كيف كانت الارض ‎‏قبل 145 مليون سنة ‏‎خلال عصر ازدهار الديناصورات‎ العصر الطباشيري المبكر

تخيل كده انك ماشي في غابه كثيفه ورطبه والدنيا ضلمه وده لانك مش شايف السما من كثرة الاشجار الاشجار حواليك جذوعها ضخمه بشكل مش طبيعي لدرجه انك ممكن تاخد اكثر من ساعه علشان تلف حوالين شجره واحده منهم بس وفي السما ممكن تشوف مخلوقات غريبه وعجيبه ولما تبص حواليك على الارض بتلاقي عمالقه بيعدوا من الغابه وبيسحقوا اي حاجه قدامهم تخيل ان الدرع الواقي بتاعهم ما فيهوش حتى نقطه واحده مكشوفه ده عالم غريب جدا يمكن يكون كوكب تاني بعيد يمكن يفكرك بكوكب باندورا من فيلم افاتار بس حكايه النهارده مش محتاجه تروح لبعيد في الحقيقه الارض كانت كده من اكثر من 100 مليون سنه في العصر الطباشيري كان الكوكب مليان مخلوقات مذهله تخيل ديناصور ضخم وزنه عده اطنان بيهز الغابه كلها بخطوه من رجليه العملاقه ولو الاشجار ولعت فيها النار العملاق ده يقدر يطفيها بسهوله حتى لو النيران دي كانت فوق قمه الاشجار كل اللي محتاج يعمله ان يمد رقبته الطويله كانها خرطوم طويل بس طبعا الديناصور ده ما كانش بيطفي نار ولا حاجه هو بس كان بيستخدم رقبته الطويله علشان يقدر يوصل لاكلته المفضله واللي كانت زي الاوراق الطريه المليانه بالعصاره اللي كانت دايما فوق قمة الاشجار العصر الطباشيري كان مليان كائنات عجيبه العلماء بيقولوا ان كان في حيوانات شبه النعام والكنغر واللي كانوا موجودين في بدايه العصر ده وكمان بيقولوا ان الزواحف القديمه كانت بتعمل نوادي قتال حقيقيه وده عشان تدرب الديناصورات الصغيره و تحضرهم لحياتهم المقبله اهلا بيكم في العصر الطباشيري المبكر انا محمد قنديل ولو انت اول مره تشوفني قهوتك واللايك والاشتراك وتعال معايا في المتاهة العصر الطباشيري بدا من حوالي 145 مليون سنه والعصر ده هو اطول عصر من عصور حقبه الميزوزويك العلماء قسموا العصر الطباشيرى لجزئين العصر الطباشيرى المبكر والعصر الطباشيرى المتاخر وده طبعا لتسهيل دراستهم هنا بنعرف ان العصر الطباشيري المبكر بدا من 145 مليون سنه وانتهى 101.5 نص مليون سنه يعني تقريبا استمر لفتره 45 مليون سنه وطبعا مقارنه بالعصر الجوراسي الارض اتغيرت جدا وده طبعا بعد ما حصل الانقراض الجوراسي الطباشيري الانقراض اللي تحسه ان الكوكب بيحاول ينظم نفسه من جديد لحد النهارده العلماء مش متاكدين بنسبه 100% من السبب الرئيسي للانقراض لكنهم بيقولوا ان ممكن تكون التغيرات المناخيه كانت كبيره في الفتره دي او ممكن يكون حصل بسبب انخفاض في نسب الاكسجين في المحيطات او حتى ممكن نشاط بركاني قوي عمل اضطرابات بيئيه المهم اللي نعرفه انه حصل وقتها تحول في السلاسل الغذائيه واللي اعادت بالفعل تشكيل النظم البيئيه مره اخرى هنا بنعرف ان الديناصورات العملاقه اختفت بشكل جزئي وان ديناصور زي الاستيجوصوروص انقرض لكن بسرعه بدا يظهر انواع جديده من الديناصورات واللي بالفعل احتلت قمه الهرم الغذائي واللي بالطبع استمر في الازدهار على الارض في العصر الطباشيري المبكر الكوكب كان عباره عن قارتين قاره لوريجيا وقاره جوندوانا في الفتره دي بدات التحولات التكتونيه تتحرك بشكل ضخم وواسع علشان تبدا في تشكيل قارات الارض الحديثه بشكلها الحالي هنا بنشوف توسع المحيط الاطلسي وتشكل صفائح امريكا الشماليه تقريبا من حوالي 110 مليون سنه بنشوف بدايه انفصال جوندوانا علشان تنفصل امريكا الجنوبيه عن قاره افريقيا وكمان بنشوف توسع اكبر للمحيط الاطلسي وبرده بنشوف الهند بدات تتحرك شمالا في المحيط الهندي وكمان استراليا والقاره القطبيه الجنوبيه بداوا في التشكل والتكون بشكلهم الحديث هنا بنعرف ان في بدايه العصر الطباشيري المبكر مناخ كوكب الارض كان بارد نسبيا واستمرت البروده من عصر الجوراسي المتأخر لحد بدايه العصر الطباشيري المبكر وفي ادله بتشير الى ان تساقط الثلوج كان شائع في المناطق القريبه من القطبين كمان المناطق الاستوائيه كانت اكثر رطوبه وحراره لكن مع مرور الزمن اصبحت الارض في العصر الطباشيري المبكر اكثر دفئا حتى اكثر من دلوقتي المناخ الرطب والدافئ ده كان سبب في انتشار الغابات بشكل اكبر في العصر الطباشيرى المبكر وطبعا الغابات دي كان منتشر فيها الاشجار كاسيات البذور واللي زي السكاديات والجينكو والنيتروفيت هنا برض العلماء بيوضحوا ان الاشجار الصنوبريه كانت بتنمو بالقرب من القطبين وكمان برضو نمت انواع كتيره من اشجار السرخسيات في الغابات وسيطرت كل سلالتها تقريبا على الغابات وقتها وبالمناسبه في نوع من السرخسيات اسمه بوليبوتيالس النوع ده كان منتشر جدا في العصر الطباشيري المبكر لدرجه انه كان بيشكل 80% من السرخسيات اللي كانت موجوده على الكوكب هنا بنعرف ان البوليبوتيالس كان اهم شيء بيميزها هو احساسها بالضوء النوع ده من السرخسيات كان بيقدر يقوم بعمليه البناء الضوئي في ضوء منخفض جدا وده على الرغم من وجود اشجار ضخمه حواليه واللي بتمنع دخول كميه كافيه من الضوء ليها هنا طبعا نتيجه ان القارات كانت بدات في التشكل وكان في حركه كبيره للصفائح التكتونيه في الفتره دي كل ده كان سبب في ظهور البحار الضحله الدافئه ووجودها في العصر ده على مساحات شاسعه وطبعا عاشت مجموعات واسعه من الكائنات البحريه في المسطحات المائيه هنا بنشوف ان اسماك الرايز اصبحت منتشره وكمان اسماك القرش بشكلها الحالي وكمان الاسماك العظميه هنا بنعرف ان الاسماك العظميه الضخمه الاكسلروديكسيس كانت موجوده في البحيرات البحريه والبحيرات العزبه والانهار كان طول معظم الانواع دي بيتراوح ما بين متر 1 ل 2 الاكسلروديكسيس كانت بتتغذى على الاسماك الصغيره والكريل وكمان كان عندها جمجمه مسطحه وممدوده وده كان بيخليها تقدر تاكل الاسماك اللي بين الحجاره والشقوق والصخور تحت الميه هنا بنروح علشان نشوف نوع من انواع البليصورات هنا بنشوف الماكيرا روزيكا الماكيرا روزيكا كان طوله 5 متر وكانت رقابته قصيره وكان اطرافه عباره عن زعانف الكائن ده كان عنده اطراف خلفيه واربع اطراف بزعانف طويله مستقيمه طبعا كل ده كان سبب ان البليوصور ده يكون عنده القدره على السباحه بسرعه وكمان صيد الاسماك والحيوانات المائيه بشكل افضل واللي مجرد دخولها فم الماكيرا روزيكا مكنش عندها فرصه للهروب العلماء بيعتقدوا ان اسنان الحيوان ده كانت فريده من نوعها وطبعا الاسنان دي كانت سبب قوي انه يقدر يمسك الاسماك الزلقه بسهوله وانه يقدر يقطعها بسرعه لقطع صغيره قبل ابتلاعها هنا بنروح لنوع ثاني من البليوصورات واللي اسمه الايلاسموصورصالايلاسموصورص كانت بتتميز برقبتها الطويله واللي كان فيها من 32 ل 76 فقره في بدايه العصر الطباشيري الايلاسموصورص كان طوله حوالي 6 متر لكنه بعد كده وصل طوله من 10 ل 14 متر ووزنه كان بيوصل ل 3 طن الايلاسموصورص كان بيتغذى بشكل رئيسي على القشريات والرخويات وطبعا رقبتها الطويله ساعدتها توصل لاعماق كبيره في الماء علشان تقدر تصطاد غذائها بسهوله هنا بنسيب الميه ونروح للسما علشان نشوف الاركيوبتركس واللي كانت منتشره بشكل كبير في العصر الطباشيرى المبكر الاركيوبتركس كان شكل الغراب وكان عنده منقار منحني واسنان حاده جدا طبعا الاسنان دي كانت بتساعدها تمزق فريستها بسرعه وفريسه الاركيوبتركس كانت أي زاحف صغير او سمكه صغيره او حتى حشرات لكن معظم الحيوانات المفترسه في السماء كانت مشغوله بزاحف مجنح قوي زاحف من نوع البتيروصورات اللي بيطيروا سراعات هنا بنشوف الاكران دريكو طبعا حضرتك دلوقتي هتفتكر كوكب باندورا من فيلم افاتار المخلوق ده بيشبه بشكل كبير الاكران الموجود في فيلم افاتار ده ان ما كانش صناع الفيلم اقتبسوه من الاكران دريكو هنا بنعرف ان الفك السفلي للاكران دريكو كان ليه جزء مزخرف العلماء بيقولوا ان الجزء ده ساعد الاكران انها تعلق السمكه وتمسكها بقوه باسنانها والجزء ده كان طوله 3 سم على حافه فك الاكران وكمان اسنانها كان طولها 4.5 سم وكمان بنعرف ان الاكران دريكو كان عنده جزء في مؤخره الفم عامل زي الجيب بتاع البجعه دلوقتي الجيب ده كان بيقدر يخزن فيه الاكل الاكران دريكو كان طوله من 2 ل 3 متر وكان طول جمجمته الطويله بيتراوح ما بين 26.8 سم ل 28.6 سم هنا هنسيب السماء ونروح للارض على الارض الغابات الرطبه كانت مليانه انواع كتير من الحشرات منهم انواع جديده مكناش نعرفها قبل كده انما اللي نعرفه النهارده كان وقتها بدا يكون مستعمراته وبدات كمان اقارب الفراشات والعث يطيروا في السماء المن كان عايش على الشجر والجنادب او الجراد كانت بتغني في وسط الغابات والدبابير كانت بتطير وسط الاشجار وكمان بنعرف ان النمل الابيض كان موجود برضو النمل الابيض كان ليه دور مهم في انه يحلل بقايا النباتات يعني باختصار كان بينظف البيئه وده تقريبا نفس اللي بيعمله دلوقتي في النظم البيئيه الحديثه طبعا كل ده معناه ان النمل الابيض من ايام ما قبل التاريخ كان بيقوم بنفس الشغلانه علماء الحفريات كمان بيعتقدوا ان الحشرات ساعتها كانت بدات تطور سلوك اجتماعي وبدات تبني اعشاش مع بعض بس اللي نقدر نقوله في الفتره دي ان الكوكب كله تقريبا كان مليان بالزواحف واللي كانت عباره عن ديناصورات وسلاحف وتعابين واللي كانوا عايشين في الغابات والمسطحات المائيه لكن اللي نقدر نقوله ان الزواحف دي كان اغلبها ديناصورات في الوقت ده كان في انواع من الديناصورات في حجم الفرخه لكن في الغالب الديناصورات الكبيره هي اللي سيطرت على الكوكب هنا بنشوف الاستروثيوميموس ودي ترجمته الحرفيه باللاتينيه مقلد النعام وده لانه بيشبه بشكل كبير النعام طول الحيوان ده كان حوالي 4.3 متر ووزنه حوالي 150 كيلو غرام الحيوان الغريب ده كانت عيونه كبيره وجميله جدا لكن كان فكه بدون اسنان كمان الحيوان ده كان عنده ازرع وايدي طويله ورفيعه وكانت كل اصابع الزاحف تقريبا بنفس الطول وكمان مخالبها كانت منحنيه كل الخصائص دي كانت بتسمح انها تقدر تمسك اوراق الاشجار النباتيه العلماء بيعتقدوا ان الحيوان ده كان بمثابة فريسه للحيوانات المفترسه الكبيره في العصر الطباشيرى المبكر ومع ذلك مكنش سهل اصطياد الاستروثيوميموس وده لانها كانت بتتميز بوجود اطراف خلفيه قويه بشكل غير عادي وكمان ذيل قصير غير صلب نسبيا وده طبعا كان سبب كبير ان الحيوان ده يكون سريع جدا في الجري وعنده القدره على التوازن في المنعطفات العلماء بيتوقعوا ان الحيوان ده كان بيجري بسرعه تتراوح ما بين 50 ل 80 متر في الساعه وده طبعا كان سبب مباشر في قدرته في الهروب من اعدائه هنا بنروح لحيوان عشبي اخر الميمينكيصورص الميمينكيصورص كان عنده رقبه طويله جدا لدرجه ان طول الديناصور ده وصل ل 26 متر ووزنه 80 طن وطول رقبتها لوحدها 14 متر وعلى الرغم من طوله العظيم ده ان الميمينكيصورص لم يكن اطول ديناصور هنا بنروح علشان نشوف السيزموصوروص السيزموصوروص طول جسمه 36 متر ووزنه كان بيتراوح ما بين 30 ل 50 طن هنا بنعرف ان السيزموصوروص كان بيعيش بالسهول والمستنقعات الديناصور ده كان محب للمياه وكان بيقضي معظم وقته في المياه وكان بيعيش دايما في قطعان وده عشان يقدر يحمي ويحافظ على صغاره طبعا الديناصور ده كان عشبي كان بيتغذى بشكل رئيسي على نباتات المستنقعات المائيه لكن بالطبع لا يمكن مقارنه اي ديناصور بالانكيلوصور الانكيلوصور هذا الكائن المدرع بالكامل من اول راسه لحد رجليه بيتهيألي كائن زي ده لم يكن يخاف من اي حيوان تاني في العالم هنا بنعرف ان جسم الانكيلوصور كان مغطى بالكامل بصدفه على شكل مسامير وصفائح عظميه تخيل ان حتى الجمجمه والذيل وكمان الجزء السفلي من الفك كان مدرع تخيل ان على الرغم من القوه دي الا ان الانكيلوصور ما كانش بيهاجم الحيوانات الاخرى وده لانه كان حيوان عشبي بكده بنعرف انه استخدم دروعه لحمايه نفسه فقط من هجمات الاعداء وخصوصا الحيوانات المفترسه بشكل عام الانكيلوصور كان عنده اربع رجول ضخمه قصيره لكنها كانت قويه جدا هنا بنعرف ان الحيوان ده كانت بطنه كبيره لدرجه ان كان بينها وبين الأرض 30 سم فقط كمان الديناصور ده كانت اسنانه مثلثه ولسانه كان طويل مرن وكل ده كان بيمكنه من التنفس اثناء مضغى اوراق النباتات تخيل ان الانكيلوصور كان بيقدر ياكل طن من الخضره يوميا الانكيلوصور كان بيحب ياكل النباتات اللي طولها متر او اقل من متر بالتأكيد كل الديناصورات المفترسه كانت حذره جدا من الاقتراب من الانكيلوصور حتى التيرانوصورص نفسها كانت حذرا الاقتراب من الديناصور ده هنا نروح علشان نشوف الT- Rex او التيرانوصوروص التيرانوصوروص بدات بالفعل السيطره على الحياه بين الديناصورات اكلة اللحوم التيرانوصوروص حاسه الشم عندها كانت قويه جدا وكمان كان عندها رؤيه حاده وكمان فك قوي جدا واللي كان بيتميز بوجود اسنان حاده وقويه طول التيرانوصوروص كان بيوصل ل 12 متر ووزنه من 8 ل 9 طن وعشان كده كان التيرانوصوروص بيمتلك كتله عضليه مثيره للاعجاب العلماء بيقولوا ان التيرانوصوروص كان بيمتلك قوه ما حدش يقدر يتخيلها لدرجه لانه كان بيدرب صغاره في سن مبكر على الصيد لا وكمان كان عامل لصغاره نوادي للقتال علشان يتعلم من خلالها القتال بشكل قوي بعدها لما الصغير يكبر ويقدر يصطاد فريسته بنفسه كان بيحب دايما يصطاد بشكل فردي وكان بياكل في الوجبه الواحده من 120 ل 150 كيلو غرام من اللحم وكان بيفضل شبعان بعدها لعده أيام علشان بعدها يهاجم فريسه ثانيه طبعا قوه التيرانوصوروص الرهيبه كانت دايما بتديله الافضليه لمهاجمه كل الحيوانات والتفوق عليها طب هل التيرانوصوروص ما كانش له منافس هنا بنروح علشان نشوف كاركاريدونتوصوروص واللي كان المنافس الوحيد للتي ركس طول الوحش ده كان بيوصل ل 13 متر ووزنه 7 طن بمعنى انها كانت اطول واخف من التي ركس الكاركاريدونتوصوروص كان عندها اسنان زي سمك القرش لان اسنانها كانت قويه وشبه الخنجر تفتكر حضرتك مين ممكن يفوز في قتال بين التي ركس وكاركاريدونتوصوروص طبعا صعب حد يقدر يتوقع النتيجه على الرغم اني ارجح ان التي ركس هو اللي هيفوز وده قوته العضليه الهائله وعدوانيته الرهيبه هنا العلماء بيوضحوا ان اعداد التي ركس زادت بشكل مرعب في العصر الطباشيري المبكر لدرجه ان تعدادها وصل ل 2 ونص مليار تي ركس وده خلال 2 ونص مليون سنه فقط لكن طبعا مش الديناصورات وحدها اللي انتشرت في جميع انحاء الكوكب كمان الثدييات كانت موجوده وعايشه في العصر الطباشيري المبكر في الفتره دي الثدييات كانت لسه صغيره في الحجم كانت تقريبا في حجم القطه دلوقتي هنا بنشوف حيوان التريبوس فانيدا الحيوان ده كان شبه الكنغر بس اصغر في الحجم العلماء بيوضحوا ان الحيوان ده الاناث منه كان ممكن يكون عندها كيس في بطنها واللي بتحافظ بيه على صغارها وكمان جسم التريبوس فانيدا كان مغطى كليا بالفرو وكمان الحيوان ده كان بيعيش في جحور صغيره عميقه تحت الارض وكان بيخرج بالليل من الجحور دي علشان يصطاد غذاؤه من الحشرات الصغيره وطبعا لكل الاسباب دي كان من المرجح انه لم يكن فريسه سهله للحيوانات المفترسه في العصر الطباشيري طب هنا السؤال ازاي انتهت حياه الحيوانات في العصر الطباشيري المبكر في الحقيقه ما فيش كارثه حصلت في نهايه العصر الطباشيري المبكر لا في انقراضات ضخمه ولا تغير مناخي ولا حتي ظهور لأنواع جديده الدنيا كانت هاديه ومستقره لكن العلماء لاحظوا ظهور نوع معين من الحفريات الدقيقه الحفريات دي اسمها النانو جيريه فالعلماء اتفقوا ان ظهور الحفريات دي هيكون نقطه مناسبه نقسم منها العصر ده لفترتين فمن هنا بقى عندنا العصر الطباشيري المبكر والعصر الطباشيري المتأخر هنا في نهايه حلقتنا تفتكر لو الكائنات دي كانت موجوده لحد وقتها الحالي ايه الحيوان اللي كنت تحب تشوفه من كائنات العصر الطباشيري المبكر يا ريت تشاركونا بأراكم عن الحلقه وعن اسئلتنا ولو عجبتك الحلقه احلى لايك واشتراك ‏