Grammatical Analysis of Adverbs of Time and Place Fifth Grade Grammar Arabic Language New C

العربي ببساطة · ⏱ 3:55 · 511 مشاهدة · 4 months ago

النص الكامل للفيديو

مرحبا بكم طلاب الصف الخامس الابتدائي معاكم ساره ياسين وهنتكلم النهارده عن قاعده نحويه جديده وهي انواع الظرف طبعا احنا تعرفنا على الظرف قبل كده وعرفنا ان هو نوعين ظرف زمان وظرف مكان ظرف الزمان هو عباره عن اسم منصوب يدل على زمن حدوث الفعل زي مثلا ما اقول تتفتح الازهار ربيعا كلمه ربيعا هنا ظرف زمان ليه هي ظرف زمان لانها دلت على زمن حدوث الفعل اما ظرف المكان فهو عباره عن اسم منصوب يدل على مكان حدوث الفعل فمثلا هقول يقف العصفور فوق الشجره كلمه فوق هنا ظرف مكان ليه ظرف مكان لانها دلت على مكان حدوث الفعل طيب لو احنا اخدنا بالنا من تعريف ظرف الزمان وظرف المكان هنلاقي ان اول كلمه عندنا اسم منصوب معنى كده ان الظرف دايما منصوب يعني هعرب كلمه ربيعا وهقول ظرف زمان منصوب وعلامه نصبه الفتحه وهعرب كلمه فوق وهقول ظرف مكان منصوب وعلامه نصبه الفتحه بعد كده هنتعرف على بعض الامثله لظرف الزمان عندنا مثلا صباحا مساء ليلا نهارا فجرا ظهرا عصرا مغربا عشاء فصول السنه الاربعه صيفا شتاء ربيعا خريفا غدا منذ حين والان وغيرها من الامثله طيب ظرف الزمان علشان اعرفه هسال عنه بكلمه متى اما بقى ظرف المكان فمن امثلته فوق تحت امام خلف يمينا يسارا شرقا غربا اللي هي اتجاهات الخريطه بتاعتي وراء نحو جانب تجاه خارج اعلى وغيرها من الامثله وظرف المكان هسال عنه بكلمه اين طيب في سؤال مهم بيجي لي دايما في الامتحانات يجيب لي جمله ويقول لي استبدل الكلمه التي تحتها خط بظرف زمان زي مثلا ما اقول اذهب الى المدرسه في الصباح في الصباح ده جار ومجرور عشان اخليه ظرف زمان فهقول كلمه صباحا. من الحاجات المهمه اللي احنا محتاجين ناخد بالنا منها ان في بعض الكلمات ممكن تيجي ظرف زمان او مكان وبيختلف النوع على حسب سياق او معنى الجمله. من الكلمات دي عند بين وسط قبل بعد مع خلال لدى الكلمات دي ممكن تيجي ظرف زمان او مكان طيب انا هعرف منين؟ هعرف من معنى الجمله او من سياق الجمله زي مثلا المثال اللي موجود معانا دلوقتي اذاكر قبل الغداء قبل هنا ظرف زمان ليه ظرف زمان لانها بتدل على زمن حدوث الفعل انا هذاكر امتى قبل الغدا طيب لو انا قلت البيت قبل المدرسه يبقى انا بتكلم هنا عن مكان البيت ان هو موجود قبل المدرسه فكلمه قبل هنا ظرف مكان يبقى احنا النهارده اتعرفنا على اعراب ظرف الزمان والمكان وعرفنا ان هو بيكون ظرف زمان او مكان منصوب وعلامه نصبه الفتحه بكده نكون خلصنا قاعدتنا النهارده ولو حابين تشوفوا الملخص الورقي للفيديو ده تقدروا تدخلوا على صفحه الفيسبوك العربي ببساطه وهتلاقوا اللينك تحت الفيديو اشوفكم المره الجايه في فيديو جديد الى اللقاء