درس الأدب العباسي والسمات كامل الصف الأول الثانوي الترم الثاني

مفاجاه مش كده؟ السلام عليكم ورحمه الله وبركاته ازيك وازام عليك وازي المنهج اللي عليك اتمنى تكونوا جميعا بخير واهلا وسهلا ومرحبا بك حب اخوك في منهج الترم الثاني واللغه العربيه وحواراتها وطبعا مفاجاه زي ما انت ما شايف ان احنا بننزل لك من ثاني منهج اللغه العربيه الترم الثاني اولى ثانوي كامل على اليوتيوب وطبعا ده بناء على طلب الجماهير العريضه اللي قالت لنا على الموضوع ده او يعني كان صاحب زياد واثنين اخرون بس يعني ما علينا ان شاء الله الترم الثاني هنوفر لك الشرح كامل مجانا على اليوتيوب وهنزل لك كل حاجه بحيث ان انت ان شاء الله تستعد الامتحان باحسن شكل لان انا عارف وحوارات اولى ثانوي زي ما انت ما شايف عامله ازاي مختلفه عن اعدادي وفي حوارات كتيره جدا فان شاء الله بوعدك ان هعمل كل اللي عليا واللي اقدر عليه بحيث ان انت تظبط منهج اللغه العربيه ما فيش اي حاجه تبقى ناقصاك وتستعد الامتحان باذن الله وتجيب درجه حلوه وده مبدئيا كده القصه بتاعتنا بس قبل ما اخش بقى في التفاصيل والحوار بتاعنا النهارده بالادب في العصر العباسي ا محتاج بس نوضح نظامنا هيبقى ماشي ازاي عشان الناس اللي بتيجي تسال بعد كده مبدئيا كده حابب اقول لك ان احنا كل اسبوع ان شاء الله هينزل لك حصه من الحصص بتاعتنا على اليوتيوب مجانا وغالبا هيكون درسين في الاسبوع ده مبدئيا كده اول نقطه فالشرح هينزل مجانا كامل على اليوتيوب بالنسبه للناس اللي بتيجي تسال بعد كده عن الاونلاين والكلام ده كله فهل كده ما فيش اون لاين فاحب اقول لك لا هيكون برده في اون لاين بس برده تفاصيله هتكون عامله ازاي مبدئيا في الاونلاين هينزل لك الشرح هو اللي احنا نزلناه على اليوتيوب هو نفس الشرح هيبقى نازل لك في كل التفاصيل بكل الحوارات بحيث تستعد بيها ان شاء الله للامتحان والحوارات اللي عليك طب انا كده ايه اللي هيزيد يعني في القصه دي اقول لك بالنسبه لتاني حاجه عندك هنوفر لك حل كتير من الكتب الخارجيه اللي مجمعهم لك في الكتاب بتاعنا سواء من كتاب الامتحان كتاب الاضواء وكتاب كيان اعمل لك مكس حلو كده بحيث ان انت على مدار السنه بنغطي لك اكبر قدر من الاسئله اللي بنحلها مع بعض وافكارها لان انت زي ما انت ما شايف من الترم الاولاني الاسئله ما فيهاش ارحميني وبتيجي عندك متحرره يعني انت مهما ذاكرت وحفظت مش هتخش في الامتحان هتلاقيه الدرس اللي انت ذاكرته وحفظته زي زمان ثالثه اعدادي كنت بتذاكر سميره موسى تخش في الامتحان تلاقي سميره موسى زي ما هي لكن دلوقتي الموضوع اصبح مختلف فعشان كده بنحل اكبر قدر معاك ان شاء الله في الاونلاين ثانيا عندك امتحان كل حصه بحيث ان انت تقيم نفسك انت عملت ايه ونظامك ايه في الدرس ده وجبت درجه حلوه ولا لا ومذاكره كويس ولا لا بحيث ان انت تشوف نفسك وصلت لفين رقم لاثه متابعه عشان طبعا لو جايب درجه منله ب 60 لو مش بتذاكر عدل فلازم ولي الامر يكون عارف الموضوع ده بحيث ان انت تتلم وترجع تذاكر الحاجه بتاعتك كويس جدا وتظبط الدنيا اللي فيها. رقم 4 في برض متابعه معاك انت ذات نفسك بحيث ان لو كان عندك اي سؤال او في اي حاجه انت مش فاهمها او واقفه معاك او حاجه محتاج يعني تتوضح لك بتكتبها عندك في الكومنتات والتيم بيرد عليك وانا برجع اراجع الرد ده بحيث ان انا اشوف الناس ماشيه ازاي وانت الدنيا ماشيه معاك ولا لا فده بالنسبه للقصه بتاعتنا ونظامنا في الاونلاين وبيكون بسعر رمزي بس حبيت اوضح الموضوع ده في البدايه عشان الناس اللي بترجع تسال ولكن مبدئيا زي ما قلت لك انت منهج اللغه اللغه العربيه الشرح كامل هينزل لك مجانا على اليوتيوب وكل مطلوب منك بقى مبدئيا دلوقتي انك تركز معايا وتسمي بسم الله وج كوبايه شاك الحلوه وتعالوا نخش عندنا في الحوار بتاعنا النهارده والادب في العصر العباسي بسم الله الرحمن الرحيم نيجي بقى عندك لاول درس في الادب بس قبل ما اخش في الموضوع انا محتاج سريعا افكرك مين هو الادب اساسا عشان تبقى عارف بس الدنيا ماشيه ازاي مبدئيا الادب ده حرفيا بيكون عباره عن ا فن او يعني حاجه بنعبر فيها عن الفنون اللي عندنا وازاي في الفنون ديت بنعبر عن مشاعرنا زي فن الشعر وفن النسر وقصه الشعراء على مر العصور وده حرفيا اللي بيعملوه ان هو كل عصر يشوفوا كده الناس بتعبر ازاي عن مشاعرها في شويه شعر شويه كلام فيستخدموه يعني مش متخالف عصرنا الحال ان ممكن مثلا كمان 2000 يعني مش 2000 بقى يعني مثلا سنه 2080 ولا حاجه ا تلاقي في منهج جديد بيدرسه فيه الفن بتاعنا الحالي على السن هو ادب يعني مش متخيل ان ممكن حد من احفادك يبقى قاعد بيذاكر اسلام كامونجا عندما قال 1 + بيساوي عركه والعذ بالله فممكن يعني عندك الحاجات دي كلها وربنا يستر ل حاجه زي كده تحصل تبقى الدنيا باظت بس المهم عندك ان الادب بيحكي قصه الشعر والشعراء وازاي الناس بتعبر عن مشاعرها في كل عصر بطريقه الكلام والاغاني والحاجات اللي احنا انت فاهمها يعني وكده بس طبعا زمان ما كانش في اغاني كان في شعر المهم بنبدا نخش عندك في الموضوع ومبدئيا قبل ما اتعرف على الادب العباسي ونخش في قصته انا محتاج سريعا افكرك عندك بالقصص بتاعه الترم الاولاني كان عندك ثلاث عصور اتكلمنا عنها ويعتبر هي حكايه تاريخيه بنتكلم فيها اكلمنا عن الادب في العصر الجاهلي والادب في عصر الصدر الاسلام والادب في العصر الاموي بنبدا اول حاجه كان الادب في العصر الجاهلي وشوفنا ازاي الناس كانت عايشه بطريقه منيله ب 60 نيله وكان في شويه حوارات وحكايات كتيره جدا وكان في وقت وقد بنات وشرب خمر وحروب على ادفه الاسباب وعنصريه زي ما كان بيحصل مع عنطره وحاجه يعني زي الزفت فانت كان كل الحاجات المنيله ب 60 دي كانت موجوده في العصر الجاهلي واللي اتسمى بالجاهلي نسبه للجهاله يعني ان هم بيعملوا حاجات غلط وهم عارفين ان ده غلط ومكملين فيه وده بيفكرني يعني باحدهم المهم ان عندك كل الجهاله اللي احنا اتكلمنا عنها دلوقتي والحاجات السيئه ديت لما جاء بعد كده العصر الجديد عصر صدر الاسلام حرم كل الحاجات المناليه ب 60 نيله ديت زي شرب الخمر ووق البنات وان هو يتل بنته او العنصريه اللي كانت بتحصل وقتها كل ده انتهى في عصر صدر الاسلام وبعد كده بيجي عندك العصر الاموي ولكن في العصر الاموي الناس بتمسك فلوس وحضرتك عارف ان فلوس بتبوظ النفوس وده بيبدا يحصل ان الناس نفوسها بتبوظ ويقول لك فاكر الحاجات اللي كنا بنعملها في العصر الجاهلي فاكر شرب الخمر اه فاكر طب ما ايه رايك نرجع لشرب الخمر ثاني فاكر فاكر الهجاء لما كنا بنشتم بعضينا اه مش عارف هي ايه المتعه في كده بس ايه رايك نرجع له ثاني فاكر لما كنا بنفتخر ونكبر على الناس اه فاكر طب ما ايه رايك نرجع للفخر من ثاني وبتبدا الناس ترجع للحاجات الغلط اللي كانت موجوده زمان ده كان في العصر الاموي بنيجي بقى للعصر اللي بعد العصر الاموي هو العصر العباسي اللي هنتكلم عنه النهارده واحب اقول لك ان الناس مكمله على نفس النظام هي الدنيا باظت في العصر الاموي وباظت اكتر في العصر العباسي فبنبدا عندك الدنيا ماشي ازاي ونتعرف بقى على حكايه الدرس ده مبدئيا الدرس ده متقسم لثلاث اجزاء الجزء الاولاني بيتكلم فيه عن حياه الناس في العصر العباسي في الجزء الثاني بنتكلم فيه عن الشعر وفي الجزء الثالث بنتكلم فيه عن النسر بنبدا اول حاجه نتعرف الناس كانت عايشه ازاي عشان نفهم بيعبروا ليه بالطريقه دي في الشعر وفي النسر لما نيجي بقى عند القصه بتاعه الشعر والنسر مبدئيا ا لازم تفتكر معايا ان العصر الاموي كان بادئ من 41 ل 132 هجريا في الفتره دي بص انت ملاحظ معايا ان هم كانوا حوالي 91 سنه ماسكين الحكم جماعه اسمهم بني اميه عشان كده تتسمى بالعصر الاموي 91 سنه داخلين في قرن فالناس دي يعني طولت معانا شويتين ثلاثه ويا بخت منظره خفف فيعني اتكلوا على الله احنا خلاص زهنا وده بالفعل اللي بيحصل الناس بتزهق من الناس ديت ويقول لك والله خلاص مش عايزين امويين احنا عايزين ناس جديده تيجي تمسك الحكم وبتقوم ثوره على ايد واحد اسمه ابو مسلم الخرساني ولما عمل الثوره ديت قدر ان هو يشيل الامويين ويبدا عصر جديد بقياده العثمانيين وده كان سنه 132 هجريه حلو الكلام حلو الكلام ماذا يحدث بعد كده حب اخوك احب اقول لك ان بعد ما قامت الدوله العباسيه قال لك والله اول حاجه احنا عايزين نعملها ان احنا نغير مقر الخلافه ايه مقر الخلافه ده اقول لك بص زي ما انت ملاحظ دلوقتي ان في حاجه اسمها العاصمه الاداريه الجديده يعني لو سامع الكلام ده دلوقتي اليومين دول شغال ا العاصمه الاداريه الجديده دي قال لك والله احنا هننقل العاصمه من القاهره وهيبقى العاصمه بتاعتنا موجوده في العاصمه الاداريه الجديده وده اللي عملوه وقتها برده ان هم نقلوا مقر الخلافه من دمشق اللي موجوده في سوريا الى بغداد اللي موجوده في العراق طب ماذا في الموضوع يعني ده هياثر معانا في ايه انا هستفيد ايه من الكلام ده احب اقول لك ان الموضوع ده اصلا قام عليه الدرس كله ليه يا عم الناس بص زي ما تقول بغداد مثلا موجوده هنا بغداد في العراق بغداد دي لازق فيها جدا بلاد فارس مين بلاد فارس دي بلاد فارس اللي هي دلوقتي وبلاد فارس ديت ناس يعني كانوا فرص نايلين ب 60 نيله حرفيا حياتهم عباره عن يصحى من النوم يفطر شبشب وينزل يحتل اي دوله حواليه فكانت نديها حياتهم زمان فان احنا يبقى جنبنا ناس زي ديت بنضطر للاسف لما نشوف حاجه سيئه نتاثر بيها ده طبيعي انت حضرتك دلوقتي بسبب التيك توك ان هو فاتح دلوقتي على الدول كلها منفذها على بعض فاي ترند بيطلع بره بيطلع عندنا برده بنبدا ان احنا نتاثر بالناس اللي بره وده اللي بيحصل ان احنا بنتاثر ببلاد فارس اللي بقت لازقه فينا دلوقتي وجنبنا على طول طب جميل اتاثرنا ازاي بقى اقول لك بص احنا اتاثرنا اجتماعيا ودينيا فهمت انا كده يعني اقول لك بص اجتماعيا مبدئيا ده كده بالنسبه لحياتنا في المجتمع فبنشوف اول حاجه عندك ان احنا بصينا على الناس ديت لقينا ان عندهم بزخ وطرف في بناء القصور يعني ايه الكلام ده يعني عندهم قصور ضخمه جدا واحنا ما كناش بنبني قصور ضخمه فبنا نشوف المنظر الجميل للاقصور ديت ونقول والله بص شايف القصر جميل ازاي طب ما ايه رايك ان احنا كمان نبني زيهم قصور ما احنا معانا فلوس برده فاحنا كمان مش اقل منهم في حاجه فهنبدا ان احنا نبني الاسور الجميله شكلها حلو دي فده بالنسبه لاول نقطه ان احنا بنينا قصور ضخمه ودور دور اللي هي الاصور برده يعني اا زي ما تاثرنا بيهم ثاني حاجه عندك الملابس والطعام والشراب بدنا نشوفهم بيلبسوا ازاي ونتاثر بطريقه لبسهم يعني كان عندهم مثلا الطوائل اللي شبه السلطانيه الضخمه دي فاحنا بقينا نقلدهم برده ونلبس زيهم طاقيه ضخمه كده اا في مثلا عندك طريقه اكل معينه عندهم فول اعمل فول احنا كمان عندهم بستاشيو هات البستشو دخل لنا بستاشيو في مصر وفي في الوطن العربي ا مش عارف عندهم شراب يعني شوربه معين وحاجات معينه نعمل زيهم بقى يعني تخيل لو كان جنبنا المكسيك يعني كنا احنا ممكن بقى دلوقتي ماشيين بالطوا الشنب المكسيكي ده فده اللي حصل عندك في العصر العباسي وتاثرنا ازاي اجتماعيا نيجي لبعد كده عندنا نتعرف ازاي تاثرنا دينيا بالناس ديت تقول لي دينيا يعني ازاي اقول لك بص اولا دينيا هنا اللي بيحصل حاجه مش حلوه لان بنتاثر بحاجات منيله ب 60 كانوا عند بلاد فارس لان بلاد فارس كان كل ما يلاقوا او واحد يلاقي نفسه الناس مش مهتمه بيه يطلع يالف والعذ بالله دين جديد انا هخلي الناس تهتم بيا غصب عنها زي مثلا عندك دعوات غريبه ظهرت في العصر العباسي زي دعوه الزرادشتيه ايه الزرادشتيه دي واحد والعياذ بالله اسمه زرادشت طالع قال لك انا والله يا جماعه انا جايب دين جديد ايه الدين الجديد ده دين اسمه زرادشتيه طب ثانيه يعني انت لو واحد يعني كريتيف جايب لي دين على اسمك يعني انت مثلا لو انت كريتيف هتيجي تقول لي ده مثلا يعني الاله بعته بدين جديد والدين ده اسمه اسمه كذا لكن انت حتى جايبه بنفس اسمك يعني حتى ما فيش تشغيل دماغ فكان بيجي والعياذ بالله الناس بدعوات غريبه كده ويالفوا اديان من دماغهم زي دعوه الزرادشتيه واللي عملها واحد اسمه زرادشت وبرده واحد اسمه ماني اه هو كان اسمه كده ماني ده برده جا كده عندك وعمل دعوه سماها المانويه وقال لك يلا بينا انا كمان الفت دين وجا واحداني اسمه مسدك وعمل حاجه اسمها المزدكيه فانت عندك كده ظهرت دعوات غريبه زي الثلاثه اللي قلنا عليهم زرادشت ايه زردشتيه ماني مانويه مزدك مزديكيه طب هو مهم نحفظ الاسامي دي؟ اه مهمه ليه يا عم الناس عشان بيجي لك السؤال في الامتحان كالاتي وانا بفهمك اهو الدنيا عشان تبقى عارف ازاي بتحل في الامتحان لان مش هيجي يقول لك سمع هيجي لك في الامتحان مثلا بيت شعري طلاسم انت مش فاهم منها اي حاجه ويقول لك استنتج ملمحا من ملامح البيئه في العصر العباسي كلمه واحده في النص انت هتفهمها تبقى مفتاح حرفيا للاجابه فمثلا مثلا تلاقي في نص الكلام كلمه المانويه وانت بقت الكلام مش فاهم منه اي حاجه حلو وبيدل على ملمح من ملامح البيئه في العصر العباسي ويديك اربع اختيارات يقول لك التاثر ر في الملابس التاثر في الطعام ظهور دعوات غريبه ولا ظهور الزندقه طبعا مانويه يبقى ظهور دعوات غريبه بالرغم ان انت مش فاهم معنى الكلام بس في كلمه مانويه فده بيدل على الدعوات الغريبه اللي كانت موجوده في العصر العباسي رقم اثنين عندك اتاثرنا دينيا برده في حاجه سيئه وهي ظهور الزندقه وشيوع المجون والعياذ بالله يعني ايه الكلام ده انا مش فاهم اقول لك بص الزندقه دي اللي هي ظاهره الالحاد يعني والعياذ بالله بقى كل واحد شايفها موضه وقتها وبقى يحصل الحاد هو خلاص عايز يتحرر من قيود الدين وعايز بقى يشرب خمره براحته ويسرق براحته فبقى يتجه للزندقه وبرده عندك شيوع المجون ايه المجون ديت اقول لك دي والعذ بالله برده اللي هي الاحتفالات الخليعه اللي كلها شرب خمر ونساء والكلام ده فده انتشر عندك في العصر العباسي وكانت تمتلئ الخمارات بالناس بس هنا تنبيه مهم لان انا عارف ان انت دلوقتي خلاص اخدت انطباع ان العصر العباسي كانت الدنيا فيها زي ما انت ما شايف ولكن احب اقول لك ان زي ما كانت بتمتلئ الخمارات بالناس ايضا كانت تمتلئ المساجد بالمصلين وكان في ناس كتيره كويسه وكانت بتروح وبتصلي وقريبه من ربنا عز وجل فزي ما كان في الوحش برده كان فييه الحلو وهنا بنيجي بقى لنقطه جايه بتترتب على القصه اللي انا لسه قيلها دلوقتي ان زي ما في ناس وحشه وفي ناس حلوه وده بطبيعه الحال ان الناس الكويسه تقول لك لا خلي بالكم انتوا كده بتتجهوا لطريق غلط والناس دي هتهلك وتروح في داهيه وتخش النار فبتظهر دعوه جديده مضاده لدعوه الزندقه وتتسمى عندك بدعوه الزهد دعوه دعوه الزهد دي تبع الناس الكويسه يطلعوا والزهد ده حرفيا اللي هو معناها ترك ملذات الدنيا وان اهم حاجه بالنسبه لك الاخره يعني اهم حاجه مش ان انت تقعد تجمع فلوس وتبقى تشرب خمر وواحد يبقى مبسوط في الدنيا وخلاص واهم حاجه لا انت اهم حاجه عندك الاخره وانك ترضي ربنا عز وجل فده اسمه زهد فظهرت الناس ديت وبدات تدعو الناس ديت للخير وتقول لهم لا غلط اللي انتوا بتعملوه والكلام الحلو ده كله الموضوع ده مش بيتوقف عند هنا بسبب الدعوه اللي جايه مضاده للزندقه فانت دلوقتي اثنين بيخبطوا في بعض زهد وزندقه ناس ما يعلم بيه الا ربنا شبه الزندقه والالحاد دوت وناس كويسه اللي هي بتدعو للزهد ده بيؤدي الى حدث جدل ما بين المسلمين واصحاب الملل والنحل الاخرى يعني المسلمين بدا ان يحصل جدل ما بينهم واصحاب الملل الثانيه بقى عندك الزرادشتيه والمانويه والالحاد والكلام ده كله فبقى في على طول كده جدل ما بين الاثنين ونتيجه للجدل ده بيظهر حاجتين ظهور علم الكلام وتزعم المعتزله ده عندك في النقطه دي ظهر عندك علم اسمه علم الكلام ايه علم الكلام ده يعني علم الكلام ده زي ما تقول واحد بتح بيتحدى واحداني ان هو يثبت له نظريته بالعقل والمنطق يعني واحد من الملحدين ده يجي يقول لك انا بصراحه مش مقتنع ان الكون ده مخلوق او حاجه زي كده واتخلق العيذ بالله انا مقتنع ان الكون ده جا فجاه كده وان الانسان اصله سمكه فهنا يبدا واحد يطلع من تبع دعوه الزهد يقول لي طب معلش كده بالمنطق انت شايف القصر الضخم الكبير ده اه مين اللي بناه ا فيثاغورس مثلا فطيب حلو يعني ده القصر الضخم الجميل اللي انت شايفه بناه واحد اسمه مثلا فيثاغورس فانت الكون اللي حواليك بالشمس هو القمر اللي بيطلع كل يوم عندك القمر وكل يوم الشمس ما فيش في يوم الشمس تقول لك انا واخده اجازه النهارده مش طالعه ولا القمر يقول لك انا مريح النهارده او جسمك اللي شغال 24 ساعه كرات دم بيضا وحمراء عماله تواجه في الامراض وقلبك اللي شغال كل دقيقه لانه لو وقف دقيقه واحده انت كل سنه وانت طيب كل ده بالنسبه لك جاع عشوائي فيبقى بيكلمه بالمنطق وبالعقل بيحاول ان هو يقنعه ده اسمه علم الكلام اما بالنسبه عندكاني حاجه اسمها تزعم المعتزله ايه المعتزله ده اقول لك بص طلع ناس اسمهم المعتزله قال لك احنا اللي هنتزعم الرد على اصحاب الملل والنحل الاخرى اللي بيعملوا الجدل ده احنا اللي هنرد عليهم ونفهمهم كل حاجه بالعقل والمنطق فده بالنسبه عندك للقصه بتاعتنا هنا بنيجي بقى لنقطه جديده بعد ما شفنا التاثر اجتماعيا ودينيا وشفنا دعوه الزهد ضد الزندقه وشوفنا عندنا كمان الجدل اللي حصل ما بين المسلمين مين واصحاب الملل والنحل الاخرى واللي ترتب عليه بنتكلم بعد كده عندنا الثقافات اللي احنا اطورنا فيها جدا عايز اقول لك ان في العصر العباسي كان في تطور جدا في الثقافه بس المشكله ان هو ما كانش بالثقافه بتاعتنا يعني اللي احنا مميزين بها كان بثقافات الامم الاخرى لان احنا زي ما شفنا من شويه احنا اتاثرنا ببلاد فارس فبقينا نشوفهم ازاي بيعبروا عن مشاعرهم في الحب وازاي بيعبروا عن ا مثلا ا الحرب بتاعتهم وازاي بيحمسوا بعضيهم والكلام اللي انت فاهمه ده عشان يستعدوا للمعركه فلقي لقينا ان ليهم طريقه مختلفه عننا فاحنا تاثرنا بالثقافات ديت اجيب لك مثال برده بسيط عشان تفهم الدنيا حاجه كده حصلت ودي مش كويسه يعني عامه الصراحه ان كان بيقال في العصر ده اا المفروض المفروض الغزل انت عارف الغزل اتكلمنا عنه في الترم الاولاني كتير يعني في الغزل ده الشاعر بيطلع يتكلم فيه عن المحبوبه قد ايه ان هو بيحبها وقد ايه ان هي جميله اتاثرنا بال بلاد فارس ديت ان بقت البنت ذات نفسها هي اللي تتكلم عن المحبوب يعني انا مش متخيل انس هي اللي تروح تتقدم له يعني جايه طالبه ايد ابنك يعني دي حاجه في منتهى العبث كانت موجوده في العصر العباسي بسبب ان احنا اتاثرنا بالناس من هنا ب 60 ميله ديت فده كان حاجه من الحاجات اللي حصلت ودي ثقافه كانت عندهم وبدات تبقى موجوده عندنا عشان يتاثرنا بيها فده بالنسبه للقصه بتاعتنا كده في البدايه فاحنا اتاثرنا بثقافات الامم الاخرى وازدهرنا في الثقافات ديت وده كان عن طريق حاجتين هضم وترجمه هضم وايه وترجمه هضم تلك الثقافات ان احنا هضمناها وفهمناها كويس وترجمتها للغه العربيه بحيث ان احنا تبقى عندنا الحاجات ديت وفاهمينها برده باللغه بتاعتنا ادي دي بالنسبه لقتنا هنا بنبدا بعد كده نخش بقى ونتعمق في تلك الثقافات وبنشوف مظاهر ادهار الثقافه الدينيه ومظاهر ازدهار الثقافه اللغويه والادبيه يعني ايه الكلام ده نبدا عندك الثقافه الدينيه مبدئيا احب اقول لك ان الدين ثقافته عندنا في الاسلام اطورت جدا تقول لي ثانيه احنا مش لسه قين ان كان في زندقه وحاجات منيه ب 60 نيله فازاي تطور ثقافه دينيه اقول لك بص ما برده زي ما كان في حاجات غلط فبرده في حاجات كتيره حصلت كويسه في دين الاسلام بنبدا اول حاجه عندك ان ظهر العلماء اللي بداوا يهتموا بالقران الكريم والحديث الشريف دي اول نقطه عندك ازاي اهتموا بيها اقول لك انا التفاصيل زي ما تقول ظهر مجموعه من العلماء بد ان هم يهتموا بالقران جدا وبالحديث الشريف حيث قاموا باعراب القران الكريم كاملا عربوا لك كل القران الكريم كلمه وكمان بداوا ان هم يجتهدوا في تفسير الايات القرانيه ويعرفوا الناس معنى كلمه كذا ومعنى الكلمه دي والايه دي عايزه توصل لك ايه فده بالنسبه لاول نقطه فده يخلي معانا الثقافه الدينيه تزدهر اكت واكث اما بالنسبه عندك لرقم اثنين ظهور كتب الصحاح صحيح بخاري ومسلم يعني الكلام ده اقول لك بصح ديت او كتب الصحاح هي اصح كتب فيها الاحاديث الشريفه تقول لي يعني ايه برده اقول لك بص اصل زي ما تقول كان في العصر برده ده او في الفتره السابقه كان كل ما واحد يحس الناس مش مهتمه بيه مالهوش اي مكانه فيطلع يالف حديث ويقول لك انا سمعت الحديث دوت عن الرسول صلى الله عليه وسلم ووم قايل اي حديث كده مالفه من دماغه فاجتهد الامام البخاري رضي الله عنه والامام مسلم في ان هم يجمعوا الاحاديث الصحيحه مش الكذب وجمعوهم في الكتب تب اللي عندك كتاب صحيح البخاري وصحيح مسلم وده حصل في العصر العباسي برده وده كده بالنسبه لتاني نقطه رقم لاثه عندك والاربع مذاهب يعني ايه الاربع مذاهب دي اقول لك بص ظهر اربع مذاهب فقهيه دول ليهم علاقه بالدين اربع علماء كبار جدا جدا في الدين وليهم تاثير كبير جدا وهم الامام الشافعي والامام احمد بن حنبل والامام مالك والامام ابو حنيفه النعمان الاربع مذاهب دول دول علماء كبار جدا في الدين وكل واحد منهم بيبدا يبدا ان هو يقول لك الاحكام اللي في الدين ماشيه ازاي الكلام ده كله عشان برده تبقى فاهم هجيب لك مثال بس برده يعني بوضح لك بيه الدنيا مش اكتر ان مثلا مساله ان الكلب لما يجي يلمس واحد وهو متوضي فهل كده الودوء راح ولا لا فمثلا مذهب يقول لك ان لا والله كده الودوء راح ولازم يتوضى بالكامل من تاني في مذهب تاني يقول لك لا والله هو ممكن بس يمسح بالميه مكان ما الكلب الكلب لمسه وكده عادي وفي ناس او مذهب ثالث مثلا يقول لك لا ده ما فيش حاجه في الموضوع فدي عندك اراء تبع المذاهب ودي قصه ف طبعا ده اختلاف ما بين العلماء فدي عندك الاربع مذاهب الفقهيه الاربعه انا مش جاي احتر لك مساله وبقول لك حلها لا انا بقول لك كان في المذاهب ديت بتتكلم في الاحكام بالشكل ده ان مساله زي ديت ايه القصه اللي فيها ودول كان علماء كبار جدا في الدين فده بالنسبه عندك لرقم لاثه وشفنا الاربع مذاهب طيب يبقى قلنا عندنا الثقافه الدينيه من تاني كده اهتم العلماء بالقران الكريم وبالحديث الشريف زي ما شفنا اهتموا باعراب القران الكريم كاملا وتفسير الايات القرانيه رقم اثنين ظهر كتب الصحاح زي صحيح البخاري وصحيح مسلم رقم لاثه عندنا زي ما قلنا ظهر المذاهب الفقهيه الاربعه اللي بعده نبدا نخش عندنا في الازدهار في العلوم اللغويه والادبيه ثقافه بقى اللغه عندك اطورت ازاي حصل اربع حاجات اول حاجه ظهور مذهبان في البصره والكوفه واهتم واهتموا بتقصير الدراسات النحويه يعني ايه الكلام ده اقول لك بص ظهر كده مجموعه من العلماء في البصره وفي الكوفه الاثنين دول بداوا ان هم يهتموا يجيب لك اصل القواعد النحويه كانت ماشيه ازاي بحيث ان الناس تبقى فاهمه النحو ده اكت واكث والناس ديت يعني ممكن تكون اكث من الماسونيه حرفيا لان دول اللي حطوا لك قواعد النحو اللي بتذاكرها دلوقتي ف وغير كده كمان الناس ديت اصلا ساعات بتختلف مع بعض في بعض القواعد وده بيعمل جدل عندك دلوقتي في بعض الاسئله ان ممكن يبقى في سؤال اجابته عند البصره حاجه وعند الكوفه حاجه ثانيه فدي هنا قصه يعني الحمد لله الوزاره ابتبعد عنها دلوقتي بحيث ان ما يبقاش في جدل فالمهم ده القصه بتاعتنا في البدايه ان ظهر مذهبي في البصره والكوفه اهتموا بالتاصيل الدراسات النحويه ان هو يجيب لك قواعد النحو بالشكل المظبوط والتمام ادي بالنسبه لاول نقطه رقم اثنين عندك وظهرت مذاهب في الشعر والنسر مذاهب يعني طرق مختلفه جوه الشعر وفي النسر بنعبروا بيها عن مشاعرنا والقصه اللي انت فاهمها رقم لاثه عندنا وتعدد الاغراض الشعريه الجديده بقى في اغراض جديده في الشعر موجوده اول مره نشوفها ورقم اربعه اتجدد كمان معانا النسر مش الشعر وبس اتجدد في الخطابه وفي الكتابه وده بالنسبه عندك لتطور اللغه اكلمنا عن اربع حاجات زي ما انت شايف رقم واحد ان ظهر مذهبين في البصره والكوفه اهتموا بتقصير الدراسات النحويه رقم اثنين وظهرت مذاهب في الشعر والنسر ورقم لاثه تعدد الاغراض الشعريه الجديده ورقم اربعه عندك يتجدد معانا النسر في الخطابه وفي الكتابه بنكمل عندنا الكلام عن الثقافه برده اللغويه فاحب اقول لك ان حصل حركه اسمها حركه التدوين في العصر ده تدوين يعني كتابه تقول لي ثانيه كتابه ايه وقصه ايه اقول لك بص زي ما تقول في العصور القديمه اللي احنا اتكلمنا عنها من شويه العصر عصر الجاهلي وعصر صادر الاسلام ا في الفتره دي ما كانش فيه كتابه ازاي ما كانش فيه كتابه اقول لك ما كانش في ولا ورقه ولا قلم اصلا يعني ده حاجه لازم تكون عارفها كانوا بيكتبوا على جلود الحيوانات عشان يسجلوا حاجه معينه كل فين وفين فده مبدئيا كده النقطه اللي احنا لازم نفهمها ولكن في العصر العباسي بيبداوا يهتموا جدا جدا بالكتابه والتدوين بحيث ان العلوم كلها تبقى موجوده وما فيش حاجه تضيع مننا فحصل حركه للتدوين وبداوا ان هم يدونوا فيها علوم الاوائل او الاولين يشوفوا عندك العلماء القدامى والعلوم اللي كانوا بيتكلموا فيها واللي معروفه وبيبداوا ان هم يسجلوها عشان العلوم ديت ما تضيعش يعني في ناس كتيره مثلا عندها علم والكلام الحلو ده كله والناس دي شاطره طب ايه رايك نجيب الناس ديت ونخليهم بقى نكتبوا العلم ده في كتب بحيث ان العلم ده ما يضعش بداوا ان هم يسجلوا علوم الناس القديمه بتاعه زمان وده بالنسبه لاول نقطه زي ايه بقى عندك العلوم اللي اتسجلت اقول لك زي علوم لغويه ودينيه وبلاغيه ونقديه علوم ليها علاقه بالدين وبالبلاغه وباللغه ذات نفسها وبالنقد اللي هو نشوف الحاجه اللي قدامك دي حلوه ولا وحشه والكلام ده كله ده اسمه نقد فده اللي حصل عندك في حركه التدوين ونيجي لبعد كده الموضوع ما توقفش عند حركه التدوين وبس ده بداوا يهتموا بالعلم اكت كمان فحصل حركه وهي حركه الترجمه ايه اللي بيحصل هنا اقول لك بص بدا ان العرب يقول لك بص احنا عندنا دلوقتي علوم كتيره حلوه وزي الفل وبلاد الناس اللي بره الاجانب عندهم برده علوم حلوه ومفيده طب ايه رايك ان احنا نمشي بمبدا نفع واستنفع احنا نروح للناس ديت ونقول لهم بص احنا هناخد العلوم اللي عندكم ونترجمها للغه العربيه نستفاد بيه فيها واحنا كمان هنترجم لكم العلوم اللي عندنا في اللغه العربيه للغه الاجنبيه بتاعتكم عشان تستفادوا بيها انتوا كمان فيبقى كده عندنا حصل حركه ترجمه وجمعنا علوم كتيره فحركه الترجمه ديت بدا يدعمها خليفه من الخلفاء العباسيين واللي هو هارون الرشيد اللي ما يخفاش عليك اسمه انت عارفه وعد عليك قبل كده هارون الرشيد عمل حاجه اسمها دار الحكمه اسس دار الحكمه دار الحكمه دي تعتبر كده مكتبه عشان مكتبه اسكندريه كانت موجوده في بغداد ومحطوط فيها كم كبير جدا من الكتب اللي بتتم ترجمتها للغه العربيه من طبعا الناس الاجنبيه وكمان بيترجموا فيها الحاجات العربيه للحاجات الاجنبيه فكان فيها علوم كتيره جدا فهارون الرشيد اسس دار الحكمه ويطورها المامون ايه المامون ده زي ما تقول بعد ما مات هارون الرشيد بيجي ابنه المامون ده يمسك الحكم والمامون لما مسك الحكم اهتم برده بدار الحكمه وبدا ان هو يطورها اكت واكث وادي بالنسبه للقصه بتاعتك في حركه الترجمه بنيجي بقى عندنا نخش في الجزء الثاني من الدرس وهو الشعر في الشعر بقى يا عمنا بص بعد ما احنا حكينا الحكايات اللي احنا شفناها من شويه ديت لازم تبقى فاهم الطريقه اللي هيعبروا بيها فنبدا اول حاجه اعرفك ان في الشعر هنتكلم عن سمات الشعر ذات نفسه بعد كده هنتكلم عن الوصف في الشعر بعد كده هنتكلم عن الاسلوب بتاعهم في الشعر نبدا باول حاجه عندك السمات هنتكلم عن اربع حاجات والاربع حاجات دول بيتقسموا كالاتي الاغراض يعني المواضيع اللي بيتكلموا فيها والالفاظ الكلام بيستخدموه شكله عامل ازاي والصور والمعاني الصور دي حاجه والمعاني حاجه بس خلي بالك الاثنين يعتبر هنا متجمعين مع بعض في نفس النقطه لان حصل لهم نفس الحاجه تعالى بقى نتعرف على الثلاثه حصل فيهم ايه نخش في الموضوع صور اللي هو الخيال على فكره اول حاجه من حيث الاغراض بص دلوقتي انت عندك نوعين من الاغراض في الفتره ديت اغراض قديمه كانت موجوده من زمان واغراض جديده ظهرت اول مره نشوفها فاول نقطه احب اعرفك ان الاغراض القديمه في منها اغراض اطورت بشكل قوي جدا اغراض قديمه اطورت مين هم هجاء غازات المدحيه اعتذار مين هم هجاء غازل مدح اعتذار هجاء يعني شاعر يشتم في شاعر تاني طوروا القصه دي عندك اللي هي منافسات الشعريه يعني من الاخر ويشوف ان الشاعر ده يتحدى الشعر الثاني ومين اجمد في الشعر ده اطور عندنا والغزل ان الشاعر يتكلم عن المحبوبه والمدح يمدح في حد ويشكر فيه والاعتذار ان هو يعتذر لحد فده عندك الاغراض القديمه اللي اطورت اما بالنسبه للاغراض الجديده اللي ظهرت فيها اربعه وصف اربع حاجات بداوا يوصفوها في الشعر ودي اول مره نشوفوها وصف الدور والقصور ايه الدور والقصور هقول لك ان هم بداوا يوصفوا القصور الضخمه اللي بيشوفوها اه ثانيه ما احنا حكينا ليه القصه اللي في الاول دي من شويه عشان نفهم بقى الشعر ده ماشي ازاي ليه بالطريقه دي ان ظهر زي ما قلنا تاثر اجتماعي ببلاد فارس وان شفنا عندهم اسور ضخمه فبنينا زيهم وانت عارف ان الشاعر مره في الاحساس فلما اشوف حاجه تاثر في مشاعره ويقول لك هعبر عنها فيبدا ان هو يشوف ضخمه اول مره يشوف المنظر ده فيبدا يتاثر بيها ويعبر عنها في الشعر وبيظهر شعر الدور والقصور لما تلاقيه بيتكلم عن قصر ضخم مبنى ضخم اعرف ان ده شعر وصف الدور او القصور. رقم اثنين وصف البيرك والنوافير. ايه وصف البيرك والنوافير دي؟ اقول لك بص دلوقتي القصر شكله حلو وجميل بداوا ان هم يعملوا حاجه قدامه ما كانتش موجوده عندنا على فكره برده كانت موجوده عند بلاد فارس وتاثرنا بيها ان قدام القصر يعملوا نافوره كده نافوره ميه حلوه تطلع ميه شكلها جميل. فلما شفنا المنظر ده بقينا نوصفه في الشعر وده غرض جديد اللي هو وصف البرك والنوافير. طبعا ما ينفعش بركه ميه ونافوره من غير ما يكون في حديقه شكلها جميل كده وشجر حلو والطبيعه شكلها جميل وعصافير الطايره والكلام الحلو ده كله فبيبدا ان يكون في جنينه كمان قدام القصر فيها البرك والنوافير وبنيجي كده للغرض رقم لاثه وصف الحدائق والطبيعه ان هم يوصفوا حديقه مثلا او طبيعه من حواليهم كانت حلوه ازاي رقم اربعه ينفع يبقى قصر جميل وبركه ميه ونافوره حلوه وجنينه من غير القاعده الحلوه ففي النهايه بيتجمع الناس ويقعدوا ويلعبوا يتبسطوا والكلام الحلو ده كله وده بيادي للغرض رقم اربعه وصف مجاي لهو اللي هي القاعده الحلوه مع الناس بقى ومع بعضيهم يوصفوها كانت عامله ازاي والكلام الحلو ده كله ادي بالنسبه عندك للاغراض شفنا القديمه والجديده اللي ظهرت بنيجي لبعد كده عندنا من حيث الالفاظ حصل حاجه واحده وانت عارفها من الترم الاولاني الالفاظ مالت للسهوله خلصت نيجي لبعد كده عندك دايما من ساعه الترم الاولاني الالفاظ دايما سهله في الشعر زي ما يقوللك كلام طلاسم مش فاهم منه اي حاجه يقوللك حدد سما من سمات الشارع من حيث الالفاظ السهوله على طول نيجي لبعد كده عندنا بالنسبه للصور والمعاني اتجهت للعمق هنا بقى الكلام اختلف زمان كنا دايما نقول ان المعاني واضحه على طول احب اقول لك لا في العصر العباسي الموضوع اختلف والصور والمعاني اتجهت للعمق يعني ايه الكلام ده يعني الخلال والمعاني اللي بيعبروا عنها بقت عميقه شويه ما ينفعش الشاعر يتكلم بشكل مباشر لازم يبقى فيلسوف ويقول كلام يعني معقد معنى كده معقد لازم تبقى حد بيشغل دماغه عشان يفهم المعنى اللي هو عايز يوصل صله لك ده فده بالنسبه للقصه بتاعتنا هنا ان المعاني بقت معقده ونتيجه للقصه ديت بيحصل حاجتين الخيال بقى معقد نتيجه للعمق اللي احنا اتكلمنا عنه في الصور والمعاني الخيال والصور بقت معقده ما بقتش مفهومه يعني يقعد يقول لك في حوض بيطير ومش عارف بطه بتنونو فكلام انت مش فاهمه فاصبح ان الخيال بقى معقد والشعراء اتجهوا للصنعه اللفظيه يعني ايه الكلام ده ما هو دلوقتي الكلام بقى معقد احنا مش عارفين نعبره عن معنى حلو نعمل ايه بقى نعمل نغمه يبقى الكلام مالهوش معنى بس المهم ان في نغمه كده الناس تسمعها تتبسط ده بالنسبه للي حصل عندنا يبقى ما النتائج المترتبه على اتجاه الشعراء للعمق في الصور والمعاني اصبح الخيال معقد والشعراء اتجهوا للصنعه اللفظيه الصنعه اللفظيه ان هم يخلوا الكلام فيه نغمه وبس مش مهم المعنى نيجي للي بعد كده بنتكلم بعد كده عن الوصف في الشعر والموضوع ماشي ازاي في الوصف بص يا عم الناس احب اقول لك ان الوصف في العصر العباسي غير الوصف في الشعر القديم الوصف في الشعر القديم كان يعني قوي شويتين زي مثلا دلوقتي حاجه هنشوفها ونتعرف عليها في غرض اسمه الاعتذار وهنشوف ان في اختلاف ازاي ما بين الوصف في العصر العباسي وما بين الوصف في الشعر القديم بص يا عم الناس زي ما اتفقت معاك ان الوصف القديم كان قوي شويه لكن الوصف الحديث بقت الدنيا سالسه شويتين مبدئيا كده في عندك في العصر الجاهلي شاعر اسمه النابغه قال في الاعتذار كان بيعتذر لملك وقال له لا تتركني بالوعيد كانني الى الناس مطلي به القار اجربوا يعني ايه الكلام ده هقول لك بص تعال نفهم ونترجم عشان عارف انت مش فاهم اي حاجه ولا انا يعني كنت زيك بص كده لا تتركني بالوعيد كانني دي اللي فيها اقول لك بص زي ما تقول النابغه كان في فتره من الفترات قاعد وشتم في ملك من الملوك فالملك ده لما سمع ان النابغه بيشتم فيا انا قال لك والله العظيم موته وراح بدا ان هو يؤمر الجنود بتوعه بان هم لو قفشوا النابغه ده في اي حته موتوه فده اللي بيحصل عندك فالنابغه بيلاحظ ان الناس بتبدا تبعد عنه كل ما حد يجي النابغه يسلم سلم عليه يقول له ماعرفكش ما تقعدش معايا بعد اذنك الله يكرمك عشان طبعا ايه اللي هيحصل لو جود وشافوه واقف دلوقتي النابغه وبيسلم على واحد ده ده باين عليه صاحبه تعال نموته هو كمان بالمره فالناس بقت تخاف تقرب منه اصلا فاللي قاله بقى عندك النابغه هنا كان بيعتذر للملك ده بيقول له لا تتركني بالوعيد كانني ما تسيبنيش بالوعيد يعني ما توعدنيش ان انت هتموتني وتسيبني بحاجه وتهديد زي ده لان ده كبيره قوي عليا لان انا بقيت اصبح كده كانني الى الناس مطلي مطلي يعني مدهون مدهون بايه؟ بالقار ايه القار ده اللي هو الزفت حاجه كده تبع مشتقات البترول اجربوا يعني جربان ده حاجه كده لازم تفهمها برده كان في العصر يعني العصور القديمه لما يكون في حيوان جربان يكبوا عليه ماده الزفت ديت بحيث ان هو يبقى مميز والناس تشوفه يبعدوا عنه عشان ما حدش يتعدى منه ف هو بقى بدا ان هو زي بيقلل من نفسه عشان الراجل يسامحه بيقول له ده انا بقيت عامل شبه الحيوان اللي مدهون بالزفت وجربان والناس بتبعد عني بسبب ان انت وعدتني ان انت عايز تموتني والكلام ده فسامحني يعني فده اللي بدا يقولوا عندك في الشارع هنا لا تتركني بالوعيد كانني الى الناس مطلي به القار زي ما انت ما شايف كلام قوي عامل ازاي بنيجيبعد كده عندك لقول ابو نواس في الاعتذار والراجل ده بص يعني يعني في حوارات كتيره دارت بسبب ابو نواس ده بالذات ابو نواس ده زي ما تقول كان شاعر وكان عالم كبير جدا في الدين فبعد ما كان هو عالم كبير جدا في الدين الدنيا باظت منه اا وبدا ان هو والعذ بالله يتجه لشرب الخمر جدا لدرجه ان هو اتسمى بشاعر الخمر انت متخيل يعني بعد ما كان عالم دين وحاجه كبيره بقى اتجه لشرب الخمر وكلام ما يعلم بال ربنا ونساء والعياذ بالله كمان بدا الموضوع يزيد معاه لدرجه ان هو والعياذ بالله يقال ان هو كان الوان فابو نواس ده كان حاجه سيئه جدا المهم ان هو برده شتم في ملك من الملوك والملك راح حلف ان هو يموته فراح جاي كتب شعر اعتزار عشان يتاسف له يلم الدنيا وبدا يقول له كده بك استجير من الردى واعوز من سطواتي باسك يعني ايه الكلام ده يعني بيقول له كده ده انا بستجير بك من الرد الرد اللي هو الهلاك وخلي بالك من معنى الكلمه دي عشان هتتكرر عندك كتير بعد كده كلمه الرضى معناها الهلاك اللي هو الموت بيقول له ده انا برجال لك انت عشان ببقى خايف من الموت واعوذ من سطواتي باسك وبخاف من باسك باسك اللي هي باسك يعني بس هو مخففها هنا وشال منها الهمزه ان هو بيقول له ده انا بخاف دايما من باسك وغضبك عليا يعني انا بجي لك انت وبلجع لك عشان انت اللي تحميني ده انت بالنسبه لي الامان انت انضف يا عم وبدا يقول له بعد كده واعوذ من سطواتي باسك والكلام الحلو ده كله بنيجي بعد كده عندنا زي ما انت شايف الاعتذار اهو بس نبقى مقارنه اخير اخيره الاعتذار في العصر القديم في العصر الجاهلي كان قوي ازاي في العصر الحديث بك استاجره من الرد واعوز من سطوات باسك وخلاص فزي ما انت ما شايف القصه نيجي للي بعده نتكلم من حيث الاسلوب في الشعر وبنعرف ان حصل ان في اسلوب جديد بقى موجود في الشعر بيعبروا بيه وده حصل بسبب تزاوج وشيوع مين ده يا عم الناس تزاوج الافكار بدا ان الشعراء وقتها يقول لك والله ايه رايك لما ندمج فكره مع فكره ثانيه فيطلعوا لنا فكره جديده يعملوا تزاوج للافكار يعني يجمعوا في افكار مع بعض فهيطلع لك فكره جديده يعبروا عنها بشكل جديد ورقم اثنين شيوع حياه الطرف والبزخ ما انا لسه قايل لك من شويتين ان مسكت الناس فلوس في الفتره دي والفلوس بتبوظ النفوس وده ادى للقصه اللي انت فاهمها وشايفها قدامك ديت طيب نتيجه للموضوع ده والاسلوب الجديد وان في تزاوج وافكار وشيوع والبزخ والطرف في نتيجه حصلت له اول حاجه رقه اللغه يعني ايه رقه اللغه يعني اللغه بقت رقيقه شويتين يعني ايه رقيقه شويتين دي يعني بقت طريه شويتين طريه شويتين ازاي يعني اقول لك بص طبيعي ان الناس لما بتمسك فلوس بتلاقي ان هي بدات تتحضر شويتين ثلاثه عن اللزوم على تحت مسمى التحضر يعني فتلاقيه طول الكلام يوم جاي ايه يقول لك يونو مش عارف ايه ويحط لك كلمه انجليزي كده في النص وبتاع ويبدا يتكلم فرانكو فده بيادي ان اللغه العربيه عنده بتبقى ضعيفه لدرجه ان هو ممكن تقول له كلمه بالعربي يقول لك يعني ايه الكلمه انت اي دونت نو وات يو ار توكين اووت فتلاقي ان هو بيتكلم كلام غريب شويه كده والعربي عنده بقى ضعيف شويه وده بيحصل لان زي ما قلنا كان في حصل بزخ وطرف في الفلوس فمش مش مهم بقى اللغه العربيه فده ادى الى رقه اللغه ورقم اثنين ظهر موضوعات جديده واتطور القديم ما احنا قلنا حصل تزاوج للافكار بقى يدمجوا افكار مع بعض فده قدى ان في موضوعات جديده نعبر عنها وكمان اطور معانا الموضوعات القديمه فادي بالنسبه لقصتك هنا في الاسلوب الجديد نيجي لبعد كده عندك اخر حاجه وهو النسر بص يا عم الناس مبدئيا كده عندك في النسر اللي دار كالاتي زي ما انت ما شفت معانا كده الخلافه كانت ماشيه ازاي احب اقول لك ان بسبب ضعف الخلافه في الفتره دي تقول لي ثانيه ضعف الخلافه ازاي اقول لك اه ما كان بسبب ان دلوقتي بغداد موجوده على طرف الوطن العربي موجوده بعيده شويه والوطن العربي بعيد لكن دمشق كانت موجوده في نص الوطن العربي فلما كان بيكون في حاكم كان بيعرف يمسك الدنيا كويس ويشوف ده عمل ايه وده عمل ايه وده عمل ايه لكن دلوقتي بغداد موجود على طرف الوطن العربي فاللي عايز مثلا يمشي حاجه بدماغه بيمشيها فبيحصل عندك ضعف للوطن العربي والضعف ده حصل كالاتي ان بدا دول تقول لك والله بص انا مستقل عن الوطن العربي مش هبقى معاكم في الدوله العربيه انا هبقى دوله لوحدي عربيه برده بس دوله لوحدي زي مثلا الدوله الايوبيه جت بني ايوب جماعه من الناس اسمهم بني ايوب ا جم قال لك هنا في مصر احنا والله بص احنا عايزين ننقسم عن العرب واحنا نبقى دوله لوحدينا وراحوا جايين بداوا ان هم يستقلوا عن الوطن العربي وده اللي بيحصل عندنا بسبب ضعف الخلافه استقل الدول زي الدوله الايوبيه زي ما اتفقنا واتسمى العصر ده بعصر عصر الدويلات عشان بعد ما عملت كده الدوله الايوبيه راحت الدول كمان واحنا كمان احنا عايزين نعمله كده احنا كمان شغل بقى الع الصغيره وقال لك احنا احنا عايزين نستقل وما نبقاش تبع الوطن العربي ونبقى لوحدينا فده اللي بيحصل عندك في الفتره دي طيب ماذا بعد ايه اللي احنا ايه علاقه ده بالنسر اقول لك ما ده هياثر دلوقتي في اللي جاي لان الدوله الايوبيه اللي احنا لسه قايلين سيرتها بدات ان هي تهتم جدا بالنسر والاهتمام ده كان كالاتي كتاب الدواوين اللي بيكتبوا عندك ويسجلوا العلوم اللي احنا قلنا عليهم من شويه والكتابه دي اخدناها في الترم الاولاني تبع فنون النسر بداوا ان هم يجنوا ثمار النهضه ازاي ثمار النهضه اقول لك بص ما حصل نهضه علميه دلوقتي وبنا بنكتب كل العلوم القديمه والحوارات بتاعتها ونطورها ف طول الوقت الناس دي عماله تكتب تكتب تكتب وكل ما بيكتب اكتر كل ما بياخد فلوس اكتر فعشان كده هم جانوا ثمار النهضه واتظبطوا كويس جدا فدي بالنسبه لاول حاجه كتاب الدواوين وثمار النهضه ومن اشهر الناس اللي كانوا في كتاب الدواوين دول واحد اسمه العماد الاصفهاني في ديوان الرسائل كان مبدع جدا في كتابه الرسائل اسمه العماد الاصفهاني فادي كده بالنسبه لاول نقطه بنيجي لبعد كده عندنا بنتعرف على فن جديد ظهر في النسر وهو الرسائل الوصفيه الرسائل الوصفيه دي بص هو بيكتب رساله بس مش لحد غريب ولا لحد ثاني هو بيكتب رساله لنفسه بيعبر فيها عن مشاعره وافكاره واللي حاسس بيه كانه كده بيبعت رساله لنفسه اللي جواه فده كان اسمه الرسائل الوصفيه فن يعبر فيه الشاعر عن ذاته او عن نفسه وتجاربه ومشاعره عشان كده بتعتبر هي تعبير عن ذاته نيجي لبعد كده عندنا ونتعرف على سمات الرس المسائل الوصفيه كانت سمتها كالاتي التاثر بالقران الكريم ده رقم واحد التداخل مع الشعر بمعنى ان هو اصبح طبعا كده كده من ظهر من بعد ما ظهر القران الكريم ده اقوى حاجه في اللغه العربيه فكل حاجه كانت متاثره بيه رقم اثنين التداخل مع الشعر ازاي ان هم بقى مثلا يقول لك في الرسائل الوصفيه دي شويه كلام بيعبر فيه عن مشاعره وفي نص الكلام ده يقوم حاطط بيت شعر كده يقول لك كما قال الشاعر مش عارف عنطره بن شداد كذا كذا كذا وبعد كده يرجع يكمل كلامه ثاني في النسر فده حصل تداخل كده مع الشعر في القصه بتاعتنا واستخدام المحسنات بشكل كتير جدا بحيث ان هو يعمل نغمه كتير جدا في الكلام ورقم اربعه الاعتماد على الاسلوب الخبري الاساليب الخبريه كتروا منها قدر الامكان كل شويه اعمل لك اسلوب خبري اكت من الاساليب الانشائيه فده بالنسبه عندك لسمات النسر او خصائص النسر او اللي هي رسائل الوصفيه في العصر العباسي الرسائل الوصفيه ايه سمتها التاثر بالقران التداخل مع الشعر شيوع المحسن حسينات او استخدام المحسنات والاعتماد على الخبري اللي هي الاساليب الخبريه احفظ الكلام ده كويس معلش عشان ساعات بيجي يقول لك ايه استن س من سمات الشر التي تحققت او سما من سمات الرسائل الوصفيه التي تحققت في العصر العباسي والله الرسائل الوصفيه التاثر بالقران تداخل مع الشعر استخدام المحسنات والاعتماد على الخبري ادي بالنسبه لقصتنا هنا بنيجي لاخر حاجه في الدرس وبيعرفك على سمات النسر العباسي كلها بقى بشكل عام ايه اللي حصل في سمات النسر هقول لك كالاتي اول حاجه سهوله الالفاظ الالفاظ كانت سهله جدا في النسر بيعبروا عن حاجه الدنيا واضحه مباشر وعايز يقول لك ايه رقم اثنين وضوح المعاني وهنا تخلي بالك كويس جدا لان في الشعر قلنا الصور والمعاني اتجهت للعمق العمق يعني الكلام ما يبقاش واضح مش مفهوم هو كاتب لك كلام كده في فلسفه في الموضوع ما يبقاش شعر لو ما كتبش حاجه ما تتفهمش لكن في النسر الكلام واضح هو عايز يقول لك ايه بيعبر عن مشاعره ويكتب مشاعره بشكل واضح فده كان عندك بيحصل في النسر في العصر العباسي المعاني اللي كانت واضحه او اللي هو وضوح المعاني لكن في الشارع كان المعاني متجهه للعمق كانت عميقه وده عكس الوضوح العمق عكس الوضوح بعد كده عندنا بنعرف ان حصل اثنين كسره كثره المحسنات والاساليب الخبريه اللي احنا لسه متكلمين عنها كانت منتشره جدا في النسر بقى كله بشكل عام مش في الرسائل الوصفيه وبس حصل كسره المحسنات والاساليب الخبريه رقم اربعه قصر الجمل وده كان بيتسمى بالايجاز ان يكون الكلام مختصر بحيث ان هو ما يطولش عليك في الكتابه والتاثر بالقران الكريم ده كده اساسي لان احنا اتفقنا ان من بعد ما ظهر القران الكريم كان كل حاجه متاثره بيه حتى الشعر اللي احنا ما قلناش في الشعر اه حتى الشعر هي مش مكتوبه عندك عامه بس انت كده كده عارف ان هو من بعد ما ظهر القران الكريم فكل حاجه كانت متاثره بيه فادي بالنسبه عندك لسمات النسر في العصر العباسي ايه هماني كده سهوله الالفاظ وضوح المعاني واثنين كثره كثره المحسنات والاساليب الخاب جباريه قصار الجمل التاثر بالقران ده بالضبط عندك سمات النسر في العصر العباسي او خصائص النسر وبكده نكون خلصنا اصلا الدرس كله بالحوارات اللي فيه زي ما انت ما شفت في النهايه اتمنى اكون قدرت افيدك وتكون استفدت وعجب الشرح لو عجب الشرح برده ما تنساش تعمل لايك وسبسكرايب والكلام الحلو اللي انت فاهمه ده كله وتذكر دايما حبيبي اخوك اينما توجد اللغه العربيه ويوجد عمر يقود فتوجد المتعه وطول ما انت مبسوط فانا مبسوط وبس كده السلام عليكم ورحمه الله وبركاته ‏Yeah.