how to draw any thing like a pro 2 Method كيف ترسم أى شى مثل المحترفين

اكتر سؤال محير كل مبتدئ في الرسم هو ليه لما باجي ارسم رسمة بتطلع معايا بالشكل ده رغم اني بصيت على الصورة كتير جدا و حاولت اقلدها او اطلع زيها بالظبط او ارسم زي الرسامين المحترفين ولكن دايما يا الرسمة بتطلع معايا كبيرة جدا وابعادها بايظة يا اما صغيرة خالص وابعادها برضو بايظة وطبعا بيجلنا احساس اننا فاشلين جدا في الرسم او ان مثلا الرسامين المحترفين دول عاملين بالظبط زي الابطال الخارقين مش هنقدر نوصل لهم مهما عملنا وعمرنا ما هنرسم زيهم ابدا. انا كمحمد في بدايتي قعدت افكر كتير وابحث لقيت ان الرسامين المحترفين دول مش بيبصوا بنظرة كلية للحاجة. يعني بيقسموا الصورة اللي بيرسموها لاجزاء صغيرة وبسيطة عشان يقدروا يرسموا اي تكوين بسهولة جدا. وكمان يقدروا ينجحوا في ظبط اي نسب لاي تكوين او رسمة هم عايزينها. مثال يعني لو الرسام المحترف ده بص للطائر مثلا بنظرته الجزئية اللي انا بقول لكم عليها دي. وهو بيرسمه. بيقعد يقسمه ويبسطه لنفسه زي الناس اللي بيحلو بالظبط المعادلات والمسائل الرياضية عشان يبسطو المسألة عشان يقدرو يحلوها بسهولة جدا الرسامين برضو بيعملو كده بالظبط يفضلو يبسطو الرسمة اللي بيعملوها او يقسموها لاشكال معينة عشان يقدرو يوصلو للرسمة ويطلعوها بالظبط او يعني بنسبة زي الصورة مية في المية مش بس كده عرفت كمان ان اي رسام محترف بيعتمد على طرق معينة عشان يقدر يرسم اي حاجة في الكون بسهولة جدا تعالو بعد الفاصل ونشوف ازاي هنرسم زي اي رسام محترف بسهولة جدا ونستخدم الطرق المعينة اللي بقولكو عليها بعد ما نعرفها. دلوقتي هنشوف مع بعض اي رسام محترف ايه اللي بيعمله عشان الرسمة تطلع معاه زي الصورة بالظبط وبطرق سهلة جدا في الغالب او المعظم اي رسام محترف بيعتمد على طريقتين في رسم اي صورة او اي تكوين عشان النسب والابعاد تطلع معايا بشكل مظبوط وصحيح في الرسم بتاعو اول طريقة بيستخدمها اي رسام محترف هي طريقة اسمها طريقة التبسيط التبسيط ان انا بدل ما حاجة معقدة قدامي انا بخليها بسيطة جدا واقدر احلها بسهولة جدا طريقة التبسيط دي هي انك بتستخدم الاشكال الهندسية مع الصورة عشان تقدر بسهولة جدا وممكن تستخدم خطوط لتبسيط الشكل. او تستخدم دواير او اي شكل هندسي انت بتحبه. عشان تقدر تظبط النسب بتاعة الرسمة. بسهولة جدا. وتقدر توصل للشبه بالظبط. واه في وقت سريع كمان. وطريقة التبسيط دي بتبقى عبارة عن اني بقسم الشكل بتاعي. او التكوين اللي برسمه لدواير او اشكال هندسية. والدواير دي غالبا بتبقى متقاطعة مع بعضها في اجزاء معينة. وفي النهاية بوصل الدواير دي ببعضها عشان اكون الرسمة بتاعتي او التكوين اللي برسمه بسهولة جدا ومن غير ما اتلخبط في اي نسب ولا ابعاد الموضوع بيطلع معي بشكل سلس وبسيط. اما الطريقة التانية اللي بيستخدمها الرسامين في تبسيط الصور هي طريقة اسمها المحاور. ايه المحاور دي? المحاور دي هي اني بقسم الصورة بتاعتي لخطوط بالطول او بالعرض. عشان اقدر اظبط النسب بتاعتي للصورة او التكوين واقدر كمان ارسم اي حاجة قدامي. هنشوف مثال واضح لطريقة التبسيط مع بعض بس قبل ما اقولكو طريقة التبسيط تعالو اقولكو احنا بنرسم كلنا ازاي او في المعظم عشان كده الرسمة بتطلع معانا غلط احنا بنبص للصورة اللي بنرسمها كشكل كلي يعني لما بنيجي نرسم حمامة مثلا مثال بسيط جدا بنرسمها بالشكل ده بتطلع معانا غلط جدا لان احنا رسمنا الرسمة بشكل كلي مقسمنهاش لاجزاء صغيرة بعد كده بدأنا نربط الاجزاء دي ببعضها عشان الرسمة تطلع معانا بالظبط عشان كده دلوقتي المثال ده هنرسم بالتبسيط هنقسم الحمامة دي مع بعض لدواير بسيطة جدا هنعمل فيها الراس بتاع الحمامة ودايرة فيها الجسم بتاع الحمامة. وطبعا هنوصلهم ببعض بسهولة جدا. ونبدا نكون بقيت الجسم بتاع الحمامة. هتحس ان الموضوع يعني بقى سلس وسهل قوي. عشان احنا اشتغلنا ببساطة واحنا فاهمين. فالرسمة هتطلع معنا بسهولة جدا. وهنرسم زي اي رسام محترف بنستخدم طريقة التوصيل دي. وطبعا لو لاحظنا في الرسمة هنلاقي ان الدواير دي بتبقى متقاطعة مع بعضها في نقط معينة. عشان ابدأ اوصل الدواير دي ببعضها. عشان ارسم الشكل اللي انا عايزه. لازم ناخد بالنا ان احنا بنرسم الدواير دي بشكل خفيف. لانها ببساطة بتبقى ارشادية ليا. بمعنى اني بستخدمها لحد ما تسهل لي الشكل. وببدأ امسحها بالاستيكة او الممحاة بتاعتي عشان امشي على الخطوط الرئيسية للشكل واوصل للرسمة النهائية بتاعتي بسهولة جدا. طب الطريقة التانية اللي احنا قلنا عليها طريقة المحاور اللي بيستخدمها الرسامين المحترفين دي. تعالوا نشوفها مع بعض في رسم التكوينات عاملة ازاي? المحاور بتبقى عبارة عن خطوط بالطول او خطوط بالعرض. بنقسم بيها التكوين او الشكل بتاعنا اللي عايزين نرسمه. يعني مثلا احنا عارفين ان الخط ده بيقسم الوش لجزئين قد بعض. بيخلي الجزء اليمين قد الجزء الشمال. ده لو هنتكلم عن الخطوط اللي بتترسم بطريقة طولية في الرسمة بتاعتنا. اما الخطوط اللي بالعرض بنستخدمها امتى في الرسمة بتاعتنا? لما نكون عايزين نظبط نسب العيون جنب بعضها. لان في ناس مبتدئين كتير جدا بيشتكوا انهم مش بيعرفوا يظبطوا العين. بيعملوا عين تحت مثلا شوية وعين مرفوعة عنها او في مكان تاني خالص. فهتلاقيهم دايما مش بيستخدموا المحاور في الشغل بتاعهم زي الرسامين المحترفين. وغالبا اي رسام محترف بيستخدم الطريقتين اللي بقولكم عليهم دول مع بعض في الرسمة بتاعته. ياما طريقة المحاور او طريقة التبسيط عشان يطلع الرسمة زي الصورة بالظبط وابعاد الرسمة والنسب بتطلع معاه مظبوطة تماما ويطلع معاه في النهاية رسمة متقنة ويوصل للشكل اللي هو عايزه برضو من الطرق اللي بيستخدمها الفنانين المحترفين وتعتبر هي جزء من طريقة التبسيط ان هو بيحول اي رسمة او صورة عايز يرسمها لاصلها الهندسي زي مثلا لو عايز ارسم كورة ببدأ الاول اعمل دايرة وافضل اجسم في الدايرة دي لحد ما اوصلها انها كورة فكده وصلتها لاساسها الهندسي وبسطها وقدرت اجسم الصورة بسهولة جدا مثلا لو هرسم وش ببدأ اعمل دايرة برضو عشان اساس الجمجمة هي دايرة فبجيب اصلها الهندسي وابدأ اضيف التظليل بتاعي لحد ما بكون الوش واجسمو زي ما انا عايز بالظبط تعالو نشوف مع بعض مثال عشان نوضح ازاي الرسامين بيستخدمو كل طرق التبسيط اللي حكينا عليها دي مع بعض في اي رسمة او اي صورة عشان تطلع معاهم بسهولة جدا وفي وقت سريع خالص هنشوف دلوقتي ازاي بيستخدم الرسامين المحترفين معظم طرق التبسيط ويطلعو الرسمة جميلة ومتقنة ويطلعوها كمان بطريقة سهلة جدا طبعا النمر الغلط اللي هو فالاتجاه الشمال ده كلنا بنعملو كده لان احنا بنرسم بطريقة كلية زي ما اتفقنا فاول الفيديو اما المحترف هيبدأ يعمل ايه؟ هيرسم نقط او اربع خطوط ويوصلهم ببعض عشان يكون الدايرة ده عشان الناس اللي مبتعرفش تكون دايرة مرة واحدة هوا حتى بيبسط الدايرة عشان يقدر يرسمها بسهولة جدا فكده هوا استخدم التبسيط بعد كده بيرسم المحاور بيرسم خط بالطول وخط بالعرض كده اشتغل بالمحاور في الرسمة دي هيخلي الخطوط دي تتقاطع مع بعضها في مكان معين ويرسم دايرتين لتبسيط العيون لو لاحظنا مع بعض هنلاقي ان الاساسيات بتاعة الرسم او الخطوط المبدئية مرسومة بشكل خفيف عشان الرسام المحترف بيستخدمه كخطوط ارشادية ليه بيستخدمها تسهلو الرسم او تجيبلو النسب صح بعد كده بيمسحها خالص ويبدأ يجسم الرسمة بتاعتو وده اللي بيفرق الرسام المحترف عن الناس اللي لسه بتبدأ الطريقة دي بتسهل اي رسمة لاي حد نفسو يتعلم الرسم وهتخليك كمان تعرف ترسم او عمرك ما مسكت قلم في حياتك ورسمت ليه حاجات لازم تعرفها كرسام مبتد عشان لما تيجي ترسم تبدأ على اساس قوي جدا وتبقى كمان فاهم الرسم ماشي على انهي اساس حتى لو مش هتستخدمها بس هي اساسية ومهمة ولو بدأت بيها هتخلي مستواك قوي جدا وفي حتة تانية في الرسم طب المحاور والتبسيط دي الرسامين بيعرفوها على اساس ايه على اساس علم كبير هو علم التشريح وعلم التشريح ده يا جماعة بيستخدم في اكبر العلوم في علم الاحياء وعلم الطب والهندسة وهو اساس الفن ودايما هتلاقو علم التشريح ده بيهتم بكل جزئية فاي تكوين زي مثلا لو اتفرجنا على تشريح الحصان مع بعض سبحان الله يعني هتلاقو فيه اعجاز التشريح ده يا جماعة هو اللي بيبسط لنا اي حاجة عشان نقدر نرسمها كاملة بطريقة سهلة جدا ولو عرفت الطريقتين دول في التبسيط اللي هو طريقة التبسيط والمحاور هتقدر تسهل على نفسك رسم اي شكل وهتقدر ترسم اي شخص كمان وهو قاعد قدامك اللي هو الرسم المباشر او رسم اللايف عشان في ناس كتيرة جدا بتسألني اللي هو انت ازاي بترسم شخص وهو قاعد قدامك وبيتحرك هو الموضوع مش معجزة ولا صعب ولكن لازم تبقى عارف الاساسيات دي عشان تقدر ترسم اي حاجة سواء في ورقة او اسكتش او حاجة بتتحرك قدامك او الكلام ده كلو الفيديو ده من اهم الفيديوهات لكل مبتدئ في الرسم لان اساس الرسمك كله هيبقى مبني عليه وغالبا كمان مش هتلاقي اي رسام محترف مبيستخدمش الطرق دي في الرسم بتاعه محدش بيرسم الرسمة ككل يعني مثلا ببص على الانسان بقوم جاي رسم كله مع بعضو لازم ابسطها عشان اقدر ارسمو بسهولة جدا والفيديو فيه علم وثقافة عامة لكل الناس اللي مش مهتمة بالرسم اما الناس اللي مهتمة بالرسم هو هيفضل الاساس بتاعك عشان تقدر ترسم اي حاجة بسهولة جدا او كمان لو عايز ترسم من خيالك الكلام ده هيسهل لك رسم الخيال كمان عشان يبقى اساس قوي في الرسم وبكده خلصنا الفيديو لو اول مرة تشوفوني متنسوش اللايك والاشتراك في القناة وتفعيل زر الاشعارات عشان الفيديوهات بتاعتي توصلكو اول باول عايز اقولكو في النهاية يا جماعة اللايك بتدعمني جدا وشير للفيديو عشان يوصل لاكبر عدد للمبتداين ويبدأو رسم صح اشوفكو في فيديو جديد يا اجمد فنانين في الكوكب