إذا ما فهمت السياسة الاقتصادية احضر هذا الفيديو فورًا الدرس الخامس

مساء الخير شباب وصبايا اليوم ان شاء الله رح تكون عننا اخر حصه من حصص ماده الثقافه الماليه في ماده الفصل الثاني يعني ان شاء الله ختامها مسك رح تكون نهايه حصص منهاج الثقافه الماليه باخر درس وباخر وحده بماده الفصل الثاني ان شاء الله رح يكون هذا الدرس اسمه السياسه الصناعيه لما بتيجي بتطلع وبتقلب عدد صفحاته وبتطلع على المحتوى رح تشعر للحظه انه هو شيء مزعج كنظره اولى ولكن سبق وحكيناها اكثر من مره لا تحكم نهائيا على عدد الصفحات ولا تحكم نهائيا على كلمات معينه لمحتها انت وانت بتقلب بالصفحات قبل ما يشرح لك اياها استاذ مختار فاكتشفت انه الدرس مزعج زي ما البعض بعث للي حب يسبقني وقرر يقرا الدرس قال لي استاذ طلع الدرس مزعج انا متفق انه مزعج ولكن انا متفق بشغله اكثر الوحده كلها مزعجه وانا قدر المستطاع حاولت ابذل لكم مجهود مضاعف عن كل الوحد عشانها وحده مزعجه اني احول لكم اياها لوحده سلسه وبسيطه وسهله الحفظ هذا الدرس فعليا يعتبر من الدروس اللي بنقدر نصنفها انه درس مزعج مضبوط بس ما هي الوحده كلها مزعجه ولكن المصطلحات اللي في رح تشعر للحظه اني زي كاني عم بشرح لك قاعد بالدرس الرابع انت الان لما ب شرحت لك بالدرس الرابع على موضوع الرقابه الجمركيه والتجاره الحره وفهمتك متى الدوله بتفرض رسوم جمركيه ومتى بتشجع التجاره الحره وعرفنا متى بتدعم المنتج المحلي ومتى بتربي التجار ووضحناها رح تشعر للحظه بهذا الدرس اللي هو عم بحكي عن قطاع صناعي او اي قطاع بغض النظر الدوله بدها تدعمه شو بصير والدوله فعليا اذا ما بدها تدعمه شو بصير وراح تعرف انه السياسه الصناعيه شو بتعمل؟ تاثيرات على الافراد، على الشركات، على الشركات الناشئه فيعني الى حد ما بشعر الى حد ما ممكن احكي لك ممل الدرس اوكي ولكن ما بقدر اقول لك انه فعليا الدرس والله صعب جدا لا لا لا ابدا الدرس فعليا ممل لانه مكرر كثير مواضيع من الدروس اللي اخذناها نفس الفكر نفس الكلام هذا الشيء انا بعتبره بسيط لانه خلص انا فاهم الفكره من الدرس الماضي انه متى الدوله بترفع الجمرك رك ترفع الضريبه متى الدوله بتنزل الجمرك بتنزل الضريبه شو بصير اذا كان في عننا وضع اقتصادي قوي وضع اقتصادي ضعيف فيعني نفس المعلومات اللي نحن ماخذينها وقبل البدء بالحصه في شغلتين بدي احكيهم بشكل سريع الشغله الاولى طبعا كل الطلاب اللي بيبعثوا لي باستمرار ومتابعين معي اول باول وبيستنوا كل حصه بحصتها ولما بتتاخر الحصه للامانه كل التحيات مني لكم وكل الشكر لكم وكل كل الفخر مني لكم تمام ويمكن برضه من اكثر الطلاب اللي بحس انه حريص جدا يعني للامانه بشكره وان شاء الله يا رب يفرح بنجاحه بالعلامه الكامله همام ابو علوش اي فعليا من الطلاب اللي بضل يستفسر اول باول عن موعد الحصه كل ما تنهي انهي وحده واقول لكم ابعثوا لي انكم انهيتوا بيبعث لي وفي موضوع ثاني برضه عم بيجيني باستمرار طبعا انا ذكرت اسم الطالب لانه للامانه حتى هو هيني قبل ما لسه اصور بيحكي له استاذ الحصه بكره رح تنزل ساعه واحده يعني انا بشكر صراحه كل طالب حريص بشكر كل طالب متابع بشكر كل طالب كان فعليا ايه بستنى الحصه عشان ينجز المطلوب منه بيلتزم بالنصائح بيلتزم بفكره بنك الاسئله بيختبر حاله بثبت معلوماته اول باول وفي مسج ثاني عموصلني بكثره الايام هي وهو انه استاذ اي مضبوط اللي عم نسمعه على توزيع العلامات شوفوا بغض النظر شو اسم الماده كل اللي بتشوفوه ف منه تمام كلياته اجتهادات شخصيه وفرق كثير كبير بين الاجتهاد الشخصي والقرار الوزاري يمكن انتم بتشوفوا على السوشال ميديا كل حدا بده يطلع بده يلم لايكات ومشاهدات بيطلع بيقول لكم توزيع العلامات للماده الفلانيه توزيع العلامات قرار رسمي قرار عاجل يعني انا ما بحب شوفي قصص ال الاشياء اللي بسميها من وحي الخيال اذا انا بدي اعمل اجتهادات شخصيه لازم اطلع واحكي لكم بتوقع انه يكون توزيع العلامات بهي الطريقه مش باجي بحكي لكم خلص هذا توزيع العلامات بشكل رسمي يا شباب ويا صبايا الله يرضى عليكم ما في شيء نهائيا اسمه توزيع العلامات لانه ما نزل كتاب رسمي من الوزاره نهائيا و والموضوع كله اللي عم بتشوفوه سواء ماليه او غيرها يعني كل يوم عم بشوف صراحه شغلات غريبه عجيبه كلياتها اجتهادات شخصيه هي اجتهادات انهم بدهم يحاولوا يوصلوا فكره انه الماده ممكن يكون عليها اسئله بالعدد الفلاني بس مرات برجع بحكي لك اجتهاد شخصي مش قرار رسمي والاجتهاد الشخصي مش بالضروره يجي لصالح ضحك انك انت والله لا انا كنت حابب يكونوا سبع دوائر لا حابب خمس دوائر لا هو اجتهاد شخصي الموضوع بايد الوزاره الوزاره لغايه الان ما نزلت وبالعاده اصلا ما بتنزل نحن اللي تعودنا عليه بالسنوات الماضيه بيجي الامتحان مناصفه يعني كلمه مناصفه يعني بيجي 25 دائره فصل اول 25 دائره فصل ثاني هيك تعودنا وكل الامتحانات السابقه وبمادتي تحديدا بالثقافه الماليه يمكن من جيل 2003 لجيل 2007 اي كل السنين الماضيه كان يجي من واحد لخ 25 فصل اول من دائره 26 ل 50 فصل ثاني هذا اللي تعودنا عليه اما الدروس يعني ممكن اوكي يجي على الدرس دائره في بعض الدروس دائرتين يعني هيك اللي تعودنا عليه فموضوع المزاجات الكثيره اللي عم تجيني استاذ نزل لنا توزيعه العلامات اللي نزلتها الوزاره ما في شيء اسمه وزاره نزلت توزيع علامات نهائيا وما في شيء اسمه قرار رسمي من الوزاره بتوزيع العلامات تمام اما الاجتهاد الشخصي اوك بنجتهد شخصيا اتفقنا مره عننا عدد الوحد تسعه فبالتالي عدد الدوائر المقترحه لكل وحده بين الخمسه والسبع دوائر خاصه زي مثلا فصل اول وحده اولى درس اول ايه عفوا الوحده الاولى بيجي عليها ست دروس الست دروس المنطق بيحكي اما سته او سبع دوائر منطق الوحده الثانيه لانهم درسين ممكن يكونوا مثلا اربع او خمس دوائر فبتصفي الحسبه كل وحده من خمسه لسته لسبعه فبيطلع المجموع عندك تقريبا 50 دائره اما غير هيك هذا توقع واجتهاد استاذ مختار اما غير هيك انا حكيت لكم اكثر من مره انا ما بحب قصص الشو ولا قصص الدراما ولا قصص التشويق ولا قصص الحكي الفاضي انا انسان بحب الحياه العمليه وبلتزم بالقرارات الرسميه وانا بلتزم بس بالمنهاج اللي انا بدرسه ما بلتزم والله فعليا باني انا اطلع بترند توزيع علامات ولا اطلع بترند والله مش عارف مين اركض لي ولا الطمني تمام فاللي بقصده انا هيك طبيعتي انا ملتزم مع طلابي فقط في ماده تعليميه فقط لا غير اي ما بقدر اقدم غير علم ما بقدر اقدم قدم غير اي شيء يريح الطلاب يجيبوا العلامه الكامله يمكن حتى ما بطلع بنصائح كثير يمكن ما بطلع بترندات كثير بس قلت لكم هذا يعني طبيعتي اني انا بس بقدم علم فقط لا غير نبلش بحصتنا السياسات الصناعيه بسم الله الرحمن الرحيم بنبلش درسنا السياسه الصناعيه وتاثيرها في النشاط اولا في عندي قصه طموح هي القصه اكيد اكيد اكيد مليون بال قراءه خلاصه هي القصه في مجموعه من الشباب بدهم يعملوا مصنع عملوا مصنع صغير وهذا المصنع اي واجه تحديات زي ارتفاع تكاليف الانتاج وضعف دعم الحكومي تمام يعني عادي زي اي قصه بتسمعوها في الحياه ناس بدهم يفتحوا شركه مصنع واجهوا تحديات وصعوبات الخلاصه انه اي كان عندهم اراده وعزم بعد مرور عام على انشاء مصنعهم اي الشباب اخذوا قرض صناعي واعفاءات ضريبيه تمام ال الخلاصه بالحكي انه بدي اورجيك كيف انه لو في دعم للصناعات قدش انه بتكون فرصه قويه للشباب اللي بيعملوا مشاريع ومصانع ناشئه ضمن سياسه حكوميه داعمه للصناعه فحدث التغيير اذ توسع نطاق الانتاج وزاد الطلب وا اصبح يصدر لعدد من الدول العربيه ووظف العديد من ابناء المجتمع المحلي خلاصه هي القصه كمان مره اللي هي مقدمه للدرس انه الحكومه لما تقرر الحكومه تدعم بعض الصناعات المحليه وارد انه هي الصناعات تتطور تكبر تفتح فروع لها تفتح خطوط انتاج تصير تصدر لبره تفتح فروع في دول اخرى توفر فرص العمل التوظيف تحسن دخل الناس تحسن من حياتهم تساعد في الاقتصاد فالموضوع برنجع بنحكي لك معلومات عامه وطبيعيه جدا ومكرره من الدروس الماضيه قدش انه اذا الحكومه بتدعم المصانع والشركات والمنتجات المحليه هذا الشيء يساعد ويخفف الاعباء على كثير من الاسر فاجا حكى بالي هون سؤال تؤدي الصناعه دورا مهما في بناء اقتصاد قوي ومستدام حلو كثير لانه حكينا لك الدعم اللي بنقدر نعطيه لقطاع الصناعه كثير مهم وكثير اساسي وكثير رائع لانه اي يعمل على توفير فرص عمل اي ح يزيد حجم الاستثمار يشجع الابتكار يعيد التوازن الى ميزان المدفوعات ويزيد من حجم الصادرات استاذ ما عم نحفظ بالنص الحرفي والله العظيم هي كتبت كتبت لك هون فهم انا ما عم بحفظ بالنص الحرفي بس بقول لك انه الصناعه على قد ما هي شيء كثير مهم هي مش عباره بس عن انتاج وتوسيع لا هي بتوفر فرص عمل بتزيد الاستثمار بتشجع الابتكار بتحافظ على توازن ميزان المدفوعات اذا كمان مره انا لما بدعم الصناعات كحكومه او بشجع الصناعات فانا بالتالي عم بدور على كثير اهداف اقتصاديه صح هو اهداف صناعيه بس اذا دعمنا الاهداف الصناعيه حققنا الاهداف الاقتصاديه طبيعي جدا ادعم الصناعات المحليه بتوفر فرص عمل بتحسن اقتصادك بتحسن استثماراتك بتزيد من انتاجك بتحسن من حياه الناس بتقلل من البطاله مصطلحات عامه حياتيه يعني ما في شيء غريب ولا جديد لماذا تضع الحكومه ما يسمى السياسات الصناعيه ليش بتعملها الجواب بكل بساطه لدعم الصناعات المحليه بلغه استاذ مختار بدهم يدعموا زي ما حكينا بالحص الحصص الماضيه بدهم يدعموا المنتج المحلي او الصناعه المحليه عشان تقدر تنافس المنتج الاجنبي ودائما لما بتدعم انت الصناعه المحليه فانت عندك كثير فوائد وذكرناها من دعم الانتاج المحلي وتمكينها من المنافسه محليا وعالميا وتحقيق التنميه ودفع عجله الاقتصاد الخلاصه بتضع الحكومه السياسه الصناعيه لدعم المنتج المحلي لينافس وليحق تنميه مستدامه وهي الاهم شو يعني سياسه صناعيه بلغه استاذ مختار برضه رح احكي لك يعني حمايه الصناعات المحليه من الاخر تمام كل الادوات والوسائل اللي بتعملها الحكومه انها تدعم القطاع الصناعي او الصناعات المحليه الناشئه الحديثه للشباب للناشئين تسمى سياسه صناعيه فحكى لي مجموعه اجراءات وتدابير تعتمدها الدوله للتاثير في القطاع الصناعي وحمايه الصناعه ناعات الناشئه من المنافسه الاجنبيه حلو كثير يعني دائما استاذ مختار كل ما يحكي لك عن اي شيء تذكر الهدف الاساسي سواء فكرت حفظت بصمت فهمت دائما لما بتسمع مصطلح سياسه صناعيه سياسه تجاريه او السياسه النقديه دائما فكر كيف الدوله بدها تدور على هدف من اهداف الاقتصاد فاجا حكى لي توجه الاستثمار نحو قطاع معين لاحلال المنتجات المحليه شو يعني الاحلال عشان يجي المنتج المحلي محل المنتج الاجنبي ونشجع التصدير فالخلاصه كمان مره لغايه الان والله العظيم يا شباب ويا صبايا بهي الصفحه لم اشعر بكلمه واحده حفظ اني احكي لكم ركزوا على هي الكلمه واحفظوها والله انا اللي طلبته منك انه السياسه الصناعيه كل الاجراءات اللي بتعملها الحكومه عشان تدعم الصناعات المحليه وتحميها من الصناعات الاجنبيه متفقين متفقين وحكى لي بدنا نخلي الاستثمار في قطاعات معينه تنزل مكان القطاعات الاجنبيه يعني استاذ على سبيل المثال معلومه يمكن عن جديد سمعتها مثلا ممكن الاردن يعملوا رسوم جمركيه على كل التلفونات المستورده مثلا زي ايفون وسامسونج تمام مثلا زي ايفون تحديدا خلينا نحكي ايفون لانه ما له شركه عننا اجوا اجوا عملوا ضريبه على كل تلفونات ايفون اللي بدها تيجي وضريبه ضريبه يعني نحن الناس بيشتروا من بره عشان ارخص من هون عملوا عليه ضريبه عاليه جدا فبالتالي رح يقل الاقبال على ايفون طيب استاذ في بديل محلي لا بس بهي الطريقه وارد انه يكت يعني يقرروا اصحاب شركات ومصانع انتاج ايفون يفتحوا لهم فروع في الاردن بيقول لك لانه فعليا هي المنطقه بيشتروا جهاز ايفون ففعليا هي منطقه غير مخدومه ممكن نيجي نفتح عندهم فهيك نحن وفرنا فرص عمل هيك نحن حسنا من الاقتصاد فقلت لك اياها اكثر من مره مرات قرارات الحكومه تهدف الى تحسين الاقتصاد وبالاضافه رفع نسبه خزينه الدوله وبسؤال اللي فوق برضه ما في شيء ليش بتصنع الحكومات او بتضع الحكومات الصناعات المحل السياسه الصناعيه قلت لك عشان تدعم الصناعه المحليه وهون اجيت قلت لك الصناعه دور م مهم جدا في بناء الاقتصاد لانه اتفقنا اذا انت دعمت كحكومه الصناعات او القطاع الصناعي قلت لك بيفر لك فرص عمل بيزيد استثماراتك بحسن من انتاجك وبحسن من حياه الناس بقلل نسبه البطاله بيشجع الابتكار بيشجع التصدير فيا شباب ويا صبايا الصفحه الاولى والله العظيم انا شعرت انها قراءه بتكفيها والله العظيم قد ما هي فعليا مصطلحاتها لطيفه جدا وسهله جدا اج حكى لي هون ما هي الخيارات الاساسيه لتحديد مسار السياسه الصناعيه يعني في مجموعه خيارات متاحه بتكون امام الحكومه بدهم يختاروا منها مسار معين يمشوا فيه بس المسار بيختاروه بناء على شيء بناء على هدف بناء على نتيجه بناء على وضع الاقتصاد فاجا حكى لي عن الخيارات اللي بتحدد المسار بيحكي لي يتطلب ذلك من الدوله تحديد الاتجاهات التي تود اعتمادها وتنظر الحكومه في عدد من البدائل والخيارات والحالات والمواقف ثم تختار الحكومه البديل الانسب ثم تعمل على تحديد الادوات والوسائل لتنفيذ هذه الخيارات حلو هذا الجدول اللي موجود امامك هذا بورجيك كل الخيارات والمواقف اللي ممكن تاخذها الدوله بالنسبه لقطاع السياسه الصناعيه او للقطاعات الصناعيه قال لي عشان الدوله تستخدم هذا الجدول اللي موجود امامك بيقول لي هي رح تحدد الاتجاهات وتشوف البدائل وتختار انسب بديل لها وبعدين بتحدد كل الادوات اللي بتقدر انها تنفذ هذا البديل فكمان مره عشان الدوله تعرف شو البديل اللي بدها اياه عشان تحدد الاتجاه بتشوف كل البدائل الممكنه امام الدوله بتختار البديل الانسب لها بعد ما تختار البديل الانسب بتوفر كل الادوات والوسائل على تنفيذه على ارض الواقع فهون الجمله هي مدخل للجدول الجدول عباره عن خيارات اللي هي مواقف الحكومه لتحديد مسار السياسه الصناعيه اللي بدهم يتبعوها هل نحمي المنتج المحلي هل نرفع الرسوم الجمركيه هل ندعم المنافس الاجنبي؟ هل نتدخل في الاسواق الاردنيه ولا ما نتدخل في الاسواق الاردنيه؟ هل نستقطب مستثمرين؟ لا ما نستقطب مستثمرين الخلاصه في عندهم مجموعه من الخيارات تمام هي الخيارات متاحه امام الدوله اختاري يا دوله ايش اللي بدك اياه مناسب لك واستخدمي كل ادواتك لتنفيذها على ارض الواقع حلو نشوف الجدول الجدول اللي موجود امامي بيحكي احكي لي هذا الجدول عباره عن خيارات او مواقف الحكومه اللي ممكن تختارها كمسار اولا التدخل في الشان الصناعي حلو اول فكره عندها التدخل اتدخل بالقطاع الصناعي ولا ما اتدخل كيف يعني استاذ يعني انا اذا بدي اتدخل بكون انا عم بحل الازمات والخلافات والاحتكارات اللي بين التجار والقطاع الصناعي طيب واذا ما بدي اتدخل اذا ما بدي اتدخل معناته اتركهم فعليا يحددوا هم اسعار السلع اتركهم هم يتحكموا في السوق طيب ليش استاذ بتعمل الدوله لكل طريقه هدف فبالحاله الاولى قال لي التدخل اما بتتدخل اما ما بتتدخل حلو فلو اجى سالني عن التدخل في الشان الصناعي الخيارات الموجوده امامنا خيارين يا الحكومه رح تتدخل في القطاع الصناعي وتحل الازمات وتفرض اي عقوبات سيطره قوانين اما ما رح تتدخل وتترك السوق لحاله هو اللي يحدد الاسعار بناء بناء على العرض الطلب ايش المنتج اللي موجود وماشي حاله ايش المنتج اللي لازم ينسحب من السوق فهون الحكومه امامها حل من الاثنين يا بتتدخل يا ما بتتدخل الثاني القطاع العام الصناعي اما الدوله بتلجا لمصطلح اسمه خسخصه شو يعني خسخصه طيب نحن بنعرف قطاع خاص وبنعرف قطاع عام اللي ما بيعرف بحكي له مدرسه حكوميه قطاع عام مدرسه خاصه قطاع خاص مستشفى حكومي قطاع عام مستشفى خاص قطاع خاص متفقين متفقين اي شيء حكومي فرواتبه ونفقاته على الدوله اي شيء خاص على المستثمر ماشي القطاع العام الصناعي اول كلمه قال لك خصخصه مرات الدوله بتنقل ملكيه بعض القطاعات العامه بتعطيها للقطاعات الخاصه يعني زي كانها بتبيع قطاع عام للقطاع الخاص فبتصير صير ادارته قطاع خاص موظفينه قطاع خاص استثماراته قطاع خاص طيب ليش عملت هيك الدوله عشان تخفض على حالها النفقات يمكن عشان تزيد وتقوي الاستثمارات يمكن انا كدوله مش عارف اشغل هي الصناعه يجيني مستثمر من بره او من جوا محلي او خارجي يمكن يقدر ينجح هذا القطاع يمكن ينجح هذا المصنع او هي الشركه الحاله الثانيه الاحتفاظ بالمشروعات والمنشات الحكوميه حلو فيعني هون الحكومه امامها خيارين يا انها بتستخدم كلمه خصخصه اللي هي بتنقل ملكيه بعض الاجزاء والمنشات والمشاريع والمصانع من مسماها الحكومي العام الى مستثمرين قطاع خاص او بتحتفظ بمشاريعها ومنشاتها واستثماراتها للدوله هون الدوله امامها خيارين اما بتنقل ممتلكاتها للقطاع الخاص فتسمى خصخصه اما بتحتفظ فيها فبضله موجود ضمن القطاع العام حلو اجينا للثالثه المنافسه الخارجيه للقطاع الصناعي هي المنافسه الخارجيه للقطاع الصناعي اما الحكومه بتحمي القطاع الصناعي اللي هو يسمى القطاع المحلي شو يعني بتحميه؟ بتقدم له دعم مساعدات امور ماليه ماديه الى اخره اما ما بتحمل القطاع الصناعي هي جديده يا استاذ يعني الحكومه بدها توفر حمايه اه مرات لما بتشوف الحكومه انه بعض المصانع مركنه على الدعم المقدم من الحكومه فالحكومه بتقول لهم انا ما رح اقدم لكم دعم طيب ليش عملت هيك الحكومه استاذ انتقام لا عشان تزيد نسبه المنافسه اللي عندهم اي بمعنى اعتمدوا على حالكم يا مصانع ويا شركات وزيدوا المنافسه بيناتكم وزيدوا كميه الانتاج والتصدير فكمان مره المنافسه الخارجيه للقطاع الصناعي اما الدوله بتحمي القطاع بتقدم له دعم اما ما بتحمي القطاع او بتحمي بس المرحله الاولى للقطاع الصناعي شو يعني المرحله الاولى شركه جديده مصنع ناشئ مصنع حديث زي قصه الشباب الثلاث بدايه الدرس بس بمراحله الاولى قبل ما يوقف على رجليه بعدين بينتهي الدعم فلما تحكي المنافسه الخارجيه للقطاع الصناعي كم خيار عندها الدوله ثلاث خيارات اما بتقدم الحمايه اما ما بتقدم الحمايه او بس بتقدم الحمايه في المراحل الاولى اللي هي اثناء الانشاء بالنسبه للاستثمارات الخارجيه الاستثمارات الخارجيه برضه في عندها ثلاث خيارات من ض طبعا شو يعني بدها تجيب مستثمر خارجي ولا ما تجيب مستثمر خارجي الخلاصه فقل استقطاب رؤوس الاموال الاجنبيه تمام الان لما بيستقطبوا رؤوس اموال يعني بيشجعوا على الاستثمار في الاردن بشجعوا المستثمر الاجنبي تعال عنا على الاردن بعفيك من الضرائب بعفيك من الجمارك بنعفيك بنعفيك فشجع رجعناه وجبناه. الحاله الثانيه اتخاذ موقف محايد من رؤوس الاموال الاجنبيه فيعني هون نحن ما رح نتدخل كحكومه اذا حابب تستثمر اهلا وسهلا نحن ما بنقدم لك دعم ولا بنعفيك من الضرائب ولا بنعفيك من الجمارك. الحاله الثالثه بسموها سياسه انتقائيه شو يعني هون الحكومه بتنتقي رؤوس الاموال انه انت مثلا جاييني مستثمر بده يفتح مثلا مصنع سجاد في الاردن ما بيهمنا اجى واحد بده يفتح مثلا مصنع سيارات في الاردن تمام تعال وسهلا نحن بناسبنا انك تفتح عنا مصنع سيارات منقدم لك اعفاءات جمركيه بقدم لك ضرائب منخفضه بقدم لك اعفاء من الايجار الكهرباء المي اهلا وسهلا حلو فانت ان نجيت المستثمر تسمى سياسه انتقائيه لانه انت بحاجه لنوع استثماره انت بحاجه لفكره وطريقته وخبراته فانت جبته عندك على البلد ودعمته وساعدته هون انت استقطبت رؤوس الاموال الاجنبيه بس من باب دعم الاقتصاد اللي عندك اهلا وسهلا تفضلوا عنا هون انت نقيت مين المستثمر وشو القطاع اللي بدك اياه يجي عندك على الاردن وتقدم له دعم استراتيجيات التصنيف هون الحكومه اما بتركز على الصناعات الخفيفه او بتركز على الصناعات الثقيله فانت لما بتسمع هذا الجدول اللي امامك كاسئله وزاريه اوكي متاحه يجي يسالني في الامتحان احد العبارات التاليه يدل على استراتيجيات التصنيع بختار خفيفه ثقيله تمام هون على الاستثمارات الخارجيه اما بستقطب اما محايد اما انتقائي اما بستقب ارجع لي هون اما بستقطب اما محايد اما بنقي بستقطب محايد بنقي بستقطب رؤوس الاموال الاجنبيه محايد قلت لك ما له علاقه ما بندعمه والانتقا الانتقائيه منقي المستثمر اللي بدنا اياه اللي بيتناسب مع الحاجه تاعتنا نحن بحاجه لمصنع سيارات فنحن بنصير انه اي مستثمر بده يجينا لمصنع سجاد بنقول له لا لمصنع مطاعم لا لمصنع مش عارف مين لا بدنا مصنع سيارات فنحن بندور على المستثمر اللي يفتح عنا مصنع السيارات واذا كانت منافع منافسه خارجيه قال لي استاذ مختار هم ثلاث امثله احفظهم اما بنحمي اما ما بنحمي اما بنحمي ايه كيف حمايه عدم حمايه حمايه حمايه اوك فهمناها عدم حمايه تمام طب وهي الثالثه حمايه حمايه في المراحل الاولى فقط لا غير اجينا هون القطاع العام اه القطاع العام الصناعي امام الحكومه خيارين اما بتعطي ملكيه قطاع عام للقطاع الخاص زي بتبيعهم مشاريع ومصانع وشركات واراضي للقطاع الخاص بادارتهم وملكيتهم واستثماراتهم واما الحكومه بتحتفظ بمنشاتها واستثماراتها وبتحاول هي انها توقفهم على رجليها والتدخل في الشان الصناعي اما الدوله بتتدخل اما الدوله ما بتتدخل كمان مره هذا الجدول جدول كلامه سهل حينعادي الان بالصفحه اللي رقمها 115 الصفحه اللي بعديها هذا الكلام سهل جدا كفهم دردشه مع استاذ مختار نيجي الان لارض الواقع الاول التدخل استاذ مختار قال لي يا الدوله بتتدخل يا الدوله ما بتتدخل بتتدخل معناته الدوله بدها تعالج الازمات اللي بتعرض لها القطاع الصناعي وصولا للنمو الصناعي المنشود اطلعوا استاذ مختار شو خطط لك تدخل الدوله لمعالجه الازمات المشاكل اي ازمات طارئه تواجه القطاع الصناعي بما انه الدوله اختارت خيار التدخل معناته الدوله بدها تعالجه اما اذا ما رضيت الدوله تتدخل اطلع شو بصير لتجنب افساد اليات السوق شو يعني استاذ؟ يعني خليهم هم يتدخلوا خلص هم يحلوا مشاكلهم هم يسعروا منتجاتهم ما بدي افرض عليهم انا سعر منتج يلتزموا فيه خليهم هم يسعروا منتجاتهم بناء على العرض والطلب بناء على المنافسه بناء على المنافسه الخارجيه والمحليه خلي السوق لحاله يتحكم في حاله انا كدوله ما بدي ادخل دخل ب فبالتالي منعزز المنافسه اللي هي اساس الابداع والابتكار والتجديد اذا كمان مره ليش الدوله ما بتتدخل لتجنب افساد السوق الدوله كيف بتعالج الازمات لما بتتدخل اذا التدخل نوعين يا الدوله بتتدخل يا الدوله ما بتتدخل اذا الدوله تدخلت تذكر معالجه الازمات اذا الدوله ما تدخلت تذكر بدها تترك السوق هو اللي يسعر منتجاته ولكن فعليا اذا تدخلت هون الدوله مشكله لانه هي اللي رح تفرض عليهم الاسعار لا اتركهم لحالهم بتزيد نسبه المنافسه والابتكار والابداع والتجديد الحاله الثانيه عرفتوا ليش بقول لكم فيه برم درس بس والله العظيم الكلام سهل يعني مستحيل مستحيل مستحيل طالب قاعد عم حضر الحصه لو انا اجيت الان بعد ما خلصت الحصه سالته يشعر بكلمه غريبه كلام سهل بس بدك تفهم معناه موقف الدوله من القطاع العام بما انه موقف الدوله من القطاع العام استاذ مختار قال لنا اما خصخصه واما الاحتفاظ بالمنشات الحكوميه معنى كلمه خصخصه يعني الدوله بدها تنقل ملكيتها او ملكيه مشاريعها ومصانعها للقطاع الخاص للمستثمرين اجا حكى لي شو يعني خصخصه هي نقل ملكيه المشروعات والخدمات من القطاع العام الى القطاع الخاص اما بشكل كلي واما بشكل جزئي يا سلام استاذ مختار لخص لك اياها الدوله بتبيع ممتلكاتها للقطاع الخاص بتنقل ملكيه الممتلكات للقطاع الخاص طب ليش؟ لتحسين الكفاءه لزياده الانتاج لتقليل الاعباء الماليه على الدوله اللي هي انفاق الدوله الدوله عم تنفق كثير يا جماعه احنا فعليا مش قادرين خلص هات اسمعوا اعطوا بعض المشاريع للقطاع الخاص خليهم هم يمكن هم يحسنوا من كفاءه المشروع يمكن هم يطوروه يمكن هم يزيدوا انتاجه ونحن كدوله بقل دفعنا بنضلنا ننفق ننفق ننفق ومش عم نربح ماشي وديه للقطاع الخاص بيجي مستثمر قد حاله بيمسك المشروع الحكومي ومباشره ببلش يطور فيه حسن فيه يزيد انتاجه يوفر فرص عمل 100 شغله وشغله بتزيد ارباحه اوك الحكومه باعته اياه خلصنا الثاني الاحتفاظ بالمشروعات والخدمات والمنشات الحكوميه هون الدوله ما بدها تعطي القطاع الخاص طيب هون اشراف مباشر من القطاع العام للتاثير في الاسعار ومنع التضخم والحد من الاحتكار اذا كمان مره لما بتسمع موقف الدوله من القطاع العام الصناع عندك معيارين خيارين بدها تختارهم الدوله اما بتلجا للخصخصه واما بتحتفظ بمشاريعها ومنشاتها ومصانعها تحت اشرافها اذا كانت كلمه خصخصه ركز مع استاذ مختار خصخصه يعني نقل ملكيه شغلات منشات مصانع الى اخره من القطاع العام الى القطاع الخاص ليش؟ عشان يتحسن الكفاءه يزيد الانتاج وب بالاضافه اهم واحده عشان الدوله ما تضلها تنفق مصاري على الفاضي القطاع العام او الاحتفاظ فيها اشراف القطاع العام للتاثير في الا في الاسعار منع التضخم ومنع الاحتكار فبيجي واحد بيقول لي والله استاذ يعني انا صراحه انا والله مرات مسجاتكم يعني كل الاحترام لكم كلكم تمام بس مرات مسجاتكم لما بتوصلني بصفن بقول معقول يعني عفوا بهالكلمه وهو في غيري عن جد انا بعرف اشرح الماده يعني معقول في المدارس ما 1% جربوا يبسطوا عليكم المصطلحات يعني مع احترامي لكل زملائي مش قصدي الاساءه لاي احد تمام ولكن مرات بتوصلني هي النتيجه بقول طب يعني انا لما الطلاب يحكوا لي استاذ مشان الله اشرح لنا الدرس الخامس مشان الله اشرح لنا الوحده التاسعه استاذ ادخل لنا بالوحده التاسعه كميه مسجات كانت رهيبه وبعد ما شرحت كميه مسجات رهيبه اكثر استاذ والله الوحده طلعت سهله والله استاذ كثير سهل الدرس كثير طيب يا جماعه الخير كيف يعني كيف انتم بتاخذوها في مدارسكم مع يعني معقول بيمسك قلم زي تعون الدين والتاريخ والقصص هي وبيصير هي هيك هي هيك خطط وامشي بس بدون ما يفهمك شو المعنى والله لانه يعني هذا الدرس اجاني عليه مسجات استاذ صراحه لما نحن اخذناه بالمدرسه كارثه الدرس هو يا عمي طويله الدرس ممل الدرس بس والله ما في افكار يعني كلام سهل كلام سهل يخصه يمكن ما عمرك ما انت سامع فيها هلا شرحت لك اياها شو اكتشفتها سهله اي قلت لك قبل شوي الدوله بتتدخل في ومرات ما بتتدخل وفهمتك شو الفرق فيعني مش هال القصه الكبيره اللي عن جد انه ما بعرف يعني صراحه كيف الواحد بحلل راتبه او بحلل مصاريه لما يجي يخطط لطالبه ما يشرح له حرام نيجي هون موقف الدوله من المنافسه الخارجيه قال لي استاذ مختار اما بتحمي اما ما في حمايه اما في حمايه في حمايه ما في حمايه في حمايه الحمايه الاولى بنقدم حمايه القطاع الصناعي اللي هو المحليشعه بنزقف له بنصير بنزيد اسهامه بنوفر فرص عمل الخلاصه حط لي اشاره صح على فرص العمل لما بتحمي الدوله القطاع الصناعي فاعرف انها عم بتوفر فرص عمل متفقين متفقين الثانيه عدم حمايه القطاع الصناعي استاذ ليش ما بيحموا القطاع الصناعي؟ اه قلت لك نحن بنقول لهم روحوا اعتمدوا على حالكم احنا كنا نقدم لكم دعم عشان نوفر فرص عمل اتاريكم ما بتنعطوا عين ليش ما بتنعطوا عين يا مصانع ويا شركات لاني لما كنت ادعمكم ادعمكم ركنت عليك حكومه بطلتوا تنتجوا كثير بطلتوا تصدروا بطلتوا توفروا فرص عمل قعدتوا خلص صرتوا عندكم دعم حكومي فخلص اوكي لغت الحكومه دعم لما لغت الحكومه دعم اعتمد على حالك يلا شو يعني اعتمد على حالك اعتمد على حالك زيد انتاجك ركز بشغلك ارجع فعل موضوع التصدير للخارج نافس المنتجات الاجنبيه اللي بلشت تاخذ مكانك فمعناته قال لي متى الدوله ما بترضى تدعم او تحمي القطاع الصناعي عشان تحافظ على صادراتها وهي الاهم اجبار المنشات الصناعيه على زياده قدرتها التنافسيه هون يعني يا منشاتنا الصناعيه اعتمدي على حالك اعتمدي على حالك بالاولى انا دعمتك كحكومه فامورك تمام وهيني لما دعمتك شجعتك وزدت اقتصادك ووفرتنا فرص عمل بالثانيه انا ما رح ادعمك اعتمد على حالك يا قطاع صناعي زيد انتاجك زيد المنافسه حسن من صادراتك وتصديرك للخارج اوكي الثالثه حم حمايه بس المره هي شو مالها؟ مؤقته ليش سموها مؤقته؟ لانه هي في المراحل الاولى في القطاع الصناعي لشركه ناشئه شركه حديثه شركه شباب فكره جديده دعم مؤقت مرحله تتطلب دعم من الحكومه للتخفيف من الاعباء الماليه التي تواجهها هذه المنشات ال الحديثه ينصر دينك استاذ مختار والله العظيم اسمع عن جد كله حكي اه حكي كله حكي زي كاني انا واياك وقاعد قاعده هيك بقهوه ومجمعكم حوالي وماسك السيجاره وقاعد نص قاعده وقاعد بشرح لكم عن الاخبار العالميه الخلاصه حكي والله انها حكي حكي حكي بس انا بعرف احكي فانا قادر افهمك الخلاصه كمان مره معلومات جدا عامه حمايه مؤقته معناته الدوله بدها تدعم المنشات الحديثه ما بتقدم لهم حمايه عشان استاذ مختار قال لنا هذول المصانع تجبرهم انه يعتمدوا على حالهم حمايه القطاع الصناعي معناته نحن بدنا نوفر فرص عمل ونشجعه طيب هون احتفاظ بالمشروعات والخصخصه تخزنت هون متى بتتدخل ومتى بتتدخل تخزنت هون طيب اجينا لمعلومه نفذ الاردن برنامجا للخصه في نهايه التسعينات ومطلع العقد الاول من القرن الحالي الخلاصه انه اه يعني عادي الاردن عملتها وكثير دول عملوها تمام عادي انك بتعمل برنامج للخصخصه انك انت بعض المصانع والمنشات الحكوميه انك تحولها لقطاع خاص عادي تمام اجينا الان هون الحاله الرابعه موقف الدوله من الاستثمارات الاجنبيه استاذ مختار حكى لي عن موقف الدوله من الاستثمار بلغه سهله اهلا وسهلا يا مستثمر يلا بنعمل لك تخفيضات على الضرائب والجمارك اوكي فصرنا بيئه جاذبه للاستثمار الحاله الثانيه حكى لي انك انت بتاخذ موقف محايد الكتاب مش مشروحه بس انا بدي احكي لك اياها يعني نحن اهلا وسهلا بالمستثمر بس ما بنقدم لك لا دعم ولا مساعدات ولا تخفيض ضرائب ولا تخفيض جمارك بس مش مطلوبه منك كشرح الثالثه سياسه انتقائيه استاذ مختار قال لي اه تبع مصنع السيارات نحن ننتقي ونختار المستثمر اللي بده يجي عنا بناء على حاجتنا محتاجين مصنع سيارات بس مش محتاجين مصنع سجاد ابو مصنع السيارات والله اسمع منجيب جيبك من المطار نستقبلك ومنطعميك المنسف وعلى طريق المطار منغديك ومنعشيك وبنوديك على مدينه الملاهي وعلى عمان ويفز وبندلعك نقوا المستثمر اللي رح يفيدهم نقوا المستثمر اللي بحاجه له اللي اقتصادنا ما ما بيعرف يعمله فاجا قال لي يمكن للدوله ان تحزم امرها باختيار واحد من الاختيارات الثلاثه اولا تستقطب رؤوس الاموال من الخارج شو يعني بتقدم لهم حوافز اعفاءات ضريبيه او السماح بحريه التنقل براس المال ان شاء الله عادي يعني اهلا وسهلا بتحب تجيب عنا على الاردن 10 مليون مش رح نسالك من اين لك هذا بتحب تسحب 2 مليون مش رح نسالك وين موديهم تمام انت حر مما يؤدي الى زياده الاحتياطي من العملات الاجنبيه الحاله الثانيه اتفقنا بتاخذ الدوله موقف محايد والثالثه سياسه انتقائيه حكينا محايد يستقطب انتقاء انتقائي هذا قصه منقدم حوافز واعفاء ات ودلع وعمان ويفز ومنسف للمستثمر الاجنبي في قطاعات صناعيه محدده فقط دون غيرها استاذ مختار بقول لك اذا بتحب اكتب جنبها مصنع السيارات اللي هو مثال بس مش انه مطلوب هو مثال عشان تتذكر قصه الدلع اللي دلعناه لمصنع السيارات وقدمنا له حوافز نحن اخترناه اما المحايد قلت لك ما عليها شرح في كتابك بس وضحت لك اياها وان نستقطب رؤوس الاموال بنقدم لهم حوافز اعفاءات بخفض عليهم الجمارك بنقول لهم عادي انتم عندكم حريه انك تاخذ وتودي وتجيب اموال قد ما بدك عادي ما بالدولار ما عننا مشكله تمام باليورو بالن اللي بدك اياه انت مسموح لك اجينا هون فلما اقول لك حكي حكي يعني يا ريت عن جد لما اقول لك عن درس فعليا والله العظيم انه لطيف لطيف بس هو مشكلته حكي مشكلته حكي حكي حكي بس الفكره العامه سخيفه ف اجينا لخامسا استراتيجيه التصنيع هون برضه ما عليها شرح اتفقنا اما بنركز على صناعات خفيفه واما الدوله بتركز على صناعات ثقيله ما في شرح لهم في كتابك مش مطلوب منك تمام هيك خلص معك جدول اختيارات الحكومه ومسارات الحكومه اللي لازم تحدد الاختيار اللي بدها تمشي فيه حلو كثير فلو قلت لك شو رايك انا مت عارف شو رايك وواثق شو رايك والله انه طلع عن جد استاذ حكي زي كانك قاعد معنا وعم تحكي لنا قصه يعني عادي انه مش مش كتاب وعلم واسئله وزاريه ف شيء اجينا هون قربت مع التكنولوجيا اجا حكى لي تؤدي التكنولوجيا دورا محوريا في نجاح السياسه السياسه الصناعيه اذ لم تعد الصناعه الحديثه تعتمد على الموارد بل اصبحت تقوم على الابتكار تمام تسعى الحكومات بناء على سياساتها لدعم التكنولوجيا ودعم البحث وتطوير التكنولوجيا والطاقه المتجدده اللي بدي اياك تقراه من هون تمام انه الحكومه بسياساتها الصناعيه اصبحت تدعم التكنولوجيا والبحث العلمي وتطور التكنولوجيا المحليه والطاقه المتجدده وهي استاذ مختار كتب لك عليها قراءه لا تحفظها تمام بس اللهم عشان تعرف كيف الربط مع التكنولوجيا والان برضه حكى لي كذلك تعقد الحكومه شراكات مع مؤسسات بحثيه وجامعات وشركات دوليه لنقل التكنولوجيا وتوطينها تمام يعني الربط مع التكنولوجيا نحن الحكومه عم تعمل شراكه مع ناس خبراء ناس لهم علاقه بالبحوث بالجامعات بالتكنولوجيا عم نجيبهم عننا على البلد وتقدم لهم حوافز التي تستثمر في الات ذكيه وتحول رقمي فاذا كمان مره احنا الربط مع التكنولوجيا مرات لما بيكون في شغلات بدي اياكم تقراوها او تشوفوها بروح بخطط لك عليها وهذا من النقاط اللي خططت لك اياها فرجاء الله يرضى عليكم بتقراوها زي ما انا خططتها الحكومه بالسياسه الصناعيه بتدعم عن التكنولوجيا والبحث العلمي والطاقه المتجدده عملت شراكات مع مؤسسات وجامعات وشركات وقدمت لهم حوافز خاصه اللي بيستثمروا في الالات الذكيه او في التحول الرقمي فاجا حكى لي هون جمله فكلما ارتفع مستوى التكنولوجيا في الصناعه كلما زادت قدره الدوله على المنافسه وتحقيق اقتصاد نمو اقتصادي مستدام اه يعني هون استاذ زي كانها العلاقه طرديه كلما زادت زادت اه كلما زاد مستوى التكنولوجيا كلما زاد الاستقرار الاقتصادي وزادت قدره الدوله على المنافسه عالميا استاذ طب يعني هذا الربط مع التكنولوجيا مهم اه بس لازم تقراه لازم تقراه وصلتني معلومات مهمه جدا من الطلاب استاذ نحكي لك بصراحه وخاصه جماعتي بالمدارس بقولوا لي استاذ كل شيء انت بالحصه بالبطاقه بتحكي عنه قراءه احنا بنساه انت اللي بتقرر مش انا رجاء اذا انت طالب بتدور على العلامه الكامله ركز افهم صحصح شو هالجمله البسيطه اللي بدي احكي لك اياها انت يا ابو علامه كامله وانت يا ام علامه كامله ما بزبط لما استاذ مختار يكتب لكم قراءه نقول بيجي صح نسبته ضعيفه بس يا ابو ويا ام علامه كامله انتم القراءه لو 1% ممكن يجي لا اقراوه لا اقراوه بيطلع لي طالب بيقول لي انا بعرف اقرا احفظ يا عمي احفظوه بس ما تبعدوا عنه اما طالب بده علامه منيحه علامه مرتفعه مش علامه كامله يستثني كل مواضيع القراءه والمقدمات ماشي لانه اذا اجاه في الامتحان هو اصلا ما بدور على العلامه الكامله بيدور على علامه م منطقيه فلما نحكي قراءه بدنا نقراه وصولا لهي الصفحه رح ناخذ اي انتهى الجزء الاول رح ننهي الحصه ونفتح جزء جديد بعنوان جديد اللي هو الجزء الثاني من الدرس الخامس والاخير يعطيكم العافيه เฮ