كيف أفكر كرسام شرح رسم مجسمات ثلاثية الأبعاد

اذا حابين تشوفوا تمارين اضافيه لنفس هذا الدرس راح تكون متوفره للمنتسبين في القناه الانتساب عباره عن دعم للقناه لكن حابه اعطيكم شيء مقابله السلام عليكم معكم صابرين واهلا فيكم مره ثانيه بفيديو جديد بفيديو اليوم هذه اعتبرها من اهم الدروس في هذا الكورس كله لانه هو الشيء اللي خلينا نفكر كرسامين راح نتعلم في هذا الدرس كيف نرسم مجسمات ثلاثيه الابعاد والاشكال العشوائيه كيف اتخيلها بشكل ثلاثي ابعاد هذا من الدرس الماضي نفتح ورقه جديده وطبعا زي ما انتم شايفين انا جبت ورقه اي ف طباعه اي مرسام عندكم هالمره حستخدم مرسام ميكانيكي ومساحه ومشروبكم لانه الدرس حيكون مره طويل باختصار درس اليوم رح نرسم مجسمات ثلاثيه الابعاد راح نتعلم كيف نرسمها ونتخيل الشكل ثلاثي ابعاد من ورا كيف شكلها عرفتوا علي راح نبدا طبعا بالمكعب هو ابسط حاجه ما راح اشرحها في طريقه رسم المنظور لانها حتكون في دروس مستقبليه لكن الحين بس نتعلم كيف نرسم الشكل فقط طيب الشكل المكعب او الشكل متوازي المستطيلات عشان ارسمه ارسم المكعب حقي بدايه كمربع انا في العاده ما اضغط زي كذا في المرسام لما ارسم سكتش لكن انا ابغى يكون واضح لكم انتم المكعب او متوازي المستطيلات على حسب نبدا بمستطيل او مربع بعدين عشان اقدر اتخيل انه هذا الشكل ثلاثي ابعاد له بعد اخر راح اموت خط من هنا ويكون تقريبا بنفس الطول لازم يكون من الاماكن كلها بنفس الطول تقدروا تستخدموا مسطره لكن اذا تبغوا الصراحه انا ما انصحكم تستخدموا مسطره لانه هدفي انا اتعود زي ما قلت لكم على هذه الوضعيه من المرس والحين عشان اتخيل الشكل من ورا كيف شايفين هذا الزاويه او كنا نناديها الرؤوس في الرياضيات راح ارمي خط هنا نعمله على نقاط هذا ما حنشوفه احنا لانه موجود في البعد الاخر ورا نفس الشيء هنا لما ارسم الجزء الثاني او الجزء الخلفي من المكعب ده او متوازي المستطيلات ده انا هذا الجزء ما اشوفه موجود ورا لكن المهم انا كرسامه اعرف عرف وين موجود هذا الخط خلينا نرسم هنا متوازي اضلاع نبداها بمتوازي اضلاع زي ما انتم شايفين ارسمها بيدي واحاول اقارن بيدي الاطوال انه هذا الطول يشبه هذا الطول وهذا الطول يشبه هذا الطول وبعدين ارمي خط من كل زاويه ارمي خط هنا هذا الخط طبعا عيني بتشوفه هذا الخط برضه عيني بتشوفه هذا الخط عيني بتشوفوا الخط اللي ورا اللي موجود في هذا الركن هذا عيني ما بتشوفه لكن انا مهم اعرف وين موجود هذا الخط وعشان اقفله اقفله بنفس الطريقه هذه خط مايل من هنا خط مايل من هنا خط مستقيم من هنا خط مستقيم من هنا امسح الزياده هنعمل واحد طويل مستطيل طويل طبعا مو لازم كله يكون من هنا انا اقدر ارمي خط من هنا وارمي خط من هنا وارمي خط من هنا واقفله الحين حيكون في خط موجود شايفين شايفين هذه الزاويه لازم نكون عارفين انه هذه الزاويه لو مديت خطها من ورا عيني ما تشوفوا لكنها موجوده حتى هذه الخط هذا موجود لكن انا ما اشوفه الخط هذا موجود لكن ما اشوفه بشكل عام انتم حاولوا نسينا نسوي ده واضح اني اعرف اشرح بشكل عام الجزء هذا خلينا نجيب لون خشبي فانا عندي متوازي الاضلاع بهالطريقه لازم يكون نفس الشكل نفس الحجم في الليشو نفس الشيء هنا بجيب لون ثاني هذا الشكل يطابق الشكل اللي هنا هل لازم تستخدموا الوان مو لازم تستخدموا الوان لكن لو عندكم ليش لا تقدروا تحللوا الدرس معنا نجيب لون ازرق مثلا والوجه الامامي يشبه الوجه الخلفي طبعا ما حقدر الونه لانه حيكون ورا لكن كل وجهين قدام بعض ما ادري اللي حضر الدروس الرياضيات يتذكر ولا لا بس هذا بناديه وجه الاوجه اللي قدام بعض متشابهه يعني لو تغيرت هذه الزاويه تلقائيا اللي تحتها راح تتغير وتصير تشبه لها نفس الشيء مع هذه لو بتلاحظوا هنا عندي شكل متوازي اضلاع خلينا نلونه يمكن يدي مو انظف يد لكن بشكل عام المفترض انه هذا يشبه هذا كاني نسخته بالكربون بالطول والحجم والشكل شكل وهذا الوجه يطابق الوجه اللي قدامه طبعا هذا الجزء ما راح الونه لانه ما هو باين وعشان نوضحه نعمله باللون الاسود انا عملت هذه الالوان بس عشان تعرفوا فين مكان الخط مو لازم تعملوا هذا خلينا نرسم مثلا اخر شكل نبدا الشكل مربع من كل زاويه زي ما انتم شايفين طلعت بعد خط هذا الخط راح يوديني للبعد الاخر اللي هو الشكل الثلاثي ابعاد لو احنا هنا ما احنا بالسنتي ماشيين لانه احنا ماشيين بشكل اليد حعمل شكل ثلاثي ابعاد هذا الخط انا ما بشوفه لكن انا مهم اكون عارفه مكانه خلينا نرسم شكل ثاني مرات ابدا انا بالوجه الامامي المربع او المستطيل من قدام بعدين اطلع الاضلاع وبعض الاحيان ابدا من متوازي الاضلاع على طول نعمله على نقاط عشان تعرفوا انه هذا الجزء من ورا هذا مايل هذا مايل بنفس الميلان هذا مستقيم هذا مستقيم بنفس الاستقامه مايل مايل بنفس الميلان مستقيم مستقيم بنفس الاستقامه وهكذا زي ما قلت لكم انا في العاده ما اخليه غامق زي كذا بس انا افضل الكاميرا تكون واضحه واتاكد انه الكاميرا قاعد تلقط الخطوط اللي قاعده اسويها اذا ما عندكم الوان تقدروا تستخدموا المرسام نفسه في انكم تعملوا الظل مثلا لو تبغوا نرسم واحد اخير نخليه اكبر اعملوا خط هنا نعمله نحيف هذه المره كانه لوح كذا رسمنا المكعبات وزي ما قلت لكم جدا مهم تعرفوا مكان الخط اللي ما بنشوفه مره مهم نعرف هذا الشيء نيجي الشكل اللي بعده اللي هو الدوائر او الكره لانه نحن بنتكلم عن مجسمات كيف ارسم الكره؟ الكره جدا بسيط لانه الكره في النهايه كره متشابهه من كل الزوايا عرفتوا علي اللي راح نسويه انه راح نرسم دائره عشان اخلي هذه الدائره شكلها ثلاثي ابعاد راح اقسمها بالنص حاليا انا كده شايفه الكره من قدام واقسمها كده بالنص برضه معناها انه الكره كره من قدام وين المقطع الماضي استخدمته؟ اللي هي هذه الكره خلينا نستخدم قلم ابيض خلينا نرسم خط في النص نرسم خط ثاني بالنص زي علامه الزائد هذه هي كرتنا لو بتلاحظوا انه الكره من قدام ان شاء الله تكون جايبتها الكاميرا صح جايه بخط مستقيم كذا وبخط مستقيم كذا لو انا طالعت فيه بشكل ثنائي ابعاد راح اشوف الدائره وعلامه الزائد في النص اللي هي هذه طيب كيف راح الاحظ انه هذا الشكل الثلاثي ابعاد لما اميله لما اميله حتلاحظوا انه الخط الابيض هذا جاي بشكل يحوط الكوره نفس الشيء بالخط الطولي الخط الطولي حتلاحظوا انه ايه جاب على ميلان الكره بالضبط طبعا ماني عارفه انتم شوا قدام الكاميرا لانه انا عيني من هنا وانتم بتشوفوا من هنا لكن بشكل عام بتلاحظوا انه علامه الزايد هذه بتتغير شكلها وتحوط الكره على اختلاف الزاويه فهذا اللي احنا راح نسويه راح نرسم دائره صحيح شكلها دائره لكن عشان ابين شكلها الثلاثي ابعاد راح اعتمد على هذه الخطوط طيب نرسم الدائره ثانيه هذه المره بدل ما احط الزائد هنا ابى احط النقطه هنا علامه الزائد تكون هنا فايش راح اسوي ما راح ارسم خط زي كذا لا راح ارسم قوس قوس لانه زي ما انتم شايفين تخيلوا انه هذه الكره جايه زي كذا شايفين الخط الابيض هذا جاي بشكل مايل فحعمل نفس الشيء وهذا الشكل الثاني هنا ما غيرت كثير لانه بس ميلتها بهذه الطريقه يعني جبت الكره ميلتها زي كذا هذه ما تغيرت كثير طيب نجرب حاجه ثانيه نعمل كره نعمل نقطه الالتقاء هنا مثلا فانا ايش راح اسوي راح اعمل مثلا الخط العرضي او الله طلعت كنا حق البوكيمون بس حنعمل ذا الخط اول بعدين حاعمل الخط الثاني هنا زي ما قلت لكم ما حنعمل خط مستقيم راح ناخذها باحاطه الكره راح نحوط الدائره نفسها لاني انا هنا حتخيل ايه انه الشكل تكمله الشكل هنا او تكمله الخط الابيض اللي كنت راسمته في الكره تكملتها هنا شايفين طبعا انا هذا الخط ما بشوفه لكن انا اقدر اتخيله نفس الشيء هنا هذا الخط ما بشوفه لكن اقدر اتخيله ما بارسم خطوط كثيره لانه شكل الكره حيضيع بعدين لو رسمتها لكن بشكل عام خلينا نعملها على شكل نقاط عشان تعرفوا انه هذا الجزء هو الجزء الخلفي نفس الشيء مع هذه لو انا تخيلتها من ورا يكون كذا شكلها خلينا نعملها خطوط متقطعه عشان تكونوا عارفين انه هذا الجزء انا ما بشوفه خلينا نعمل دوائر اصغر هذه المره نعمل نقطه الالتقاء فوق نفس الشيء راح ما ينفع اعمل خط مستقيم لا تقدروا تعملوا خط مستقيم كبدايه بس انتم في النهايه لازم تميلوا هنا وتميلوا هنا لو عملتوا خط مستقيم هنا عادي سووا خط مستقيم بس لازم تميلوا هنا وتميله هنا طبعا الخطوط الكثيره راح تضيعكم فعشان كذا ما ابغى اسويها فانتم تقدروا تتخيلوا هذه الدائره الخط من ورا كيف شكله وهذا تقدروا تتخيلوا الخط من ورا كيف شكله نرسم دائره ثانيه نعمل مثلا نقطه الالتقاء هنا راح اعمل خط مستقيم الخط المستقيم ذا ما راح اميله لانه نفس الشيء ما غيرت كثير لما ميلتها ما زال الخط كانه مستقيم بس هنا راح يميل بزياده لانه نازل لتحت فانتم هنا نتخيل تكمله الخط بهذه الطريقه نقدر نعمل شكل بيضاوي فور فنفس الشيء البيضاوي اقدر اعمل عليه بهذه الطريقه زي علامه الزايد حق ال حق الدائره لكن لو اخذتها من شكل ثاني مثلا عملت نقطه الالتقاء هنا راح تاخذ شكل المايل وحتاخذ الشكل المايل برضه راح اتكلم الحين عن الاسطوانه لانه تقريبا اسطوانه نفس الشكل ايش هي الاسطوانه؟ الاسطوانه اللي هي الاكاسه بشكل عام الاسطوانه شكلها زي الانبوب لما اشوف شكل الانبوب من قدام راح اشوف من شكل من هنا هلال ومن هنا هلال ما حقدر اشوف الفتحه حقتها لانها هي قدامي حرفيا كاني اجيب هذه الكاسه زي هذه الكاسه مثلا لما تشوفوها بهذه الطريقه ماني عارفه انتم كيف عينكم باتجاه الكاميرا لكن بشكل عام انتم حتشوفوا من هنا خط مايل ومن هنا خط مايل بس كل مره اقلب الكاسه او الشكل الاسطواني ده حتشوفوا ايه الشكل البيضاوي ده بعدين اميله اكثر الشكل البيضاوي هذا حيبان والجزء ذا حيبدا يختفي وارفع الكاسه هذه شايفين الدائره كل ما انها قاعده تكبر وهذا الجزء قاعد يرجع لي ورا قاعد يختفي ورا الين يبين الشكل الكامل للدائره فحاليا اذا قلنا الكاسه او شكل الاسطوانه حاليا بهذا الشكل ماني شايفه في شيء نفس الشيء اللي سويته هنا راح اعمله هنا اني حاعمل خط في النص كاني ابى اقطع الاسطوانه ذي بالنص لما باجي اقطع هذه الاسطوانه في النص حيكون هذا الخط دائما مستقيم اي خط بتعملوه هنا مستقيم لو قصيتوا هذه لكن لو عملنا خط بهذه الطريقه هذا الخط راح يحوط ايه راح يحوط الكاسه فراح يكون بشكل مائل الحين لو ابى اعمل خط كاني اقطع شرائح لك اجس ما ادري شكل دائري اعمل خطوط مايله بهذه الطريقه وكل ما اقرب من النص تصير ايه خط مستقيم شايفين الحين مثلا ابى ارسم هالاسطوانه هذه بشكل مايل شويه فايش راح يصير راح يبين جزء من هذه الاسطوانه او الكاسه خلينا نتكلم عن كاسه حيبين جزء من الكاسه هذه هنا مدخل الكاسه فخلينا نلونها لما اجي اب ارسم الجزء السفلي راح ارسمها بشكل قوس انا عارفه انه الجهه الثانيه من الكاسه شكلها دائري انا عارفه هذا الشيء لكني ما اشوفها فانتم تكونوا عارفين شكل الاسطوانه فين المدخل هذا الجزء زي ما قلت لكم ما اشوفه الحين مثلا ابغى اعمل الخطوط الكنتوريه راح اعمل خط في النص جدا مهم تعرفوا الخط يكون في النص يكون في نصف الدائره انا غمقت هنا بزياده ما حيبين يعني شايفين هذا الشكل اللي من ورا يكون في نص الدائره يعني لو عملت شكل بيضاوي لازم تكونوا عارفين فين المركز مره مهم هذا الشيء الحين عملت النقطه هنا لو ابى اعمل خطوط اقطعها شرايح مثلا راح يكون هنا مايل والميلان لو بكمله بهذه الطريقه وراح اكملها هنا بشكل نقاط لانه هذا الشكل ما اشوفه هي نعمل خط انا ما بكثر خطوط عشان ما بتلخبطوا بس بشكل عام انا لما عملت هذا الخط عشان مثلا اقسم هذا هذه الاسطوانه بالنص لازم اكون عارفه ايه انه هذا خط مستقيم هذا المايل نيجي هنا نميل كمان بنفس ميلان الكوب نعمل شكل يعني نعمله اطول هذه المره هنا شكل مائل او قوس هنا برضه قوس شوفوا هنا جدا مهم تكونوا حاطين في بالكم اي جهه من الكوب حتكون باينه هذه الجهه ولا هذه الجهه اذا هذه الجهه راح ارسم البيضا الشكل البيضاوي بشكل كامل وبارز اذا الشكل من هنا انتم حترسموا من هنا الشكل البيضاوي وتقفلوها من هنا بس بشكل عام انتم ارسموها وخلوكم عارفين وين كان الجهه اللي ما بشوفها عرفت علي خلينا نجيب قلم جاف عشان يبان معكم انا ايش قصدي هذا الخط الثاني وهنا حاعمل نقاط لانه هذا الجزء انا ما بشوفه لكن هذا الجزء الدائره ذي كلها انا بشوفها خلينا نظللها وخلينا نعمل النقطه في المركز النقطه في المركز هذه شكلها طلعت مايل مهم اعرف المركز لانه هو الخط اللي راح يفصل مثلا ابى اقسم هذه الاسوانه بالنص غلط اعمل خط مستقيم لانه كذا ما حيصير في ابعاد انا باقسمها بطريقه تبين ابعادها الحين انا بقص بهذا الخط الكونتوري ولا حاقص بهذا الخط الكونتوري ايش الصح يعتمد على الشكل انتم رسمتوه من فين يعني مثلا انا بشوف هذا الجزء هذا الجزء المفتوح اشوفه يعني انا عيني واو العين اللي سويت انا عيني هنا يعني انا اشوف الشكل من هذه الجهه معناها انا بشوف الخط الكنتوري ل فهمتوا معاي ما ادري لو انا عارفه اشرح ولا لا لو مثلا نسوي واحده ثانيه نخلي الشكل العين من الناحيه الثانيه يعني نرسم اسطوانه نفس الشكل اللهم انه الشكل باين من هنا او المدخل الكاسه باينه من هنا فراح الون من هنا معناها انا عيني جايه من هذه الجهه عيني جايه من ذ الجهه هذا الخط المنتصف هذا مركزي وهنا شكل الدائره الثانيه اللي انا ما بشوفها لكنها موجوده لانه عيني في هذه الجهه عشان اقص هذا بالنص طبعا زي ما قلت لكم خط مستقيم ما حينفع راح اقصه بميلان هذا الخط زي ما انتم شايفين اتمنى تكون الفكره واضحه نسوي اسطوانه كبيره مثلا نعمل خطين مستقيمين نسوي شكل بيضاوي هنا والشكل البيضاوي هنا نخليها مثلا من هنا ومن هنا نخليها كذا خطوط معناها هذا الجزء الخلفي انا ما بشوف هذا الخط لكنه موجود هذا المركز راح اعمل خط يطلع من المركز يعني كانه هذا السهم طالع من النص لما باجي بقصها اقصها من هذه الجهه بهذا الميلان لانه عيني هنا حاقصها مع هذا الميلان نعمل اسطوانه مايله بزياده نعمل يعني الدائره تكون او الفوه تكون باينه اكثر ونخليها نحيفه مركزي هنا واذا انا رسمت هذا القوس انا ارسمه قوس لانه خلاص مخي عارف فين موجود تكمله الدائره لكن انتم لازم تكونوا عارفين وين تكمله الدائره عرفتوا معي؟ كانكم بترسموا بشكلين بيضاويين بنفس الشكل بنفس الحجم وتوصلوا بينهم بخط وهذا مركزي وهذا مركزي هنا ويطلع نفس الشيء هنا عندي مركزي هنا بيطلع وعلى حسب انتوا فين تبغوا الفو تكون باينه اهم حاجه ناحيه تكون باينه من الاسطوانه الناحيه الثانيه ما حتكون باينه او وجه باين الوجه الثاني ما حيكون باين واحده من الاشكال اللي ما اعرف ايش اسمها جدا مهم تعرفوا ترسموها اللي هو شكل انه مثلا تعرفوا ترسموا القوس وتطلعوا الشكل هنا اعتقد ايش نادوها شجره ال القصب اللي هو هذا الشكل هذه من الاشكال على فكره مهمه انكم تعرفوا ترسموها بشكل ثلاثي ابعاد كانكم مسكتوا هذه الكاسه وقصيتوها بالنص وتعرفوا انه ها هنا خطوط مستقيمه متوازيه وهنا حتكون خطوط الكنتوريه حقتها بشكل ايه بشكل مايل مو لازم تقسموها كثير على الاقل تقسموا النص تقسموا شكل لنص والنص تقسموا نص هذا اقل حاجه فكيف ارسم هذا الشكل تبداوا بقوس وقوس ثاني وحاولوا يكون نفس الطول نفس الحجم ووصلوا بينهم الحين انا وصلت الشكل باقي بس اعمل الشكل ثلاثي ابعاد عشان اعمل الشكل الثلاثي ابعاد زي ما قلت لكم في جهه اقدر اشوفها جهه ما اقدر اشوفها زي هنا مثلا انا عيني هنا فراح ارسم الشكل الثلاثي ابعاد اقفله شويه بدل ما ارسم نص دائره مثلا لا ارجع اكمل القوس وهنا حاعمل خط بس عشان ايه الشكل حيكون مقصوص لين هنا كاني اقدر اتخيل الشكل من هنا جاي هنا عرفتوا عرفت ارسم هذا الخط من غير ما اكمله لانه خلاص عيني شايفه الشكل هذا بشكل ثلاثي ابعاد اعرف هذا الخط فين راح يوديني وليه رسمته هنا انا رسمت هذا الخط لانه عارفه فراح يوديني هنا وراح يرسم حيكمل شكل القوس مثلا ابى اقسم هذا الشكل بالنص اقسمه بميلان بم اقسمه بميلان الشكل واقسم هذا النص مثلا لنصين ثانيين وهذا النص لنصين ثانيين مو مهم هنا اعرف المنظور طريقه رسم البرسبكتف او المنظور لانه هذه حنتطرق لها في دروس جايه كثيره وراح نشرحها بالتفصيل بس مهم تعرفوا كيف ترسموا هذا الشكل مثلا نعمل قوس بهذا الشكل وقوس ثاني بنفس الطول بنفس الحجم نحاول نحاول نخليه نفس الطول نفس الحجم نعمل خط مستقيم هنا خط مستقيم هنا وخط مستقيم هنا اعمل الشكل الثلاثي ابعاد ادخل بس اعرضها اكثر بس اكمل الشكل الثلاثي الابعاد زي ما سويت في المكعب هنا حتكون خطوط مستقيمه الخطوط الكنتوريه حتكون مستقيمه هنا وبعدين خطوط مايله هنا نعمل شكل ثاني هنا وخط مستقيم هنا خط مستقيم هنا حنطلع زي ما سوينا في المكعب خطوط متوازيه هنا ما يحتاج اني اعمل الخط هذا شايفين الخط ده ما يحتاج اعمله لانه انا عارفه ذا الخط لو وديته حيوديني هنا فما راح يبان عرفتوا علي فخلاص ما ححتاج ارسم هذا الخط لانه الشكل حيكون هنا مثلا ابى ارسم شخصيه هذه الشخصيه صيه انا راح اغطي كتفها بالشعر انا مهم ارسم مكان الكتف لازم اعرف مكانه لازم ارسمه عشان مثلا اغطيه بالشعر وماني ماني مضطره ارسم الكتف لاني ما احتاجه لكن جدا مهم اكون عارفه مكانه عشان لما مثلا ارسم الشعر فوق الكتف ما يكون طالع شكله غريب عرفتوا علي فهذا الشيء جدا مهم من اهم التمارين اللي تساعدكم في انكم تتطوروا في الرسم وتعرفوا تاخذوا الشكل الثلاثي الابعاد حتى لو كان شكل من خيالكم طبعا انكم تتابعوا معي الدرس وترسموا نفس الصفحه هذه ما راح يكفي اعطوا نفسكم وقت ترسموا اكثر من كذا هذه الصفحه كتدريب ابدا ما راح تكفي لو كنتم مبتدئين في الرسم انصحكم تعطوا لهذه صفحتين او ثلاث صفحات هذه صفحتين او ثلاث صفحات الاسطوانه جدا مهمه اعطوها اكثر الصفحات اعطوها للاسطوانه والقوس هذا فج مهم تاخذوا وقتكم في هذا التمرين وتصير تقدروا ترسموا هذه الاشكال من غير ما تفكروا بالخطوط الخلفيه هذه فهمنا شكل الاسطوانه وشكل المكعب حيخلينا نتلاعب بالشكل ونصمم اشكال ثانيه شبيهه فيها مثلا بما انه عندي الاسطوانه شكلها زي كذا من المركز وهنا الجزء اللي ما بشوفه وهذا يوصل للنقطه اللي في المنتصف يعني المركز الثاني من فهمي لهذه الفكره انا اقدر اسوي شكل شبيه له اللي هو بشكل بيضاوي من هنا ويكون شبه المثلث تقريبا زي الطربوش وطبعا هذا الجزء ما بشوفه وعندي المركز هنا يوصل لي هذا المركز وبنفس الطريقه اللي يخليني اقسم هذا بالنص حاخذها بالمحيط ال الاسطوانه راح اعمل نفس الشيء هنا لو قسمتها بالنص حاخذها بمحيط الشكل هذا الحين بما انه اعرف ارسم هذا الشكل اقدر اسوي مثلا ساعه رمليه اقدر من هنا مثلا من هذا الشكل نفسه يشبه ذا بس بالمق مقلوب ويعني عيني قاعده تشوف من هذه الجهه اقدر اخذ هذه القطعه واطلع خطين واسوي شكل شبه اسطواني ثاني وهنا يوصل للمركز طبعا طالما انا رسمت هذا الجزء هذا الجزئين لازق في بعض فراح نمسحه بس راح اخلي هذا بما انه اعرف شكل الاسطوانه اقدر اسوي اسطوانه مقسومه بالنص اللي هي شبه القصبه اللي رسمناها في الصفحه اللي قبل انه مثلا نعمل شكل البيضاوي نرسم اسطوانا كامله عشان تفهموا علي انه اقسم هذا بالنص وهذا مركزي طبعا وعندي الدائره من هنا هذا مركزي نوصلهم مع بعض فراح اقسمهم بالنص وزي ما قسمت هنا بالنص راح اقسم بنفس الزاويه هنا فيعني حامسح هذا يعني ابقى كانه عندي كيكه ابى اقسمها بالنص بالضبط راح اوصل وصل هذه الجهه مع هذه الجهه وهذه الجهه مع هذه الجهه فانتم هنا تلاعبوا بشكل الاسطوانه وطلعوا الاشكال اللي انتم تبغوها الحين مثلا ابى اتلاعب بشكل المكعب ومتوازي المستطيلات فاقدر مثلا اسوي نفس هذه الفكره بس على شكل مكعبي يعني خلينا نعمل متوازي اضلاع هنا عشان نعمل من المكعب بس بدل ما انزل خط مستقيم لا راح نعمله بهالطريقه كانه اتكلم عن شبه منحرف راح اميل هذا الميلان بنفس هذا الميران هذا الميلايران بنفس هذا الميلان هذا بنفس استقامه دا وهذا بنفس استقامه دا طبعا هذا ما راح اشوفه او عيني ما راح تشوفه لكن مهم اني اعرف مكانه اعتقد ما شرحنا شكل الهرم الهرم شكله مربع من تحت نعمل مركزه نطلع الارتفاع ومنها اوصل خط هنا اوصل خط هنا اوصل خط هنا واوصل خط هنا هذا حيكون بشكل عام شكل الهرم ما اذكر قبل كده احتجت ارسمه لكن يعني حاجه لو حابين تتعلموها بشكل عام هي شكلها مربع من تحت بس لانه جايب بشكل متوازي اضلاع عشان جايبته من على جنب عرفتوا علي لكن يعني ليش لا خلينا نتعلم نسويها مثلا نرسم نرسم دي ونقسمها بالنص زي هذه نخلي مثلا نعمل زي كده ونعمل هذه الطريقه هذا مركزي هذا مركزي واقصها بنفس الطريقه فحامسح هذا كله لاني كاني قصيت النص انا ابغى اقصها زي الكيكه عشان كده قلت لكم جدا مهم تعرفوا المركز حق الاسطوانه بشكل عام لانه راح يفيدكم في هذه التمارين طبعا هذه لو حابين تقسموها بالنص راح تاخذ هذه الاستداره لانه عيني من هنا عين تجنن ا وكمان هنا حتاخذ بنفس الاستداره دي نفس الفكره دي ونفس الفكره مع دي تاخذ الاستداره خلينا ندمج شكلين مثلا هذا الشكل مع هذا الشكل تقريبا او هذا مع هذا نعمل مثلا الشكل اللي شبه الاسطوانه هنا وهنا مركزي هنا مركزي ومثلا ارسم انه هذا الشكل قاعد فوق متوازي مستطيلات تدروا خلينا نكملها تدروا يشبه ايه يشبه هذا حق اللي يتحط في الشارع يا نقدر نسوي كذا اخترعوا اشكالكم صمموا اشكالكم وتخيلوها بشكل ثلاثي ابعاد طبعا التمارين اللي احسها راح تساعدكم مره كثير غير هذا التمرين طبعا اللي هو نرسم الحروف الانجليزيه ليه تحديدا رسم الحروف الانجليزيه لان الحروف الانجليزيه ما فيها دوائر كثيره زي العربيه او اقدر احولها لاشكال هندسيه اللي هي المستطيلات والمربعات فمثلا ابغى ارسم الحرف اي خلينا نجيب مسطره هنا بس نعمل الخط اللي راح نمشي عليه راح ارسم الحروف كلها بين هذا الخطين عشان يطلع ططلع شكله حلو ومرتب بس طبعا مو لازم تمشوا عليها لما برسم حرف الاي ارسمه بشكل احاول اخليه زي الكمبيوتر فحيكون من هنا خط من هنا خط مستقيم ومن هنا خط اخليه بالشكل العريض اللي هو هذا او زي طباعه الكمبيوتر كذا تكون شكلها حرف الاي كذا هي 2 دي حتى رغم اني عرضتها بهذه الطريقه تعتبر لسه 2 دي ما عملت البعد الثاني لهذا احس اني قاعده اتكلم عن العالم الموازي واو واضح اني اعرف اشرح بشكل عام حاولوا ترسموا الحرف بالبولد بشكل عريض لازم ارسم البعد الثاني اللي هو من كل زاويه اطلع خط زي كده من كل زاويه اطلع خط كده صار البعد الثاني لها اقدر اظلله من هنا عشان يبين انه احنا في الجزء الثاني من الرسمه او في الشكل ثلاثي الابعاد نفس الشيء هنا راح هذه الزاويه اقدر اطلع منها خط واعمل كذا وكذا هنا لانه انا قاعده اشوف من تحت هذا الجزء برضه حيبين لو مثلا عندكم الوان مائيه استخدموا الالوان المائيه فانكم تلونوا هذا الجزء اذا كنتم بتستخدموا ماركرز انصحكم تستخدموا الماركرز بشكل عام او الخشبيه حتى بشكل عام في هذه التمرينات تقدروا تدربوا على التلوين في نفس الوقت تدربوا على الرسم بدل ما تستخدموا الرصاص فيح في التضليل استخدموا الالوان بشكل عام مثلا البي اقدر ارسمه بهذه الطريقه يمكن خطي ما حيكون احلى خط بنفس الطريقه كيف اقدر اتخيل هذا الشكل بطريقه ثلاثيه ابعاد حاطلع خط من هنا حاطلع خط من هنا حاطلع خط من هنا واقفله واضلل لانه هنا شكله مايل راح اخذها بنفس الميلان هنا الشكل مايل راح اخذها بنفس الميلان نفس الشيء سي سي حيكون بهذا الشكل لو تذكروا حرف السي يشبه هذا الشكل اللي شكله القصبه ما ادري ايش نادوها واحده من الاشجار شكلها زي كذا ناسيه اسمها بس السي حرفيا هو هذا الشكل فاللي راح اسويه كاني راح ارسم ذا الشكل راح اعمل الشكل الثلاثي ابعاد له من هنا اضلله ومن هنا حاكمل الظل كاني ارسم نفس اللي رسمته قبل شويه حق الاسطوانه بس انها نحيفه مثلا حرف الدي نرسمه بشكل ثنائي ابعاد اول حاجه بعدين حاطلع الزوايا انا في العاده احب ابدا من الجزء الخلفي لانه هو الاسهل وبعدين نرسم هذا الجزء تقدروا تشوفوا صوره للحروف الانجليزيه وتكون مرسومه بشكل هندسي عشان تقدروا تعرفوا فين تحطوا الخطوط لكن بشكل عام لو حابين تستخدموا هذا الريفرنس استخدموها في البدايه لكن مهم انكم تعرفوا تسووها من غير الريفرنس كان في بالي اني ادخل درس ثاني في نفس هذا الدرس لكن شكله ما حنلحق لكن بشكل عام هذه بدايه حلوه تدربوا فيها قبل ندخل الدرس اللي بعده الدرس اللي بعده حيكون شويه معقد مو معقد او صعب لكن حناخذ الاشكال العشوائيه كيف اتخيلها بشكل ثلاثي ابعاد اذا حابين تشاركوا رسماتكم وايش سويتوا في هذا الدرس تقدروا تشاركوا رسماتكم على سيرفر الديسكورد راح اخلي روم هنا تحطوا فيها واجباتكم او تقدروا تعملوا لي تاج في الانستغرام عشان اشارك الستوري كذا وصلنا لنهايه الدرس الثاني اتمنى يكون مفيد واعطاكم معلومه جديده هل هذا الدرس جديد بالنسبه لكم ولا اوريدي تعرفوه مستنيين الدرس اللي بعده لانه حابه اعرف ايش الدرس اللي انتم محتاجينه او اللي تبغوني اركز عليه بشكل عام لكن انا حابه هذا الاستايل لانه حرفيا قاعدين نبدا من الصفر لكل الناس واذا عندكم اي ملاحظات بالنسبه لاسلوبي للشرح اكتبوا لي في التعليقات صراحه اول مره اشرح الرسم ا وانا عارفه انه قاعده اخبص عارفه اني قاعده اجيب فيكم العيد بس اتمنى يكون هذا الفيديو مفيد بكل الاحوال كذا وصلنا لنهايه المقطع اتمنى كان مفيد شكرا على المشاهده ولا تنسوا اللايك والمشاركه اشوفكم في الدرس الجاي باي هلوين قلت لكم في المقطع الثاني شاركوا رسماتكم في الديسكورد وراح اشاركها في المقطع الجاي معظم اللي شاركوا في الدروس هذه ورسموا الدوائر في المقطع الماضي او الدرس الماضي معظمهم شاركوها في الانستغرام زي ما قلت لكم انا حشاركها في الستوري في الانستغرام لكن صعب علي اجمع الرسمات هذه واحطها في المقطع اللي بعده لانه زي ما تعرفوا تقعد 24 ساعه وبعدين تختفي فصعب اني اجمع الرسمات بهذه الطريقه فاذا حابين تظهر رسماتكم في المقطع اللي بعده شاركوا رسماتكم على رابط الديسكورد حيكون الرابط موجود في صندوق الوصف شكرا على المشاهده ولا تنسوا اللايك والمشاركه اشوفكم المره الجايه باي