الاقتصاد الأخضر في الوطن العربي الصف السادس الابتدائي دراسات المنهج الجديد 2026

عمرك تخيلت نفسك يا صديقي ان الجو اللي حوالينا ده بقى حلو جدا والهواء نضيف والشمس طالعه والعصافير بتصوصه والجمال ده كله حوالينا اهو ده بقى يا باشا هو الاقتصاد الاخضر اهلا بكم حبايبي طلاب الصف السادس الابتدائي يا رب تكونوا بخير معاكم مستر كريم النهارده ان شاء الله باذن نخش على درس جديد في المنهج بتاعنا وهو درس الاقتصاد الاخضر في الوطن العربي طبعا اول سؤال هيخطر على بالك يا مستر يعني ايه الاقتصاد الاخضر انا اللي اعرفه ان الاقتصاد ده هو زراعه وصناعه وتجاره هل بقى لونهم اخضر ولا ايه بالظبط؟ هقول لك لا حبيبي كلمه اقتصاد اخضر حبايبي ده مصطلح علينا لازم نحفظه كلمه اقتصاد اخضر ده اقتصاد بيهدف الى تحقيق التنميه الاقتصاديه يعني اه هو في زراعه وفي صناعه وفي تجاره في كل الكلام ده عايزين نعمل تنميه اقتصاديه نزود انتاجنا نزود الزراعه والصناعه والتجاره ولكن بشرط يعني الاقتصاد الاخضر اه في زراعه وصناعه وتجاره ولكن بشرط ايه الشرط ده بقى هو شرط الحفاظ على البيئه ان انت تزرع بس تحافظ على البيئه تصنع بس ما تلوثش البيئه اعمل كل اللي انت عايزه بشرط الحفاظ على البيئه يبقى انا لو بزرع وبصنع وبتاجر بشرط الحفاظ على البيئه ده اسمه الاقتصاد الاخضر. خلي بالك بقى ان الاقتصاد الاخضر ده في الوطن العربي بيعتمد على حاجتين. يعني انت عشان يبقى عندك او تعمل حاجه اسمها الاقتصاد الاخضر وتقدر تحافظ يا صديقي على البيئه لازم تعتمد على حاجتين. اول حاجه تعتمد عليها وهي الطاقه المتجدده. يعني ايه الطاقه المتجدده؟ زي طاقه الرياح لان هي مش بتلوث البيئه. زي الطاقه الشمسيه لان هي مش بتلوث البيئه. زي كمان عندنا طاقه المياه برضو لان هي مش بتلوث البيئه يبقى احنا عندنا اي طاقه متجدده زي الرياح والطاقه الشمسيه والمياه دي من اهداف الاقتصاد الاخضر لان هم مش بيلوثوا البيئهاني حاجه لازم نعتمد عليها برض وهي بناء المدن الخضراء اللي هي المدن الصادقه للبيئه نبني مدن جديده تكون المدن دي ما بتعتمدش على اي حاجه بتلوث البيئه تكون المدن مدن جميله مدن فيها تكنولوجيا حديثه مدن فيها مساحات خضراء زرع يعني وتكون المدن دي بتشتغل بالطاقه المتجدده زي الطاقه الشمسيه او طاقه الرياح ساعتها بقول عليها مدن خضراء يبقى انا يا حبيبي على يبقى انا يا حبيبي لما اسالك اقول لك الاقتصاد الاخضر ده بيعتمد على ايه تقول لي بيعتمد على رقم واحد الطاقه المتجدده ورقم اثنين بيعتمد على بناء المدن صديقه للبيئه طيب الاقتصاد الاخضر بقى حبايبي بيشمل ايه معاه مش احنا قلنا الاقتصاد الاخضر ده زراعه وصناعه وتجاره ايه برض اللي بيشمله؟ قال لي من ضمن المجالات اللي بيشتغل عليها الاقتصاد الاخضر الطاقه المتجدده طبعا هو ده اهم حاجه عندنا في الدرس طاقه متجدده انور بيتي بس بالطاقه المتجدده ابعد بقى عن البترول وابعد عن الفحم وابعد عن الحاجات اللي بتطلع دخان دي واللي بتلوث البيئه لا انا عايز اعتمد على الطاقه الايه المتجدده ثاني حاجه ممكن برده نستخدم الاقتصاد الاخضر في المياه والزراعه ان انا احافظ على الميه من التلوث وان انا ازرع بطريقه نضيفه طريقه كويسه كمان نعتمد على الاقتصاد الاخضر في الصناعه او في النقل اللي هي السيارات كل ده يا باشا بيحمي البيئه طيب تعال بقى ناخدهم واحده واحده كده ونبدا الاول بالطاقه المتجدده نخش بقى صديقي على الطاقه المتجدده قلنا حبايبي طاقه المتجدده دي او الطاقه اللي بتتجدد على طول دي بناخدها من الرياح او من الطاقه الشمسيه اللي هي الشمس او من المياه عن طريق السدود زي السد العالي مثلا طيب مهمه الطاقه المتجدده ايه بقى؟ هتلاقي ان الطاقه المتجدده بتبقى بديله للوقود الحفري او الوقود الاحفوري الوقود الاحفوري ده اللي مش عارف اللي هو زي الفحم مثلا ده اسمه وقود احفوري لان انت لو جيت ولعت في شويه فحم بيطلع ايه؟ بيطلع دخان فالدخان ده بيعمل لك ايه؟ بيلوث البيئه بياؤدي الى التلوث فاحنا هنعوض بقى هنعتمد على الكهرباء النظيفه اللي هي الطاقه المتجدده بدل الوقود الاحفوري اللي هو زي الفحم وهتلاقي على فكره في دول عربيه كتير جدا يا سنه اته بدات تعتمد على الطاقه المتجدده على سبيل المثال مثلا ان تم انشاء محطه للطاقه الشمسيه في المغرب اسمها محطه نورا يعني دوله المغرب عملت محطه لانتاج الطاقه الشمسيه اسمها محطه نور اهو ادي اهي الدول العربيه بتعتمد على الطاقه المتجدده كمان عندنا محطه البحر الاحمر اللي اسمها محطه جبل الزيت دي بتنتج الكهرباء من الرياح ودي موجوده في مصر اسمها محطه البحر الاحمر اللي هي جبل الزيت دي بتنتج الكهرباء من الرياح كمان عندنا محطه الشعيبه لانتاج الطاقه الشمسيه دي في السعوديه هي كمان عامله محطه لانتاج الطاقه الشمسيه اسمها محطه الشعيبه دي في السعوديه برده عندنا محطه كهرباء السد العالي في مصر ده عن طريق المياه يبقى احنا هنلاقي ان في دول عربيه كتير جدا بدات تعتمد على الطاقه المتجدده تاني حاجه يا حبيبي ان انت ممكن تستخدم الاقتصاد الاخضر ده في المياه والزراعه يعني ايه ازاي في المياه ان انت تزرع او تروي بطريقه ما تستهلكش فيها ميه كتير احنا عندنا كميه المياه العزبه في الوطن العربي قليله فانا لازم اروي الارض بكميه ميه قليله يعني ما ابداش اضيع الميه لازم احافظ على كميه الميه اللي عندي طب اعمل ده ازاي اول حاجه اهو ازاي تحافظ على الميه رقم واحد ترشيد استهلاك المياه ان انا ارشد استهلاكي يعني انت دخلت مثلا الحمام تتوضى احنا في رمضان بقى داخل تتوضى ما ينفعش تفضل مشغل الحنفيه 24 ساعه داخل تاخد دش ما تفضلش قاعد جوه ساعتين ثلاثه لا لازم ارشد الاستهلاك يعني استهلك ميه على قدي ما ازودش كميه الميه اللي انا بستهلكهااني حاجه الري بالرش والتنقيط لما اجي ازرع ادي مثلا ارض زراعيه اهي دي شجره مثلا انا عايز ازرع الشجره دي او عايز ارويها ها ما ينفعش اغرق الارض كلها لا اجي كده عند شجره وانقط احط نقط ميه او الرش ارش عليها شويه ميه بس يبقى انا كده بسقي الزرع بروي الزرع في نفس الوقت انا ما ضيعتش الميه يبقى انا لازم اروي الزرع بالرش ارش على الزرع بالظبط او التنقيط انقط عليها ميه فهي تشرب وانا حافظت على الميه برده رقم لاثه ان انت تعمل محطات معالجه لمياه الصرف الصحي تعالج مياه الصرف الصحي بدل ميه الصرف الصحي دي مضيه علينا لا ناخد خدها ونحاول ننظفها مره ثانيه ونستخدمها مره ثانيه يبقى انا كده بعالج ميه الصرف الصحي يعني بنضفها وبستخدمها مره ثانيه طيب الزراعه بقى ازاي اطبق الاقتصاد الاخضر في الزراعه سنه ه قال لي من خلال التوسع في الزراعه العضويه خلي بالك بقى كلمه زراعه عضويه يعني اعتمد على الاسمده الطبيعيه اللي هي مخلفات الحيوانات يعني انا لما اجي ازرع احط على الارض سيمات سماد عضوي يعني ايه سماد عضوي؟ يعني سماد طبيعي جاي من مخلفات الحيوانات تقول لي يا مستر يع القرف ده؟ هقول لك ما هو هنعمل ايه بقى هو ده السماد اللي ما بيضرش الارض ده السماد اللي بيطلع الزرع بسرعه وفي نفس الوقت ما بيضرش الارض يبقى الزراعه العضويه هو ان انت تعتمد بطريقه طبيعيه على مخلفات الحيوانات دون الاعتماد على الاسمده الكيماويه ابعد عن الاسمده الكيماويه لان الاسمده الكيماويه بتلوث الارض تخليك بقى تاخد تاكل فاكهه او خضار فيهم تلوث ويوجعوا لك بطنك طب وليه ده انا اعتمد على السماد اللي بيجي من مخلفات الحيوانات لان ده مش بيلوث الارض وكمان بيحافظ على البيئه برده انت ممكن تستخدم الاقتصاد الاخضر في الصناعه ازاي ان انت تحاول تعتمد على الصناعه الصديقه للبيئه اللي هي الصناعات اللي مش بتلوث البيئه كمان تعتمد على تدوير المخلفات المخلفات اللي احنا بننتجها تض تدوره يعني تستخدمها مره ثانيه يعني مثلا انا اشتريت ازازه حاجه ساقعه فالازازه دي انا شربتها الازازه نفسها بدل ما ارميها لا انا احاول استخدمها مره ثانيه اشتريت مثلا علبه سمنه علبه السمنه دي صفيح بدل ما ارمي الصفيحه دي لا انا ممكن استخدمها مره ثانيه يبقى اعاده تدوير المخلفات ان انا استخدم الحاجات اللي انا استخدمتها قبل كده مره وثنين وثلاثه وعلى فكره اكت دولتين بيهتموا باعاده تدوير المخلفات واستخدام المخلفات مره ثانيه في التصنيع دوله مصر ودوله الامارات وعلى فكره تدوير المخلفات ده مهم جدا طب ليه مهم لان هو بيزود كفاءه استغلال الموارد بتستغل الموارد عندك مثلا حديد بتستخدمه مره واتنين وثلاثه واربعه عندك زجاج بتستخدمه مره واثنين وثلاثه بتستخدمه كذا مره يبقى ده بيزود كفاءه استغلال الموارد برده احنا ممكن نستخدم الاقتصاد الاخضر سنه ه في عمليه النقل العربيات بقى بدل ما نخلي العربيات بتاعتنا بتشتغل بالبنزين او بالغاز الطبيعي وبتطلع دخان لا يا عم انا عايز اعتمد على السيارات الكهربائيه يبقى انا عايز اعتمد على السيارات اسمها السيارات الايه؟ الكهربائيه لان السيارات الكهربائيه دي بتقلل التلوث وبتحمي كمان البيئه واحنا عندنا حبايبي دول كتيره جدا اهتمت ان هي تستخدم السيارات الكهربائيه لان السيارات الكهربائيه زي ما قلنا بتحمي البيئه من التلوث طب مين الدول دي؟ قال لي زي مصر مصر بدات تستخدم حافلات يعني ايه حافلات اتوبيسات وكمان السيارات الكهربائيه مصر بدات تعتمد على الاتوبيسات او السيارات اللي بتشتغل بالكهرباء ده مش كده بس عايز اقول لكم كمان ان مصر دلوقتي بتعمل مصانع عشان تصنع السيارات الكهربائيه بتعمل مصانع عشان تصنع العربيات اللي بتشتغل بالكهرباء طبعا ده عشان تحافظ على البيئه ده بالنسبه لمصر. مين برض من الدول اللي بتحاول تعتمد على السيارات الكهربائيه؟ هقول لك الامارات. الامارات بقى عملت حاجه ثانيه. الامارات اصلا عندها السيارات كهربائيه كتير جدا يعني دوله الامارات دي يا سنه ه عندها عربيات كتير قوي بتشتغل بالكهرباء فبدات تعمل ايه الامارات بقى بدات تعمل محطات شحن مجانيه تعمل محطات زي الصوره كده بصوا الصوره اللي قدامكم دي تعمل محطه كده لتشحن عشان تشحن فيها عربيتك ما العربيات اللي بتشتغل بالكهرباء دي لما الكهربا بتخلص فيها البطاريه بتفضى العربيه مش بتشتغل فبتحتاج تشتغل بتحتاج تتشحن ثاني فانت تعمل ايه بقى تاخد عربيتك تيجي عند المحطه توصل الكابل في العربيه كده وتستناها لحد ما تتشحن كان معاك موبايل مش انت الموبايل لما بيفضى شحن بتشحنه حاجه زي كده بالظبط فالامارات بقى في دبي دبي دي في الامارات بدات تعمل محطات زي الصوره اللي قدامك كده بتشحن فيها السيارات مجانا المحطات موجوده في الشارع اي عربيه الشحن بتاعها قرب يخلص تيجي وتشحن العربيه بتاعتها وده طبعا عشان تشجع النقل الاخضر يعني تشجع العربيات اللي بتشتغل بالكهرباء من هنا حبايبي اكيد انتوا فهمتوا ان الاقتصاد الاخضر ده حاجه مهمه جدا ايه بقى اهميه الاقتصاد الاخضر الاقتصاد الاخضر ليه ثلاث اهميات اوليه في الاقتصاد الاخضر ان هو بيحمل بيئه من التلوث طبعا لان انا بعتمد على الطاقه المتجدده فده بيحمل بيه من التلوث ادي اول اهميه كمان ضمان حقوق الاجيال القادمه مش بستهلك الموارد بكثره فانا بحافظ على الموارد للاجيال القادمه اللي هم بقى انتو والاجيال اللي بعديكم والاجيال اللي بعديكم نفضل محافظين على البيئه ونفضل محافظين على الموارد للاجيال القادمه كمان استدامه الموارد الطبيعيه وده نفس رقم اثنين اصلا ان الموارد الطبيعيه اللي ربنا خلقها لنا تفضل موجوده على طول استدامه يعني تفضل موجوده دائما دي كده اهميه الاقتصاد الاخضر ولكن حبايبي للاسف الاقتصاد الاخضر زيه زي اي حاجه جديده بيواجه بعض التحديات وبعض المشاكل يعني في بعض المشاكل بتواجه الاقتصاد الاخضر. اول مشكله يا باشا وهي ارتفاع تكلفه مشروعات الطاقه المتجدده. احنا كلنا نفسنا نعتمد على الطاقه المتجدده والله مافيش احلى من الطاقه الشمسيه مافيش احلى من طاقه الرياح ولكن للاسف مشروعات الطاقه المتجدده غاليه جدا يا سنه ه تكلفتها مرتفعه فمش كل الدول بتقدر تعملها في دول فقيره ما بتقدرش تعملها فدي اول مشكله يبقى اول مشكله ايه رقم واحد ارتفاع تكلفه مشروعات الطاقه المتجدده ثاني مشكله عندنا وهي ضعف التشريعات البيئيه تشريعات يعني القوانين ما فيش قوانين بتحمي البيئه كويس فعشان كده الناس مش عايزه تسيب البترول والفحم والغاز الطبيعي رقم لاثه الاعتماد على الوقود الملوث للبيئه للاسف في دول كتير جدا بتعتمد على الوقود الملوث للبيئه اللي هو زي البترول والفحم والغاز الطبيعي في دول كتير بتعتمد عليه فالدول دي مش قادرين نقنعها ان هي تسيب البترول والغاز الطبيعي ده وتروح على الطاقه المتجدده مش عايزه تقتنع فدي برده برده مشكله بتواجهنا يبقى احنا عندنا ثلاث مشاكل اول مشكله ان الطاقه المتجدده غاليه ثاني مشكله ما فيش قوانين وتشريعات بتحمي البيئه كويس ثالث مشكله ان في دول بتعتمد على الطاقه الملوثه للبيئه من هنا بقى يا حبايبي بدات تظهر جهود لبعض الدول العربيه في بعض الدول العربيه بدات تعمل مجهودات عشان تحافظ على البيئه وتحاول تعمل الاقتصاد الاخضر ومن امثله الدول دي دوله زي الامارات ودوله زي السعوديه وكمان دوله زي مصر هتلاقي ان مصر والامارات والسعوديه اكتر الدول العربيه اللي بيهتموا بالطاقه الشمسيه يعني بيهتموا بالطاقه المتجدده عايز اقول لكم ان على سبيل المثال مصر عامله محطه لانتاج الطاقه الشمسيه في اسوان اسمها محطه بنبان محطه مهمه جدا مصر عاملاها يبقى كده مصر بتهتم بالطاقه المتجدده كمان عندنا في محطات لانتاج الطاقه من الرياح في مصر والمغرب مصر والمغرب برده عامله محطات لانتاج الكهرباء من الرياح برده في بعض الدول بتشجع الاستثمار في النقل النظيف يعني بتشجع رجال الاعمال ان هم يشتغلوا في النقل النظيف النقل النظيف ده اللي هي السيارات الكهربائيه نعمل بقى مصانع لصناعه السيارات الكهربائيه ونبيعها بدل العربيات اللي بتشتغل بالبنزين والبترول اخر حاجه بقى حبيبي هناخد بعض النماذج للمدن اللي هي بتشتغل بالطاقه المتجدده اللي انا بقول عليها المدن الخضراء عندنا في الوطن العربي في بعض الدول بدات تعمل مدن كامله بتشتغل بالطاقه المتجدده اول مدينه عندنا وهي دي مدينه في مصر اصلا اسمها العاصمه الاداريه الجديده مدينه تحفه مدينه جديده مصر عملتها المدينه دي عايز اقول لكم ان كلها بتعتمد على الطاقه النظيفه اي حاجه في العاصمه الاداريه بتشتغل بالطاقه النظيفه يا اما بالطاقه الشمسيه يا اما بطاقه الرياح يا اما بطاقه المياه يعني كل الحاجات بتشتغل بالكهرباء الطاقه النظيفه ادي اول حاجه كمان العاصمه الاداريه الجديده زي ما هي في الصوره قدامكم فيها مساحات خضراء بص كده كميه الزرع ادي مساحه خضراء ادي مساحه خضراء ادي مساحه خضراء يعني فيها زرع وفيها شجر وده عشان نحافظ على البيئه كمان العاصمه الاداريه الجديده فيها انظمه تكنولوجيه جديده عشان تقلل استهلاك الطاقه والمياه هناك في المدينه دي بيستخدموا الميه والطاقه بكميه قليله عشان ما يخلصوهاش يبقى دي نموذج للمدن الخضراء يبقى انا عندي اول نموذج ايه العاصمه الاداريه في مصر برض عندنا من المدن الثانيه وهي مشروع نيوم مشروع نيوم ده في السعوديه بقى مشروع نيوم ده دي عباره عن شويه مدن مستقبليه يعني هتتعمل في المستقبل لسه ماتعملتش ولكن السعوديه بتنوي عايزه تعمل مدن متطوره بتعتمد على التكنولوجيا وبتعتمد كمان على الطاقه النظيفه وبتعتمد كمان على الذكاء الاصطناعي اللي هو الاي اي الذكاء الاصطناعي المشروع اللي في السعوديه ده اسمه مشروع نيوم لسه بيفكروا يعملوه يعني هيعملوه في المستقبل ان شاء الله بس كده يا شباب يبقى خلصنا الدرس بتاعنا وخلصنا درس الطاقه المتجدده ودرس الاقتصاد الاخضر في نهايه الفيديو يا شباب لو عجبكم الفيديو لو سمحت اعملوا لايك للفيديو اعملوا اشتراك في القناه وابعتوا الفيديو لاصحابكم وحبايبكم عشان يستفيدوا هم كمان واشوفكم على خير الفيديو اللي جاي كان معاكم مستر كريم والسلام