كيف صعد إبراهيم باشا من الصفر ليحكم الدولة العثمانية

بسم الله الرحمن الرحيم اهلا بحضراتكم في حلقه جديده من عبر الاناضول هنكمل مع حضراتكم النهارده سلسله حلقات بيت السلطان سليمان حلقه النهارده هنحكي قصه حياه اكثر الشخصيات اثاره للاهتمام في التاريخ العثماني. بطل قصتنا النهارده هو ابراهيم باشا الفرنجي او بالتركي ابراهيم باشا بارجال الطفل المسيحي ابن الصياد الفقير اللي اتخطف من بلده في اليونان واتباع في سوق العبيد. تخيل ان اقوى رجل في الدوله العثمانيه بعد السلطان سليمان كان في يوم من الايام عبد بسيط. واحد بدا من الصفر لحد ما بقى صاحب القرار. صديق السلطان الاقرب والرجل اللي اسمه كان بيترعب منه ملوك اوروبا لكن السؤال الحقيقي هو مش ازاي وصل السؤال هو ازاي سقط ازاي بعد ما وصل لقمه المجد والسلطه فجاه يتكتب اسمه في سجلات الاعدام وايه السر اللي خلى السلطان اللي كان بيعتبره اخوه هو نفسه اللي يصدر حكم الاعدام عليه اذا حبينا تطبيق عملي لمقوله ما طار طير وارتفع الا كما طار وقع مش هنلاقي في التاريخ افضل من قصه ابراهيم باشا الصدر الاعظم للسلطان سليمان ورحله حياته المدهشه نبدا القصه مع بعض اتولد ابراهيم باشا في بلده بارجا على الساحل الغربي لليونان سنه 1495 اختلف المؤرخين على اصول ابراهيم باشا منهم اللي قال انه من اصول يونانيه ومنهم اللي قال انه من اصل ايطالي او الباني اسمه الحقيقي بيترو كان طفل جميل ووسيم وذكي في روايتين في التاريخ بتحكي الرحله اللي خدت الطفل بترو من بلده على الساحل الغربي لليونان ووصلت بيه لعاصمه الدوله العثمانيه اسطنبول الروايه الاوروبيه بتقول انه فعاد السلطان بيزيد الثاني واثناء غزو الجيش العثماني لمدينه برجا اخذوا الطفل بيترو وكان عمره وقتها ست سنين والحقوه بنظام الديف شيرماه وده كان احد انظمه الدوله العثمانيه اللي بتعتمد على جمع الاطفال المسيحيين الموهبين من الاراضي اللي بيتم فتحها على يد الجيش الانكشاري في شرق اوروبا وخاصه منطقه البلقان وبعدها بيعتن ق الدين الاسلامي وبيتم تربيتهم وتدريبهم تدريب صارم جدا عشان بعد كده اما يلتحقوا كجنود في الجيش الانكشاري او كموظفين في ديوان السلطان جمال وسامه الطفل بيترو لفد نظر حاكم البوسنا وقتها اسكندر باشا اللي اشتراه عشان يقدمه هديه للسلطان بيزيد الثاني اللي كان عنده حفيد نفس سنه وهو الامير سليمان ابن الامير سليم فقرر انه يديه هديه لحفيده عشان يكون صديقه اما الروايه العثمانيه بتقول ان تم اختطاف من بعض القراصنه وبعك عبد الارمله ساريه في ولايه منيسه وهي اللي اطلقت عليه اسم ابراهيم اهتمت الست دي بيه جدا وربته كانه ابنها حرصت على تعليم وتعليم جيد اتعلم ابراهيم اللغات الشرقيه زي التركيه والعربيه والفارسيه بجانب اللغات الاوروبيه زي اليونانيه والايطاليه والكرواتيه وكمان اتلقى الطفل ابراهيم دروس في القران الكريم والادب والشعر والموسيقى كان ابراهيم عازب على الهكمان او الكمانجا واثناء حضور ابراهيم مع سيدته احدى الحفلات في قصر الاماره في مانيسا لفت ذكاءه وسمته ونبوغه انظار كبار موظفين القصر وعرضوا على الست اللي كانت بتملكه انهم يشتروه منها عشان يكون بجانب الامير سليمان ابن السلطان سليم وهنا بيكتب القدر فصل جديد في حياه ابراهيم نظرا لقرب سن ابراهيم من الامير سليمان نشات ما بينهم صداقه قويه جدا سافر مع الامير سليمان لاسطنبول وكانوا طوال الوقت مع بعض بيقبضوا بقى وقتهم ما بين الدراسه والتدريب العسكري ووقت الفراغ في الدردشه والقاء الشعر ورحلات الصيد وعزف الموسيقى والرحلات البحريه ومع مرور الوقت بدات علاقه الصداقه والثقه ما بينهم تزيد اكث واكث ولما اصبح الامير سليمان في سن الشباب عينوا والده في منصب ولاء العهد وارسله عشان يحكم ولايه حسب التقاليد المتبعه للحكم في الدوله العثمانيه اخد الامير سليمان صديقه ابراهيم باشا مع المنيسه وكان بيستشيره في معظم امور الحكم وكانت اراءه محل اعجاب من الامير سليمان ومن موظفي قصر الاماره وفضلوا مع بعض في مانيسا الى ان مات السلطان سليم سنه 1520 واصبح الامير سليمان سلطان الدوله العثمانيه ومن هنا ومن ثاني هيكتب القدر فصل جديد في قصه صعود الشاب ابراهيم هيغير حياته بشكل كبير رجع مع صديقه السلطان سليمان للعاصمه اسطنبول عشان يتولى العرش في البدايه تم تعيين ابراهيم في منصب كبير السقارين وبعدها بشويه اتعين الحاجب الخاص ورئيسا للغرفه الخاصه للسلطان وده المنص صب اللي هيخليه دايما ملازم للسلطان ويكون معاه طوال الوقت زي ضله وهنا كانت بدايه صعوده على سلم السلطه من صعره كان ابراهيم باشا مهتم بدراسه الخطط والمهارات العسكريه لكبار القاده العسكريين عبر التاريخ واشتغل كتير على تنميه المهارات العسكريه دي عشان يكون جدير بمرافقه السلطان سليمان في حملاته وفي سنه 1521 اصطحبوا السلطان سليمان في اولى حملاته العسكريه وهي حمله فتح بلجراد واللي كان لخطه ابراهيم باشا العسكريه الفضل في تحقيق انتصار كبير على القوات المجاريه اقترح على السلطان سليمان نقل الاسلحه والمعدات الحربيه الثقيله عبر نهر الجنوب بدل من استخدام الطريق البري عشان يتفادى الدخول لمنطقه الغابات اللي ممكن يتم فيها نصب كمين للجيش العثماني المتقدم وانهاكه بسهوله نجحت الخطه دي واتفاجئ المجاريين بوصول الجيش العثماني لابواب قلعه بلجراد وبعد سبع ايام بس من الحصار والقذف العنيف تم غزو بلجراد وفتحها باقل الخساير واصبحت واحده من اكبر المدن الاوروبيه في يد العثمانيين وبعدها وفي سنه 1522 شارك ابراهيم باشا في حمله فتح جزيره رودوس اللي انتهت بانتصار عظيم للجيش العثماني بدا ابراهيم باشا يكتسب الخبره في اداره المعارك الحربيه والشؤون العسكريه وكان المعتاد قدر يثبت جداره وكفاءه نادرين وطبعا ده كان بيزيد من اعجاب وثقه السلطان سليمان بصديق عمره كانت علاقه الصداقه ما بينهم بتزيد مع مرور الايام والسنين وفي سنه 1500 23 تم تعيين ابراهيم باشا بمنصب الصدر الاعظم للدوله العثمانيه بعد اقاله الصدر الاعظم بيري محمد باشا اللي اتعاين من قبل السلطان سليم لان السلطان سليمان ما كانش بيرتاح بالعمل معاه نظرا لكبر سنه كان بيبقى مضطرب بقبول اي حاجه يعرضها عليه بيري باشا بدافع الاحترام له ذكر المؤرخ العثماني خير الله افندي ان السلطان سليمان قال في احد المرات لم اجد طعم الاستقلال في عهدي حتى عزلت بيري باشا من منصب الصدر الاعظم كان الاقرب لتولي منصب الصدر الاعظم حسب التقاليد العثمانيه هو احمد باشا اللي كان الوزير الثاني بعد بيري باشا وكان بطبيعه الحال عينه على المنصب ولكن عين السلطان سليمان ابراهيم باشا لانه كان عايز صدر اعظم يكون بيثق فيه وفي نفس الوقت يقدر يفرض رايه وسيطرته عليه بدون اي معارضه وبكده يكون بيحكم الامبراطوريه العثمانيه لوحده وما كانش هيلاقي حد في المواصفات دي اكت من صديق عمره ابراهيم باشا لما تولى ابراهيم باشا المنصب عين الوزير الثاني احمد باشا حاكما على مصر عشان يكون بعيد عن العاصمه وما يعملش مشاكل لان السلطان اختار ابراهيم باشا بدلا منه وخصوصا زي ما قلنا قبل كده انه حسب التقاليد العثمانيه هو الاقرب لتولي المنصب بعد عزيري باشا خليكوا فاكرين احمد باشا ده كويس واللي اطلق عليه فيما بعد لقب احمد الخاين عشان هنرجع له تاني بعد وصوله لمنصب الصدر الاعظم طلب ابراهيم باشا من السلط سلطان سليمان الزواج من اخته السلطانه خديجه اللي كانت ارمله لرجل سارع عثماني اتوفى بعد جوازهم بسنتين لانه كان مريض بمرض نادر فشل الاطباء في علاجه كانت مكانه وحب ابراهيم باشا بتزيد في قلب السلطان سليمان يوم بعد يوم وطبعا بالوصف ده مش هيلاقي احسن من ابراهيم باشا عشان يجوزه اخته السلطانه خديجه فوافق على طول وفي مايو سنه 1524 اتعمل حفل زفاف اسطوري استمر لمده اسبوعين حضروا كبار الشخصيات البارزه في الجيش والحكومه وسفراء الدول الاجنبيه كتب المؤرخ العثماني جلال زاده اللي كان معاصر لفتره حكم السلطان سليمان عن حفل زفاف ابراهيم باشا والسلطانه خديجه كان اروع حفل زفاف في تاريخ الدوله العثمانيه العاليه امر السلطان سليمان ببناء قصر كبير وفخم لابراهيم باشا انفق على تجهيزه من ميزانيته الخاصه وتم تصميمه وبناؤه من قبل اكبر واشهر المعماريين وامهر الفنيين في الدوله العثمانيه نفذ الاستعدادات للحفله الفخمه دي الاف من العمال المهره وتم استدعاء من مختلف الولايات العثمانيه اتعمل ولايم كبيره وفخمه وتمت دعوه اهالي المدينه ورجال الدوله والجيش والمشايخ والعلماء والمعلمين والطلبه الصوفيين والفنانين بالاضافه للعروض الفنيه والاحتفالات الضخمه اللي كانت بتلف شوارع العاصمه كلها كان ابراهيم باشا محبوب جدا من الشعب وده اللي ظهر خلال الاحتفالات كانت الناس في حاله فرحه عارمه وبيدعو للعروسين بالتوفيق والسعاده في حياتهم اطلق بعد كده على ابراهيم باشا لقب الضمات او الصهر في اشاره لمصاهرة ابراهيم باشا للعائله الحاكمه وللسلطان سليمان شاكك بعض الباحثين في صحه جواز ابراهيم باشا من السلطانه خديجه وكان دليلهم على كده ان ما فيش وثيقه في الارشيف العثماني بتثبت الجواز ده بينما وجدت رساله مكتوبه بخط ابراهيم باشا لزوجته الاولى محسنه اثناء سفره في احدى الحملات العسكريه على الدوله الصفويه رد المؤرخين على التشكيك ده ان الثابت في ارشيف قصر توب كابي هو ان السلطان سلطان سليمان اقام حفل زفاف مهيب وضخم لابراهيم باشا وبنا له قصر في منتهى الفخامه من ماله الخاص وبالمناسبه القصر ده موجود لحد دلوقتي وبيعتبر من اهم المزارات السياحيه في مدينه اسطنبول واستمرار الحفلات في المدينه لمده اسبوعين وطبعا مش ممكن ان يقام حفل زفاف اسطوري بالمستوى ده لو كانت العروس من عامه الشعب وان ده دليل واضح على ان حفل الزفاف كان لابراهيم باشا على السلطانه خديجه ومن الجائز انه تم التخلص من اي اثبات للزواج ده من قبل السلطان سليمان بعد اعدام ابراهيم باشا هذا والله تعالى اعلى واعلم نرجع بقى لاحمد باشا او احمد الخاين احمد باشا وبعد فتره صغيره من وصوله لولايه مصر اعلن تمرضه على الدوله وعلى السلطان سليمان وادعى حقه في الاستقلال بحكم مصر وطلب من قاده وجنود الجيش الانكشاري المتمركزين في قلعه صلاح الدين في القاهره تنفيذ اوامره الا ان قاض الجيش الانكشاري رفضوا طلبه فحاصرهم جوه القلعه استطاع مجموعه من الضباط والجنود المحاصرين حفر فر ممر تحت الارض عشان يقدروا يهربوا من الحصار وبالفعل وفبراير سنه 1524 سقطت القلعه في يد احمد باشا بعدها بكام يوم اعلن نفسه سلطان على مصر وامر بالدعاء له على المنابر وسقى عمله جديده تحمل اسمه وده معناه الاستقلال التام عن الدوله العثمانيه وان مصر بقت دوله مستقله تحت حكمه ارسل السلطان سليمان ابراهيم باشا على راس حمله عسكريه كبيره عشان يستعيدوا السيطره على مصر وصلت حمله ابراهيم باشا لمدينه الاسكندريه وبداوا يطاردوا قوات احمد باشا اللي كانت مقاومتهم ضعيفه قدام جيش قوي جدا من قوات الجيش الانكشاري وبالفعل قدر ابراهيم باشا اخماد التمرد وهزيمه قوات احمد باشا تم القبض على احمد باشا واعدامه وتعليق راسه على باب زويله في القاهره قبل ما يبعتوها للسلطان سليمان في اسطنبول حكم ابراهيم باشا ولايه مصر لمده عام من سنه 1524 ل 1525 شرع في خلال الفتره دي قوانين جديده ساعدت على استقرار الاوضاع في مصر اللي تعتبر اهم ولايات الشرق الشرق الاسلامي بالنسبه للدوله العثمانيه اقام ديوان للمظالم في جامع عمرو بن العاص القاهره عشان يسمع شكاوي الاهالي ويحل مشاكلهم خفض من قمه الضرايب وقام باصلاحات سياسيه واقتصاديه ورجع مصر ثاني للنظام السياسي العثماني وبعد استقرار النظام تماما في مصر رجع ابراهيم باشا للعاصمه تم استقبال ابراهيم باشا في اسطنبول باحتفال مهيب اصطف فيه جميع البشوات وكبار رجال الدوله وصفت المراسم دي بانها لم يسبق لها مثيل وكانت تشبه مراسم استقبال السلطان نفسه حين عودته منتصرا من احدى الحملات العسكريه بعدها بدا ابراهيم باشا بوضع الخطه العسكريه لمعركه موهاج بين الجيش العثماني والمملكه المجريه في الحمله الاولى على المجر سنه 1526 انتصر الجيش العثماني انتصار ساحق وتم الاستلاء على سهل مهاج اللي هيكون مقدمه بعد كده لسقوط المملكه المجريه وفي خلال ساعات قليله تم دخول الجيش العثماني واحتلال العاصمه بودا او بودابيست وبعدها قام وفد مجري بتسليم مفاتيح حصن بودا للسلطان سليمان دون قتال استطاع ابراهيم باشا قياده الفتوحات والحملات العسكريه المختلفه من الدوله الصفويه في الشرق الى البلقان وشرق اوروبا في الغرب. يذكر ان معظم الحملات والفتوحات اللي تمت في عهد السلطان سليمان كانت بقياده ابراهيم باشا. ده غير احلام وطموحه في فتح ايطاليا وتسيير الاسطول العثماني لفتح العالم الجديد اللي هي امريكا. بجانب براعه وعبقريه ابراهيم باشا العسكريه الا انه كمان اثبت براعه سياسيه نادره. ويعتبر من اوائل السياسيين في الدوله العثمانيه اللي اهتم بالدبلوماسيه الاوروبيه بشكل احترافي وكان بارع كمان في عقد الصفقات والمعاهدات السياسيه مع الدول الاوروبيه اللي قبلت الخضوع لتبعيه الدوله العثمانيه ودفع الجزيه عقد الاتفاقيات مع فرنسا ضد الامبراطوريه الرومانيه المقدسه ادار علاقات مع البندقيه والنمسه كان يلقب في اوروبا بابراهيم العظيم كل العوامل دي دعت السلطان سليمان لمنح ابراهيم منصب جديد من اهم المناصب في الدوله العثمانيه هو منصب القائد العام للجيش العثماني او بالتركي سير اسكر وده منصب مهم جدا في الدوله العثمانيه يجعله الراجل الثاني في الدوله حرفيا بيدي له صلاحيات مطلقه في اخذ القرارات دون الرجوع للسلطان سليمان وده كان بيعتبر في الدوله العثمانيه نوع من انواع تقاسم السلطه وعشان نعرف اكث مدى قوه وخطوره منصب السرسكر في الدوله العثمانيه لازم نعرف اولا ايه هي صلاحياته بيتولى سر اسكر القياده العامه لجميع جيوش الدوله العثمانيه سواء شارك السلطان في الحملات او لم يشارك بمعنى ان حتى في حاله وجود السلطان على راس الحمله العسكريه بيكون القائد الاعلى للجيش هو السير اسكر يجب على جميع الضباط وجنود الجيش تنفيذ اوامر السر اسكر دون نقاش وكانها اوامر من السلطان نفسه بيتمتع السير اسكر بصلاحيه تعيين او عزل جميع المسؤولين الكبار في الدوله بما فيهم تعيين الولا في ولايات الدوله العثمانيه او عزلهم فرض وتنفيذ جميع العقوبات السياسيه والاداريه والعسكريه بما فيها عقوبه الاعدام حسب ابراهيم باشا ان نفوذه في الدوله تجاوز الحد المعتاد وخاف من ان الترقيه دي تفتح عليه باب المشاكل والصراع على النفوذ في اروقه القصر العثماني خصوصا انه لم يسبق قبل كده لحد في ظروف ابراهيم باشا الوصول لمنصب زي ده هو برده ما نسيش اصله انه كان عبد عند السلطان سليمان وانه من عيله متواضعه جدا في بارجا وده اللي كان دايما بيلمح بيه خصوم واعداء ابراهيم باشا في القصر بدرجه تصل الى حد التنمر والتندر عليه طلب بتوسل من السلطان سليمان اعفاؤه من المنصب وشرح له خوفه من غيره وحسد خصومه واعدائه وانهم يحاولوا الوقيعه بينه وبين السلطان الا ان حب وثقه السلطان سليمان في ابراهيم باشا كانت اكبر من اي اعتبار واكدوا ان صداقه العمر اللي ما بينهم مش ممكن تتاثر باي وقيعه وعشان يكون مطمن اكتر ادى له وعد وقسم بالامان على حياته مدى الحياه ابراهيم داشا ما كانش مجرد وزير اول او قائد عسكري عادي ده كان العقل اللي خطط لانتصارات الدوله العثمانيه في اخطر معاركها وبكده نكون وصلنا شكرا لنهايه حلقتنا النهارده هنكمل مع بعض قصه حياه ابراهيم باشا في الحلقه الجايه هنستعرض فيها مراحل سقوط ابراهيم باشا ونهايته الماساويه اللي وصلته للاعدام على يد صديق عمره السلطان سليمان منتظرين تعليقاتكم وملاحظاتكم على الحلقه ما تنسوش تتفرجوا على الحلقات اللي فاتت وتدعموا محتوى القناه باللايك والشير والاشتراك وتفعيل الجرس عشان يوصلكم كل جديد شكرا لحضراتكم ‏Yeah.