف هي النوعيه من الطلاب اللي طول الفصل قاعد بيلعب وفي النهايه بيجيب علامه اعلى من اللي طول الوقت حاشر حاله بالكتب انا شايفكم يا النوعيه هي من الطلاب طيب كيف بجيب هي العلامه اكيد مش لانه اذكى منك او درس عدد ساعات اكثر منك الفرق بيناتكم هي طريقه الدراسه وهذا بالضبط اللي بنقدر نتحكم خليني اوضح لكم بشكل سريع معادله الدراسه بذكاء المعادله بتحكي لك النتيجه او العلامه يساوي الطريقه ضرب عدد الساعات يعني مثلا لو الطريقه خاطئه العشر ساعات دراسيه بتعطيك مثلا نحكي 50% من العلامه ولو طريقه الدراسه صحيحه الشات نفسها بتعطيك مثلا نحكي 80% من العلامه عدد الساعات ما تغير الجهد ما تغير اللي تغير هو فقط الطريقه وهذا هو اللي حنشرحه ان شاء الله بالتفصيل بهالفيديو بس قبل ما نبدا بدي اطلب منك طلبين صغار الطلب الاول هو انك تركز معي لانه انت عارف من دون التركيز المعلومات مش حتتحول للذاكره العامله والذاكره العامله هي المنطقه اللي بصير فيها الفهم فانت في النهايه رح تضيع وقتك وانا بصراحه مش جاي اضيع لك وقتك والطلب الثاني هو انك تجيب قلم قلم ورقه او قلم او دفتر نوت صغير وتسجل معي الاشياء المهمه لانه الفيديو حيكون كثير دسم فبدون ما اطول عليكم خلينا نبدا بالقسم الاول واللي هو قسم الفلتره خليني اسالك سؤال لما الجامعه تعطيك 500 صفحه لامتحان تابتر معين مكون من مثلا من 400 او 500 صفحه اغلب الطلاب ايش بيعملوا؟ بيفتحوا ال 500 صفحه وبيقراوها وبيحاولوا يحفظوها ويبصموها كلياتها من البدايه الى النهايه وكمان مره بعاودوا يعيدوها لين يدخلوا قاعه الاختبارات المشكله بهي الطريقه انه انت بتضيع وقتك على المعلومات المهمه وعلى المعلومات اللي مش مهمه انت بتعامل كل سطر وكل فكره بنفس الاهميه السطر او الفكره اللي مش رح تيجي في الامتحان انت بتعاملها بنفس اهميه السطر او الفكره اللي راح تيجي في الامتحان والنتيجه تيجي انك بتضيع وقتك على معلومات انت على الاغلب مش رح تنسال عنها لو رجعنا على معادله الدراسه بذكاء اللي حطيناها لو ساعاتك رايحه على الحشو والمناطق الغير مهمه النتيجه طبعا رح تتاثر وهذا عكس الدراسه بذكاء الدراسه بذكاء انك تعرف وين تحط جهدك وساعاتك طيب سؤال ليش الفلتره مهمه علميا لثلاث اسباب السبب الاول اللي هو الحمل المعرفي حسب نظريه الكوجنيتيف لود ثيوري لجون سويلر بيحكي لك انه الذاكره العامله محدوده جدا يعني بتقدر تسعى ل من اربعه لسبع خانات او معلومات بنفس الوقت فانت لما تحاول تحشر هي الذاكره العامله ب 50 معلومه بنفس الوقت انت بتعمل اغراق معرفي كوجنيتيف اوفرلود فالنتيجه انه مخك بيفصل وبيبطل يركز وبينسى المعلومات المهمه والمعلومات الغير مهمه وبالنهايه انت بتضيع وقتك والسبب الثاني اللي هو سبب الترميز العميق حسب كتاب ميك ستيك لما انت تقوم بعمليه فلتره المعلومات وفرزها تطلعها من بين النصوص كانها كانك بتعلم المعلومه بترمزها وبتحكي لدماغك يا دماغي انا هي المعلومه تعبت عليها وشكيت عليها وطلعتها من النص فمفروض انه دماغك يحفظها ويركز عليها فعمليه الاختيار نفسها بتساعد الدماغ على انه يعتبر هي المعلومه مهمه ولازم يحفظها والسبب الثالث باهميه الفلتره انك انت لما تفلتر المعلومات اكيد انت بتتعرف على المناطق المهمه وهي المناطق المهمه اللي دائما بيسالوها في الامتحانات واللي دائما اصلا بتفيدك لحياتك العمليه لقدام وهذه من اكثر المشاكل اللي دائما انا بسمعها مع الطلاب بيحكي لك انه الامتحان اجاى من بره الماده بروح الامتحان وب بيكون دارس طبعا كل شيء وفي الامتحان بحس انه الامتحان ما ركز على نقاط معينه الامتحان اجاى كانه من برا الماده هو يا صاحبي او يا صديقي الامتحان ما اجا من برا الماده وانت ما كان عندك نقاط تركز عليها او نقاط مهمه تركز عليها انت ما قمت بعمليه الفلتره يعني مثلا انا كان اختبار البورد الطبي عندي فوق ال 15,000 صفحه طب معقول انا لازم احفظ ال 15,000 صفحه هي من الجلده للجلده معقول الطلاب كمان بيعملوا هيك؟ اكيد لا ال 15,000 صفحه هي ممكن في النهايه تصفي لك 1000 صفحه وال000 صفحه يكون جواها كمان مناطق مهمه وانت تقوم بفرزهم وتعرف المناطق المهمه وينها وهي اللي تحط عليها جميع تركيزك لين يوم الامتحان طيب السؤال اللي بيطرح نفسه كيف اعرف المناطق المهمه؟ كيف اعرف ايش المهم وايش الملي ما بتنسال عنه؟ رح اعطيك ثلاث قواعد ذهبيه بتساعدك انك تفرق بين هي المناطق القاعده الذهبيه الاولى اللي هي قاعده الهندسه العكسيه الفكره من هي القاعده انه انت قبل ما تبدا بالكتاب ابدا بالاسئله قبل ما تفتح الكتاب وتبلش من اول صفحه روح افتح اسئله السنوات السابقه او اسئله الفصل واعيد قراءتها طيب ليش ما انت اصلا مش رح تعرف تجاوبها مش المطلوب منك انك تجاوبها المطلوب منك انك تقوم ببرمجه دماغك لانه في عننا في الدماغ نظام اسمه الراز او الريتيكيولار اكتيفيتين سيستم هذا النظام وظيفته انه ينتبه للاشياء المهمه مثلا لما انت تقرر تشتري سياره فراري حمراء ربنا يطعمنا واياكم يعني سيارات فراري حمراء لما تنزل على الشارع رح تشوف انه اغلب الناس معهم سيارات حمراء السبب في هذا الشيء انه الراز عندك او سيستم السيستم تبع الراز صار يشتغل عندك اكثر وصار ينتبه على السيارات الحمراء هو مش زادوا في الشارع و انه صار ينتبه عليهم اكثر وحسب الكاتبه باربرا اوكلي في كتابها اد اوف نمبرز بتحكي لك انه انت قبل ما تقوم بالقراءه بقراءه الدرس بتقرا الاسئله انت بتبرمج الرادار تبعك او بتبرمج الراز سيستم اللي عندك فلما ترجع تقرا التشابتر او الكتاب المعين دماغك بصير بصير يتعرف على المناطق المهمه لحاله وبيصير يركز عليها ويحولها للذاكره طويله المدى فهيك انت بتكون حولت القراءه من مجرد قراءه لبحث فعلي عن المعلومات المهمه طيب خلينا هلا ننتقل على القاعده الثانيه واللي هي قاعده الهيكل العظمي اولا الفكره انه انت ما بتقدر تحفظ التفاصيل اذا ما كان عندك هيكل منظم والدكتوره باربرا اوكلي كمان مره في كتابها مايند اوف نمبرز بتشبه المعرفه بالشجره الجذع اللي هو الفكره الرئيسيه والاغصان اللي هي الاقسام والاوراق اللي هي التفاصيل هل بتقدر تعلق ورقه بالهواء اكيد لا لازم غصن قبل ما تغص بالتفاصيل افهم الفكره العامه اولا وهذه نفس الطريقه اللي بيستخدمها له الماسك في التعلم لو الدرس مثلا بيحكي عن الجهاز العصبي اسال حالك ايش هي اقسام الجهاز العصبي في عننا جهاز عصبي مركزي وجهاز عصبي طرفي طيب ايش بيجي تحت كل قسم وكيف بيرتبطه لما تفهم الهيكل دماغك برتب التفاصيل لحاله والتفاصيل اللي ما لها مكان بيرميها تلقائيا لانها يعتبرها يعني مناطق مش مهمه خلينا ننتقل على القاعده الثالثه واللي هي قاعده باريتو او ذا باريتو برنسبل المبدا بقول لك انه 80% من النتيجه بتيجي من 20% من الجهد ونفس الشيء لو نيجي نطبقها على الدراسه 80% من العلامه بتيجي من 20% من المنهج فشغلتك انت بالضبط انك تكون زي القناص تلاقي ال 20% اللي بيسالوا عنها طيب سؤال مهم كيف نلاكيهم هذول ال 20% اصلا زي ما حكيت لكم بدك تكون زي القناص بتراقب ثلاث مصادر مهمه اول مصدر اللي هو الدكتور او المدرس هل كرر المعلومه مرتين سؤال امتحان هل تحمس زياده وهو بيحكي عن معلومه سؤال امتحان هل كان هذه المعلومه مهمه؟ صدقه لانه ممكن يكون سؤال امتحان المصدر الثاني اللي هو شكل المعلومه جداول فيها الاكثر شيوعا او الاقل شيوعا او الجولد ستاندرد سؤال امتحان مقارنات بين شيين سؤال امتحان ارقام ونسب محدده سؤال امتحان برضه قوائم مرقمه زي خمس اعراض ثلاث اسباب ماست كمن ابصر ايش سؤال امتحان معلومه عليها خط عريض او ملونه سؤال امتحان نص طويل بدون نقاط مش سؤال امتحان امتحان المصدر الثالث واللي بالنسبه لي انا هذا هو الكنز اللي هو اسئله السنوات السابقه وهذا هو اكوى مصدر المواضيع اللي بتظل تتكرر واللي دائما بركزوا عليها انت بتقدر اصلا تعرفها من اسئله السنوات السابقه في دراسه من جامعه يو سي اللي اثبتت انه الطلاب اللي بركزوا اثناء دراستهم على المناطق المهمه وعلى المناطق عاليه التردد يعني المناطق اللي بظلهم يسالوا عنها هذول الطلاب بيجيبوا درجات اعلى بنسبه 25% انا لما كنت بكليه الطب كان عندي كثير مصادر بعرف منها المناطق المهمه كنت اول شيء بفتح اسئله السنوات السابقه لاخر خمس سنوات وبشوفوا وين التقاطع بيناتهم وايش المناطق المهمه منهم وبعدين بفتح النوت جروب تبع السنه اللي فاتت والنوت جروب تبع السنه هي وكمان بروح على محاضره الدكتور وبسمع ايش الاشياء اللي بيحكيها والمناطق اللي بركز عليها وبين كل هي المناطق بلاحظ انه في 20% من المناطق هي متقاطعه ودائما بيسالوا عنها وهي هذه اللي بتعطيني 80% من النتيجه وهذا واحد من اهم الافكار اللي انا دائما بركز عليها في كورساتي سوبر دكتور وسوبر انكي اللي مهتم حيكون الرابط رابط تحت بصندوق الوصف. طيب سؤال هل كل المعلومات المفلتره زي بعض؟ الجواب اكيد لا لما قمنا بفلتره المعلومات رحح نطلع معلومات مفلتره سهله ومعلومات مفلتره صعبه اغلب الطلاب ايش بيعملوا؟ ركزوا على المعلومات المفلتره السهله والمعلومات والمفلتره الصعبه بيتركوها هلا في الامتحان اكيد حيسالك عن المعلومات المهمه الصعبه صح ولا لا وهذا بسموه في كتاب ميك ستيك وهم الطلاقه بتحس انك منجز لانه الماده سهله بس بالحقيقه انت ما بتتعلم شيء جديد القاعده بتحكي لك السهل مرور سري سريع والصعب هو المناطق اللي انت بدك تركز عليها وتظل تركز عليها وتزيد تركيزك عليها والمناطق الصعبه اكيد هي اللي بتحدد درجتك يعني في الامتحان نحن كلياتنا عارفين انه مش حيجي يسالوك عن المناطق السهله او ممكن يجيبوا لك اياها بنسبه قليله دائما حااولوا يسالوك ويخربطوك في المناطق الصعبه فتركيزك الاكبر دائما لم يكون على المناطق الصعبه طيب بعد ما فلترنا المعلومات ايش الفائده اذا انا اصلا المعلومات المفلتره هي مش رح احفظها صح ولا لا وهذا بياخذنا على القسم الثاني من فيديو واللي هو قسم الحفظ خليني اسالك سؤال اذا سمعت مقطع او انشوده مثلا 100 مره لو طلبت منك تكتب كلماتها كامله بتقدر غالبا لا ليش مع انك سمعتها 100 مره لانه السماع مش نفسه الحفظ والالفه مش نفسها المعرفه يعني انت لما تقرا الماده او الكتاب خمس مرات بتصير تحس انك انت بتعرفها او انك انت فاهمها بس سكر الكتاب وعاود حاول استرجها من دماغك مش رح تقدر هذا بسموه في علم النفس وهم المعرفه او الالوجن اوف نوين اللي هو بتحس حالك وانت بتقرا فاهم بس لما تحاول تسترجع المعلومات دماغك بتطلع بالحقيقه مش فاهم فبنرجع لمعادله الدراسه بذكاء تبعتنا القراءه المتكرره يساوي طريقه خاطئه وبالتالي ساعات بتضيع منك هون وبالتالي نتيجه اقل وهذا الشيء اكيد عكس الدراسه بذكاء طيب ايش الحل لهي المشكله وايش نعمل الحل ببساطه هو دراسه المعلومه عن طريق طريقه الاكتيف ريكول او الاستذكار النشط اللي هو بدل ما تقرا وتعاود القراءه وتعيد القراءه برضه نفس الشيء بتقرا وبتسكر الكتاب وبتحاول تسترجع المناطق اللي انت قراتها وهذا هو طبعا الاستذكار النشط او الاكتيف ريكول في دراسه انعملت سنه 2006 جابت طلاب وحطتهم وخلتهم يقراوا الماده اربع مرات وبعدين بعد اسبوع يمتحنوهم وجابت مجموعه ثانيه من الطلاب قراوا مره واحده وظلهم يختبروا حالهم يعني يدرسوا عن طريق الاكتيف ريكول واختبروهم بعد اسبوع الطلاب اللي قراوا فقط اربع مرات بدون اختبار تذكروا 40% من الماده والطلاب اللي قراوا مره واحده واختبروا حالهم تذكروا 80% من الماده يعني تخيلوا ضعف النتيجه فالمحاوله انك تتذكر حتى لو فشرت حتى لو ظليتك تفشل احسن من اعاده القراءه 10 مرات لانه هون نحن بنجبر دماغنا انه يشتغل بدل ما نجبره انه فقط يستقبل طيب هلا خلينا ننتقل على القسم الاخير من الفيديو تبعنا واللي هو قسم التعزيز او الري انفورسمنت وهذا هو المشكله الاكبر خليني اكون صريح معك لو قمت بعمليه الفلتره بشكل تمام وطلعت المعلومات وبعدين حفظت المعلومات هي وضبطت امورك في النهايه المعلومات هذه كلياتها لو اشتغلتها بطريقه صحيحه رح تنتسى مش لانك ما درست منيح لانه هي هي طريقه عمل الدماغ ببساطه في عالم الماني اسمه هيرمان ابن هاوس اكتشف شيء اسمه منحنى النسيان سنه 1885 واللي بيحكي لك انه بعد 20 دقيقه انت بتنسى تقريبا 40% من الاشياء اللي قراتها وبعد يوم تقريبا 70% وبعد اسبوع تقريبا 90% يعني لو درست اليوم وما رجعت بعد اسبوع انت حتنسى تقريبا 90% من المعلومات تخيل الحل ببساطه انك تقوم بعمليه التعزيز والتعزيز انت بتقوم فيه عن طريق السبيس تريبتيشن او التكرار المتباعد والفكره من التكرار المتباعد هي فكره جدا بسيطه انك مثلا لو درست المعلومه اليوم انا براجعها اليوم في نفس اليوم وبعد ثلاث ايام بقوم بمراجعتها كمان مره وبعد اسبوع بقوم بمراجعتها كمان مره وهيك انا بظل اراجع لين اصل قاعه الاختبار ولين ما تثبت المعلومه في الدماغ عندي فخلينا نلخص الطريقه والفيديو على السريع اول شيء نحن بنقوم بفلتره المعلومات بنطلع معلومات مهمه ومعلومات غير مهمه الغير مهمه ما بنركز عليها والمعلومات المهمه بنقسمها مهمه سهله ومهمه صعبه الاثنتين انا بركز عليهم لكن مش بنفس الطريقه بركز اكثر على المعلومات المهمه الصعبه لانه هذه المعلومات اللي دائما حااولوا يخربطوني فيهم ويسالوني فيهم في الامتحان طيب كيف بركز فيهن او كيف ب بركز على هي المعلومات الصعبه بقوم باستخدام الاكتيف ريكول زي ما حكيت لكم فيها وبعدين هي المناطق برضه بقوم بعمل التعزيز عن طريق السبيس تريبتيشن او التكرار المتباعد اللي هو القسم الاخير من هالفيديو وهيك بنكون حققنا افضل استثمار وافضل عائد على وقتنا الدراسي بدراسه ساعات او بدراسه نفس عدد الساعات بس اغير شوي في الطريقه اللي في النهايه بتجيب لي النتيجه الاحسن او النتيجه الافضل وبالنهايه دائما تذكر حديث الرسول محمد صلى الله عليه وسلم اللي بيقول ان الله يحب اذا عمل احدكم عملا ان يتقنه فالدراسه بذكاء هي الاتقان وما تنسوش تكتبوا لي في التعليقات اذا في حد بيروح الامتحان وهو حافظ كل الماده وما عنده مناطق ركز عليها اكتب لي تحت بالتعليقات وبنشوفكم ان شاء الله بفيديو قريب والسلام عليكم ورحمه الله وبركاته.