الاقتصاد الاخضر في الوطن العربي الصف السادس الابتدائي الدراسات الإجتماعية التيرم الثاني 2026

السلام عليكم ورحمه الله وبركاته ازيكم يا ابطال عاملين ايه؟ يا رب تكونوا بخير انا مستر اسلام الحسيني ودي قناه النموذج النهارده مع بعض ان شاء الله هنتكلم على الدرس الاول في الوحده الثالثه للصف السادس الابتدائي بعنوان الاقتصاد الاخضر في الوطن العربي طيب يعني ايه الاقتصاد الاخضر في الوطن العربي ده اللي هقوله لك ان شاء الله بس قبل ما ننسى اعمل لايك للفيديو ده عشان يوصل لباقي زمايلك واعمل للقناه وفعل زر الجرس عشان ينزل يوصل لك الدرس الجديد بمجرد نزوله باذن الله الاقتصاد الاخضر يعني ايه الاقتصاد الاخضر طبعا انا عارف ان كلمه الاقتصاد انا دايما بربط كلمه الاقتصاد بالزراعه والصناعه والتجاره صح والحاجات اللي بتزود فرص العمل واللي بتحقق الدخل القومي للوطن العربي هو ده الاقتصاد انما الاقتصاد الاخضر انا عمري ما سمعت ان الاقتصاد له لون يعني انا ما سمعتش قبل كده عن اقتصاد احمر ولا اقتصاد اصفر ولا اقتصاد ازرق علشان تقول ان في اقتصاد اسمه الاقتصاد الاخضر مش كده ولا ايه؟ صح طيب الاقتصاد الاخضر ده بقى يا سيدي ده اللي بعمله علشان احسن من البيئه بتاعتي اصلا اللون الاخضر ده هو اصلا لون بيدل على البيئه وبيدل على نظافه البيئه لان هو لون الزرع ولون الشجر ولون الخضره ولون الحاجات الجميله اللي بتنظف البيئه وبتنقيها من التلوث فاول ما يجيب لك كلمه الاقتصاد ويربط لك الاقتصاد ده بكلمه ثانيه اسمها الاقتصاد الاخضر فتعرف ان انا هتكلم على البيئه وازاي احقق النظافه بتاعه البيئه طيب انت قلت ان كلمه الاخضر مرتبطه بالبيئه معنى كده ان انا هعمل اقتصاد ينظف البيئه اه انا هعمل اقتصاد يوازن بين النظافه بتاعه البيئه وبين التنميه الاقتصاديه للوطن العربي انا عاوز اعمل تنميه اقتصاديه وفي نفس الوقت ماضرش البيئه طيب انا مانيش فاهم هقول لك ازاي انا دلوقتي في مرحله التطوير في دول الوطن العربي كلها صح دول الوطن العربي كلها فيها ثوره ا اقتصاديه كل الدول دلوقتي بتحاول ان هي تطور من نفسها طيب انت علشان تطور من نفسك كدوله ايه الحاجات اللي انت محتاجها انت محتاج ان انت تبني مصانع ومحتاج ان انت تعمل مزارع ومحتاج ان انت تزود مثلا تزود التجاره محتاج ان انت توفر فرص عمل وتزود السياحه وتعمل وسائل مواصلات جديده صح كل الحاجات دي مع زياده عدد السكان هتعمل تلوث صح ده غير كمان ان الو ان ان ان كوكب الارض بيمر بمرحله صعبه جدا اسمها تغير المناخ طيب انا يعني انا عاوز اعمل بقى توازن بحيث ان انا ازود الاقتصاد بتاع الوطن العربي واعمل تنميه اقتصاديه وفي في نفس الوقت افضل محافظ على البيئه. طيب المعادله دي انا هقدر احلها ازاي؟ المعادله دي هقدر احلها من خلال ان انا اعتمد على طاقه متجدده ما بتلوثش البيئه وابني مدن خضراء وقلنا كلمه اخضر اهو هتيجي معانا كتير مدن خضراء يعني مدن بتحافظ على البيئه مدن صديقه للبيئه تمام طيب كل الكلام دهو احنا جمعناه وقمنا حاطينه في مفهوم اسمه الاقتصاد الاخضر يعني ايه الاقتصاد الاخضر هو اقتصاد يهدف الى تحقيق التنميه الاقتصاديه مع الحفاظ على البيئه واستدامه مواردها برده مانيش فاهم يعني قال لي ان الاقتصاد الاخضر دههو ده عباره عن مفهوم انا بقوله او الدول الوطن العربي اتفقت عليه ان هو يحقق تنميه اقتصاديه يعني اعمل تنميه اقتصاديه وازود الدخل بتاع الدوله بس بشرط ايه هو الشرط الحفاظ على البيئه بشرط الحفاظ على البيئه واستدم ت مواردها يعني بدون ما ادر الموارد بتاعتها ولا انتقص منها ولا ابخس او ماعملش حساب الاجيال القادمه في الموارد دي تمام يبقى تاني لما اجي اقول لك ما المقصود بالاقتصاد الاخضر هتقول لي هتقول لي ايه هو اقتصاد يهدف الى تحقيق التنميه الاقتصاديه مع الحفاظ على البيئه واستدامه مواردها خدها كده كانها شرط هعمل عمل تنميه اقتصاديه بس بشرط ان انا احافظ على البيئه واستدامه الموارد بتاعتها قبل ما ننقل على الجزء الثاني في مفهوم مهم جدا لازم تعرفه وهو الوقود الاحفوري احنا خدناه في سنه رابعه وخدناه في سنه خامسه يعني ايه الوقود الاحفوري هو مصدر من مصادر الطاقه يتكون من بقايا كائنات حيه قديمه زي نباتات وحيوانات دفنت تحت الارض منذ ملايين السنين يعني زي البترول وزي الفحم وزي الغاز الطبيعي الحاجات دي اصلا اتكونت اتكونت من ايه او كانت عباره عن ايه الحاجات دي اساسها الحاجات دي اساسها كانت كائنات حيه عايشه من ملايين السنين وماتت واتدفنت تحت الارض تمام بعد ما اتحللت طلع منها الوقود الاحفوري ده تمام يبقى الوقود الاحفوري هو مصدر من مصادر الطاقه يتكون من بقايا كائنات حيه قديمه زي نباتات وحيوانات دفنت تحت الارض منذ ملايين السنين وقلنا وقود احفري دههو زي البترول والفحم والغاز الطبيعي واول ما تشوف كلمه احفري دههي تعرف ان انا هتكلم على الوقود الملوث للبيئه اللي موجود اصلا في في باطن الارض بكميات محدوده تمام فالاثنين تحس ان دلوقتي ان انا بتكلم على حاجه متناقضه انا بتكلم على اقتصاد اخضر صديق للبيئه واتكلمت دلوقتي على المفهوم الثاني ده الوقود الاحفوري اللي هو من مصادر الطاقه الغير متجدده يعني ممكن تخلص وفي نفس الوقت هو ملوث للبيئه تمام في الجزء اللي جاي ده احنا هنعرف بالتفصيل ايه بقى هو المخطط بتاع الاستدامه اللي الدول العربيه عايزه تعمله عشان تحقق المعادله الصعبه دي اللي هي المعادله اللي بتتكلم على التنميه الاقتصاديه مع الحفاظ على البيئه طيب لما الدول العربيه اجتمعت مع بعض علشان تناقش مفهوم الاقتصاد الاخضر ومفهوم التنميه الاقتصاديه مع الحفاظ على البيئه لقوا ان احنا هنقدر نحقق الحاجات دي عن طريق كذا مجال المجال الاول عن طريق الطاقه المتجدده وهي الطاقه المتجدده هي ايه اللي هي الطاقه اللي موجوده على كوكب الارض باستمرار وما بتخلصش متجدده يعني كل يوم بتتجدد زي مين؟ زي الشمس وزي الرياح وزي الميه ميه صح الشمس والرياح والميه هل الثلاثه دول بيخلصوا؟ لا ما بيخلصوش اذا انا اقدر اعمل اول حاجه اقدر اعملها في مجالات الاقتصاد الاخضر ان انا استخدم الشمس والرياح والميه تمام دول بسميهم الطاقه المتجدده دلوقتي الدول الوطن العربي بدات ان هي تفكر تستبدل الوقود الاحفوري اللي احنا قلنا عليه ملوث للبيئه وبيخلص يعني ممكن في اي وقت من الاوقات ينفذ ما عادش يبقى موجود فهنعمل ايه فلازم نلاقي بديل وفي نفس الوقت اصلا الوقود الاحفوري ملوث للبيئه فبرده احنا من الضروري جدا اننا نلاقي بديل فبدات دول الوطن العربي تستبدل الوقود الاحفوري اللي انا قلت عليه فاكرين الوقود الاحفوري انا كنت قلت زي ايه زي البترول صح وزي الغاز وزي الفحم طيب انا بدات ان انا بقى امد الوقود الاحفوري ده بمصادر الطاقه المتجدده علشان انتج الكهرباء تمام وقلنا مصادر الطاقه المتجدده هي مصادر طاقه نظيفه زي الشمس والرياح والميه هل انا عندي الوطن العربي مؤهل ان انا انتج فيه الطاقه المتجدده دي قال لي اه طبعا الوطن العربي مؤهل جدا صح طيب ازاي الوطن العربي مؤهل قال لي بص يا سيدي الاول خلينا بس نمسح دول كده اول حاجه انا ممكن اطلع طاقه كهربائيه من الشمس عن طريق بعض المحطات في الوطن العربي تمام وده دليل اهو ان الوطن العربي في محطات مؤهله لاستخراج الطاقه لاستخراج الطاقه الكهربائيه من الشمس زي محطه نور للطاقه الشمسيه في دوله المغرب ومحطه الشعيبيه للطاقه الشمسيه في السعوديه يبقى انا عندي محطتين تمام بيتكلموا في موضوع الطاقه الشمسيه او اقدر ان انا اخرج منهم طاقه شمسيه زي محطه نور للطاقه الشمسيه في المغرب ومحطه الشعيبيه للطاقه الشمسيه في السعوديه تمام الحاجه الثانيه اللي انا ممكن اجيب منها طاقه متجدده هي الرياح هي برده الرياح ما بتخلصش زيها زي الشمس هل الرياح الهواء انت عمرك شفت ان الهواء بيخلص يوم من على كوكب الارض لا طبعا ما بيخلصش طيب انا عندي محطات مؤهله لاستخراج الكهرباء من الرياح قال لي اه زي ايه زي محطه البحر الاحمر اللي انا بقول عليها محطه جبل الزيت سواء قلت دي او دي ما فيش مشكله الاثنين صح تمام طيب فين المحطه دي موجوده في مصر يبقى انا عندي محطه للشمس واحده في المغرب وواحده في السعوديه ومحطه للرياح موجوده في مصر تمام طيب المكان الثالث اللي ممكن استخرج منه طاقه نظيفه لتوليد الكهرباء هي محطه كهرباء السد العالي وبرده موجوده في مصر يبقى انا هنا مصر جت بدورين مره في توليد الكهرباء عن طريق الميه ومره عن طريق توليد الكهرباء عن طريق الرياح تمام وعند المغرب في الشمس وعند السعوديه كمان في توليد الطاقه الشمسيه في مشكله في الكلام ده ما فيش مشكله طب يلا نقولاني ركز معايا بسم الله ها انا قلت ان انا ممكن اجيب الطاقه النظيفه في الوطن العربي عن طريق ثلاث حاجات عن طريق الشمس وعن طريق الرياح وعن طريق الميه عن طريق الشمس من محطه نور للطاقه الشمسيه في المغرب ومحطه الشعيبيه للطاقه الشمسيه في السعوديه تمام طيب عن طريق الرياح عندي محطه مشهوره جدا اسمها محطه البحر الاحمر او محطه جبل الزيت ودول موجودين في مصر طيب بجيبها كمان عن طريق الميه صح طيب بجيبها ازاي من محطه كهرباء السد العالي اللي موجوده في مصر في مشكله في الكلام ده يبقى ده اول مجال اقدر احقق منه الاقتصاد الاخضر وهو ايه المجال ده الطاقه المتجدده طيب ندخل على المجال الثاني المجال الثاني بقى اللي انا ممكن احقق منه الطاقه المتجدده هي الميه والزراعه زي ما انا اتكلمت وقلت ان انا اقدر احقق او اقدر اولد كهرباء من الطاقه النظيفه من مصادر الطاقه المتجدده اللي هي الشمس والرياح والميه فانا اقدر كمان ادخل في تحقيق التنميه المستدامه او الاقتصاد الاخضر في الوطن العربي عن طريق الميه والزراعه ازاي؟ حاليا دول الوطن العربي بدا ان هي تستخدم طرق حديثه للحفاظ على الميه وخصوبه التربه هي الميه ممكن يجر لها حاجه اه طبعا ما الميه العزبه دي ممكن تتلوث والتربه دي ما هي التربه دي ممكن هي كمان تتدمر فتبوظ تمام في الوطن العربي حاليا دلوقتي بدا يستخدم طرق حديثه عشان يحافظ على الميه وخصوبه التربه طب من خلال ايه وساعات السؤال ده بيجي لي يقول لي دلل تتجه دول الوطن العربي الى استخدام طرق حديثه للحفاظ على التربه والمياه. ايه الدليل؟ الدليل اهو ركز بقى معايا اول حاجه ترشيد استهلاك الميه ان انا احافظ على الميه ما افضلش اهدرها عمال على بطال افضل سايبها مفتوحه استخدمها في استخدامات انا مش محتاجها اول حاجه الدول العربيه بدات تعملها هو ترشيد استهلاك المياه. الحاجه الثانيه الري بالرش والتنقيط ودي من اساليب الرايه الحديثه. اللي بتوفر كميه كبيره جدا من الميه. الحاجه الثالثه انشاء محطات معالجه مياه الصرف الصحي. نعمل محطات علشان نعالج الميه بتاعه الصرف الصحي. طب ما احنا هنعالجها يا مستر ميه الصرف الصحي دي ما هي ميه ملوثه احنا هنرجع نشربها تاني؟ لا مش هنشربها تاني. احنا ممكن نسقي بها الزرع تمام نسقي بها الاشجار مش هنشربها بس هنستفيد بها على الاقل. والحاجه الرابعه اللي الدول العربيه بتعملها برض هو التوسع في الزراعه العضويه. طيب ايه هي الزراعه العضويه؟ زراعه طبيعيه تعتمد على مخلفات الحيوانات كسماد. مخلفات الحيوانات دي انت ممكن تحس ان هي حاجه مش مهمه. لا والله مهمه بالرغم ان انت شايفها حاجه مش مش كويسه خالص. لا هي بالنسبه للتربه هي تعتبر غذاء للتربه. نقدر نستخدم مخلفات الحيوانات دي كسماد للتربه بدل ما نعتمد على الاسمده الكيماويه لان اي حاجه داخل فيها مواد كيماويه هي بتضر ما بتفتش اي حاجه خدها قاعده في حياتك كده اي حاجه في الدنيا داخل فيها مواد كيماويه هي بتضر ما بتفيدش تمام يعني ممكن تفيد شويه بس استخدامها على المدى البعيد بيضر زي الادويه الدواء انت بتاخده فتره معينه لما بتكون تعبان هل انت لو رقت وبقيت كويس وفضلت تاخد الدواء ده هتبقى كويس على طول؟ لا طبعا ما هو استخدامك للدواء ده ما هو الدوا ده مواد كيماويه بعد كده بيضر عليك وعلى صحتك الكلام بالظبط زيه زيه مع التربه التربه برده بتاخد الاسمده الكيماويه لوقت معين والله طولنا بقى في موضوع الاسمده الكيماويه ده ده بيضر بالتربه فاحنا علشان نتلاشى الموضوع ده خالص في الوطن العربي الدول العربيه بدات ان هي تتوسع في الزراعه العضويه تمام يبقى الدول العربيه بتتجه لاستخدام طرق حديثه للحفاظ على الماء والتربه الدليل ترشيد استهلاك المياه الري بالرش والتنقيط استخدام او انشاء محطات معالجه مياه الصرف الصحي والتوسع في الزراعه العضويه وقلنا الزراعه العضويه يعني ايه هي زراعه طبيعيه جدا بتعتمد على مخلفات الحيوانات كسماد دون الاعتماد على الاسمده الكيماويه خلاص بقى مادناش عايزين نعتمد على الاسمده الكيماويه احنا بنتكلم على ا اقتصاد اخضر يعني اقتصاد مالوش اي علاقه بالاضرار بالبيئه في مشكله في الكلام ده تمام جدا ننقل على الجزء اللي بعده من المجالات المهمه برض اللي انا اقدر احقق فيها الاقتصاد الاخضر في الوطن العربي هو مجال الصناعه وهيجي بعد كده مجال النقل بس خلينا نتكلم الاول على مجال الصناعه تمام الدول العربيه دلوقتي بتشجع الصناعات الصديقه للبيئه وان احنا نحول النفايات اللي هي الحاجات البقايا او الحاجات الزايده عن حاجتنا اللي بنرميها يعني ايه الى منتجات قابله للاستخدام مره اخرى يعني بدل ما تترمى وتخلي البيئه شكلها وحش لا احنا ممكن ناخدها ونعيد تدويرها ونصنعها مره تانيه تمام طيب ليه الدول العربيه بتحاول تاخد النفايات دي وتحولها لمنتجات تانيه قابله للاستخدام مره اخرى ما نرميها يا عم وخلاص لا اول سبب لخفض النفايات خفض النفايات وزياده كفاءه استغلال الموارد يعني عشان نقلل القمامه اللي بتخلي شكل الشوارع وحش وبتلوث الانهار وبتلوث الشوارع علشان نخفض النفايات ونزود استغلال الموارد زي مشروع او زي مشروعات اعاده تدوير المخلفات في مصر والامارات مصر والامارات دلوقتي عندهم مشروعات كبيره كامله ومتكامله لاستغلال النفايات واعاده تدويرها مره اخرى يبقى الدول العربيه بتشجع الصناعات الصديقه للبيئه زي ايه الصناعات الصديقه للبيئه اللي هو صناعه واعاده تحويل النفايات مره اخرى تمام طيب ليه لخفض النفايات وزياده كفاءه استغلال الموارد دي يعني نستخدمها بدل ما هي تترمى ممكن نعمل منها بلاستيك ممكن نعمل منها لعب اطفال ممكن نعمل منها اي حاجه او نعيد تدويرها ثاني يعني هي ازازه مرميه ناخدها نشغلها نعت دوره نرجعها ازازه نظيفه ثاني ومعقمه وتبقى زي الفل وعادي تشتغل ما فيهاش اي مشكله من المشروعات دي لو جاء قال لي دلل دلل يعني اديني بقى مثال على الحاجات دي هقول له مشروعات اعاده تدوير في مصر والامارات مشروعات اعاده تدوير في مصر والامارات طيب خلصنا من الصناعه ندخل على النقل برض النقل من مجالات اللي انا اقدر احقق بيه تنميه اقتصاديه كبيره جدا وفي نفس الوقت اقدر احافظ على البيئه طيب ازاي الدول العربيه حاليا بدات تعتمد على السيارات الكهربائيه وطبعا كلنا عارفين الكلام ده صح دلوقتي بقينا بنشوف العربيات اللي ماشيه بالكهرباء وبقينا بنشوف السكوترز اللي الشباب بتركبها وبرده بتمشي بالكهرباء وده حاجات على فكره هي حاجه مش وحشه لان هي حاجه انت ما بتستخدمش فيها بنزين يعني ما بتطلعش دخان يعني ما بتلوثش البيئه يعني انت بتفضل محافظ على البيئه هي زيها زي الموبايل اللي معاك الشحن بيخلص خلاص بتشحنها تاني فسهل جدا تمام فلما يجي يقول لي الدول العربيه بدات تعتمد على السيارات الكهربائيه ليه هقول له لتقليل معدل التلوث وحمايه البيئه ليه بدانا نعتمد في النقل يجي يقول لك مثلا دلل دلل ا بدات الدول العربيه في الاتجاه الى مثلا ا تحقيق قيق الاقتصاد الاخضر من خلال مجال النقل فاقول له ايه الدليل من خلال مجال النقل اهو هقول له بدانا نعتمد على السيارات الكهربائيه طب لو قال لك ليه بما تفسر احنا بنعتمد على السيارات الكهربائيه اصلا ليه لتقليل معدل التلوث وحمايه البيئه تمام طيب لو قال لي بقى دلل الدول العربيه اللي بدات تعمل كده فعلا يقول لي مثلا دلل توجد نماذج في الوطن العربي اا ادخلت مثلا ال الاقتصاد الاخضر في مجال النقل اه فعلا بدات الدول العربيه اهو عندي زي مصر ادخلت الحافلات والسيارات الكهربائيه وتعمل حاليا على تصنيع سيارات كهربائيه محليه مصر فعلا من الدول اللي ادخلت الحافلات زي الباصات والسيارات الكهربائيه وبنعمل دلوقتي ان احنا نصنع سيارات كهربائيه محليه يعني تبقى ميدن ايجيبت صنعه في مصر الدليل الدليل الثاني مع الدول العربيه هي الامارات ان الامارات وفرت محطات شحن مجانيه للسيارات الكهربائيه وده بيعمل حاجه اسمها تشجيع ده بيعمل ايه؟ ده بيعمل تشجيع بيشجعك ان انت تجيب حاجات بتمشي بالكهرباء مش هتدفع بنزين اهو احنا مش هنخليك تدفع بنزين احنا هنعمل لك محطه تشحن فيها مجانا فده هيشجع المواطنين عندهم ان هم يشتروا ويقبلوا على شراء ال السيارات الكهربائيه دي وهيشجعهم على النقل الاخضر طيب في مشكله في الكلام ده ما فيش مشكله خالص عدينا بمجال الصناعه وعدينا بمجال النقل ثانيا بقى احنا خلاص خدنا المجالات طيب انا هستفيد ايه من الاقتصاد الاخضر هستفيد ايه اول حاجه حمايه البيئه من التلوث يا يا جماعه البيئه بتتلوث كوكب الارض زي ما بنقول كده رايح في داهيه الدنيا هتبوظ مننا اول حاجه بستفيدها هي حمايه البيئه من التلوث بمنع بقى الاحتباس الحراري بنمع بمنع الهواء اللي مش نضيف الكلام ده كله الحاجه الثانيه استدامه الموارد الطبيعيه يعني ايه يعني الموارد اللي عندي ما بستغلهاش بتفضل موجوده بحتاجها في اضيق الحدود يعني عندي بترول احتاجه بس لما اكون محتاجه فعلا تمام طالما عندي بديل استخدم البديل انا مثلا بولد الكهربا بالبنزين او بمشي العربيات بالبنزين طب ما انا عندي بديل ما انا ممكن امشي العربيه بالكهرباء ممكن امشيها بالطاقه الشمسيه فطالما عندي بديل فانا هسيب البترول او هسيب البنزين والحاجات دي كلها لاستخدامها في اضيق الحدود فانا كده بعمل حاجه اسمها استدامه للموارد الطبيعيه ما بستغلهاش على الفاضي صح الحاجه الثالثه هو ان انا بضمن حقوق الاجيال القادمه يعني بسيب نصيب للاجيال القادمه هي كمان علشان تستغل الموارد الطبيعيه مش هفضل انا اخلص فيها والوس فيها علشان انا عايش وخلاص وماعملش حق للاجيال القادمه لا ما هي الاجيال القادمه دي عباره عن ايه عن ابنك وبنتك واحفادك صح فانت لما تخلص الموارد هم هيجوا مش هيعرفوا يستخدموها فهيتعبوا و وهيواجهوا مشكله كبيره علشان يعيشوا صح فلما يجي يقول لي بما تفسر بيجي يقول لي دايما بما تفسر او وضح او دلل اهميه الاقتصاد الاخضر تمام كل الاسئله دي هي اجابه واحده اللي هي اول حاجه حمايه البيئه من التلوث الحاجه الثانيه استدامه الموارد الطبيعيه والحاجه الثالثه ضمان حقوق الاجيال القادمه طيب هل الموضوع بقى ماشي ببساطه كده والدنيا سهله لا للاسف احنا في عندنا تحديات بتواجه الاقتصاد الاخضر في الوطن العربي. ايه هي بقى التحديات؟ ركز معايا اول تحدي بيواجهني هو ارتفاع تكلفه مشروعات الطاقه المتجدده ما هي الحياه مش هتفضل بان كده على طول اه الطاقه المتجدده علشان اعملها وعلشان احقق استخدامها مشروعاتها بتبقى مكلفه جدا فبعض الدول تستسهل وتقول لك يا عم طب ما انا كده عايش على الطاقه الغير متجدده لما تبقى تخلص نبقى نشوف بقى ايه ا الحكايه فبيكسلوا او ما بيكسلوش ومابقاش معاهم يعني تكلفه المشروعات بتاعه الطاقه المتجدده دي يبقى اول مشكله عندي هو ارتفاع تكلفه مشروعات الطاقه المتجدده الحاجه الثانيه هو الاعتماد على الوقود الملوث للبيئه زي ما انا قلت في ناس او في دول خلاص هي معتمده اعتماد كلي على الوقود الملوث للبيئه مش عايزين يغيروا ولا عارفين يغيروا تمام الحاجه الثالثه ضعف التشريعات البيئيه تمام ضعف التشريعات البيئيه اللي هي زي القوانين الصارمه اللي بعض الدول بتعملها في دول ما بتعملش التشريعات دي او التشريعات يعني اللي بتحافظ على البيئه هي ضعيفه مش مش صارمه مش مش بتخلي الناس تتجبر او بتخلي الناس ا مضطره ان هي تتبعها تمام يبقى اني التحديات اول تحدي ارتفاع تكلفه مشروعات الطاقه المتجدده التحدي الثاني الاعتماد على الوقود الملوث للبيئه والتحدي الثالث ضعف التشريعات البيئيه في عندي هنا برده حاجه لازم اتعلمها ان الحفاظ على الموارد الطبيعيه حق من حقوق الاجيال القادمه وحمايه البيئه والحفاظ عليها مسؤوليه مشتركه بين الفرد والمجتمع طيب قيم قيم اتعلمها دي مهمه اه والله مهمه وبتيجي والله العظيم مهمه وبتيجي في الامتحانات تمام عندي معلومه اسرائيه برده يعني هي معلومه مش مش ا مش ضروريه ان انت ا تحفظها هو بيقول لك ان عقد اول مؤتمر عالمي عن البيئه في استوكهولم سنه 1972 وده اكد على ضروره حمايه الموارد الطبيعيه يبقى اول مؤتمر عالمي اتكلم عن الحمايه عن البيئه اتعمل في في ستوكهولم سنه 1972 وده اكد على ضروره حمايه الموارد الطبيعيه. طب نيجي بعد كده بقى على الجزء الرابع اللي بيتكلم على جهود الدول العربيه في الاقتصاد الاخضر. الدول العربيه بتعمل ايه علشان تحقق الاقتصاد الاخضر ده بالرغم من المعوقات اللي احنا بنشوفها. تمام؟ طيب الدول العربيه بدات تعمل حاجه اسمها انشاء مشروعات الطاقه الشمسيه. تمام زي ما احنا خدنا محطتين واحده في المغرب وواحده في السعوديه في كمان محطه موجوده في مصر اسمها محطه بمبان خدناها في سنه رابعه وخدناها في سنه خامسه تمام محطه بنبان في اسوان والامارات وفي عندي كمان محطات في السعوديه يبقى عندي انشاء مشروعات الطاقه الشمسيه في مصر زي محطه بنبان اللي في اسوان وعندي كمان محطات في الامارات ومحطات في السعوديه واقامه محطات الرياح في مصر والمغرب. الحاجه الثالثه تشجيع الاستثمار في النقل النظيف. يبقى دي جهود الدول العربيه. لو قال لي دلل ده دليل اهو دلل يعني اثبت. تمام؟ دلل يعني ايه؟ يعني اثبت يعني لو انت في امكانك تديني امثله اديني امثله دلل على جهود الدول العربيه في تحقيق الاقتصاد الاخضر. هقول له انشاء الطاقه الشمسيه في مصر زي محطه بنبان والامارات والسعوديه. واقامه محطات الرياح زي المغرب ومصر وتشجيع الاستثمار في النقل النظيف فعندي هنا بقى ملاحظه مهمه بتقول توضح هذه الجهود ان الوطن العربي بيتجه لبناء مستقبل مشرق يؤكد على حقوق الاجيال القادمه تمام في عندي كمان هنا حقيقه تاريخيه او بعض الحقائق التاريخيه بتقول اسست اول محطه للطاقه الشمسيه في الوطن العربي في مصر الحاجات اللي بتبقى بين السطور دي يا شباب مهمه جدا اول محطه طاقه شمسيه في الوطن العربي كله اتعملت في مصر بمنطقه المعادي سنه 1913 تمام كده طيب حقيقه تاريخيه كمان بدات تونس في مشروعات اعاده التدوير وتقليل النفايات عام 2000 ميلاديا يعني سنه 2000 يبقى اول واحده كان عندها طاقه شمسيه كانت مصر اول دوله كان عندها مشروع مشروعه اعاده التدوير وتقليل النفايات هي تونس سنه 2000 والحقيقه الثالثه هي ان الامارات استضافت مؤتمر اكس بو اسمه ايه؟ اسمه اكس بو عام 2020 يعني 2020 ودي ركز على الاستدامه والطاقه النظيفه في مشكله في الكلام ده تمام جدا اخر حاجه معانا النهارده هي نماذج للمدن الخضراء طب يعني ايه مدن خضراء يعني مدن متلونه باللون الاخضر قلنا بقى خلاص ان مفهوم اللون اللون الاخضر ده بيتكلم على نظافه البيئه تمام طيب يعني مدن صديقه للبيئه كان في في دول عربيه كتير بتسعى الى انشاء المدن الخضراء الصديقه للبيئه اللي بتعتمد على الطاقه النظيفه من اهم المدن دي العاصمه الاداريه عندنا في مصر ومشروع نيوم اللي موجود في السعوديه لو جه قال لي دلل نماذج المدن الخضراء في الوطن العربي الدليل اهو العاصمه الاداريه في مصر ومشروع نيوم في السعوديه طيب العاصمه الاداريه يه دي بتعتمد على الطاقه النظيفه وبينتشر بها مسطحات خضراء للحفاظ على البيئه وبتضم انظمه ذكيه يعني حاجات سمارت بالتكنولوجيا لترشيد استهلاك الطاقه والمياء طيب مشروع نيوم بقى فيه ايه؟ قال لي دي مدينه مستقبليه متطوره تقوم على التكنولوجيا الحديثه وبتعتمد على الطاقه النظيفه والذكاء الاصطناعي ثاني العاصمه الاداريه الجديده اللي موجوده عندنا في مصر بتعتمد على الطاقه النظيفه بتنتشر بها مسطحات خضراء للحفاظ على البيئه وبتضم انظمه ذكيه لترشيد استهلاك الطاقه والمياه علشان نقلل من استهلاك الطاقه والمايه مشروع نيوم فيه ايه؟ قال لي دي مدينه مستقبليه متطوره بتقوم على التكنولوجيا الحديثه وبتعتمد على الطاقه النظيفه والذكاء الاصطناعري وبكده نكون خلصنا الدرس بتاعنا النهارده اتمنى ان انتم تكونوا استفدتوا ان شاء الله فضلا وليس امرا اعمل لايك للفيديو ده عشان يوصل لقي زمايلك واعمل وفعل زر الجرس عشان يوصلك الدروس الجديده باذن الله. اشوفكم في درس جديد مع السلامه.