كيف أنقذتني اللغة الإيطالية وغيرت حياتي بالكامل

من هنا لم تبدا فقط رحله الاندماج بلت الاحلام والطموح تكبر هنا البدايه واحد السلام عليكم ورحمه الله وبركاته تحياتي للاخوه والاخوات تحياتي للناس اللي ضافوا العائله تاعي شكرا لكم بزاف على الدعم والتشجيع تاعكم باش نواصل في هذا المحتوى ملي كتجي خصك تندمج باش تندمج خصك تطول طور من نفسك وتطور من المستوى التعليمي تاعك في الدوله اللي انت كتمشي ليها بحيث انا غنهضر لكم على الدوله اللي انا كنعيش فيها اللي هي ايطاليا اول اشياء اللي خصك دير اول ما تدخل لهنايا هي بطبيعه الحال المسائل القانونيه ديالك نتمنى لاي واحد دخل لهذ البلاد ان المسائل القانونيه دياله تمشي على خير وبخير وثاني حاجه هي اللغه كيفاش تقلب على مدرسه المهم نخلي لكم سميه المدارس هنا الفوق المهم والجمعيات اللي كيقريوا الكبار بالمجان يعني كيعاونوك انك تندمج في اللغه تعلم تهضر بها تواصل بها تعلم تكتب يعني بزاف الحوايج صراحه كيعطيوك بدائيه ما نقولوا بحاللا كتقرا في الابتدائي عرفتي ملي كندخل الابتدائي حنايا كيبداو يعلموك الحروف من الاول طريقه النطق طريقه الكتابه طريقه التشكل يعني كيفاش تشكل الحرف كيفاش انك تقراه ا او بزاف د الحوايج يعني كيمشيو معك الطرق باش تعلم اللغه والحاجه اللي زوينه واللي لاحظتها ان حتى يعني هما كيفاش نقول لكم كيفاش غنوصل كم انهم هما باغينكم تندمجوا باغينكم تعلموا اللغه الكتوبه فابور يعني بالمجان ما كتحتاج تدفع على الكتاب اللي كيعطيوك ا بزاف د الحوايج يعني اول حاجه منين كتمشي كتلقى المدرسه وكتاخذ موعد كتمشي ليها كيعطيوك المهم كيسجلوك بالوثائق ديالك ما انا تسجلت تسجلت كدي فيسكاليجي فوطه وباسبورتو بتاعك ضروري المهم من بعد ما كتسجل كيقولوا لك سير غنرسلوا لك ميساج امتى عندك الموعد ديال القرايه كيعاودوا يديروا معك امتحان في اللغه باش يعرفوا المستوى ديالك فين واصل حيت كاين هنايا صفر ا كاينه الا اونو كاين الادوي بحال انا العام اللي فات قريت الا اونو وهذا العام كنقرا الا دوي يعني المستوى طور واحد شويه الاساتذه اللي كيقريوك كيقريو بواحد المستوى عالي وطريقه الشرح بسيطه جدا شتي حتى لو كان كنت ماكتفهمش يعني اللغه تتقول مستحيل دخل في الطريقه اللي كيشرحوا بها والاسلوب اللي كيوصلوا لك به ما شاء الله الاسلوب الشرح كيفاش انك تفهم كيشرحوا بطريقه بسيطه كتعطيك واحد الخاطر المهم انا عند من قريت لعام اللي فاتشي عند نفس الاستاذه ولكن طريقه الشرح بسيطه طه كيمشيو معك درجه درجه ماكتفهمش كتجي تعاودلك شحال من مره باش تفهم الناس اللي ماكيعرفوش يكتبوا كاع وتعلموا يكتبوا عرفتي العام اللي فات كنت كنقرا مع شي دراري يعني ما عمرهم ما قراوا يعني حتى في المغرب ما عمرهم ما قراوا لا ابتدائي لا اعدادي لا والو يعني ما عمرهم ما مشاو للمدرسه في المغرب ولكن منين جاو لهنا وتقيدوا فبداو كيتعلموا يكتبوا المهم اول كتاب عطاونا فهو بسيط بحال الايامات كنا كنقراو في الروض بحال هذك الطريقه كيفاش تكتب الاحرف كيفاش تعلم تنطقهم كيفاش تعلم تنطق الحرف والحرف اللي حداه عننا ولاحظت ان الايطاليه بسيطه وساهله ماشي صعيبه بزاف غير الواحد خصه يقرا في المدرسه لان المدرسه ماكتقركش السيمانه كامله المدرسه كتقريك يومين في السيمانه فعلك انتيا تزيد شويه في المجهود تاعك باش تقدر توصل لواحد المستوى لان ما ديك اليومين في السيمانه را قليله وتمشي غتحط هذوك الكتوبه ما غدير حتى مجهود من عندك وتسنى حتى هذ السيمانه تجي باش تجي ثاني وتقرا ديك اليومين ف المستوى تاعك ما يزيدش القدام ولكن انت كتمشي وكتعطي وقت ولو نص ساعه في النهار نص ساعه في النهار غتعطيك واحد النتيجه اللي ما كنتيش عواله عليها يعني نضابط واحد نص ساعه في النهار لمده ست شهور فغتلاحظ واحد الفرق كبير في اللغه وفي المستوى تاعك وفي طريقه الهضره وخا انني كنلاحظ بزاف د الناس كيقوللك لا الا ما الا ما اندمجتيش مع الطاليان واخا ولا ما كنتيش خدام وعندك مثلا واحد الفتره انك ما غتخدمش لان الناس اللي كيجيو في الاول ا الوراق ماكيكونوش موجودين يعني المسائل القانونيه ماكتكونش موجوده فانت كضطر كتجلس شهوره في الدار ولا كتبقى غير تخرج هكا كتخدم مثلا يومين ماكتخدمش الشهر كامل كيقوللك الا ما اندمجتيش مع الطاليان ماتعلمش الوقت انا ضد هذ الفكره فكره هي اه ملي كتندمج مع الطاليان كتزيد المستوى تاعك كيتقدم بواحد السرعه صاروخيه ولكن ما نحبطش نفسي انني نقول الا ما خرجت وخدمت واندامجت مع اصحاب البلاد ماغنتعلمش هكا ما عمرك ماطور من نفسك ما عمرك ماطور من المستوى تاعك ما عمرك ماطور من اللغه مهما كان انني نتقيد في المدرسه انا منجي تقيد في المدرسه نهضر على نفسي انا من جيت تقيدت في المدرسه فكنت كنمشي للمدرسه وكنجي ما عاطيه اهمال يعني ماطياش واحد لافورس كبيره اللغه نتعلمها فهمتوا لانني جلست شهوره طوال ما خدمتش وماعطيتش اهميه في الاول اللغه يعني نقول لكم حتى داز واحد ست شهور سبع شهور عاد باش بديت كندير كندير بالي مع اللغه ونبدا نقرا في الدار بحال الوسائل التواصل الاجتماعيه كامله اللي عندي دخلت فيها اللغه الايطاليه لانني ا فوا كنبدا مثلا كيشدك الملل كتقول صافي كدخلفيسبوك كيبداو يطلعوا لك الفيديوهات فانت اوطوماتيكمون كتسنى مع ذاك الفيديو كيكون فيه دقيقه جوج دقائق الانستغرام كذلك يعني وسائل التواصل كامله عمرها بالايطاليه تليفونك ما الامكان ديالك انك تخليه بالايطاليه لان اليوم ماغتفهمش الكلمه ما غدا غتفهمها فهمت دير راسك مع اي حاجه دير راسك مع اللغه لانها هي الوسيله الوحيده اللي غتخليك تندمج بسرعه في هذه البلاد باش تكونوا عارفين لان الوسيله الوحيده اللي كتخليك تندمج وتحس بالاستقلاليه هي اللغه ما كتحتاجش الناس يمشيوا معك للادارات ماكتحتاجش الناس يقضيوا معك الاغراض ديالك لانك انت بنفسك كتقضي الغرض ديالك يعني كتمشي لاي اداره ماشي ضروري كل المستوى ديالك في الايطاليه البي اونو ولا البيدوي باش انك تقضي الاغراض ديالك بوحدك لا خصك تعطي واحد الجهد النفس تاعك وخصك تحيد من بالك ديك القضيه ديال لا انا ما كعرفش مهما كان المستوى ديالك فهنا سبحان الله واحد البلاد منلي كتمشي لاي اداره فهما عندهم واحد الدعم ا ما شفتوش فيشي بلاصه واحده اخرى والله ما شفته فيشي بلاصه واحده اخرى لان هنايا وخا كيكون المستوى ديالك في الايطاليه والو مجرد ان دوك الجوج كلمات كيفهم هو شنو بغيتوصل ليه لان هنايا نقول لكم واحد 99% من الناس اللي الايطاليين اللي كيدعموا الناس يعني كاينه واحد الفئه فئه فين ما مشيتي كتلقاها باش نكونوا واضحين كاينه واحد الفئه اي بلاد مشيتي لها كتلقى واحد الفئه مريضه نفسيا ولكن ماشي مشكله ما تنقولوا كتلقى بنادم اكثر اللي كيعاونك المهم انا نصيحه لاي واحد اي واحد تغرب في شي بلاد ما عليك باللغه لان اللغه كتفتحلك بزاف الافاق وكتخليك تطور من نفسك وكتفتح لك مجالات كبيره وبيبان كبارين يعني هو الرزاق الله سبحانه وتعالى ولكن مادام جيتي لهذ البلاد وقصدتي هذ البلاد فالا انت كتقلب على على العيش الا انك كتقلب على العيش الكريم فانك باش توصل لواحد المستوى ما نقولش الا درتي مجهودك عندك العام الاول العام الثاني كتبدا اللغه نقولوا كتقنها واحد 40% يعني كتولي تواصل مع الناس بواحد السلاسه تاخذ المواعيد الطبيب لراسك تتصل بالادارات لراسك تاخذ المواعيد هذاشي كامل باش توصل ليه هو بواحد الجهد خصك جهد فوق الجهد تاعك باش نكونوا واضحين لان اللي ما عطيتيش اللغه اهميه فانت ما غتوصل لحتى شي حاجه فانت المستوى تاعك غيبقى هابط بزاف وغتبقى مكرفص ومعذب مع اللغه لانك انت في الاول ماطيتيهاش اهميه لانك ملي كتعطيها اهميه والاندماج مع الناس والخدمه وتعطيها الجهد من عندك فانت كتوصل لواحد المستوى كبير اللي ممكن انك تمشي دير كورصات حتى لو جيتي بلا حرفه بلا ديبلوم بلا والو فهنا ايطاليا ما عندهاش سن محدد في الكورسات ما عندهاش سن محدد في القرايه ما عندهاش سن محدد انك تاخذ شي ديبلوم ما عندهمش هذه باش زوينه صراحه هذ البلاد ما عندهاش سن محدد انك تقرا ايوا نتمنى من الناس كاملين انهم يستافدوا من هذا الفيديو وراه غنخلي لكم الطريقه اللي تقلبوا عليها على الجمعيات اللي كيقريو فابور نخليها لكم في اول الفيديو وهنا في الاخر الفيديو ونتمنى من الناس كاملين اللي شافوا هذا الفيديو يبارطاجيو مع اصحابهم وشكرا لكم بزاف وعلى الدعم تاعكم ونهاركم مبروك ومع السلامه