تكنولوجيا المعلومات الصف السادس الدرس الخامس الوحدة الثالثة لغات البرمجة وحل المشكلات الرقمية

بسم الله الرحمن الرحيم السلام عليكم ورحمه الله وبركاته اهلا بكل طلاب الصف السادس الابتدائي في درس جديد من دروس ماده تكنولوجيا المعلومات والاتصالات والنهارده معادنا مع شرح الدرس الخامس من الوحده الثالثه بعنوان لغات البرمجه وحل المشكلات الرقميه ولكن قبل ما نتعرف على محتوى درس النهارده تعالوا كده نراجع مع بعض على الدرس اللي فات في الدرس اللي فات اتعرفنا على مؤتمرات الفيديو وعرفنا ايه هي اشهر منصات الفيديو اللي ممكن نستخدمها في محادثات الفيديو او مؤتمرات الفيديو زي جوجل ميت ومايكروسوفت تيمز والزوم وتعرفنا على خطوات استخدام برامج مؤتمرات الفيديو في انشاء اجتماع جديد او الانضمام لاجتماع كمان عرفنا ايه هي القواعد اللي لازم التزم بيه قبل مؤتمر الفيديو واثناء عمل مؤتمر الفيديو وبعد الانتهاء من مؤتمر الفيديو النهارده النهارده بقى معادنا مع الدرس الخامس لغات البرمجه وحل المشكلات وده اللي هنتعرف من خلاله على مفهوم لغات البرمجه وايه هي اشهر لغات البرمجه والفرق بينهم بالاضافه لاشهر المشكلات اللي ممكن تقابلنا اثناء استخدام الاجازه الرقميه وطريقه حلها اول حاجه ايه هي لغات البرمجه هي مجموعه من القواعد والرموز التي نستخدمها لاعطاء تعليمات واضحه لبرامج الحاسوب لكي يفهمها وينفذها بدقه يعني لغات البرمجه دي مجموعه من القواعد او القوانين القوانين والقواعد دي بتستخدم علشان اقول للبرنامج الموجود على جهاز الكمبيوتر امر معين علشان يقوم بتنفيذه فالكمبيوتر احنا عارفين انه جهاز ذكي ولكن الجهاز ده ما بيفهمش ولا العربي ولا الانجليزي ولا اي لغه من اللغات اللي بنتكلمها هو بيفهم اوامر مكتوبه الاوامر المكتوبه دي بتكون عباره عن قواعد او رموز مكتوبه بطريقه خاصه الطريقه دي اسمها ايه؟ لغات البرمجه اذا فلغات البرمجه هي اللغه التي يفهمها ايه الحاسوب مثلا لما بابا يقول لك ادخل ذاكر الدرس بتاعك فدي كده تعليمات واضحه بابا قالها لك طيب لو انت بتسال باباك سؤال وهو رد عليك وقال لك اعمل اللي انت عايزه من غير ما يقول لك معلومات محدده فانت كده هتبقى محتار نفس الفكره كده بالنسبه للكمبيوتر ولغات البرمجه لازم الاوامر اللي نكتبها للكمبيوتر تكون واضحه جدا علشان ينفذها بشكل سليم. دلوقتي بقى هنتعرف على لغتين من لغات البرمجه اللي ممكن نستخدمهم في انشاء صفحات الانترنت. اول لغه عندي لغه ترميز النص التشاعبي اتش تي ام ال تستخدم لبناء هيكل صفحات الويب مثل العظام التي تشكل جسم الانسان. يعني لغه الاتش تي ام ال دي اللغه اللي بنبني بيها شكل صفحه الانترنت يعني كده لو تخيلنا ان صفحه الانترنت زي جسم الانسان فالعضم اللي موجود في الجسم ده اللي بيحدد شكل الجسم ونفس الكلام لغه الاتش تي ام ال هي اللي بتحدد شكل الصفحه من ناحيه الالوان وحجم النص والعناوين الرئيسيه والعناوين الفرعيه فمن غير لغه الاتش تي ام اليب او صفحه المعلومات مات بيكون شكلها غير منظم والمحتوى اللي فيها ما بيكونش واضح ده كده بالنسبه للغه الاتش تي ام ال اللي هي لغه ترميز النص التشعبي اللي بتستخدم في بناء هيكل ايه صفحات الويب اللغه الثانيه عندي اسمها لغه الجافا سكريبت ايه لغه الجافا سكريبت تستخدم لجعل صفحات الويب تفاعليه وديناميكيه طيب يعني ايه الكلام ده يعني احنا قلنا في لغه الاتش تي ام ال اللي هي بتوضح الشكل بتاع الصفحه طب لو انا عايز الصفحه دي يبقى فيها حركه وتفاعل بين المستخدم والمحتوى الموجود على الموقع يبقى في الحاله دي بستخدم لغه الجافا سكريبت دي اللي بتضيف الحياه للصفحه فممكن اقول الاتش تي ام ال بتستخدم لانشاء صفحات الويب الثابته والجافا سكريبت بتستخدم لانشاء صفحات الويب التفاعليه او الديناميكيه زي مثلا صفحه الفيسبوك اقدر من خلال الصفحه دي ان انا اشارك المحتوى وارد على الاخرين ففي كده تفاعل او زي مواقع التسوق الالكتروني اقدر ادخل واشوف المنتجات واشتري منتج من خلال الموقع واكتب العنوان بتاعي علشان المنتج ده يوصلني لحد البيت لكن موقع زي موقع الاخبار مثلا ده بيعرض لي محتوى ثابت اقدر اطلع على المحتوى ده ولكن بدون تفاعل بيني وبين المحتوى فده الفرق بين لغه النص التشاعبي الاتش تي ام ال اللي هي اللي بتعرض محتوى ثابت وبين لغه الجافا سكريبت اللي بتعرض محتوى تفاعلي وديناميكي كمان لغه الجافا سكريبت تساعد في انشاء تتحرك او نوافذ تظهر على الصفحه فهذه اللغه تضيف الحياه الى الصفحه يعني من خلال لغه الجافا سكريبت اقدر اضيف ازر الازرار دي بتتحرك يمين وشمال بتدي شكل جمالي للصفحه وبتخلي الصفحه فيها حركه زي ما قلت لكم في المثال السابق اكنها بتضيف نوع من انواع الحياه والتفاعل بين المستخدم والمحتوى فمثلا لو انت في موقع وضغطت على زرار معين الزرار ده فتح لك قائمه او لقيت صوره بتتحرك او رساله بتظهر ليك بشكل مفاجئ ممكن تعمل اعجاب او مشاركه للرساله دي فده كله بيكون من خلال لغه الجافا سكريبت او المحتوى التفاعلي الديناميكي فالجافا سكريبت هي اللي بتحول الموقع من مجرد موقع ثابت لموقع في حاجات بتتحرك وتفاعل بينك وبين المحتوى دلوقتي بقى هنتعرف على المشكلات الرقميه الشائعه وحلولها المشكلات الرقميه الشائعه وطرق حلولها في عالم التكنولوجيا من الطبيعي ان تواجه بعض المشكلات فيما يلي اهم هذه المشكلات وكيفيه حلها يعني اي جهاز الكتروني او اي جهاز بيعمل بالتكنولوجيا طبيعي جدا انه يحصل فيه مشكلات فده شيء وارد احنا بقى هنتعرف في الدرس ده على بعض المشكلات اللي ممكن تقابلنا اثناء استخدام الاجهزه التكنولوجيه او الاجهزه الرقميه وازاي نقدر نحلها بسهوله اول مشكله عندي مشكله ملف تالف يعني ملف بيفتح وما فيهوش بيانات او ملف مش راضي يفتح خالص فازاي احل المشكله دي لو جيت افتح ملف على الكمبيوتر وما ارضيش يفتح اول حاجه تاكد من ان الملف يحتوي على ما تتوقع يعني نكون متاكدين ان الملف اللي احنا بنحاول فتحه في المحتوى اللي احنا عايزينه يعني مثلا ممكن انا اكون عايز افتح ملف في وورد لكن انا بشغل صوره فلازم اكون عارف نوع المحتوى اللي انا بفتحه ده ثاني حاجه حاول فتحه ببرنامج اخر اذ لم يفتح يعني لو جيت افتح ملف بي دي اف مثلا والملف ده ما ارضيش يفتح فاجرب برنامج لتشغيل ملفات البي دي اف غير البرنامج اللي انا بستخدمه لان ممكن تكون المشكله في البرنامج نفسه طيب لو انا اتاكدت خلاص ان الملف ده ثالث ايه الحل اقوم بحذفه لتجنب المشاكل اقوم بحذف الملف ده واقوم بتح تحميله مره ثانيه يبقى لو عندي ملف تالف اتاكد من ان ملف بيحتوي على الحاجه او البيانات اللي انا عايزها احاول فتحه ببرنامج اخر اتاكد ان الملف ده غير تالف ولو تالف اقوم بحذفه وتحميله من جديد ده كده بالنسبه للمشكله الاولى بالنسبه للمشكله الثانيه مشكله جهاز لا يشحن بوصل اللاب توب بتاعي او الموبايل بالشاحن والتليفون ما بيشحنش فقبل ما نقول الجهاز بايظ لازم نجرب بعض الحلول اول حاجه تاكد من ان كابل الشاحن يعمل جيدا اتاكد ان السلك الخاص بالشاحن سليم من خلال ان انا اجربه في جهاز ثاني لو شحن يبقى كده السلك ما فيهوش اي مشكله الخطوه الثانيه تحقق من مقبس الكهرباء او منظم التيار اتاكد ان الكهرباء شغاله واتاكد ان الفيشه واصله كويس ممكن يكون الفيشه مش واصله كويس في الكهرباء او الجاك الخاص بالشاحن مش واصل كويس فلازم لازم اتاكد من الوصلات بتاعتي طيب اتاكدت من كابل الشاحن ومن المقبس او منظم التيار اجي للخطوه الثالثه قد تحتاج الى استبدال البطاريه اذا كانت المشكله منها لو المشكله استمرت ممكن البطاريه الخاصه بالجهاز بتاعك تكون حصلت فيها مشكله ومحتاج تشتري بطاريه جديده زي مثلا لو الموبايل بتاعك مش راضي يشحن ساعات المشكله ممكن تبقى في السلك مش في الموبايل نفسه فلازم اتاكد من الحاجات الحجات الاسهل وبعد كده الحاجات الاصعب ده كده بالنسبه لتاني مشكله عندي وطرق حلها المشكله الثالثه مشكله نسيان كلمه المرور كلنا ممكن ننسى كلمات السر او بعض البيانات اللي بنستخدمها عشان كده اي موقع على الانترنت بيكون في زرار اسمه نسيت كلمه المرور فلو انا نسيت كلمه المرور الحل الاولاني انقر على الرابط الخاص بنسيد كلمه المرور هلاقي في اي موقع النص الحالي نسيت كلمه المرور او نسيت كلمه السر اضغط عليها هيظهر لي بعض الخطوات اللي من خلالها اقدر اعمل كلمه مرور جديده او استرجع كلمه المرور السابقه فبعد ما بضغط على الرابط الخاص بنسي كلمه المرور بتبع الخطوات الموجوده علشان اعمل كلمه مرور جديده بشرط ان كلمه المرور دي تكون قويه ده كده بالنسبه لمشكله نسيان كلمه المرور المشكله الرابعه عندي طرق حفظ الملفات من الافضل دائما اخذ نسخه احتياطيه من الملفات يعني ما ينفعش نحفظ الملفات بتاعتنا او الشغل بتاعنا في مكان واحد لان انا ممكن لو بحفظ الشغل بتاعي او ملفاتي في مكان واحد والجهاز اللي بستخدمه حصلت فيه مشكله هفقد الملفات دي للابد ومش هقدر استرجعها مره ثانيه فلو انت عندك صور مهمه وموجوده على الموبايل وخايف على الصور دي من التلف او السرقه او الضياع او ممكن جهاز الموبايل بتاعك يحصل فيه مشكله ويقف مره واحده ومش هتقدر تسترجع الصور دي فالافضل انك بشكل دائم تاخد نسخه من الصور دي وتحتفظ بيها على اي وسيط تخزين خارجي وده من خلال ايه بقى يمكنك حفظ الملفات في قرص خارجي يعني الملفات دي ممكن احفظها في هارد ديسك خارجي او حتى فلاشه كمان ممكن احفظ الملفات دي على خدمات التخزين السحابيه زي جوجل درايف وان درايف يعني لو انا مش عندي قرص خارجي او فلاشه ممكن اخد عليها نسخه احتياطيه من الملفات بتاعتي ممكن اخزن الملفات دي على السحاب على الانترنت وفي خدمات بتوفر ل التخزين السحابي زي خدمه جوجل درايف وخدمه وان درايف التابعه لشركه مايكروسوفت فالنسخه الاحتياطيه دي زي تامين كده على ملفاتك ضد الضياعه والتلف والسرقه نيجي بعد كده للمشكله الخامسه والاخيره عندي مشكله ملف لا يحذف بحاول احذف ملف من جهاز الكمبيوتر والملف مش راضي يتحذف تحقق من ان الملف يحتوي على رموز مميزه تمنع حذفه لازم اتاكد ان الملف ده ما فيهوش اي رمز خاص لان بعض الرموز الخاصه لو موجوده في اسم الملف وحاولت احذفه مش هيرضى يتحذف كمان اتاكد ان الملف ده مش مفتوح لان الملف لو مفتوح وحاولت احذفه مش هيرضى يتحذف لازم اقفل الملف واجرب احذفه فده كده كان درسنا النهارده النهارده اللي تعرفنا من خلاله ان الكمبيوتر بيفهم لغه خاصه بيه اسمها لغات البرمجه وتعلمنا كمان ان في مشكلات رقميه خاصه بالاجهزه واي مشكله رقميه بيكون ليها حل المهم نفكر في الحل بهدوء ونتبع الخطوات من الاسهل للاصعب علشان نوصل لحل المشكله بطريقه صحيحه في نهايه الدرس افكركم زي كل مره ان احنا هنلاقي في وصف الفيديو حل اسئله التقييم الاسبوعي الخاصه بالدرس درس بالاضافه لشرح جميع دروس المنهج ولو عندك اي سؤال او استفسار سيبه في التعليقات وما تنساش الاشتراك في القناه وتفعيل زر الجرس علشان يوصلك كل الدروس الجديده وانتظروني في درس جديد ومعلومه جديده على قناه افهم تكنولوجيا مع مستر عماد السيد والسلام عليكم ورحمه الله وبركاته. ‏Yeah.