هل سوق البرمجة ينهار فعلًا ولماذا تم تسريح آلاف المبرمجين

زلزال في سوق السوفت وير الفتره الاخيره ناس كتير بتترفد من شغلها بدعوه ان الشركه بتصفي وناس ثانيه بيدوروا على شغل بقى لهم فتره ومش لاقيين وحاسين باحباط شديد جدا وناس ثالثه حاسين ان الذكاء الاصطناعي خد خلاص الاماكن بتاعتهم وحاسين ان خلاص ما فيش امل والدنيا باظت ولو دخلت على لينكد ان هتحس ان انت دخلت مكان كئيب جدا كم من البوستات المحبطه غير عادي والناس قاعدين في حاله ارتباك شديده مش عارفين هو ايه اللي بيحصل يا جماعه هو خلاص كده ما فيش امل خلاص كده بقى نسيب المجال وندور لنا على حاجه ثانيه ولا الدنيا شغاله واحنا مش حاسين وانا بما اني صاحب شركه ولي علاقات بناس كثير اصحاب شركات منهم فعلا ناس قفلت شركاتها واتكلمت معاهم وجايب لكم الكلام والتفاصيل الكامله عن كل اللي بيحصل في سوق السوفت وير الفتره دي فكمل معايا الفيديو لحد النهايه عشان تفهم كل حاجه وتعرف تتعامل ازاي الفتره اللي جايه بالظبط عشان تلاقي الوظيفه اللي انت نفسك فيها يلا بينا الفتره اللي فاتت تحس ان انت خايف تدخل على لينكد ان كم البوستات اللي بتتكتب وكم الناس اللي بتشتكي بقى كتير جدا ويظهر ان في ترند معين او حاجه معينه بتتعمل لما حد بيشتكي والناس بيقعدوا يشيروا له البوست بتاعه ففي شركات بتشوف او ايا كان اللي بيحصل ايه المهم ان هو في الشكل ده ممكن يكون بيلاقي وظيفه او بيسهل على نفسه حاجه ولكن بيحبط ناس كثير ثانيين غيره الفكره ان الناس اللي بتنزل بوستات دي هل هي بتدلع ولا دي مشكله حقيقيه موجوده في السوق الاجابه ايوه في مشكله حقيقيه دلوقتي موجوده في السوق لكن قبل اما احكي لك المشكله ونتكلم في تفاصيلها انا حقيقي مش فاهم انت ازاي هتفضل تتفرج عليا وانت مش مشترك في القناه انزل يا باشا في القناه لان الكلام اللي بقوله لك ده انا جايبه من بق اصحاب الشركات وهكشف لك دلوقتي حالا الصوره كامله بص يا صديقي العزيز في شركات كتير قفلت في مصر الفتره اللي فاتت الاجابه اه في شركات صغيره قفلت في شركات متوسطه مشيت بال 20 وال3 مبرمج وفي شركات كبيره قفلت الديبارتمنت كله على بعضه طب الكلام ده بيحصل ليه؟ بمنتهى البساطه يا صديقي احنا كنا بنعدي بحاله حرب هتقول لي احنا ما كناش بنحارب الحرب ما كانش عندنا اقول لك الحرب كانت في الخليج وبالمناسبه مصر معتمده بنسبه كبيره جدا في المشاريع اللي بتيجي للشركات بتاعتها على الخليج والمشاريع اللي بتكون موجوده في مصر اه بتبقى كويسه ولذيذه ولكن مش بحجم المشاريع اللي بتجي لنا من بره عشان الناس التفهين اللي كانوا بيتكلموا بيقول لك يعني خلاص انتوا عندكم مش امان واحنا عندنا امان والكلام العبيط اللي كان بيتقال على السوشيال ميديا ده كله كلام فارغ لان حرفيا اي حاجه بتحصل في الخليج هتاثر عندنا تاثير كبير جدا فربنا يحفظ الناس كلها وان شاء الله الحرب ما ترجعش ثاني لما بدات الحرب الحكومه السعوديه والحكومه الاماراتيه وقفت المشاريع بتاعتها بالاضافه ان الناس العاديه اللي كانت بتعمل مشاريع نفسيا ما بقتش قادره تستثمر وتكمل في المشاريع بتاعتها فلما المشاريع دي وقفت الشركات اللي كانت شغاله عليها في مصر عندها موظفين كثير جدا مش قادرين يدفعوا المرتبات بتاعتهم الشهر الثاني الثالث قرر ان هو يخفض او قرر ان هو يقفل تماما طيب من بق اصحاب الشركات هل هو قفل وخلاص الموضوع خلص على كده الاجابه لا وهجاوبك بالتفصيل عن الموضوع ده في اخر الفيديو هتقول لي طب ما هو الحرب خلاص خلصت ليه الدنيا ماتحسنتش لحد دلوقتي هقول لك لان مش ده الظرف الوحيد اللي عامل ارتباك في سوق السوفت وير هتقول لي بس خلاص الشركات بيستبدلوا المبرمجين بادوات ذكاء اصطناعي بيوفروا فلوس ويطلعوا المشاريع اللي هم عاوزينها الاجابه لا الموضوع مش كده ده الموضوع اكبر من كده بكتير تعالى اقعد معايا على نفس الكرسي بتاع صاحب الشركه واوريك اللي بيحصل بالظبط انت النهارده قدامك عدد من المشاريع بتقدم مثلا على المشاريع دي وبتقدم عرض سعر فانت لما بتقدم عرض سعر عرض السعر بتاعك بيترفض تخش على مشروع برده تقدم عرض سعر عرض السعر بيترفض ليه عروض الاسعار بتترفض لان الشركه دي شغاله بنفس المطبخ بتاعها بنفس الدماغ بتاعتهم اللي كانوا شغالين قبل ادوات الذكاء الاصطناعي في شركات ثانيه قدرت انها تواكب وقدرت انها تدخل الادوات دي معاها فقللوا التكاليف اللي بتخرج من المشروع الواحد فبالتالي بقى قادر ينزل من اسعاره فبقى قادر ياخد مشاريع اكبر فالشركات اللي لسه مش عارفه تظبط المطبخ بتاعها وقعت في المشكله دي فاضطروا ان هم بيخسروا مشاريع كتيره ما فيش مشاريع بتدخل فخلاص احنا هنقلل الموظفين او ان احنا هنقفل طبعا الموضوع ده بيقع مسؤوليته على الطرفين اول طرف اللي هو المدير المدير المفروض ان هو يساعد التيم ان هم يطوروا من نفسهم ويدخلوا ادوات جديده ويسرعوا من انتاجيتهم لان اول واحد هيتضر هو ثاني واحد المبرمج المبرمج لازم كل فتره يتعلم ازاي يطلع شغله في وقت اقل لان في النهايه هو ده اللي بيقيمه صاحب البزنس وهو ده اللي بيشوفه وبالمناسبه عايز اقول لكم على حاجه ان في مشكله ثانيه كمان بتحصل ودي بالمناسبه حصلت حتى عندي انا في شركتي انا بيحصل ايه بقى انت بتيجي كمدير بتدخل ادوات جديده فالادوات دي بيحصل قصادها مقاومه ان الناس الموظفين نفسهم مش عايزين الادوات دي هو عايز يفضل شغال بطريقته القديمه او مش عارف يشتغل بيها او النتيجه اللي بتطلع له منها هو شايف انه لو اشتغلها بايديه هيطلع نتيجه افضل وطبعا اللي هو بيفكر فيه ده اكيد غلط لان الاداه دي هي فعلا هتسرع عليك بس لازم تتعلم تستخدمها ازاي وتستخدمها في ايه وتستخدمها امتى عشان تدي لك السرعه اللي انت محتاجها وده مش هيجي من يوم وليله ده هيجي مع فتره من استخدامها فموضوع المقاومه ده بيقريف المديرين فبيط اضطر المديرين ان هم يستبدلوا المطبخ القديم بمطبخ جديد فانا اللي هو انا همشي الناس واعين ناس جديده بالمنتاليتي اللي انا عاوزها عشان اساعد نفسي اطلع مشاريعي افضل كل دي اسباب ادت للهوجه اللي انت شايفها قدامك دي طيب هنوصل لايه الحال دلوقتي شكله عامل ازاي والدنيا جايه ازاي في المستقبل اول واحد صاحب البزنس اللي قفل بسبب قله المشاريع ده لا يمكن هيهدى ولا يمكن هيرتاح ده عباره عن مدمن مدمن نجاح ومدمن فلوس فبالتالي عمره ما هيقعد يط فرج ولا عمره هيقعد يستنى دايما هيقعد يدور وهيفرك وهيجيب مشاريع وهيرجع ثاني يعين الناس بنفس الطريقه والمدير اللي هو كان بيستبدل المطبخ بتاعه هيستبدل ويعين ناس جديده الفتره اللي جايه والناس اللي قفلت بسبب الحرب المشاريع هتبتدي تشتغل وهتعلى الفتره اللي جايه فبالتالي يا جماعه اي سوق في العالم هو بيمر بمجموعه من المرتفعات والمنخفضات ابز وداونز فاحنا كنا في حاله داون الفتره اللي فاتت بسبب الظروف اللي كانت حاصله والفتره اللي جايه هتبقى في حاله اب كويسه كسه جدا يجي السؤال اللي في بالك اكيد هل الشركات بقت بتعين سينيورز بس وما بقتش بتعين جونيورز الاجابه يا جماعه في الموضوع ده قطعا لا انا كشركه مستحيل اعين سينيورز بس ليه لان السينيور ده بيكبر في السن وفتره بيبطل كتابه كود وبيجي له عروض وبيمشي ومرتبه عالي وكبير وبيحتاج ان انا اوفر له حاجات كتيره جدا فبالتالي صعب جدا اخلي كل الناس اللي شغالين عند سينيورز ده انا لازم يكون عندي جينيورز والجينيورز دول لازم يستفيدوا من خبرات السينيور لان بعد سنه او سنتين هو هيترقى وهيبقى ميد ليفل وممكن ينفعني ويفيدني اكتر فانا لازم اكون كصاحب شركه بفكر بشكل استراتيجي ما فيش صاحب شركه يا جماعه بيفكر بالاسلوب ده تماما لازم في سينيور وفي جينيورز ولكن المشكله الازليه بتاعه الجينيورز هي ان في مجالنا الحصول على اول وظيفه مش سهل كده كده انت بتحس ان كل الشركات بتطلب خبره وان انت ما عندكش خبره فالفتره الاولانيه بتبقى صعبه عليك ولكن اول ما بتلاقي شركه ما بتسيبهاش غير على شركه ثانيه يعني كل اللي مطلوب منك يا صديقي العزيز تتعلم ازاي تدور على شغل مش معنى ان انت شاطر في اللي انت بتعمله انك تبقى شاطر في ان انت تدور على شغل ناس كثير جدا بيبقوا شاطرين في مجالهم بس مش عارف يسوق نفسه مش عارف يوري نفسه للشركات فدي مهاره انت لازم تتعلمها ولازم تطور نفسك فيها تتعلمها ازاي في طرق كثير جدا ممكن تسال الناس اللي اشتغلت ممكن تقرا كتب ممكن تاخد كورسات واحنا عندنا على اي تي ليجند الكورس بتاع كارير او بس اللي هو جزء من دبلومه الويب بتاعتنا اللي بنعلم فيها البرمجه من الصفر الكورس ده بيفهمك السوق بشكل عام وبيعلمك البيرسونال ماركتنج بيعلمك تعمل سي في وتعمل لينكد ان بيعلمك تعمل ايه قبل الانترفيو وتعمل ايه في الانترفيو يعني بيديلك الرحله كامله وبيديلك المهاره اللي انت ممكن تكون محتاجها في الوقت ده مش معنى ان انت مش لاقي شغل ان المشكله في السوق بس او المشكله فيك او المشكله في الكلام ده كله ممكن تكون مهاره بسيطه هتتعلمها وهتوفر عليك حاجات كتير اخر حاجه عاوز اقولها ان ما تسلمش دماغك للاحباط وما تسلم ما سلمش دماغك للبوستات الغريبه اللي بتنزل والناس اللي بتول والكلام ده كله لان في ناس كتير بيقبضوا وفي مصر ومرتبات كبيره ومن شركات مصريه مش من شركات اجنبيه كمان وقاعدين ساكتين وفي حالهم وما فيش اي مشكله فبالتالي ركز على نفسك ركز على مهاراتك ودايما استعد دايما استعد للفرصه عشان لما تجي لك الفرصه انت تبقى جاهز ما تبقاش انت الفرصه جايه لك وانت قاعد لسه محتاج تعمل وتعمل وتعمل والكلام ده كله ربنا يوفق الناس كلها الفتره اللي جايه وما تقلقوش من اي حاجه ان شاء الله الدنيا كويسه واشوفكم على خير في فيديو جاي سلام ‏L