الصف السادس مؤتمؤات الفيديـو الدرس الرابع الوحدة الثالثة الترم الثاني تكنولوجيا المعلومات

السلام عليكم عباقره الصف السادس عاملين ايه؟ النهارده في الفيديو ده معادنا مع شرح الدرس الرابع من المحور او الوحده الثالثه عنوان درسنا هو مؤتمرات الفيديو مؤتمرات الفيديو يعني هنتكلم على ادوات بتسمح لك او بتسمح للاشخاص في الاماكن المختلفه ان هم يتواصلوا مع بعضهم البعض ولكن باستخدام تقنيه الصوت الصوت والصوره في نفس الوقت وده نوع من انواع التواصل الحقيقي التواصل المتزامن التواصل اللي بيحصل في نفس الوقت عبر الانترنت زي ما اخدنا قبل كده وعرفنا فتقدر تقول ان مؤتمرات الفيديو هي وسيله تواصل بالفيديو او وسيله تواصل بالصوت والصوره يعني اكننا قاعدين مع بعض شايفين بعض وسامعين بعض في نفس الوقت زي المحادثه اللي بنعملها على برنامج الزوم او التيمز او الجوجل ميت او حتى محادثه الفيديو او اقول لك انا هكلمك فيديو هكلمك فيديو يعني هعمل محادثه فيديو او هعمل بلغتنا هنا هنقول مؤتمر فيديو منظمات كتير او شركات او اماكن عمل او جهات عمل كتير بتستخدم فكره مؤتمرات الفيديو وفي الدراسه وفي العمل وفي حاجات كتير التفاعل بيكون هنا مباشر وجها لوجه ولكن عبر الانترنت والموضوع ده بيتم كله من خلال الحوسبه السحابيه واحنا قلنا ان الحوسابه السحابيه دي قبل كده ان هي عباره عن خدمات بتتم عبر الانترنت احنا بنستخدمها هنا بقى للتواصل في الوقت نفسه بحيث بحيث ان الجميع يتفاعلوا في نفس وقت اشهر الادوات اللي بيتم اللي بتقدم مؤتمرات الفيديو اشهر ادوات مؤتمرات الفيديو عندي برنامج اسمه مايكروسوفت تيمز طبعا انتاج شركه مايكروسوفت اسمه تيمز عندي جوجل ميت وده طبعا انتاج شركه جوجل اسمه جوجل ميت عندي الزوم زوم ده برنامج برضو انا بستخدمه علشان اعمل اعمل التواصل بالصوت والصوره او اعمل محادثه فيديو يبقى مايكروسوفت تيمز جوجل ميت وزوم دي كلها امثله او تقدر تقول عليهم اشهر ادوات محادثات الفيديو او اشهر ادوات مؤتمرات الفيديو عندي ادوات اساسيه بتقدمها كل المنصات دي سواء الزوم او جوجل ميت او مايكروسوفت تيمز اي حاجه منهم كلها بتقدم ادوات اساسيه متشابهه مع اختلافات بسيطه في بعض الوظائف اللي بتقدمها ولكن هم في الاساس اغلب الحاجات او المميزات او الادوات اللي موجوده جواهم شبه بعض يعني استخدمت الزوم زي استخدمت التيمز زي استخدمت جوجل ميت في الاخر هيقضي لك نفس الغرض اللي انت عايز تعمله انك تعمل مؤتمر فيديو او تعمل محادثه فيديو طيب خطوات استخدام مؤتمرات الفيديو يعني لما تكون انت وحد من مدرسينك عايزين تبداوا اجتماع او تنضموا الاجتماع فاحنا هنستخدم هنا جوجل ميت جوجل ميد وهكلمك على استخدام البرمجيات ديت او البرامج دي من خلال منصه جوجل ميد انا علشان انشئ اجتماع جديد او انشئ مؤتمر فيديو جديد او انشئ محادثه فيديو جديده بروح اضغط على نيو ميتنج طبعا افتح ايه تفتح الاول جوجل ميت تكتب جوجل ميت في البحث هيظهر معاك تضغط على اول لينك يفتح معاك جوجل ميت تروح تلاقي علامه زرقاء او زرار ازرق كده مكتوب عليه نيو ميتنج او محادثه جديده تضغط عليها فهيجي يقوللك انت عايز تبدا اجتماع فوري على الفور ولا عايز تنشئ اجتماع لوقت لاحق يعني نبدا اجتماع او محادثه فيديو دلوقتي حالا ولا عايز تجدولها لوقتاني يوم الاربعا الساعه 8:00 مثلا تختار اللي انت عايزه بعد ما بتفتح معاك تضغط على اجتماع على الفور مثلا فبيبدا في انشاء الاجتماع بتاعك تروح انت تضغط على نسخ الرابط كوبي وبعدين تروح على الواتساب تبعت الايه اللينك ده عشان اي شخص عايز ينضم معاك وانت هتبعت له اللينك يضغط على اللينك وينضم للاجتماع بتاعك او لمؤتمر الفيديو بتاعك ومن هنا نروح لان احنا عندنا طريقتين بننضم بيهم الى الاجتماعات او لمؤتمرات الفيديو اولا من خلال نسخ الرابط ولصقه في متصفح والدخول على الاجتماع ثانيا من خلال ان انا احط في حقل ادخال الرمز او الرابط احط احط الرابط او احط الرمز اللي صاحب الاجتماع بعته لي واضغط على كلمه انضمام فهيبدا هبدا بالدخول للاجتماع ده ومجرد ما تنضم للاجتماع هيطلب منك الموافقه على السماح باستخدام الكاميرا والمايك فطبعا لازم دي محادثه فيديو فلازم يوافق لك على استخدام الكاميرا واستخدام المايك فانت بتضغط على رمز الميكروفون عشان تشغل الصوت وبتضغط على رمز الكام كاميرا عشان تشغل الكاميرا والعكس عايز تقفلهم تضغط عليهم تاني بيتقفلوا دي بكل بساطه فكره مؤتمرات الفيديو او الاجتماع الفيديو ده شيء جميل جدا عندي حبه قواعد مهمه جدا قبل واثناء وبعد اجتماع مؤتمرات الفيديو قبل التواصل عبر مؤتمر الفيديو لازم تتاكد من ان انت عندك شغال والكاميرا شغاله والميكروفون شغال والبرنامج اللي انت هتستخدمه موجود وشغال فعلشان يكون اجتماعك ناجح وفعال لازم قبل مؤتمر الفيديو تتاكد ان الانترنت والكاميرا والمايكروفون جميعهم يعمل بشكل جيد لتجنب المشكلات التقنيه الفنيه اللي ممكن تحصل وتعطلك عن الاجتماع او عن المحادثه الفيديو طيب ده قبل محادثه الفيديو اثناء بقى محادثه الفيديو ايه اللي بيحصل حضرتك بترتدي ملابس مناسبه ليه؟ لان انت هتفتح الكاميرا فهتتشاف من كل اللي موجودين في مؤتمر الفيديو ده فلازم تبقى لابس لبس مناسب اكنك موجود في مكان عام فلازم تبقى لابس لبس مناسب تحافظ على انك تظهر سلوك جيد سلوك راقي ابتسامه دايمه التعامل باسلوب لائق تتاكد من ان الميكروفون شغال لما تتكلم وتتاكد انك عامل ميوت او كتم الصوت للميكروفون عند عدم استخدامه طالما انت مش هتتكلم فانت عامل ميوت او كتم للصوت لما تيجي يجي عليك الدور انك تتكلم اضغط على الميكروفون عشان تفتح الصوت وتتكلم عادي لازم تراجع اي ملاحظات تطلب منك تراعي انك دايما باصص بشكل مباشر في الكاميرا اثناء التحدث حدث طيب بعد مؤتمر الفيديو ايه بقى القواعد اللي بعد ما يخلص مؤتمر الفيديو لازم بيتبعت في نهايه الاجتماع بتاعك بريد الكتروني للمتابعه بعد الاجتماع ممكن بقى يكون الرساله البريد الالكتروني دي فيها ملخص عن اهم النقاط اللي تحدثنا فيها خلال الاجتماع او مثلا رابط تسجيل الاجتماع لو تم تسجيله اصلا لان الزوم والتيمز والحاجات دي ممكن نسجل الميتنج او الاجتماع ده عادي جدا يبقى اتكلمنا دلوقتي على مؤتمرات الفيديو وعرفنا ايه هي وايه هي اشهر الادوات بتاعتها وازاي بتنشئ اجتماع وازاي بتنضم الاجتماع وايه هي القواعد المهمه قبل وبعد واثناء مؤتمر الفيديو تعال نروح نحل الاسئله اللي موجوده معانا على الدرس الرابع السؤال الاول بيقول ضع علامه صح او علامه خطا امام العبارات الاتيه لا تمتلك الحوسبه السحابيه ادوات للتواصل في نفس الوقت طبعا غلط لان هي اصلا محادثات الفيديو بتعتمد على الحوسابه السحابيه في نفس الوقت يعتبر برنامج مايكروسوفت وورد من برامج محادثه الفيديو طبعا غلط لان مايكروسوفت تيمز مش مايكروسوفت وورد التواصل في الوقت نفسه يسمح بتوصيل الرساله عبر مؤتمرات الفيديو طبعا مؤتمرات الفيديو نوع من انواع التواصل في نفس الوقت اللي هو الاتصال المتزامن لا يمكن الموافقه على اذنات للميكروفون والكاميرا عند اجراء محادثه طبعا غلط يمكن الموافقه يستحيل ايقاف تشغيل الكاميرا او الميكروفون اثناء محادثه عبر جوجل ميت طبعا غلط ليه ممكن نقفل الكاميرا او نفتحها هي والميكروفون للانضمام الى اجتماع عبر جوجل ميت يمكنك نسخ رابط الاجتماع ولصقه في متصفحك طبعا صح دي طريقه من الطريقتين اللي بننضم بيهم لاجتماع فيديو اختر الاجابه الصحيحه ده السؤال الثاني الميزه الاساسيه التي يوفرها التواصل في الوقت نفسه هي التفاعليه الرسميه المرونه الامان التفاعليه لان هو بيحصل يحدث في نفس الوقت يتيح لك التواصل في الوقت نفسه ايثار رسالتك بطريقه تفاعليه اكثر عند استخدام مؤتمرات فيديو المنصه التي تقدمها شركه مايكروسوفت لمؤتمرات الفيديو هي مايكروسوفت تيمز مايكروسوفت تيمز للانضمام لمحادثه جوجل ميت يتم ادخال الرابط في حقل ادخال رمز او رابط ثم النقر على زر انضمام انضمام بعد انتهاء مؤتمر الفيديو يجب ارسال بريد الكتروني يحتوي على رابط تسجيل للاجتماع لو تم تسجيله يعني اثناء اثناء مؤتمر الفيديو يجب التحقق من ان نقط يعمل عند التحدث الميكروفون يعمل عند التحدث طيب اكمل الجمل الاتيه مما بين القوسين بعد الضغط على اجتماع جديد يمكن اختيار انشاء اجتماع اجتماع لوقت لاحق بعد انتهاء مؤتمر الفيديو يجب ارسال نقط يحتوي على ملخص للاجتماع ارسال بريد الكتروني المنصه صه التي تقدمها شركه جوجل لمؤتمرات الفيديو هي جوجل ميت. جوجل ميت يجب الضغط على خيار نقط لبدء اجتماع جديد باستخدام جوجل ميت. الضغط على خيار اجتماع جديد تعتبر نقط من الادوات الرقميه التي يمكن استخدامها في التواصل في وقت نفسه. طبعا محادثات الفيديو. محادثات الفيديو. وبكده عباقره الصف السادس وصلنا لنهايه فيديو النهارده وشرح الدرس الرابع واستنونا ان شاء الله في الفيديو اللي جاي اللي هنشرح فيه الدرس الخامس لغات البرمجه وحل المشكلات الرقميه وهنتكلم وقتها على الاتش تي ام ال والجافا سكريبت السلام عليكم