كيف يدرس العلماء الطقس شرح درس مراحل دراسة الطقس علوم سادسة ابتدائي الترم الثاني

يا اهلا بيكم يا شطار عمركم سالتوا نفسكم ازاي بنعرف الجو بكره هيكون عامل ايه؟ الموضوع مش تخمين ده علم كبير وممتع جدا تعالوا نعرف الحكايه مع بعض عشان ندرس الطقس صح بنمشي على كام مرحله واولهم هي جمع البيانات الخبراء بتوع الارصاد عشان يتوقعوا الجو صح لازم يجمعوا معلومات كتير من كل مكان والمعلومات مات دي لازم تكون من اماكن كتير يعني بيجمعوا بيانات من كل حته على كوكب الارض ومن ارتفاعات مختلفه من اول الارض اللي ماشيين عليها لحد فوق في السماء وكمان في اوقات مختلفه ساعات بيجمعوا بيانات لفترات قصيره وساعات لفترات طويله وكمان تكون قياسات متنوعه زي درجه الحراره وضغط الهواء والرطوبه وسرعه الرياح وطبعا بيستخدموا ادوات ذكيه جدا تساعدهم زي ادوات قياس الطقس زي مثلا الترمومتر وده اللي بنقيس بيه درجه الحراره والبارومتر وده بيقيس الضغط الجوي والانيمومتر وده اللي بيعرفنا سرعه الرياح ومش بس كده في ادوات ثانيه مهمه زي مقياس المطر وده بيعرفنا كميه المطر اللي نزلت قد ايه بالظبط ورادار الطقس وده جهاز قوي بيعرفنا سرعه المطر وهو نازل وكمان بيعرفنا لو في عاصفه او اعصار جاي من بعيد. طيب الادوات دي بتوصل للسما ازاي؟ باستخدام اجهزه حمل ادوات القياس زي بالونات الطقس. بالونه كبيره بتطير لفوق ومعاها اجهزه القياس والطيارات اللي بتطير وسط السحاب وتجمع معلومات. كمان الاقمار الصناعيه ودي بقى بتصور الارض من الفضاء. وبتقول لنا الاعصار رايح فين بالظبط. كمان اجهزه نقل البيانات دي اجهزه مصممه لنقل البيانات من محطات الارصاد الجويه او الاقمار الصناعيه للعلماء وبعد كده بتيجي المرحله الثانيه بس هنعرفها بعد ما تجاوب على السؤال اللي على الجزء ده. يلا بسرعه يا ابطال قولوا لنا الاجابه في الكومنتات. المرحله الثانيه بقى تحليل البيانات اهم اداه هنا هي الخريطه الخريطه دي مش مجرد رسمه دي بتلخص لنا كل حاجه لانها بتمثل البيانات بتحط لنا الحراره والضغط والرطوبه في شكل سهل نفهمه وكمان توصيل المعلومه هي دي اللي بتشوفها في النشره الجويه عشان تعرف هتلبس ايه وانت نازل. طيب بعد ما جمعنا المعلومات وحللناها تفتكروا كده خلاص؟ لا طبعا لسه في خطوه مهمه جدا وهي اننا نربط كل المعلومات دي ببعضها. خبراء الارصاد الجويه بيعملوا حاجتين مهمين جدا بيستخدموا معلوماتهم اللي يعرفوها يعني بيشوفوا ازاي شكل الارض زي الجبال او الهضاب ممكن ياثر على حركه الهواء والسحاب في المنطقه دي وبيستخدموا الكمبيوتر بس مش اي كمبيوتر دي اجهزه قويه جدا بتعمل نماذج تتوقع ازاي الحراره والهواء والمطر هيتفاعلوا مع بعض ويطلعوا حاله الجو ممكن حد فيكم يسال يا ميس طالما عندنا اجهزه قويه وخرايط ليه ساعات بيقولوا الدنيا هتمطر وما بتمطرش ده لان الجو صعب جدا حد يتوقعه بنسبه 100% لفتره طويله والسبب هو تغيرات صغيره جدا ساعات تحصل حاجه بسيطه خالص في درجه الحراره او سرعه الهواء احنا مش شايفينها الحاجه الصغيره دي ممكن تغير شكل الجو تماما الاسبوع الجاي كمان الجو بيتغير بسرعه الظروف الجويه ممكن تتبدل في لحظه وبشكل مفاجئ وده بيخلي التوقع صعب شويه عشان كده العلماء دايما بيكلمونا باسلوب الاحتمالات يعني يقول لك احتمال الدنيا تمطر النهارده بنسبه 40% وده معناه ان في فرصه للمطر بس مش اكيده تماما يلا قول لنا اجابه السؤال على الجزء ده في الكومنتات ويلا بينا نكمل يا بطل تعالوا بقى نجرب تجربه هتفهمنا ليه في اماكن في العالم حر واماكن ثانيه برد هنحتاج لمبه كهرباء وطبقين وساعه او مؤقت وترمومتر لقياس الحراره ومسطره كمان 150 ملي رمل و150 ملي ميه الخطه كالاتي هنحط الرمل في طبق والميه في طبق ثاني وبعدين هنحط ترمومتر في كل طبق علشان نقيس درجه الحراره في البدايه وهنحط اللمبه على ارتفاع حوالي 10 سم فوق الطبقين ونشغل اللمبه ونبدا نقيس درجه الحراره كل دقيقه لمده 10 دقائق بعد كده نطفي اللمبه ونقيس الحراره ثاني كل دقيقه لمده 10 دقائق بعد ما سجلنا درجات الحراره كل دقيقه نقدر نعمل رسم بياني بسيط علشان نفهم النتائج اكت هنلاقي ايه بقى لما اللمبه كانت شغاله زي الشمس في النهار لقينا ان الرمل سخن بسرعه اكت من الميه بعد 10 دقاق حراره الرمل زادت حوالي 14 درجه وحراره الميه زادت حوالي اربع درجات بس لما اللمبه اطفت زي الليل لقينا ان الرمل برد اسرع من الميه بعد 10 دقائق حراره الرمل قلت حوالي 12 درجه وحراره الميه قلت درجه ونص بس يعني نستنتج ايه ان الرمل بيسخن بسرعه وبيبرد بسرعه والميه بتسخن ببطء وبتبرد ببطء طيب ده بيحصل فين في الطبيعه في الصحرا النهار بيكون حر جدا والليل بيكون بارد عشان الرمل بيسخن ويبرد بسرعه كمان المناطق اللي جنب البحر النهار بيكون معتدل والليل برده معتدل عشان الميه بتسخن وتبرد ببطء وعلشان كده المدن اللي جنب البحر بيكون جوها الطف من المدن الصحراويه. وبكده نكون خلصنا درس النهارده ما تنساش تشوف الاسئله اللي في اخر الفيديو وتقول لنا اجابتك في الكومنتات واشترك في قناه السكول على اليوتيوب علشان تتابع الشرح الجديد اول باول ولو عاوز توصل للفيديوهات بسهوله هتضغط هنا على بلاي ليست او قوائم التشغيل هتلاقي بلاي ليست العلوم بالفيديوهات كامله كمان ادخل جروبات ه ابتدائي عربي ولغات مع السكول على الفيسبوك والواتساب هسيب لك الروابط في وصف الفيديو ولو عندك اي سؤال اكتبه في الكومنتات ونشوفكم في فيديو جديد ان شاء الله