انتصر بدون معركة كتاب فن الحرب

في فتره ما في التاريخ الصيني من يجي 2500 سنه كده ما كانش في حد متولي الحكم وكل العائلات القويه كانت بتحلم انها تحصل على العرش بس مستنيه الفرصه ومن ضمن العائلات دي عائله اسمها هان وعائله تانيه اسمها تشو ودول ما كانش عندهم صبر وبداوا حرب قعدت اربع سنين انتهت بفوز عائله هان وقائدها ليوبان ان جيش عائله شو كان اكبر وانتصروا كمان في معارك اكتر من عائله هان امال ايه اللي حصل اللي حصل كان بيعتمد في استراتيجيته على عنصرين واحد منهم بني ادم عادي زينا كان بيخطط له والعنصر الثاني كان ورقي هي اخضر اللي بتقوله ده يا صديقي زي ما بيقول لك كده المخطط الاستراتيجي التاني ده كان مخطوطه فن الحرب اللي بتقدم استراتيجيات وخطط تخلي اضعف رئيس دوله ينتصر في اي حرب كلام منطقي مش كده ركز بقى في اللي جاي بعد ما جات من السنين من الحرب دي وتحديدا في سنه 2019 اتساءل مدرب كره القدم الامريكي بالبلا شيك عن مصدر نجاحه الكبير مع فريق باتريوتس وقال ساعتها انه بيعتمد على كتاب فن الحرب كمصدر اساسي لخطط واستراتيجيات اللعب وعمره ما خزله ثانيه واحده ايه علاقه استراتيجيات الحرب بخطط لعبه كوره وسعت منك دي يا اخضر شويه لا ما وسعيدش ولا حاجه ده انا ما رضيتش ادخل بالكبيره واقول لك يا صديقي ان الكتاب ده بيستخدم في التسويق والقياده واداره المشاريع ومش هكون ببالغ لو قلت لك انه بيستخدم في العلاقات العاطفيه ازاي بقى ان شاء الله ده اللي هتعرفه في حلقه النهارده عن كتاب فن الحرب لسون ادزو وتقدر تقرا وتسمع مراجعه الكتاب على تطبيق اخضر مع ملخصات الاف الكتب اللي هتساعدك في تنميه نفسك ومعارفك نزل التطبيق واشترك في الباقه المميزه علشان تسمع وتقرا ملخصات الكتب في 15 دقيقه بدون اعلانات وخلينا نبدا من الاول خالص هو قرار الحرب ده بيتاخد ازاي اصلا مفيش حاجه اخطر في حياه اي بلد من قرار شن الحرب لانها مش بتاثر بس على الجنود اللي بيضحوا بارواحهم فيها لكنها بتاثر على افراد المجتمع ككل وممكن تحول بلد كامله في وقت قليل لارض خراب عشان كده معرفه فنون الحرب شيء ضروري ومن اساسيات الحكم اللي لازم يتمتع بيها حاكم اي دوله ولو الحاكم عايز يقيم فعلا قضيه الحرب قبل ما ياخد قرار بخصوصها ففي خمس عوامل اساسيه لازم يعتمد عليها اول عامل هو القانون الاخلاقي بين القياده والشعب وهل في بينهم تناغم وشعور حقيقي ان القياده بتشتغل عشان الشعب وبالتالي ممكن الشعب يضحي بنفسه عشانهم ولا لا ثاني عامل هو شخصيه القائد العسكري واللي المفروض يكون حكيم وصادق وشجاع ومنضبط وتظهر صفاته دي في قراراته العامل اللي بعده هو المناخ وهل العناصر المناخيه زي درجات الحراره وحركه الرياح في صالح جيشه ولا لا العامل الرابع خاص بالجغرافيا وكل اللي بتضمه من جبال ووديان والمخاطر بتاعتها واحتمالات النجاه والموت عليها العامل الخامس والاخير هو النظام العام ومقصود بيه طريقه تنظيم الجيش وتقسيمه وطريقه توزيع الرتب العسكريه وغيرها وعلى اساس العوامل دي حاكم بيقرر هل هيشارك في الحرب ولا لا ما جبناش سيره رياضه ولا شغل انت كنت بتضحك علينا يا اخضر ولا ايه عيب عليك يا صديقي نفس العوامل اللي قلناها دي ممكن نقيم بها اي قرار مهم زي مثلا الانضمام لشركه جديده فعلا القانون الاخلاقي ده بيمثل العلاقه بين الاداره والموظفين وهل هي علاقه تبادليه والاداره فعلا حاسه بالموظفين وفي تقدير ليهم وتعامل مباشر بينهم ولا لا اما بقى شخصيه القائد فطبعا مرتبطه بالمدير وشخصيته والمناخ بقى ده بيمثل احوال سوق العمل ككل وهل هو سوء مبشر ولا يومين ويختفي اما النظام العام فده متعلق بنظام الترقيات وهل معتمد على اسس صحيحه ولا كوسه وهكذا صدقتني يا صديقي نرجع بقى للحرب الفعليه لو كان الحاكم ملقاش مفر غير انه يشارك في الحرب ايه المفروض يحصل هقول لك في حاجتين مهمين جدا لازم الحاكم ياخد باله منهم بعد ما يقرر انه هيشارك في الحرب اولهم ان الحرب خدعه وان اكبر خدعه ممكن هي انه يكسب الحرب بدون قتال اصلا يا سلام اسمع بس سون ادزو بيقول ان قمه التفوق مش الفوز في 100 معركه من اصل 100 معركه لكن قوه التفوق هي قهر مقاومه العدو من غير قتال مباشر طيب وده ممكن يحصل ازاي ده ممكن يحصل اذا اتعلم القائد العسكري ازاي يخدع عدوه يعني مثلا لما الجيش بتاعه يكون قادر يهجم لازم يبان عاجز عنه ولما يقرب من العدو يظهر انه بعيد وهكذا وحاجه كمان ركز عليها الفيلسوف الصيني هي ان الاستيلاء على بلد العدو سالمه افضل بكتير من تدميرها واسر الجيش المعادي افضل من القضاء عليه تاني حاجه مهمه لازم القائد ياخد باله منها هي انه يحرص على الانتصار السريع ايش معنى لان الحرب لو طولت الاسلحه هتبوظ وحماسه الجنود هتقل ده غير كمان ان اطاله الحرب بيستنزف موارد الدوله ولو موارد الدوله خلصت هيبقى الاعتماد على الضرائب من الشعب وشويه والشعب نفسه هيتعب فعليه كل ده وعشان كده سون ادزو بياكد على اهميه حساب تكلفه اي خطوه من الناحيه الماديه ومن ناحيه الوقت والمجهود كمان تعرف بقى ان النصيحتين دول اثبتوا اهميتهم في عالم التكنولوجيا وتنفذه كمان قدام عينينا فين ده عارف فيسبوك كان في فتره كده شهدت انتشار انستجرام وبدا الكلام على انه هيستبدل فيسبوك تماما يوم فيسبوك يسكت لا امال عمل ايه عمل حملات هاجم فيها انستجرام مثلا لا خالص هو ريح دماغه وقرر ينهي الموضوع بسرعه وكمان يستفيد من شعبيه الموقع واشترى انستجرام اسهل نرجع للحرب بقى ونقول ان كل الاستراتيجيات اللي قلناها دي بتتوقف على الحاكم وفي الموضوع ده سون ادزو ما رحمش بيحزر سون ادزه من خمس صفات ما ينفعش يتواجدوا في الحاكم اول صفه هي الطيش والتهور لان النصر بيحتاج عقل وصبر غير كمان حده الطبع لان هيكون ممكن اي حد يستسيره بسهوله بالاضافه بقى للحساسيه المفرطه تجاه الشرف والسمعه اما رابع صفه فهي الجبن وعدم الاستعداد للمخاطره او القلق الزياده على حياه الجنود طب ايه الكويسه يا عم قال لك في خمس صفات اساسيه لازم يتمتع بها كل حاكم عايز ينتظر اولها انه يكون عارف امتى يقاتل وامتى لا ثانيا انه يعرف ازاي يتعامل مع الرتب الاعلى والادنى من قوات الجيش تالت صفه لازم يتمتع بها الحاكم هي انه يضمن ان اللي بيحرك جيشه من ضباط وجنود روح معنويه واحده وهدف واحد رابع حاجه بقى انه يكون قادر على ترقب الفرص وانتهازها واخر صفه هي انه يدي الاوامر لقائد الجيش بتاعه ويسيبه ينفذها بطريقته وكل الصفات دي الوحشه والحلوه نقدر نطبقها على اي شخص في موضع سلطه او مسئوليه زي الاب والمدرس والمدير يعني مثلا ما ينفعش المدرس يكون بينفعل من اقل حاجه على الطلبه بتوعه بالعكس لازم يكون قدوه لهم في العقل والحكمه والمفروض كمان يمنحهم الثقه الكافيه لما يطلب منهم مشروع انهم ينفذوه بطريقتهم طيب كده عرفنا الاطار العام لقرار الحرب دلوقتي بقى هندخل على الجد والحرب لعبه فنيه محتاجه مهاره وحرفنه والمفروض الحاكم ما يدخلهاش الا لو ضامن انه هينتصر وه ازاي بانه يعرف نفسه ويعرف عدوه كويس جدا بيقول اذا كنت تعرف العدو وتعرف نفسك فلا داعي للخوف من نتيجه مئه معركه واذا كنت تعرف نفسك ولكنك لا تعرف العدو فكل انتصار تحققه سيقابله هزيمه واذا كنت لا تعرف نفسك او العدو سوف تفشل في كل معركه عشان كده مهم جدا الحاكم يعرف كل حاجه خاصه بقواته ونقط ضعفهم وقوتهم ويحاول يعزز من نقط القوه ويقضي على نقط الضعف ودي برضو ممكن تنطبق علينا بالمناسبه معرفتنا لنفسنا ووعينا الكامل بها وتقبلها هيقلل من تاثير اي محاولات تقليل من الاخرين او حتى تنمر اما بقى معرفه العدو فدي علشان تتحقق لازم الاستعانه برجال داخل دوله العدو نفسها مين دول بقى هقول لك يا صديقي بس ما تقولش لحد دول الجواسيس والجواسيس خمس انواع النوع الاول هو المحليين المواطنين ودول بيكونوا مواطنين عاديين في البلد النوع الثاني هما جواسيس الداخل ودول بيكونوا ظباط متمردين جوه جيش العدو وولائهم للطرف التاني زي انجلينا جولي كده في فيلم سولت اللي كانت بتشتغل في المخابرات الامريكيه بس هي اصلا جاسوسه روسيا بس ما تقولش لحد تالت نوع من الجواسيس بيبقوا المنشقين ودول جواسيس العدو نفسه بس القائد قدر يخليهم يقلبوا النوع اللي بعده هو المضللون ودول بيمرروا معلومات غلط للعدو واخر نوع من الجواسيس هم اللي بيجيبوا اخبار من معسكر العدو والجواسيس طبعا بيقدموا معلومات كتير جدا لازم التاكد منها وبناء عليها بتتبلور الخطه في ذهن الحاكم وبجانب معلومات الجواسيس في طرق تانيه لمعرفه العدو ودي بيقدمها العدو نفسه باخطائه ونقط ضعفه اثناء المعركه والقائد الشاطر هو اللي بيعرف يلقطها ويستغلها ضده بس طبعا في حياتنا اليوميه مش هنقول لك عين جواسيس يعني احنا الحمد لله دلوقتي بقى عندنا الانترنت اللي يغلب اي جاسوس ونقدر نجمع بيه المعلومات عن الشركه المنافسه لينا والمعرفه دي هي اللي هتاهلنا الوضع خطه للتعامل معاها طيب كده واضح والخطه كمان بقت جاهزه ايه اللي فاضل بقى ايه اللي فاضل التنفيذ بعد ما بيتلقى القائد العام الاوامر من الحاكم بيبدا الجيش يستعد للتنفيذ وهي دي اصعب خطوه في العمليات الحربيه واللي بتتمثل في فن المناوره واللي صعبتها بتكون في تحويل السلبيات الايجابيات وده بيحصل بمعرفه القائد لخطط العدو قبل المعركه ومعرفه المعالم الجغرافيه وازاي ممكن يستغلها لصالحه ايوه ازاي برضو في نوعين من المناورات منورات مباشره ومناورات غير مباشره والاثنين هدفهم تضليل العدو وارباكو ومسجد نوعين بينتج عنه عدد لا نهائي من المناورات الممكنه يعني مثلا ممكن يتقدم طعم للعدو بالتظاهر بوجود فوضى وساعتها العدو هيتقدم وبعدين ينقض هو عليه وكمان ممكن يشتتوا طول الوقت وما يعرفوش هي المعركه هتحصل فين ولا المفروض يدافع عن ايه وده هيخلي القوات العدو تنقسم وفي الاخر يحصل الهجوم على مكان غير متوقع تماما وطبعا التنوع في التكتيكات دي مطلوب عشان العدو يفضل يتفاجئ وما يقدرش يتوقع الضربه جايه منين واهم تكتيك بينصح به هو الهجوم على نقط الضعف والمراكز اللي دفعتها اقل وترك نقط القوه ودي حاجه تبدو بديهيه بس في الواقع بتاعنا مش الكل بياخد باله منها يعني مثلا في واحده من الحروب المستمره بين ماكدونالدز قررت برجر كينج انها تهاج في اقوى نقطه عندها اللي هي البطاطس المحمره ولما اداره ماكدونالدز عرفت بالهجوم ده بعتت لكل فروعها ارشادات لضمان جوده البطاطس وصلت حتى لكميه الملح اللي بتتحط عليه وساعتها برجر كنج خسر الحرب لانه من الاول هاجم نقطه قوه مش ضعف اخر جانب بقى لازم يدرس كويس عشان نبقى قفلنا الحرب هو ارض المعركه نفسها سون ادزو بيقول لو عرفت نفسك وعرفت عدوك يبقى النصر مؤكد ولو عرفت كمان الارض والطقس يكون النصر شامل وزي ما قلنا مهم جدا معرفه احوال الطقس والاستعداد لكل تقلباتها فدلوقتي بقى هنعرف ايه حكايه الارض دي وفي الحرب فيه انواع كتير من الاراضي اول هو الارض المشتته ودي بتتقال لما الجيش يحارب على ارضه وبالتالي بيكون مشتت لان الجنود بيكونوا قريبين من بيوتهم واهاليهم وممكن يسيبوا المعركه ويرجعوا بيوتهم طب لو المعركه في ارض العدو يكون احسن اه بس ما تبقاش على ارض سهله ودي بتتقال لما بيدخل الجيش لمسافه صغيره جوه ارض العدو وبالتالي ممكن القوات الخلفيه تهرب برضو النوع الثالث هو الارض اللي تستحق مشقه الاستيلاء عليها ودي ارض صعبه بس فيها منفعه للجيش النوع اللي بعده بقى من اراضي الحرب هو الارض المفتوحه ودي اللي يقدر الطرفين يتحركوا فيها بحريه كامله ولازم الجيش يهتم هنا بتقويه دفاعاته خامس نوع هو تقاطعات الطرق ودي الارض اللي بتربط ثلاث بلاد جنب بعض ارضنا وارض العدو وارض دوله ثالثه كمان وهنا هنحتاج لتحالفات وفي انواع الافضل تفاديها خالص زي الارض الصعبه اللي بتمثل الغابات والمستنقعات اللي صعب المرور منها والاراضي المحاطه بالمخاطر اللي دخولها والخروج منها مش مضمون ولو العدو قفش الجيش فيها يبقى يقول على نفسه يا رحمن يا رحيم كل العوامل دي لازم تدرس كويس جدا قبل المعركه وده برضو ممكن ينطبق على اي مجال في الحياه ومنهم الجواز يعني لما تروح تتقدم لواحده اسال كويس عن والدها ووالدتها واعرف بيحبوا ايه ومش بيحبه ايه يعني حصل نفسك بكل المعلومات الممكنه عنهم وادخل ارض المعركه وانت رافع راسك وماسك علبه الجاتوه واخيرا ماتتخيلش يا صديقي ان التفكير الاستراتيجي ده مهم بس في الحرب بالعكس ده مهم في كل حاجه في حياتنا وهي الحياه ايه غير حبه معارك فوق بعض وبس كده سلام