تعبان ومش قادر تذاكر الحل هنا

حصل لك قبل كده انك قعدت على المكتب تذاكر وفجاه تلاقي عقلك بيقول لك انا تعبان وعايز انام طيب جربت تفتح الكتاب قبل كده ولقيت نفسك مش قادر تركز اهلا بكم انا فراج شاب بيدرس في الجامعه بيتقال عني شاب متفوق كنت بذاكر حوالي 12 ساعه في اليوم انت متخيل وفي يوم مشقوم صحيت من النوم عشان ابدا دراسه لقيت نفسي مش قادر اذاكر خلاص تعبت شهور كتير عدت وانا في نفس الحال لحد ما عرفت اربع حاجات ساعدتني اني ارجع اذاكر واتفوق حتى وانا تعبان وعشان كده انا جاي اقول لك عليهم في الفيديو ده بس المهم لو انت عايز فعلا تذاكر وقت التعب وما تخليش حجه تبطل بيها المذاكره فلازم تكمل الفيديو ده للنهايه اما لو انت غير كده فللاسف الفيديو ده مش ليك خالص اول حاجه بتقول لك سخن نفسك اي رياضي في الدنيا سواء لعيبه كره القدم او اي رياضي عموما عندهم قبل اي حاجه تمارين تمارين معينه بيعملوها هدفها تسخين الجسم والاستعداد للمباراه او للتمرين وده اللي بينطبق تماما على الدراسه فانت قبل ما تدرس لازم تعمل حاجه تساعدك تفوق وتخليك تخش فعلا في مود المذاكره وكمان تخليك نشيط عشان ما تكسلش وانت بتذاكر وعشان نفهم اكث بكل بساطه لو حسيت نفسك مش قادر فعلا تذاكر جرب تعمل تمارين الضغط واحده اجري شويه اعمل تمارين عشوائيه خد دش ساقع ده كله هيساعدك تستعيد نشاطك وتذاكر حتى لو انت تعبان انا بصراحه بعتبرها خدعه بنخد نخدع جسمنا عشان نجبره على المذاكره وفعلا مش كلام فرقت معايا كتير وانا بدرس لكن ده مش هيكمل من غير الحاجه رقم اثنين ثاني حاجه ذاكر بصوت عالي مش محتاج اجيب لك مصادر عشان اقول لك ان القراءه في صمت بتخليك تحس بالنعاس فبالتالي هتنام عايزك تسال اي شخص بيقرا هيقول لك اني بحب اقرا قبل النوم عشان ده هيخليني انام بسرعه فتخيل لو انت تعبان وداخل تذاكر وذاكرت في صمت وفي هدوء تام بالتاكيد هتلاقي نفسك مش قادر تكمل خمس دقاق على بعض طيب افراج الحقنا بسرعه طيب نفترض انك طبقت اول حاجه اتكلمنا فيها وخلاص بالفعل قعدت تذاكر هنا لازم تذاكر بصوت عالي تفاعل مع الماده وكانك بالضبط بتشرح لطلاب قاعدين قدامك لما تعمل كده هتحس فعلا ان انت مش تعبان ولا حاجه بالعكس هتلاقي نفسك عايز تكمل اكث واكث في المذاكره الحاجه رقم ثلاثه غير مكان المذاكره لو سالتك ايه اكث حاجه ممله في الحياه هتقول الروتين بمعنى لو في شخص بيعمل نفس الحاجه كل يوم وفي نفس المكان ده بيدي اشاره لعقلنا يخليه يقول ياه احنا كل يوم هنعمل نفس السيناريو ولان عقلك يا عزيزنا بيحب الانتخه هيديك احساس بالتعب فهتقول بس انا تعبان ومش عايز اذاكر فايه رايك لو منعنا العاده دي هتقول لي ازاي من فتره للثانيه غير المكان اللي بتذاكر فيه ادرس في البلكونه في الصاله في اوضه مختلفه في مكتب مختلف المكان الجديد هيكون بالنسبه لك جو جديد فهتح تحس بنشاط وهتتحمس اكت للمذاكره. الحاجه رقم اربعه والاخيره لازم تكافئ نفسك. في يوم كده كنت قاعد بقلب في التلفزيون عادي جه قدامي جمله. جمله غيرت حياتي تماما وخلتني انجز اكت. الجمله كانت بتقول لو عايز تنجز كافئ نفسك. في بدايه الامر كنت فاكرها جمله عاديه لكن مع الوقت والتجربه لقيتها جمله من ذهب. وهقول لك ليه. نفترض مثلا دلوقتي انت عايز تذاكر بس انت تعبان ومرهق. فهنا انت بتستسلم وبتقول يلا مش مهم اذاكر لما يكون عندي مزاج ونشاط. تخيل بقى لو انت قلت لعقلك بقول لك ايه احنا هنذاكر ومقابل ده هنلعب جيم بلاي ستيشن هنجيب الشيكولاته اللي بنحبها فكده انت بتثبت لنفسك ان ما فيش اعذار تمنعك من المذاكره فلو عايز تنجز مهمه حط مكافاه قدامك ده هيشجعك تكمل بعد كده ولو تعبان ومش حابب تذاكر قول لنفسك هنقوم نذاكر ومقابل ده لينا مكافاه عايزك تطبق الاربع حاجات دول وقول لي وصلت لايه في الكومنتات وخليني اقول لك ان الايه رقم 69 في سوره العنكبوت فيها كل الخلاصه فلو عرفتها اكتبها لنا ايضا في الكومنتات وبس كان معاك فراج والسلام عليكم.