تركت زوجي لوحده و فتحت مشروع أكل مصري في الهند النتيجة فجأتني

من اول ما جيت الهند وانا بفكر افتح مطعم مصري فالنهار قررت ان انا هبيع اكل مصري في الهند يا ترى مشروعي هينجح ولا لا ما ارفش لكن يلا بينا نجرب بسم الله كتبت اسامي اربع اكلات وهشوف افضل هيختار ايه واللي هيختار هي اللي هنعملها في المشروع بتاعي ده اكلات اه يلا اختار واحده ايه اخترت ايه مكرونه وبشاميل وبانيه طب ده مكرونه بشاميل مش سبايسي يا ياسمين لا هنعملها سبايسي حط فيها شويه تاتش بتاعه ههندي هنا شويه بهارات شويه مصلا دلوقتي هروح بقى اجيب الطلبات بتاعه الاكلات دي وابدا احضر عشان مش فاضل الوقت كتير ويلا بينا رحنا على السوبر ماركت وهناك كان لازم اشتري الحاجات المهمه بس زي المكرونه شايفين المكرونه اخترت اي نوع مكرونه لان الانواع هنا مش كتير فاخترت النوع اللي لقيته والبهارات وكمان البتاع اللي بنلبسه واحنا بنطبخ عشان ما يوسخ الهدوم ودي كانت الحاجات يعني اللي ايه مش عندي في البيت لكن بقيه الحاجات كلها كانت موجوده عندي السمنه والفراخ وكل الحاجات دي كانت موجوده في البيت اوريدي اكتر حاجه ا فكرت فيها كان الاسم واخترت اسم جنت كي مامي يعني ام جنات بالعربي الاسم ده في الهند على فكره حاجه مختلفه وماحدش بيسمي فمحدش يضحك عليا وحطيت بقى في اليفطه صور الاكلات واساميها وعلم مصر والهند وكتبت اكل عربي مصري علشان الناس تفهم انا بعمل ايه وده كان الشكل شكل النهائي قولوا لي بقى ايه رايكم في التعليقات ورحت بقى علشان اطبع اليافطه بتاعتي وحقيقي كان شكلها حلو قوي بعد الطباعه كنت مبسوطه قوي لان اول مره اخد خطوه زي دي في حياتي وكنت بفكر كده وبحلم لو مطعم ام جنات بقى من اكبر المطاعم العربيه في الهند يعني ان شاء الله في المستقبل ممكن يحصل نسيبنا بقى من عالم الاحلام ونرجع للواقع جبت الاطباق الفويل دي علشان احطها في الفرن على طول وتطلع تبقى جاه للتوزيع وكده تبقى اسهل كتير وروحت بسرعه عشان اجهز الاكل اللي انا صراحه كنت خايفه جدا ومتوتره جدا لان دي اول مره اطبخ بكميات كبيره وكمان اول مره اعمل الوصفه دي تقريبا عملتها قبل كده لافضل وعجبته بس عمري ما عملتها ثاني ومش عارفه هظبطها ولا لا بدلت اللحمه بفراخ لان الناس هنا بتاكل فراخ اكتر وبقى بهرت الفراخ بقى وتبلتها حلوه قوي يعني شطه وثوم بالزنجبيل وحاجات عمرنا بنحطها كنت متوتره في لحظه ان انا ايه اللي انا بعمله ده انا ممكن ابوظ كل حاجه كده بس قلت بقى خلينا نكمل ونشوف هيحصل ايه حطيت البشاميل بتاعنا العادي جدا بس حطيت عليه بقى صوص هندي بقى طعمه خطير جدا ويكون لايق مع البشاميل اهم حاجه بصوا لونه بقى عامل ازاي باين ان انا بخرت كويس وده كمان شطه زياده عشان الشطه تثبت نفسها اكتر الريحه كانت خطيره يا جماعه انتوا عارفين هنا في الهند بيحبوا الريحه القويه والطعم القوي في اللحظه دي انا اكتشفت ان انا بعمل نجرسكو مش بعمل مكرونه بشاميل بس عادي يعني نجرسكو برده حلوه حطيت الفراخ عليهم كلهم وقلبتهم سبت شويه بشاميل في الحله علشان احطهم بقى على الوش عشان يبقى فيها اي حاجه من ريحه المكرونه البشاميل ودلوقتي هنحط المكرونه في الاطباق الفويل علشان تدخل الفرن وهنا بقى كل العيله جت تساعدني وكل شويه كنت بملي في الحله الكبيره دي وهم يحطوها في الاطباق ال صغيره ونحطها في الفرن وهكذا وعملنا 100 طبق بالظبط انا مش عارفه ال 100 طبق دول هيتباع ولا لا بس انا كنت مجهزا على ان هم يتحطوا في الفرن طبعا ساعتها بدات ان انا اجهز الفراخ البانيه علشان اقليها وانا هناك بصوا شكلها ولونها طالعين حلوين قوي قوي والصراحه انا تفائلت من اللحظه دي ان طعمها هيطلع حلو لازم نروح علشان هم خلاص هيبتدوا البازار شايفين ده بقى المكان اللي انا هبيع فيه النهارده ده زي بازار للستات بس هنا في الهند تعالوا بقى اخدكم واوريكم كانوا بيعملوا ايه النهارده في الاكلات كان في نبق ده اللي هو النبق عارفينه وكان فييه مقرمشات كان في بيتزا وباني بوري كله كله ستات هم اللي بيعملوه ودي حتى الجوله اللي هي الجيلاتي كده وبيحطوا عليها عصير كده شربات كان في عصاير كان في كفته وكانت حلوه قوي بجد عجبتني وده بان حلويات هنديه ودي بقى برده باني بوري برده كان في باني بوري كتير وانا اكلت باني بوري كتير الصراحه وكان في برده كاب كيكس وحلويات وكيكس وكان في كل يعني انواع الاكل وانا الصراحه كنت حاسه ان انا امامهم مش هعرف ابيع حاجه بس كان في سمبوسه كان في اكل من جنوب الهند كان في بنات عاملين اكلت حلوه قوي وصراحه كانت عجباني جدا طلبت من افضل مساعده بس وهو ان هو يساعدني في الترابيزه علشان افرشها وكمان اليفطه علشان اعلقها علشان الصراحه كانت محتاجه حد طويل وده كان شكل المكان بعد ما عملنا كل حاجه وكمان افضل جاب لي الانبوبه علشان كنا هنقل الفراخ البانيه واحنا في المكان بعدين كتبت بقى المنيو اللي هو التشيز تشيكن باستا يعني ا مكرونه بالفراخ والجبنه انا كتبتها كده علشان الناس يفهموا ايه المكونات اللي جوه علشان بالنسبه لهم حاجه غريبه ب 40 ربيه عملتها يعني حوالي الطبق بنص دولار يا بلاش وقعدت بقى مستنيه اي زبون يجي كنت حاسه ان ما حدش هيجي يشتري اصلا الحمد لله بعد شويه لقيت الناس بداوا يجوا ويسالوا ويشتروا ودي كانت اول مره ابيع حاجه انا اللي عاملاها بنفسي الصراحه كنت مبسوطه قوي كنت بفكر اديه لها ببلاش كمان يعني من كتر الفرحه بدانا بقى نحضر الترابيزه علشان الاوردرات بدات تزيد وحماتي الصراحه جت تساعدني وكانت بتدعمني جدا ان دي اول مره في حياتي اعمل مشروع اكل شايفين ده الطبقين اللي انا كنت حطاهم سامبل على الترابيزه علشان اللي يز عايز يجي يدوق يدوق يعني ما كنتش عارفه اعمل ايه بس بدات تجي لي اوردرات وبدات احس ان الناس جايه بقى بعد ما عجبها الاكل وجايين يطلبوا ثاني ومره كمان ليلتهم مثلا واللي جرب البانيه جاي يجرب المكرونه والعكس طبعا الفراخ البانيه كنت عاملاها سبايسي جدا وكريسبي كان طعمها حلو قوي الصراحه هنا بقى بدات ان انا اقلي الفراخ البانيه كنت مجهزاها وحطيتها في الفريزر بقي يومين يعني مفرزا كده في الفريزر حماتي هنا بتشرح للناس ايه اللي انا عاملاه يعني او الاكل عباره عن ايه انه اكل مصري الناس اول مره يعني الاكلات دي مش موجوده هنا في فراخ مقرمشه اه بس شكلها مختلف تماما ومش نفس الاستايل ده مافيش باستا كتير او ممكن الباستا اللي بتبقى موجوده مش بتبقى في الفرن شايفين السعاده اللي على وشي لما لقيت حد جاي تاني ياخد تاني عشان عجبه اول مره الفراخ البانيه بقى كان عليها اقبال هايل من الاطفال يعني انا هعملها هابي ميل كمان شويه من كتر ما الاطفال كانوا بيحبوها وكنت بقدم مع الفراخ البانيه صوص كده كاتشب بالمايونيز بخلطات تانيه كان طعمه حلو قوي بجد البنوته دي كانت جايه مع مامتها في الترابيزه اللي جنبنا ودي كانت ثالث مره تشتري مننا فراخ بانيه ساعتها بقى افضل كان في البيت وكل ما كانت بتخلص المكرونه البشاميل كان بيبعت لنا اطباق زياده اكيد لاحظتوا ان احنا غيرنا اسم الاكلات فالفراغ البانيه بقت شيكن شيبس يعني فراخ زي الشيبسي والباستا كيك يعني كيكه المكرونه مع ان اليوم كان متعب وحقيقي تعبت جدا في الطبخ لكن الناس كان رايها بيفرح قوي وكل ما حد بيجي بيقول لي عايزين الوصفه هنا كانت بتطلب الوصفه قلت لها هنزلها على اليوتيوب ايه رايكم انزل لكم الوصفات المكس بين الاكل الهندي والمصري اللي انا بعملها مع نفسي دي ولا انتم حابين ايه قولو لي في التعليقات واكيد توقعتوا ان احنا اليوم ده اتغدينا مكرونه وبانيه يعني ده ده اساسي الحمد لله انا ما كنتش متوقعه بجد النجاح ده يعني ده اول مره اجرب في حياتي ما كنتش متوقعه ان كل الكميه تخلص والناس يعجبها وييجوا يطلبوا مني اكتر من مره كمان اما بقى بالنسبه للحلويات سنيها لان صاحبتي ام مسك جابت معاها بسبوسه ودوناتس وكب كيكس بجد حاجتها كانت لذيذه قوي واتباعت كلها برض ما شاء الله بس ده اخر اخر دفعه هو دي سلا خلاص يلا يا يلا دوي قولي لي ايه رايك ماشي كده بس فاضل 10 10 11 والفراخ البانيه هنا بنعملها فاضل خلصت الفراخ البانيه خلصت الفراخ البانيه تيكن باستا كنستا وايتو اخر واحده في المكرونه البشاميل الحمد لله خلصنا خلصنا الحمد لله مبسوط ق بعد يوم طويل جدا وتعبنا فيه جدا دي كانت الفلوس اللي حوشنا من البيع كله بتاع اليوم بعنا 100 طبق مكرونه بشاميل و50 طبق فراخ بانيه الفيديو ده لاي حد نفسه يبدا مشروعه وشايف ان هو ممكن ينجح بس خايف ومتوتر ابداوا النهارده قبل بكره وحاولوا في تجارب صغيره كده زي ما انا جربت النهارده وصدقوني ربنا هيكرمك ان شاء الله واحتمال تبقى مشروع ناجح ويبقى حاجه كبيره في المستقبل ان شاء الله باي مع السلامه