برنامج الموسوعة المعرفية جلين دومان شرح كامل وبالتفصيل

السلام عليكم ورحمة الله وبركاته كيفكم عزيزاتي ان شاء الله تكونوا بخير معكم مريم شفيق فديو اليوم رح يكون عن برنامج الموسوعة المعرفية أحد برامج جلين دومان للي ما بعرف برامج دومان أو أول مرة بسمع عنهم رح تشوفوا في صندوق الوصف تحت هاد الفديو بعض المعلومات عن جلين دومان ومعهده وبرامجه المخصصة للطفل في مرحلة الطفولة المبكرة وأطفال المشاكل الدماغية هلأ جلين دومان عمل برامج كثيرة منها القراءة /الحساب الكمي /البرنامج البدني /والموسوعة المعرفية أو المعرفة الموسوعية اللي رح احكي عنها اليوم بشكل مفصل ودقيق جميع المعلومات اللي رح اذكرها بهاد الفديو هي ملخص من كتاب دومان How to multiply your baby's intelligence كيف تضاعف ذكاء طفلك المعلومات اللي رح احكيها هلأ مفصلة وشاملة وان شاء الله رح اعرضها بشكل بسيط وواضح فخليكم معي للنهاية برنامج الموسوعة المعرفية هو أحد برامج تطوير المسار البصري والسمعي عند الطفل وهو عبارة عن مجموعة من الحقائق اللي بنقدمها للطفل على شكل صور ضمت فئات ومجموعات مختلفة هدفها هو زيادة ذكاء الطفل فكل ما قدمنا معلومات وحقائق أكثر للطفل كل ما زاد ذكاءه ونما دماغه بشكل أفضل بطاقات برنامج الموسوعة تسمى بطاقات الذكاء وهي بطاقات بتحتوي صور ذات جودة عالية وبخصائص أو شروط معينة أولاً دقيقة الصور لازم تكون بدقة عالية (اذا كانت مرسومة باليد) ولكن طبعاً يفضل طباعة صور حقيقة على البطاقات ثانياً منفصلة الصورة داخل البطاقة لازم تكون صورة وحدة لإشي واحد يعني مثلاً هاي البطاقة غير مقبولة لانها بتحتوي على شكلين او شيئين في البطاقة الواحدة ثالثاً عدم الغموض يعني الصورة او الشي اللي عم نورجيه للطفل يكون إله اسم محدد يعني مثلاً صورة طائر النورس لازم نحكي اسمه(طائر النورس) مش طائر ابيض وكذلك الغراب نحكي غراب مش طائر اسود رابعاً انها تكون جديدة على الطفل ما كان يعرفها قبل هيك وطبعاً لازم تكون الصور كبيرة وواضحة وعلى خلفية بيضاء طيب اذا الصورة اللي عنا أصلاً لونها أبيض مثل (بيضة الدجاج) أو ذئب ابيض أو دب أبيض ما بنعرضها على خلفية بيضاء بنعرضها على خلفية لونها اسود أو أي لون تاني من وين تجيبوا هاي الصور دومان حكى في كتابه انه بتقدروا تلاقوا الصور في صفحات المجلات أو الجرائد الملونة والكتب وبعدين بتقصوا الصور وبتلصقوها على خلفية بيضاء وبنكتب خلف البطاقة اسم الصورة بخط اسود عريض وهيك بتكون البطاقة جاهزة بس انا بحكيلكم انه الصور هلأ منتشرة وبكثرة على الانترنت وكمان صاروا الأمهات الفاضلات المثقفات عم ينشروا الصور والبطاقات الجاهزة للطباعة في جروبات الفيسبوك والتيلجرام وكل اللي علينا نعمله هو طباعتها على كرتون مقوى بأبعاد (28*28) سم أو أبعاد ورقة A4 (مثل اللي معي هلأ) وتغلفوها تغليف حراري أو تجليد شفاف للحفاظ عليها أطول فترة ممكنة ملاحظة مهمة لازم ناخدها بعين الاعتبار انه نحاول قدر الامكان ما نستعمل الورق العادي في صناعة البطاقات لانها هشة كثير وما رح تستقيم معنا خلال تقديمها لهيك بفضل ندّور في المكتبات على ورق مقوى جيد للطباعة ولأكون صريحة انا دروت كثير في المكتبات لقيت مكتبة عندها ورق كرتون بأبعاد ورقة A4 بس للأسف لما بعتت زوجي يشتريلي منهم طلعوا مثل الورق العادي تقريباً لهيك بنصحكم تشوفوا أي ورق ثابت وقوي متل هيك وتختاروه ليكون خلفية لبطاقاتكم وحتى لو استخدمنا ورق مقوى ما ننسى نغلفه بالتغليف الحراري أو التجليد الشفاف من الجهتين الأمامية والخلفية لتقاوم الوسخ وبصمات الأصابع والمي ولنحافظ عليها أطول فترة ممكنة لحتى نستخدمها مع أكثر من طفل وخاصة لو كنتي ناوية تجيبي أطفال تانيين في المستقبل وآخر خطوه هي تقسيم البطاقات الى فئات الفئه هي عباره عن مجموعه بتتكون من 10 بطاقات او اكثر البطاقات كلها في روابط معينه تربط بينها مثلا مجموعه الازهار زهره الاوركيدا /عباد الشمس/ السوسن/ الديزي/ الكركديه/ وغيرهم من الازهار،،،، طبعا ممكن نضيف عدد بطاقات كبير لهذه الفئه وممكن نتوقف عند عدد 30 بطاقه لكل فئه دومان حكى انه الافضل نختار مواضيع معينه نقدمها للطفل وكل موضوع نعمل منه فئات كل فئه مكونه من عدد جيد من البطاقات لا يقل عن 10 بطاقات المواضيع اللي حكى عنها دومان هي علم الاحياء/ الجغرافيا/ الموسيقى/ الفن/ الرياضيات /علم وظائف الاعضاء البشريه/ العلوم العامه/ اللغه/ الادب. الهدف من هاد الشي هو اعطاء اطفالنا اوسع اساس للمعرفه يمكننا تقديمه هلأ من كل موضوع نختار فئات وعلى الاقل بنختار فئه واحده اعطيكم أمثلة علم الاحياء مثلا انواع الطيور/ انواع الزواحف/ الحشرات /الحيوانات البحريه. التاريخ مثلا المدن التاريخيه الاثريه /العلماء العرب القدماء/ رؤساء البلد الي انتوا عايشين فيه القدماء الجغرافيا القارات /مدن قارات اسيا /محافظات دوله معينه الموسيقى :النوتات الموسيقيه/ الالات الموسيقيه... الفن :الفنانين/ الملحنين/ اللوحات الفنيه الاكثر شهره... رياضيات: نقاط حمراء على خلفيه بيضاء (وإلهم طريقه تقديم معينه) / الاشكال الهندسيه ممكن نعتبرهم من فئه الرياضيات كمان علم وظائف الاعضاء البشريه: اعضاء جسم الانسان/ عظام الجسم/ اجهزه الجسم الحيويه.. العلوم العامه: ادوات المزارع او النجار /ادوات المطبخ... اللغه: الانجليزيه /اليابانيه/ الفرنسيه او اي لغه احنا ممكن نقدمها... الادب :الكتاب العرب/ الشعراء العرب... فهاي هي المواضيع وهاي الفئات و كل ما زدنا عدد الفئات المقدمه للطفل كل ما كان عند الطفل نظره اوسع للعالم و لما يكبر رح يحب موضوع معين من هاي المواضيع،،، و يختار ان يدرس اكثر عنه ويتعلم عنه. متى ابدا تقديم بطاقات الموسوعه؟؟؟؟؟؟؟ ابتداء من عمر 6 اشهر فاكثر حسب الطفل كيف يعني حسب الطفل يعني لما يكون نظر الطفل جيد و جاهز لاستقبال الالوان والصور لما يكون الطفل بتعرف على وجوه الاشخاص من حوله،،،،، و لما تكوني انتي جاهزه نفسيا و عندك وقت لتقديم البرنامج وكمان لما تكوني جهزتي البطاقات جهزي على الاقل 200 بطاقه قبل البدء بالبرنامج لانه تجهيز البطاقات رح ياخذ وقت ومعدات او ادوات فلحتى ما تنقطعي في بدايه البرنامج ولحتى تضلي مستمر بعرض البطاقات يفضل ان تجهزي كل البطاقات مره واحده او دفعه واحده، أو على الأقل تجهزي 200 بطاقة كيفيه عرض البطاقات بنختار فئه بتحتوي على 10 بطاقات اجلسي انتي وطفلك على الارض،، مقابل بعض، في غرفه خاليه من المشتتات السمعيه والبصريه،،، خلي طفلك بعيد عنك حوالي 45 سم بلشي بصوت حلو كله فرح وحماس،،، واحكي للطفل انك رح تورجيه مثلا انواع الزهور وبعدين بسرعه مرري البطاقات من الخلف للامام و اذكري اسم الصوره الموجوده خلف البطاقة ليش بتمرري البطاقه من الخلف للامام ومش العكس؟؟؟؟؟ عشان تشوفي اسمي الصوره الموجود خلف البطاقه وبس تصير البطاقه في الامام اذكري الاسم امشي بهاي الطريقه لحتى تقدمي كل البطاقات العشره ومرري البطاقات بسرعه كبيره تقريبا بسرعه بطاقه في الثانيه يعني عمليه تقديم البطاقات ما لازم تاخذ معك اكثر من (10 الى 15) ثانيه فقط معلومه مهمه ركز عليها دومان انه وانتي عم تحكي للطفل الشيء الموجود بالصوره احكي شو هو قبل اسمه يعني زهره الاوركيدا /زهره الياسمين.. مش اوركيدا /ياسمين او لما بدك تقدمي الطيور احكي طائر النورس او هذا الطائر هو الطاووس وهكذا هاد بس في اول يومين او ثلاثه ايام بعد هيك احكي الاسم بس... عمليه تمرير البطاقات بتكون 3 مرات في اليوم لمده 10 ايام 10 بطاقات 3 مرات في اليوم لمده 10 ايام بمعدل 30 مره لكل بطاقه هاد الحكي الطفل الصغير الاطفال الاكبر او الاطفال اللي عرضنا عليهم البطاقات اكثر من 6 اشهر بنعرضلهم البطاقات ايام اقل من عشره ايام ممكن خمسه ايام او سته ايام طبعا بكل مره بنعرض فيها البطاقات لازم نخربط ترتيبهم لحتى الطفل ما يحفظهم مرتبين وبحكي دومان في كتابه انه افضل اوقات تقديم بطاقات الموسوعه هي فتره الصباح الباكر والمساء بس طبعا كل أم اعلم بالوقت اللي بكون فيها طفلها رايق وهادي ومستعد للتعلم ولازم الام تختار هاد الوقت بذكاء،،،،، و لازم تنتبهي انه ما تغطي ايدك شي من الصوره وانتي عم بتمرري البطاقات وتخلي صوتك واضح وعالي بس بدون صؤاخ وتكون الإضاءة جيده في مكان عرض البطاقات وضللي متذكرة قاعدة دومان اللي بحكي فيها (توقفي قبل أن يمل الطفل) لهيك اذا كان طفلك بحب تعرضيله 10 بطاقات فإعرضيله 5 بطاقات واذا كان بحب تعرضيله 15 بطاقة فإعرضيله 10 بطاقات بس الطفل بحاجه لجلسات قصيره وحلوه وفيها حماس وفرح تتاكدي انه الجلسه هيك راح تكون.. طيب كم فئه اعرض يوميا دومان حكى انه لازم نبدأ بعرض 3 فئات كل فئه عشر بطاقات تقريبا وكل يوم جديد بنزيد فئة جديده لحد ما نوصل لتقديم 10 فئات يوميا ،،،يعني 100 بطاقه. يعني اليوم الاول بنقدم ثلاث فئات مختلفه، كل فئه فيها عشر بطاقات اليوم الثاني بنقدم اربع فئات مختلفه ثلاث فئات تاعت اليوم الاول وفئة جديده... اليوم الثالث بنقدم خمس فئات مختلفه الاربعه تاعت اليوم الثاني وفئة جديده اليوم الرابع بنقدم ست فئات مختلفه الخمسه تاعت اليوم الثالث وفئة جديده اليوم الخامس بنقدم سبع فئات مختلفه السته تاعت اليوم الرابع وفئة جديده اليوم السادس بنقدم 8 فئات مختلفه السبعه تاعت اليوم الخامس وفئة جديده اليوم السابع بنقدم تسع فئات مختلفه الثمانيه تاعت اليوم السادس وفئة جديده اليوم السابع بنقدم عشر فئات مختلفه التسعه تاعت اليوم السابع وفئة جديده وبعدين بنقدم عشر فئات كل يوم ثلاث مرات لحد اليوم العاشر بعد اليوم العاشر بنصير نشيل بطاقه من كل فئه ونضيف بطاقه جديده طيب اذا بطل عندي بطاقات جديده لفئه معينة شو بعمل؟؟؟؟؟؟ بشيل بطاقه من هاي الفئة كل يوم لحد ما يخلصوا عندي بطاقات هاي الفئه وبعدين بجيب فئة جديده مكونه من 10 بطاقات بعد ما تعرضي البرنامج لمده تتراوح من ثلاثه الى سته اشهر رح تلاحظي تطور كبير على طفلك وسرعه حفظه، لهيك ما في داعي بعد هالمده تضلي تعرضي البطاقات لمده 10 ايام صيري قللي عدد الايام بحسب تطور طفلك وسرعه حفظه. طيب هيك خلصنا البرنامج لاء لسه عندنا ثلاث مراحل تانيين للبرنامج واللي حكيته هو المرحله الاولى بس المرحله الثانيه برنامج اسمه برنامج الذكاء،،،،،، وهو عباره عن نفس هاي البطاقات ولكن بمعلومات عن الشيء الموجود في الصوره لزياده معرفه الطفل وتنميه قدراته العقليه مثلا انا عندي صوره(.........) بكتب خلف البطاقه معلومات حقيقيه ثابته وغير متغيره عنها،، و من الابسط للاصعب، اكتبوا خلف البطاقه معلومات مثيره للاهتمام او لاهتمام طفلك وقصيره قدر الامكان هلأ بالنسبه إلي لقيت هذول البطاقات جاهزه يعني فيها الصوره و عشر معلومات حقيقيه عنها من قروبات التيلجرام رح احطلكم الروابط في صندوق الوصف متى ابدأ بتقديم هاي المرحلة أو المرحلة الثانية تقريباً بعد تقديم 1000 بطاقة من المرحلة الأولى طريقة التقديم بنجيب 5 فئات مختلفة بنقدم كل فئة 3 مرات باليوم لمدة 5 أيام يعني 15 مره كل بطاقه خلال ال 15 مرة بنورجي الطفل الصوره وبنحكي الاسم زائد اول معلومه من المعلومات الموجوده خلف البطاقه بعد خمسه ايام بنوقف عرض الخمس فئات اللي كنت عم نعرضهم وبنعرض خمس بطاقات جديده من نفس الفئه مع ذكر المعلومه رقم واحد،، ثلاث مرات باليوم لمده خمسه ايام يعني كل بطاقه بتنعرض 15 مره كل خمس ايام،،،،، بحكي دومان انه اذا حسيتي طفلك متعلم بسرعه قللي عدد الايام يعني مش ضروري تلتزموا بالخمسه ايام هلأ ارجع وأعيد عندنا خمس فئات مثلاً فئه الطيور /الزهور/ فئة جسم الانسان/ فئة قارات العالم/ وفئة الآلات الموسيقية نفرض أن كل فئه فيها 25 بطاقه هلأ اول خمسه ايام بنقدم خمس بطاقات من كل فئه ثاني خمسه ايام بنقدم خمس بطاقات ثانيه من نفس الفئات بعد ما نكون تركنا البطاقات اللي كنا عم بنقدمهم وثالث خمس أيام يعني بعد 15 يوم بنقدم ايضا خمس بطاقات،،، رابع خمس أيام يعني على اليوم 20 بنقدم خمس بطاقات جديدة وبنشيل القديمة على اليوم 25 بنقدم خمس بطاقات جداد هيك بنكون خلصنا خمس فئات 25 بطاقه لكل فئه كل فئه حكينا فيها المعلومه رقم واحد ولما نخلص من تقديم المعلومه رقم واحد من كل الفئات اللي عندنا بنشتغل بنفس الطريقه على المعلومات الباقيه في الجدول يعني المعلومه 2 بنعيد نفس خطوات تقديم المعلومه 1 لحد ما نخلص تقديم المعلومه 2 من كل الفئات بعدين بننتقل للمعلومه 3 وبعدين للمعلومة 4 وهكذا لحد المعلومه رقم 10 كلهم بنفس الطريقه. اذا منتبهين معي معناته فهمتوا انه هاي الطريقه راح تاخذ معنا سنوات من التقديم،،،، لهيك لازم نكون منظمين وما نستعجل انه بدنا ننهي البرنامج، لاء لازم نعتبروا روتين يومي زيه زي الاكل والنوم وطبعا لازم نبدا بعمر صغير حتى نلحق نخلص البرنامج مع الطفل على البدري ما بدي احكيلك عن ذكاء طفلك وقدره دماغه لما يخلص هاد البرنامج بس تخيلي انتي معي انه أم اعطت ابنها 100 فئه من البطاقات في كل فئه على اقل تقدير 10 بطاقات في كل بطاقه 10 معلومات هيك الطفل رح يصير عنده عشر آلاف معلومه عن كثير شغلات بحياته تخيلي ذكاء طفلك وتفوقه اذا عنجد مشيتي على هذا البرنامج المرحله الثالثه انه نقدم للطفل انشطه عمليه او مجسمات او حتى شغلات حقيقيه ليربط الطفل اللي شافوا على الصور بالواقع يعني نجيب للطفل زهره الاقحوان مثلا ونحطها جنب صورة أو بطاقة الاقحوان ونخلي الطفل يلمس ويشم هاي الزهره هيك بنكون دمجنا النشاط البصري مع الحسي أو العملي المرحله الرابعه هي تقديم الموسوعه بلغه اخرى تتقنها الام هاي هي مراحل الموسوعه الاربعه اخر شي حابة احكي لك اياه على لسان دومان انه هذا البرنامج (الموسوعه المعرفيه) او اي برنامج ثاني يقدم للطفل لازم نقدمه بحب وبحماس وبفرح اوعك تقدمي اي معلومه للطفل بالغصب والاكراه لانه ما راح يستفيد رح يكره التعلم ويكرهك بتمنى اكون افدتكم اذا حضرتي عزيزتي الفديو معي من البدايه لحد هاي اللحظه ف.انا بحييك ،،لانك جد حابه تفيدي طفلك وتنمي قدراته و انا بشجعك وبحكيلك قومي بلشي فورا نزلي الملفات الجاهزه من قروبات تلجرام الموجوده في وصف الفيديو وقومي اطبعي وجهزي بطاقاتك وبلشي قدمي البرنامج وزي ما افتدكم بتمنى تفيدوني بلايك للفديو واشترك بالقناه و دعوه حلوه من قلبكم ولكم بالمثل ان شاء الله والسلام عليكم ورحمه الله وبركاته